Livro da vida

20 Bale, tshelə e mɔ mɔ mbrə ə̂në aafrɔ ayirə̂ djî əpʉ ama e kɔ ne, tshelə e mɔ mbrə ə̂në Ndjapä tâ əɨrɨ e mâ lafɔ gâ ye kɔ.»

3 Ayî, əbə ndje, djatra gbɔbəngâ kosəra nə̂ əmə, yï kəna zə kə əndje, əndje ə̂në ä də aəndje mbrə̂ awlra mbrə Ə̂rɔ̂ Əpʉ gâ ye kɔ, də Klema gâ ndə ə̂dû agbɔbəngâ kosəra nə ə̂në əɨrɨ əndje sə lə fraka sorô kɔ.

8 Azü tshepashɔ nɔ̂, əndje ə̂në əndje tâ əɨrɨ əndje tâ gâ lə fraka sorô nə̂ Aya Ndalimi nə ə̂në azü wô ətshə gâ ye kɔ, ə vɔ̂tə̂ nə kerə ə̂në Ndjapä mbrə̂ tshepashɔ kɔ ne, əndje sə kə vrɔ agia nə.

8 Agia nə ə̂në bə wû ətshə kɔ, tshə sə̂ je ətshinə, bale tshə sə sə je kwatə̂ye ne. Tshə sə kə afɔ lə âgbɔ̂ kudû nə ə̂në ə lî tə bandanə kɔ ə o ə na gâ ə̂sə̂ kə liwu ərə. Azü tshepashɔ, əndje ə̂në əndje tâ əɨrɨ əndje tâ gâ lə fraka sorô nə ne kerə pə tə̂ alɔ kə mbrə tshepashɔ nə kɔ, kumu əndje sə kə kpe pâ əndu əndje, alɔ ə̂në əndje sə kə wu agia nə kɔ, mbrə ə̂në tshə sə̂ je ətshinə, ə sə sə je kwatə̂ye ne â tshə wutu kwatə̂ye je.

Alɔ ngbanga tə bale nə

11 Bale mandânə, mə wû ə̈bə̈ əgerə ə̂mbî mbata ngerə də ətshə nə ə̂në tshə sə̂ gâ tʉ gâ pâ nə kɔ. Tshelafɔ də ashɔ kpê ətshi ye gâ ye â ə sə̂ sə̂ je kwatəndje ne. 12 Bale, mə wû akuzu, aâgbɔ̂ əndje də aəngʉ əndje, əndje kâ gâ lafɔ gâ ətshi mbata ngerə nə. Əndje ndjɔ̂ tshela alabə̈ afraka, â əndje ndjɔ̂ tshela ə̈bə̈ ata fraka nə ə̂në ə sə tə fraka sorô kɔ. Əndje wâ ngbanga gâ pâ akuzu nə ə lï də ərə ə̂në əndje tâ gâ lə afraka nə kɔ, Lïndə̂ aərə ə̂në əndje mbrə̂ gâ ye kɔ. 13 Ə̂ngû əngbrʉ kô əndʉ akuzu ə̂në əndje sə̂ lə ye kɔ gashu, kuzu də ə̂sə̂ akuzu kô əndʉ akuzu ə̂në əndje sə̂ lə əndje kɔ gashu, â əndje wâ ngbanga gâ pâ əndje ə lï də aərə ə̂në əzü bale bale mbrə̂ gâ ye kɔ. 14 Mandânə, əndje zâ kuzu gâ ndə ə̂sə̂ akuzu nə ə wlî əndje gâ ala âgbɔ̂ kudû əwo. Ala âgbɔ̂ kudû əwo nə kə də̂ bishi kuzu nə. 15 Əzü nɔ̂ ə̂në əndje sɔ̂tə̂ əɨrɨ ye sɔ̂ lə fraka sorô nə ne kɔ, əndje zâ ətshə ə wlî ətshə gâ ala âgbɔ̂ kudû əwo nə.

27 Ə̈bə̈ əmbrʉ ərə wala ə̈bə̈ awombrə aərə kene wala əyïəterə ə li li gâ lə nə alɔ bale ne, bale kʉtə̂ əndje nə ə̂në əndje tâ əndje əɨrɨ əndje gâ lə fraka sorô nə̂ Aya Ndalimi nə kɔ kə li.

5 Rəkɔ, əzü ə̂në tshə sɔ lagbanga, tshə yi aə̂mbî aləba je. Mə sə sə kə gba tshelə əɨrɨ ye lə fraka sorô alɔ bale ne, mə sə kə yerɔ ətshə kpro də əɨrɨ ye ətshi Abä əmə də ətshi atrawaya nə̂ ye.