Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
Yesu Worikye Makapi Nja Nsude Arishiya Loni.
De Yesu bila anya ni, e ma siki tepiya makapi bi sua biya e yi, Sua yi kuruwa nkye, <<Zi toseyi mu, Yaa ni Dowuda!>>
De Yesu te siki gizi daa, makapi bi zo anya e yi, <<E minya su, ku yeda e ni Na yaa worikye ku?>>
<<Su keleba yi, ee, Obagizi mu yeda.>>
Se Yesu kpa ndani asu e pala nkye, <<E paru nja ku yiride ku beigaskye>>; Se ndani asu bure. Yesu gye su nkye, <<Kede ku gye nseda ba.>> Sede su te a woze te beyi nabari gyowe gunduma ni guru.
Makapi menza bi sua geni anya
De Yesu nja yayagizi e yi sua bila Yeriko, ntani nyowa su biya yi. Makapi ntani bi su zunwa a keteri turiki, de su zi nkye Yesu yaa bise, su sukwa Yesu nsori su ma nkye, <<Obagizi, Yaa ni Dowuda, ki zi toseyi amu!>>
Ntani nyowa su yi su rikishi su gye su nkye su yi shuru, sede su ja murinya nyowa, su ma nkye, <<Obagizi, Yaa ni Dowuda, ki zi toseyi amu!>>
Yesu sakisi sukwa su. <<Minana kwa bila de Ni yi ku nshi?>> Yesu minya su.
<<Su keleba nkye,>> Obagizi, <<Mua bilade mu sakye geni.>>
Yesu zi toseyi asu e kpa ndani asu. dandani ndani asu bure su ma geni se su biya Yesu.
Yesu Worikye Makapi Nseminji ni Kesa Beseda
De Yesu nja yayagizi e yi su zo a kesa Beseda, worosu su ntani keyi nseda makapi zo anya Yesu su yi ologba Yesu de e kpa yi. Yesu ka makapi ni nani e keyi te a beyi dende geri. De Yesu nya nseminji makapi ni anyanya a ndani se e ja e yi nani yi, Yesu minya e yi nkye, <<Ki ma geni mbodaa?>>
Makapi ni dege ni ndani kone bisi nkye, <<Ni ma geni ntani; su ma kankye ntasi sua yi tepiya gyewe.>>
Yesu sakye kpa nani e yi a ndani makapi ni. Se e bure ndani e yi ndani yi worikye, e ma geni sere. Yesu seleme yi te a gizi, nkye, <<Kede ki te a siki dende geri.>>
Yesu Worikye Kuruma Nja Nsu arishiya loni
Se Yesu bila kesa Taya e biya Sidon, e te a totolo riki ni Galili nja a siki gunduma Gom. Anya ni worosu su ntani su keyi nseminji daa kuruma de eya yi beta sere sere ba zo nshi, su ologba Yesu de e ja nseminji ni nani de e worikye yi.
A beyi de Yesu ja nseminji ni te a keteri, anya de ntani ma ba, se Yesu sa yaa nani yi a kuni nseminji ni. Se Yesu nya nseminji ni anyanya a kuni e kwa kpa arishiya yi. Se Yesu dege ni ndani yi a bisi e shika aminshi nsori gye yi nkye, <<Ipata!>> mane yi ma <<Ki bure!>>. Dandani, kuni nseminji ni bure, arishiya yi de loni kunshe e para yi beta kyakyawu.
Yesu kobe su kede su gye nseda ba. Sede Yesu ma nana su osu kuma su ma sigeba ni beyi nabari mbode paru. Ntani su zi mamanki soseyi. Su nkye, <<Yesu yi guru mbo kyakyawu.>> <<E sa kuruma su ma zi nja nsu arishiya loni su ma yi beta.>>
Yesu Bure Ndani Makapi de Sua Sukwa yi Batimawus
Se su zo a Yeriko. Yesu nja yayagizi e yi nja ntani nyowa, sua bila de su butu a geri ni, makapi daa de seni yi ma Batimawus yaa ni Timawus, e zunwa a keteri turiki e ma yi pata. De e zi nkye Yesu ni Nazere na e ma bise e dege murinya nsori nkye, <<Yesu Yaa ni Dowuda, ki zi toseyi na!>>
Ntani nyowa su kwabe yi nkye yi shuru, sede e dege murinya nsori nkye, <<Yesu Yaa ni Dowuda, ki zi toseyi na!>>
Yesu sakisi nkye, <<Sukwa yi de e zo.>> se su sukwa makapi ni su nkye, <<Yi perisiki! Dege a bisi ni seni ake! Yaa sukwa ke.>> Anya ni e la ogbodo yi kutiri, e tirimi ni te anya Yesu.
Yesu minya yi nkye, <<Mina ka bila de ni yi ke nshi?>>
Makapi nkye, <<Male, Na bila de ni geni anya.>>
Yesu gye yi nkye, <<Ki te,>> <<beigaskye ake worikye ke.>> Dandani e ma geni anya se e biya Yesu te.
Makapi Nsu Pata Mbo Yaa Geni Anya
De Yesu kusa ni Yeriko, Makapi daa zuzunwa a baki turiki yaa ologba mbo. De e zi ntani Nyowa sua bise, e minya su mina yaa paru. Su gye makapi nkye, <<Yesu ni Nazere na yaa bise.>>
Se makapi yi sukwa nsori, <<Yesu, Yaa ni Dowuda ki zi toseyi na!>>
Ntani worede su ma a geba su kwabe yi nkye yi shuru, sede e dege murinya nsori e yi guru, <<Yaa ni Dowuda ki zi toseyi na!>>
Yesu sakisi e gye su nkye su keyi yi zo anya e yi. De e zo kusa, Yesu minya yi, <<Mina ka so de ni yi ke shi?>>
<<Obagizi, E keleba na so de ni geni,>> Yesu gye yi nkye, <<Keleba geni ake; beigaskye ake e ba ke worikye.>> Dandani e geni anya e biya Yesu, e yobo Mirikisi. De guru ntani su geni, Osu ma su yobo Mirikisi.
Yesu Bure Ndani Nseminji De Su Yapu yi Makapi
De Yesu ma bise, e geni nseminji daa de su yapu yi makapi. Yayagizi yi minya Yesu nkye, <<Male, lepi nseminji mu naba ko nsu adaa yi la, de su yapu yi makapi?>>
Yesu keleba nkye, <<Nseminji mu ko nsu adaa yi su yi lepi ba,>> <<Sede su yapu yi makapi de Mirikisi e nana sori ANKI yi a kiya e yi la. E ma dole na de ni yi ANKI ni Mirikisi de saka ni, tunde tuku nnana, Dederi yaa zo de nseda yaa yi yaa yi ANKI gagaba. Tunde Ni ma a siki durinya mu, E ni la ni ma asikye durinya.>>
A beyi de Yesu pala yomu, e nya anyanya a kisi, e dama anyanya ni kesa, e shapa nseminji makapi ni nshi a ndani. Yesu gye nseminji makapi ni nkye, <<Te,>> <<Ki wonkye ndani ke a siki romu riki ni Silom>> de mane yi ma <<Saka.>> Anya ni nseminji ni te wonkye ndani yi, anya ni e kuma ta gizi ndani yi bure e ma geni.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
Nseminji de ma kputuru e zo dunkye a geba e yi nkye, <<Obagizi nde ki yeda, ki sa ni de ni worikye.>>
Yesu munka nani yi kpa nseminji nsu kputuru. <<E pala nkye ni yeda de ki worikye!>> dandani e worikye dege suwo yi. Yesu gye yi nkye, <<Kone kede ki gye nseda ba. Sede te, de ki nana kiya ke ba pirisi de ki beyi sedeka yiride Musa e pala, de nana sheeda worikye.>>
Worosu su ntani keyi nsude nki yi sharuwa zo nshi, kwakwana a kalanga. De Yesu geni beigaskye asu e gye nsude nki yi sharuwa nkye, <<kadishiya, Yaa, su yape lepi ake.>>
Male ni kokoyi doka Musa gye nkyasu nkye, <<Nseminji mu yaa saba Mirikisi!>> Anya ni Yesu shina mbode sua tunani dishiya asu, e minya su nkye, <<Mina sa de kwa shiriya mungu mbo a dishiya oku? Wona pi soki: de su nkye, <Lepi ke su yape,> Ko su nkye, <Dege a bisi de ki yi tepiya>? Sede na bila de ku shina nkye Yaa nsebeki e man yiko a durinya mu de yape lepi.>> Se e gye nsu nki sharuwa, <<Nkye dege a bisi, la kalanga ake de ki te a gizi.>> Se nseminji nsu nki sharuwa dege a bisi te a gizi.
nse minzi da nsu nani sharuwa anya ni. Sua bila anya de sua ka Yesu ni beta, su minya yi nkye, <<E yi kyawu de su worikye nsu suwo nana asibi?>>
Yesu gye su nkye, nde nse da ku e mani timshiya se e puari a siki romu a nana asibi, ka yuru de ki butu yi bo? Nsebeki pi timshiya dereja soseyi! sobon yomu, doka amu pala nkye kede mu sua nse daa nto nana asibi ba.>>
Se e gye nseminji de nani yi sharuwa nkye, <<Munka nani ake.>> Se e munka nani yi dandani nani yi worikye.
