Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
Yesu aheledjai bato babae ba miiso mago
Ehole ɛdonga Yesu ena, bato babae ba miiso mago bamokimana ena bagame boo: «Lookea ndjokwa, mwana ɔ Davidi!»
Ehole ɛimea Yesu ta ndako, bato ba miiso mago babatama mbuti na nde ko abahɔdja boo: «Odhimini boo nahɔni okɔ mua imahɔdjakani no?» Bamosɔmbedja boo: «Edii bea, Kumu.» Bea Yesu abinga miiso ma bobo ko abala boo: «Yɛɛ makɔɔme okimana na edhimeli ɛ boono!» Oko ambuku, baenɛ. Bea Yesu abakebedja boo: «Kebani boo moto omɔti atadjeba modjɔ muu mokɔɔmi na nu.» Endolo ehole eimana bo bananganedja gala ɛ nde ta ekenge ena ɛ mokpɔtɔ esusu.
Yesu aheledjai bato bagwa miso babae
Ehole ɛdonga Yesu na batingami ba nde ta Yeliko, emumu ɛ bato ɛmokimana. Bato bagwa miso babae badaka badii ta mokpɛngɔ ma ndjia baoka Yesu anɔe; bagama boo: «Kumu, Mwana ɔ Davidi, lookea ndjokwa!» Bato babagamea bɛngɛ badipe minɔkɔ, endolo bagama koko na ngulu boo: «Kumu, Mwana ɔ Davidi, lookea ndjokwa!» Yesu aemaa, ababea ko abala na bu boo: «Ɛpalaka no nakɔe ta tina ɛ boono yee?» Bamosɔmbɛdja boo: «Kumu, kɔɔ boo laenɛ.» Yesu abaokea ndjokwa abinga miso ma bobo; ambuku, baenɛ ko bamokimana.
Yesu aheledjai moto ɔ miso mago ta Betesaida
Yesu aimea ta Betesaida na batingami ba nde. Bato badoa odii yo na moto ɔ miso mago ko bamoongɔɔnɔ boo amobinge na ebɔ. Yesu apea moto ɔ miso mago ta ebɔ ko akɛɛ na nde osokolu ɛ ngando. Bea amotɔɔ masoi ta miso, abakea mabɔ diko la nde ko amohɔdja boo: «Oeni eka?» Moto ɔ miso mago aihwedja miso ko abala boo: «Naenɛkɛ bato, nabaenɛkɛ elengɛɛ mele, endolo badii odala.» Yesu abakea koko mabɔ diko la miso ma nde; ehole ɛmadipoa yo aenɛ opele mɛɛnɛ. Yesu abala na nde boo: «Yana odii wɛ ko pɛpɛ oingea noko ta ngando.»
Yesu aheledja moto ɔ ohoka ko emimi
Yesu akina ekenge ɛ mokpɔtɔ ɛ Tula, anɔɔ ta Sidona okimana ndjia ɛ ibeke inɛnɛ la Galilai ko akatisa ekenge ɛ mokpɔtɔ ɛ Mabonga Doomi. Badoa odii yo na moto ɔ ohoka ko na kaka ta obala, ko bamoongɔɔnɔ boo abakee ebɔ diko la nde. Yesu akɛɛ na nde yo buki, ohali na esika ɛdaka emumu ɛ bato; aisa sapi ta matoi ma nde, atɔɔ masɔi ko amobinga elemi na masɔi ma nde. Ngɔngɔ djia, Yesu aihwedja miso ta busa, ahemana ko abala na nde boo: «Efata» Etingodjai boo: «Sadipoa!» Mbala emɔti, matoi ma nde masadipoa, elemi ɛ nde etingoa ko abanga obala opele. Yesu abakola matoi boo batatɔndɔ moto omɔti modjɔ mua; noko ɔbakola yo matoi, badaka oko bananganedja gala ɛ nde na onɔ. Ko bato bakamoa obuke mɛɛnɛ; babalaka bo: «Misusu midii yo okɔ midii mipele! Noko bato ba ohoka badi ooka ko bimimi badii obala opele!»
Yesu aheledjai Balatimayo moto ɔ miso mago
Yesu na batingami ba nde baimea ta ibonga la Yeliko. Ehole ɛimana bo ta ibonga na emumu ɛ bato, moto ɔ miso mago ɔbeakabo Balatimayo, mwana moomi ɔ Time, adaka ta mokpɛngɔ ma ndjia ena asɛngɛ. Ɔɔka yo boo ɛdaka Yesu ɔ Nasaleta, abanga ogama: «Yesu, Mwana ɔ Davidi, okeani ndjokwa!» Bato bike bamosia boo adae ogoo, endolo yo agama koko na ngulu mɛɛnɛ: «Mwana ɔ Davidi, okeani ndjokwa!» Yesu aema ko abala boo: «Mobeani.» Babea moto ɔ miso mago ko babala na nde boo «Sapingedja, emaa, Yesu aobeaka.» Ɔɔka yo bibaeli bia adumba mokoto ma nde, asapimbodja ko akɛɛ odii Yesu. Yesu amohɔdja boo: «Ɔpalaka nakɔe yee ta tin’ɛ wɛ?» Moto ɔ miso mago amosɔmbɛdja boo: «Molehi, kɔɔ bo naenɛ koko.» Yesu abala na nde boo: «Kɛɛ, edhimeli ɛ wɛ eoheledjai.» Oko ta ehole ena abanga oenɛ opele ko akimana Yesu.
Yesu aheledjai moto ɔ miso mago ta Yeliko
Ena ɔbatama Yesu na Yeliko, moto ɔ miso mago adaka adii ta mokpɛngɔ ma ndjia ko asɛngɛkɛ. Aoka kilingo ɛ bato bike ibadaka banoe ko ahɔdja bato boo: muu modjɔ nda. Bamosɔmbɛdja boo: «Edii Yesu ɔ Nasaleta iyona ɔnɔke.» Bea agama boo: «Yesu, Mwana ɔ Davidi, okeani ndjokwa!» Bato ibadalaka boso ba Yesu bamopɛlɛ bɛngɛ akine ogama, endolo agama onɔ: «Mwana ɔ Davidi, okeani ndjokwa!» Yesu aema ko apa enɔli boo badoe na nde. Ehole ebatama moto ɔ miso mago mbuti na nde, Yesu a mohɔdja boo: «Ɛpalaka wɛ nakɔe tina ɛ wɛ yee?» Asɔmbɛjda boo: «Kumu, kɔɔ boo naenɛ koko.» Ko Yesu abala na nde boo: «Enɛ naikina! Edhimeli ɛ wɛ eoheledjai.» Ambuku, aenɛ, ko atingama na Yesu ena akumedjae Ndjambe. Bato basusu ibaenɛ modjɔ mua basakoa Ndjambe.
Yesu aheledjai moto ɔbotama na miso mago
Ehole ɛdaka Yesu adale, aenɛ moto ɔdaka na miso mago donga obotama ba nde. Batingami ba nde bamohɔdja boo: «Molehi, tina ndani moto hoo abotama na miso mago: edii tina ɛ isumu la nde kaoko tina ɛ isumu la baboti ba nde?» Yesu asɔmbɛdja boo: «Editi tina ɛ isumu la nde, kaoko tina ɛ isumu la baboti ba nde. Adii na miso mago bɛngɛ boo misala ma Ndjambe maenɛme ohuu ta tei ɛ nde. Ehole edii moi, eboani na su okokedja misala ma ona ɔlomani. Bulu bobatami, pɛpɛ moto ohɔni osala. Ehole edii mbai ta ngondo, nadii ohuu ba ngondo.»
Ngɔngɔ dja obala bea, Yesu atɔɔ masɔi ta kpɔtɔ ko amanyɔmɔ na kpɔtɔ; ko asua masɛtɛ mia ta miso ma moto ɔ miso mago ko abala na nde boo: «Kɛɛ asasose mbanda ta ediba ɛ osasosa ɛ Siloe.» Moto ɔ miso mago akɛɛ ena, asasosa boso ko, ta ihule la nde, aenɛ!
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
Moto omɔti ɔ mabha asabatea ko akwa magunda boso ba nde ko abala boo: «Molehi, okapala, sɛnɔdjani.» Yesu aninodja ebɔ, amopea ko abala boo: «Napali ɛdae bea, sɛnɔdjama!» Ambuku, asɛnɔdjama na mabha ma nde. Ko Yesu abala na nde boo: «Hokamedja opele: pɛpɛ otɔndɔɔ moto omɔti modjɔ mu. Endolo kɛɛ asaenɛmɛdjae odii nganga ɔ Ndjambe, ko pa epeeli okimana na mobeko ma Mose, bɛngɛ edae tati ta miiso ma bobo boo oheli.»
Bamolwɛɛ etumbɛ asambi ta bwanga. Ehole ɛenɛ Yesu edhimeli ɛ bobo, abala na etumbɛ boo: «Sapingedja, mwana ɔ mbai! Masumu ma wɛ mayɛɛmi!» Ta tina ena ekenge ɛ bato ba edjebeli ɛ Mobeko basabalea ibo mɛɛnɛ boo: «Moto hoo asɛtɔdjaka Ndjambe!» Ɔdjeba Yesu malɛi ma bobo abahɔdja boo: «Tina ndani odiini na malɛi mabe ta milema ma boono? Modjɔ monɔi na opɛtɛpɛtɛ nda obala boo: "Masumu ma wɛ mayɛɛmi", kaoko obala boo: "Ema ko dala"? Endolo napalaka ɔdjebeni boo: Mwana ɔ moto adii na kpati ɛ oyɛɛ masumu ta tei ɛ ngondo.» Bea abala na etumbɛ boo: «Emaa, tomba bwanga ba wɛ ko sɔmbɔ ta ndako ɛ wɛ!» Moto ona aemaa ko ayana ta ndako ɛ nde.
