Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
ናምኡ ቆቀ አሳታ
የሱሲ ያፐ ደንድድ ገደ ስን ብያ ዎደ ናምኡ ቆቀት ባንታ ቃላ ቁ ኦድ፥ "ዳዊታ ናአዉ፥ ኑና ማራርክ" ያግሸ እያ ካልዶሶና።
የሱሲ ሶ ገልዳ ዎደ ቆቀት እያ ካልድ ይዶሶና። የሱሲ ኤንታኮ፥ "ታኒ ሄሳ ኦናዉ ዳንዳኤይሳ ህንተ አማነቲ?" ያግስ።
ኤንትካ፥ "ኤ፥ ጎዳዉ" ያግድ ዛርዶሶና።
ሄሳፈ ጉየ፥ የሱሲ ኤንታ አይፍያ ቦችድ ኤንታኮ፥ "ህንተዉ፥ ህንተ አማኑዋ ሀኖ" ያግስ። ኤንታ አይፈይካ ዶየትስ። የሱሲ ኤንታኮ፥ "ሀይሳ ኦደስካ ኦዶፕተ" ያግድ ምን ኦድስ። ሽን አሳት ብድ የሱሳባ ሄ ቢታ ኡባን ኦድዶሶና።
ናምኡ ቆቀት ፓፅዶሶና
ሄሳፈ ጉየ፥ የሱሲ ባ ታማረታራ እያርኮፈ ከይድ ብሽን፥ ዳሮ አሳይ ኤንታና ካልዶሶና። ኦገ ጋፃን ኡትዳ ናምኡ ቆቀት የሱሲ ያራ አይሳ ስእድ፥ "ጎዳዉ፥ ዳዊታ ናአዉ፥ ኑስ ቃታርክ" ያግድ ዋስዶሶና። ዳሮ አሳይ ኤንታና፥ "ሀይዝተ" ያግድ ካጭዶሶና። ሽን ኤንቲ፥ "ጎዳዉ፥ ዳዊታ ናአዉ፥ ኑስ ቃታርክ" ግድ ጉጅ ዋስዶሶና።
የሱሲ ኤቅድ፥ ኤንታ ፄግድ፥ "ታ ህንተዉ አይ ኦና መላ ኮዬቲ?" ያግድ ኦይችስ።
ኤንትካ፥ "ጎዳዉ፥ ኑ አይፈይ ፄላና መላ ኮዮስ" ያግዶሶና። የሱሲ ኤንታዉ ቃትድ፥ ኤንታ አይፍያ ቦችስ። ኤለስድ ኤንታ አይፈይ ፄልስ፤ ኤንቲ እያ ካልድ ብዶሶና።
ቤተሳይዳን ደእያ እስ ቆቀ
ኤንቲ ቤተሳይዳ ካታማ ብዶሶና። ጉ አሳት ቆቀ ኡራ የሱሳኮ ኤህድ ሄ ኡራ ቦቻና መላ እያ ዎስዶሶና። የሱሲ ቆቀ ኡራ ኩሽያ ኦይክድ ካታማፐ ጋፃ ከስስ። እያ አይፍያን ጩትድ ባ ኩሽያ እያ ቦላ ዎድ፥ "ነዉ አይኮይ በንቲ?" ያግድ ኦይችስ።
ኡራይ ቁ ግድ ፄልድ፥ "ታዉ አሳይ በንቴስ፥ ሽን አሳይ ሄመትሸ ም ዳኔስ" ያግስ።
ሄሳፈ ጉየ፥ የሱሲ ዛሪድ፥ ኡራ አይፍያን ባ ኩሽያ ዎስ። ኡራይ ሎይ ፄልስ፥ እያ አይፈይ ፓፅስ፥ ኡባባ ጌሽድ በእስ። የሱሲ አድያኮ፥ "ነ ሶ ባ፥ ሽን ጉታ ገሎፓ" ያግድ ኪትስ።
ቱለነ ሙመ ኡራ
የሱሲ ፅሮሳ ካታማፐ ከይድ፥ ስዶናራነ ታሙ ካታማታ ጌተትያ ቢታራ ካንድ ጋልላ አባኮ ብስ። አሳይ ቱለነ ዋይድ ኦደትያ አስ የሱሳኮ ኤህድ፥ ባ ኩሽያ እያ ቦላ ዎና መላ እያ ዎስዶሶና። የሱሲ ባርካ ሄ ኡራ ዳሮ አሳፐ ጋፃ ከስድ፥ ባ ብራያ እያ ሀይን የድስ። ቃስ ጩቹ ጩትድ እያ እንፃርሳ ቦችስ። ሳሎ ፑደ ፄልድ፥ ቶክ ሸምፕድ፥ "ኤፍታህ" ግስ። ብርሸይካ "ዶየታ" ጉሱ። ኡራ ሀይይ ኤለስድ ዶየትስ፥ ቃሸትዳ እንፃርሳይካ ብርሸትስ፥ ኡራይ ጌሽድ ኦደትስ።
የሱሲ አሳኮ፥ "ሀይሳ ኦደስካ ኦዶፕተ" ያግስ። ሽን እ ዳሮ ምንድ ኦዶፕተ ግን፥ አሳይ ኦዳ ያ ዳርስስ። ሄሳ ስእዳ አሳ ኡባይ ዳሮ ማላለትድ፥ "ኡባባ እ ሎይ ኦስ። ሀር አቶሽን፥ ቱልያ ስሴስ፥ ሙምያ ኦድሴስ" ያግዶሶና።
ቆቅያ ባርፅሞሳ
ኤንቲ እያርኮ ካታማ ብዶሶና። የሱሲ ባ ታማረታራነ ዳሮ አሳራ እያርኮፈ ከይሽን፥ ፅሞሳ ናአይ፥ ቆቀይ፥ ባርፅሞሳ ጌተተይስ፥ ኦገ ጋፃን ዎስሸ ኡትስ። ባርፅሞስ፥ ያራ አይ ናዝረተ የሱሳ ግድዳይሳ ስእዳ ዎደ፥ ባ ቃላ ቁ ኦድ፥ "ዳዊታ ናኣ የሱሳ፥ ታና ማራርክ!" ያግድ ዋሶ ዶምስ።
ዳሮ አሳይ እያ፥ "ሀይዛ!" ግድ ሀንቀትዶሶና።
ሽን፥ እ ባ ቃላ ካሰይሳፈ ዳሮ ቁ ኦድ፥ "ዳዊታ ናአዉ፥ ታና ማራርክ!" ያግስ።
የሱሲ ኤቅድ፥ "እያ ሃ ፄግተ" ያግስ።
ኤንቲ ቆቅያኮ፥ "አይኮይ ባዋ፥ ደንዳ ኤቃ፥ ነና ፄጌስ" ያግዶሶና። ቆቀይ ባ ማኡዋ ሆል የግድ፥ ጉፕ ደንድ ኤቅድ፥ የሱሳኮ ብስ።
የሱሲ፥ "ታኒ ነዉ አይ ኦና መላ ኮያይ?" ያግስ።
ቆቀይ፥ "አስታማርያዉ፥ ታ ፄላናዉ ኮያይስ" ያግስ።
የሱሲ፥ "ባ፥ ነ አማኖይ ነና ፓስ" ያግስ። ኢራካ እያ አይፈይ ፄልን፥ የሱሳ ካልስ።
ቆቀይ ፄልስ
የሱሲ እያርኮ ማትያ ዎደ እስ ቆቀ ኡራይ ኦገ ጋፃን ኡትድ ዎሴስ። ቆቀ ኡራይ አሳይ ሄ በሳራ አሽን ስእድ፥ "እ አይቤ?" ግድ ኦይችስ። ኤንቲ፥ "ናዝረተ የሱሲ ሀይሳራ አስ" ያግዶሶና።
እ፥ "ዳዊታ ናአዉ፥ የሱሳ፥ ታና ማራርክ" ያግድ ዋስስ።
ስን ስን ብያ አሳት፥ "ስእ ጋ" ግድ ሀንቀትዶሶና። ሽን እ፥ "ዳዊታ ናአዉ፥ ታና ማራ" ያግድ ዳርስድ ዋስስ።
የሱሲ ኤቅድ ኡራ ባኮ ኤሀና መላ ኪትስ። ኡራይካ፥ እያኮ ሺቅን፥ "ታ ነዉ አይ ኦና መላ ኮያይ?" ያግድ ኦይችስ።
ቆቀይ፥ "ጎዳዉ ታ ፄላናዉ ኮያይስ" ያግስ።
የሱሲ፥ "ፄላ፥ ነ አማኖይ ነና ፓስ" ያግስ። ኡራይ ኤለስድ ፄል አግስ። ፆሳ ቦንችሸ የሱሳ ካልስ። አሳ ኡባይ ሄሳ በእድ ፆሰ ጋላትዶሶና።
ቆቀ ግድድ የለትዳ ኡራ
የሱሲ ብሸ የለቶሳፐ ቆቀ ግድድ ደእያ እስ አድያ በእስ። እያ ታማረት፥ "አስታማርያዉ፥ ሀ አደይ ቆቀ ግድድ የለታና መላ ናጋራ ኦዳይ ኦኔ? እ ኦደየ ዎይኮ እያ የልዳይሳት ኦዶና?" ያግድ ኦይችዶሶና።
የሱሲ፥ "ፆሳ ኦሶይ እያ ቦላ ቆንጫና መላፐ አትሽን፥ እ ዎይኮ እያ የልዳይሳት ናጋራ ኦዳ ግሾ ግደና። ሳእ ጋላስ ደእሽን ታና ኪትዳይሳ ኦሱዋ ኑ ኦናዉ በሴስ። ኦንካ ኦናዉ ዳንዳኦና ቃማይ ዬስ። ታኒ አላምያን ደአሸ አላምያስ ፖኦ" ያግስ።
የሱሲ ሄሳ ግድ ሳአን ጩትስ። ባ ጩቻን ጉ ቢታ ላኮድ ሄ ኡርቃን ቆቀ አድያ አይፍያ ትይስ። ያትድ፥ "ባዳ ሳልሆመ (ሳልሆመ ጉሳይ ኪተትዳይሳ ጉሱ) ጌተትያ ተቀትዳ ሃን ነ አይፍያ ሜጨታ" ያግስ። ሄሳ ግሾ፥ አደይ ብድ ባ አይፍያ ሜጨትድ ፄልሸ ስምስ።
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
ሄኮ እስ ባሮ ሀርጋንቾይ እያኮ ሺቅድ፥ እያ ስንን ጉልባትድ፥ "ጎዳዉ፥ ነ ሸነ ግድኮ ታና ጌሻዳ ፓናዉ ዳንዳኣሳ" ያግስ። የሱሲ ባ ኩሽያ የድድ እያ ቦችድ፥ "ኤ፥ ታ ሸነ፥ ፓፃ" ያግስ። ኡራይ ኢራካ ጌይ አግስ። የሱሲ እያኮ፥ "ነ ፓፁዋ ኦደስካ ኦዶፓ። ሽን ባዳ ነ ጌያዳ ፓፆይሳ ካህነ በሳ። ነ ፓፁዋስ ማርካ ግዳና መላ ባዳ ሙሰይ ኪትዳ ያርሹዋ ያርሻ" ያግስ።
ሀንዳ ጉ አሳት እስ ጉንዳ ኡራ አልጋራ ቶክድ የሱሳኮ ኤህዶሶና። የሱሲ ኤንታ አማኑዋ በእድ፥ ጉንዳ ኡራ፥ "ታ ናአዉ፥ ያዮፋ፤ ነ ናጋራይ አቶ ጌተትስ" ያግስ።
ሄ ሳትያን፥ አይሁደ ህገ አስታማረታፐ እሶት እሶት፥ "ሀይስ ፆሳ ጫሸ ግደነ" ያግድ ባንታ ዎዛናን ቆፕዶሶና።
የሱሲ ኤንታ ቆፋ ኤርድ፥ "ኢታባ ህንተ ዎዛናን አይስ ቆፔቲ? ሀኖሽን፥ ‘ነ ናጋራይ አቶ ጌተትስ’ ገይሳፈነ ‘ደንዳ ኤቃዳ ባ’ ገይሳፈ አዉስ ካዉዪ? ሽን ሳአ ቦላ ናጋራ አቶ ጋናዉ አሳ ናኣስ ማት ደኤይሳ ታ ህንተና ኤርሳና" ያግድ፥ ጉንዳ አድያኮ፥ "ደንዳ ኤቃ፥ ነ አልጋ ቶካዳ፥ ነ ሶ ባ" ያግስ።
