Milagres de Jesus

Yesu akuvananicha vanu vavili vagaya meho

27 Yesu akahegile baha na peakali igenda vanu vavili vagaya meho vakamfuatile kuno viyova, "Utuwonele lusungu Mwana va Dawudi!" 28 Yesu peingile mukaya, vanu vavili vagaya meho, vakamuhelelie na mwene akavahuchile, "Wuli, mwikwidikila kuva ndivesa kuvagitila njowo ilyo?" Vene vakamhigile, "Ndakyene, Mtwa." 29 Baho, Yesu akagabyasile meho gyao, akalongile, "Iveche ngita pemukwidikila." 30 Meho gyao gakadinduliwa. Yesu akavakanile, "Mbihile kumlongela munu yeyonda njowo ichi." 31 Ila vene vakahegile, vakahele kulandula njowo cha Yesu muinyi ila yonda.

Yesu akuvananicha vanu vavili vagaya meho

29 Yesu peakali ihega mumwani va Yeliko, na vanu volofu hilo, vakamfwatile. 30 Suwe, kukali na vagaya meho vavili vakalile palubali lya mung’asi na pevapulike kuva Yesu ichumbila bahala, vakabwatile, "Mtwa, Mwana va Dawudi, utuwonele lusungu!"

31 Lila lipinga lya vanu likavakabusa na kuvalongela vachike. Ila vawo vakaginicha kubwatuka, "Mtwa, Mwana va Dawudi, utuwonele lusungu!"

32 Yesu akahimile, akavakemela na kuvahucha, "Mwikela ndivagitile liki?"

33 Vakamuhigile, "Mtwa, tusaka tulole."

34 Suwe, Yesu akavawonela lusungu, akavakolela meho gyawo, bahobaho vakavesile kulola. Vakamfwatile Yesu.

Yesu ekumnanicha munu yeabofwike meho ukoya Betisaida

22 Yesu akafikile Betisaida pamwinga na vachulila vake, ukoya vanu vakamletie munu yeabofwike meho, vakamsuka ambyalise. 23 Yesu akamkolela liwoko yula munu yeabofwike meho, akamsindika kwivala lya mwani. Akamfunyila miti mumeho ga yula munu yeabofwike meho na kumvikila mawoko mumeho, Yesu akamuhucha, "Wiwesa kulola kinu kyokyonda?" 24 Yula munu yeabofwike meho akalola, akalonga, "Ndilola vanu ila vewoneka ngita mibiki gyegigenda." 25 Yesu akamvikila kangi mawoko mumeho ga yula munu, nave akahulutule meho, umwimike vake va kulola ukamuhuya, akalola kila kinu savasava. 26 Yesu kamlongela ahelele kukaye lyake na kumkanila, "Ubihile kuchumbila kukijiji kingi chumbaniche kukaye lyako!"

Yesu ekumnanicha munu munya kisaya king’ali na mdindamatu

31 Baho Yesu akahega kuinyi lya Tilo, akachumbile pagati lya Sidoni, afikile hadi Dekapoli yaani inyi genye myani kumi, akafikile lihiva lya Galilaya. 32 Baho vanu vakamsindike munu munya kisaya na mdindamatu. Vakamsukile Yesu amvikile mawoko. 33 Yesu akamvikile patali na lipinga lya vanu. Akavika fyala fyake mulisigicha gya munu yula. Pambele akafunya miti mufyala fyake, na kuubyalisa lumili lwa munu yula. 34 Pambele Yesu akalolile kukyanya paluhano, akapepile muhe kwaludali na kumlongela munu yula, "Efata" Mana lyake "Dinduka!" 35 Bahobaho masigicha gya munu yula gikadinduka na lumili lwake ukali lipefu, akavanga kuywanga unofu. 36 Yesu akavakanila vabihile kumlongela munu yeyonda cheagitile. Ila kila peagina kuvakanila, ndifyo vakagina kulanducha njowo hicho. 37 Vanu vonda vakadudwive mno, vilonga, "Kagita fyonda finu unofu. Kavaponela vanu vadindamatu vaka pulika na vanu sevavesa kuywanga vakaywanga."

Yesu akumnanicha Balitimayo munu abofwike meho

46 Suwe vakafikile Yeliko, Yesu peakali ihuma kumwani na vachulila vake pamwinga na lipinga likomi lya vanu, munu yumwi yeabofwike meho, litawa lyake Balitimayo, mwana va Timayo akali akalile mulibali lya ng’asi esuka vamtange.

47 Peapulike kuva ndi Yesu va Nasaleti akali echumba bahala, akavanga kumkemela kwa lisauti likomi, "Yesu, Mwana va Dawudi! Muwonele lusungu!"

48 Vanu volofu vakamlakia na kumlongela achike, ila mwene akagina kukemela kwa lisauti likomi, "Mwana va Dawudi, niwonile lusungu!"

49 Yesu imile na kulonga, "Mumkemele."

Suwe vakamkemie yula yeabofwike meho, vakamlongie, "Wikangache! Wime akukukemela."

50 Mwene akatagile patali mwenda vake, akaimile na amuhelelie Yesu.

51 Yesu akamuhucha, "Ukela ndikugitie liki?"

Yula munu yeabofwike meho akamuhigile, "Muwalanichi, ndikela kulola."

52 Yesu akamlongie, "Bite, mbatwa lyako ikuponyile."

Bahobaho yula munu yeabofwike meho akavesile kulola, akamfuatile Yesu mumng’asi.

Yesu akumnanicha munu yeapofwike meho

35 Yesu peafikile pepi na mwani va Yeliko, kukali na munu yumwi yeapofwike meho ekalile pang’asi akisuka. 36 Munu yula yeabofwike meho, peapulike lipinga lya vanu lichumba akahuchile, "Kuna liki?"

37 Vala vanu vakamuhigile, "Yesu va Nasaleti echumba."

38 Mwene apasile lichwi akilonga, "Yesu, Mwana va Dawudi, niwonele lusungu!"

39 Vale vanu yevalongue vakamlakila ayigale, ila mwene endelie kubwatika. "Mwana va Dawudi, niwonele lusungu!"

40 Yesu emile, akavalagiche vamsindike munu uyo kwamwene. Yula yeapofwike meho peafikile pepi, Yesu akamuhuchile, 41 "Ukela ndikugitile liki?" Mwene akahigile.

"Mtwa, ndikela kulola."