Amaa ni mata Sima yaa yi suwo ni mashapo, se su gye Yesu mbode paru nshi. Se Yesu te anya e yi, e keyi nani e dege yi a bisi. se dandani mashapo bila e yi ari e yi su mbosi.
Yesu Worikye Nseminji Nsu Kputuru
Nseminji nsu kputuru zo dure anya Yesu yaa ologba yi nkye, nde ki yeda, ki worikye ni.>>
Yesu sika ni toseyi, e munka nani kpa nseminji ni. nkye <<E ni yeda,>> <<Ki worikye!>> Dandani kputuru bila e yi se e worikye.
Worosu su ntani wuru, la nsude nki yi sha ruwa zo nshi. Tunde su samu turiki de sua keyi zo anya Yesu ba sobon yowa ntani, su bure lenda a bisi laki de Yesu ma a siki e yi, beyi de su bure lenda su sonka kalanga de nsu nki sha ruwa nja mbode e kwakwana asikye yi. De Yesu geni beigaskye asu, e gye nsu nki sharuwa nkye, <<Yaa na, Ni yape lepi ke. Kuzukam worosu su male ni kokoyi doka Musa zunwa anya ni, su meyi tunani a dishiya su nkye, <<Mina sa de nse mu e meyi beta yomu? Yaa saba Mirikisi! Waa ma sori yape lepi mba Mirikisi e shi dandaa ba?>> Dandani Yesu shina a siki aworo e yi mbode sua yi tunani a siki dishiya asu, se e gye su nkye, <<Mina sa de kwa yi tunani yomu? Wona pi soki: De su gye nsude nki sharuwa nkye, <Su yape lepi ke,> ko su nkye, <Dege a bisi, la kalanga ake de ki yi tepiya>? Sede ku shina nkye Yaa nsebeki mani sori de yaa yape lepi a durinya.>> E gye nsude nki sharuwa nkye, <<Na gye ke, Dege a bisi, la kalanga ke de ki te a gizi.>> Nsude nki sharuwa dege a bisi, la kalanga butu a geba guru ntani. Mbo mu ba konwawa mamanki se su yobo Mirikisi, nkye, <<Mu taba geni mbodaa yomu ba!>>
Nseminji Nsu Nani Shi Ruwa
Kwanki daa Yesu yuru a kolonwa, nseminji de nani yi sharuwa ma anya ni. Worosu su ntani sua bila turiki de sua basi Yesu, sua kone ko yaa worikye ntani a nana asibi. Yesu gye nseminji de nani yi sharuwa, <<Dege a bisi a geba ni konwawa.>>
Se Yesu minya su nkye, <<Mina ma doka nana asibi: mu yi kyakyawu ko mumungu, mu sila nleyi ntani na ko mu kisa ntani na?>> sede su zunwa shuru.
Yesu kone su ni anwashi, e kwa yi beki siki ni loni dishiya, e gye nseminji ni nkye, <<Munka nani ke.>> Nseminji ni munka nani yi dandani e samu worikye.
Yesu Worikye Nseminji Nsu Kputuru
De Yesu ma a siki geri daa, nseminji daa de nki e yi guru ma kputuru. De e geni Yesu, e dure a kisi a geba Yesu e bayi kadishiya nkye, <<Obagizi, nde ki yeda, kisa de ni worikye.>>
Yesu munka nani e yi kpa nseminji. <<Nkye E ni ni yeda,>> Ki worikye! dandani kputuru e yi worikye bila e yi.
Worosu su menza la nsu nki sha riki zo a siki kalanga sua so de su keyi yi te a siki gizi a geba Yesu. De su samu turiki de sua keyi te ba sobon yowa ntani, su biya nshi a kiya lenda keyi ta kisi a kalanga yi su sa yi a sisika yowa ntani, a geba Yesu.
De Yesu geni beigaskye asu, nkye, <<Oboki, Mirikisi yape lepi ake.>>
Parisiyawa nja male ni doka Musa su ma gye nkiasu nkye, <<Waa ma nse mu de yaa yi beta ni saba mu? Waa yaa yape lepi mba Mirikisi e shi dandaa e yi aba?>>
Yesu shina mbode sua yi tunani a kiya e minya nkye, <<Mina sa de kwa tunani mu a siki dishiya aku? De su pala nkye, <Su yape lepi ake,> ko su nkye, <Dege de ki yi tepiya wona pi>? Sede mma so de ku shina nkye Yaa nsebeki e man yiko de yaa yape lepi a durinya.>> gye nsu nki sha riki, <<Na gye ke, dege a bisi, la kalanga ake de ki te a gizi.>> Dandani e dege a bisi a geba asu, e la kalanga e yi de e kwakwana a kiya e yi e te a gizi yaa yobo Mirikisi.
Nseminji Nsu Nana sharuwa
A nana asibi daa Yesu te a siki kolonwa yaa kokoyi su, nseminji daa ma anya ni de nani e yi e sha riki. Parisiyawa nja male ni doka Musa sua bila turiki de su ka Yesu nlepi, sua kone yi ko yaa te worikye nsu suwo a nana asibi. Sede Yesu shina tunani mbode sua yi e gye nseminji de nani e yi sha riki nkye, <<Dege de ki te sakisi a geba asu.>> E dege te sakisi a geba asu.
Se Yesu gye su nkye, <<Na minya ku, a mina na doka pala de sua yi a nana asibi: Su yi kyakyawu ko mungu? Su sila leyi ko su kisa la?>>
E kone su gyewe guru, se e gye nseminji ni nkye, <<Munka nani ake.>> E munka, se nani e yi kuma munka.
Beigaskye ni Totolo Shoja
De Yesu gama gye ntani guru mbo mu, e yuru a Kapanawu. Anya ni bunwa totolo shoja Roma, de nsu gizi yi yaa so yi soseyi, yaa yi suwo yaa bila de muntu. De totolo shoja Roma zi nabari Yesu e saka worosu su toree Yawudawa anya yi, su gye yi de e zo worikye bunwa yi. De su zo anya Yesu, su ologba yi soseyi, <<nseminji mu e yi kyawu de ki sua yi to, E so ntani amu nja e shi nkiya yi gini mu kolonwa.>> Yesu te nja su. De e kusa ni gizi ni se totolo shoja mu saka nsu oboki e yi anya Yesu:<<Obagizi, kede ki dama kiya ke, ni deta de na sonka a lenda gizi na ba. E shiya sa ni geni ni deta de ka zo anya na ba. Sede ki pala beta kede, bunwa na yaa worikye. Eni nkiya na ni ma a nani ni yiko nseda la, niman shoja a nani na. Ni gye nse mu nkye,<Te,> se e te; nseda,<Zo,> se e zo. Ni gye bunwa na,<Yi mbo mu,> se yi. De Yesu zi mbode e pala, e yi mamanki, e juyi kone ntani de sua biya yi e gye su nkye <<Na gye ku, a siki Izireyila ntaba geni beigaskye nsu sori yiri samu ba.>> Worede su saka su juyi te a gizi totolo shoja su san bunwa e yi worikye.
Se mase daa de mumungu aworo sayi suwo ni shekera gom sha takusi. Se tonkori eya mu ka ba. De Yesu geni yi, se e sukwa yi nkye, Iwa gizi, ki worikye a siki suwo ake.>> Se Yesu sa yi nani, dandani mase ni munka dege a bisi e yobo Mirikisi.
Yesu A gizi ni Parisiyawa
A nana asibi, Se Yesu te de si mbosi a gizi ni tolense parisiyawa, ntani kapa yi ndani sua kone yi. A geba e yi nseminji daa de seni e yi nja nani e yi kyubu zo anya Yesu. Yesu minya parisiyawa nja male worede su shina doka, <<A siki doka e kyawu de su worikye ntani a nana asibi ko e yi kyawu ba?>> Se su zunwa shuru. Yesu worikye nseminji nsu suwo e gye yi nkye te ma ke.