ጉንዳ ኡራይ ደንድድ ባ ሶ ብስ።
ያን ኩሸይ ጉንድዳ እስ ኡራይ ደኤስ። የሱሳ ሞታናዉ ጋሶ ኮይያ አሳት፥ "ሳምባታ ጋላስ ፓናዉ በሲ በሰኔ?" ያግድ ኦይችዶሶና።
እ ኤንታኮ፥ "ህንተ ግዶፈ እሱዋስ ዶርስ ሳምባታ ጋላስ አፎን ዉልኮ፥ ጎችድ ከሶናይ ኦኔ? ያትን አስ ዶርሳፈ ዋንድ ዳሮ አኔ? ሄሳ ግሾ፥ ሳምባታ ጋላስ ሎኦባ ኦሶይ በሴስ" ያግስ።
ሄሳፈ ጉየ፥ የሱሲ አድያኮ፥ "ነ ኩሽያ ፕድ ኦ" ያግን፥ ኡራይ ፕድ ኦስ። እያ ኩሸይ ፓፅድ ሀንኮ ኩሽያዳ ሀንስ።
ስሞና ማቸ አይያ ቆፆ ምሻ ሀርጋዳ ዝንእዳሮ የሱሲ ያ ጋክያ ዎደ እያዉ ኦድዶሶና። እ ኢኮ ሺቅድ፥ እ ኩሽያ ኦይክድ፥ እዮ ደንድ ኤስስ። ቆፆይነ ምሻይ አግን እያ ኤንታ ሞካሱ።
ባሮ ሀርጋንቹዋ
ባሮይ ኦይክዳ እስ ኡራይ የሱሳኮ ይድ፥ እያ ስንን ጉልባትድ፥ "ኔኒ ኮይኮ ታና ጌሻናዉ ዳንዳኣሳ" ያግድ ዎስስ።
የሱሲ እያዉ ቃትድ፥ ባ ኩሽያ የድድ እያ ቦችድ፥ "ታኒ ኮያይስ፥ ጌይያ" ያግስ። ኤለስድ ባሮይ ኡራ የድን ኡራይ ፓፅስ።
ኦይዱ አሳት እስ ጉንዳ ኡራ ቶክድ እያኮ ኤህዶሶና። አሳይ ዳርዳ ግሾ፥ ኡራ የሱሳኮ ሺሻናዉ ኤንታዉ ዳንዳኤቶና እፅን፥ የሱሲ ደእያ ግናራ ኬ ቃርድ፥ ካራ ቃዉፅድ ኡራ እ ዝንእዳ አልጋራ ዱገ የድድ የሱሳ ስንን ዎስዶሶና። የሱሲ ኤንታ አማኑዋ በእድ፥ ሄ ጉንዳ ኡራ፥ "ታ ናአዉ፥ ነ ናጋራይ አቶ ጌተትስ" ያግስ።
ህገ አስታማረታፐ ሄ በሳን ኡትዳ እሶት እሶት ባንታ ዎዛናን፥ "ላ ሀ ኡራይ ሀይሳ መላ ኢታባ ፆሳ ቦላ አይስ ኦዴቲ? ፆሳ ፃላላፐ አትሽን፥ ሀር ኦን ናጋራ አቶ ጋናዉ ዳንዳኢ?" ግድ ቆፕዶሶና።
ኤንቲ ባንታ ዎዛናን ሄሳዳ ቆፕዳይሳ የሱሲ ኤለስድ ባ አያናን ኤርድ፥ ኤንታኮ፥ "ህንተ ህንተ ዎዛናን አይስ ሄሳዳ ቆፔቲ? ጉንዳ ኡራ፥ ‘ነ ናጋራይ አቶ ጌተትስ’ ገይስ ማተዬ? ዎይኮ፥ ‘ደንዳ ኤቃዳ ነ አልጋ ቶካዳ ባ’ ገይስ ማቴ? ሽን ታዉ፥ አሳ ናኣስ፥ ሳአ ቦላ ናጋራ አቶ ጋናዉ ማት ደኤይሳ ህንተ ኤራና መላ" ግድ ሄ ጉንዳ ኡራኮ፥ "ነና ጋይስ፥ ደንዳ ኤቃዳ ነ አልጋ ቶካዳ ነ ሶ ባ" ያግስ።
ኡራይ ኤለስ ደንድ ኤቅድ፥ ባ አልጋ ቶክድ አሳ ኡባይ በእሽን ብስ። አሳ ኡባይ ማላለትድ፥ "ኑኒ ሀይሳ መላ ማላልስያባ በእ ኤሮኮ" ያግድ ፆሳ ጋላትዶሶና።
ኩሸይ ስልዳ ኡራ
የሱሲ አይሁደ ዎሳ ኬ ስም ገልስ። ያን ኩሸይ ጉንድዳ እስ ኡራይ ደኤስ። እስ እስ አሳይ የሱሳ ሞታናዉ ኮይድ፥ ኩሸይ ጉንድዳ ኡራ ሳምባታ ጋላስ እ ፓኮነ አግኮ በአናዉ ኮይድ ምንድ ናጎሶና። የሱሲ ኩሸይ ጉንድዳ ኡራ፥ "ደንዳ ኤቃዳ ሃ ስን ያ" ያግስ። ሄሳፈ ጉየ፥ አሳኮ፥ "ሳምባታ ጋላስ ሎኦባ ኦይስ ዎገየ ኢታባ ኦይስ ዎጌ? አሳ ሸምፖ አሾየ ዎይኮ ዎ?" ያግድ ኦይችስ።
ሽን አሳይ ስእ ግስ። የሱሲ ሀንቀትድ፥ ኤንታ ዩሽ አ ፄልድ፥ ኤንቲ ኦድን ስኦናይሳታ ግድያ ግሾ፥ ኤንታ ቦላ ዳሮ አዛንስ። ሄ አድያኮ፥ "ነ ኩሽያ ፕድ ኦ" ያግስ። ኡራይ ፕድ ኦን እያ ኩሸይ ፓፅስ።
ባሮ ሀርጋንቾይ ፓፅስ
የሱሲ ካታማታፐ እሱዋን ደእሽን እስ ባሮ ሀርገን ኦይከትዳ አስ ሄ ካታማን ደኤስ። ሄ ኡራይ የሱሳ በእድ እያ ስንን ጉፋንድ፥ "ጎዳዉ፥ ነ ሸነ ግድኮ ታና ጌሻናዉ ዳንዳኣሳ" ግድ ዎስስ።
የሱሲ ባ ኩሽያ የድ ቦችድ፥ "ኤ፥ ታ ሸነ፤ ጌይያ" ያግስ። ኢራ ባሮ ሀርገይ ኡራፐ ክችስ።
ሄ ዎደ አሳይ እስ ጉንዳ አስ ሀላራ ቶክድ ኤህዶሶና። ሶ ገልስድ እያ ስንን ዎናዉ ቆፕዶሶና። ሽን አሳ ዳሮተፈ ደንዶይሳን ሶ ገልሳናዉ ፆነትድ ኬ ቦላ ከይድ፥ ካራ ቃዉፅድ፥ ሀርጋንቹዋ ሀላራ አሳ ሻክድ የሱሳ ስንን የግዶሶና።
የሱሲ ኤንታ አማኑዋ በእድ፥ "ላ አድያዉ፥ ነ ናጋራይ አቶ ጌተትስ" ያግስ።
ህገ አስታማረትነ ፋርሳወት፥ "ሀይስ ፆሳ ቦላ ያግድ ኦደተይ ኦኔ? እስ ፆሳፈ አትሽን፥ ሀር ናጋራ አቶ ጋናዉ ዳንዳኤይ ኦኔ?" ያግድ ቆፕዶሶና።
የሱሲ ኤንታ ቆፋ ኤርዳ ግሾ ኤንታኮ፥ "ህንተ ዎዛናን ሄሳ አይስ ቆፔቲ? ‘ነ ናጋራይ ቁሸትስ ገይሳፈነ ደንዳዳ ባ ገይሳፈ አዉስ ካዉዪ?’ ሽን ታ ሄሳ ግዳይ አሳ ናእ ሳአ ቦላ ናጋራ አቶ ጋናዉ ማት ደኤይሳ ህንተ ኤራና መላሳ።" ሄሳፈ ካልድ፥ ጉንዳ ኡራኮ፥ "ደንዳ፤ ነ አልጋ ቶካዳ ነ ሶ ባ" ያግስ። እ ኤለስ ደንድድ ኤንታ ስንን ኤቅስ፤ እ ቶከትድ ይዳ አልጋ ቶክድ ፆሳ ጋላትሸ ባ ሶ ብስ።
ሀራ ሳምባታ ጋላስ የሱሲ አይሁደ ዎሳ ኬ ገልድ ታማርሴስ። ሄ በሳን ኡሻቻ ኩሸይ ስልዳ እስ አስ ደኤስ። ህገ አስታማረትነ ፋርሳወት እያ ሞታናዉ ጋሶ ኮይድ ሳምባታ ጋላስ ፓኮ በአና ግድ ናጎሶና። ሽን የሱሲ ኤንታ ቆፋ ኤርድ ኩሸይ ስልዳ ኡራኮ፥ "ደንዳዳ አሳ ግዶን ኤቃ" ያግስ። ኡራይካ ደንድ ኤቅስ።
የሱሲ፥ "አነ ታ ህንተና እስባ ኦይቻይስ፤ ሳምባታ ጋላስ ኦናዉ በሰይ ሎኦባየየ ኢታባዬ? ሸምፖ አሾየ ዎይኮ ይሶ?" ያግስ።
ቃስ የሱሲ እያ ዩሹዋን ደእያ አሳ ዩሽ ፄልድ ኡራኮ፥ "ነ ኩሽያ ፕድ ኦ" ያግስ። ኡራይካ እ ግዳይሳዳ ኦን ኩሸይ ፓፅስ።
ማቶ ሀላቃ አማኖ
የሱሲ ሄሳ ኡባ አሳ ስንን ታማርስድ ኦንግዳፐ ጉየ፥ ቅፍርናሆማ ካታማ ብስ። ሄ በሳን እስ ማቶ ሀላቃይ ደኤስ። እ ዳሮ ዶስያ አይለይ ሀርገትድ ሀይቆስ ጋክስ። እ የሱሳባ ስእዳ ዎደ ባ አይልያ ፓና መላ እያ ዎሶ ግድ እስ እስ አይሁደ ጭማታ የሱሳኮ ኪትስ። ኪተትዳይሳት፥ የሱሳኮ ብድ፥ "ነ እያዉ ሀይሳ ኦናዉ በሴስ። አይስ ጊኮ፥ ሀ ኡራይ ኑ አሳ ዶሴስ፥ አይሁደ ዎሳ ኬካ ኬፅስ" ግድ ምን ዎስዶሶና የሱሲካ ኤንታራ ብስ።
ማቶ ሀላቃ ሶኮ ማትያ ዎደ ባ ላገታ እያኮ ኪትድ፥ "ጎዳዉ፥ ታ ካራፐ ጋርሳን ነ ገላናዉ ታ በሶና ግሾ፥ ዳቡሮፓ። ታካ ታና ነ ስን ሺቃናዉ በሲያ አስ ጋዳ ቆፕከ። ሽን ነ እስ ቃላ ኦዳ፤ ታ አይለይ ፓፃና። ታዉ ታፐ ቦላራ ሀላቃይ ደኤስ፥ ታፐ ጋርሳን ታ ኪትያ ዎታዳረት ደኦሶና። እሱዋ፥ ‘ባ’ ጊኮ ቤስ፥ ሀንኩዋ፥ ‘ሃያ’ ጊኮ ዬስ። ታ አይልያኮ፥ ‘ሀኖ ኦ’ ጊኮ ኦስ" ያግስ።
የሱሲ ሄሳ ስእዳ ዎደ ማላለትስ። ጉየ ስሚድ ባራ ያ አሳኮ፥ "ታኒ ህንተዉ ቱማ ኦዳይስ፤ ሀር አቶሽን እስራኤለንካ ሀይሳ መላ ግታ አማኖ ደማብከ" ያግስ። ኪተትዳ አሳት ሶ ስምያ ዎደ አይለይ ፓፅን ደምዶሶና።
ሄ በሳን ታማነ ሆስፑን ላይ ቱና አያን ዞኮ ኩንስዳ እስ ማጫስያ ደአዉሱ። እያ ኩናፐ ደንዶይሳን ሱረ ኤቃናዉ ዳንዳኡኩ። የሱሲ እዮ በእዳ ዎደ ፄግድ፥ "ሀ ማጫሰተ፥ ነ ሀርግያፈ ፓፃዳሳ" ያግስ። ባ ኩሽያ እ ቦላ ዎን፥ እያ ኤለሳዳ፥ ሱራዳ ኤቃሱ። ፆሰ ጋላታሱ።
የሱሲ ፋርሳውያ ሶን