42 Yesu akamlongie, kwakuva unidikile, "Nonde lole!"

43 Bahabaho yula yeapofwike meho akavesa kulola, akamfuatile Yesu akimnjuma Nguluvi. Vanu vonda pevalolile ago navo fifila vamnjuma Nguluvi.

Yesu ekumnanicha munu yeababilwe abofwike meho

1 Yesu peakali ichumba amuwonile munu yumwi, abofwike meho kuhuma pebabilwe. 2 Vachulila vake vakamuhucha, "Muwulanichi! Ndiani yeagitile sambi, munu uyu awu vala yevambabile?" 3 Yesu akahigile, "Uyu seagitile nongwa na vala yevambabile sevagitile sambi, ila ababilwe abofwike meho neke ludali cha Nguluvi iyonike ikigita kasi mugati lyake. 4 Kukiva ave palumie tuendelise kugita kasi cha yula yeandilagiliche, kwakuva pamie ukwacha munu seiwesa kugita kasi. 5 Pendave muinyi, nene ndi welu va inyi." 6 Peamalile kulonga ago, akafunya miti panyi, akahanganise na uganga likahumila lidope, akambaka yula yeabofwike meho muwuso, 7 akamlongie, "Helele ukakalave mulitanda lya Siloamu." Siloamu mana lyake ndi "Yealagilichwe" Baho yula yeabofwike meho akahelela, akakalava wuso, akawuya kuno akilola.

2 Suwe, akachile munu yumwi mwene lukalavilo na akamufugamile na akalongile, "Mtwa, ngita ukela, vawesa kuning’alicha!" 3 Yesu akagonjolola liwoko, akambyalisa na kulonga, "Ndikela! Ung’alichwe." Baho yula munu akananile lukalavilo vake. 4 Pambele, Yesu akamulongiye, "Ubihile kumlongela munu yeyonda, ila helele uyiwonese kwa mtekechi na kuhecha usembe ngita pealagiliche Musa, uveche uswida kuva unanile."

2 Baho, vanu vakamsindikile munu yumwi munya lugaso, agonichwe mukitefu. Yesu peawonile kudikila kwa vene, akamlongiye munu yula munya lugaso, "Mwana vangu wuyikangache! Ulekilwe sambi chako." 3 Vamonga va vawulanichi va malagilicho vakavangile kuhocha, "Uyu munu akumliga Nguluvi!"

4 Ila Yesu akagachele mahocho gyawo, akavahuchile, "Wuli, muhocha mawofu munumbula chenu? 5 Nde liki kyekigehe kipefu kulonga, ‘Ulekilwe sambi chako awu kulonga,’ ‘Wime ugende?’ 6 Ndeni ndisaka mchele kuva Mwana va Munu agehe na umwimike baha pa inyi va kuvawonela lusungu sambi." Baho akamlongie uyo munu munya lugaso, "Wime, nyamule kitefu kyako na helele kukaye lyako!"

7 Yula munu munya lugaso akaimile, akahela kukaye lyake.

10 Mumo, kukali na munu yumwi munya liwoko lugaso. Suwe, vanu vakamuhuchile Yesu, "Wuli, ndi ngiba kumnanicha munu Kigono kya Kutulula?" Vakamuhuchile ndeni neke vawese kumlata.

11 Ila Yesu akavalongiye, "Tulonge, yumwi venu agehe na kondolo vake yeagwilile mulilindi, wuli, seukumbata na kumuhecha umo kigono kya kutulila? 12 Ila, munu ndingiba hilo kuchumba kondolo! Suwe, ndi ngiba kugita manofu Kigono kya Kutulula." 13 Baho, akamlongile yula munu, "Konjolole liwoko lyako." Akakonjolola, nago wukali unanile ukali ngita wula wungi.

30 Maye yumwi, mganafu va Simoni, akali pa ulili evawuwa ng’ali, vamlongie njowo cha Yesu. 31 Ndena Yesu akahelela kwa yula mtamwa, amkoliye akamwinamula na kumwinamula. Ila kuvauwa kwahumile, akamnachiche naye ivangile kuvatelekela.

Yesu akumnanicha munu yeali na ukalavilo

40 Munu yumwi akali na ukalavilo akahelela kwa Yesu, akafugamile na kumlongela, "Peukela, wiwesa kuning’alila!"

41 Yesu akamwonile lusungu, agonjue liwoko lyake, akambyalisa na kumlongela, "Ndikela kung’alila!" 42 Bahobaho ukalavilo ukamuhuma munu yula, kang’ala.

3 Baho vafikile vanu vatai, vamnyamue munu munyalugaso vakamsindike kwa Yesu. 4 Kwakuva lipinga lya vanu likali likomi vakalemwile kumsindika kwa Yesu, vatobuwe pono pa kitufili yeigehe pakyanya pono peagehe Yesu. Pevapatile pono, vakamkwisa yula munu akiva avasile pa kitefu. 5 Yesu pealolile ludikilo lyawo, akamlongie munu yula munyalugaso, "Mwana vangu, ulekilwe sambi sako." 6 Vamonga va vawulanichi va malagicho pevali vikaliye pala vakahocha mnumbula chawo. 7 "Wuli munu uyu ilonga ifyo? Ekumliga Nguluvi! Ndi ani yeiwesa kuvalekela sambi, ila Nguluvi yumwene?"

8 Baho, baho Yesu akachele mahocho gyawo, akavalongela, "Wuli, muhocha ndeni munumbula chenu? 9 Njowo liki lipefu hilo, kumlongela munu uyu munyalugaso, ‘Ulekilwe sambi chako,’ awu kumlongela; ‘Wime tegule litefu lyako ubite?’ 10 Nondee ngamchela kuva Mwana va Munu anago umwimike va kuvalekela sambi chawo muinyi. Baho Yesu akamlongiye yula munu munyalugaso." 11 "Ndikulongela wime, tegule kitefu kyako uwelele kukaye lyako!" 12 Yula munu munyalugaso akawime, akategula kitefu kyake akagenda pautalo pa vanu vonda pevilola njowo lula lukavaduduvile vanu vonda, vakamnjuma Nguluvi, vakilonga, "Tukali setupatila kowona njowo ngita yili haa!"

