Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
ईसु बेन आंदलाहां हुदारत्लू
जाहां ईसु तिहीं रोत आगाड़ी निठू, ताहां बेन आंदला तियाआ फासाड़ी हाद कोअताज गोया, "ए दाविदोअ पोर्या, आमापोअ दया कोअ!"
जाहां ईसु कोअमेहें पोतू ताहां ते आंदला तियाआ जागे आवया, आन ईसु तियांहां कोयो, "केहें आंय तुमुहूं हुदारी देहीं एहेलुहू तुमाआं विश्वास होय के?"
तियां ईसुहू कोयो, "होव, प्रभु!"
ताहां तिये तियांआं डोआहां सापलीत कोयो, "जेहलुहू तुमाआं विश्वास, तेहलोज तुमाआं काजे ओवे!" आन तियांआं डोआ फाश्याआ हुदरीत गोया. ईसु तियांहां कड़क बाशामेहें कोयो, "ए गोठ कोडाहाज मा कोहा!"
पोन तियां जात कोइत ईसुउ ते बातमी आखा देसोमेहें परसार कोइ देदी.
ईसु बेन आंद्लाहां हुदारत्लू
जाहां ईसु आन तियाआ सेलां यरीहो रोत निहींताते, ताहां एक वोडी गर्दी तियाआ फाटी आयी. आन बेन आंदले जे सडकेए मेरे बोठे ते, ओं उनाइत के ईसु जाहे, हाद कोइत कोना वोल्या, "प्रभु, दाविदोअ पोर्या, आमापोअ दया कोअ!"
ते ठावकाज रोय तेहें काजे माहें तियांहां गाई देने वोल्ये; पोन ते फाश्याआ बी आअड़ीत कोयो, "प्रभु, दाविदोअ पोर्या आमापोअ दया कोअ!"
आन ईसु ऊबू रोत कोइत, तियांहां हाद्या आन कोयो, "तुमुहूं कि जोवे के आंय तुमाआं काजे कोए?"
तियां तियाहा कोयो, "प्रभु, आमांआं डोआ उगड़ीत जाय एहेलोहो कोइ दे."
ईसु किइमाय कोइत तियांआं डोआहां आथ लागाड़्या, आन ते तुरतुज पाला वोल्या; आन तियाआ फाटी गोया.
ईसुउ बेथसैदा होयरोमेहें आंद्लाहा हुदारीइलोअ
ते बेथसैदा मेहें आवया; आन माअहें एका आंदलाहा ईसुउ जागे लेतावये आन तियाहा आथ लागाड़े तेहें काजे रावणी कोअयी तो तिया आंद्लाआ आथ तोइत कोइत गांवोंअ बारथे लेत गोयू, आन तियाआ डोआ पोअ थुपीत कोइत तियापोअ आथ मिक्या, आन तियाहा फुशो, "तू वाजिहीं देखीत सेकेहे के?"
तिये उसे पालित कोइत कोयो, "होव, आंय माअहुंहूं देखीत सेकोहो; ते माहूं सालत्ला साड़ोअ होस देखाअतेहे."
ताहरुउ ईसु बिहीरी वारी तियाआ डोआ पोअ आथ मिक्या, आन तियाआ डोआअ नजर फाशीइ आवित लागी. आन आखो वारुहूं वारुहूं देखु वोल्यू. ईसु तियाहा ओं कोत कोइत कोअ मोकल्यू, "या गांवोंम गुडू बी मा मिकही."
ईसु बोयरा-मुका माहुंहूं हुदारत्लू
ताहरुउ ईसु सुर आन सिदोन देसोम रोत निहीत कोइत दकापलीसोअहें फिरतुज ना गालीलोअ तालावोअ जागे पोत्यु. ताहरेए माअहें एका बोयराहा जो तोत्र्यो बी ओतो, तियाआ जागे लेतावीत तियाहा रावणी कोअयी के ताआ आथ यापोअ मिके. ईसु तियाहा गोरदी मेहें रोत आंगेज लेत जात कोइत तियाआ कानोमेहें तिये आंगुउ काल्यी आन थुपीत कोइत तियाआ जिबीही लागाड़्यो. आन ईसु होरगाअहें पाल्यो आन काहींत कोइत तियाहा कोयो, "इप्फथ्था" मोन्ज्ये "मोकलू ओत जा!"