እስ ሳምባታ ጋላስ የሱሲ እስ ፋርሳወታ ሀላቃ ሶ ካ ማናዉ ገልያ ዎደ አሳይ ጫድ ፄሎሶና። ሄ በሳን ሻዉሄ ሀርገን ዋየትያ እስ አስ እያዉ ስን ባጋራ ዝንእስ። የሱሲ ፋርሳወታነ ህገ አስታማረታ፥ "ሳምባታ ጋላስ ሀርጋንቾ ፓሶይ ዎገየ ዎጋ ግደኔ?" ያግድ ኦይችስ። ኤንቲ ስእ ግዶሶና። የሱሲ ሀርገትያ ኡራ ቦች ፓድ ሞይዝስ።
ባሮ ሀርገፈ ጌይዳ ታሙ አሳታ
የሱሲ የሩሳላመ ብሸ ሳማርስነ ጋልላስ ግዶራ ካንድ አስ። እስ ጉታ ገልያ ዎደ ባሮ ሀርገን ኦይከትዳ ታሙ አሳት እያ ደምዶሶና። ኤንትካ ሃሆን ኤቅድ፥ "ጎዳ የሱሳ፥ ኑስ ቃታርክ" ያግድ ዋስዶሶና።
እ ኤንታ በእዳ ዎደ፥ "ብድ ህንተናተ አይሁደ ካህነ በስተ" ያግስ። ኤንቲ ኦግያ ቦላ ብሸ ፓፅዶሶና።
ኤንታፈ እሶይ ባ ፓፁዋ በእዳ ዎደ ቁ ግዳ ቃላን ፆሳ ቦንችሸ የሱሳኮ ስምስ። እ፥ ሳማረ ቢታ አስ፥ ሽን የሱሳ ቶሆ ቦላ ጉፋንድ እያ ጋላትስ።
የሱሲ፥ "ፓፅዳይ ታሙ አሳታ ግዶኮናዬ? ያትን፥ ኡዱፉናት አዉ ብዶና? ሀ አላጋ ኡራፐ አትሽን፥ ሀር ስሚድ ፆሳ ጋላተይ ዴና ጉሰዬ?" ያግድ ኦይችስ። ኡራኮ፥ "ነ አማኖይ ነና ፓስ፤ ደንዳዳ ባ" ያግስ።
ጉንዳ ኡራ
ሄሳፈ ጉየ፥ የሱሲ አይሁደት ቦንችያ ባልያ ቦንቻናዉ የሩሳላመ ብስ። የሩሳላመን ዶርሳ ፐንግያ ማታን እብራወ ዶናን ቤተሳይዳ ግያ ተቀትዳ ሃ ደኤስ። ሄ ተቀት ኡትዳ ሃ ማታን እቻሹ ሸምፕያ በሳት ደኦሶና። [ሄሳን ሃይ ቃፃናይሳ ናግያ] ዳሮ ሀርጋንቾት፥ ቆቀት፥ ዎበትነ ጉንዳት ዝንእዶሶና። [አይስ ጊኮ፥ እስ እስ ቶሆ ጎዳ ኪታንቾይ ተቀትዳ ሃን ዎድ ሃ ቃስ። ሃይ ቃፅያ ዎደ ኮይሮ ገልዳ ኡራይ ባና ኦይክዳ አይ ሀርገፈካ ፓፄስ።] ሄ በሳን ሀስታማነ ሆስፑን ላይ ሀርገትዳ እስ አደይ ደኤስ። የሱሲ ያን ዝንእዳ አድያ በእድ፥ ቃስ ዳሮ ዎደ ሀርገትዳይሳ ኤርድ አድያኮ፥ "ፓፃናዉ ኮያይ?" ያግስ።
ሀርጋንቾይ ዛሪድ፥ "ጎዳዉ፥ ሃይ ቃፅያ ዎደ ታና ሃን የግያ አስ ባዋ። ታኒ ገላና ሀንያ ዎደ ሀራይ ታፐ ስንትድ ገል ክቼስ" ያግስ።
የሱሲ እያኮ፥ "ደንዳ ኤቃ፤ ነ አልጋ ቶካዳ ባ" ያግስ። አደይ ኢራካ ፓፅስ፤ ባ አልጋ ቶክድ ብስ።
ሄስ ሳምባታ ጋላሳን ሀንስ።
የሱሲ ሃ ዎይነ ኡሽ ላምዳ በሳ፥ ጋልላን ደእያ ቃና ካታማ ብስ። ቅፍርናሆማን ካዎ ኬን ኦያ እስ ሹማስ ናአይ ሀርገትስ። የሱሲ ይሁዳፐ ጋልላ ይዳይሳ ሄ ሹማይ ስእድ እያኮ ይስ። ሀይቃናዉ ማትዳ ባ ናኣ ብድ ፓና መላ የሱሳ ዎስስ።
የሱሲ ሹማኮ፥ "ፆሳይ ኦያ ማላታታነ ኦራባታ በኦና ደእሸ ህንተ ኡባራካ አማነከታ" ያግስ።
ሹማይ ዛሪድ፥ "ጎዳዉ፥ ታ ናአይ ሀይቆና ደእሽን ታራ የርክ" ያግስ።
የሱሲ፥ "ነ ሶ ባ፤ ነ ናአይ ፓፃና" ያግስ።
ሄ ሹማይ የሱሲ ግዳይሳ አማንድ ባ ሶ ብስ። እ ባ ሶ ብሽን እያ አይለት እያኮ ይሸ እያራ ኦገን ጋሄትድ፥ "ነ ናአይ ፓፅስ" ግዶሶና።
እ ባ አይለታ ባ ናኣስ አይ ሳተን ሎእዳኮ ኦይችስ። ኤንቲ ዛሪድ፥ "ዝነ ላፑን ሳተን ምሻይ አግስ" ያግዶሶና። ናኣ አዋይ የሱሲ ባኮ፥ "ነ ናአይ ፓፃና" ግዳይ ሄ ሳትያን ግደይሳ አኬክስ። ሄሳ ግሾ፥ እነ እያ ሶ አሳ ኡባይ አማንዶሶና።
ሄስ የሱሲ ይሁዳፐ ጋልላ ይድ ኦዳ ናምአን ማላታ።
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
እ ብሽን ታማነ ናምኡ ላይ ኩመ ሱ ጎግድ ዋይስያ እስ ማጫስያ ጉየራ ሺቃዳ የሱሳ አፍላ ማጫራ ቦቻሱ። እያ ባ ዎዛናን፥ "ታ እያ አፍላ ማጫራ ፃላላ ቦችያኮ ፓፃና" ያጋዳ ቆፓሱ።
የሱሲ ጉየ ስም እዮ ፄልድ፥ "ታ ናተ፥ ያዮፋ! ነና ነ አማኖይ ፓስ" ያግስ። ማጫስያ ኤለሳዳ ፓፃ አጋሱ።
ታማነ ናምኡ ላይ እፔ ሱ ሂያ እስ ማጫስያ ደአዉሱ። ዳሮ አክመት እዮ አክምዶሶና፥ ሽን እያ ፓፃ ካኤታሱ። እያ ባ ሚሽያ ኡባ ዉርስንካ እዉ ሃ ኢትስፐ አትሽን፥ አይኮካ ማድቤና። ሄ ማጫስያ የሱሳባ ስአዳ፥ አሳ ካንዳ የሱሳ ጉየራ ያዳ እያ ማኡዋ ቦቻሱ። እያ፥ "ታኒ ሀር አቶሽን እያ ማኡዋ ቦችያኮ ፓፃና" ጋዳ ቆፓሱ።
ኢፐ ጎግያ ሱይ ኢራካ ኤቅ አግስ። እያ ባ ዋያፐ ፓፅዳይሳ ባ አሳተን ኤራሱ።
ታማነ ናምኡ ላይ ሱ ጎግሸ ጋምእዳ ማጫስ ደአዉሱ። እያ ባዉ ደእያ ሚሽያ አክመታስ እማዳ ኦንጋሱ። ሽን ፓፃናዉ ዳንዳአቡኩ። እያ የሱሳስ ጉየ ባጋራ ሺቃዳ፥ እያ አፍላ ማጫራ ቦቻሱ፥ ኢራካ ጎግያ ሱይ ኤቅ አግስ።
የሱሲ፥ "ታና ቦችዳይ ኦኔ?" ያግስ። ኡባይ፥ "ኑ ቦችቦኮ" ያግን፥ ጰፅሮስ፥ "አስታማርያዉ፥ ዳሮ አሳይ ካልሽንነ ኡንኤሽን በአሸ ዋናዳ፥ ‘ታና ቦችዳይ ኦኔ?’ ጋይ" ያግስ።
ሽን የሱሲ፥ "እስ አስ ታና ቦችስ፤ አይስ ጊኮ፥ ዎልቅ ታፐ ከዮይስ ታዉ ኤረትስ" ያግስ።
ማጫስያ፥ እባይ ቆንጭዳይሳ ኤርዳ ዎደ ኮኮራሸ ያዳ የሱሳ ቶሁዋ ቦላ ኩንዳሱ። አይስ ቦችዳኮነ ዋናዳ ኤለሳዳ ፓፅዳኮ አሳ ኡባ ስንን ማርካታሱ። እ፥ "ታ ናተ፥ ነ አማኖይ ነና ፓስ፤ ሳሮ ባ" ያግስ።
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
ሀይቅዳ ናእዉነ ሀርገትያ ማጫስዉ
የሱሲ ሄሳ ኦዶ ቦላ ደእሽን፥ አይሁደ ሀላቃታፐ እሶይ እያኮ ይድ፥ እያ ስንን ጉልባትድ፥ "ታ ናእያ ሀእ ሀይቃሱ፥ ሽን እያ ፓፃና መላ ኔኒ ያዳ ነ ኩሽያ እ ቦላ ዎርክ" ግድ ዎስስ። የሱሲ ደንድድ እያራ ብስ፤ እያ ታማረትካ ካልዶሶና።
የሱሲ አይሁደ ሀላቃ ሶ ጋክያ ዎደ ዛየ ፑነይሳታነ ዬከይሳታ በእድ፥ "አነ ክችተ፤ ጉ ናእያ ስካሱፐ አትሽን፥ ሀይቃቡኩ" ያግስ። ሽን አሳይ እያ ቦላ ሚጭዶሶና። አሳ ካረ ከስዳፐ ጉየ ሶ ገልድ፥ ናኤ ኩሽያ ኦይክስ፥ ናእያ ደንዳ ኤቃሱ።
እያሮሳ ጌተትያ አይሁደ ዎሳ ኬ ሀላቃታፐ እሶይ፥ የሱሳ በእዳ ዎደ እያኮ ይድ እያ ቶሁዋ ቦላ ኩንድድ፥ "ታ ናእያ ሀርጋዳ ሀይቃና ሀናዉሱ። እያ ፓፃዳ ደአና መላ ያዳ ነ ኩሽያ እ ቦላ ዎርክ" ያግድ የሱሳ ምንድ ዎስስ።
የሱሲ እያሮሳራ ብስ። እ ብሽን ዳሮ አሳይ እያ ካልድ ኡንኤዶሶና።
ኤንቲ አይሁደ ዎሳ ኬ ሀላቃ ሶ ጋክያ ዎደ የሱሲ አሳይ ካሀ ይድ ዬከይሳነ ዘሌለይሳ በእስ። ገልድ አሳኮ፥ "አይስ ካሀ ይድ ዬከቲ? ናእያ ስካሱፐ አትሽን፥ ሀይቃቡኩ" ያግስ።
አሳይ እያ ቦላ ሚጭስ። ሽን አሳ ኡባ ካረ ከስድ፥ ናኤ አዋ፥ አይዉነ ሄ ታማረታ ባራ ኤክድ ናእያ ደእያሱዋ ገልስ። የሱሲ ናኤ ኩሽያ ኦይክድ፥ "ፃልታ፥ ቁም" (ጉ ናተ፥ ነና ጋይስ ደንዳ) ያግስ።
ናእያ ኤለሳ ደንዳ ኤቃዳ ሄመታሱ። እያ ታማነ ናምኡ ላይ ናአ። ሄሳን አሳይ ዳሮ ማላለትዶሶና።