Yesu ekumnanicha munu munya liwokolugaso

1 Yesu ingile kangi pa kaya lya kutang’anila Vayawudi, na ukoya pakali na munu munya liwokolugaso. 2 Vanu vakali vamchindile amponyele munu huyo kigono kya kutulula neke vapatile kumlata. 3 Yesu akamlongie yula munu munya liwokolugaso, "Wime pautalo neke kila munu akulole." 4 Suwe, Yesu akavahucha, "Ndeunofu kigono kya kutulula kugita njowo lunofu awu kugita njowo lihofu? Kuwokola maisa awu kudocha?" Ila vawo vakachikile. 5 Yesu kavalola vonda kwa kuvipa, akasugwime kwakuva lya usugu vawo. Suwe, akamlongie yula munu, "Gonjolola liwoko lyako!" Nave akagonjolola liwoko lyake, ukava uponile ndakyene.

Yesu ekumnanicha munu munya ukalavilo

12 Yesu peakali ku mwani wumwi, akaachile munu yumwi munya ukalavilo muvili vonda. Munu yula peamwene Yesu, akajigwise ufuma akamsukile Yesu, "Mtwa, ndichela wiwesa kuninanicha neke nding’ale."

13 Yesu akagolue liwoko, akambyalise na kulonga, "Ndisaka! Unane!" Bahobaho wula ukalavilo ukamuhuma.

18 Baho vanu vangi vakaachile, vamnyamue munu munyalugaso paulili, vakasakile kumwingicha mugati vamvike pautalo pa Yesu. 19 Ila sevakawesile kwingila mugati kwakuva kukali na vanu volofu, baho vakakang’ie pakyaya pa kituvili kuno vamnyamue mtamwa, vakatobuwe kituvili pono pe agehe Yesu, vakamkwisile munu munya lugaso muluhaga, vakamvikile pautalo pa Yesu. 20 Yesu pealolile mbatwa yawo ngomi, akamlongie yula mtamwa, "Mwato vangu, ulekilwe sambi chako."

21 Vawulanichi va malagicho na Vafalisayo vakavangile kwiwucha. "Uyu nde ani yekumliga Nguluvi? Yeani yeiwesa kuvalekela sambi? Nguluvi yumwene yeiwesa kulekela sambi!" 22 Yesu akachele mahocho gawo, akavahucha, "Mwihocha liki munumbula chenu? 23 Nde liki lipefu hilo, kulonga, ‘Ulekilwe sambi chako,’ awu kulonga, ‘Wime ugende’? 24 Ila ndisaka muchele kuva nene Mwana va Munu ndigehe na umwimike va kuvalekela vanu sambi muinyi." Baho akamlongie munu munyalugaso, "Wime utegule luhaga lyako na uhelele kukaye."

25 Bahobaho yula munu munyalugaso akaemile pautalo lya vonda, akategule luhaga lyake na kuhelela kukaye kuno akumnjuma Nguluvi.

Yesu ekumnanicha munu munya liwoko lugaso

6 Kigono kingi kya Kutulula, Yesu ingie mu Kaye lya Kutang’anila Vayawudi na kuvawulanicha. Mula mugati kukali na munu munya liwoko lyandeo lyelugasile. 7 Vafalisayo na vawulanichi va malagicho vakali visaka nongwa lya kumulata Yesu, ifyo vakali vakumlolela kwa pepi neke valole ngita ngaamnaniche munu mu Kigono kya Kutulula. 8 Ila Yesu achelile mahocho gawo, akamlongie yula munu munya liwoko lugaso, "Wime kwime pagatigati." Yula munu akahele kwima pagatigati. 9 Baho, Yesu akavahuchile vawulanicha va Malagilicho na Vafwalisayo, "Kuhumila na Malagilicho gyetu, nde unofu Kigono kya Kutulula kugita lukani lunofu awu kugita lukani luhofu? Kunanicha wumi va munu awu kumdocha?" 10 Akavalolile vanu vonda vevagehe baho, baho akamlongile yula munu munya liwoko lugaso, "Gonjolola liwoko lyako!" Akagitile ngita Yesu peamlongie na liwoko lyake ukananilwe.

Yesu ekumnanicha mnyigendwa mkomi va vapuga va ku Lumi

1 Yesu peasindile kulonga gala geasakile vanu va pulike, akahele mwani va Kapelinaumu. 2 Ukoya kukali na mkomi yumwi va vapuga va ku Lumi yeakali na mnyigendwa vake yeamkelile hilo. Mchulila yula akali mtamwa agehe pepi kufuwa. 3 Yula mkomi va vapunga peapulike luchowo lwa Yesu, akavalagiche vamonga lya vavaha va Kiyawudi vahele vakamsuke ache kumnanicha mchulila vake. 4 Pevafikile kwa Yesu, vamsukile hilo, vakilonga, "Munu uyu ndi unofu atangwe, 5 kwakuva akuvakela vanu vetu na atuchengie kaye lyetu lya kutang’anila."

6 Baho, Yesu akahele pamwi navo. Peakali pepi kufikila kukaye lya mkomi va vapuga, yula mkomi va vapuga akavalagiche vaganja vake vamlongie Yesu, "Mtwa ubihile kwisumbula, kwakuva nene sendidikilwa uwingile kukaye lyangu. 7 Ndi mana sendayiwene ndidikilwa kwacha kwa veve. Ila longe luchowo hela, mchulila vangu inana. 8 Kwakuva nene ndi munu yendigehe panyi lya umwimike, ila ndinago na vapuga yevagehe panyi lyangu. Ndikimlongea yumwi, ‘Helele!’ Mwene ihelela na ndikimlongela yungi, ‘Wache!’ Mwene ekwacha na pendikumlongela mchulila vangu, ‘Gite kinu ikyo!’ Mwene igita."

9 Yesu peapulike njowo icho, akadudwive hilo, akausedukie wula lipinga lya vanu lelikali lilongochana, akalongile, "Ndakyene ndikuvalongela sendimuwene munu yeyonda mu Isilaeli yeali na mbatwa ngita iyi!"

10 Vala vanu vevalagichwe pevawuyile kwa mkomi va vapuga va ku Lumi, vamuwene yula mchulila ananile.

11 Baho pakali na mdala, akali na lihoka lyelimgitile atamike kwa miyaka chumi na nane, lihoka ilyo likamgitile agogombile sewesile kwigolola. 12 Yesu peamuwene, akamkemela na akamlongie, "Maye, unanichwe utamwa vako." 13 Baho Yesu akamvikile liwoko mdala yula bahobaho akagolwike na akavanga kumnjuma Nguluvi.