तियाआ कान उगड़ीत गोया आन जिबीइ गाठ सुटीत गोयी आन तो गोगु वोल्यू. ताहरुउ ईसु माअहुंहूं कड़क शब्दाम कोयो के ओं कोडाहाज मा कोहा, पोन जेत्तो तिये तियांहां वारुहूं कोयो तेत्तो तें जाअखे परसार कोए वोल्ये. तें जाअखेज बोगलात कोइत कोने वोल्ये, "तो जों किबी कोअहे तों हाजोज कोअहे; तो बोयराहा ऊनाइलाआ, आन मुकाहां गोगीइलाअ सेक्ती आपेहे."
आंद्ला बार्तीमायोहो ईसुउ नजरदान
ते यरीहो गांवोंमेहें आया, ताहां ईसु आन तियाआ सेला, आन एक वोडी गोरदी यरीहोम रोत निहींतीते, ताहां तिमायाआ पोर्यू बार्तीमय, एक आंदलु भिखारी, सडकेए मेरे बोठुतो. तो ओं उनाइत कोइत के ईसु नासरेथकर होय, आअड़ी आअड़ीइ कोनु वोल्यू, "ए दाविदोअ पोर्या, ईसु मा पोअ दया कोओ!"
जाअखीलेहे जोएं तियाहा बावराअये के ठावकुज रोय, पोन तो जाअखुज आअड़ू वोल्यू, "ए दाविदोअ पोर्या, मापोअ दया कोअ."
ताहरुउ ईसु उबू रोयू आन कोयो, "तियाहा हादा."
ताहरेए माअहें तिया आंदलाहा हादीत कोइत कोयो, "हिम्मत राख! उठ! ईसु ताहूं हादेहे."
तो तियाआ साअको टाकीत कोइत मामार उठीत उबू रोयू, आन ईसुउ जागे आयू.
ईसु तियाहा कोयो, "ताआ कि इश्शा होय के आंय ताआ काजे कोअ?"
आंदले तियाहा कोयो, "गुरु, आंय फाशुउ देखीत सेको."
ईसु तियाहा कोयो, "जातु रो, ताआ विश्वासे ताहूं हाजू कोइ देदुहू."
तो ताब्बुड़ पालु वोल्यू, आन सडके पोअ ईसुउ फासाड़ी जानु वोल्यू.
ईसु एका आंदला बिखारीही हुदारत्लु
जेहेलाम ईसु यरीहोअ जागे आवतुतो, तेहेलाम तिहीं एक आंदलु वाटेए मेरे बोहीत बिख माग्या कोअतुतो. जेहेलाम तिये आंदले माअहोंअ गर्दीइ आवाज उनाअयू, ताहां तिये फुशो, "ए किहाअ गर्दी होय?"
माअहूं तियाहा कोयो, "ईसु नासरी एहें रोत जाहे."
तिये जोरेज रोडीत कोयो, "ईसु, दाविदोअ बेटाह्हा मापोअ दया कोआ!"
आगाड़ी सालनारा माअहूं तियाहा ठावको रोय तेहें कोयो. पोन तो फाशुउ बी वादार जोरे बोंबलीत कोनु वोल्यू, "दाविदोअ बेटाह्हा, मापोअ दया कोअ!"
ईसु रुकात कोइत आन आंदलाहा आहने लेतावे तेहें काजे आरीवालाहां कोयो, तो आंदलु आहने आवयू, ताहां ईसु तियाहा फुशो, "आंय ताआ वोतीइ कि कोअहूं जोवे, एहेलिही ताआ इश्शा होय?"
तिये कोयो, "प्रभु, माहूं फाशोअ देखाओ वोलुहूं जोवे."
ईसु तियाहा कोयो, "ताहां पालु वोल! ताआ विश्वासे ताहूं हुदार्युहू."
आन तुरतुज तियाहा देखाओ वोल्यो, आन तो देवोअ भक्ती कोअतूज ईसुउ फासाड़ी सालु वोल्यू; आन ओं देखीत कोइत आखे माहें देवोअ स्तुती कोअयी.
ईसुउ जल्मार्याअ आंदला माहुंहूं हुदारीइलो
सालता सालतामेहें तिये एका माहुंहूं देख्यो, जो जल्मार्योओज आंद्लो ओतो. तियाआ सेला तियाहा फुशो, "गुरु, कोडे पाप कोअयुतो के ओं आंद्लो उबज्यो, ये के याअ आयहीन आब्हे?"