Yesu Worikye Kputuru Gom
Yesu ma a turiki ni Wurishelima, e biya yanka de ma sisika Samariya nja Galili. De Yesu ma a siki tepiya ta dende geri, menza gom de su man suwo kputuru su sa nshi. Su sakisi nyisa Se su yi sukwa dege murinya nsori,<<Yesu, Tolense, ki zi toseyi amu!>>
De Yesu geni su, nkye, <<Ku te, de ku nana kiya a ku anya ni pirisi,>> Su ma a kiya tepiya, se su worikye.
Daa a siki kputuru gom, de e geni e worikye, e kuma beyi, e dege wurinya nsori yaa yobo Mirikisi. E dure a geba ni Yesu, e gbede yi e ma nse minji Samariya la.
Yesu minya, <<Kuma gom na su worikye ku bo? Ririgye tera su ma angana? Ba nse daa de e kuma zo de yobo Mirikisi ba sede bakwe mu?>> Se Yesu gye yi nkye, <<Dege de ki te; beigaskye ake e sa ki samu worikye.>>
Yesu Worikye Gurugu
A beyi da mu, Yesu te Wurishelima a buki ntani Yawudawa. A Wurishelima romu riki daa ma kusa ni Kopa Timshiya, de su gyowe yi ni rugwa biyari de arishiya ntani Yawudawa sua sukwa yi nkye Beseda. A rugwa ni worosu su nsu suwo su ma zunwa a siki yi, ni makapi, ni gurugu, ni nsu nki sha riki. Sua pekye de meleku Mirikisi e bula riki, sobon akonwoni kwanki meleku Mirikisi ma sonka de bubula riki. Du nsude para yuru a kwanki de su bubula riki, yaa worikye dege kowoni yiri suwo de e man shi. Anya ni nseminji daa e ma yi suwo shekera talatin ni takusi. De Yesu geni yi kwakwana anya ni, e shina nkye nseminji mu e dede de yaa suwo, Yesu minya yi nkye, <<Ka bila de ki worikye?>> Nsu suwo mu keleba nkye, <<Male,>> <<Ni man nseda ba de yaa sua ni nto kwanki de Meleku bubula romu riki. Nde mma yi kokori de ni yuru nseda yaa rigye yuru.>> Se Yesu gye yi nkye, <<Dege a bisi! la kalanga ake de ki yi tepiya.>> Dandani nseminji ni worikye; e la kalanga yi a bisi yi tepiya te.
Nana de mbo mu paru e ma nana asibi de ntani Yawudawa sua yi ANKI ba,
Se Yesu kuma mbayi ta geri Kaana ni Galili, anya de e juyi riki ma inebi. Anya ni tolense daa ni gizi seleki a Kapanawu de yaa yi man lapiya ba. De nseminji mu zi nkye Yesu butu a Yawudiya zo a Galili se e te ologba yi de e te worikye yaa yi, de yaa bila muntu. Yesu gye yi nkye, <<Nde ku geni mbo mamanki nja mbo ni alama ba>> Ku ma yeda ba dirim.>>
Tolense mu keleba nkye, <<Male, zo mu te kapi de yaa na e muntu.>>
Yesu keleba nkye, <<Ka iya te. Yaa ake yaa mani leyi.>>
Nseminji ni yeda kelima de Yesu pala e te meyi. De e ma kiya turiki ni te a gizi, Bunwa yi sa nshi nkye yaa ke e mani leyi. De e minya kwanki de yaa yi dege, su gye yi nkye, <<Mashapo bila yi jiya kyakya de nana keyi kiya.>>
Adaa ni yaa ni turunwa nkye kyakya de Yesu gye yi nkye, <<Yaa ake yaa mani leyi.>> se e sa ntani gizi yi guru su yeda ni Yesu.
Da mu e shiya ma mbo mamanki ni bi de Yesu yi, beyi de e bila Yawudiya ta Galili.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
De Yesu ma a kiya tepiya mase daa de yi shekera gom sha bi yaa nya zini e biya a beyi zo kpa Yesu a baki riga. E pala a dishiya e yi nkye, <<Nde ni kpa riga yi kede na worikye.>>
Yesu juyi se geni yi nkye. <<Yaa na ni mase,>> Kadishiya, <<beigaskye ke sakye worikye.>> Dandani mase ni worikye dege nya zini yi.
Mase daa ma anya ni de e meyi suwo nya zini ni shekera gom sha bi. Mase ni sha Genbeki soseyi a nani ni nsu megeni nyowa e kisa guru mbode e ma nshi, nzun yomu suwo ma ja yowa. De mase ni zi nabari Yesu, e zo a beyi Yesu e kpa riga Yesu, sobon e yi tunani a dishiya e yi nkye, <<Nde ni kpa riga e yi kin, Na worikye.>> Dandani suwo zini e yi sakisi e zi nki e yi worikye dege siki Genbeki.
A siki asu mase daa de yaa Genbeki dege suwo ni nya zini shekera gom sha bi, a kisa guru mbode manshi a nani nsu megeni, ba nsude eya worikye yi ba. E zo a beyi Yesu e kpa kuni riga yi, anya ni zini de ma nya sakisi.
Yesu minya <<Waa kpa ni?>> .
Kowon nse nkye e shina ba, Biturusu nkye, <<Tolense, ntani su yi yowa kowoni nse ma kpa ke.>>
Sede Yesu nkye, <<Nse daa kpa ni; Sobon Ni zi sori butu a nki na.>>
Se mase ni, geni su shina yaa yi yaa boyi gagaba, e butu nki e yi ma kakada e puari a geba Yesu. A ndani ntani guru, e pala mbode saa e kpa Yesu nja yiri de e worikye. Yesu gye yi nkye,<<Yaa mase, beigaskye ake worikye ke. Sonka ni selema.>>
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
Yaa Mase De Muntu Nja Mase De E kpa Riga Yesu.
De Yesu ma siki gye su mbo mu, tolense ni kolonwa daa zo dunkye a geba e yi, yaa ologba Yesu nkye, <<Yaa na ni mase muntu kuzukam zo de ki sa nani ke a kiya e yi, de ema leyi.>> Yesu nja yayagizi yi su dege a bisi te nja shi.
De Yesu ta a gizi tolense ni kolonwa e sa ni nsu wula tapire muntu nja ntani yowa sua yi kuruwa, Yesu gye su nkye, <<Ku butu te woze. Yaa mase mu muntu ba yaa yi kwana la.>> Guru asu su yi Yesu dala ni nene. A beyi de Yesu butu ntani guru de su te woze, e te a siki laki e la yaa mase a nani, se yaa mase dege a bisi.
Se daa a siki ni toree ni kolonwa tala su, seni e yi ma Yayirus, zo anya ni. De e geni Yesu, e puari a geba e yi e yi ologba Yesu soseyi nkye, <<Yaa na ni mase e ma baki muntu. Zo de ki ja yi nani a kiya de e worikye e kuma man leyi.>> Se Yesu te nja shi.
Ntani nyowa su biya yi ari su ma masa Yesu.
De su zo a gizi ni tolense kolonwa, Yesu geni yiri de ntani rikishe, su meyi kuka ni kuruwa nsori. Yesu yuru a siki gye su nkye, <<Mina sa de ku meyi kuka ni kuruwa yomu? Yaa mase mu muntu ba e meyi kwana la.>> Ntani su yi Yesu dala.
A beyi de Yesu butu ntani guru a woze, e la adaa ni yaa mase ni nja amaa e yi nja yayagizi e yi de su ma nja shi, su yuru a siki anya de yaa mase ni ma. Yesu ka nani yaa mase ni gye yi nkye, <<Talita kumi,>> e shiya ma, <<Yaa mase, Ni ma gye ke, dege a bisi!>>. Dandani yaa mase ni dege a bisi meyi tepiya gyewe yaa mase ni mani shekera gom sha bi. Mbo mu sa ntani guru meyi mamanki.
Yesu sigeba ni beta nkye, <<Ni mina, sua gwada ntani zamani mu nshi? Su ma woni yiri ntani? Su ma kankye yaya dende na de su zuzunwa abije su ma sukwa nki asu:
<<<Mu pula ku tapire,
ku ki wasa;
mu yi ku wonka ni muntu,
ku ki de ku yi kuka.> Yaaya nsu tunkwasa e zo e si mbosi ba e sha riki yaya ntasi ba, ku nkye, <E ma ni arizeni.> Yaa Nsebeki e zo e ma si e ma sha, ku nkye, nsu mungu si ni nsu sha giya bugu, oboki ni nsu keleba gendu nja nsu <<Lepi.>> > Sede simi Mirikisi a nana gaskye ba guru worede yeda nja shi>>.