Yesu ekumunanicha munu mtamwa

1 Mu kigono kya Kutulula, Yesu akahele kuliya kyakulia mukaye lya mkomi yumwi va Vafalisayo na vanu yevagehe pala vakali vekumulolela hilo valole kila kyedaakigita. 2 Munu yumwi yeikali na utamwa va kutupa mvili vonda akahele kwa Yesu. 3 Yesu akavahuchile vawulanichi va Malagicho na Vafalisayo, "Wuli, malagicho gya Musa chikutuidika kumunanicha munu mu Kigono kya Kutulula awu chikanicha?"

4 Ila vene vachikile chii. Yesu akamkolela yula mtamwa, akamnaniche, akamlekile ahele kukaye lyake.

Yesu akuvananicha venye ukalavilo chumi

11 Yesu akiva mulugendo kuhelela ku Yelusalemu achumbile mumbaka va Samalia na Galilaya. 12 Peakali ikwingila pa kijiji kimwi, vanu chumi venye ukalavilo vatang’anile nave, vemile patali. 13 Vakabwatukile vakilonga, "Yesu, Mtwa, tuwonele lusungu!"

14 Peavawene avalongie, "Muhelele mukajiwonese kwa vatekechi."

Suwe pevali vihelela, vakang’alichwe. 15 Yumwi vawo pealolile kuva ananichwe, awuyile kwa Yesu kuno akimnjuma Nguluvi kwa lichwi likomi. 16 Akafugamile pautalo lya magulu gya Yesu kuno akimulumba. Munu uyo akali ihumila ku Samalia. 17 Yesu akalongile, "Wuli, sevananichwe vanu vonda chumi? Vala tisa vagehe kwiya? 18 Wuli, ndi mgenji uyu hela yeawuyile kumgavila ukomi Nguluvi?" 19 Yesu akamlongie, "Wime uhelele, kwidikila kwako kukunaniche."

Yesu akumnanicha munu va ukoya kulitanda lya Betisata

1 Pegachumbile ago, Yesu akahele ku Yelusalemu kulihungu lya Vayawudi. 2 Ukoya ku Yelusalemu, pepi na mulyango ukemelwa mlyangilo va ng’ondolo. Pakali na litanda lyelikemelwa kwa kibulania Betisata na lyechungutilwe na fibudi fihano. 3 Mula mufibudi fihano vakali vigona vatamwa volofu, vabofwike meho na vatenda na venelugaso, vakali vichindila malenga gatimbwiswe. 4 Kwakuva ndumindumi va kuluhano kwa Nguluvi akali ikwika kutimbwisa malenga mulitanda lila. Mtamwa yeyonda yeakali va kwanja kwingila mumo mumalenga gegatimbwiswe, inana utamwa vovonda veanago. 5 Suwe, pakali na munu yumwi yeakali mtamwa kwa miyaka selasini na nane. 6 Yesu peamwene munu yula avasile na kuchela kuva itamika kwa figono fyolofu. Akamuhucha, "Wikela, kunanichwa?"

7 Yula mtamwa akamuhigile, "Mtwa, nene ndihela munu va kunisindika mulitanda pegitimbwiswa. Kila pendigecha kwingila, munu yungi akunilongola."

8 Yesu akamlongie, "Wime, nyamule kitefu kyako na ugende." 9 Bahobaho, munu yula akananile, akanyamula kitefu kyake, akavanga kugenda.

Makani ago, gakagitile Kigono kya Kutulula,

46 Baho, Yesu akawuyile kangi mwani va Kana ukoya ku Galilaya, ukoya peakagalambuche malenga kuva difwayi. Kukali na kilongochi yumwi akali na mwana vake mtamwa ukoya ku Kapelinaumu. 47 Kilongochi yula peapulike kuva Yesu agehe ku Galilaya kuhuma Yudeya, akamuhelelie na kumsuka hilo, akamnaniche mwana vake mtamwa agehe pepi kufua. 48 Yesu akamlongie, "Nyenye vanu, semudikila mbaka muwone kimanyilo na umanyitu!"

49 Yula kilongochi akamlongie, "Mtwa, chondechonde tuhelele ukamnaniche mwana vangu, peave mwana vangu kutuleka."

50 Yesu akamlongie, "Helele, mwana vako agehe uwumi seafue."

Kilongochi yula akadikile gala gealongile Yesu, akahele. 51 Pehave mung’asi, akatang’anile na vanyigendwa vake, vakamlongie, "Mwana vako agehe uwumi!"

52 Suwe, akavahucha chipindi liki mwana vake ananile. Vene vakamuhigile, "Ikali golo saa saba pamunyi." 53 Baho, daada va uyu mwana, akachelile kuva mwana vake ananile chipindi chila chila pealongilwe na Yesu kuva, "Mwana vako agehe uwumi." Suwe, kilongochi yula pamwi na vanu vevagehe mukaye lyake vonda vakamdikile Yesu.

54 Iyi ikali kimanyilo kya uvili kyeagitile Yesu mwani va ku Galilaya, peakali ihumila ku Yudeya.

20 Bahobaho, mdala yumwi yeakali na liholovela kwa chipindi cha miyaka kumi na givili, akachile kumbele lya Yesu, akambyalise mwenda vake. 21 Akagitile ndeni kwakuva akahochile munumbula lyake, "Pendimbyalisa hela mwenda vake, dandinana." 22 Yesu akaseduka, peamwene akamlongiye, "Muhinja, unamache udikilo vako ukunaniche." Bahobaho mdala akananile.

25 Baho pakali na mdala yumwi yeakali na utamwa va luholovela kwa myaka kyumi na givili. 26 Mdala uyo akali agudile hilo kuhelela kwa vaganga volofu. Na kusinda mali chake chonda, ila aponile hamu, ila endelie kutamika hilo. 27 Akali apulikile njowo lya Yesu, akachumbile lukekeno lya vanu kuhuma ku mbele, na kukolela mwenda gya Yesu, 28 kwakuva elongie munumbula lyake yumwene, "Ngita ndivesa kubyalisa mwenda vake, dandinana." 29 Peabyalise mwenda va Yesu, luholovela ikalekile kuhuma na mwene awonile mvili vake uponile.

43 Mulipinga lila lya vanu kukali na mdala yumwi, yeakali na luholovela lya danda kwa myaka chumi na givili, akasindile sendi chake chonda kwa valami, ila kwihela munu yeyonda yeawesile kumnanicha. 44 Mdala huyo akamuhelelie Yesu kumbele na kubyalisa ubindo lwa mwenda lwa Yesu, bahobaho danda ikamlekile kumuhuma. 45 Yesu akahuchile, "Ndi ani yeanibyalise?"

Vanu vonda vakakanile. Peteli akamlongie, "Mtwa, lipinga lya vanu likuchungutile na kukukekeneka!"