ईसु उत्तर आप्यो, "ये नाहां पाप कोअयू, नाहां याअ आयहीन आब्हू; पोन ओं याअकाजे ओवोहो के देवोअ काम यामेहें रोत देखाअहूं जोवे. जिये माहूं मोकल्युहू, आपुहूं तियाआ काम दिही होय ताअहूं कोइलाआ जरुरी होय; ते रात आवनारी होये, जियीमेहें कोडोज काम ने कोइत सेकनारो. जाअहूं जाआं आंय दुन्यामेहें होय, ताअहूं जाआं आंय दुन्याअ उजालो होय."
ओं कोत कोइत तिये पुयींपोअ थुप्यो, आन तिया थुपोवाअहीं कादुउ केलव्यू, आन तो कादुउ तिया आंद्लाआ डोआपोअ लागाड़ीत कोइते, तियाहा कोयो, "जा, सिलोहोअ कुंडीमेहें तुवीत ले." सिलोहोअ अर्थ होय "मोकलीइल्यू." तिये जात कोइत डोआ तुव्या आन पालतूज वोलीत आवयू.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
आन पाला, वोडा दुखोवालो माहुंउं तियाआ जागे आवयो, तियाहा पागे पोड़ीत कोनो वोल्यो के, "प्रभु, ताआ इश्शा ओय, ताहां तु माहूं सोकू कोइत सेकेहे."
ताहां ईसु तियाहा आथ लागाड़ीत कोइत कोयो, "माआं मोर्जी होय, तु सोकू ओत जा!" आन तों माहुंउं ताअहांज तिया वोडो दुखोम रोत हुदरीत गोयो. फाशोअ ईसु तियाहा कोयो, "पाल, ओं कोडाहाज मा कोही, पोन तु जात कोइत सोताहा पुंजाराहा देखाड़ आन आखाहा तु हुदरीइल्याआ पुरावू देखाअहूं जोवे काजे, जे गाराहा मोशे ठरव्यीही ते तू आपी देजी."
आन पाला, थोड़ेक माअहें लखवा लागला एका माहुंहूं खाट्लापोअ लोटाड़ीत तियाआ जागे लेतावये. ताहां ईसु तियांआं विश्वास पालित लखवा लागला माहुंहूं कोयो, "बेटा, धिर खेट; ताआ पापोअ माफी ओत गोयी."
ताहां कायदाआ थोड़ाक मास्तरहों तियां तियांआंज कोना वोल्या, "ओ देवोअ निंदा कोअहे."
ईसु तियांआं विसार जांइत कोयो, "तुमू तुमाआं मोनोमेहें खाराब विसार काहा कोअताहा?" "काहाके ‘ताआ पापोअ माफी ओवयीही’ एहें कोअलोअ नेत ‘उठीत कोइत साल’ एहें कोअलोअ, यामेहें रोत कोड्लो सोपो होये? पोन एताआ काजे के, तुमुहूं मुंदू जाअहूं जोवे के, माहुंउं बेटाह्हाहा धरती पोअ पापोंअ माफी कोइलोअ आधिकार होय," ताहां तिये तिया लखवाअ मांदवाड़्या माट्योहो कोयो, "उठ, ताआ खाट्लो उसल, आन ताआ कोअ जातु रो."
ताहां तो उठीत कोइत तियाआ कोओ जातु रोयू.
तिहीं एक लखवा लागला आथोअ माहुंउं ओतो, फरिसी माअहें ईसु पोअ आरोप लागाड़ीइलोअ काजे तियाहा फुशो के, "आरामोअ दिहोअ दिही बिमारी हुदारीइलोअ ओं कायदाआ पुरमाणे ठीक होय के?"
ईसु तियांहां उत्तर आप्यो, "तुमामेहें एहलोहो कोडो होय, जियाआ एक्कुज मेडो ओये, आन तो आरामोअ दिहोअ दिही खाडामेहें पोड़ीत जाय, ताहां तो तियाहा तोइत ने काडे? पाला, माहुंउं किंमत मेडा रोत केतीही वादार होये! तियाहा काजे आरामोअ दिहोअ दिही कायदाआ पुरमाणे हाजो काम कोइलोअ बोराबर होय." ताहां तिये उगाअला आथोवाला माहुंहूं कोयो, "ताआ आथ नांबू कोअ."