Moto omɔti ɔgwa ebɔ adaka oho. Bafalisai bapalaka bapunde Yesu, ta tina ena bamohɔdja boo: «Mobeko ma booso mapa ndjia ɛ ɔheledja bato ta iswi la sabata?» Yesu abasɔmbɛdja boo: «Nga omɔti ta ndanda ɛ boono akadaa oko na bhata omɔti ko bhata ona akwii ta mombɔndɔ ma mbɛngɛ ta iswi la sabata, atamodubodja? Moto adii na motwuia monɛnɛ onɔ bhata! Bea, Mobeko ma booso mapaka enɔli ɛ okɔɔ opele ta iswi la sabata.» Bea Yesu abala na moto ona boo: «Ninodja ebɔ ɛ wɛ.» Moto ona aninodja ebɔ ɛ nde ko ebɔ ena ɛhela elengɛɛ ena ekina.
Okio ba Simo o mwali adaka asambi ta bwako, tin’ɛ boo adaka na mokuku mosa; ena ɔimea Yesu, babala na nde tin’ɛ mokɔni. Asabatea mbuti na nde, amopea ta ebɔ ko amongɔdja. Mokuku mosa mamokina ko abanga obakɔmɛdja.
Yesu aheledja moto ɔ mabha
Moto ɔ mabha adoa odii Yesu, adaa na magundɛ boso ba nde ko amoongɔnɔ boo: «Okapala, ohɔni osɛnɔdjani.» Yesu aluma na ndjokwa tina ɛ nde; aninodja ebɔ, amobinga ko abala na nde boo: «Napali, sɛnɔɔ!» Oko ena mbuku, mabha masia ko asɛnɔɔ.
Bato banei badoa odii yo balwali etumbɛ. Endolo baihɔnɔ oimea na nde odii Yesu tina ɛ bato bike. Bea batɔɔ iposi ta itɛlɔ diko la esika ɛdaka Yesu; na ndjia ena, batitedja etumbɛ ona ɔdaka asambi ta bwanga. Ehole ɛnɛ Yesu edhimeli ɛ bato bia, abala na etumbɛ boo: «Mwana ɔ mbai, masumu ma wɛ mayɛɛmi.» Bakina bato ba edjebeli ɛ mibeko, badaka badii ena, balɛdjanaka ta tei ɛ milema ma bobo boo: «Tina ebali na moto hoo bea nda? Atuki Ndjambe. Ona ohɔni oyɛɛ masumu nda emiti daa Ndjambe yo buki!» Yesu adjeba na mbala emɔti modjɔ malɛdjanaka bo ko abala na bu boo: «Odini na malɛi mia tina nda? Enɔi na opɛtɛpɛtɛ obala na etumbɛ boo: "Masumu ma wɛ mayɛɛmi" Kaoko obala boo: "Ema, tomba bwanga bawɛ ko dala"? Endolo napalaka ɔdjebeni boo: Mwana ɔ moto adii na kpati ɛ oyɛɛ masumu ma ngondo.» Bea abala na etumbɛ boo: «Nabali na wɛ, emaa, tomba bwanga ba wɛ, ko sɔmbɔ odii wɛ!» Mbala emɔti, ena ɔdaka bato basusu bamohokea, aemaa, atomba bwanga ba nde ko ayana. Bakamoa ibo basusu; bakumedja Ndjambe ko babala boo: «Lopakita enɛ modjɔ mondumba muu.»
Yesu aheledja moto ta busa ba sabata
Ngɔngɔ djia, Yesu asɔmbɔ koko ta ndako ɛ miɔngɔnɔ ɛ Bayuda. Moto ɔ ebɔ ɛhɔlɔngɔnɔ adaka ena. Bafalusai batingea Yesu miso bɛngɛ baenɛ kaoko amoheledjalea ta iswi la sabata, bɛngɛ boo bamopunde. Yesu abala na moto ɔ ebɔ ɛhɔlɔngɔnɔ boo: «Emaa ena, boso ba bato basusu.» Na bea abala na bu boo: «Modjɔ moboani okɔmɔ ta iswi la sabata nda? Edhimami ta iswi la sabata okɔ opele kaoko obe? Oheledja kaoko oowa?» Endolo badaa ogoo. Yesu abahokea ibo basusu na miso ma ndjokwa; tin’ɛ balona osipoa. Abala na moto ona boo: «Ninodja ebɔ ɛ wɛ.» Ayeninodja ko ebɔ ɛ nde ɛhela.
Yesu aheledjai moto ɔ mabha
Yesu adaka ta ibonga imɔti, moto ɔluma na mabha aimea. Oeni yo Yesu, asadumba odii yo boso bosuni ta kpɔtɔ ko amongɔɔnɔ boo: «Kumu, okapala, oboani osɛnɔdjani!» Yesu aninodja ebɔ, amobinga ko abala boo: «Napali, sɛnɔdjama!» Oko ena, mabha mamokina.
Bato baimea, badoa baasonge moto ɔ etumbɛ ta bwanga; bahombaka baingee na nde ta ndako bɛngɛɛ bamosambee boso ba nde. Tina ɛ boo bato badaka bike, baidiha esika ɛ oingea na nde, baihwea na nde ta diko la etondo, batubea iposi ta itɛlɔ ko bamotitedja na bwanga ta iposi latɔɔ bo ndanda ɛ bato boso ba nde. Ɔenɛ Yesu edhimeli ɛ bobo, abala na mokɔni boo: «Mwaninga, masumu ma wɛ mayɛɛmi.» Bato ba edjebeli ɛ mibeko na Bafalusai basahɔdja boo: «Moto hoo adii nda ona odii otuka Ndjambe? Ona oboani oyɛɛ masumu nda, dongedja oko Ndjambe yo mɛɛnɛ!» Yesu atɔngɔlɔ malɛi ma bobo ko abala na bu boo: «Odini na malɛi mondumba mua ta milema ma boono tina nda? Enɔi na opɛtɛpɛtɛ ta obala: "Masumu ma wɛ mayɛɛmi", kaoko obala boo: "Emaa ko dala"? Na bea, napalaka ɔdjebeni boo: Mwana ɔ moto adii na kpati ta ngondo tina ɛ oyɛɛ masumu.» Bea abala na etumbɛ boo: «Nabali na wɛ, emaa, tomba bwanga ba wɛ ko yana ta ndako ɛ wɛ!» Oko ta ehole ena, moto ona aemaa boso ba bato basusu, atomba bwanga ibadaka yo asambi ko ayana odii yo ena asakoe Ndjambe.
Moto ɔgwa ebɔ
Busa bokina ba sabata, Yesu aingea ta ndako ɛ miongɔɔnɔ ɛ Bayuda ko abanga oleha. Moto omɔti ɔgwa ebɔ ɛ baami adaka ena. Bato ba edjebeli ɛ mibeko na Bafalusai batingea Yesu miso, bɛngɛɛ baenɛ kaoko aboani oheledja moto ta iswi la sabata, bɛngɛɛ badihe modjɔ ma omopunda. Endolo Yesu adjeba malɛi ma bobo. Na bea abala na moto ɔ ebɔ ɛgwa boo: «Emaa ko dua haa, boso ba bato basusu.» Aemaa ko adika diko. Bea Yesu abala na bu boo: «Naohɔdjakani: enɔli elopi mobeko ma boso nda? Okɔ opele kaoko obe ta busa ba sabata? Oheledja moto kaoko omobungedja?» Abahokea ibo basusu, abala na moto ona boo: «Ninodja ebɔ!» Akɔɔ oko bea, ko ebɔ ɛ nde ɛhela.
Yesu aheledja mosali ɔ kumu ɔ basoda ɔ baloma
Ɔsidja Yesu obala midjɔ mia misusu odii bato bike ibadaka bamooka akɛɛ ta Kapalanauma. Ehoo, kumu omɔti ɔ basoda ɔ baloma adaka na mosali ɔ nde ona ɔpalaka yo obuke. Mosali ona adaka na epeko mbuti na ogwa. Kumu ɔ basoda ɔɔka yo bato babala ta tina ɛ Yesu, amolomea ekenge ɛ basuku ba Bayuda boo bamohɔdjae bɛngɛ adoe aheledja mosali ɔ nde. Ɔimea bo mbuti na Yesu, bamoongɔɔnɔ na lokamo na bibaeli bii boo: «Moto ona abɔngi boo adihe ekɔmɛdjɛli ɛ wɛ. Apali bato ba boso ko edii yo moto ɔlopikia ndako ɛ miɔngɔɔnɔ ɛ Bayuda.» Bea Yesu akɛɛ na bu engbanga. Ɔimea yo mbuti na ndako, ehole ɛloma kumu ɔ basoda badjebaneli ba nde tina ɛ obala na Yesu boo: «Kumu, pɛpɛ osatungea. Nabɔngiti boo oingee ta ndako ɛ mbai; ta tina hee ebɔngiti boo nadoe mbai mɛɛnɛ odii wɛ. Endolo bala etoko kɔpɛ emɔti bɛngɛɛ mosali ɔ mbai ahele. Mbai mɛɛnɛ nadii na bakumu ibakasume mbai ko nadii na basoda ibakasumeni. Nakabala na omɔti boo: "Kɛɛ!", akɛi; nakabala na okina boo: "Doa!", adoi; ko nakabala na mosali ɔ mbai boo: "Kɔɔ boo!", adii okɔ.» Ehole ɛoka Yesu bibeli bia, asepa obuke na kumu ɔ basoda. Ahombana odii bato ibamokimanaka: «Nabali na nu ohuu boo: napakita tanea mondumba ma edhimeli hee, noko ta Isalɛlɛ.» Ehole ɛyana bato ibalomaka kumu ɔ basoda ta ndako, batanea mosali aheli.
Mwali omɔti ɔ epeko adaka ena, anɛngɛdja mbua doomi na mwambe, mwembo mobe momɔti mamoyeyodja mokɔngɔ moimbi ko aihɔnɔkɔ noko osinɛɛ osaninodja. Ehole ɛenɛ Yesu mwali ona, amobea ko abala na nde boo: «Mwali, oheli na epeko ɛ wɛ.» Amobakea mabɔ ko, oko ena ambuku, asaninodja ko abanga okumedja Ndjambe.
