Maria

Kupondigwa kwa Yesu kwangudamligwa

26 Kuli mwezi wa sita wa himila ya Elisabeti, Nguluwi nakamlajiza mhilisi wa kilanga yalinguchemigwa Gabulieli, yalute kuli muji ulinguchemigwa Nasaleti, kuli isi ya Galilaya. 27 Nakoya kwa mhinza yumwe yalinguchemigwa Maliya, yabanichilwe na munhu yumwe itagwa lyake Yusufu wa lukolo lwa mndewa Daudi. 28 Mhilisi wa kilanga nakaluta kwa heye, nakamlamsa, "Kulamka! Mkulu Nguluwi kahamwe na hegwe, naye kakutambichiza ng’hatu!"

30 Ila yula mhilisi wa kilanga nakamlonjela, "Maliya, uleche kudumba! Nguluwi nakakugalila kunoga kwa heye. 31 Lole, kowa na himila, hamba koponda mwana mlume na komchema itagwa lyake Yesu. 32 Heye kowa mng’hangala na kochemigwa Mwana wa Nguluwi yawele kuchanya ng’hatu. Mkulu Nguluwi komdita yawe mndewa kota vyoyali sekulu wa heye Daudi. 33 Kowa mndewa wa lukolo lwa Yakubu mazuwa gose na undewa wa heye wowa hela kuduma!"

Kupondigwa kwa Yesu Kilistu

18 Lelo ahi ndo vyoyapondigwe Yesu Kilistu. Maliya, mayake Yesu, nakabanichilwa na Yusufu. Ila lowawele wang’hali kihola kota munhu na mche wake, Maliya nakewona kana himila kwa ludali lwa Muhe Yelile.

Lwimbo lwa maliya.

46 Maliya nakalonga,

"Nhumbula ya heni yangumutogola Mkulu,

47 na muhe wa heni wangusangalala kwa Mbuli ya Nguluwi mlohozi wa heni,

48 Lekachoni nakang’humbuchila, chitumagwa wa heye yaliholile!

Kulawila sambi na kulutilila, wanhu weng’ha wonyhema yatambichizwe,

49 kwa vinhu vikulu Nguluwi vyoyaditile.

Itagwa lya Nguluwi ndo lyelile.

50 Isungu lya heye lyanguwalutilaga wala walingumdumba,

lyangikalaga lulelo mbaka lulelo.

51 Nakadita mbuli ng’hulu kwa moko wa heye.

Nakawasambalula walingidaya kuli nhumbula za hewo.

52 Nakawadulisa wandewa kulawa kuli vigoda vya hewo vya undewa,

nakawakwiniza wala waliholile.

53 Wawele na nzala nakawagutiza vinhu vinojile,

wawele na lufufu nakawaleka walute moko yeng’ha.

54 Nakamtanza Isilaeli chitumagwa wa heye,

kwa kukumbuchila isungu lyake.

55 Kota vyowalongane na wakulu wa hetwe,

Abulahamu na ulelo wa heye mazuwa gose."

4 Yusufu nakalawa muji wa Nasaleti kuli isi ya Galilaya nakaluta muji wa Betelehemu ya mkowa wa Yudeya koyaleligwe mndewa Daudi. Yusufu nakaluta ako kwa vila nayali wa lukolo lwa Daudi. 5 Nakaluta kuza wazigwa hamwe na mchewake Maliya heye Maliya nayali na himila. 6 Lowawele ako zuwa lya Maliya kuponda nalifika, 7 nakaponda mwana wa mwaluko mlume, nakamvika vibende vya chiwana na kumuwasiliza kuli honhu ha kudila misenga. Kwa vila nawahusa honhu ha kuwasa kuli ng’handa za wajenzi.

19 Ila Maliya nakagawika na kijesa aga geng’ha mnhumbula ya heye.

34 Simoni nakamtambichiza, nakamlonjela Maliya mayake, Mwana ayu nakahaguligwa na Nguluwi kuwifya na kigala ulohozi, kowalohola wanhu wenji wa Isilaeli. Heye kowa ulajilo wa chinhu chilemigwa na wanhu. 35 Majesa ga wanhu wenji gozangoneka hazelu usungu uwele ukali kota ipanga woihoma nhumbula ya hegwe.

48 Wahaza wake lowamuwene wekala mlomo mwazi. Mayake kamuuza, "Gwa gomwana lekachoni kutuditila ahi? Mhaza wa hegwe na heni twali tukupala kwa isungu." 49 Heye kawalonjela, "Lekachoni mnzengumala? Hamvizelele nanganigwa ndikale mng’handa ya Mhaza wa heni?" 50 Wahaza wa heye hawavizelele chila choyali yowalonjela.

51 Yesu kahiluka hamwe mbaka aho Nasaleti, kawahulika. Mayake kawika geng’ha gala mnhumbula.

3 Divai loimalile, mayake Yesu nakamlonjela mwanage, "Wahela divai." 4 Yesu nakamwidichila mayake, "Mamo uleche kundonjela cha kudita kwa vila mhela wa heni ung’hali."

5 Aho mayake Yesu nakawalonjela walingukola mijito, "Choneche choyowalonjela, mkole."

25 Habehi na msalaba wa Yesu nawali wemile Maliya yawele ndo mayake Yesu na lumbu wa mayake na Maliya mche wa Kileopa na Maliya Madelena. 26 Yesu loyamuwene mayake honhu hala hamwe na mlanguswa wa heye yamganile, nakamlonjela mayake, "Mamo! Ulole, ayo ndo mwanago." 27 Kahi nakamlonjela yula mlanguswa, "Ulole, ayo ndo mayako." Kulawila mhela awo yula mlanguswa nakamhola mayake Yesu leka yekale hakaye hake.

Mamo na wang’holoze Yesu

31 Hamba mayake Yesu na wang’holoze nawoya hala honhu, hoyali yolangusa Yesu, nawema kunze, nawamlajiza munhu yenjile mng’handa yakamcheme. 32 Wanhu nawali wamemile kwa heye. Lelo wanhu nawamlonjela, "Mayako na wang’holozo wa kunze wangukupala hegwe." 33 Yesu nakamlonjela, "Mayangu na wang’holozangu ndo whaani?" 34 Aho nakawalola awala wekale hala honhu, nakalonga, "Mlole! Awa ndo mayangu na wang’holozangu. 35 Munhu yoneche yalingudita goyalingugana Nguluwi ayo ndo mng’holozangu na lumbulyangu na mayangu."

55 Ndaze, ayu hawele yula mwana wa selemala? Ndaze, mayake hawele nguchemigwa Maliya? Na wakulugwe achina Yakubu na Yusufu na Simoni na Yudasi? 56 Na walumbuze ndaze, hawawele hamwe na hetwe? Lelo kagapata kohi aga geng’ha?"

14 Awa weng’ha naweting’hana kumlanda Nguluwi, hamwe na wadala wamwenga na Maliya mayake Yesu na wang’holoze.