ताहां तिये आथ नांबू कोअयू, आन तो आथ बिहीरा हाजा आथोअ होस हाजू ओत गोयू.
शिमोनोअ हावेह्हे जोरु सोडल्यू काजे खाटलाम लोटीत रोयीते. ताहां तियां ताबुड़तुड़ ईसुहू तियीइ बाप्तिम कोयो. ताहां तिये आहने जात कोइत तियीही आथे तोइत उठाड़्यी, आन तियीइ जोरु उतरीत गोयू आन ते तियांआं सेवा कोइ वोल्यी.
ईसु वोडा दुखोवाला माहुंहूं हुदारत्लू
एक वोडा दुखोअ माहुंउं ईसुउ जागे आवयो, आन तियाआ हुंबर मांड्या पोड़ीत वोंदतो जात रावण्या कोओ वोल्यो. तों ईसुहू कोनो वोल्यो, "जर ताआ इश्शा ओय ताहां तू माहूं सोकू कोइत सेकेहे."
ईसुहू दया आयी, आन तिये आथ आगाड़ी कोइत तिया पोअ मेक्यू आन कोयो, "माआं इश्शा होय के तू सोकू ओव!" आन तेताज मेहें तियाआ वोडो दुख तियाहा सोड़ीत जातो रोयो आन तों सोको ओत गोयो.
तेहेलाम शार माटी तिया लखवाअ मांदवाड़्याहा उसलीत ईसुउ जागे लेत आवया. पोन गर्दी ओती तिहीं वाअहीं तिया मांदवाड़्याहा ने लेत जात सेक्या. ताहां ते तो ओतू तिहींइं कोओ पोर्येए नाल्ल्ये फेड़ी देदे आन जिया खाट्लापोअ तो ओतू तिया खाटलाहा ते कोओपोअ रोत निसे उतरीत सेके एहेलोह गालो कोअयो आन तिहीं तिया मादवाड़्याहा उतार्यो. तियांआं विश्वास देखीत कोइत ईसु लखवाअ मांदवाड़्या माहुंहूं कोयो, "माआं सोआ, ताआ गुनाआं माफी ओवीही."
तिहीं थोड़ाक कायदाअ मास्तरहों बोहीत रोयाते. ते तियांआं मोनोमेहें विसार कोआ वोल्या के, "ये एहें कोअलोअ केहें कोइत हिम्मत कोअयी? ए निंदा होय! देवुज गुनाआं माफी आपित सेकेहे!"
पोन ईसु तेताजमेहें आत्मामेहें समजीत लेदो के, तें तियां-तियांज विसार कोअताहा, ताहां तिये तियांहां कोयो, "तुमू मोनोम एहेलाहा विसार काहा कोअताहा? या लखवा लागला माहुंहूं ‘ताआ गुनाआं माफी ओवी’ एहें कोअलोअ सोपो के ‘ऊठ, ताआ आथरुउ विस आन सालु वोल’ एहें कोअलोअ सोपो? पोन जिया वाअहीं तुमू जाईंत लेअहूं जोवे के, माहुंउं बेटाह्हाहा धरती पोअ गुनाआं माफी कोइलोअ आधिकार होय." ताहां तो तिया लखवा लागला माहुंहूं कोयो, "आंय ताहूं कोहो, उठ, ताआ खाट्लो विस आन कोअ जा!"
तियां आखा माअहोंअ देखताइज तो मांदवाड़्यु उठ्यू, तियाआ आथरुउ विसीत लेदो आन जानु वोल्यू. ओं देखीत आखे माअहें बोगलाइत गोये आन देवोअ स्तुती कोअते जात कोतेहे, "आमू एहेलोह केधिहींज नाहां देख्यो!"