Yesu A gizi Sima Nseminji Parisiyawa
Kuzukam nseminji parisiyawa daa sukwa Yesu ta a gizi yi de e te si mbosi, de Yesu zuzunwa de si mbosi. A siki geri ni mase daa nsu yi lepi. E zi nkye Yesu ma si mbosi a gizi ni parisiyawa, e keyi tuni meyi kemeshi,
Anya ni nseminji daa sua sukwa seni yi Yayirus, e shiya ma tolense kolonwa, e zo dure a geba Yesu, yaa ologba e yi de te a gizi e yi, sobon yaa e yi ndandaa kede ni mase, yaa shekera gom sha bi, yaa so de muntu.
De Yesu ma kiya turiki, ntani ma biya yi su ma kpa nki e yi a kowoni keteri.
De Yesu tuku ma kiya beta, nse daa zo dege gizi ni Yaa yuru, tolense ni kolonwa. <<Yaa ake muntu>> e pala. <<kede ki dama male gagaba.>>
De Yesu zi yomu, E gye Yarisu nkye, <<Kede ki zi womba; beigaskye ake, yaa sa yaa ake yaa worikye jaja.>>
De Yesu keyi gizi ni Yarisu, Yesu saa nse daa yuru nja shi ba se Biturusu, nja Yaaya nja Yakubu, nja adaa nja amaa ni yaa ni. A kiya yomu ntani de su ma a gizi ni su mayi kuka nja beki siki sobon yaa mase de muntu. Yesu nkye. <<Kede ku yi kuka,>> <<E muntu ba yaa yi kwana na.>>
Su yi Yesu dala ni nene, sobon su shina yaa mase ni e muntu. Sede Yesu ka nani yaa mase ni nkye, <<Yaa mase, dege a bisi!>> Se aworo yi kuma, dandani e dege a bisi. Se e gye su de su beyi mbosi de si. Adaa e yi nja amaa e yi su ma yi mamanki, sede Yesu gye su nkye kede su gye nse daa mbode paru.
Muntu Ni Lazaru
Su yi nseda nsu seni Lazaru. E meyi zunwa a Betani, a dende geri de Meremu nja yayiwa e yi Mata su ma. Lazaru e meyi suwo. Lazaru, de e meyi suwo, e ma yayiwa ni Meremu de nya Obagizi meyi kemeshi a seni de e kwa shire seni yi ni gesa kiya yi. Meremu nja Mata yayiwa Yesu su beyi manki te nja Yesu nkye, <<Obagizi, oboki ke de ki ma so soseyi ema yi suwo.>>
De Yesu zi yomu, e pala nkye, <<Suwo mu yaa taba kisa Lazaru ba. Sede yaama delili de ntani sua ba Mirikisi girima su kua ba Yaa yi dereja.>> Yesu so Meremu nja yayiwa e yi Mata nja Lazaru. Nzun yomu de e zi nkye Lazaru e meyi suwo, Yesu kwa ja kwana bi anya de e ma tuku e dege te.
Se Yesu gye yayagizi yi nkye, <<Ku dege de mu kuma mbayi ta Yawudiya.>>
Sede yayagizi yi su nkye <<Male, e dede ba aka de Yawudawa su bila de su ripi ke ndunsi, ka kwa kuma mbayi te anya ni?>>
Yesu keleba nkye, <<Keripi gom sha bi na e ma nana daa bo? Sobon yomu guru nsude e meyi tepiya nnana yaa titimi ba, sobon e ma geni asikye durinya mu. Sede guru nsude e meyi tepiya ndederi yaa titimi, sobon e ma geni asikye ba.>>
De Yesu pala yomu, e sigeba ni gye su nkye, <<Oboki amu Lazaru e muntu; sede Na te de ndege yi.>>
Yayagizi yi su pala gye yi nkye, <<Obagizi, nde e ma yi kwana la, yaa worikye.>> Yesu meyi nupi Lazaru muntu la, sede Yayagizi yi su ma geni kankye Lazaru e ma yi kwana ni pushe la.
Anya ni Yesu gye su a pili nkye, <<Lazaru muntu,
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
Yesu Sakisi Ni Totolo Akusuka
Se Yesu yuru a siki kwanto, Yayagizi yi yuru biya e yi. Dandani totolo akusuka dege a siki totolo riki, riki wula yuru a siki kwanto, Yesu ma yi kwana. Yayagizi yi dege yi, su nkye, <<Obagizi, sila mu! Mua bila muntu!>>
<<Yesu keleba su, oku mere beigaskye, mina sa kwa yi womba?>> Se e dege a bisi kwabe akusuka nja angwe riki guru su yi ship.
Konwawa su yi mamanki su minya nkye, <<Woni yiri nsebeki mu? De akusuka nja angwe riki su zi betayi?>>
De nyema yi yayagizi yi zo gye e yi nkye, <<Anya mu nseda ma asikye yi ba, gye ntani mu de su te a siki geri de su bila mbosi.>>
Yesu keleba, <<E ma dole na de su ta anya daa ba. ku ba su mbo si de su si.>>
Su keleba nkye <<Mu mani mbodaa anya mu ba sede buredi biyari nja gunda bi,>>
Yesu pala nkye. <<Ku zo nshi anya mu,>> E gye su guru su zunwa a kiya sanwa. E la buredi biyari nja gunda bi e kone bisi, e gbede Mirikisi se e laba buredi. Se e ba yayagizi e yi, yayagizi e yi su ba ntani. Guru ntani su si ari su koshi, yayagizi e yi sukwa yi worede rigye sika obubu gom sha bi. Yowa ntani de su si su ma menza dubu biyari, bon mata nja yaya dende.
kyakya ni pekye keripi wuru ni dederi Yesu ma yi tepiya a kiya riki ma zo ayan yayagizi e yi.
Yesu Ba Ntani Dubu Wuru Mbosi Si
Yesu sukwa yayagizi yi nkye, <<Na zi toseyi ntani woromu; su ma nja ni kwana asu wuku naka su si mbosi ba. Na bilade su kuma te ni nyunwa ba, sobon kede su lense muntu a turiki gizi.>>
Yayagizi yi su keleba yi nkye, <<Angana mua samu buredi de yaa deta ntani worosu mu a siki denka mu?>>
<<Yesu minya nkye, Buredi kona ku man shi?>>
<<Su keleba buredi bokwe nja gunda piri.>>
Se Yesu gye ntani su zuzunwa a kisi. Yesu la buredi bokwe nja gunda ni, e gbede Mirikisi, e sua buredi ni se e ba yayagizi yi, su laba ba ntani guru. Guru asu su si koshi. A beyi guru Yayagizi yi sukwa yi worede rigye sika obubu bokwe de kekeriya rigye. Yowa ntani worede si mbosi su ma dupu wuru, boni mata nja yaya dende.
Beyi Gendu Ni Gizi Mirikisi
De Yesu nja yayagizi yi zo Akapanawu, worede sua keleba gendu a siki gizi Mirikisi su zo minya Biturusu nkye, << Male aku yaa biya gendu gizi Mirikisi bo?>>
Biturusu keleba nkye. <<Ee, yaa biya,>>
De Biturusu yuru a siki gizi, Yesu na para yi beta, <<E minya nkye Biturusu, mina ki geni?>> <<Anya waa seleki durinya sua keleba gendu, anya ntani asu ko yaya bakwe?>>
<<Biturusu keleba nkye!>> Anya worosu su.
<<Se Yesu gye yi nkye, yaya asu sua biya ba. Sede kede mu yi ntani mu lepi ba. Te atotolo riki de kisa akurigya ake. Gunda de ki ka ni pari, bure baki yi ka geni toro daa, la de ki biya gendu Na nja na ku.>>
Yesu sa Ntasi Bori kyekeri
Mbaki nsape, de e ma turiki ni kuma ta totolo geri, e zi nyunwa. E geni ntasi bori sakisi a keteri turiki, e te anya e yi sede e samu yaya a siki e yi ba se genya. Se e gye ntasi bori nkye, <<Ka sakye yi yaya gagaba!>> Dandani ntasi bori kyekeri.
