37 तैनी ज़ोवं, "तू परमेशरे अपने प्रभु सेइं अपने सारे मने सेइं ते अपनि सैरी जानी सेइं ते अपनि सैरी अक्ली सेइं प्यार केरा।

2 धेरतरे नईं पन सुर्गेरे चीज़न पुड़ ध्यान लाथ।

15 एल्हेरेलेइ रोड़े च़ारे हेरा, कि केरि ज़िन्दगी ज़ींने लगोरेथ। बेअक्लां केरि ज़ेरि नईं पन अक्लमन्दा केरि ज़ेरि ज़िन्दगी ज़ीथ। 16 ते मौको कीमती समझ़ा, किजोकि दिहाड़े बुरेन।

3 किजोकि अवं तैस परमेशरेरे अनुग्रहेरे वजाई सेइं ज़ै मीं मैल्हो, तुसन मरां हर एक्‍की सेइं ज़ोताईं, कि ज़ेन्च़रे समझ़ोरू लोड़े, तैस करां कोई भी अपनो आप जादे न समझ़े, यानी कि ज़ेत्रो विश्वास परमेशरे तुसन दित्तोरोए तैसेरे मुताबिक अपने आपे समझ़ा।

13 केत्रो धने तै मैन्हु ज़ैस अक्ल मैलतीए, ते तै मैन्हु ज़ै समझ़ हासिल केरे,

8 ज़ै अक्ल हासिल केरते, तै अपने प्राणे प्यार केरनेबालो ठहराते;

ते ज़ै समझ़ रखते तैसेरू भलू भोते।

17 ज़ेन्च़रे लोंह लोंहे चमकाते,

तेन्च़रे मैन्हेरू तुत्तर अपने दोस्तेरे साथे सेइं चमकने बालू भोते।

5 बेवकूफ अपने बाजी केरि शिक्षारो इन्कार केरते,

पन ज़ै डांटी मन्ते, तै समझ़दार भोइ गाते।

28 बेवकूफ भी ज़ैखन च़ुप रहते, तैखन अक्लमन्द गनो गाते;

ते ज़ै अपनु आशी बन्द रखते तै समझ़ी बालो गनो गाते।

12 अक्लमन्द मैन्हु मुसीबत एइती हेरतां छ़पते;

पन सिद्धे-सादे लोक अग्रोवं च़ले गातन ते नुकसान झ़ैलतन।

24 "एल्हेरेलेइ ज़ै मेरी गल्‍लां शुनते ते तैन पुड़ अमल केरते त तै तैस अक्लमन्द मैन्हेरो ज़ेरो भोल्हो, ज़ैनी अपनु घर शफड़ी पुड़ बनेवरूए।

13 तुसन मरां ज्ञानी ते समझ़दार कौने? ज़ै एरो भोए तै अपने कम्मन रोड़े चाल चलने सेइं तैस नम्रता सेइं साथी बांदो केरे ज़ै ज्ञाने सेइं पैदा भोतीए।

2 किजोकि मीं इन थापेरू थियूं, कि तुसन मां यीशु मसीह, बल्के क्रूसे पुड़ च़ाढ़ोरे मसीहेरे अलावा होरि कोई गल न केरि।

20 किजोकि तैसेरे आहेरे गुण, मतलब तैसेरी सदारी शक्ति, ते परमेशरेरो सुभाव दुनिया बनानेरे वक्तेरे देंतो तैसेरे कम्मन सेइं हेरने मां एइते, इड़ी तगर कि तैन लोकन कां कोई बहानो नईं।

18 किजोकि जादे अक्ली सेइं दुख भी भोते,

ते ज़ै अपनु ज्ञान बद्धाते तै अपनो दुख भी बद्धाते।