የሱሲ ካልድ ሀይሳዳ ያግስ፦ "ህዛ፥ ሀ ዎድያ የለተ አይብራ ዳንሶ? ኤንትካ ኦና ዳኖና? ግያ ግዶን ኡትድ ዎል ፄግድ፥ ‘ኑ ህንተዉ ሱሱልኤ ፑንን፥ ህንተ የፀከታ። ኑ ሳቢድ ዘሌልን፥ ህንተ ዬከከታ’ ግያ ናይታ ዳኖሶና። ፃማቅያ ዮሃንስ ሞናነ ኡዮና ይን፥ ‘ኢታ አያናራ ደኤስ ግደታ።’ አሳ ናአይ ምሸነ ኡይሸ ይን፥ ‘ያራምባነ ኡሻንቾ፥ ቃራፃ ቃንፅሰይሳታነ ናጋራንቾታ ዳቦ’ ግደታ። ህዛ፥ ጭንጫተ ቱማተይ እያ ናይታ ኡባ ማታን ኤረትስ" ያግስ።
የሱሳ ሽቶ ትይዳ እስ ማጫስዉ
እስ ፋርሳወይ የሱሳ ካ ሙዛናዉ ባ ሶ ፄግስ። እ ፋርሳውያ ሶ ብድ ጋይታ ቦላ ኡትስ። ሄ ካታማን እስ ናጋራንቾ ማጫስ፥ የሱሲ ፋርሳውያ ሶን ግብራ ቦላ ደኤይሳ ስእዳ ዎደ ዳሮ አልኦ ጵልቃፀ ሽቶ ኤካዳ ያሱ።
አይሁደ ዎሳ ኬ ሀላቃ ግድዳ እያሮሳ ጌተትያ ኡራይ ባ ሶ ያና መላ የሱሳ ቶሁዋ ቦላ ዎድ ዎስስ። እያዉ ታማነ ናምኡ ላይ ግድዳ ማጫ ናእ ሳከታዳ ሀይቆስ ጋካዳ ደአዉሱ። የሱሲ ብያ ዎደ አሳይ እያ ኡንኤስ።
የሱሲ ኦዳ ኦንጎና ደእሽን፥ አይሁደ ዎሳ ኬ ሀላቃ፥ እያሮሳ ሶፐ እስ አስ ይድ፥ "እያሮሳ፥ ነ ናእያ ሀይቃሱ፤ አስታማርያ መላ ዳቡርሶፋ" ያግስ።
ሽን የሱሲ ሄሳ ስእድ እያሮሳኮ፥ "ባቦፋ! አማና፥ ነ ናእያ ፓፃና" ያግስ።
የሱሲ እያሮሳ ሶ ጋክዳ ዎደ ጰፅሮሳፐ፥ ዮሃንሳፐ፥ ያይቆባፐ፥ ናኤ አዋፐነ አየፐ አትሽን፥ ሀር ገላና መላ ኮይቤና። ሄ በሳን ደእያ አሳ ኡባይ ናኤስ ምሸትድ ዬክሽን፥ የሱሲ፥ "ዬኮፍተ ናእያ ስካሱፐ አትሽን፥ ሀይቃቡኩ" ያግስ።
አሳይ ናእያ ሀይቅዳይሳ ኤርያ ግሾ፥ እያ ኦዳ ለቅድ ሚጭዶሶና። ሽን የሱሲ ናኤ ኩሽያ ኦይክድ፥ "ናተ ደንዳ" ያግስ። ናኤስ ሸምፖይ ስምን ደንዳ ኤቃሱ። የሱሲ ኤንታኮ፥ "እዉ ምያባ እምተ" ያግስ። ናኤ አዋራነ አየራ ማላለትዶሶና። ሽን የሱሲ ሀይሳ፥ "ኦደስካ ኦዶፕተ" ያግስ።
አላዛራ ሀይቁዋ
ብታነ ጉታን አላዛራ ጌተትያ እስ አደይ ሀርገትስ። ብታነይ ማይራማነ እ ምችያ ማርታ ደእያ ጉታ። ሄ ማይራማ ጎዳ ቶሁዋ ሽቶ ትያዳ ባ ብናናን እያ ቶሁዋ ቁችዳሮ። ሀርገትዳይ እ እሻ አላዛራ። ሄሳ ግሾ፥ ምቸት፥ "ጎዳዉ፥ ነ ዶሰይስ ሀርገትስ" ግድ የሱሳኮ ኪትዶሶና።
የሱሲ ሄሳ ስእዳ ዎደ፥ "ሀ ሀርገይ፥ ፆሳይነ እያ ናአይ ቦንቸታና መላፐ አትሽን፥ ሀይቆስ ጋያ ሀርገ ግደና" ያግስ።
የሱሲ ማርታ፥ እ ምችዉነ አላዛራ ዶሴስ። ሽን አላዛር ሀርግዳይሳ የሱሲ ስእድ ባ ደእያ በሳን ናምኡ ጋላስ ጋምእስ። ሄሳፈ ጉየ፥ የሱሲ ባ ታማረታኮ፥ "ዛሪድ ይሁዳ ቢታ ቦስ" ያግስ።
እያ ታማረት ዛሪድ፥ "አስታማርያዉ፥ ጉ ዎደፐ ካሰ አይሁደት ነና ሹቻን ጫድድ ዎናዉ ኮይዶሶና፤ ሀእካ ያ ባኔ?" ያግዶሶና።
የሱሲ፥ "እስ ጋላሳን ታማነ ናምኡ ሳተይ ደኤስ ግደነዬ? ጋላስ ሄመትያ አስ ሀ አላምያ ፖኡዋ በእያ ግሾ በተና። ሽን ቃማ ሄመትያ ኦንካ ፖኦይ ባይና ግሾ፥ በቴስ" ያግስ። የሱሲ ሄሳ ግዳፐ ጉየ ኤንታኮ፥ "ኑ ዶስያ አላዛር ስክስ፥ ሽን እያ ደንናዉ ታኒ ባና" ያግስ።
እያ ታማረት ዛሪድ፥ "ጎዳዉ፥ እ ስክዳባ ግድኮ እያዉ ሎአና" ያግዶሶና።
የሱሲ አላዛር ሀይቅዳይሳ ኦድስ፥ ሽን ኤንታዉ ጮ ስኮ ዳንስ። ሄሳ ግሾ፥ የሱሲ ጌሽድ ኤንታኮ፥ "አላዛር ሀይቅስ።
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
የሱሲ ሆቢያ ሴርስ
የሱሲ ባናዉ ዎጎሉዋን ገልዳ ዎደ፥ እያ ታማረትካ እያራ ባናዉ ገልዶሶና። ኤንቲ ቆፖና ደእሽን፥ ዎልቃማ ሆበይ ሃ ቦላ ደንድን ዎጎሎይ ምተታናዉ ጋክስ። ሽን የሱሲ ስክስ። እያ ታማረት እያኮ ሺቅድ እያ ባርከድ፥ "ጎዳዉ፥ ኑ ዮስ ኑና አሻርክ" ያግዶሶና።
የሱሲ ኤንታኮ፥ "ህንተኖ፥ አማኖይ ፓጭዳይሳቶ፥ አይስ ያየቲ?" ያግስ። ደንድድ፥ ሆቢያነ ጎትያ ኤስስ። ኤለስድ ኡባባይ ስእ ግስ።
እያ ታማረት ማላለትድ፥ "ሀይስ፥ ሀር አቶሽን፥ ሆበይነ ጎተይ ኪተተይስ ዋንዳ አሴ?" ያግዶሶና።
ሳአይ ኦማርስሸ ብያ ዎደ የሱሳ ታማረት እያኮ ሺቅድ፥ "ሀ በሳይ አስ ባይና በሲ፥ ሳእካ ቃምስ። ያንያ ግሾ፥ ሄራን ደእያ ጉታታ ብድ ባንታዉ ሻምድ ማና መላ ደርያ የዳ" ያግዶሶና።
ሽን የሱሲ ኤንታኮ፥ "ደረይ ሞና ባናዉ ኮሸና፤ ኤንቲ ማናባ ህንተ እምተ" ያግስ።
ኤንቲ ዛሪድ፥ "ኑስ ሀይሳን እቻሹ ኡይፈነ ናምኡ ሞሎፐ ሀር ባዋ" ያግዶሶና።
እካ፥ "አነ ኤንታ ሃ ኤህተ" ያግስ። ካልድካ፥ ደረይ ማታን ኡታና መላ ኦድስ። እቻሹ ኡይነ ናምኡ ሞሎታ ኤክድ፥ ሳሎ ፄልድ ጋላት ስሚድ፥ ኡይ መንድ ባ ታማረታስ እሚስ፤ ኤንቲ ቃስ ደርያስ እምዶሶና። ኡባይ ምድ ካልዶሶና። የሱሳ ታማረት ምሽን አትዳይሳ ታማነ ናምኡ ጋይታ ደንዶሶና። ካ ምዳ አሳይ ማጫሳይነ ናይት አትሽን፥ እቻሹ ሙኩሉ ግዴስ።
ዎንትማ ቦላ የሱሲ አባ ቦላ ሄመትሸ ባ ታማረታኮ ይስ።
ኦይዱ ሙኩሉ አሳ
የሱሲ ባ ታማረታ ባኮ ፄግድ፥ "ሀ ዳሮ አሳይ ታራ ሄ ጋላስ ጋምእዳ ግሾነ ኤንታዉ ሀእ ምያባይ ባይና ግሾ ታኒ ኤንታዉ ቃታይስ። ኤንቲ ኦገን ዳቡርድ ኩንዶና መላ አይኮ ሙዞና ኤንታ መላ የዳናዉ ኮይከ" ያግስ።
እያ ታማረት ዛሪድ፥ "ኑኒ ሀ ባዙዋን ሀይሳ ኬና አሳስ ግድያ ካ አዉፐ ደማኔ?" ያግዶሶና።
የሱሲ ኤንታኮ፥ "ህንተዉ አፑን ኡይ ደኢ?" ያግድ ኦይችስ።
ኤንቲ ዛሪድ፥ "ላፑን ኡይነ ላፋ ሞሎታፐ ጉ ደኤስ" ያግዶሶና።
የሱሲ ደርያ ሳአን ኡትተ ያግድ ኪትስ። ሄሳፈ ጉየ፥ ሄ ላፑን ኡይነ ሞሉዋ ኤክድ ፆሳ ጋላትስ። መንድ ባ ታማረታስ እሚስ። እያ ታማረት ዳሮ አሳስ ግሽዶሶና።
አሳ ኡባይ ምድ ካልዶሶና። እያ ታማረት፥ ምሽን አትዳ ቲፍያ ላፑን ግታ ጋይታ ኩመ ደንዶሶና። ምዳ አሳይ ማጫስነ ናአ ፓይዶና አደ ፃላል ኦይዱ ሙኩሉ።
ፆሳ ኬ ጊራ
የሱሳራነ እያ ታማረታራ ቅፍርናሆማ ካታማ ጋክዳ ዎደ ፆሳ ኬ ጊራ ቃንፅሰይሳት ጰፅሮሳኮ ይድ፥ "ህንተ አስታማረይ ፆሳ ኬ ጊራ ጊሪ?" ያግድ ኦይችዶሶና።
ጰፅሮስ ዛሪድ፥ "ጊሬስ" ያግስ። ጰፅሮስ ሶ ገልያ ዎደ የሱሲ ካሰትድ፥ "ጰፅሮሳ፥ ነዉ አይ ዳኒ? ሀ ሳኣ ካዎተት ቃራፃነ ጊራ ኦፐ ኤኮና? ጋደ አሳፐየ ዎይኮ አሳ ጋደ አሳፔ?" ያግድ ኦይችስ።
ጰፅሮስ "አሳ ጋደ አሳፐ" ግድ ዛርስ።
የሱሲ ዛሪድ፥ "ጋደ አሳይ ጊራ ጊሮኮና ጉሱ። ሽን ኤንቲ በቶና መላ አባ ባዳ ሞሎ ኦይካናዉ ማንፃቆ የጋ። ኮይሮ ነ ኦይክያ ሞሉዋ ዶና ዶያዳ ጊራስ ግድያ ሚሸ ነ ግሾነ ታ ግሾ ኤፋዳ ጊራ" ያግስ።
የሱሲ ባድዳ ባላሰ ምዉ
የሱሲ ዎንታ ጉራ ካታማ ስሚድ ይሸ ኮሻትስ። ኦገ ጋፃን እስ ባላሰ ም በእድ ኢኮ ብስ። ሽን ሀይፈ አትሽን፥ ሀራ አይኮካ ደምቤና። ሄሳ ግሾ፥ እዮ፥ "ህዛፐ ናምአን አይፈ አይፎፓ!" ያግስ። ሄ ባላሰ ምያ ኤለሳዳ መላ አጋሱ።
