Marido e mulher
O casamento é aliança sagrada entre marido e mulher, instituída por Deus desde o Éden. A Bíblia define papéis complementares fundados em amor, respeito e fidelidade mútua.
Instituição divina
Deus criou homem e mulher e os uniu em uma só carne. O casamento é projeto divino que reflete o amor de Cristo pela Igreja.
Lelo Nguluwi nakamlumba munhu kwa kiwhana na heye. Ena, kwa kiwhana na heye nakamlumba. Nakawalumba mlume na mdala.
Hamba Mkulu Nguluwi nakalonga, "Hainojile ayu mlume yawe yaliyeka. Ndomditila mtanzi yanojile."
Kwa chiwalo acho, mlume komleka mhaza na mayake na kilumba na mche wake, nawo awo weli wowa lukuli lumwe.
Yesu nakawedichila, "Ndaze, hamsomile kuli Maandiko Matakatifu kota Nguluwi yamlumbile munhu kulawila mwaluko nakalumba mlume na mdala? Baho nakalonga, ‘Kwa chiwalo acho mlume komleka mhaza na mayake, na kilumba hamwe na mdala wa heye, nawo weli wowa lukuli lumwe.’ Leka ahyo, hewo hawele weli kahi ila yumwe. Lelo choyalumbanize Nguluwi, munhu yaleche kulekaniza."
Ndaze, Nguluwi hawaditile mweng’ha weli muwe lukuli lumwe na muhe yumwe? Ndaze, nayali yonuwila choni vyoyagaditile ago? Ndikomya nayali yonuwila hemwe mponde wana wawele womdumba heye. Ahyo milolele leka hawe haduhu ne yumwe hali hemwe yawele kowa kahela makundo kwa mche wake.
Papéis no casamento
O marido ama e a mulher respeita. Ambos se submetem voluntariamente a Deus e um ao outro, em parceria e unidade.
Namwe walume, muwagane wache wa hemwe kota Kilistu vyoyachiganile chilundo cha wanhu walingumkunda Kilistu, mbaka nakaulavya ukomu wa heye kwa chiwalo cha chilundo cha wanhu walingumkunda Kilistu. Nakadita ahyo leka kwa ulonzi wa heye yachiwiche chiuyeng’ha kwa Nguluwi chilundo cha wanhu walingumkunda Kilistu, hala loyachihovuje kuli mazi, leka yapate chilundo cha wanhu walingukunda Kilistu chiwele chelile na chinojile ng’hatu, chilundo cha wanhu walingumkunda Kilistu chilihela chinhu chihile, ama udesi ama wihe unji, ila chiwele chelile, chilihela nongwa. Hihyo du walume wawagane wache wa hewo kota ng’huli za hewo. Mlume yalingumgana mchewake kangigana yuye. Haduhu munhu yalinguulema lukuli lwa heye, ila kanguludita lugute na kululolela kota Kilistu vyoyalinguchiditila chilundo cha wanhu walingumkunda Kilistu,
Hemwe wache muwahulichize walume wa hemwe kota vyomulingumhulichiza Mkulu. Kwa vila mlume ndo mutwi wa mchewake kota Kilistu vyoyawele mutwi wa chilundo cha wanhu walingumkunda Kilistu, naye Kilistu Mlohozi yuye nakachigombola chilundo cha wanhu walingumkunda Kilistu nawo ndo lukuli lwake. Wache wawahulichize walume wa hewo kota chilundo cha wanhu walingumkunda Kilistu vyochilingumhulichiza Kilistu.
Ila chila mlume yamgane mchewake kota vyoyalingigana yuye na chila mche yamhulichize mlume wa heye.
Malanguso kuli ng’handa za Wakilistu
Hemwe wadala, muwahulichize walume wa hemwe, kwa vila ndovyoyogana Mkulu. Na hemwe walume, muwagane wadala wa hemwe na mleche kuwa mng’ang’ale kwa hewo.
Malanguso kwa chiwalo cha walume na wadala
Hemwe wadala, muwahulichize walume wa hemwe, leka wone wawe baho walume wawele hambe wakunde ulonzi wa Nguluwi, wakunde kwa kuwinza madito ga hemwe. Haiwa lupichi kwa hemwe kulonga ulonzi, kwa vila wokona madito ga hemwe logawele gelile na gakumuhulichiza Nguluwi.
Hihyo du namwe walume, kuli kikala na wadala wa hemwe mwanguganigwa kuvizela kota hewo wahela mong’ho kota hemwe, ahyo mumhe katogo, mina na hewo kahi wobochela hamwe na hemwe ndolendole ya ukomu yalinguwapa Nguluwi. Aho kulanda kwa hemwe kohulichizwa.