Yesu aheledjai moto ɔ epeko busa ba sabata
Busa bomɔti ba sabata, Yesu akɛɛ ta ndako ɛ omɔti ɔ bakumu ba Bafalusai tina ɛ oyaka. Bato ibadaka ena batingea Yesu miso. Moto omɔti ona ɔhuula mokuku na epeko adoa aema boso ba nde. Yesu abala ko ahɔdja bato ba edjebeli ɛ mobeko na bafalusai boo: «Mobeko ma boso modii opa enɔli kaoko pɛpɛ oheledja moto ta busa ba sabata?» Endolo bapɔpɔnɔ. Bea Yesu abinga moto ɔ epeko, amoheledja ko amoyanedja.
Yesu aheledjai bato ba mabha doomi
Ta mwɛngo ma nde ta dɔngɔ la Yelusalema, Yesu anɔɔ ta mokpɛngɔ ma si Samalia na Galilai. Ehole ɛingea yo ta ngando emɔti bato ba mabha doomi badua asaka na nde. Baema ohali ko babanga ogama na ngulu boo: «Yesu, Molehi, lookea ndjokwa!» Yesu abaenɛ ko abala na bu boo: «Kɛɛni asainedjeni odii banganga ba Ndjambe.» Oko ta ehole ɛdaka bo bakɛɛ, basɛnɔdjama na mabha ma bobo. Omɔti ta ndanda ɛ bobo, oenɛ yo boo aheli, asɔmbɔ ngɔngɔ ena asakoe Ndjambe na moholi diko. Akwa magunda ta mako ma Yesu, mbanda esuni ta kpɔtɔ, ko amosakoa. Ena bea moto ona adaka Mosamalia. Bea Yesu abala na nde boo: «Bato ba mabha doomi basɛnɔdjamiti? Bakina ibwa bado? Pɛpɛ noko moto omɔti osɔmbi asakoa Ndjambe? Omisɔmbɔ oko mokɛndɛli hoo?» Bea Yesu abala na nde: «Emaa ko kɛɛ; edhimeli ɛ wɛ eoheledjai.»
Yesu aheledjai etumbɛ
Ngɔngɔ djia, Yesu akɛɛ ta Yelusalɛmɛ tina ɛ tɛkɛ ɛ Bayuda. Bea, ta Yelusalɛmɛ, mbuti na edipako ɛ Bhata, ɛdaka na ediba ɛosasosa ɛbeakabo ta liebele Betezata, ɛdaka na ngbungbu itano. Ta ngbungbu djia, bato bike ba bigo badaka basambi: bato ba miso mago, bato bamitɛngu na bitumbɛ. [Baombaka boo madiba makumane; tina ɛ boo obwendi ɔ Kumu atitaka bihole bikina ta ediba ɛosasosa ko akumanaka madiba. Moto ɔ ego ɔ boso ɔtitiaka ta ehole ekumani madiba, ahelaka na ego ɛ nde, noko ego ɛdae ɛ moda ndani.] Moto omɔti adaka ena ona ɔnɛngɛdja na epeko mbua tuku isato na mwaambe. Ehole ɛmoenɛ Yesu asambi ko ɔɔka yo boo anɛngɛdja na epeko ehole eyai, amohɔdja boo: «Ɔpalaka ɔhele?» Moto ɔ epeko amosɔmbɛdja boo: «Kumu, naditi na moto ɔ otitedjani ta ediba ɛ osasosa ehole ekakumane madiba; ko okameke mbai boo nakɛɛ atitea, moto okina akatitee boso bambai.» Yesu abala na nde boo: «Emaa, tomba itɔkɔ la we ko dala.» Oko ena ambuku, moto ona ahela; atomba itɔkɔ la nde ko abanga odala. Modjɔ mua manɔkɔ ta iswi la sabata,
Na bea, Yesu asɔmbɔ ta Kana, ngando ɛ Galilai, esika ɛhekodja yo madiba vino. Ena bea ta Kapalanauma kumu ɔ basoda ɔ gala adaka na mwana ɔ nde moomi na epeko. Ehole ɛoka yo boo Yesu adongi ta Yuda ko aimei ta Galilai, akɛɛ amotanea ko amongɔɔnɔ boo adoe ta Kapalanauma aheledja mwana ɔ nde moomi ona ɔdaka mbuti na ogwa. Yesu abala na nde boo: «Odiini na posa ɛ oenɛ bimbete na midjɔ ma okamoa, emiti daa bea, otadhimani noko osinɛɛ!» Kumu ɔ basoda ɔ gala amosɔmbɛdja boo: «Kumu, dua odii mbai boso ba boo mwana ɔ mbai agwɛ.» Yesu abala na nde boo: «Sɔmbɔ odii wɛ, mwana ɔ wɛ moomi aheli.» Kumu ona ɔ basoda adhima midjɔ mabala Yesu na nde ko asɔmbɔ. Oko adale na ndjia ta iyane, basali ba nde badoa asaka na nde ko babala na nde boo: «Mwana ɔ wɛ aheli!» Abahɔdja ehole ndani ɛoka mwana ɔ nde opele, ko bamosɔmbɛdja boo: «Edaki mɔkɔ ta ehole ɛ boso ngɔngɔ dja ndanda ɛ busa, mosa momokini ta mokuku.» Sɛngɛmoto adjeba boo ɛdaka oko ta ehole ɛbala Yesu na nde boo: «Mwana ɔ wɛ aheli.» Bea, yo na bato basusu ba ndako ɛ nde badhima Yesu. Edii embete ɛ babae ɛokamoa ɛkɔɔ Yesu, ngɔngɔ dja ihule ta Yuda ta oimea ba nde ta Galilai.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
Oko ta ohole ena, mwali omɔti adaka na epeko ɛ itanga la makia ko epeko ena ɛnɛngɛdja mbua doomi na babae, bea abatama sangɔngɔ dja Yesu ko abinga mopɛpɛ ma esendja ɛ nde. Tina ɛ asabaleaka boo: «Nga nakabinga etoko esendja ɛ nde, nahelalea.» Yesu ahombana ko ehole ɛmoenɛ yo abala na nde boo: «Sapingedja, mwana ɔ mbai mwali! Edhimeli ɛ wɛ eoheledjai.» Oko ambuku, mwali ahela.
Na bea mwali omɔti adaka ena, ona ɔimanaka makia mbua doomi na babae. Aenɛ minganga bike, salo ɛbobo ɛimoheledja; abeedja odiheli ba nde bosusu, pɛpɛ ohela; endolo ego engalaka oko ongala. Mwali ona aoka moda mabalaka bo tin’ɛ Yesu. Adoa ta ndanda ɛ bato bike, sangɔngɔ dja nde, ko abinga esendja ɛnde. Tinɛ asabaleaka boo: «Nakabinga noko bisendja ba nde, nahelalea.» Oko ena ambuku, makia makina oimana ko asaoka bo aheli ta epeko ɛ nde.
Mwali omɔti adaka ena na epeko ɛ itanga la makia mbua doomi na babae. Abungedja odiheli ba nde bosusu odii minganga, endolo moto omɔti aihɔnɔ omoheledja. Asabatea na Yesu osangɔngɔ ko abinga sɔngɔ ɛ esendja ɛ nde. Oko ena ambuku, makia makina otanga. Yesu ahɔdja boo: «Obingini nda?» Bato basusu baingana ko Piɛlɛ abala boo: «Molehi, bato bike baohiki ko baombambamedjai mɔngɔ masusu.» Endolo Yesu asɔmbɛdja boo: «Moto omɔti abingini, tina ɛ boo naoki ngulu ɛ Ndjambe eimani odii mbai.» Mwali aenɛ boo bamotɔngɔli. Na bea akɛɛ na mongongoma mosusu, akwa magunda boso ba Yesu. Amodjebedja boso ba bato basusu tina ɛ mobinga na nde ko moda mahela na nde ambuku. Yesu abala na nde boo: «Mwa mbai mwali, edhimeli ɛ wɛ eoheledjai. Kɛɛ na ogoo.»
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
Oheledjama ba mwali ko opusoama ba mwana mwali ɔ kumu
Ehole ɛbala Yesu na bu bea, kumu omɔti aimea, akwa magunda boso ba nde ko abala boo: «Mwana ɔ mbai mwali asagwa oko hadɛdi, dua, amobakee ebɔ ko asɔmbɔlea koko ta mohelo.» Yesu aema ko amokimana engbanga na batingami ba nde.
Ehole ɛimea Yesu ta ndako ɛ kumu, aenɛ babomeli ba ngɔmbi ko emumu ɛ bato ta moyeke monɛnɛ, abala na bu boo: «Imanani! Mwana agwiti, ahwɛli.» Endolo bamosɛkɛ. Ngɔngɔ dja oimana ba bobo osokolu, Yesu aingea ta ekenge ɛ ndako, apea yɛngɛ mwali ta ebɔ ko asaemedja.
Omɔti ɔ bakumu ba ndako ɛ miɔngɔnɔ ɛ Bayuda, adoa. Kombe ɛnde Yailo. Aeni Yesu, akwi na magunda ta mako ma nde. Ko amoongɔɔnɔ na ingbangba boo: «Mwana ɔ mbai mwali adii mbuti na ogwa, dua ta mobakee mabɔ bɛngɛ boo epeko ɛsie ko adae na mohelo!» Yesu akɛɛ na nde engbanga emɔti. Bato bike bamokimana ko bamombambamedja mɔɔngɔ masusu.
Baimea ta ndako ɛ kumu ɔ ndako ɛ miongɔnɔ ɛ Bayuda, oho Yesu atanea bato na moyeke monɛnɛ, bayea ko bagama na ngulu. Aingea ta ndako ko abala na bu boo: «Tin’ɛ moyeke mu mosusu ko na bie bii nda? Mwana agwiti, ahwɛli hiɔ.» Endolo bamosɛkɛ. Bea aimanedja bato basusu osokolu, atomba oko sango, nango na batingami basato, ko aingea ta ekenge ɛ ndako ɛ mwana. Apea ebɔ ɛ mwana ko abala na nde boo: «Talita kumi!» Etingodjai boo: «Yɛngɛ mwali, nabali na wɛ, emaa!»