उगाअला आथोवालो माहुंउं
ईसु फाशुउ आराधनालयोमेहें गोयू, तिहीं एक माहुंउं ओतो जियाआ आथ लखवाअ बिमारी वाअहीं उगात गोयुतो. थोड़हा तियापोअ आरोप लागाड़ीइलोअ कोअते तो आरामोअ दिही तियाहा हुदारेहे के नाहां तों पालीइलोअ काजे निकाइत बोठाते. ईसु तिया उगाअला आथोवाला माहुंहूं कोयो, "इंहीं आखाआ सामने उबू रो." आन तिये तियांहां कोयो, "आरामोअ दिहोअ दिही कायदाआ पुरमाणे हाजो कोइलोअ ठीक होय के, बाक्तो कोइलो? जिव वासाडीलोअ के माइलोअ ठीक होय? पोन ते ठावकाज रोया."
ताहां ईसु तियांआं कठीण मोनोअ वाखरी दुखी ओत कोइत तियांहां खिजवाअली नजरे वाअहीं सारी सोमकीर पाल्यो, आन तिया माहुंहूं कोयो, "ताआ आथ नांबू कोअ." तिये आथ नांबू कोअयू, आन तियाआ आथ पेल्लूउ ओतु तेहेलुज हुदरीत गोयू.
ईसुउ वोडा दुखोअ माहुंहूं हुदारीइलो
जेहेलाम ईसु एका होयरोम ओतू, ताहां तिहीं एक वोडा दुखोअ माहुंउं आवयो; आन ईसुहू देखीत टुंगो पोड़ीत वोंदो वोल्यो आन रावणी कोइत कोनो वोल्यो के, "ए मालिख, जर ताआ इश्शा ओय ताहां माहूं सोकू कोइत सेकेहे."
ईसु तियापोअ आथ मेक्यु आन कोयो, "माआं इश्शा होय, तु सोकू ओत जा." आन ताबुड़ तियाआ दुख जातो रोयो.
तेहेलाम थोड़ाक माटी एका लखवा दुखोवाला माहुंहूं खाट्ला पोअ लेत आवया, ते मांयते कोअमेहें ईसुउ जागे लेत जाअलोअ वोग पाला वोल्या. पोन गर्दी ओती कोत तियाहा मांयते ने लेत जात सेक्या ताहां ते मोबो पोअ सोड़ीत कोइत, आन नाल्ल्ये फेड़ीत खाट्लोज बांदीत कोइत पोरापोर ईसुउ हुंबर उतारी देदो.
ईसु तियांआं विश्वास देखीत तियाहा कोयो, "दोस्ता, ताआ पापोअ माफी ओवीही."
ताहां मास्तरहों आन फरिसी भान्गड़ कोआ वोल्या, "ओ कोडू होय, जो देवोअ निंदा कोअहे? देवोहो सोड़ीत बिहीरु कोडू पापोअ माफी आपित सेकेहे?"
ईसु तियांआं मोनो मेर्यीइ गोठी जाईंत कोइत तियांहां कोयो, "तुमू तुमाआं मोनोम एहेलुहू विसार काहा कोअताहा? कोड्लो सोपो होय? ‘ताआ पापोअ माफी ओवी’ ओं कोअलोअ के, ‘उठ आन सालु वोल’ ओं कोअलोअ? पोन याआ काजे के तुमू ओं जांआं के, माहुंउं बेटाह्हाहा धरती पोअ पाप माफ कोइलाअ बी आधिकार होय." तिये तिया लखवाअ दुखोवालाहा कोयो, "आंय ताहूं कोहो, उठ आन ताआ खाट्लो विसीत ताआ कोअ जातु रो."
तो तुरतुज तियांआं सामने उठ्यू, आन जियापोअ तो लोट्लू ओतू, तिया खाट्लाहा विसीत देवोअ स्तुती कोअतूज कोअ जातु रोयू.
उगाअला आथोवालो माहुंउं
एहेलोह ओवो के, एका आरामोअ दिहोअ दिही ईसु आराधनालयोमेहें जात कोइत संदेश देनू वोल्यु; आन तिहीं एक माहुंउं ओतो जियाआ हाजाड़्यू आथ उगात गोयूतो. थोड़ाक कायदाआ मास्तरहों आन फरिसी आरोप लागाड़ीइलोअ कोअते हेंहींत बोठाते के, ईसु आरामोअ दिहोअ दिही हुदारेहे के नाहां. पोन ईसु तियांआं विसार जांअतुतो; तियाहा काजे तिये उगाअला आथोवाला माहुंहूं कोयो, "उठ, विसमेहें उबू रो." तो उठीत उबू रोयू.
