1 A karishe, yayuwa, mu gye ku yiri de kwa yi zunwa de yaa jima Mirikisi, yiri de ku kokoyi anya mu. Kuzukam mua gama ku nja Obagizi Yesu de ku sigeba ni yi yomu kede ku bila ba. 2 Sobon ku shina yiri doka de mu ba ku te anya ni yiko Obagizi Yesu.

3 Da mu nama nupi Mirikisi de e sa ku kuma nsuseki: sobon yomu ku bila ali lepi nungwe; 4 konse e shina yiri de yaa ka nki e yi a siki turiki de e mani seki, 5 ba ni mumungu memeri ba yiri ni worede ma Yawudawa ba su mayi, worede shina Mirikisi ba; 6 kede nseda e kwana nja mata yayiwa e yi ko e yi yayiwa e yi lepi a kiya mbo mu. Obagizi yaa yi guru nsude yi yiri lepi mu tala yiri de mu rigye gye ku mu sakye ja ku kuni. 7 Mirikisi sukwa mu de mu yi zunwa dola naba, sede mu yi zunwa ni mere dola la. 8 Sobon yomu guru nsude ki kokoyi de mu yi ku mu e ki nsebeki na ba sede e ki Mirikisi la, Mirikisi de ba ku Aworo e yi nsuseki.

9 Kuzukam a kiya ni so kiya ku e kamata de mu rubuta ku nshi gagaba, sobon oku nkiya ku Mirikisi kokoyi ku nkye ku so nkiya ku. 10 Yomu na kuma ku so yayuwa ku guru a siki ni kesa Makidoniya. Nzun yomu yayuwa, mua gye ku, ku sigeba ni so nkiya ku ni gaskye.

11 Ku yi guru kokori aku de ku yi zunwa selema, de ku zi ni ANKI de e ma a geba ku nja ku yi ANKI ni nani aku, yiri de mu gye ku, 12 yomu na kwa man girima a geba ni worede su ma nsubiya Yesu ba de kede ku la leyi ja nseda ba.

13 Yayuwa, mua so de kede ku mani rishi shina a kiya ni worede su muntu ba, dun kede ku yi beki siki yiri de ntani, worede su mani sa dishiya ba. 14 Mu beigaskye Yesu muntu e kwa dege ja yomu na mu yeda Mirikisi yaa dege worede su muntu a siki ni Yesu zo gabada nja Yesu. 15 Mua gye ku yiri de beta Obagizi pala nkye, omu de mua man leyi, a kwanki de Obagizi yaa zo, mua rigye worede su muntu dege ba. 16 Mu beigaskye Obagizi nkiya yi e yi yaa sonka dege bisi, nja sukwa nsu sori, nja murinya totolo ni meleku nja wula koho ni Mirikisi, worede su muntu a siki ni Yesu na sua para dege a kumsha. 17 A beyi yomu, omu de mu man leyi de su bila mu sori Mirikisi yaa la mu yere nja su a siki ni gidagida de mu gomu nja Obagizi a bisi. Yomu na mua ma nja Obagizi gbogbo. 18 Nkayomu se ku ba nkiya ku sori guyam nja kelima mu.