Na mbala emɔti mwana mwali aema ko abandi odala – tin’ɛ boo adaka na mbua doomi na babae. Ena ambuku, bato basusu badaa na okamoa bonɛnɛ.
Yesu abala naikina boo: «Na ndani naboani okoanedja bato ba ehole hee? Bakoani na nda? Bakoani na bana ibadii na manɔkɔ ta esika ɛ masaka ma bato bike, badii ogama omɔti odii okina boo: "lobomeini piololo ko obuitini! Loembi biembo ba kɔndɔ ko oyeitini!" Tina ɛ boo, Yoani Mobatisi adua, aiyaaka ipa ko aimwaka vino, ko obalani boo: "Adii na mwɛmbo mobe!" Mwana ɔ moto adua, ayaka ko amwaka ko ɔbalani boo: "Hokea moto hoo adii etoko na posa ɛ oya ko omwa vino, ona odii modjebaneli ɔ baputedjɛli ba puti ko na bato ba masumu!" Endolo owɛi ba Ndjambe badjebama elengɛɛ odjoo odii ibia ibakamosume.»
Yesu ta ndako ɛ Simo
Mofalusai omɔti abea Yesu ayaka nɔbɔ nde. Yesu aingɛa odii mofalusai ko adaa ta mesa. Oko ta ehole ena, mwali omɔti ɔ gala ebe ɔ ibonga dia aimea. Ɔoka yo boo Yesu adaka ta ndako ɛ mofalusai, adoa na molangi ma alabate molumake na malasi
Ta ehole ena, moomi omɔti ɔ komb’ɛ Yailo aimea. Adaka kumu ɔ ndako ɛ miongɔɔnɔ ɛ Bayuda. Akwa magunda ta mako ma Yesu ko amongɔɔnɔ bo akɛɛ ta ndako ɛ nde, tina ɛ boo adaka na mwa mwali oko omɔti, ɔ mbua mbuti na doomi na babae, adaka mbuti na ogwa. Ehole ɛdaka Yesu akɛɛ oho, bato bike bamombambamedjaka mɔngɔ masusu.
Oko Yesu apeli abala, moto omɔti adonga ta ndako ɛ kumu ɔ ndako ɛ miongɔɔnɔ ɛ Bayuda ko abala na Yailo boo: «Mwa wɛ o mwali agwi. Pɛpɛ otungea molehi.» Endolo Yesu amooka ko abala na Yailo boo: «Pɛpɛ obanga, dhima oko odhima, mwa wɛ mwali ahelalea.» Ehole eimea yo ta ndako, aidhima boo moto omɔti aingee engbanga na nde, dongedja oko Piɛlɛ, Yoani, Djake, ko na sango na nɛngɛ mwana. Bato basusu bayeaka ko basayeanaka ta tina ɛ mwana. Bea Yesu abala na bu boo: «Pɛpɛ oyeani. Agwiti, ahwɛli hiɔ.» Bamosɛkɛ, tina ɛ boo badjeba boo mwana agwi. Endolo, Yesu apea mwana ta ebɔ ko abala na moholi mopipo boo: «Mwa mbai mwali, emaa!» Asɔmbɔ ta mohelo ko aema ambuku. Yesu abala na bu boo bamopɛ mia ma oyaka. Baboti ba nde baluma na okamoa, endolo Yesu abala na bu boo batadjebedja moto omɔti modjɔ muu mosakɔɔmɔ.
Ogwa ba Ladjalo
Ta Betania ɛdaka na moto omɔti Ladjalo ona ɔdaka na epeko, adaka na bangɛnɛ ba nde Malia na Malata. Malia adaka mwali ona osopa malasi ta bigbota ba Kumu ko abihakoa na swee dja nde, ko ɛdaka mwanango Ladjalo moto ɔdaka na epeko. – Bangɛnɛ babae ba Ladjalo baloma moto abala na Yesu boo: «Kumu, moto ona okapale wɛ apekaka.» Ehole ɛosɔ Yesu mosise mua, abala boo: «Epeko ɛ Ladjalo emowoetelea; edii oko tina ɛ oenɛmedja ekumu ɛ Ndjambe, ko bɛngɛ Mwana ɔ Ndjambe akumedjame na yu.» Yesu apalaka Malata na mwanango Malia, na Ladjalo koko. Noko ena ɔoka yo boo Ladjalo apekaka, anɛngɛdja koko maswi mabae ta esika; ɛdaka yo, ngɔngɔ djia, abala na batingami ba nde boo: «Lasɔmbeni ta Yuda.» Batingami bamosɔmbɛdja boo: «Molehi, enɔi ma ehole mokɛkɛ Bayuda bahɔmbaki baowoe na ndeke ko ɔpalaka ɔsɔmbe koko oho?» Yesu abasɔmbɛdja boo: «Busa boditi na bihole doomi na bibae? Ekadaa boo moto adali na busa, atataa mabaku tina ɛ boo adii oenɛ ohuu ba ngondo hee. Endolo moto akadala na bulu, adii otaa mabaku, tina ɛ boo ohuu boditi ta tei ɛ nde.» Ngɔngɔ dja obala bea, Yesu abakia boo: «Mopalani ɔ boso Ladjalo ahwɛli hiɔ, endolo nakɛi amongɔdja.» Batingami babala na nde boo: «Kumu, ekadaa boo ahwɛli hiɔ, ahelalea.» Ena bea Yesu abalaka tina ɛ ogwa, endolo batingami balɛdjaka boo ɛdaka hiɔ dja modjebeano. Na bea Yesu abala na bu ohuu boo: «Ladjalo agwi.
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
Yesu asii lungu
Yesu atitea ta bwato ko batingami ba nde bamokimana. Mbala emɔti, lungu epipo ɛkwa ta ibeke inɛnɛ ko mula masamaka ta bwato. Ta ehole ena Yesu adaka ahwɛli hiɔ. Batingami basabatea na nde ko bamongɔdjaa ena bagama boo: «Kumu, loheledja! Logwalea!» Yesu abala na bu boo: bato ba edhimeli ekɛkɛ, tina ebangaka no nda? Bea aemaa, agamea lungu na mula ko ogoo bonɛnɛ basɔmbɔ. Ibo basusu bakamoa ko basabaleana boo: «Moto hoo adii moda nda bɛngɛ boo noko na lungu na mula la mosume?»
Mɔkɔmɔkɔ, batingami babatama na nde ko babala boo: «Esika hee edii esobe ko busa botiti. Bea yanedja bato bɛngɛ bakɛɛ asasombea mia ma oya ta ngando idja mbuti.» Yesu abasɔmbɛdja boo: «Baditi na tina ɛ okɛ oho; ino mɛɛnɛ bapani mia ma oya!» Batingami bamosɔmbedja boo: «Lodii oko na mapa matano na swi babae.» Yesu abala boo: «Doani na lu haa.» Yesu apa enɔli odii bato boo badae ta ndjani; atomba mapa matano na swi bia babae, angangodja miso odiko ko asakoa Ndjambe. Abuka mapa mia ko apa bikengakengi bia odii batingami ba nde bɛngɛ babikaane odii bato. Bato basusu baya ko bagola. Bea batingami batuta bikengakengi ibadikaa ko balumedja mapole doomi na mabae. Bato ibaya badaka mbuti na baami koto itano, pɛpɛ olanga bali na bana.
Ta eyɛ ɛ busa, Yesu adala diko la madiba bɛngɛ abakinane.
Yesu ayedjai bato koto inei
Yesu abea batingami ba nde ko abala na bu boo: «Naokeaka emumu he ɛ bato ndjokwa, tina ɛ boo bakɔi maswi masato engbanga na mbai ko baditi na eka ɛ oya. Naloni obayanedja sɔpɔ bwase; basaka embɛ mikuku na ndjia.» Batingami ba nde basɔmbɛdja boo: «Ha ta esobe, esika ndani ehɔni so odiha mapa bɛngɛ layedjae emumu ɛ bato moda muu?» Yesu abahɔdja boo: «Odini na mapa meka?» Ko bamosɔmbɛdja boo: «Lodii na mapa sambo na baa swi bakɛkɛkɛ.» Bea, Yesu abala na emumu ɛ bato boo badae ta kpɔtɔ. Atomba mapa sambo na swi, asakoa Ndjambe, amabuka ko apa bikenge bia odii batingami, ko batingami babikaana odii bato. Bato basusu bayaka ko bagola. Bea batuta bikengakengi ko balumedja ngombe sambo. Bato ibayaka badaka koto inei, pɛpɛ olanga bali na bana.
Yesu na Piɛlɛ baputi puti ɛ tepelo
Ehole ɛimea Yesu na batingami ba nde ta Kapalanauma, baputedjeli ba puti ɛ tepelo badoa odii Piɛlɛ ko bamohɔdja boo: «Molehi ɔ boono tapute puti ɛ tepelo?» «Piɛlɛ asɔmbɛdja boo, akapute.» Ehole ɛingea Piɛlɛ ta ndako, Yesu atomba ebaeli ko amohɔdja boo: «Simo, ɔlɛdjaka wɛ ɛnao? Bakapute puti odii bakumu ba ngondo ba nda? Bana ba bobo kaoko bakɛndɛli?» Piɛlɛ asɔmbɛdja boo, «bakɛndɛli.» « Ko Yesu abala na nde, boo edii bea, baswa ngando baboaniti oputa. Endolo, ta olona boo losaka batɛdja ibaku. Kɛɛ ta ibeke inɛnɛ, maa ilɔpi, ko moswi ɔ boso otalea, modipoa monɔkɔ: otanealea pata emɔti yetomba ko puta puti ɛ mbai na puti ɛ wɛ; ta mabɔ ma bobo.»