De yayagizi e yi su geni mbo de paru, su yi mamanki. Su minya Yesu.<<Mina sa de ntasi bori kyekeri seberi yomu?>>
Yesu keleba gye su nkye, <<Na gye ku gaskye, nde ku beigaskye de ku laba dishiya bi ba, mbo de paru ni ntasi bori mu kina kwa yi ba, sede kwa gye totolo dunsi, <Te, gizi nkye ake a siki totolo riki,> Yaa kwa zi ku. Nde ku beigaskye, kwa keleba guru mbo de ki minya a siki ni lepa.>>
Se bisi yi beki kili nja totolo akusuka, ari e ma dege riki totolo riki ma dukwa kwanto, ari yaa bila de e wokye. Yesu ma a beyi ni kwanto la kiya jaa mbo kwana yaa yi kwana. Yayagizi e yi dege yi su nkye, <<Male, mua muntu ko e suwo ke?>>
Se Yesu pelenka, E kwabe akusuka se e gye riki nkye, <<Yi shuru! de ki sakisi!>> Se akusuka sakisi sip.
Yesu gye yayagizi yi nkye, <<Mina sa de kwa yi womba? Ari kuzukam ku mani beigaskye bo?>>
Su zi womba soseyi su minya nkiya su nkye, <<Waa ma nseminji mu? De ari akusuka nja agaguwa sua beyi girima!>>
De nyema e yi, yayagizi e yi gye yi nkye, <<Anya mu ntani ma a siki e yi ba,>> <<Nana kusa puari. Seleme ntani de su te a siki geri nja dende geri kusa de su bila mbosi de su si.>>
Sede Yesu keleba nkye, <<Oku ku ba su mbodaa de su si.>>
Yayagizi e yi gye yi nkye, <<Da mu yaala nsebeki wonta takusi ni ANKI gyolo de sua biya yi! Mua kisa gyolo nyowa mu a kiya mbosi de mua ba su de su si?>>
Yesu minya su nkye, <<Buredi kona ku ma nshi?>> <<Ku te de ku geni.>>
De su te kone, su nkye, <<Buredi biyari nja gunda bi.>>
Se Yesu gye Yayagizi e yi de su gye ntani su zuzunwa kunji kunji a kiya sanwa. Su zunwa a kisi kunji kunji worosu su deri deri worosu amsin amsin. De Yesu la buredi guda biyari e kone bisi, e gbede Mirikisi se e sua buredi. Se e ba yayagizi e yi de su ba ntani. E kwa laba gunda bi ni ba su guru. Guru asu su si su koshi, yayagizi e yi su kwa yi obubu gom sha bi de sika ni buredi nja gunda de rigye. Yowa ni ntani de su si mbosi su keyi menza dupu biyari.
De Yesu geni yayagizi yi su ma yi pama ni kwanto, sobon akusuka meyi geba nja su. Kyakya keripi wuru nsape na Yesu butu te anya su, e meyi tepiya a kiya riki. E ma so de e bise su, sede su geni yi meyi tepiya a kiya riki, su ma geni kankye potoruwa la. Su yi kuruwa nsori, sobon guru asu de su geni yi su yi womba.
Dandani Yesu yi beta nja su nkye, <<Ku yi sori dishiya! Eni la. Kede ku yi womba.>> Anya ni Yesu nunwa kwanto nja su, akusuka kuma sakisi sip. Guru asu su yi mamanki,
Yesu Ba Ntani Dubu wuru Mbosi
A kwanki ni ntani nyowa su kwa tala. Tunde su mani mbosi ba, Yesu sukwa yayagizi e yi nkye, <<Ni ma zi toseyi ni ntani mu; su ma nja ni kwana su wuku naka su si mbosi ba. Nde Ni seleme su te a gizi ni nyunwa, sua lense leyi a turiki, sobon worosu su asu su zo dege anya nsu nyisa.>>
Yayagizi e yi keleba, <<Sede angana a siki sanwa mu mua samu mbosi nyowa de yaa deta ntani mu?>>
Yesu minya asu, <<Buredi kona ku ma nshi?>> Su nkye,
<<Bokwe.>>
Yesu gye ntani su zuzunwa a kisi. De Yesu la buredi gunda bokwe e gbede Mirikisi, se Yesu sua buredi ni se e ba yayagizi e yi de su ba ntani, osu kuma su yi mbode Yesu gye su. Su man worosu su gunda dende du; Yesu gbede Mirikisi sobon nsu e kwa gye yayagizi e yi su laba ba ntani. Ntani su suku ari su koshi. Yayagizi Yesu su kwa yi worede rigye obubu bokwe. Yowa ntani de su ma anya ni su keyi menza dupu wuru se Yesu seleme su,
Yesu Shire Laki Lepa
De geri shekeri su bila Betani, Yesu zi nyunwa. Yesu geni ntasi bori nsu genya, e te de kone ko e man yaya. De te anya ni, e san mbodaa ba sede genya la kin, sobon e ma kwanki de bori yaa yi yaya na ba. Se Yesu gye ntasi bori nkye, <<Nseda yaa sakye suku yaya ke ba ni gbogbo gbogbo.>> Yayagizi e yi zi mbode e pala.
Ntasi Bori De Kyekeri
De geri shekeri, su ma bise, su geni ntasi bori ni kyekeri butu a ririnya yi. Biturusu turunwa e gye Yesu nkye, <<Male, kone ntasi bori de ki yii baki mu e kyekeri>> Yesu keleba su nkye, <<Ku beigaskye nja Mirikisi,>> <<Ni ma gye ku gaskye, du nsude beigaskye ni Mirikisi yaa gye dunsi mu nkye, <dege te, de ki puari a siki totolo minya,> nde ki laba dishiya e yi a kiya mbode e pala ba, yaa paru. Nkayomu Ni ma gye ku, Guru mbode ku pata a siki lepa, ku beigaskye nkye kwa samu, yomuna yaa ma na ku. Guru kwanki de kwa yi lepa, nde ku keyi nseda a dishiya ku yape yi, sobon Adaa ku ni bisi ma yaa yape lepi aku.
Yesu Sukwa Yayagizi yi Ni Pari
Na daa de Yesu sakisi a keteri riki ni Janisarat, ntani Nyowa gyowe yi sua kiri nkiasu de su zi kokoyi ni kelima ni Mirikisi, Yesu geni kwanto bi a karishe riki, de nsu kaa gunda bila, sua wonkye eya asu. Yesu yuru a siki kwanto daa, de mani Biturusu, se e gye yi nkye kiri kwanto piri ta siki riki. se e zunwa yaa kokoyi ntani a siki kwanto.
De Yesu gama beta, e gye Biturusu, <<Ki Kiri kwanto te anya ondum riki, de ku sa eya de ku ka gunda.>>
Biturusu keleba nkye, <<Nsugizi, mua pama ANKI tun dederi mu ka mbodaa ba. Sede tunde ki pala yomu, Na kutiri eya a siki riki.>>
De su yi mbo de Yesu gye su, se su kaa gunda nyowa de sa eya asu e para saga. De su geni yomu, se su sukwa oboki ANKI asu de su ma siki kwanto daa de su zo sua su nto, se su sika kwanto guru bi ni gunda de saa yaa so de yuru a siki riki sobon loni gunda.
De Biturusu geni mbo de paru, e puari a geba Yesu nkye, <<Te ma ke bila ni, Obagizi; Ni ma nsu lepi la!>> E shi nja guru nsu de su ma gabada su yi mamanki ni gunda de su kaa butu nshi, yomu na Yakubu nja Yaaya, yaya ni Zabedi, de su ma oboki anki ni Biturusu.
Se Yesu gye Biturusu nkye, <<Kede ki zi womba; dege kuzukam ta geba ka kaa ntani na ba gunda ba.>> Se su jaa kwanto asu ta keteri baki riki, su bila mbode sua yi guru su biya Yesu.
Yesu Sakisi ni Gaguwa
Nana daa Yesu gye yayagizi e yi nkye, <<Mu nyenteri riki te a keteri.>> Su yuru a siki kwanto se su nyenteri te a woze. De su ma a siki tepiya, Yesu yi kwana. Su shina ba a gidagida yi beki akusuka nsu sori dege a siki riki. Su yuru a siki totolo aseri, sobon riki wula ma yuru a siki kwanto.