46 Ila Yesu akalongile, "Agehe munu yeanibyalise, kwakuva ndewene ludali lwangu chimnaniche munu." 47 Yula mdala pealolile kuva seiwesa kwifiya, ahumile kuno itetema, akafugamile pautalo lya Yesu. Kavanga kuvahumulila vanu vonda wuli ambyalise Yesu na bahobaho akananichwe. 48 Yesu akamlongie, "Maye, mbatwa lyako ikunaniche. Bite na utengamaso."

Mwihinja va mpuga na maye yumwi vinanichwa.

18 Yesu peakali ilonga ago, mpuga yumwi Myahudi akafikile, amgundamile na kulonga, "Mwihinga vangu afue nondee. Ila chonde tuhelele ukamvikile liwoko lyako nave ivecha wumi." 19 Yesu akahegile pamwi na vachulila vake, vakamfwatile.

23 Yesu peafikile mukaye lya yula kilongochi va vapuga, akafikile na akawene vatova ngalapi na lipinga lya vanu likivilicha, 24 akalongile, "Muhege baha! Muhinja uyu seakafuwe, avasile ng’ani." Vene vakamuhekile. 25 Suwe, lipinga lya vanu pelihechilwe, Yesu akaingile mugati na kumkolela liwoko yula muhinja na akanamuka.

22 Munu yumwi yekali mkomi va kaye lya kutang’anila Vayawudi, litawa lyake Yailo, akahelela kumlola Yesu, peamuonile Yesu, akafugamile pautalo lyake, 23 akamsuka Yesu akilonga, "Muhinja vangu mtamwa epepi kufuwa. Chondi tuhelele, ukamvikile liwoko lyako, neke apatile kuponila na kwikala." 24 Suwe, Yesu akahelela pamwinga na Yailo. Vanu volofu mno ukamfuatila, vakali vakumkekeneka kila lubali.

38 Pevafikile kaya kwa Yailo yumwi vakomi va kaye lya kutang’anila Vayawudi, Yesu awene kudadavila akapulike vanu vivemba na kukivilicha. 39 Yesu akaingila mugati, akavalongela, "Wuli mwigita madadavila na kuvemba? Mwana seafue ila avasile hela!" 40 Ila vene vamuhekile kwakubeda, ila mwene akavahumicha vonda kwivala. Kavanyamula daada na maye va mwana yula, pamwinga na vachulila vake vadatu, vakaingila mugati yeagehe mwana yula. 41 Yesu akaukolela liwoko lya mwana yula, akamlongie, "Talitha, komu!" Mana lyake, "Muhinja, ndikulongela, lamwike!" 42 Bahala pala muhinja yula akalamwike na kuvanga kugendagenda. Muhinja yula akali na myaka kumi na givili. Vanu pegavawonile hago vadudwive hilo.

31 Yesu akagendelie kulonga, "Vanu va kilelo iki ndivawananise na kinu liki? Vewana na kiki? 32 Vawo viwana na vana vevakalile kusoko na kwikemela lipinga lingi na lingi, ‘Tukavatovie mluli ila semkakinile! Twimbile msambo cha kusungwima ila semvembile!’ 33 Yohani mbatisaji achile, sealiye vala seanyuwe difwayi, nyenye mkalongile, ‘Aingilwe na mahoka!’ 34 Mwana va Munu achile, iliya na kunyuwa, nyenye mwilonga, ‘Lole, muhodo na mgala, mganja vao vanyamula usulu na venye sambi!’ 35 Ila uginyange va Nguluvi iwonike kuva nofu kwa vonda vasanzi."

Yesu mukaye mwa Simoni Mfalisayo

36 Mfalisayo yumwi akamlalike Yesu kulia kyakulia kya palumie mukaye lyake, Yesu akaingie pakaye pa yula Mfalisayo na ekalile kulia kyakulia. 37 Ukoya ku mwani kukali na maye yumwi munya sambi. Peapatile lukani kuva Yesu agehe pakaye pa yula Mfalisayo, akaachile na kyupa yeimemile manung’ililo yeigalanichwe na liganga lya alabasata.

41 Baho akaachile munu yumwi yeakemeliwe Yailo, mkomi va kaye lya kutang’anila Vayawudi. Akafugamile pautalo lya Yesu, akamsukile ahele kukaye lyake, 42 kwakuva muhinja vake iyena, yeakali na myaka chumi na givili, akali pepi kufua.

Yesu peakali ihelela, vanu vakali vakumkekenecha kila paubali.

49 Yesu peakali have kulonga, akaachile mnyigendwa kuhuma kaye lya mkomi Yailo, akamlongile Yailo "Muhinja vako afuwe, bihile kumsumbula muwulanichi."

50 Yesu peapulike ago, akamlongie Yailo, "Bihile kwogofya, dikile hela na muhinja vako dainana."

51 Peafikile kukaye lya Yailo, akavakanila vanu vabihile kwingila mugati pamwinga, ila vahingile Peteli na Yohani na Yakobo na vasasi va yula mwana muhinja. 52 Vanu vonda vakali vivemba na kukivilicha, Yesu avalongie, "Mbihile kuvemba kwakuva mwana seafuwe ila avasile tulo hela!"

53 Vanu vonda vakamuhekile Yesu, kwakuva vachelile kuva muhinja yula afuwe. 54 Ila Yesu akamkolile liwoko na kumlongela, "Mwana, lamke!" 55 Uwumi vake ikamuwuyile muhinja yula, bahobaho akalamwike. Baho Yesu akavalongie vamgavile kyakuliya. 56 Vasasi vake vadudwive, ila Yesu akavakanile vabihile kumulongela munu yeyonda njowo chechahumile.

Kufua kwa Lasalo

1 Suwe, kukali na munu yumwi litawa lyake Lasalo, mwenekaye va ku Betania, akali mtamwa. Mwani va Betania kikali pono pevakali vakwikala Malia na Malita, vahacha vake. 2 Malia ndi yula yeambakile Mtwa mafuta ga manung’ililo na kumfyangusa magulu gyake kwa fwili chake. 3 Suwe, vahacha vake Lasalo Malia na Malita vakalagiliche unanzi kwa Yesu, vakalongile, "Mtwa, mganja vako Lasalo mtamwa!"

4 Yesu peapulike njowo icho, akalongile, "Utamwa ugu, sevakumdocha Lasalo, ila dauguvagita vanu vamnjume Nguluvi na kuchumbila ago Mwana va Nguluvi kange dainjumwa."