Fidelidade e união
O casamento é honroso e deve ser preservado com fidelidade. O cordão de três dobras não se rompe facilmente.
Fola kuwa wanhu weli kusinda yumwe, kwa vila howowa hamwe wokola mijito goya kwa kitanza. Wone yumwe hali hewo kogwa myage komwinula, ila wone munhu kogwa na kayeka, yowa ndo mbuli yihile ng’hatu kwa vila kowa haduhu wa kumtanza kwinuka. Wone kuwe na chipute wanhu weli wowasa hamwe leka kigalila ivuche, ila munhu koweza ndaze kigalila ivuche heye yaliyeka? Munhu yawele yaliyeka koweza kusumigwa na munhu yunji, ila wanhu weli woweza kumtowa na kumsumya munhu ayo. Kahi ng’weso itawigwe goya ng’hatu kwa nyuzi zidatu, haiweza kudumuka himahima.
Mdala yalingumdumba Mkulu Nguluwi
Mdala yawele na nhumbula inojile kangoneka kohi?
Ayo ndo yanojile ng’hatu kusinda johali.
Mlume wa heye kangumkundaga ng’hatu,
kwa heye kopata chinhu cha mzidi ng’hatu.
Yalingumpata mche nakapata chinhu chinojile,
ako ndo kunoga kulawa kwa Mkulu Nguluwi.
Ng’handa na lufufu ndo uhalizi woyalingupata munhu kulawa kwa wasekulu wa heye,
ila mche yawele na luhala kangulawaga kwa Mkulu Nguluwi.
Mdala yawele na nhumbula inojile ndo lutogo kwa mlume wa heye,
ila yalingumbasa soni mlume wa heye ndo kota chilonda mmizeje ja heye.
Nzasa ya hegwe itambichizwe,
usangalale kwa chiwalo cha mchewako youmuholile louwele msongolo.
Ndo kanoga kota ibala, kangujenda goya kota chifuno.
Mhambaga ya heye ikugalile kusangalala chila mhela,
ugale mazuwa gose na matombo ga heye.
Permanecer juntos
O que Deus uniu, o homem não separe. A Bíblia protege o casamento e orienta sobre convivência, perdão e perseverança conjugal.
Mbuli ya kuhesa
Lelo kuwala mbuli zila zomwandiche. Ena, ndo inoga kwa munhu wone hambe yahese, ila kwa chiwalo cha ung’hondwa, lelo, chila mlume yawe na mche wake na chila mdala yawe na mlume wake. Mlume kanguganigwa yadite galinguganigwa kwa mche wake, naye mche yadite galinguganigwa kwa mlume wake. Mche kahela ludali kuli lukuli lwake, ila mlume wake, hihyo du mlume kahela ludali kuli lukuli lwake, ila mche wake. Chila yumwe wa hemwe yaleche kulemeza lukuli lwa heye kwa miyage, ila hala homikundiza kudita ahyo kwa mhela udo leka muwe na mhela wa kulanda. Hamba mihiluchile kahi leka Limazoga lileche kuwajeza kwa chiwalo cha maya ga hemwe.
Kwa wala wawele na wache ama walume ndanguwapa mzilo awu, hauwele wa heni ila wa Mkulu. Mche yaleche kileka na mlume wa heye, ila wone yowa ahyo kanguganigwa yekale ne kuhesigwa ama yahanyiswegwe na mlume wa heye. Mlume naye yaleche kumwandichila kalatasi ya luleko mche wa heye.
Ahyo, wone yohambe yakunde kangugana kumleka myage yawele Mkilistu, yamleche. Aho ayo Mkilistu yawele mlume ama mche kowa yelejehe. Kwa vila Nguluwi nakawachema hemwe leka mikale kwa kikala goya. Hegwe mche kwanguvizela ndaze kota komlohola mlume wa hegwe? Ama hegwe mlume kwanguvizela ndaze kota komlohola mche wa hegwe?
Kota vila, mdala yaholeche kanguwohigwa na malajizo mhela weng’ha mlume wa heye yang’hali mkomu, ila wone mlume wa heye yabagame, mdala ayo halingulongozwa na malajizo.
Malajizo ganji
"Mlume yaholile behi baha yaleche kuluta kuli ngondo na yaleche kupegwa mijito joneche jinji, yalechigwe yawe yelejehe kwa mwaka umwe, leka yekale haluga na kusangalala na mchewake.