Yayagizi e yi dege yi a kwana, su nkye, <<Tolense, Tolense, mwa muntu!>>
Yesu dege a bisi kwabe akusuka nja agaguwa riki de ma somiya; akusuka nja riki sakisi ship. Yesu minya yayagizi e yi nkye. <<Beigaskye aku manga?>>
Su zi womba soseyi su yi mamanki su ma minya nkya su, <<Waa ma nse mu? E kobe akusuka nja riki, su kwa zi yi.>>
Yesu Sakisi ni Gaguwa
Nana daa Yesu gye yayagizi e yi nkye, <<Mu nyenteri riki te a keteri.>> Su yuru a siki kwanto se su nyenteri te a woze. De su ma a siki tepiya, Yesu yi kwana. Su shina ba a gidagida yi beki akusuka nsu sori dege a siki riki. Su yuru a siki totolo aseri, sobon riki wula ma yuru a siki kwanto.
Yayagizi e yi dege yi a kwana, su nkye, <<Tolense, Tolense, mwa muntu!>>
Yesu dege a bisi kwabe akusuka nja agaguwa riki de ma somiya; akusuka nja riki sakisi ship. Yesu minya yayagizi e yi nkye. <<Beigaskye aku manga?>>
Su zi womba soseyi su yi mamanki su ma minya nkya su, <<Waa ma nse mu? E kobe akusuka nja riki, su kwa zi yi.>>
Yesu Worikye nja Nsu Arizeni
Yesu nja yayagizi e yi su yi tepiya a siki kwanto ari su keyi kesa ni garasinawa, de ma a keteri totolo riki Galili.
De nyema yi se yayagizi e yi zo anya e yi su nkye, <<Bila ntani de su te a siki dende geri nja beyi geri de su bila mbosi nja anya de sua kwana, anya de mu ma mu mani ntani de la mbosi see ba.>>
Yesu gye su nkye, <<Oku ku ba su mbosi de su si.>>
Su keleba, <<Mu man buredi biyari nja gunda bi na kin sede mua te sa yi ntani mu guru mbosi.>> Menza de ma ayan sua keyi ntani dupu biyari.
Yesu gye yayagizi e yi nkye, <<Gye su de su zuzunwa ntani amisin.>> Yayagizi Yesu su yi mbode Yesu gye su, su saa ntani zuzunwa. Yesu la buredi biyari nja gunda bi mu e kone bisi, e gbede Mirikisi se e lalaba ba su. E ba yayagizi e yi su laba ba ntani. Guru asu su si koshi, yayagizi e yi su kwa yi daa de rigye sika obubu gom sha bi.
Yesu Buki Ni Amere a Kaana Ni Galili
A nana ni wuku su yi buki ni amere a kesa Kaana ni Galili. Amaa ni Yesu ma ayan, su woyi Yesu nja yayagizi yi ma du a buki amere ni. De riki inebi yaa, amaa ni Yesu gye yi nkye, <<Riki ni inebi asu yaa.>>
Yesu keleba nkye, <<Amaa, kede e dama ke>> <<Kwanki na tuku yi woba.>> Amaa Yesu gye nsu bunwa ni nkye, <<Ku yi guru mbode Yesu gye ku nkye ku yi.>> Anya ni tuni kesa gunda shida sakisi, de Yawudawa su meyi ampani nshi sobon alada asu ni wonkye nki, kowoni tuni daa yaa si gwala riki ashiri nja talatin.
Yesu gye bunwa nkye, <<Sika tuni worosu mu ni riki>>; Se su sika tuni woroni ni riki e nya.
Se e gye su nkye, <<Kuzukam ku sa riki keyi tolense ni buki.>>
Su yi yiride e gye su, tolense buki sha riki ni piri de rigye juyi ma riki ni inebi. E shina ko angana su butu nshi ba, kode nkye bunwa de su sua riki shina anya de e butu. Se e sukwa minzi okeshe a keteri nkye, <<Konse ma para beyi riki inebi kyakyawu nde ntani sha nyowa tuku yaa zo ni daa de yi kyawu kankye daa ni ba; sede e ke ki la kyakyawu riki inebi boyi ari kuzukam.>>
Daa mu e shiya ma alama mbo mamanki ni pari, de Yesu yi a Kaana kesa Galili. Yomuna e pelesa dereja e yi sori yi, se yayagizi yi su beigaskye nshi.
Yesu minya Pilibu beta mu de e gwada yi la, sobon Yesu rigye shina mbode yaa yi a dishiya e yi.
Pilibu keleba nkye, <<kee! ko gyolo aziripa deri bi yaa deta see mbosi nyowa de konwawa yaa samu piri ba!>>
Anya ni daa a siki yayagizi yi, nsu seni Anduru, yayiwa ni Sima Biturusu, gye Yesu nkye, <<Yaa dende daa aka anya mu e ma ni mbosi piri nja buredi biyari ni gari bale nja gunda bi, sede mbosi biyari nja gunda bi mu sua deta ntani nyowa mu?>>
Yesu gye yayagizi yi nkye, <<Ku gye ntani de su zuzunwa a kisi.>> Sanwa ma ayan nyowa, guru ntani de su zuzunwa su keyi menza dupu biyari. De Yesu la mala mbosi ananiyi, e gbede Mirikisi, se e laba ba ntani de su zuzunwa ayan e ba su guru mbode deta su. Yomu na Yesu kwa yi ni gunda.
De guru asu si mbosi koshi, Yesu gye yayagizi yi nkye, <<Ku tala worede su rigye de kede su bebeta.>> Se yayagizi yi tala mala mbosi de ntani si rigye sika totolo obubu gom sha bi ni buruburu mala de rigye dege siki mala buredi ni gari bale biyari nja gunda bi de ntani suku.
A beyi de yayagizi yi su tunkwa kwanto a kiya riki ni meli biyari ko sheeda, se su geni Yesu meyi tepiya a kiya riki; e ma zo kusa ni kwanto asu, se su zi womba. Sede Yesu gye su nkye, <<E ni la; kede ku zi womba.>> Anya ni su yeda Yesu e yuru a siki kwanto nja su, dandani kwanto keyi su te a keteri anya de ntani sua sonka kesa.
Yesu Pelesa Kiya yi Te Nja Yayagizi Bokwe
A beyi yomu Yesu pelesa kiya yi te nja yayagizi yi jaja, a baki ni totolo riki ni Tiberiya, yiri de e paru aka: Sima Biturusu, Tomasi de sua sukwa yi yaa togoyi, Nantaniyel nseminji kesa ni kaana ni Galili, yaya ni Zabedi, nja yayagizi Yesu guda bi su ma gabada. Se Biturusu gye su nkye,<<Na te ka gunda,>><<Omu mua biya ke.>>se su butu te yuru a kwanto, su ka mbodaa ndederi ni ba.
Se nsasape, Yesu zo sakisi a baki ni totolo riki, sede yayagizi shina nkye e ma Yesu naba
Se Yesu sukwa su nkye,<<Oboki ku ka gunda bo?>>
Su keleba nkye, <<Ayi>>
Se Yesu gye su nkye, <<Ku kutiri eya ku a keteri nani dama ni kwanto kwa ka gunda.>> de su kutiri eya su, su ka gunda nyowa ari su ma sori jaa eya su ba sobon nyowa gunda de su ka.
Yaagizi de Yesu yaa so e gye Biturusu nkye, <<Ema Obagizi la!>> dandani de Sima Biturusu zi yomu, se Biturusu la rigye yi sa nki sobon e mani riga nki ba se e tirimi te a siki riki. Worosu yayagizi biya keyi baki riki a siki kwanto, jaa eya sika ni gunda, sobon su yi nyisa ni kesa ba, e man kankye seni gonta deri. De su keyi woze, su geni agushi wuta ni gunda kyapa a siki wuta, nja worosu su buredi
Se Yesu gye su nkye, <<Zo ni worosu gunda de ku ka.>>
Se Biturusu yuru a kwanto te jaa eya zo a woze, sika ni totolo gunda deri daa ni amisin ni wuku, sede kode nkye ka yowa gunda iya pirigye ba.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
Yesu Worikye Bunwa Ni Tolense Shoja
De Yesu yuru akapanawu, se totolo tolense shoja ni Roma zo anya yi yaa bila de Yesu e sua yi nto. <<Nkye Obagizi,>> <<Bunwa naa e man lapiya ba ema a gizi yaa zi nki yowa nja suwo nki sharuwa.>>
Yesu gye yi nkye, <<Na te de worikye yi.>> Tolense shoja keleba yi nkye, <<Obagizi, Ni deta de ka zo a gizi na ba. Sede ki pala kelima kin, bunwa na yaa worikye. Ko eni ma ni ma yiko nseda na du, sede ni man shoja agizina. Na gye nseda nkye, <Te,> Yaa dege te; nseda na gye nkye, <zo,> yaa zo. Ni gye bunwa na, yi ANKI mu yaa yi.>>
De Yesu zi yomu e yi mamanki e gye nsu worede su biya yi nkye, <<Na gye ku gaskye, Ni taba geni nseda a siki Izireyila de beigaskye yomu ba. Na gye ku gaskye ntani nyowa de su shina Mirikisi ba sua butu anya nyisa, sua zo anya buki a pili nja Abireyi, Ishaku nja Yakubu a gizi bisi. Sede worede su ma yaya solota ba, sua la su kutiri a siki dopuwa, anya de sua yi kuka nja suku ankuri.>>
Yesu gye tolense shoja Roma nkye, <<Te ma ke a gizi, mbode ki beigaskye e shiya sua yi ke nshi,>> anya ni bunwa tolense shoja worikye dandani
Yesu Worikye Menza Bi De Su ma Mumungu Aworo.