Yesu alakedjai mole ma figi
Ngɔngɔ dja iswi imɔti ta imane la bobo ta Betania, Yesu aoka ndja. Aenɛ mole momɔti ma figi mbuti na ndjia ko abatama mbuti na mu, endolo aienɛ noko mbuma emɔti oko kasa. Abala na mole mua boo: «Owetebi bota koko mbuna tina ɛ seko!» Oko ta ehole ena mole ma figi mahɔlɔngɔnɔ. Ehole ɛenɛ batingami modjɔ mua bakamoa obuke ko bahɔdja Yesu boo: «Moda mohɔlɔngɔni na mole ma figi mbala emɔti nda?» Yesu abasɔmbɛdja boo: «Nabalaka na nu, sooti boo: okadani na edhimeli ko nga omiti dani na kitɛ, okɔetebini etoko modjɔ mokɔi mbai na mole mu ma figi, endolo obalabini na ngomba hee boo: "Donga ena sadumba ta ibeke ilinɔi na onɛnɛ", ko modjɔ mua mokɔmɔbi. Nga okadani na edhimeli, odihabini misusu imisɛngɛbi no na ndjia ɛ miongɔɔnɔ.»
Oko ena ambuku lungu ɛlinda, mula masamaka ta bwato, bwato mbuti na oluma na madiba. Yesu, adaka ta mbaka ɛ ngɔngɔ, ahwɛli, ena molo mobaki diko la ekomba. Batingami ba nde bamongɔdja ena bagama boo: «Molehi, lodoi agwa: modjɔ mua, motaobaleka noko eka?» Ɔongɔ Yesu, agamea lungu ko abali na madiba ma ibeke inɛnɛ boo: «Daa ogoo! Pɔpɔnɔ!» Lungu esi ko ogoo bonɛnɛ baboloa. Bea Yesu abala na batingami boo: «Tina ndani odini na bɔɔ? Opakita dhimani oko?» Endolo bada na bɔɔ bonɛnɛ ko basabaleana ibo mɛɛnɛ boo: «Moto ho adi nda, noko lungu na ibeke inɛnɛ badi omosuma?»
Ɔtita busa, batingami ba nde basabatea na nde ko babala na nde boo: «Esika hee edii esobe ko busa bobangi odipa. Sɔmbɛdja bato bii ta ngando dja mbuti mbuti odii bato ibadii na gue bɛngɛ boo bakɛɛ asomba mia ma oyaka.» Endolo Yesu abasɔmbɛdja boo: «Bapani mia ma oyaka ino mɛɛnɛ!» Babala na nde boo: «Ɛpalaka wɛ boo lakɛɛ asomba mia ma oya na pata dja falanga mikama mibae ko labapɛ bayake?» Yesu abahɔdja boo: «Odini na mapa meka? Kɛɛ aindjeni.» Ngɔngɔ dja oindja, bamosɔmbɛdja boo: «Lodii na mapa matano, na swi babae.» Bea abala na bu boo badedjae bato basusu bibole na bibole diko la ndjani dja mɔsu. Bato badaa milɔngɔ ma bato mokama na mikina ma bato tuku itano. Na bea, Yesu atomba mapa matano na swi babae, angangodja miso ta busa ko asakoa Ndjambe. Abuka mapa ko amapa odii batingami bɛngɛ bo bamakaane odii bato. Akabana koko swi babae odii ibo basusu. Bato basusu baya ko bagola. Ko batingami batuta bikenge bamapa na swi ibadikaa, ko balumedja mapole doomi na mabae. Bato ibaya mapa badaka bami koto itano.
Ɔenɛ yo boo batingami badaka na monɔngɔ ta oduka, tina ɛ boo mopɛpɛ mabasɔmbɛdjaka ngɔngɔ; ta eyɛɛ busa, Yesu abakimana ena adale ta diko la madiba, ko apalaka bo abanɔdjae. Ehole ɛ moenɛ bo adale ta diko la madiba ma ibeke inɛnɛ, balɛdja boo ɛdaka mongɔli ko bahwea mingɔli. Tina ɛ boo ibo basusu bamoenɛkɛ, bayeketana na bɔɔ bonɛnɛ. Mbala emɔti abala na bu boo: «Sapingedjani! Edii mbai; pɛpɛ obangani!» Ngɔngɔ djia atitea ta bwato, mbuti na bu, ko mopɛpɛ masia. Batingami bakamoa obuke mɛɛnɛ.
Yesu ayakedjai bato koto inei
Ta maswi mia, emumu ɛ bato ɛbolama koko. Bato baidaka na eka ɛ oyaka. Na bea Yesu abea batingami ba nde ko abala na bu boo: «Nadii na ndjokwa ɛ emumu hee ɛ bato, tin’ɛ boo bakɔi na mbai maswi masato pɛpɛ eka ɛ oyaka. Nakabayanedja ndja ta madie ma bobo, baembɛlea na ndjia, tina ɛ boo bike ta ndanda ɛ bobo badongi ohali.» Batingami ba nde bamosɔmbɛdja boo: «Loboani odiha ta esobe mapa ma obayakedja bo bagole hɔɔ?» Yesu abahɔdja boo: «Odini na mapa meka?» Bamosɔmbɛdja boo: «Saambo.» Na bea, abala na emumu ɛ bato boo badae ta kpɔtɔ. Atomba mapa mia saambo, asakoa Ndjambe, amabukakaki ko amapi odii batingami ba nde boo bamakaane odii bato basusu. Badaka koko na ekenge ɛ ba swi bakɛkɛkɛ. Yesu asakoa Ndjambe tin’ɛ swi bia ko abali na batingami ba nde babakaane koko. Bato basusu baya ko bagola. Batingami batuta bikenge ba mia ibadikaa ko balumedja mapole saambo. Na bea, bato basusu badaka ena mbuti na koto inei. Ngɔngɔ djia Yesu abayanedja.
Yesu aniedjai mole ma figi
Ngɔngɔ dja iswi imɔti, ehole ɛimana bo ta Betania, Yesu aoka ndja. Aenɛ ohali mole ma figi imadaka na kasa, ko akɛɛ amohokea kaoko moboani oda na mbuma; endolo ehole eimea yo mbuti na mole, atanea oko kasa ngasa, tina ɛ boo ɛidaka edidi ɛ mu ɛ obota mbuma. Bea Yesu abala na mole ma figi boo: «Yɛɛ boo moto omɔti adae pɛpɛ oyaka koko mbuma dja wɛ!» Batingami ba nde baoka modjɔ mua.
Yesu na mole ma figi imahɔlɔngɔnɔ
Ehole ɛya busa, ena ɔdaka bo banɔe ta itilinga la ndjia, baenɛ mole ma figi: mahɔlɔngɔnɔ mosusu mbunoko ta nginga. Ko Piɛlɛ alɛdjana diko la modjɔ imanɔɔ, ko abala na Yesu boo: «Molehi, hokea, mole ma figi mu imalakedjabi wɛ mohɔlɔngɔni mosusu.» Bea Yesu abala na batingami ba nde boo: «Nabali na nu sooti: daani na edhimeli odi Ndjambe! Kaoko moto akabala na ngomba hee boo: "Donga ena, ko sadumba ta ibeke ilinɔi na onɛnɛ", ko amiti daa na kitɛ ta molema ma nde, akadhima boo modjɔ mobali yo modii okɔɔmɔ, mokɔmɔbi bea ta tina ɛ nde. Na tina hee nabali na nu boo: Ehole ɛ ongɔnɔkɔ no tin’ɛ osɛngɛ eka odii Ndjambe, dhimani boo osidjaini oyediha ko eka ena epamalea odino. Ko ehole emai no diko tina ɛ oongɔnɔ, okada na modjɔ na mino, moyɛɛ, bɛngɛ Tata ɔ boono ona odii odiko aoyɛɛni koko ta obe ba boono. [
Batingami ba boso
Busa bomɔti, Yesu adaka aemi ta ibongu la ibeke inɛnɛ la Genesaleta ko bato bike basweanaka bamohike bɛngɛɛ bo baoke ebaeli ɛ Ndjambe. Aenɛ mato mabae mbuti na ibongu: balubi ba swi baduboa ta mu tina ɛ ososa bihea ba bobo. Yesu atitea ta bwato bomɔti ba mato mia, ibadaka ba Simo, ko amohɔdja boo asasue maa osinɛ na ibongu. Yesu adaa na manɔkɔ ta otei ba bwato ko abanga oleha bato.
Ehole ɛbɛtɛ yo obala, abala na Simo boo: «Linda bwato ta madiba ma mbɛngɛ, ko maani bihea ba boono ta madiba tina ɛ oluba.» Simo amosɔmbɛdja boo: «Molehi, lonɔngi bulu bosusu lodihiti eka. Endolo ta diko la ebaeli ɛ wɛ, namalea bihea.» Bea bamaa bihea ko batɛdja swi bike mɛɛnɛ, bihea ba bobo babanga okalea. Bapupea bamina bu mabɔ ibadaka ta bwato bokina boo badoe abakɔmɛdja. Badoa ko, engbanga, balumedja mato mia mabae na swi otɔɔ mbuti na odinda. Ehole ɛenɛ Simo Piɛlɛ bea, akwa magunda boso ba Yesu ko abala na nde boo: «Kumu, sasua mbuti na mbai, tina ɛ bo nadii moto ɔ masumu!» Simo engbanga na bato ibadaka na nde, babanga tina ɛ swi bike ibatɛdja bo. Edaka moda momɔti na Djake na Yoani, bana ba Djebedai, ibadaka engbanga na Simo. Endolo Yesu abala na Simo boo: «Pɛpɛ obanga; donga busabu odalea molubi ɔ bato. Basɛmɛɛ mato ta ibongu ko bakina leka la bobo losusu tina ɛ okimana Yesu.»