እያ ታማረት ሄሳ በእድ፥ "ሀ ባላስያ ዋናዳ ኤለሳ መላዴ?" ያግድ ማላለትዶሶና።
የሱሲ ዛሪድ፥ "ታኒ ህንተዉ ቱማ ኦዳይስ፤ ህንተዉ አማኖይ ደእኮ፥ ቃስ ህንተ ስና እፅኮ ባላሰ ቦላ ታኒ ኦዳይሳ መላ ፃላላ ኦከታ፥ ሽን ‘ሀ ዙማ ሾደታዳ አባን ዎ’ ያግኮ ሀናና። አማንድ ህንተ ዎስያባ አይብባ ግድኮካ ህንተ ኤካና" ያግስ።
ዎልቃማ ጎተይ ደንድድ፥ ሆበይ ዎጎሉዋ ሾጭን፥ ኩማና ጋካናዉ ዎጎሉዋ ግዶ ሃ ገልስ። ሄ ዎደ የሱሲ ዎጎሉዋን ጉየ ባጋራ ቦርኮትድ ስክስ። እያ ታማረት እያ ደንድ፥ "አስታማርያዉ፥ ኑኒ ይያ ዎደ ነ ስእ ጋዳ ፄላይ?" ያግዶሶና።
ያትን፥ እ ባርክድ ጎትያ፥ "ስእ ጋ" ግድ፥ አባካ፥ "ዎፑ ጋ" ግስ። ጎተይካ ስእ ግን ኡባባይ ዎፑ ግስ። የሱሲ ባ ታማረታኮ፥ "አይስ ሀይሳዳ ባበቲ? ህንተዉ አማኖይ ዋንድ ይዴ?" ያግስ።
ኤንቲ ዳሮ ባብድ ባንታ ግዶን፥ "ሀይስ ሀር አቶሽን፥ ጎተይነ አባይ ኪተተይስ ኦኔ?" ያግዶሶና።
ሳአይ ኦማርስያ ዎደ የሱሳ ታማረት እያኮ ይድ፥ "ሀይስ በሳይ አስ ባይና በሲ፤ ሀእ ሳእካ ቃምስ። አሳይ ጉታታነ ካታማታ ብድ ባንታዉ ምያባ ሻማና መላ አሳ የዳ" ያግዶሶና።
ሽን የሱሲ ዛሪድ ኤንታኮ፥ "አሳስ ምያባ ህንተ እምተ" ያግስ።
ኤንቲ፥ "ኑኒ ብድ ናምኡ ፄቱ ድናረን ኡይ ሻምድ አሳ ሙዛና መላ ኮያይ?" ያግድ ኦይችዶሶና።
የሱሲ ኤንታኮ፥ "ህንተዉ አፑን ኡይ ደኢ? አነ ብድ በእተ" ያግስ።
ኤንቲ በእድ፥ "እቻሹ ኡይነ ናምኡ ሞሎ" ያግዶሶና።
የሱሲ ባ ታማረታ አሳ ኡባ ጩጋን ጩጋን ሻክድ ማታን ኡትሳና መላ ኪትስ። አሳይ ፄቱ ጩጋንነ እሻታሙ ጩጋን ሻከት ሻከት ኡትዶሶና። የሱሲ እቻሹ ኡይነ ናምኡ ሞሎታ ኤክድ፥ ፑደ ሳሎ ፄልድ ፆሳ ጋላትስ። ኡይ መንድ አሳስ ግሻና መላ ባ ታማረታስ እሚስ። ቃስ ናምኡ ሞሎታ ኤንታ ኡባስ ሻክስ። አሳ ኡባይ ምድ ካልዶሶና። አትዳ ኡይ ቲፍያነ ሞሎታ ቲፍያ፥ እያ ታማረት ታማነ ናምኡ ጋይታ ኩመ ደንዶሶና። ኡይ ምዳ አደ አሳ ታይቦይ እቻሹ ሙኩሉ።
ጫርኮይ እያ ታማረታኮ ጫርክያ ግሾ፥ አባ ፕይ ዋይሰይሳ የሱሲ በእስ። ዎንትማ ሳእ ጌያና ሀንያ ዎደ እ አባ ቦላ ሄመትሸ ኤንታኮ ይድ፥ ኤንታ የግድ አናዉ ኮይስ። ሽን እ አባ ቦላ ሄመትሽን፥ ኤንቲ በእድ፥ ኤንታዉ ሞይትለ ዳንን ዋስዶሶና። ኤንቲ ኡባይ እያ በእድ፥ ያሻን ኮኮርዶሶና።
ሽን የሱሲ ኤለስድ ኤንታኮ፥ "ታና፥ አይኮይ ባዋ፤ ያዮፍተ" ያግስ። የሱሲ ዎጎሉዋን ገልድ ኤንታራ እስፈ ኡትን ጫርኮይ ዎፑ ግስ። ኤንቲ ዳሮ ማላለትዶሶና።
ኦይዱ ሙኩሉ አሳ
ጉ ዎደፐ ጉየ፥ ዳሮ አሳይ የሱሳኮ ሺቅዶሶና። አሳስ ምያባይ ይን የሱሲ ባ ታማረታ ባኮ ፄግድ፥ "ሀ አሳይ ታራ ሄ ጋላስ ጋካናዉ ጋምእድ፥ አይኮካ ምያባ ደምቦና ግሾ፥ ታና አሳይ ቃስ። ታኒ አሳ ኮሻራ ሶ የድኮ አሳይ ብሸ ኦገን ዳቡርድ ኩንዳና፥ ባጋ አሳይ ሃሆሶፐ ይዶሶና" ያግስ።
የሱሳ ታማረት ዛሪድ፥ "ሀ መላ ቢታን ሀ አሳ ኡባ ሙዛናዉ ግድያ ካ ደማናዉ ዳንዳኤይ ኦኔ?" ያግዶሶና።
የሱሲ ኤንታኮ፥ "ህንተዉ አፑን ኡይ ደኢ?" ያግድ ኦይችስ።
ኤንቲ ዛሪድ፥ "ላፑን ኡይ ደኤስ" ያግዶሶና።
የሱሲ አሳይ ሳአን ኡታና መላ ኪትስ። ያትድ፥ ላፑን ኡይ ኤክድ ፆሳ ጋላት ስሚድ ሄ ኡይ መንድ፥ አሳስ ግሻና መላ ባ ታማረታስ እሚስ። እያ ታማረት አሳስ ግሽዶሶና። ኤንታዉ ቃስ ጉ ላፋ ሞሎት ደኦሶና። የሱሲ ሄ ሞሎታ ግሾ ፆሳ ጋላትድ፥ አሳስ ግሻና መላ ባ ታማረታ ኪትስ። አሳ ኡባይ ምድ ካልዶሶና። እያ ታማረት አትዳ ቲፍያ ላፑን ጋይታ ኩመ ደንዶሶና። ካ ምዳ አሳ ታይቦይ ኦይዱ ሙኩሉ ግዳና። ሄሳፈ ጉየ፥ የሱሲ አሳ የድስ።
የሱሲ ባድዳ ባላሰ ምዉ
ዎንተ ጋላስ ኤንቲ ብታነፐ ከይድ ብሽን፥ የሱሲ ኮሻትስ። ሃሆን እስ ባላሰ ምዉ ሀይ ፃላላ ማአ ኡትዳሮ በእድ፥ እ ቦላ አይፈይ በንትኮ ግድ፥ በአናዉ ኢኮ ብስ፥ ሽን ኢኮ እ ብያ ዎደ፥ ሀይ ፃላላፐ አትሽን፥ እስ አይፈካ ደምቤና፤ አይስ ጊኮ፥ ባላሰይ አይፍያ ዎደይ ጋክቤና። የሱሲ ሄ ባላስዉ፥ "ህዛ፥ አስ ኔፐ መርናዉ አይፈ ሞፖ" ያግስ። እያ ታማረት እ ገይሳ ስእዶሶና።
ባላሰ ምያ መላሱ
ኤንቲ ዎንተ ጋላስ ሄ ኦግያራ አሸ፥ ሄ ባላስያ ፃጶራ መልዳሮ በእዶሶና። ጰፅሮስ አኬክድ፥ "አስታማርያዉ፥ ሄኮ፥ ኔኒ ባድዳ ባላስያ መላሱ" ያግስ።
የሱሲ ዛሪድ፥ "ፆሳ አማንተ። ታኒ ህንተዉ ቱማ ኦዳይስ፤ ኦንካ ባ ዎዛናን ስና ግዳባይ ሀናናይሳ አማንድ፥ ሀ ዙማ፥ ‘ደንዳዳ አባን ኩንዳ’ ያግኮ እያዉ ሀናና። ሄሳ ግሾ፥ ታኒ ህንተዉ ኦዳይስ፤ ፆሳ ህንተ ዎስያባነ ኦይችያባ አይባ ግድኮካ ኤክዳዳ አማንተ፥ ህንተ ኤካና። ፆሳ ዎሳናዉ ህንተ ኤቅያ ዎደ፥ ሳሎን ደእያ ህንተ አዋይ ህንተ ናጋራ አቶ ጋና መላ፥ ኦንካ ህንተና ናቅዳባይ ደእኮ፥ እያዉ አቶ ጊተ።
ኮይሮ ታማረታ ፄገ
እስ ጋላስ የሱሲ ገንሳሬፀ አባ ማታን ኤቅዳሽን ዳሮ አሳይ እያ ዩሹዋ ኡንኤድ፥ እ ታማርስያ ፆሳ ቃላ ስኦሶና። ያን ሃ ጋፃን ደእያ ናምኡ ዎጎሎታ በእስ። ሞሎ ኦይክያ አሳት ዎጎሎታፐ ዎድ ባንታ ግትያ ሜጮሶና። ሄ ዎጎሎታፐ ስሞናይሳን ገልድ ቢታፈ ጉ ግዶ ሺሻና መላ ኦይችስ። ያትድ፥ ሄ ዎጎሉዋ ቦላ ኡትድ አሳ ታማርስስ።
ባ ትምርትያ ኦንግዳፐ ጉየ ስሞናኮ፥ "ገደ ጪሙዋኮ ሺሻዳ ሞሉዋ ኦይካናዉ ህንተ ግትያ የግተ" ያግስ።
ስሞን ዛሪድ፥ "አስታማርያዉ፥ ቃማ ኩመ ዳቡርሸ አቅድ አይኮካ ኦይክቦኮ፥ ሽን ነ ጊኮ ግትያ የጋና" ያግስ።
ኤንቲ ግትያ የግዳ ዎደ ግተይ ዳከታና ጋካናዉ ዳሮ ሞሎ ኦይክዶሶና። ሀራ ዎጎሎን ደእያ ባንታ ላገት ይድ፥ ባንታና ማዳና መላ ዉትድ ፄግዶሶና። ኤንቲ ይድ ናምኡ ዎጎሎት፥ ሃን ምተታና ጋካናዉ ሞሎን ኩንዶሶና።
ስሞን ጰፅሮስ ሄሳ በእዳ ዎደ፥ የሱሳ ስንን ኩንድድ፥ "ጎዳዉ፥ ታኒ ናጋራንቾ አስ ግድያ ግሾ፥ ታፐ ሻከታ" ያግስ። እ ሄሳ ግዳይ፥ እነ እያራ ደኤይሳት ኦይክዳ ሞሉዋ ዳሮተን ማላለትዳ ግሾሳ። ቃስ ስሞና ላገ ግድዳ ዛብድዮሳ ናይት ያይቆባራነ ዮሃንሳራ ማላለትዶሶና። የሱሲ ስሞናኮ፥ "ባቦፋ! ህዛፐ ኔኒ አሰ ኦይክያ አስ ግዳና" ያግስ። ኤንቲ ዎጎሎታ ጋፃ ሺሽዳፐ ጉየ ኡባ አግድ የሱሳ ካልዶሶና።
የሱሲ ሆቢያ ሴርስ
እስ ጋላስ የሱሳራነ እያ ታማረታራ እስፈ ዎጎሎን ገልድ፥ "አባ ፕኖስ" ያግስ። ኤንትካ ባናዉ ደንድዶሶና። አባ ቦላራ ኤንቲ ፕናናዉ ብሽን የሱሲ ስክስ። ቆፖና ምኖ ጫርኮይ አባ ቦላ ደንድስ። ሃ ዎጎሉዋን ገልን ዎጎሎይ ምተተ ኦይክያ ዎደ ኡባይ ባብዶሶና።
