Mal

13 बुराईया ते कृणा करनी ई यहोवे री पग्ति करने रे बराबर ए;

कमण्ड, गर्व ओर बुरी चाला ते ओर उल्ट फेरो रिया गल्ला ते बी आऊँ बैर राखूँई।

10 यहोवा तिना ते प्यार करोआ जो बुराईया ते कृणा करोए।

से आपणे पग्ता रे प्राणा री रक्षा करोआ

ओर तिना खे दुष्टा रे आथो ते बचाओआ।

14 बुराईया ते दूर रओ, ओर जो खरा ए सेई कर!

हमेशा कड़ी मईणत कर ताकि लोक एकी-दूजे साथे शान्तिया दे रई सको।*

133 आपणे वादे रे मुताबिक मेरे पैर मजबूत कर

ओर केसी बी अनर्थ गल्ला खे मां पाँदे राज नि करने दे।

16 आपू खे तोई की पवित्र करो, मेरिया आखी रे सामणे ते आपणे बुरे काम दूर करो, आगो खे बुराई करना छाडी दो,*

7 तैं आपू खे आपणियां नजरा रे अक्लमंद नि समजणा,

यहोवे रा डर मानणा, ओर बुराईया ते लग रणा।*

8 जे तू एड़ा करेगा, तो ये एक अच्छी दवा रे जेड़ा ऊणा,

तेरे काओ ठीक ऊणे ओर तेरिया दर्दा खत्म ऊणिया।

21 बुराईया ते नि आरो, बल्कि पलाईया ते बुराईया खे जीती लओ।

9 प्यार बिना कपटो ते ओ, बुराईया ते नफरत करो, पलाईया रे लगे रे रओ।

आखरी निर्देश

17 एबे ओ साथी विश्वासियो, आऊँ तुसा ते बिनती करूँआ कि तिना लोका ते चौकस रओ जो तेसा शिक्षा रे खलाफ, जो तुसे पाई राखी और से फूट पड़ने और ठोकर खाणे री बजअ ओए। तिना ते दूर रओ।

5 जोति न्हेरे रे चमकदी रई; पर न्हेरा तिजी पाँदे हावी नि ऊई सकेया।

15 खबरदार! कोई केसी साथे बुराईया रे बदले बुराई नि करो, पर सदा पलाई (भलाई) करने रे आगे रओ, आपू बीचे और सबी साथे बी सदा पलाईया रे काम करने री कोशिश करो।

21 सबी गल्ला खे परखो, जो अच्छी ये तेसा खे मानेया करो। 22 हर प्रकारा री बुराईया ते बचे रे रओ।

13 आसा खे परीक्षा रे नि ल्याओ,

पर शैतानो ते बचाओ, कऊँकि राज्य, पराक्रम और महिमा तुसा री ए। आमीन्।’"

15 "आऊँ ये प्रार्थना नि करदा कि तूँ तिना खे दुनिया तेई चकी लो, पर ये कि तूँ तिना खे तेस दुष्टो ते बचाई कि राख।

7 यहोवा से आ जो हर खतरे दे तुसा री देखपाल़ करोआ।

से तुसा रे जीवनो खे बचाई की राखोआ।

8 प्रभुए तेरे जाणे-आऊणे रे

तेरी रक्षा एबुए ते लई की सदा तक करदे रणा।

18 और प्रभुए आऊँ हर बुरे कामो ते छुड़ाणा और आपणे स्वर्गो रे राज्य रे बचाई की पऊँचाणा, तेसरी ई महिमा जुगो-जुगो तक ऊँदी रओ। आमीन्।

11 परमेशरो रे सारे अथियार बानी लो, ताकि तुसे शैतानो री योजना रे सामणे खड़े रई सको।

12 कऊँकि म्हारा ये मल़युद्ध खून और मासो ते बणे रे माणूंआ ते निए, बल्कि प्रदाना ते और अधिकारिया ते और एसा दुनिया रे न्हेरे रे हाकिमा ते और तेस दुष्टो री आत्मिक सेना साथे ए, जो सर्गो रे ए।

26 जे तुसा खे रोष आई जाओ तो एसा गल्ला रा त्यान राखो कि तुसे रोषो रे पाप नि करो। सूरज डूबणे तक तुसा रा रोष नि रओ 27 और ना ई शैतानो खे मौका देओ।

20 जबकि तुसे मेरिया तँईं बुराईया रा बिचार कित्तेया था; पर परमेशरे तेसी गल्ला रे पलाईया रा बिचार कित्तेया, जेते की से एड़ा करो, जेड़ा कि आजके दिनो रे सामणे ए कि बऊत सारे लोका रे प्राण बची जाओ।

21 इजी री खातर मनो रा सारा मईल और सारी दुश्मणदारिया खे दूर करी की परमेशरो रे वचनो खे नरमाईया रे अपणाओ, जो दिलो रे राखी राखेया और जो तुसा रे प्राणो खे बचाई सकोआ।

9 जे आसे आपणे पापो खे मानी लऊँ, तो से म्हारे पाप माफ करने और आसा खे सारेया पापो ते शुद्ध करने रे विश्वासो जोगा और तर्मी ए।

20 तेबे तिने बोलेया, "जो बुरिया गल्ला माणूंआ रे मुंओ ते निकल़ोईया, सेई तेसखे अशुद्ध बणाओईया। 21 कऊँकि माणूंए रे मनो रे बुरे-बुरे बिचार, व्याभिचार, चोरी, अत्या, 22 परस्त्रीगमन, लोब, दुष्टता, छल, लुचपण, बुरी नजर, निन्दा, कमण्ड और मूर्खता निकल़ोई। 23 यो सब बुरिया गल्ला पीतरो तेई निकल़ोईया और माणूंए खे बुरा बणाओईया।"

12 बैर राखणे ते तो चगड़े ई पैदा ओए,

पर प्यारो साथे गल्ला करने ते सारे पाप टखी जाओए।*

9 लोका ते बोलो कि स्वर्गदूता री सेना रा यहोवा ईंयाँ बोलोआ, कि जो सच्च ए सेई करो, ओर एकी दूजे साथे दया ओर कृपा रा बर्ताओ करो। 10 बिदुआ जवाणसा रा फाईदा नि उठाओ। जिना बच्चेया रे बाओ मरीगे दे ए, तिना अनाथा साथे बुरा बर्ताओ नि करो। परदेशी लोका या गरीब लोका साथे बुरा बर्ताओ नि करो। एकी दूजे रे खलाफ बुरिया योजना नि बणाओ।"