Maria
Maria, mãe de Jesus, é honrada nas Escrituras como a mulher escolhida por Deus para trazer ao mundo o Salvador. Sua fé, humildade e obediência são exemplo para todos os cristãos.
A escolhida de Deus
O anjo Gabriel anunciou a Maria que ela seria mãe do Filho do Altíssimo. Ela respondeu com fé: 'Faça-se em mim segundo a tua palavra.'
Ke ọyọhọ ọfiọñ itiokiet, Abasi ama ọdọñ kpasuk enjel Kebrel aka ke Nasaret, obio kiet ke Kalili, ebine eyenọwọñ añwan emi akanam mikpereke erenowo emi ekeñwọñọde ndinọ owo emi ekerede Josef ke ndọ. Enyiñ eyen añwan oro ekedi Meri.
Enjel ama aka ebine enye onyuñ ọkọdọhọ Enye ete, "Mọkọm fi, afo emi Abasi amade eti eti! Abasi odu ye afo."
Edi Enjel ama ọdọhọ enye ete, "Kufehe ndik Meri, koro Abasi, enende iso ye afo. Idibighike afo eyeyomo onyuñ aman eyen eren, ndien afo eyesio Enye enyiñ Jisọs. Enye eyekpon eti eti ndien eyekot Enye eyen ñkoññkan Abasi. Ọbọñ Abasi eyenọ Enye ebekpo ubọñ Ete Esie Defid. Ndien Enye eyekara ofuri ufọk Jekọb ke nsinsi; Obio Ubọñ Esie idinyuñ inyeneke utit."
Ndien emana Jisọs Kraist ekedi ntem: Ke ema ekemen Meri eka Esie enọ Josef ke ndọ, mbemiso mmọ enyene ebuana añwan ye ebe, ema eyarade efiọk ete ke enye oyomo idibi oto ke odudu Edisana Spirit.
O Magnificat
Maria cantou: 'Minha alma engrandece ao Senhor!' Seu cântico exalta a misericórdia, o poder e a fidelidade de Deus.
Ndien Meri ama ọdọhọ, ete,
"Ukpọñ mi otoro Ọbọñ,
Ndien spirit mi adara ke Abasi emi anyañade mi,
koro Enye ama otim ese
usuhọde itie ofin añwan Esie,
ọtọñọde ke emi kpukpru emana eyedọhọ ete, ọfọfọn ọnọ mi.
Koro Enye emi enyenede odudu akan, amanam ikpọ ñkpọ ọnọ mi;
Enyiñ Esie edi, Edisana.
Mbọm Esie ebe esim kpukpru emana
akpanakpan emana mmọ emi ebakde Enye.
Enye amanam mme ikpọ ñkpọ odudu ke ubọk Esie,
Enye onyuñ asuan mme mmọ emi etañde idem ke ekikere mmọ.
Enye odoñode mme ada ukara ke ebekpo mmọ efep
edi emenerede mbon nsuhọde idem ke enyọñ,
Enye onyuñ ọyuhọ mbon ọbiọñ ye mme nti ñkpọ,
edi enam mme enyene ñkpọ enyọñ ubọk ubọk,
Enye ama añwam ikọt Esie Isrel,
ke editi mbọm Esie
mbaña Ebraham ye ubon Esie ke nsinsi,
kpa nte Enye eketiñde ọnọ mme ete ete ñnyin."
Ntre ñko ke Josef okoto ke obio Nasaret ke Kalili aka Betelehem ke Judia, obio Edidem Defid, koro enye okotode ekpuk ye ñkọk emana Defid. Enye ama asaña ye Meri emi ekenyimede ndinọ enye ke ndọ aka ndisin enyiñ ke ñwed. Ini uman Meri ama ekpere.
Ke adañaemi mmọ ekedude do, ini uman Meri ama ekem. Ndien enye ama aman akpa eyen esie, eyen eren. Enye ama awañ enye ke ọfọñ nna, onyuñ emen enye esin ke usin udia ufene, koro ufọk isen ke obio ama ọyọhọ kpak, anam mmọ ikenyeneke itie ke ufọk isen.