De Yesu keyi keteri riki ni gunduma Ganesere, menza bi de suman Aworo mumungu su butu a siki kumsha sa nshi. Su ma mbo womba nja nseda ma sori de yaa biya a turiki ni ba. <<Dandani Su yi kuruwa nkye mina na ka bila anya mu, E ke Yaa Mirikisi?>> <<Ki zo de ki ba mu poro tunde kwanki mu keyi wo ba?>>
E yi nyisa nja su ba de sua ke anyade alede si mbo si. Mumungu aworo su pata Yesu nkye, <<Nde ka kula mu de mu butu ta woze, kula mu de mu te a siki alede mu.>> E gye su nkye, <<Ku te!>> Su butu te siki alede, guru alede su te yuru a siki totolo riki se guru asu su muntu teke a siki riki. Nsu worede sua kiwo alede su yi gudu te siki geri, su gye ntani mbode e paru nja menza de su ma ni mumungu aworo. Se guru ntani geri su butu te woze de su geni Yesu. De su geni Yesu, su ologba de e bila kesa su.
Yesu Worikye Nse Minzi de Ma yi Beta Ba
De sua te woze, nseminji daa de mani mungu aworo eya yi beta ba su keyi zo anya ni Yesu. De arizeni butu bila nseminji de eya yi beta ba, e para beta. Ntani yowa su zi mamanki su pala nkye, <<Mu taba geni mbodaa yomu a siki Izireyila ba.>>
Yesu Nja Baazabu
Anya ni su zo ni makapi kuruma de yaa yi beta ba sobon e mani aworo mumungu. Yesu worikye yi, de e zi nja de e kwa yi beta.
Mase De Beigaskye
Yesu bila anya ni ta siki gunduma Taya nja Sidon. Mase ni kesa Kaana zo anya yi, e yi kuka nkye, <<Obagizi, Yaa ni Dowuda, zi toseyi na! Kone yaa na ni mase yaa Genbeki nja aworo mumungu.>>
Yesu sa mase mu baki ba. Yayagizi yi su zo anya yi su beyi kadishiya nkye, <<Kula yi de e te, ema biya mu ni kuka.>>
Yesu keleba nkye, <<Su saka Ni zo anya ntani Izireyila de ma timshiya de beeta na kowon.>>
Anya ni mase ni zo dunkye a geba e yi. E pala nkye, <<Obagizi, Sa ni nani!>>
Yesu keleba nkye, <<E man kyawu de kula mbosi yaya dende ba kere.>>
<<Mase ni keleba nkye ee ema gaskye,>> Obagizi,>> <<Sede mbosi de puari dege teburu obagizi na kere yaa la si.>>
Yesu keleba yi nkye, <<Mase beigaskye ema nsori! Mbode ka so ema yomu.>> Anya ni yaa mase worikye.
Worikye Ni Yaa Nsu Arizeni
De su kuma te anya de ntani yi yowa, nseminji daa zo ayan Yesu, e dure a geba e yi. E pala nkye, <<Obagizi, Ki zi toseyi yaa na! Sobon e man suwo okpinkpi kon kwanki yaa sa yi puari a siki wuta nja riki. Ni keyi zo anya yayagizi ake, su yi yaa worikye yi ba.>>
Yesu keleba, <<Yi oku de ku ki beigaskye nja mungu ntani! Ari woshe Na ma nja ku? Ari woshe Na yi takuwa nja ku? ka yi Yaa ni zo anya mu!>> Yesu kwabe arizeni nkye butu! E butu bila yaa ni, dandani yaa ni worikye.
Dandani nseda de mani mumungu aworo a siki kolonwa yi kuruwa nkye, <<Yesu ni Nazere, mina ka bila nja mu? Ki zo de ki kisa mu la? Ni shina waa ma e ke, Nsuseki ni Mirikisi. Se Yesu kwabe mungu aworo nkye. <<Ripe baki ke!>> <<Ku butu bila yi!>> Mumungu aworo kiriba yi a kisi ari nki yi yaa kakada se e butu bila yi ni kuruwa.
Worikye Nseminji Nsu Arizeni
Yesu nja yayagizi e yi su nyenteri te a keteri totolo riki te a gunduma ni Geresinawa. De Yesu butu a siki kwanto, nseminji nsu mumungu aworo butu dege anya de su ma bishina gan zo gomu ni Yesu. Nseminji mu yaa kwana anya de su ma bishina gan, nseda iya domuna yi ba, ko ni serika. Sobon su sha domuna e yi a nani nja seni, sede yaa yenkye serika de ma a seni yi. Ba nsude ma sori de yaa sa yi bwala. Ndederi nja nana e ma anya de su ma bishina gan nja kiya ogbo dunsi ema yi kuruwa nsori yaa yanka nki yi ndunsi.
De nseminji ni geni Yesu nnyisa, e yi gudu zo dure nguyam a kisi a geba yi. Se nseminji ni yi kuruwa nsori nkye, <<Mina ka bila nja ni, Yesu Yaa Mirikisi Nsu Girima? Ni gama ke ni Mirikisi kede ki ba mu Genbeki ba!>> Sobon Yesu gye yi nkye, <<Butu bila nki nseminji mu, e ke mumungu aworo!>>
Se Yesu minya e yi nkye, <<Mina ma seni ke?>>
Se e keleba nkye, <<Seni na ma Rijon,>> <<Sobon mu man nyowa a nki yi.>> Se e yi ologba Yesu jaja kede ki butu mu bila anya mu ba.
Anya ni alede nyowa sua si mbosi a keteri ni ogbo anya ni. Se arizeni ologba Yesu nkye, <<Ki kula mu de mu te a siki alede; Bila mu de mu te a siki asu.>> Yesu ba su dama, mumungu aworo butu a siki nseminji ni yuru a siki ni alede. Alede ni, su keyi dupu bi, se su ruruga gudu yuru a siki totolo riki anya ni su tenke. Worede su ma kpanku alede su yi gudu te a siki totolo geri nja dende geri su pala mbode paru, se ntani butu te de su geni mbode paru.
Sede ku nkye nde nsebeki gye adaa yi ko amaa yi nkye: <Guru mbode kwa samu anya na ema Koban> Woto, kyawuta de ni la sa keteri ba Mirikisi, yomu la ku nana yi, de e sua adaa ko amaa e yi nto. Yomu na ku la kelima Mirikisi ma mbodaa ba sobon ni alada aku, de ku kokoyi yaya aku. Yomu la kuma yi mbo nyowa.>>
Mbode Yaa sa Nsebeki de E ma Sere Ba
Yesu sakye sukwa ntani e gye su nkye, <<Ku zi ni, guru aku, de ku gane. Ba mbosi de ma yuru a siki nsebeki dege woze e shiya ma sa nsebeki e ma nsu <Dola> ba. Sede mbode e ma butu dege siki nsebeki e shiya masa nse e ma nsu <Dola.>>>
Beigaskye Ni Mase De ma Yawudawa ba
Yesu dege bila anya ni e te a kesa Taya nja. Yesu yuru a gizi daa e yeda de nseda e shina ba; nzun yomu e yi yaa boyi kiya e yi ba. Dandani mase daa de e zi nabari Yesu, mase de yaa yi ni mase e mani mumungu aworo zo puari a geba Yesu. Mase ni ema mase Heleniyawa na, su yapu yi a Pinikiya a kesa ni Suriya. Mase ni ologba Yesu de e kula arizeni bila yaa yi ni mase.