ईसु तियांहां कोयो, "आंय तुमुहूं फुसोहो के कायदाअ पुरमाणे आरामोअ दिही कि ठीक होय, हाजो कोइलोअ के बाक्तो कोइलो; जिव वासाड़ीइलोअ के माइलो?" ताहां तिये शारी वोल नजर टाकीत कोइत तिया माहुंहूं कोयो, "ताआ आथ होल्लू कोअ." तिये तेहेंज कोअयो, आन तियाआ आथ फाशुउ हुदरीत गोयू.
ईसुउ एका आधिकार्योअ सेवकोहो हुदारीइलो
जाहां ईसु ए आखी गोठी माअहुंहूं कोत सुक्यू, ताहां कफर्णहुम गाँवोम आयू. तिहीं एका रोमन आधिकाऱ्योअ एक सेवक ओतू जो तियाहा गोमतुतो, तो जाअखुज मांदवाड़्यु ओतू आन मोअनारुज ओतू. ताहां तिये आधिकार्ये ईसुउ बाप्तिमेहें उनाइत कोइत यहुदी माअहोंअ थोड़ाक डायहांहां तियाआ जागे ओं फुसीइलोअ काजे मोकल्या के माआं जागे आवित कोइत माआं पावरोहो हुदार. ते ईसुउ जागे आवया, आन तियाहा खुब रावणी कोइत कोना वोल्या, तो याअ कोअते लायक होय, के तु तियाआ मदत कोए, काहाके तो आपाआ माअहुंहूं मेर कोअत्लू, आन तिये आपाआ काजे एक यहुदी आराधनालय बोणावयोहो.
ईसु तियांअरी गोयू, पोन जाहां तो कोओअ आहनेज ओतू, ताहां आधिकार्ये तियाआ थोड़ाक दोस्त्योहों कोत मोकल्यो के, ए प्रभु, तकलीत मा कोअही, काहाके तु माआं कोअ आवे एतीही माआं लायकी कायनाहां. तियाहाज काजे आंय सोताहा बी ताआ जागे आविलोअ लायक ने जाअयों, पोने शब्द एतुज कोत दे, ताहां माआं पावर हुदरीत जाय.
"आंय बी बिहीरा आधिकार्योअ निसे काम कोअनारु माटी होय, आन माआं निसे बी थोड़ाक सिपायी होय; आन आंय जिया कोडाहा कोत्लु, ‘जा,’ ताहां तो जात्लू, बिहीराहा कोत्लु, ‘आव,’ ताहां तो आवत्लु; आन जाहां आंय माआं पावरोहो कोत्लु, ‘ओं कोअ,’ ताहां तो तेहेंज कोअत्लू."
ओं उनाइत कोइत ईसु बोगलात गोयू, आन तिये फासाड़ी वोलीत तियाआ फासाड़ी आवनारी गोरदीही कोयो, "आंय तुमुहूं कोत देहो के, एहेलुहू विश्वास माहूं इस्राएलोम बी नाहां जोड़्यू."
आन तिये आधिकार्ये कोत मोकलीइल्या मेर्याआ माटी, जेहेलाम कोअ आवित पाल्यो, ते तो पावर हुदरीत रोल्यू देख्यू.
तिहीं एक बोईं ओती जियीही एडार वोर्ह्यों रोत एक कमजोर कोअनारी पुतोअ आत्मा तोइत रोयीते. आन ते टुंगाल ओत गोयीते आन केहें बी कोइत हुदी ने ओवित सेकतीते. जेहेलाम ईसु तियीही देख्यी आन हाद्यी, आन तियीही कोयो, "ए बाय, ताहूं ताआ रोगोम रोत सुटका जोड़्यीही." ताहां तिये तियीइ मुन्कापोअ आथ मेक्यु, आन ते तुरतुज हुदी ओत गोयी आन देवोअ महिमा कोई वोल्यी.
ईसु एका मांदवाड़्याहा हुदारत्लु
एक वारी आरामोअ दिही ईसु फरिसीइ एका आधिकार्योअहीं रोटू खानु गोयू; आन ते तियाहा हेंहींत बोठाते. तिहीं डिलोम आग सालनारी मांदवाड़ेए एक माहुंउं ईसुउ जागे आवयो, आन ईसु तियां कायदाअ मास्तर आन फरिसीहीं कोयो, "केहें आपाअ नियम आरामोअ दिही हुदरीइलोअ परवानगी आपेहे के नाहां?"