እያ ታማረት እያኮ ሺቅድ፥ "ጎዳዉ! ጎዳዉ! ኑ ዮስ" ያግድ የሱሳ ደንዶሶና።
የሱሲ ደንድድ ጫርኩዋነ ጎትያ ሀንቅስ። ኤለስድ ጫርኮይነ ጎተይ ዎፑ ግስ፤ ሳሮተ ስምስ። የሱሲ ባ ታማረታኮ፥ "ህንተ አማኖይ አዉኔ?" ያግስ። ኤንትካ፥ ያይሸነ ማላለትሸ እሶይ እሱዋኮ፥ "ጫርኮይነ ሃይ ኪተተይስ፥ እ ሀይስ ኦኔ" ያግዶሶና።
የሱሲ ሆቢያ ሴርስ
እስ ጋላስ የሱሳራነ እያ ታማረታራ እስፈ ዎጎሎን ገልድ፥ "አባ ፕኖስ" ያግስ። ኤንትካ ባናዉ ደንድዶሶና። አባ ቦላራ ኤንቲ ፕናናዉ ብሽን የሱሲ ስክስ። ቆፖና ምኖ ጫርኮይ አባ ቦላ ደንድስ። ሃ ዎጎሉዋን ገልን ዎጎሎይ ምተተ ኦይክያ ዎደ ኡባይ ባብዶሶና።
እያ ታማረት እያኮ ሺቅድ፥ "ጎዳዉ! ጎዳዉ! ኑ ዮስ" ያግድ የሱሳ ደንዶሶና።
የሱሲ ደንድድ ጫርኩዋነ ጎትያ ሀንቅስ። ኤለስድ ጫርኮይነ ጎተይ ዎፑ ግስ፤ ሳሮተ ስምስ። የሱሲ ባ ታማረታኮ፥ "ህንተ አማኖይ አዉኔ?" ያግስ። ኤንትካ፥ ያይሸነ ማላለትሸ እሶይ እሱዋኮ፥ "ጫርኮይነ ሃይ ኪተተይስ፥ እ ሀይስ ኦኔ" ያግዶሶና።
ቱና አያን እያፐ ከይዳ ኡራ
አባ ፕንድ ጋልላ ባጋራ ደእያ ገርገሶነ ቢታ ጋክዶሶና።
ሳእ ኦማርስያ ዎደ ታማነ ናምኡ ሀዋረት እያኮ ሺቅድ፥ "ኑ ደኤይ መላ ቢታ ግድያ ግሾ አሳይ ዱማ ዱማ ጉታታነ ካታማታ ብድ፥ ካነ አቅያ በሲ ኮያና መላ አሳ ሞይዛ" ያግዶሶና።
ሽን እ፥ "ኤንታዉ ምያባ ህንተ እምተ" ያግስ።
ኤንቲ፥ "ኑስ ደኤይ እቻሹ ኡይነ ናምኡ ሞሎ ግድያ ግሾ፥ ሀ አሳስ ግድያ ካ ኑኒ ብድ ሻሞና እፅኮ ግደና" ያግዶሶና። ሄ በሳን እቻሹ ሙኩሉ ግድያ አደት ደኦሶና።
የሱሲ ባ ታማረታኮ፥ "እሻታማን እሻታማን ሻክ ሻክ አሳ ኡትስተ" ያግስ።
እያ ታማረት፥ እ ኪትዳይሳዳ አሳ ኡትስዶሶና። እ እቻሹ ኡይነ ናምኡ ሞሎታ ኤክድ፥ ሳሎ ፄልድ፥ ፆሳ ጋላትድ፥ መንድ አሳ ኡባ ጋና መላ ባ ታማረታስ እሚስ። ኡባይ ምድ ካልዶሶና። ኤንታፈ አትዳ ቲፈይ ታማነ ናምኡ ጋይታ ኩመ ግድስ።
የሱሲ ያጋኖ በሳን
ሄን ጋላስ ጋልላ ቢታን ቃና ካታማን ያጋኖይ ያጋነትስ። የሱሳ አይያ ሄ ያጋኑዋን ደአዉሱ። የሱሲካ ባ ታማረታራ እስፈ ሄ ያጋኑዋ ፄገትስ። ዎይነ ኡሻይ ዉርን፥ የሱሳ አይያ የሱሳኮ፥ "ኤንታዉ ዎይነ ኡሻይ ዉርስ" ያጋሱ።
የሱሲ ዛሪድ፥ "ታ አየ፥ ነ ሀይሳን ገሎፓ? ታ ዎደይ ቡሮ ጋክቤና" ያግስ።
የሱሳ አይያ ኦሳንቾታኮ፥ "እ ህንተዉ ኦድያባ አይብባ ግድኮካ ኦተ" ያጋሱ።
አይሁደት ባንታ ጌሾ ዎጋስ ጎኤትያ ኡሱፑን ሹቻ ባት ሄ በሳን ደኦሶና። እስ እስ ባይ ናምኡ ዎይኮ ሄ ፁጋ ኦይኬስ። የሱሲ ኦሳንቾታኮ፥ "ባታን ሃ ኩንተ" ያግስ። ኤንቲ ባታስ ዶና ጋካናዉ ሃ ኩንዶሶና። የሱሲ ኤንታኮ፥ "ሀእ ዱቅድ ያጋኑዋ አዋተን ፖልሰይሳስ እምተ" ያግስ። ኤንቲ እያዉ ኤፍድ እምዶሶና።
ያጋኑዋ አዋተን ፖልሰይስ ዎይነ ኡሽ ላመትዳ ሃ ጋንፅ ኤክድ አዉፐ ይዳኮ ኤርቤና፥ ሽን ሃ ኩንዳ ኦሳንቾት ኤሮሶና። ያጋኑዋ አዋተን ፖልሰይስ ማችዉ ኤከይሳ ፄግድ፥ "ኦንካ ሎኦ ዎይነ ኡሻ አሳ ኮይሮትድ ኡሼስ። ያትድ አሳይ ኡይ ካልዳፐ ጉየ፥ ቅራርያ እሜስ። ሽን ኔኒ ሎኦ ዎይነ ኡሻ ሀኖ ጋካናዉ ዎ አጋዳሳ" ያግስ።
የሱሲ ሀ ኮይሮ ማላታ ጋልላ ቢታን ቃና ካታማን ኦስ፤ ሄሳን ባ ግታተ በስስ። እያ ታማረት እያ አማንዶሶና።
እ ሄሳ ፍልጶሳ ፓጫናዉ ግስፐ አትሽን፥ እ ባ ሁጰን አይ ኦነኮ ኤሬስ።
ፍልጶስ ዛሪድ የሱሳኮ፥ "ሀር አቶሽን፥ ሁጰን ሁጰን፥ እስ እስ ባርስ ጋናዉ፥ ናምኡ ፄቱ ድናረን ኡይ ሻምንካ ግደና" ያግስ።
ቃስ የሱሳ ታማረታፐ እሶይ፥ ስሞን ጰፅሮሳ እሻይ እንድርያስ፥ "እቻሹ ባንጋ ኡይነ ናምኡ ሞሎ ኦይክዳ እስ ናአይ ሀይሳን ደኤስ፥ ሽን ሀ አሳ ኡባስ ሄስ አይ ማዳኔ?" ያግስ።
የሱሲ ባ ታማረታኮ፥ "አሳ ኡትስተ" ያግስ። ሄ በሳን ዳሮ ማት ደኤስ፤ አሳ ኡባይ ኡትስ። አደ አሳ ታይቦይ እቻሹ ሙኩሉ ግዳና። የሱሲ ኡይ ኤክድ ፆሳ ጋላት ስሚድ ያን ኡትዳ አሳስ ግሽስ። ሞሉዋካ ኤክድ ሄሳዳ ኦድ እምን፥ አሳይ ባ ኮይዳይሳ መላ ምስ። ኤንቲ ኡባይ ካልዳፐ ጉየ፥ የሱሲ ባ ታማረታኮ፥ "እስባይካ ኢቶና መላ አትዳ ቲፍያ ሺሽተ" ያግስ። ሄሳ ግሾ፥ ኤንቲ ኡባ ሺሽዶሶና። አሳይ ምን አትዳ ባንጋ ኡይ ቲፍያ ሺሽድ ታማነ ናምኡ ጋይታ ኩንዶሶና።
እቻሹ ዎይኮ ኡሱፑን ክሎ ምትረ ግደይሳ መላ ኤንቲ አባ ፕድ ብዳፐ ጉየ፥ የሱሲ አባ ቦላራ ሄመትሸ የይሳ በእድ ያይዶሶና። ሽን እ፥ "ባቦፍተ፥ ታና" ያግስ። ኤንቲ ኡፋይትድ እያ ዎጎሉዋን ገልስዶሶና፤ ኢራካ ዎጎሎይ ኤንቲ ብያ አባ ጋፃ ጋክስ።
የሱሲ ላፑን ታማረታስ ቆንጭስ
ሄሳፈ ጉየ፥ የሱሲ ፅብራዶሳ አባ ማታን ባ ታማረታስ ዛር ቆንጭስ። እ ኤንታዉ ሀይሳፈ ካልድ ደእያ ሀኖታን ቆንጭስ። ስሞን ጰፅሮስ፥ መንተ ጌተትያ ቶማስ፥ ቃና ጋልላፐ ይዳ ናትናኤል፥ ዛብድዮሳ ናይትነ የሱሳ ታማረታፐ ሀራ ናምአት እስፈ ደኦሶና።
ስሞን ጰፅሮስ ኤንታኮ፥ "ታኒ ሞሎ ኦይካናዉ ባይስ" ያግስ።
ኤንቲ፥ "ኑካ ኔራ ባና" ያግድ፥ ዎጎሉዋ ግዶ ገልዶሶና። ሽን ኤንቲ ሄ ቃማን አይብ ሞሎካ ኦይክቦኮና።
ዎንታ ጉራ ፃልቀይ ዶላናፐ ስን፥ የሱሲ አባ ጋፃን ኤቅስ፥ ሽን እያ ታማረት የሱሳ ግድዳይሳ ኤርቦኮና። የሱሲ ኤንታኮ፥ "ታ ላገቶ፥ ሞሎ ኦይክቤከቲ?" ያግስ።
ኤንቲ ዛሪድ፥ "አይኮካ ኦይክቦኮ" ያግዶሶና።
እ ዛሪድ፥ "ህንተ ግትያ ዎጎሉዋፐ ኡሻቻ ባጋራ የግተ፤ ጉ ሞሎ ህንተ ኦይካና" ያግስ። ሄሳ ግሾ፥ ግትያ ኡሻቻ ባጋራ የግዶሶና። ሞሎይ ዳርዳ ግሾ ጎች ከሳናዉ ፆነትዶሶና።
የሱሲ ዶስያ ታማረይ ጰፅሮሳኮ፥ "ሀይስ ጎዳ!" ያግስ። ስሞን ጰፅሮስ እ ጎዳ ግዳይሳ ስእዳ ዎደ፥ ካሎ ደእያ ግሾ፥ ባ ማኡዋ ማእድ አባ ግዶ ጉፕ ገልስ። ሽን ዎጎሉዋን አትዳ ሀንኮ ታማረት ሞሎይ ኩምዳ ግትያ ጎችድ፥ አባፈ ጋፃ ከይዶሶና። ኤንቲ አባፈ ናምኡ ፄቱ ዋ መላ ሃኮሶና። ኤንቲ አባፈ ጋፃ ከይዳ ዎደ፥ ፂፋ ቦንቆን ሞሎይ ደኤይሳነ ኡይ በእዶሶና።
የሱሲ ኤንታኮ፥ "ሀእ ህንተ ኦይክዳ ሞሉዋፐ ጉራ ሀምተ" ያግስ።
ስሞን ጰፅሮስ ዎጎሉዋን ገልድ፥ ፄታነ እሻታማነ ሄ ዎጋ ሞሎት ኩምዳ ግትያ ጎችድ አባፈ ጋፃ ከስስ። ሞሎይ ሄሳ መላ ዳሮ ግድን ግተይ ዳከትቤና።
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
ማቶ ሀላቃ አማኖ
የሱሲ ቅፍርናሆማ ካታማ ጋክዳ ዎደ፥ እስ ማቶ ሀላቃይ እያኮ ሺቅድ፥ "ጎዳዉ፥ ታ አይለይ አሳተይ ጉንድን ዳሮ ሀርገትድ፥ ሶን ዝንእድ ደኤስ" ያግድ ዎስስ።
የሱሲ ዛሪድ፥ "ታኒ ባዳ እያ ፓና" ያግስ።