Yesu gye mase ni nkye, <<Bila yaya dende de su si mbode su ma so,>> <<Sobon e yi kyawu de kula mbosi ni yaya dende ba kere ba.>> Mase ni keleba nkye, <<Ee, Obagizi,>> <<sede ko kere sua si mbosi de puari dege kingbolo ni si mbosi yaya dende lo.>>
Se Yesu gye yi nkye, <<Sobon yiri beta de ki yi, ki te a gizi; arizeni butu bila yaa ake wo.>>
Mase ni te a gizi e san yaa yi kwakwana a kiya gbodo, arizeni butu bila yi.
Se nseda a siki worede su tala anya ni pala nkye, <<Male, ni zo yaa na. De e ma nsu arishiya loni anya ke mungu aworo yaa nani yi beta. Du kwanki de e dege yi, yaa leyi kutiri a kisi. yaa butu ni kumpa a baki yi, yaa suku ankuri nja sangala ankuri. Ni gye yayagizi ke de su butu yi su yi yaa ba.>>
Yesu gye su nkye, <<Oku ntani sana de ku ki beigaskye,>> <<Ari woshe la Na zunwa a siki ku? Ari woshe la Na yi takuwa nja ku? ku zo yaa ni kayi ni de Ni geni.>>
De su keyi yaa ni zo nshi de mungu aworo geni Yesu, dandani e la yaa ni kutiri a kisi nki e yi ma kakada. E puari a kisi yaa butu kumpa a baki e yi.
Yesu minya Adaa ni yaa ni nkye, <<Tun woshe la mbo mu saa nshi?>> Adaa e yi keleba nkye,
<<Tun dege kwanki de e ma yaa den.>> <<Yaa leyi kutiri a siki wuta nja riki de e kisa e yi. Sede nde ka yi yaa yi mbodaa, zi toseyi mu de ki sua mu nto.>>
Yesu pala nkye, <<<Mina sa de ki minya nkye nde ka yi yaa>>> <<Guru mbo ema nsu yu la anya nsu de beigaskye.>> Dandani Adaa ni yaa mu nkye, <<Ni ki beigaskye, sua ni nto de ni yeda!>>
De Yesu geni ntani sua yi gudu zo anya ni, e gye mungu aworo nkye, <<E ke aworo kuruma nja nsu arishiya loni,>> <<Ni ba ke doka, ki butu a siki e yi kede ki sakye yuru a siki e yi gagaba.>>
Mungu aworo yi kuruwa, e dukwa e yi se e butu. Sua kone Yaa mu kankye gan ntani nyowa sua nkye, <<E muntu la>> Sede Yesu keyi nani, se e dege sakisi a bisi.
Yesu Worikye Ntani Nyowa
Yesu bila siki kolonwa e te a gizi ni Sima. Amaa ni mata Sima yaa yi suwo ni mashapo, se su gye Yesu de worikye yi. Se Yesu jaa kusa anya de e ma shi e kwabe mashapo de Bele yi, dandani e dege a bisi e ba su mbosi.
De Yesu ma sonka a siki kwanto, e gom nja nseda dege geri ni de man arizeni. E dede de nse ni sa riga ba ko e zunwa a gizi, konana yaa zunwa kumsha. De nsu so minya ni geni Yesu, e puari a kisi a geba e yi, e yi kuruwa nsori nkye, <<Yesu, mina ka bila nja ni, Yaa ni Mirikisi? Mma ologba ke, kede ki ba ni wuya ba!>> Yesu rigye kula mumungu aworo butu bila nki nseminji ni. Sobon kowoni kwanki mumungu aworo ma leyi buga a kisi, ko de su domuna yi seni nja nani nzun yomu yaa kukunshe serika de su domuna e yi nshi mumungu aworo ma kule yi te kumsha.
Yesu minya nseminji, <<Seni ake ma waa?>>
Nseminji ni keleba, <<Seni na ma nyowa,>> sobon mumungu aworo nyowa na ma nki e yi. Mungu aworo ologba Yesu kede e kiri su te a siki romu anya de sua ba mungu aworo poro ba.
Anya asu alede nyowa su ma si mbosi a kiya ogbo. Arizeni ologba Yesu de bila su de su yuru a siki alede woroni, Yesu yeda su. De arizeni butu bila nseminji ni, su yuru a siki alede, guru alede ni dege ngudu yuru a siki totolo riki se riki te nsu. De worede ma kone alede ni su geni mbode paru, su yi gudu te a siki totolo geri nja dende geri su beyi nabari mbode paru, ntani butu te a woze de su geni mbode paru. De su zo anya Yesu, su zo sani nseminji de arizeni butu a nki e yi, zuzunwa a keteri Yesu, e sa riga e kuma ma a siki ankeli e yi; su zi womba.
Na gye ku gaskye, worosu a siki aku de sakisi anya mu sua taba muntu ba se su geni solota Mirikisi.>>
Nki Yesu Shenja
A beyi kwana takusi de Yesu yi beta mu, Yesu la Biturusu, Yaaya nja Yakubu su te a kiya dunsi de su yi lepa. De Yesu ma kiya lepa, pisika e yi shenja, keyi de e sa a nki juyi peri sere ari yaa kisa ndani. Dandani ntani bi, Musa nja Iliya, Su pelesa a siki dereja, sua yi beta nja Yesu. Su ma yi beta a kiya ni muntu e yi, de yaa sika beta ni Mirikisi a Wurishelima.
Biturusu nja oboki tepiya e yi su ma yi kwana, de su dege a kwana, su geni girima Yesu nja ntani bi sakisi nja shi. De ntani bi mu sua bila Yesu, Biturusu gye e yi nkye, <<Nsugizi, e man kyawu de mu ma anya mu. Bila mu yi rugwa wuku daa ma na ke, daa mani Musa daa mani Iliya.>> E shina mbode yaa pala ba.
Nseminji daa a siki ntani ni sukwa sori, nkye, <<Male, mma ologba ke ki zi toseyi ni yaa na mu, e shi ndandaa na ma yaa na. Mumungu aworo ma nyunwa ari yaa sayi yi kuruwa de man kiya ba; aworo ni ma dukwa e yi ari nki e yi ma kakada kumpa yaa butu a baki e yi. Yaa bila yi ba se e zi yi suwo. Ni ologba yayagizi ake de su butu yi, su yi yaba.>> Yesu keleba nkye, <<Oku ntani sana mere beigaskye nja nsu mungu mbo,>> Ari woni kwanki na, Na ma nja ku? Zo ni yaa ke ni anya mu.>>
De yaa ni ma zo se arizeni ni la yi te a bisi buga a kisi, nki e yi ma kakada. Se Yesu kwabe mumungu aworo ni, Yesu worikye yaa ni la yi ba adaa e yi. Guru asu su yi mamanki ni totolo mbode Mirikisi yi.
Yesu Sakye yi Beta A kiya Muntu yi
Kowon nse yi mamanki ni guru mbode Yesu yi, de e gye Yayagizi yi nkye,
Yesu Nja Baazabu
Yesu yaa kula arizeni daa de mayi beta ba butu. De arizeni butu, nseminji de yaa yi shuru yi beta, ntani su yi mamanki.
Se daa a siki yayagizi Yesu za kusa yanka daa a siki bunwa tolense ni pirisi. E yanka yi kuni dama. Sede Yesu gye su, <<Ku bila kede ku yi yomu ba!>> Yesu kpa kuni yaa minzi ni e worikye yi
A beyi de yaya manki Yaaya te ma su, Yesu sa kutiri beta gye ntani a kiya Yaaya: <<Minana ku te geni a siki denka? Ku te geni sanwa de akusuka yaa wula yi la? Gyeni, mina ku te kone a denka? Nseminji daa de saa keyi kyakyawu na? Yi, worede sua sa keyi kyakyawu mu su ma zunwa a gizi seleki na. Sede minana ku te kone? Anebi na? Ee, mma gye ku, e pi anebi. A kiya ni Yaaya na beta ni Mirikisi su rubuta nkye:<< <Na saka yaa manki na a geba ke, nsude yaa gyala turiki kapi de ka zo.> Mma gye ku, a siki worede yapu su nseda pi Yaaya girima ba; nzun yomu nsude ma dende piri a siki solota Mirikisi e pi Yaaya girima.>> Guru worede su zi beta mu, nsu keleba gendu osu na nsu zi doka Mirikisi ni gangasi, sobon Yaaya na yi su tunkwasa. Sede Parisiyawa nja male kokoyi doka Musa su ki mbode Mirikisi shiriya su nshi, su yeda de Yaaya e yi su tunkwasa ba.