पोन ते आखा एक नेन बेन ने गोग्या. ताहां ईसु तिया माहुंहूं हुदरावीत मोकल्यो.
ईसु दोह जोअहों हुदारत्लू.
येरुसालेम होयरोअहें जाता जातामेहें ईसु शोमरोन आन गालीलोअ विसमेऱ्यीइ हाद्दीअहें रोत गोयू. तो एका गांवोम जात्लू तेहेलाम तियाहा दोह वोडा दुखोवाला माटी हुंबा मिल्या. ते सेटेज उबा रोयाते. तियां आअड़ीत कोयो, "ईसु! मालिख! आमापोअ दया कोअ!"
ईसु तियांहां देख्या आन कोयो, "जावा, आन तुमू सोताहा पुंजाराहां देखाड़ा."
ते वाटेज ओता तेहेंज हुदरीत गोया. ताहां तिहींमेर्युउ एक जोउं ओतू, तो हुदरीत गोल्यू देखीत जोरे आवाजोम देवोअ भक्ती कोअतूज वापिस आयू. तो ईसुउ पागे पोड़ीत आभार मानु वोल्यु. तो माटी शोमरोन वालू ओतू. ताहां ईसु तियाहा फुशो, "केहें दोहू जोओं ने हुदर्याते के? ताहां बाकी नोव जोओं खोता? आन ओ परदेसी एतुज काहा देवोअ आभार मानु आयुहू?" आन ईसु तियाहा कोयो, "उठ, आन जा; ताआ विश्वासे ताहूं हुदार्युहू."
कुंडीइ जागेहे नेराय
याअ फासाड़ी ईसु यहुदीइ एका तिवारोअ काजे येरुसालेम गोयू. येरुसालेमोमेहें मेडाअ दरवाजाआ जागे एक कुंडी होये, जियीही इब्री बाशामेहें बेथसैदा कोतेहे; तियाआ पास ओटा होये. जिहीं आंद्ले, पांगले आन लखवाअ बिमार आन एहेला खुब मांदवाड़्या माहुंउं गर्दी पोड़ीत रोतीते. काहाके ठरवीइल्यी वेलेपोअ देवोअ देवदुत कुंडीमेहें उतरीत कोइत पाईं आलव्या कोअताते. पाईं आलताज वाआ जो कोडो पेल उतरीइतोतो, तो हुदरीत जातोतो. भले तियाआ कोड्लीज बी बिमारी काहा नाहां रोती. तिहीं एक माहुंउं ओतो, जो आड़ोतीस वोरह्ये बिमारीम ओतो. ईसु तियाहा लोटीत रोल्यो पालित कोइत आन ओं जाईंत कोइत के तो जाअखीलाहा दिहीर्योअ यी दशामेहें पोड़ीत रोयोहो, तियाहा फुशो, "केहें ताआ हुदरीइलोअ इश्शा होये?"
तिये बिमारी माहें, तियाहा उत्तर आप्यो, "प्रभु, माआ जागे कोडो माहुंउं कायनाहां जो पाईं आलवाय तेहेलाम माहूं कुंडीमेहें उतारीत सेके; पोन माहूं पोत्ता-पोत्ता बिहीरो मारोत पेल उतरीत पोडेहे."
ईसु तियाहा कोयो, "उठ आन ताआ खाट्लो लेत सालू वोल." तों माहुंउं ताअहांज हाजो ओत गोयो, आन तियाआ खाट्लो विसीत सालो वोल्यो.
ओं तेदिहीं ओवो जेदिहीं आरामोअ दिही ओतू.
फाशुउ एक वारी ईसु गालीलोअ काना गांवोंमेहें आयू, जिहीं तिये पांअयोंअ दाराक्शाआ रोहो बोणावी देदूतो. कफर्णहुमोमेहें एका राजाआ आधिकार्योअ पोर्यू बिमार ओतू. जेहेलाम राजाआ आधिकार्ये होंबल्यो के यहुदीयामेहें रोत ईसु गालीलोम आयुहू, ताहां तो तियाआ जागे आयू आन रावणी कोअयी के तो कफर्णहूम जात कोइत तियाआ बेटाह्हाहा हाजू कोई दे: जो मोअहूंज ओतू. ईसु तियाहा कोयो, "जाअहूं जाआं तुमू समत्कार आन वोडे वोडे कामे ने देखहा ताअहूं जाआं विश्वास ने कोअहा."