5 Yesu akavakelie hilo Malita na vakolo vake, Malia pamwi na Lasalo. 6 Suwe, Yesu peapulike kuva Lasalo itamika, akahongeliche kukala pono baho kwa figono fivili. 7 Suwe, akavalongela vachulila vake, "Tuhelele kangi muinyi lya Yudea!"

8 Vachulila vake vakamuhigile, "Muwulanichi! Chipindi kidodo hela kichumbile Vayawudi vakasakile kukutova na maganga ukoya. Wuli, wisaka kuhelela kangi ukoya?"

9 Yesu akahigile, "Wuli, masaa gya pamunyi se kyumi na chivili? Ndeni, vala vevagenda pamunyi, seawesa kwikwambadula mgulu vake kwakuva vilola welu va muinyi iyi. 10 Ila munu yeigenda pamie akwikwambadula kwakuva welu kwihela." 11 Yesu peakali ilonga ago, akaendelela kuvalongela vachulila vake kuva, "Mganja vetu Lasalo avasile, ila ndihelela kumlamsa."

12 Vachulila vake vakamuhigila, "Mtwa, ngita avasile tulo, dailamka."

13 Ila vachulila vake vakahochile kuva Lasalo avasile tulo, Yesu akali ilonga kuva Lasalo afuwe. 14 Suwe, Yesu akavalongie undakyene kuva, "Lasalo afue,

Yesu akulongela lukala uleke kupuga

23 Baho, Yesu akakang’ie muwato na vachulila vake vakahelela pamwi na mwene. 24 Pevakali vihehelela, bahobaho likapugile lukala mulihiva na madaba gakavangile kudibacha wato. Ila Yesu akali mutulo. 25 Vachulila vake vakamuheleliye, vakamulamusa vakilonga, "Utulowole Mtwa twifuwa!"

26 Yesu akavalongela, "Nyenye vanu vemubihila kudikila, wuli mwikogopa?" Suwe akaimile akaukabusa lukala na lihiva likali kwihela lukala kangi. 27 Vachulila vake vakadudwiva, vakalonga, "Uyu munu ani? Mbaka lukala na inyanza vikumpulikicha!"

15 Peifikikle palumiye, vachulila vake vakamuheleliye na vakamlongiye, "Pono ipa ndi kudasi na muda usilile. Suwe, uvalage vanu neke vahelele mufijiji vakagule kyakula kyawo." 16 Yesu akavalongiye, "Mubihile kuveleka vahege, muvagavile nyenye kyakula." 17 Ila vawo vakamlongiye, "Tugehe na mibumunda gihanu na somba vavili hela." 18 Yesu akavalongiye, "Muniletele baha." 19 Akavalongiye vanu vakale pasi mumisoli. Baho, Yesu akanyamula gila mibuminda gihanu na somba vavili, akalolile kuluhano akavifunyila na kuiketula gila mibumunda, akavagavile vachulila vake mibumunda igo na vachulila vake vakavagavila avo vanu. 20 Vanu vonda vakaliye, vakagwita na vachulila vake vakalundasa fyevisigaliye vakamemiche findilu kumi na chivili. 21 Vanu vevaliye vakali vagosi elufu chihanu, ila vadala na vana sevavalilwe.

25 Pamiye pepi na kukiya, Yesu akavaheleliye vachulila kuno igenda pamalenga.

Yesu akuvagavila kyakula vanu elufu chitai

32 Suwe, Yesu akavakemelie vachulila vake, akalonga, "Ndikuvawonela lusungu vanu ava kwa kuva vagehe na nene figono fidatu vihela kya kulia. Sendikela kuvaleka vahelele ngajila kulya, viwesa vachime mung’asi."

33 Vachulila vakamuhucha, "Baha tugehe kudasi twipata kwiya kyakula kya kuvagavila vanu ava volofu?"

34 Yesu akavahucha, "Mugehe na gibumunda gilinga?"

Vakamhigile, "Saba na fisomba fikefu hela."

35 Suwe, Yesu akavalongie lipinga lya vanu vakale panyi. 36 Akaginyamula gila mibumunda saba na fisomba fikefu, akamuhongecha Nguluvi na akafidumula akavagavila vachulila vake, navo vakavagavila vanu mulipinga. 37 Vonda vakaliye, vakagwita. Kangi vachulila vake vakalundise masigalilo vakamemiche findilu saba. 38 Avo vevakalie vakali elufu chitai ngajila kuvalila vadala na vana.

Kuhomba kodi lya kaye lya Nguluvi

24 Suwe, pevafikile Kapelanaumu vanu vevilundasa kodi lya kaye lya Nguluvi vakamuheleliye Peteli, vakamuchile, "Wuli, muwulanichi venu seihomba kodi mukaye lya Nguluvi?"

25 Peteli akahigile, "Ena, itaula." Baho Peteli peingiye mugati lya kaye lyake, peakali sealongile kinu, Yesu akamuhuchile, "Simoni veve wilola wuli? Vang’achale va muinyi iyi vidumula kodi kuhuma kwa venekaye awu kuhuma kwa vagenji?"

26 Peteli akahigile, "Kuhuma pavagenji."

Yesu akamlongela, "Suwe, ngita yigehe ndeni vana vawo valekilwe kutaula kodi. 27 Ila neke tubihile kuvavipicha vanu ava, helele ku lihiva kalowe somba, nyamule somba va kwanja yeigomela, dindule mulomo vake na mugati lya mulomo vake ukuilola sendi. Inyamule ukahombe kodi lya nene na veve."

Yesu akulikotola libiki lyelikemelwa mtini

18 Kinyolasagala Yesu peakali iwuya kuhuma kumwani, akawonile njala. 19 Akaliwene libiki limwi lya mtini palubali lya ng’asi, ila akaliwene lihela kinu ila mikwati ng’ani. Suwe, akaulongela, "Ubihile kubaba kangi manunu mbepali!" Bahobaho lila libiki lya mtini likagamile.

20 Vachulila pevawene vakadudwive vakalonga, "Kwa liki libiki ilyi lya mtini ugamile kisatu?"

21 Yesu akavahigile, "Ndakyene ndikuvalongela, ngita muvecha na ludikilo ngajila kuvecha na nyengema, mwivesa kugita sehela ago, ila ata kukilongela kidunda iki, ‘Kikulike ugadibale muinyanza,’ dakihumila. 22 Pemuvecha na ludikilo, kyokyonda damusuka damuwanuka."