Yesu asii lungu
Busa bomɔti, Yesu atitea ta bwato na batingami ba nde ko abala na bu boo: «Lakɛɛni ta dɔngɔ ikina la ibeke inɛnɛ.» Ko bakɛɛ. Ta ehole edaka bo baduke, Yesu ahwɛɛ. Mbala emɔti, lungu ɛtɔmbɛdjai ibeke; bwato baluma na madiba mbuti na odinda ko baimea ta embamba. Batingami basabatea mbuti na Yesu ko bamoongɔdja bapela gama boo: «Molehi, Molehi, lodoi agwa!» Ɔongɔ Yesu, agamea lungu na mula ko la pɔpɔnɔ. Bogoo bonɛnɛ badaa. Yesu abala na batingami ba nde boo: «Edhimeli ɛ boono odii yo hɔ?» Badaka na bɔɔ ko baluma na okamoa, ko basabaleana boo: «Moto hoo adii nda, adii ogamea noko lungu na madiba ko lodii omosuma!»
Yesu asii lungu
Busa bomɔti, Yesu atitea ta bwato na batingami ba nde ko abala na bu boo: «Lakɛɛni ta dɔngɔ ikina la ibeke inɛnɛ.» Ko bakɛɛ. Ta ehole edaka bo baduke, Yesu ahwɛɛ. Mbala emɔti, lungu ɛtɔmbɛdjai ibeke; bwato baluma na madiba mbuti na odinda ko baimea ta embamba. Batingami basabatea mbuti na Yesu ko bamoongɔdja bapela gama boo: «Molehi, Molehi, lodoi agwa!» Ɔongɔ Yesu, agamea lungu na mula ko la pɔpɔnɔ. Bogoo bonɛnɛ badaa. Yesu abala na batingami ba nde boo: «Edhimeli ɛ boono odii yo hɔ?» Badaka na bɔɔ ko baluma na okamoa, ko basabaleana boo: «Moto hoo adii nda, adii ogamea noko lungu na madiba ko lodii omosuma!»
Yesu aheledjai moto ɔ miembo mibe
Yesu na batingami ba nde basɛmɛɛ ta mopkɔtɔ ma Gelasɛnɛ ta dɔngɔ ikina la ibeke iliyɛlɛni na Galilai.
Ɔtita busa, batingami doomi na babae basabatea mbuti na Yesu ko babala na nde boo: «Yanedja bato bii basusu bɛngɛɛ bakɛɛ ta ngando ko ta ndako dja mbuti. Oho, badihalea bisika ba ohwɛ na mia ma oyaka, tina ɛ boo lodii ha wɛte ta esobe.» Endolo Yesu abala na bu boo: «Bapani ino mɛɛnɛ mia ma oyaka!» Bamosɔmbɛdja boo: «Lodii oko na mapa matano na swi babae, na bea ɛpalaka wɛ boo iso mɛɛnɛ lakɛɛ asomba mia ma oyaka tina ɛ bato bii basusu?» Badaka ena baami mbuti na koto itano. Yesu abala na batingami ba nde boo: «Badedjani na bibole ba tuku itano.» Batingami basuma ko babadedja ibo basusu. Yesu atomba mapa matano na swi babae, aihwedja miso o diko ko asakoa Ndjambe. Na bea abuka mapa na swi ko apa odii batingami bɛngɛɛ boo bakaane na bato basusu. Ibo asusu bayaka ko bagola. Batuta tikaika olumedja mapole doomi na mabae.
Tɛkɛ ɛ moki ta Kana
Ngɔngɔ dja maswi mabae, tɛkɛ ɛ moki ɛdaka ta Kana, ɛ Galilai. Nɛngɛ Yesu adaka ena, ko Yesu na batingami ba nde babeama koko ta tɛkɛ ena ɛ moki. Ehole esia vino, nɛngɛ Yesu abala na nde boo: «Baditi na vino.» Endolo Yesu amosɔmbɛdja boo: «Mama, modjɔ ma wɛ na mbai nda? Ehole ɛ mbai epakita imea.» Nango abala na basali boo: «Kɔɔni midjɔ misusu mibalalea yo na nu.» Mindungu misamano ma ndeke madaka ena imakɔmɛdjaka Bayuda tina ɛ osɛnɔdjama ba bobo. Mondungu momɔti maingiaka litele mokama. Yesu abala na basali boo: «Lumedjani mindungu mia na madiba.» Bamilumedja otɔɔ mɛnɛ. Bea Yesu abala na bu boo: «Hadɛdi lokani maa ekenge ɔ madiba mia ko kɛɛ amapɛni moswa tɛkɛ.» Bakɔɔ oko moda mua. Moswa tɛkɛ ameka madiba imahombana vino, aidjeba esika ɛdonga vino ena, endolo basali ibaloka madiba ta mindungu badjebaka. Oko ena abea moomi ɔ moki ko abala na nde boo: «Bato basusu bakabange na okaana vino epele, bea, ehole ekamwɛ babeami obuke, babapi vino ɛ opɛtɛpɛtɛ. Endolo wɛ, obanei vino epele mbunoko hadɛdi!» Ena edii moda makɔɔ Yesu ekamodjɛli ɛ nde ɛ mbangi ta Kana, ngando ɛ Galilai. Ainedja ekumu ɛ nde, ko batingami ba nde bamodimea.
Abala bea tina ɛ omeka Filipo, tina ɛ boo adjebaka ehele modjɔ imahombaka yo boo akɔe. Pilipo amosɔmbɛdja boo: «Noko na pata dja falanga mikama mibae, lohɔnɛtelea osomba mapa boo moto na moto adihe maa ekenge mokɛkɛ.» Okina ɔ batingami ba nde, Andele, mwɛngɛ Simo Piɛlɛ, abala na nde boo: «Yɛngɛ moomi omɔti adii haa na mapa matano ma ɔlɔdje na swi babae. Endolo ena edii yee ta emumu hee ɛ bato?» Yesu abala boo: «Badedjani basusu.» Ndjani djadaka djinɛnɛ ta esika ena. Na bea badaa bami mbuti na koto itano. Bea Yesu atomba mapa, ko ngɔngɔ dja osakoa Ndjambe, amakaana odii bato ibadaka ena. Akɔɔ moda momɔti na swi, abapa moda imapalaka bo. Ehole ɛgola bo, Yesu abala na batingami ba nde boo: «Tutani bikenge ibidikai, bɛngɛ boo eka emɔti etabunga.» Babituta ko balumedja mapole doomi na mabae na bikenge ba mapa ba ɔlɔdje bitaano ibayaka bo.
Batingami baduka mbuti na kilometele itano kaoko isamano, baenɛ Yesu adale diko la madiba; ena ɔbatama yo mbuti na bwato; badaa na bɔɔ. Endolo Yesu abala na bu boo: «Pɛpɛ obangani, edii mbai!» Batingami bapalaka bamotitedjae ta bwato, endolo oko ena ambuku bwato basɛmɛɛ ta mokpɔtɔ esika ɛkɛkɛ bo.
Yesu asaenɛmɛdjai na batingami ba nde saambo
Ngɔngɔ dja maswii, Yesu asaenɛmɛdja koko odii batingami ba nde, ta ibongu la ibeke inɛnɛ la Tibelia. Hokea moda masaenɛmɛdja yo: Simo Piɛlɛ, Toma – ɔbeakabo Ipasa –, Natanaɛlɛ – ona ɔdaka moto ɔ Kana ta Galilai –, bana ba Djebedai, ko na bakina batingami babae ba Yesu, badaka engbanga. Simo Piɛlɛ abala nabu boo: «Nakɛi aluba.» Babala na nde boo: «Iso koko, lakeke na wɛ engbanga.» Bea bakɛɛ na nde ko batitea ta bwato. Endolo baitɛdja noko eka bulu bua. Ena ɔbanga busa oya, Yesu adaka aemi ta ibongu, endolo batingami baidjebaka boo ɛdaka Yo. Bea Yesu abala na bu boo: «Bana ba mbai, oditini na swi?» Bamosɔmbɛdja boo: «Ngasa.» Abala na bu boo: «Maani modjanga ta ebɔ ɛ bami ɛ bwato ko odihaleani.» Bea bamaa modjanga, ko baihɔnɔ omokola ta madiba, ɛlɔkɛɛ boo maluma na swi. Bea motingami ona ɔpalaka Yesu abala na Piɛlɛ boo: «Edii Kumu!» Ehole ɛoka Simo Piɛlɛ bibaeli bia boo: «Edii Kumu», alwa esendja ɛ nde ɛ diko, tina ɛ boo ayeihwaka tina ɛ oluba, ko asamaa ta madiba. Batingami bakina basɔmbɛdja bwato ta ibongu, ena ɔdaka bo batuba modjanga imaluma otɔɔ na swi: baidaka ohali na ibongu, mbuti na mɛtɛlɛ mokama. Ehole ɛduboabo o ngondo, baenɛ malo ma mosa na swi babaki diko la mu, ko na mapa. Yesu abala na bu boo: «Doani na ekenge ɛ swi ibahulakeno atɛɛdja.» Simo Piɛlɛ atitea ta bwato ko atuba modjanga o ngondo molumake na swi ibanɛnɛnɛ mokama na tuku itano na basato. Noko ɔdaka swi bike, modjanga maikalea.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
Yesu aheledjai mosali ɔ kumu ɔ basoda
Ehole ɛingea Yesu ta Kapalanauma, kumu omɔti ɔ basoda adoa odii yo ko amohɔdja boo amokɔmɛdjae. «Kumu, mosali ɔ mbai asambi ta ndako, atahɔnɔko odala ko adii na epeko epipo.» Yesu amosɔmbɛdja boo: «Nadoake amoheledja.» Endolo kumu ɔ basoda asɔmbɛdja boo: «Kumu, naboaniti boo naosɛ ta ndako ɛ mbai. Endolo bala etoko kɔpɛ emɔti ko mosali ɔ mbai ahelalea. Tina ɛ boo mbai mɛɛnɛ nadii nase dja bakumu ibanoini ko nadii na basoda ibadi nase dja okumu ba mbai. Nakabala na omɔti boo: "kɛɛ!", akakɛɛ, nakabala na okina boo: "dua!", akadoe; ko nakabala na mobuli ɔ mbai boo: "kɔɔ boo", akakɔe.» Ehole ɛoka Yesu bibaeli bia, akamoa obuke ko abala na bato ibamokimanaka boo: «Nabalaka na nu, sooti, mɛɛnɛ boo: napakita tanea moto ɔ odhima moda mu ta Isalɛlɛ. Nabalaka na nu, bike badongabi ta dɔngɔ likaimane diiso la busa na dɔngɔ likatite diiso la busa ko badabi ta mesa ɛ Okumu ba Ndjambe engbanga na Abalayama, Isaka na Yakobo. Endolo bato ibaboanaka osangoa Okumu badumbamabi osokolu, ta modidi, ehoo bayeabi ko bakpɛkɛɛnɛbi miino.»