ሽን ማቶ ሀላቃይ ዛሪድ፥ "ጎዳዉ፥ ነ ታ ሶ ገላናዉ በሲያ አስ ግድከ፥ ሽን ነ ሀን ኡታዳ ቃላ ፃላላ ኦዳ፥ ታ አይለይ ፓፃና። አይስ ጊኮ፥ ታፐ ቦላራ ታና ኪትያ አሳት ደኦሶና፥ ቃስ ታፐ ጋርሳራ ታዉ ኪተተይሳት ደኦሶና። ኤንታፈ እሱዋ፥ ‘ባ’ ግያደ ቤስ፤ ሀንኩዋ ቃስ ‘ሃያ!’ ግያደ ዬስ። ታ አይልያ፥ ‘ሀይሳ ኦ’ ግያደ ኦስ" ያግስ።
የሱሲ ሄሳ ስእዳ ዎደ ማላለትድ፥ ባና ካልያ አሳኮ፥ "ታ ህንተዉ ቱማ ኦዳይስ፤ ታኒ ሀይሳ መላ አማኖ እስራኤለ አሳንካ በአብከ። ታ ህንተዉ ኦዳይስ፤ ዳሮት ዶሎሀፐነ ዉሎሀፐ ይድ፥ ሳሎ ካዎተን አብራሃመራ፥ ይሳቃራነ ያይቆባራ እስፈ እማቶ ቦላ ኡታና። ሽን ሳሎ ካዎተ ላታናዉ በስሽን አትዳይሳት ካረ ማን ሆለታና። ያን ኤንታዉ ዬሆነ አቻ ጋርጨ ግዳና" ያግስ።
የሱሲ ማቶ ሀላቃኮ፥ "ነ ሶ ባ፥ ነ አማኑዋ ነዉ ሀኖ" ያግስ። እያ አይለይ ኢራካ ፓፅ አግስ።
ቱና አያን ኦይክዳ ናምኡ አሳታ
የሱሲ አባፈ ሄፍንን ደእያ ገርገሶነ ቢታ ጋክዳ ዎደ ቱና አያናይ ኦይክዳ ናምኡ አሳት ዱፎፐ ከይድ እያራ ጋሄትዶሶና። ኤንቲ ዳሮ ኢታነ ያሽያ አሳታ ግድያ ግሾ አስ ሄ በሳራ አናዉ ዳንዳኤና። ኤንትካ፥ "ፆሳ ናአዉ፥ ኑናነ ነና አይበ ጋይ? ዎደይ ጋኮና ደእሽን ኑና ፕርዳናዉ ያዲ?" ግድ ዋስዶሶና።
ኤንታፈ ዳሮ ሃኮና ጉዱን ዉደይ ሄመቴስ። ቱና አያናት የሱሳ፥ "ነ ኑና ከሳናባ ግድኮ፥ ህን ጉዱን ዉድያ ግዶ የዳርክ" ያግድ ዎስዶሶና።
የሱሲ፥ "ቢተ" ያግስ። ቱና አያናት አሳታፐ ከይድ ጉዱንታን ገልዶሶና። ጉዱንት ኡባይ አፎ ዶናራ ድርግድ ብድ አባን ምተትድ ሀይቅዶሶና።
ጉዱን ዉድያ ሄመይሳት ባቃትድ ካታማ ብድ፥ ሀንዳባነ ቱና አያናይ ኦይክዳ አሳታ ቦላ ኦሰትዳባ ኡባ ኦድዶሶና። ያትን፥ ካታማን ደእያ አሳ ኡባይ የሱሳ በአናዉ ከይዶሶና። ኤንቲ የሱሳ በእዳ ዎደ ባንታ ቢታፈ ከይድ ባና መላ ዎስዶሶና።
ኤንቲ ያፐ ከይያ ዎደ አሳይ ቱና አያናይ ኦይክድ ሙምስዳ እስ አስ የሱሳኮ ኤህዶሶና። ቱና አያናይ ከይዳፐ ጉየ ሙመ ኡራይ ኦደትስ። ደረይካ ማላለትድ፥ "ሀይሳ መላ ኦራባይ እስራኤለ ቢታን ሀንቤና" ያግዶሶና።
የሱሳነ ብኤል-ዘቡላ
ሄሳፈ ጉየ፥ ቱና አያናን ኦይከትዳ ቆቀነ ሙመ አሰ ደኤይሳ እያኮ ኤህዶሶና። የሱሲ ኡራ ፓን፥ ኡራይ ፄልስ፤ ኦደትስ።
እስ ማጫሰ አማኖ
ሄሳፈ ጉየ፥ የሱሲ ያፐ ከይድ ፅሮሳነ ስዶና ካታማት ደእያ ቢታ ብስ። እስ ካናነ ቢታ ማጫስ የሱሳኮ ያዳ፥ ባ ቃላ ቁ ኦዳ፥ "ጎዳዉ፥ ዳዊታ ናአዉ፥ ታዉ ቃታርክ፤ ታ ናእዉ ቱና አያናይ ኦይክድ ኢታ ዋይሴስ" ያጋሱ።
ሽን የሱሲ እስ ቃላካ ዛሮና ስእ ግስ። የሱሳ ታማረት እያኮ ይድ፥ "ሀ ማጫስያ ኑ ጌዶ ካላ ካላዳ፥ ዎሳዉሱ። ሄሳ ግሾ፥ ኔኒ እዮ ሞይዛርክ" ያግድ ዎስዶሶና።
የሱሲ ዛሪድ፥ "ታኒ ዉደፐ ይዳ ዶርሳዳ እስራኤለ ኬፈ ይዳ አሳታ ፃላላስ ኪተታስ" ያግስ።
ሽን እያ፥ እያ ስንን ኩንዳዳ፥ "ጎዳዉ፥ ታና ማዳርኪ?" ያጋሱ።
እ ዛሪድ፥ "ናይታ ካ ኤክድ ካናታስ የገይስ ሎኦ ግደና" ያግስ።
ማጫስያካ፥ "ጎዳዉ፥ ሄስ ቱማ፥ ሽን ሀር አቶሽን ካናት ባንታ ጎዳት ምሽን፥ ጋይታፐ ዎያ ቲፍያ ሞሶና" ያጋሱ።
የሱሲ ዛሪድ፥ "ሀ ማጫሰተ፥ ነ አማኖይ ግታ፤ ነ ኮይዳይሳዳ ነዉ ሀኖ" ያግስ። እ ናእያ ኢራካ ፓፃ አጋሱ።
ቱና አያን ኦይክዳ ናአ
ኤንቲ ደርያፐ አሳኮ ስምያ ዎደ እስ አስ የሱሳ ስንን ጉልባትድ፥ "ጎዳዉ፥ ሀያና ታ ናኣስ ቃታርክ፤ እያ ሾጭድ የግያ ሀርገይ ዳሮ ኡንኤድ ታማንነ ሃን የጌስ። ነ ታማረታኮ ኤሀስ፥ ሽን ኤንቲ ፓናዉ ዳንዳእቦኮና" ያግስ።
የሱሲ ዛሪድ፥ "ህንተኖ፥ አማኖና ጌላ የለተዉ አዉደ ጋካናዉ ታ ህንተራ ዳኔ? አዉደ ጋካናዉ ታ ህንተና ዳንዳአኔ? አነ ናኣ ሃ ኤክ ዪተ" ያግስ። የሱሲ ቱና አያና ሀንቅን፥ ቱና አያናይ ናኣፐ ከይስ፤ ሄ ሳተንካ ናአይ ፓፅስ።
ሄ ዎደ ቱና አያናይ ኦይክዳ እስ ኡራይ አይሁደ ዎሳ ኬ ገልድ ባ ቃላ ቁ ኦድ፥ "ናዝረተ የሱሳ፥ ኔኒ ኑፐ አይ ኮያይ? ኑና ይሳናዉ ያዲ? ኔኒ ኦነኮ ታ ኤራይስ፤ ኔኒ ፆሳ ጌሻ ግድኪ?" ያግስ።
የሱሲ ሄ ቱና አያና፥ "ሀይዛ፥ ሀ አድያፈ ከያ" ግድ ኪትስ።
ቱና አያናይ ኡራ ዳፈረድ፥ ዋስድ እያፐ ከይስ።
ቱና አያን ኦይክዳ ኡራ
የሱስነ እያ ታማረት አባ ፕንድ፥ ገርገሶነ ቢታ ጋክዶሶና። የሱሲ ዎጎሉዋፐ ዎያ ዎደ ቱና አያናይ ኦይክዳ እስ ኡራይ ዱፎፐ ከይድ እያራ ጋሄትስ። ሄ ኡራይ አቅ ፔእድ ደኤይ ዱፎና። እያ ኦንካ ሳንላታን ቃቻናዉ ዳንዳኤና። እ ዳሮ ቶሆ ዱንነ ሳንላታን ቃሸትድ ደኤስ። ሽን ሳንላታ ዱሰረስ፥ ዱ መንረስ። እያ ተቃናዉ ዳንዳእያ ኦንካ ባዋ። እ ቃማነ ጋላስ ሄ ዱፉዋንነ ደረ ቦላ ዋሴስ፥ ባ አሳተ ሹቻን ጋሬስ።
የሱሳ ሃሆን በእዳ ዎደ ዎፅ ብድ እያ ስንን ጉልባትስ። ሄ ኡራይ ባ ቃላ ቁ ኦድ፥ "ኡባፈ ቦላ ፆሳ ናአዉ የሱሳ፥ ነናነ ታና አይበ ጋይ? ታና ይሶና መላ ታኒ ነና ፆሳ ሱንን ዎሳይስ" ያግስ። እ ሄሳ ግዳይ የሱሲ እያ፥ "ላ ሀ ቱና አያናዉ፥ ሀ አድያፈ ከያ" ያግዳ ግሾሳ።
የሱሲ እያኮ፥ "ነ ሱንይ ኦኔ?" ያግድ ኦይችስ።
እ፥ "ኑኒ ዳሮ ግድያ ግሾ፥ ታ ሱንይ ሌግዮና" ያግስ። ቱና አያናት ባንታና ሄ ቢታፈ ከስ የዶና መላ የሱሳ ምንድ ዎስዶሶና።
ሄ ደርያ ቦላ ዳሮ ጉዱን ዉደይ ሄመቴስ። ቱና አያናት የሱሳኮ፥ "ኑና ህን ጉዱን ዉድያኮ የዳርክ፥ ኤንታን ብድ ገሎስ" ያግድ ዎስዶሶና። የሱሲ ኤንታኮ፥ "ቢተ" ያግስ። ያትን ቱና አያናት አድያፈ ከይድ ጉዱንታን ገልዶሶና። ናምኡ ሙኩሉ ግድያ ጉዱን ዉደይ አፎ ዶናራ ድርግድ ብድ አባን ገልድ ምተትዶሶና።
ጉዱን ዉድያ ሄመይሳት ባቃት ብድ ሀንዳባ ካታማንነ ጋፃርያን ኦድዶሶና። ያትን አሳይ ሀንዳባ በአናዉ ከይዶሶና።
ሽን እስ አስ ባ አዋ ዎይኮ ባ አይዉ ማዳናይሳ አግድ፥ ‘ሀይስ ታኒ ፆሳስ እምዳ ያርሾ’ ጊኮ፥ እ ባ አዋ ዎይኮ ባ አይዉ ማዶና መላ ኦታ። ሄሳዳካ፥ ህንተ ሀራታ ታማርስዳ ህንተ ዎጋን ፆሳ ቃላ ካደታ። ሄሳ መላ ሀራ ዳሮባ ኦታ" ያግስ።
አሰ ቱንስያባታ
የሱሲ ዳሮ አሳ ቃስካ ባኮ ፄግድ፥ "ኡባይ ታኒ ኦደይሳ ስእተነ አኬክተ። አሳ ዎዛናፐ ከያባይ አሰ ቱንሴስፐ አትሽን፥ ካረፐ አሳ ኡሎ ገልድ አሰ ቱንስያባይ አይብካ ባዋ።
እስ ማጫሰ አማኖ
የሱሲ ያፐ ከይድ፥ ፅሮሳ ካታማ ማታን ደእያ ቢታ ብስ። እ እስ ኬ ገልድ ያን ደኤይሳ ኦንካ ኤራና መላ ኮይቤና። ሽን ቆሰትድ ጋምአናዉ ዳንዳእቤና። ሽን እ ጉ ናእዉ ቱና አያናይ ኦይክዳ እስ ማጫስያ የሱሳባ ስአዳ ኤለሳ እያኮ ያዳ እያ ቶሁዋ ቦላ ኩንዳሱ። እያ አይሁደ ማጫስ ግዱኩ፤ እያ የለትዳይ ስሮፍንቀ ቢታና። እያ፥ ባ ናኤፐ ቱና አያና ከሳና መላ የሱሳ ዎሳሱ።