37 Suwe, likala likomi likavanga kupuga, madaba gakaitove ula wato likavanga kuingicha malenga mugati muwato. 38 Yesu akali kumbele muwato, akiva agonile pakyanya lya msegamo. Vachulila vake vakamlamuse na kumlongela, "Muwulanichi, seulola kuva nefwe twisaka kufua?" 39 Yesu akalamwike, akalikanie ula likala na kuyalongela madaba, "Chike! Leke" Baho lukala gikachikila na kukasigala jii. 40 Pambele Yesu akavalongie vachulila vake, "Wuli mwikogopa? Be, mwave mwihela mbatwa hela?" 41 Navo vakakogwipe mno, vakava vekwihucha, "Uyu ani? Hata lukala na madaba gikumpulika!"

35 Palumie peifikile, vachulila va Yesu vakamuhelelie na kumlongela, "Poono ipa pakudasi na nalichuwa lidibala. 36 Uvaleke vanu vahelele kumigunda na pafijiji fya pepi vakajigulile kyakula." 37 Ila Yesu avalongie, "Muvagavile nyenye kyakula." Navo vakamuhuchile, Be! "Seulola kuva twitakilwa kuvecha na sendi cholofu cha kuvagulila vanu ava kyakula?" 38 Yesu akavahucha, "Mwinagyo mibumunda milinga? Muhelele tandi mkailole." Pevalolile, vakamwigile, "Gigehe mibumunda chianu na somba vavili hela." 39 Suwe, Yesu akavalagiche vachulila vake vavalongele vanu vonda vakale mulipinga lipinga, vakale panyi pa misoli. 40 Suwe, vanu vakakala mufipinga fipinga gya vanu miya yimwi na gya vanu hamusini. 41 Pambele Yesu kainyamula mibumunda gila mihanu na somba vavili. Kalola kuluhano, akahongecha na kugifunya na kuiketula gila mibumunda. Pambele kavagavila vachulila vake neke vavagavile vanu vonda. Na vala somba vavili wavagavile vanu vonda. 42 Vanu vonda vakalie na kwiguta. 43 Vachulila va Yesu vakaholasa fibumunda na fisomba gyesigile vaka memecha findilo kumi na chivili. 44 Vanu vonda vewaliye vagosi vakali elufu chianu, se vavalilwe vadala na vana.

48 Suwe kavawonile vachulila vake vekuang’anika kuguba muwato kwa ludali, kwa kuva lukala ukali ukuvatova. Pepi kukiya, Yesu akavahelelea vachulila vake kuno akigenda pakyanya lya malenga. Akasakile kuvachumba. 49 Navo pevamuonile igenda pakyanya lya malenga, vakachelile lingasaga, vakatovile kyowo. 50 Kwakuva vonda pevamwonile vakaogwipe mno. Baho Yesu akavalongie, "Muchike, ndi nene, mbihile kwogopa." 51 Baho kaingila muwato pevagehe vachulila vako, na lukala ukachikile, vachulila vake vakekang’ise mno,

Yesu akuvalisa kyakula vanu elufu chitai

1 Vakati hugo, lipinga likomi lya vanu vekekung’ese kangi na vakali vihela kyakuliya. Suwe Yesu akavakemela vachulila vake, akavalongie, 2 "Ndikuvawonela lusungu vanu hava kwa kuva twikalile pamwinga na nene kwa figono fidatu na vehela kyakula. 3 Pendivaleka vahelele kukaye vakiva na njala vichilika mung’asi, kwakuva vangi vihuma patali." 4 Vachulila vake vakamuhucha, "Baha kudasi twipata kwii mibumunda gya kuvagwitisa vanu vonda hava?" 5 Yesu akavahucha, "Mwigehe na mibumunda milinga?" Vakamwigile, "Tunagyo mibumunda saba hela." 6 Suwe, akavalongela vanu vakale panyi, kanyamula gila mibumunda saba, akamhongecha Nguluvi, akaidumula mibumunda, kavagavila vachulila vake, vene vavagavile vanu. 7 Vakali kangi na fisomba fidodo. Yesu akavifunyile, akavagavila kangi vachulila vake neke havagavile vanu. 8 Vanu vakalie, vakagwite. Vakung’asile masigalio gya kyakula vakamemiche mandilu saba. 9 Vanu vevalie vakali elufu chitai. Pambele Yesu akavelagile,

Yesu akuukotola libiki lya Mtini

12 Kilau lyake, pevagehe vihuya Betania, Yesu ivavwa njala. 13 Suwe, kwa utali awonile libiki lya Mtini likali na mikwati gyolofu. Akahelela neke awulole ngita yeugehe na manunu. Peafikile, akauwene huwela linunu lyelonda ila mikwati hela, kwakuva ukali sevakati va kubaba manunu. 14 Baho akaulongela libiki lya mtini, "Kuhuma neng’uli mbaka figono fyonda munu yeyonda abihile kulia manunu kuhuma kwa veve." Vachulila vake vakampulika malichwi hago.

Mawulanichio kuhuma pa libiki lyelikemelwa mtini lyelinyalile

20 Nyolasagala, pevakali vekuchumba, vawene libiki lya mtini lyelinyalile kuvangila kukyanya mbaka panyi. 21 Peteli iwike na kumlongela Yesu, "Muwulanichi, lole! Lila libiki lya mtini lyeukotue, ugamile!"

22 Yesu akavalongie, "Mwidikile Nguluvi. 23 Ndikuvalongela ndakyene, munu yeakulongela kidunda iki, ‘Kuhukula ukatagwe muinyanza,’ Ila adikila kuva njowo chonda yeilonga gigitwa, agitilwa njowo icho. 24 Kwa ifyo ndikuvalongela, pemfunya na kusuka kinu, mwidikile kuva mupokela, nakyo kivecha kyenu. 25 Pemkwima kufunya, muvapyanile nongwa kila munu yeavavifiche kyokyonda, neke Dadie venu yeagehe kuluhano avalekela nongwa chenu na nyenye nogwa chenu."

Yesu akuvakemela vachulila va kwanja

1 Kigono kimwi, Yesu akali imile mumbali lya lihiva lya Genesaleti, vanu volofu vakali va mchungutile kuno vikwikekeneka neke vaveche kupulika unanzi va Nguluvi. 2 Akawene wato givili muling’umbing’umbu lya lihiva. Gegilekilwe na valowa somba yevakali visambula nyafu chawo. 3 Yesu akaingile muwato wumwi lwa Simoni, akamsukile Simoni ahegeleche wato kidodo kuhuma muling’umbung’umbu mulihiva mbaka mumalenga. Baho ekalile panyi, ekuwulanicha lipinga lya vanu akiva muwato.