Bea Yesu abala na kumu ɔ basoda boo: «Sɔmbɔ ta ndako ɛ wɛ, yɛɛ ekɔɔme okimana na odhima ba wɛ!» Ko mosali ɔ kumu ɔ basoda ahela oko ta ehole ena.
Yesu aheledjai bato babae ba miembo mibe
Ehole ɛimea yo ta dɔngɔ ikina la ibeke iinɛnɛ, ta ekenge ɛ mokpɔtɔ ɛ Gadala, bato babae ba miembo mibe baimana ta makila ko badoa asaka na Yesu. Badaka bato ba mondea mopipo ko bato babangaka onɔɔ ta ndjia ena. Babangaka ogama boo: «Mwana ɔ Ndjambe, modjɔ ma booso na wɛ nda? Odoi haa bɛngɛ olotungee boso ba ehole ɛbɔngɛdjama?»
Bwela ba ngulu badaka bayaka maa ohali na esika ɛdaka bo. Miembo mibe maongɔɔnɔ Yesu boo: «Nga okapala ɔlobengane, loloma ta bwela buu ba ngulu.» Yesu abala na miembo mibe mia boo: «Imanani». Baimana odii bato bia babae ko bakɛɛ aingea odii ngulu. Bea bwela bosusu ba ngulu bahilingoana diko la ngomba mbunoko ta ibeke inɛnɛ ko bagwa ta madiba. Babanyeli ba ngulu batia, bakɛɛ ta ibonga atɔndɔɔ gala dja midjɔ misusu imanɔɔ ko imatanea bato bia babae ba miembo mibe. Bea bato basusu ba ibonga baimana bɛngɛ basake na Yesu; ehole ɛmoenɛ bo, bamoongɔɔnɔ boo adonge ta ekenge ɛ bobo ɛ mokpɔtɔ.
Yesu aheledjai emimi
Ena oimana bato bia babae, badoa odii Yesu na moto ona ɔdaka nase dja okumu ba mwembo mobe ko adaka emimi. Yesu abengana mwembo mua mobe, ko emimi aimea obala. Emumu ɛ bato ɛkamoa ko ɛbala boo: ta Isalalɛlɛ «Lopakitaa enɛ modjɔ moda muu!»
Yesu abengani miembo mibe
Balwɛɛ Yesu moto omɔti ɔ miso mago ko emimi ona ɔdaka nase dja okumu ba miembo mibe. Yesu aheledja moto ona, aimea obala ko oenɛ.
Mwali mokɛndeli adhimi Yesu
Yesu adonga ena ko akɛɛ ta ekenge ɛ mokpɔtɔ ɛ Tula na Sidona. Mwali omɔti ɔ Kanana ɔhelamaka ta ekenge ena ɛ mokpɔtɔ adoa odii Yesu ko agama boo: «Kumu, Mwana ɔ Davidi, okeani ndjokwa! Mwana ɔ mbai mwali atungeami obuke na mwembo mobe!» Endolo Yesu aimosɔmbɛdja noko kɔpɛ. Batingami babatama mbuti na Yesu ko bamohɔdja boo: «Mobengana, tina ɛ boo agamaka ngɔngɔ dja booso.» Yesu abasɔmbɛdja boo: «Nalomama oko odii bhata ibabunga ba Isalɛlɛ.»
Endolo mwali ona adua akwa magunda boso ba nde ko abala boo: «Kumu, kɔmɛdjani!» Yesu asɔmbedja boo: «Editi opele otomba ipa la bana ko olidumba odii mvua.» «Mwali ona asɔmbɛdja boo: Edii sooti, Kumu, noko bea mvua bakayɛ oko bikenge ba mapa bikakwae ta mesa ɛ moswa bu.» Bea Yesu abala na nde boo: «Mwali! Edhimeli ɛ wɛ edii enɛnɛ! Yɛɛ boo ekɔɔme na wɛ oko moda mopali wɛ.» Ko mwana ɔ nde mwali ahela oko ta ehole ena.
Yesu aheledjai mwana ɔ mosinga
Yesu na batingami ba nde babatama mbuti na emumu ɛ bato; moto omɔti adoa akwa magunda boso ba nde, ko abala boo: «Kumu, okea mwana ɔ mbai moomi ndjokwa. Adii na mosinga ko akapeke obuke, eengi ehole, akakwae ta mosa kaoko ta madiba. Nakɛki na nde odii batingami ba wɛ endolo bahɔniti omoheledja.» Yesu abala boo: «Yangola ebe ko ɛ taka ɛ edhimeli! Mbunoko ehole ndani nadalea engbanga na nu? Mbunoko ehole ndani naoikealeani molema? Doani na mwana ona haa odii mbai.» Yesu abengana mwembo mobe; maimana odii mwana ko ahela oko ta ehole ena.
Ena bea, ta otei ba ndako ɛbobo ɛ miongɔnɔ ɛ Bayuda moto omɔti atungeamaka na mwembo mobe. Agama boo: «Ma wɛ na su nda, Yesu ɔ Nasaleta? Edoi wɛ alowa? Naodjebi opele boo odii: Mosɛnɔke ɔloma Ndjambe.» Yesu abala na kɛndjɔ mɛɛnɛ na mwembo ko amogamea boo: «Dipa monɔkɔ ma wɛ ko imana odi moto hoo!» Mwembo mobe mamopukusa na ngulu ko maimana odii yo mopeli magama na moholi mopipo.
Yesu aheledjai moto ɔdaka na miembo mibe
Yesu na batingami ba nde baimei ta ngunda ekina ɛ ibeke inɛnɛ la Galilai, ta ekenge ɛ mokpɔtɔ ma ba Gelasenia. Oko idubua la Yesu ta bwato, moto omɔti aimani ta makila ko adoa asaka na nde. Moto ona apeamaka na mwembo mobe. Odie ba nde badaka ta makila, ko pɛpɛ moto omɔti ɔhɔnɔkɔ omonanga, noko na monyɔɔlɔ; mbala djike, bamoisaka bibende ta mako na minyɔɔlɔ ta mabɔ, endolo atswaka minyɔɔlɔ ko abukaka bibende. Pɛpɛ moto ɔdaka na ngulu ɛ omoika. Bihole bisusu, bulu na moi, adaka oko alebalebe ta makila na ta diko la makoli, apeli agame ko ena asabenedjae yo mɛɛnɛ na ndeke. Ehole ɛ enɛ yo Yesu ohali; apeta ebango, akwa magunda boso ba nde, ko agama na ngulu boo: «Ma wɛ na mbai nda, Yesu, Mwana ɔ Ndjambe Onɔi Diko? Naongɔɔni na ingbangba ta kombe ɛ Ndjambe, pɛpɛ otungeani oko!» – Tin’ɛ Yesu abala na nde boo: «Mwembo mobe, imana odii moto hoo!» Yesu amohɔdja boo: «Kombe ɛ wɛ nda?» Asɔmbɛdja boo: «Kombe ɛ mbai edii "Bike", tina ɛ boo lodii iso bike.» Ko amongɔɔnɔ na ingbangba boo atabaloma osokolu ɛ ngando. Na bea bwela bonɛnɛ ba ngulu badaka ena, mbuti na ngomba, bahomba mia ma oya. Miembo mibe maongɔɔnɔ Yesu boo: «Loloma otei ba ngulu, lokina laingee odi bo!» Yesu abapa enɔli. Na bea miembo mibe maimana odii moto ona ko maingia odii ngulu. Bwela ba ngulu bosusu – mbuti na ngulu koto ibae – bahilingoana ta mokpukulu ma ngomba basasopa ta ibeke inɛnɛ ko badinda. Babaneli ba ngulu batia ko bakɛɛ ananganedja gala ta ibonga na ta bimbangu. Bato badoa aenɛ moda manɔɔ modjɔ mua.
Endolo ino okaleheni boo ekada moto akabala ohuu na sango kaoko na nango boo: "Epeeli ekɔki mbai naopɛ nayepi odii Ndjambe", oditi opani enɔli odii mwana boo akɔe opele odii sango kaoko odii nango. Na moda mua, odini odongedja ebaeli ɛ Ndjambe tina ɛ okɔkɔ ibodii no oleha. Ko odini okɔ midjɔ mike ma moda mua.»
Midjɔ imikaimedjae moto mbindo
Yesu abea koko bato bike odii yo ko abanga obala boo: «Hokamedjanini, ino asusu, ko sipoani modjɔ muu. Pɛpɛ eka ekahule sokolu ɛ moto ehɔni omoimedja mbindo ekaingea ta tei ɛ nde. Edii ena ekaimane ta tei ɛ moto ekamoimedjae mbindo. [
Mwali mokɛndɛli adhimei Yesu
Yesu akina ena ko akɛɛ ta ekenge ɛ mokpɔtɔ ɛ Tula. Aingea ta ndako emɔti ko aipala moto omɔti adjebe boo adaka ena, endolo aihɔnɔ osabomba. Na tina hee, mwali omɔti ɔ ngando ena mwana ɔ nde atungeamaka na mwembo mobe, aoka gala ɛ Yesu ko adoa pɛpɛlɛ odii yo ko akwa ta mako ma nde. Mwali ona aidaka Moyuda, abotama ta Fenisi ɛ Sulia. Aongɔɔnɔ Yesu boo abengane mwembo mobe odii mwana ɔ nde mwali. Endolo Yesu abala na nde boo: «Peta kina bana bagole boso; elɔkɛ boo editi opele otomba mapa ma bana tin’ɛ omapa odii mva.» Mwali ona amosɔmbɛdja boo: «Na bea, Kumu, noko bana ba mva, ta tina dja mesa, bakayake opele mbumbu dja mapa ikadumbe bana.» Na bea Yesu abala na nde boo: «Ta tina ebaeli ɛ wɛ, yana: mwembo mobe moimani ta tei ɛ mwana ɔ wɛ mwali.» Ehole eyana yo ta ndako ɛ nde, atanea mwana asambi ta bwako: mwembo mobe maimana odii yo.