ሽን የሱሲ ዛሪድ፥ "ናይት ኮይሮትድ ካ ካሎ፤ ናይታ ካ ኤክድ ካናታስ የገይስ ሎኦ ግደና" ያግስ።
ማጫስያ ዛራዳ፥ "ታ ጎዳዉ ሄስ ቱማ፥ ሽን ጋይታ ማታን ደእያ ካናት ናይታፐ ዎያ ቲፍያ ሞሶና" ያጋሱ።
የሱሲ ቃስ ኢኮ፥ "ሀ ነ ቃላ ግሾ፥ ነ ሶ ባ፤ ቱና አያናይ ነ ናኤፐ ከይስ" ያግስ።
ማጫስያ ባ ሶ ብያ ዎደ ቱና አያናይ ኢፐ ከይን ሂፃን ዝንእዳሮ ደማሱ።
ሄ ዳሮ አሳ ግዶፈ እስ ኡራይ ዛሪድ፥ "አስታማርያዉ፥ ታ ናኣ ቦላ ኦደተ ድግያ ቱና አያናይ ደእያ ግሾ፥ እያ ኔኮ ኤካዳ ያስ። ሀ ቱና አያናይ እያ ኦይክያ ዎደ ኡባን፥ እያ ሾጭ የጌስ፤ እያ ዶናራ ጎፖንቶይ ዬስ፤ ቃስ አቸ ጋርጭሴስ፤ አሳተይካ ምኔስ። እያፐ ሀ ቱና አያና ከሳና መላ፥ ነ ታማረታስ ኦዳስ፥ ሽን ከሳናዉ ዳንዳእቦኮና" ያግስ።
የሱሲ ዛሪድ ኤንታኮ፥ "አማኖና ሀ ዎድያ አሳዉ! ታኒ ህንተራ አዉደ ጋካናዉ ዳኔ? ቃስ ህንተና አዉደ ጋካናዉ ዳንዳአኔ? ናኣ ታኮ ሃ ኤክ ዪተ" ያግስ። ኤንቲ ናኣ እያኮ ኤህዶሶና፤ ሄ ቱና አያናይ የሱሳ በእዳ መላ ናኣ ኮኮርስስ፤ ናአይ ሳአን ኩንድድ፥ ዶናራ ጎፖንቶይ ቶፉ ግሽን ጎንዶረትስ። የሱሲ ሄ ናኣ አዋኮ፥ "ሀይስ ነ ናኣ ኦይኮሳፐ አይ መላ ዎደ ግዳኔ?" ያግድ ኦይችስ።
ናኣ አዋይ፥ "እ ጉን ደእሽን ኦይክስ። እያ ዎናዉ ዳሮ ዎደ ታማንነ ሃን የጌስ፥ ሽን ነ ዳንዳእኮ፥ ኑስ ቃታርክ፥ ኑና ማዳርክ" ያግስ።
የሱሲ እያ፥ " ‘ኔኒ ዳንዳእኮ ጋይ?’ አማንያ ኦደስካ ኡባባይ ዳንዳኤቴስ" ያግስ።
ኤለስድ ናኣ አዋይ ባ ቃላ ቁ ኦድ፥ "ታኒ አማናይስ፥ ሽን ጉጃ አማናናዳ ታና ማዳርክ" ያግስ።
የሱሲ አሳይ ዳር ዳር በይሳ በእድ፥ ቱና አያና፥ "ሀ ቱለነ ሙመ አያናዉ፥ ሀ ናኣፐ ከያ ጋዳ ነና ታ ኪታይስ፤ ቃስ ናምአን እያን ገሎፓ" ያግስ።
ሄ ቱና አያናይ ዋስድ፥ ናኣ ዳሮ ኮኮርስድ፥ እያፐ ከይስ። ናአይ ሀይቅዳ ዳንን፥ ዳሮ አሳይ፥ "ናአይ ሀይቅስ" ያግዶሶና። ሽን የሱሲ ናኣ ኩሽያ ኦይክድ ደንን፥ ናአይ ደንድ ኤቅስ።
የሱሲ ዳሮ ሀርጋንቾታ ፓስ
ሄሳፈ ጉየ፥ የሱሲ አይሁደ ዎሳ ኬፈ ከይድ ስሞና ሶ ገልስ። ስሞና ማቸ አይያ ምኖ ቆፆ ምሻ ሀርገን ሳከታሱ። እዮ ፓና መላ የሱሳ ዎስዶሶና። እ ሂፃኮ ሺቅ ሆክድ እ ሀርግያ ሀንቅስ። ምሻይ አግን ኤለሳ ደንዳዳ ኤንታ ሞካሱ።
የሱሲ ዎጎሎፐ ከይድ ሳአን ዎሽን ቱና አያናን ኦይከትዳ ኡራይ ካታማፐ ከይድ እያራ ጋሄትስ። ዳሮ ላይ ማኦ ማኦና ካሎ ዱፎን ደኤስፐ አትሽን፥ ሶ ገለና። የሱሳ በእዳ ዎደ እያ ስንን ጉፋንድ፥ ባ ቃላ ቁ ኦድ፥ "ኡባፈ ቦላ ፆሳ ናአዉ የሱሳ ኔራ ታዉ አይብ እስፈተ ደኢ? ሀያና ታና ሀእ ኡንኤፋርክ" ያግስ። ሄሳ እ ግዳይ፥ ቱና አያናይ ኡራፐ ከያና መላ የሱሲ ሀንቅዳ ግሾሳ። ዳሮ ዎደ ቱና አያናይ እያ ሃርዳ ግሾ ሳንላታንነ ቶሆ ቃችያ ብራታን ቃሸትድ ናገቴስ። ሽን ቃሹዋ ዱድ ቱና አያናን ላገትድ መላ ቢታ ገልስ።
የሱሲ፥ "ነ ሱንይ ኦነ" ያግድ ኦይችስ።
እ፥ ዳሮ ቱና አያናት እያ ኦይክዳ ግሾ ባና፥ "ሌግዮና" ግስ። ቱና አያናት ባንታና ስኦለ ኪቶና መላ ዎስዶሶና።
ሄ በሳን ዞዘ ቦላ ምያ ጉዱን ዉደይ ሄመቴስ። ህን ጉዱንታን ገልኖ ግድ ዎስዶሶና፥ እካ "ገልተ" ግስ። ቱና አያናት ኡራፐ ከይድ ጉዱንታን ገልዶሶና። ዉደይ ደርያፐ ዱገ ጉርጉፅድ አባን ገልስ።
ሄንንቾት ሀንዳይሳ በእዳ ዎደ ዎፅ ብድ፥ ካታማንነ ጉታ ኡባን ኦድዶሶና። አሳይ ሀንዳባ በአናዉ ከይድ የሱሳኮ ይዶሶና። ቱና አያናይ ከይዳ ኡራይ ማኦ ማእድ፥ እያ ዎዛናይ ስምን፥ የሱሳ ቶሆ ማታን ኡትዳይሳ ደምድ ያይዶሶና።
ታ ህንተዉ ቱማ ኦዳይስ፤ ሀይሳን ኤቅዳይሳታ ግዶፈ ፆሳ ካዎተ በኦናሽን ሀይቆና አሳት ደኦሶና" ያግስ።
የሱሳ ማላይ ላመትስ
የሱሲ ሄ ኦዳ ኦድን፥ ሆስፑን ጋላሳፐ ጉየ፥ ጰፅሮሳ፥ ያይቆባነ ዮሃንሳ ባራ ኤክድ ዎሳናዉ ዙማ ቦላ ከይስ። እ ዎሳ ቦላ ደእሽን እያ አይፈ ካረይ ላመትስ፤ አፍላይካ ቦፅድ፥ አዋ መላ ጶልስ። ናምኡ አሳት፥ ኤንትካ ሙሰራነ ኤልያሳራ ቦንቾን ቆንጭድ፥ የሩሳላመን ፖለታናዉ ደእያባ፥ ሄስካ፥ እ ሀ አላምያፐ ሻከታናባ እያራ ኦደቶሶና።
ጰፅሮሳነ እያራ ደኤይሳታ ስኮይ ኤፍን፥ ኤንቲ ስኮፈ ባርክያ ዎደ እያ ቦንቹዋነ እያራ ኤቅዳ ናምኡ አሳታ በእዶሶና። አሳት የሱሳፐ ሻከትድ ባና ሀንሽን፥ ጰፅሮስ የሱሳኮ፥ "ጎዳዉ፥ ኑ ሀይሳን ግድኮ ኑስ አይ መላ ሎኦ! እስኖ ነዉ፥ እስኖ ሙሰስ፥ እስኖ ኤልያሳስ ኦድ፥ ሄ ሻቃራ ሻቃሮስ" ያግስ። ሽን እ አይ ግዳኮ ኤረና።
ሄ ዎደ አሳ ግዶፈ እስ አስ፥ "አስታማርያዉ፥ ታ እስ ናኣ ያዳ በአርክ። ቱና አያናይ ቆፖና ኦይክድ ዋስሴስ፤ ጎፖንቶ የግስድ ቃከረስ፥ አሳተ ቆህድ ኡንኤድ የዴስ። ነ ታማረት ከሳና መላ ዎሳስ፥ ሽን ኤንቲ ዳንዳእቦኮና" ያግድ ዎስስ።
የሱሲ፥ "አማኖይ ባይና ጌላ የለታቶ፥ አዉደ ጋካናዉ ታ ህንተራ ዳነ፥ ህንተና ዳንዳአኔ? ነ ናኣ ባዳ ሃ ኤካያ" ያግስ።
ናኣ ኤክድ ያ ዎደ ቱና አያናይ ሳአን ሆል የግድ ኮኮርስስ። ሽን የሱሲ ቱና አያና ሀንቅድ ናኣፐ ከስስ። ናኣካ ናኣ አዋስ እሚስ። አሳ ኡባይ ፆሳ ግታ ዎልቃን ማላለትዶሶና። ኤንቲ እ ኦዳባን ማላለትሽን፥ የሱሲ ባ ታማረታኮ፥
የሱሳነ ብኤል-ዘቡላ
እስ ጋላስ የሱሲ፥ ዶና ሙምስዳ ቱና አያና እስ ኡራፐ ከስስ። ቱና አያናይ ከይዳ መላ ሙመ ኡራይ ኦደትስ። አሳይካ ማላለትስ።
ኤንታ ግዶፈ እሶይ ካህነ ሀላቃ ኦሳንቹዋ ሾጭድ ኡሻቻ ሀይ ቃንፅድ የግስ።
ሽን የሱሲ፥ "አጋ! ድጎፍተ" ያግስ። ኡራ ሀይ ቦችድ ፓስ።
ዮሃንስ ኪትዳይሳት ብዳፐ ጉየ የሱሲ አሳስ ዮሃንሳባ ያግድ ኦድስ፦ "ህንተ አይ በአናዉ መላ ቢታ ከይደቲ? ጫርኮይ ቃያ ማታ በአናሰዬ? ያትን፥ አይ በአናዉ ከይደቲ? ኮይሰ ማኦ ማእዳ አሳ በአናሰዬ? ኮይሰ ማኦ ማእዳይሳትነ ሳእ እንጀትዳ አሳይ ካዎ ጋን ደኦሶና። ያትን፥ አይ በአናዉ ከይደቲ? ናብያ በአናሰዬ? ኤ፥ ታ ያጋይስ፦ ህንተ በአናዉ ከይዳይ ናበፐ አይሳ።
" ‘ነ ኦግያ ነ ስንን ጊግስያ
ታ ኪታንቹዋ ኔፐ ስን ታ ኪታና’
ጌተትድ ፃፈትዳይ እያሳ። ታ ህንተዉ ኦዳይስ፤ ማጫሳፐ የለትዳይሳታ ግዶፈ ዮሃንሳፐ አይ ባዋ። ፆሳ ካዎተን ኡባፈ ጉፀይስ፥ እ ኡባፈ ግታ ግዳና" ያግስ።
ሀር አቶሽን፥ የሱሳ ቃላ ስእዳ ቃራፃ ቃንፅሰይሳት ኡባይ ዮሃንሳ ኩሸን ፃማቀትድ ፆሳይ ፅሎ ግደይሳ ቆንጭስዶሶና። ሽን ፋርሳወትነ ህገ አስታማረት ዮሃንሳ ኩሸን ፃማቀቶና እፅድ ፆሳ ዞርያ ለቅስዶሶና።