4 Peamalile kuwulanicha akamlongie Simoni, "Gube wato mbaka pakilwitu cha malenga, baho ukwise nyafu chako mumalenga ulowe somba."

5 Simoni akamhigile, "Mtwa, tugitile kasi lya kulowa somba palumie yonda setupatile kinu, ila kwakuva ulongile, nditaga nyafu." 6 Vakatagile nyafu chawo na vakalovile somba wolofu hata nyafu chawo cha vangile kudumuka. 7 Vakavapungile mawoko vayawo vevakali muwato wungi vache kuvatanga. Vakaachile na vakamemiche somba wato chonda givili hata chivangile kudibala. 8 Simoni Peteli peaonile njowo ago gyonda, afugime pautalo pa Yesu kuno elonga, "Hege pautalo lyangu, eve Mtwa, kwakuva nene nde munya sambi!"

9 Simoni na vayage vonda vakadudwive kwa kulova somba wolofu. 10 Filafila Yakobo na Yohani, vana va Sebedayo, vakali vakolo valowa somba. Yesu akamlongie Simoni, "Bihile kwogofya! Kuhuma neng’uli na kwendelela uvecha ukuvaleta vanu kwa nene ngita valowa pevileta somba kukaye."

11 Vakakwegile wato chawo mbaka muling’umbung’umbu lya lihiva, valekile kila kinu na vakamfuatile Yesu.

Yesu epolecha lukala

22 Kigono kimwi, Yesu akakang’ie wato pamwi na vachulila vake, akavalongie, "Tuhagame kumwambo lya lihiva." Baho vavangile lugendo. 23 Pevali mulugendo, Yesu avasile tulo. Bahobaho likala likomi likavanga kupuga mulihiva, malenga gavangile kwingila mugati lya wato na vonda vasakile kudibala. 24 Vala vachulila vakamhelelie Yesu, vakamlamuse vakilonga, "Mtwa, Mtwa! Twidibala!"

Yesu kalamka, akaulakila likala na madaba gya malenga, nago gakatulie, kukali kunofu. 25 Avalongie, "Mbatwa lyenu igehe kwiya?"

Ila vene vakadudwive vakaogofya kuno vakwilongela, "Munu uyu ndi ani? Yeilakilila lukala na madaba gikumdikila!"

Yesu epolecha lukala

22 Kigono kimwi, Yesu akakang’ie wato pamwi na vachulila vake, akavalongie, "Tuhagame kumwambo lya lihiva." Baho vavangile lugendo. 23 Pevali mulugendo, Yesu avasile tulo. Bahobaho likala likomi likavanga kupuga mulihiva, malenga gavangile kwingila mugati lya wato na vonda vasakile kudibala. 24 Vala vachulila vakamhelelie Yesu, vakamlamuse vakilonga, "Mtwa, Mtwa! Twidibala!"

Yesu kalamka, akaulakila likala na madaba gya malenga, nago gakatulie, kukali kunofu. 25 Avalongie, "Mbatwa lyenu igehe kwiya?"

Ila vene vakadudwive vakaogofya kuno vakwilongela, "Munu uyu ndi ani? Yeilakilila lukala na madaba gikumdikila!"

Yesu akumnanicha munu munya mihoka lihafu

26 Yesu na vachulila vake vakaendelie na lugendo, vakafikile muinyi lya Vagelasi, yeigee kumwambo lya lihiva ku Galilaya.

12 Lichuwa pelivangile kudibala, vala vachulila chumi na vavili vakamuhelelie Yesu na vakamlongie, "Uvalage vanu vahelele kufijiji na migunda fya pepi, vapatile kyakula na pono pa kuvasa, kwakuva baha petugehe ndi kudasi."

13 Ila Yesu akavalongie, "Mwavene muvagavile kyakula."

Vakamuhigile, "Nefwe tunagyo mibumunda mihanu na somba vavili hela. Wuli ukela tuhelele kuvagulila kyakula vanu hava vonda?" 14 Pono pala kukali na vagosi elufu chihanu.

Yesu akavalongie vachulila vake, "Muvalongele vanu vakale mumapinga lya vanu na kila lipinga liveche na vanu hamsini."

15 Vachulila vakagitile ngita pevalongilwe vanu vonda vakakalile panyi. 16 Baho Yesu akanyamue gila mibumunda mihanu na somba vavili, akalolile kuluhano akamlumba Nguluvi, akavifunyile. Baho kaiketula mibumunda na somba, akavagavile vachulila vake vavagavile vanu. 17 Vanu vonda vakalie na kugwita. Vachulila vakaholasa masigalio gya mibumunda na gya somba, vakamemiche findilu kyumi na givili.

Lihungu lya kutola muinyi lya Kana

1 Kigono kya udatu kukali na lihungu lya kutola kumwani va Kana inyi lya ku Galilaya. Maye vake Yesu akali pala. 2 Yesu pamwi na vachulila vake vakalalikwe mulihungu lila lya kutola. 3 Difwayi peisilile, maye vake Yesu akamlongie Yesu, "Vanu vahela difwayi!"

4 Yesu akamuhigile, "Maye ubihile kunilongela kinu kya kugita, saa lyangu yave kufika."

5 Maye vake Yesu akavalongiye vala vanyigendwa, "Kyokyonda kyekuvalongela, mgite."

6 Baho, pakali na fiviya sita fitengeneswe kwa maganga. Fiviya fyefivikwile na Vayawudi ngita pevachoviye, kwakuva lya kuvikila malenga gya kwing’alila. Kila kiviya kimwi kimemechwa ndowo chivili awu chidatu gya malenga. 7 Yesu akavalongiye vala vanyegendwa, "Mmemeche fiviya malenga." Navo vakamemecha topu. 8 Baho, Yesu akavalongie, "Nondee mnege malenga, msindikile mkomi va lihungu." Vakagitile ngita pevalongilwe, 9 mkomi va lihungu peagechile ago malenga, gyegagalambuke kuva difwayi. Mwene seakachele yila difwayi ihumile kwiya, ila vala vanyingendwa yevanegile malenga vakachelile. Suwe, mkomi va lihungu akamkemela yeitola, 10 akamlongiye, "Kila munu ihecha tandi difwayi nofu, pevigwita vagenji kunyuwa uvika yila yesenofu. Ila veve uhivikile difwayi nofu mbaka nondee!"