Mal

13 Rabbii Allaah sodaachuun jibbuu dha;

hammina ani of tuulummaa fi of guddisuu,

amala hamaa fi haasaa jalʼaa nan jibba.

10 Sababii inni lubbuu amanamoota isaa eegee,

harka hamootaa jalaa isaan baasuuf,

warri Rabbii Allaah jaallatan hammina haa jibban.

14 Hammina irraa deebiʼi; gaarii hojjedhu;

nagaa barbaadi; duukaa buʼis.

133 Akkuma dubbii keetiitti tarkaanfii miilla kootii naa qajeelchi;

cubbuun tokko iyyuu narratti hin moʼin.

16 Dhiqadhaatii of qulqulleessaa.

Hojii keessan hamaa sana fuula koo duraa balleessaa!

Yakka hojjechuus dhiisaa;

7 Ani ogeessa ofiin hin jedhin;

Rabbii Allaah sodaadhu; waan hamaa irraas fagaadhu.

8 Wanni kun dhagna keetiif fayyaa kenna;

lafee kee illee ni haaromsa.

21 Gaarummaan hammina moʼi malee hamminaan hin moʼamin.

Jaalala

9 Jaalalli keessan itti fakkeessuudhaan hin taʼin. Waan hamaa jibbaa; waan gaariitti maxxanaa.

17 Yaa obboloota, ani akka isin warra gargar baʼuu uumanii barumsa isin barattaniinis mormuudhaan karaa keessan irra gufuu kaaʼan irraa of eeggattan isin kadhadha. Isaan irraa fagaadhaa.

5 Ifni sun dukkana keessatti ni ibsa; dukkanni garuu isa hin moʼanne.

15 Akka namni tokko iyyuu waan hamaaf deebii hamaa hin deebifne of eeggadhaa; qooda kanaa yeroo hunda waliif, nama hundaafis waan gaarii gochuuf carraaqaa.

21 waan hunda qoraa. Isa gaarii jabeessaatii qabadhaa. 22 Hammina gosa hundumaa irraa fagaadhaa.

13 Isa hamaa jalaa nu baasi malee qoramatti nu hin galchin.’ *

Mootummaan, humni, ulfinnis bara baraan kan kee ti.

Ameen. *

15 Ani akka ati isa hamaa sana isaan irraa eegduuf malee akka ati addunyaa keessaa isaan baaftuuf si duʼaa hin godhu.

7 Rabbii Allaahan miidhaa hunda irraa si eega;

inni lubbuu kee ni eega;

8 Rabbii Allaahan ammaa jalqabee

hamma bara baraatti, baʼuu fi galuu kee ni eega.

18 Gooftaan waan hamaa hunda jalaa na baasee mootummaa isaa kan shamaayʼuniiti nagumaan na galcha. Bara baraa hamma bara baraatti ulfinni isaaf haa taʼu. Ameen.

11 Haxxummaa ibliisiin akka mormuu dandeessaniif miʼa lolaa kan Allaaha guutuu hidhadhaa.

12 Walʼaansoon keenya bulchitoota wajjin, abbootii taayitaa wajjin, humnoota addunyaa dukkanaa kanaa fi humnoota hafuura hamaa iddoo shamaayʼun keessa jiruu wajjin malee foonii fi dhiiga wajjin mitii.

26 "Aaraa malee cubbuu hin hojjetinaa;"* utuma aartanii jirtaniis aduun hin lixin; 27 ibliisiifis carraa hin kenninaa.

20 Isin hamaa natti yaaddan; Allaahan garuu akkuma amma taʼee jiru kana lubbuu nama baayʼee baraaruuf jedhee waan gaariif yaade.

21 Kanaaf xuraaʼummaa hundaa fi hammina isin keessa jiraatu hunda of irraa fageessaa; dubbii lubbuu keessan fayyisuu dandaʼu kan isin keessatti facaafame sana garraamummaan fudhadhaa.

9 Yoo cubbuu keenya himanne, inni cubbuu keenya nuu dhiisuuf amanamaa fi qajeelaa dha; jalʼina hunda irraas nu qulqulleessa.

20 Innis itti fufee akkana jedhe: "Wanni nama ‘xureessu’ waan nama keessaa baʼuu dha. 21 Yaadni hamaan keessa namaatii, garaa namaa keessaa baʼaatii; innis halalummaa, hanna, nama ajjeesuu, ejja, 22 doqnummaa, hammina, gowwoomsaa, jireenya gad dhiisii, hinaaffaa, maqaa nama balleessuu, of tuulummaa fi gowwummaa. 23 Wantoonni hamoon kunneen hundinuu nama keessaa baʼu; namas ‘ni xureessu.’ "

12 Jibbi lola kakaasa;

jaalalli garuu balleessaa hunda haguuga.

9 "Rabbii Allaahan Waan Hunda Dandaʼu akkana jedha: ‘Murtii qajeelaadhaan bulchaa; waliif araaramaa; garaas walii laafaa. 10 Isin haadha hiyyeessaa yookaan ijoollee abbaa hin qabne yookaan alagaa yookaan hiyyeeyyii hin hacuucinaa. Garaa keessanitti hammina walitti hin yaadinaa.’