Edi Meri ama odip kpukpru mbuk oro ke esit esie, onyuñ aka iso ndikere mbaña mmọ kietkiet.
Simiọn ama ọdiọñ kpukpru mmọ, edi enye ọdọhọ eka esie Meri ete, Enim Eyen emi ndidi ñkpọ iduọ ye ñkpọ ñkọri nnọ ediwak owo ke Isrel. Onyuñ edi idiọñọ emi etiñde ikọ edian. Akañkañ eyesiak ukpọñ fo ñko, man oto do eyarade ekikere esit ediwak owo.
Idem ama akpa ete ye eka Esie ke ini mmọ ekekutde Enye. Eka esie ama ọdọhọ Enye ete, "Eyen, nsinam afo anamde ñkpọ ye ñnyin ntem? Ami ye ete fo ikodu ke oyomonsia ke ndiyom fi."
Enye ama obup mmọ ete, "Nsinam mbufo ekesañade eyom Mi? Nte mbufo ifiọkke ite ke Ami ñnyene ndidu ke ufọk Ete Mi?" Edi mmọ ikọfiọkke se ikọ oro Enye eketiñde ọwọrọde.
Ntre ke Enye akafiak ọnyọñ Nasaret ye mmọ onyuñ edi eyen ñkop item ọnọ mmọ. Edi eka Esie ama omum kpukpru mme ñkpọ emi akama ke esit esie.
Mãe fiel até o fim
Maria acompanhou Jesus desde o nascimento até a cruz. Ela estava entre os discípulos no Pentecostes, fiel em oração.
Ke ini wain ama okokure ke ufọt usọrọ, eka Jisọs ama ọdọhọ Enye ete, "Wain isuhọke aba inọ mmọ."
Jisọs ama ọbọrọ enye ete, "Eka, ñkemeke ndinam baba ñkpọ kiet kaña ke emi, ini Ami ndinam utibe ñkpọ ikemke kaña."
Ndien eka Jisọs ọdọhọ mme asañautom ete, "Enam se ededi emi Enye ọdọhọde mbufo ete enam."
Mmọ emi ekedade ekpere etoñkpa Jisọs ekedi Eka Esie, eyeneka eka Esie Meri, ñwan Klopas, ye Meri Makdalin. Ke ini Jisọs okokutde Eka Esie do ye mbet emi Enye akamade nte edade, Enye ama ọdọhọ eka Esie ete, "Enye edi eyen fo."
Ndien onyuñ ọdọhọ mbet Esie ete, "Enye edi Eka fo". Ọtọñọde ke usen oro, mbet Esie oro ama ada eka Jisọs ọnyọñ ufọk esie.
Ekem eka Jisọs, nditọ eka ye nditọ ete Esie iren ema edisim. Mmọ ekeda ke añwa ndien edọñ owo oduk okokot Enye. Otu owo ema etie ekanade Jisọs, ndien mmọ ema edọhọ Enye ete, "Eka fo, nditọ ete ye nditọ eka fo iren mmọ ke añwa ke eyom fi."
Jisọs ama obup mmọ ete, "Anie edi eka mi? Mme anie edi nditọ ete ye nditọ eka mi iren? Enye ama emenede enyin ese mme owo oro eketiede ekanade Enye onyuñ ọdọhọ ete, ‘Emi edi eka mi ye mme nditọ ete ye nditọ eka mi iren.’ Owo kiet ekededi emi anamde se Abasi oyomde enye anam edi eyen ete mi eren, eyen eka mi añwan ye eka mi."
"Nte Enye idighe eyen kabinta? Nte eka Esie ikereke Mmeri? Nte nditọ eka Esie iren inyuñ ikereke Jems, ye Josef, ye Saimọn, ye Judas? Nte mme nditọ eka esie iban iduhọ mi ye ñnyin? Ke mmọñ ndien ke owo emi ada kpukpru mme ñkpọ emi?"
Mmọ kpukpru ema ebuana ebiet kiet ke akam kpukpru ini, ye Meri eka Jisọs ye mme nditọ eka Esie iren.