Moto omɔti ta ndanda ɛ bato bia amosɔmbɛdja boo: «Molehi, nadoi na mwana ɔ mbai odii wɛ, akatungeame na mwembo mobe imokamosie boo atabala. Bisika bisusu bikamopee mwembo mua, mokamodumbe ta kpɔtɔ, mapuli makaimwane na nde ta monɔkɔ, akakpɛkɛne mino, ko mokuku ma nde mokandindime. Naongɔɔni batingami ba wɛ boo bamobengane, endolo bahɔniti omoimusedja.» Yesu abasɔmbɛdja boo: «Bato ba taka ɛ edhimeli! Mbunoko ehole ndani naboani odikama nanu? Mbunoko ehole ndani nalwalea mandi ma boono? Doani na mwana.» Badoa na nde odii yo. Ɔenɛ mwembo mobe mua Yesu, mapukusa mwana na ngulu; mamodumba ta kpɔtɔ, abilingana ko aimusedja mapuli ta monɔkɔ. Yesu ahɔdja sango boo: «Mondumba ma modjɔ mu monɛngɛdjai na nde maswi meka?» Ko sango amosɔmbɛdja boo: «Donga obwɛngɛ ba nde. Mbala djike mwembo mua mobe mokamodumbe ta mosa kaoko ta madiba bɛngɛ boo mamowoe. Endolo lookea ndjokwa ko doa alokɔmɛdjae, okapala!» Yesu asɔmbɛdja boo: «Tina ebali wɛ boo okahɔnɔ okɔ maa modjɔ? Endolo, midjɔ misusu miboani okokedjama odii moto ona odhimi.» Oko ta ehole ena, sɛngɛ mwana agama na ngulu boo: «Nadhimi, kɔmɛdjani, tin’ɛ bo nadii na taka ɛ edhimeli!»
Ɔenɛ Yesu bato bike bapete ebango mbuti na bu; bea, agamea mwembo mobe ko abala na mu boo: «Mwembo mokaimedjae moto emimi na ohoka, nabali na wɛ: imana odii mwana hoo ko pɛpɛ osɔmbɔ koko odii yo!» Mwembo mobe magama, madumba mwana na ngulu, ko maimana. Mwana aimea elengɛɛ moto mogo, bato bike babala boo: «Agwii.» Endolo Yesu amopea ta ebɔ, amoemedja ko mwana aema.
Yesu aheledjai bato ba ipeko bike
Yesu aimana ta ndako ɛ miɔngɔɔnɔ ɛ Bayuda ko akɛɛ ta ndako ɛ Simo. Okio ba Simo o mwali adaka na mosa mopipo ta mokuku ko bahɔdja Yesu bo akoe maa modjɔ tina ɛ nde Yesu asunama odii yo ko, agamea mokuku mosa na ngulu mɛɛnɛ. Mokuku mosa mamokina, oko ena aema ko abanga obakɔmɛdja.
Ta ehole ɛduboa Yesu o ngondo, moto omɔti ɔ ibonga, ɔdaka na miembo mibe, adoa asaka na nde. Ehole eyai ailwaka bisendja ko aidaka ta ndako noko emɔti, endolo ta makila. Ɔenɛ yo Yesu, agama, akwa magunda boso ba nde ko abala na ngulu boo: «Ma mbai nɔsɔ wɛ nda, Yesu, Mwana ɔ Ndjambe Oonɔi Diko? Naongɔnɔkɔ, pɛpɛ otungeani oko!» Yesu abala na kpati odii mwembo mobe boo maimwane odii yo. Mwembo mua mobe mamokondjaka mbala djike; banangaka mabɔ na mako na minyɔɔlɔ tina ɛ omobanea, endolo adaka seko omikanyola ko mwembo madaka mamokola oko ta bisobe. Yesu amohɔdja boo: «Kombe ɛ wɛ nda?» – «Kombe ɛ mbai edii "Bike"», asɔmbɛdja bea. Tina ɛ boo, miembo mibe mike maingeaka odii yo. Ko miembo mia mibe maongɔɔnɔ Yesu boo atamiloma ta mombɔndɔ ma mbɛngɛ.
Bea, ena mbuti, bwela ba ngulu bonɛnɛ badaka bahombe mia ma oyaka diko la ngomba. Miembo mibe maongɔɔnɔ Yesu boo abapɛ enɔli ɛ oingea ta bwela bua ba ngulu. Yesu abapa enɔli. Miembo mibe maimana odii moto ona ko maingea odii ngulu. Bwela bua ba ngulu badonga diko la ngomba bahilingoana ko badinda ta ibeke. Babanei ba ngulu ɔɛnɛ bo modjɔ mua imanɔɔ, batia ko bananganedja gala ta ibonga na ta ngando ikɛkɛkɛ. Bato baimana tina ɛ oɛnɛ moda imanɔɔ modjɔ mua. Baimea mbuti na Yesu ko batanea moto oimusedjama miembo mibe: adii ta mako ma Yesu, alwali bisendja, ko yongi ɛ nde ɛɛsɔmbɔ. Ko badaka na bɔɔ.
Nabali na nu edii sooti: bakina badii haa, batagwa boso ba oenɛ okumu ba Ndjambe.»
Mose, Elia na Yesu
Mbuti na maswi mwambe ngɔngɔ dja obala bea, Yesu atomba Piɛlɛ, Yoani na Djake ko aihwea na bu ta ngomba tina ɛ ongɔɔnɔ. Ta ehole ɛdaka yo aongɔɔnɔ, mbanda ɛ nde ɛ ngɛngɛ ko bisendja ba nde bangɛngɛ koko na ipɛɛ la pɛpɛ obɔngɔ ohokea. Sasimo, bato babae badaka ena basoola na Yesu: ɛdaka Mose nɔbɔ Elia, ibangɛngɛkɛ na ekumu. Basoolaka na Yesu moda imosukealea elomu ɛ nde na ogwa ta Yelusalema.
Piɛlɛ na baminande bahwɛ hiɔ ipipo; endolo ɔtolima bo, baenɛ ekumu ɛ Yesu ko baami babae baemi na nde. Ta ehole ɛhɔmbaka baami bia bakina Yesu, Piɛlɛ abala na Yesu boo: «Molehi, edii opele ladae haa! Lapike bitondo bisato, emɔti tina ɛ wɛ, emɔti tina ɛ Mose ko emɔti tina ɛ Elia.» Piɛlɛ aitakanaka mua imabalaka yo.
Ta ndanda ɛ emumu ɛ bato, moomi omɔti agamaka boo: «Molehi, naongɔɔni, hokeani mwana moomi hoo ɔ mbai, tina ɛ boo adii ikinda! Mwembo mobe mokamopee, mokamogamedjae ambuku, mokamodumbakake na ngulu ko mokamoimusedjae mapuli ta monɔkɔ; mokamonɔngɛdjae ko temomokine pɛpɛlɛ. Naongɔɔnɔ batingami ba wɛ boo bamobengane, endolo baihɔnɔ.» Yesu asɔmbɛdja boo: «Yangola ebe ɛ taka ɛ edhimeli! Mbunoko ehole ndani naboani odikama na nu ko nalwalea muna ma boono? Dua na mwana ɔ wɛ haa.» Ta ehole ɛ batama mwana, mwembo mobe mamodumba ta kpɔtɔ ko mamopukusa na ngulu mɛɛnɛ. Endolo Yesu agamea mwembo mobe, aheledja mwana ko amosɔmbɛdja odii sango. Ko bato basusu bakamoa ta oenɛ ngulu enɛnɛ ɛ Ndjambe.
Yesu adjebedjai naikina ogwa ba nde
Ena ɔdaka moto omɔti na omɔti akamoa ta misusu imakɔkɔ Yesu, abala na batingami ba nde boo:
Yesu abengani mwembo mobe
Busa bomɔti, Yesu abengana mwembo mobe imaimedja moto emimi. Ena oimwana mwembo mobe, emimi abanda obala ko emumu ɛ bato ɛkamoa.
Ko omɔti ɔ bobo aboma mosali ɔ nganga monɛnɛ ko amokɛsɛ itoi la ebɔ ɛ bami. Endolo Yesu abala boo: «Kinani, ekoki bea!» Abinga itoi la moto ona ko amoheledja.
Ngɔngɔ dja iyane la bato ibaloma Yoani, Yesu abala na emumu ɛ bato ta tina ɛ Yoani boo: «Ekɛki no aindja ta esobe ye? Mososongo imakumanaka na epoipoi? Pɛpɛ! Na bea, ekɛki no aindja ye? Moto olwali bisendja ba gala? Endolo, bato ibakalwae bisendja ba motwuia monɛnɛ ko bakahelame ta ibɔngi bakataneame ta ndako dja bakumu. Okɛki no aindja nda? Motɛli? Edii bea, mbai nabali na nu, ko anɔi noko motɛli. Tina ɛ boo Yoani adii ona odii Makomi obala ohuu boo:
"Hokea, nalomalea molomami ɔ mbai boso ba wɛ,
tina ɛ obongɛdja ndjia boso ba wɛ."
Yesu abakea boo, nabali na nu ohuu boo, ta bato ibabotama na mwali pɛpɛ onɔi Yoani na onɛnɛ; endolo, ona onɔi na okɛkɛ ta okumu ba Ndjambe amonɔi na onɛnɛ. Bato basusu ko baputedjeli ba puti ibaoka Yoani, badjeba boo Ndjambe adii odjoo ko babatisama na nde. Endolo Bafalusai na bato ba edjebeli ɛ mibeko batiola olulea ba Ndjambe tina ɛ bobo ko balona oinama na Yoani.»