राजाआ आधिकार्ये कोयो, "मालिख, माआं पोर्याआ मोईलोअ पेल तुमू माअहीं साला."
ईसु तियाहा कोयो, "जा, ताआ पोर्यू जिवतु रोये."
तो माटी ईसुउ कोल्यी गोठी पोअ विश्वास कोअयू आन कोअ जातु रोयू. तो कोअ वोलत्लू, ताहां वाटेज मेहें ओतू तेहेंज तियाआ सेवके तियाहा खोबर आप्यी, "ताआ पोर्यू जिवतु होये."
तिये तियांहां फुशो, "कोड्ली वेले तो हाजू ओनू वोल्यू?" तियां तियाहा कोयो, "काल दिहे एक वासता तियाआ जोरु उतरीत गोयू." पोर्याअ आब्हाहा दिहानोमेहें आयो के ए बोराबर तेज वेल ओती, जाहां ईसु तियाहा कोयोतो, "ताआ पोर्यू जिवतु रोये." एहेंकोइत तियाआ पुरा कुटूंबाअरी विश्वासी बोणीत गोयू.
ओ दुसरु समत्कार ओतू, जो ईसु यहुदीयाम रोत गालीलोम आवित कोइत देखाड़्यू.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
ताहां पाला एक बाय जियीही बारा वोरह्ये रक्त वोहीइलाआ बिमारी ओती, तियी ईसुउ आंगड़ाआ कोरेहे आथ लागाड़्यु. काहाके ते तियीइ मोनोमेहें कोतीते के, "जर आंय तियाआ आंगड़ाहा आथ एतीज लागाड़ीहीं, तेबी हुदरीत जाहीं."
ईसु फासाड़ी वोलीत पाल्यो आन कोयो, "पोर्यी धिर तोअ, ताआ विश्वासे ताहूं हुदार्यीही." तियीज घेड़ी ते बाय हाजी ओत गोयी.
आन एक बाय ओती, जियीही बारा वोरह्योअ रक्त पोड़ीइलोअ बिमारी ओती. तियी खुब दुख वेठ्यो आन जाअखिलाहा डाक्टरोअहीं ईलाज कोआड़्यू. तियी आखा पोशा खरसीत टाक्या, तेबी किज फायदू ने ओवू, पोन जाअखीज बिमार ओत गोयी. ते ईसुउ बाप्तिमेहें सर्सा उनाअयी, तियाहा काजे गोरदीमेहें तियाआ फासाड़ी रोत आयी, आन तियाआ आंगड़ाहा आथलीत लेदो, काहाके ते तियी-तियीइज कोतीते, "जर आंय तियाआ आंगड़ाहा एतीज बी आथलीत लेहीं, तेबी हाजी ओत जाहीं."
आन ताबुड़ तियीइ रक्त वोहीइलाअ बिमारी हाजी ओत गोयी; आन तियीही सोताआ डिलोमेहें जाआंत गोयो, के आंय तियी बिमारीमेहें रोत हाजी ओत गोयीही.
आन तिहीं एक बारा वोरह्ये रक्त वोहीइलोअ बिमारीवाली एक बाय ओती, जे तियीइ आखी मालमिलकोत डाक्टरोअ इलाजोअ कोअते खर्स कोइ देदी, तेबी तियीही कोडोज ने हुदारीत सेक्यो. ते ईसुउ फासाडीइ वोलेहे आवित कोइत तियाआ आंगड़ाआ कोरेहे आथ लागाड़्यु, आन तेताजमेहें तियीइ रक्त वोहीइलोअ बोंद ओत गोयो. ताहां ईसु कोयो, "माहूं कोडो आथ लागाड़्यो?"
तेहेलाम आखे नाकार कोए वोल्ये ताहां, पेत्र आन तियाआ हात्यों कोयो, "मालिख, ताहूं ए गर्दी सिपड़ेहेन, उपोअ आवित पोडेहे."
पोन ईसु कोयो, "कोडे तेबी माहूं आथ लागाड़्युहू, काहाके माआं जिवोमेहें रोत सेक्ती निहींयीही." जाहां तियी बायी देख्यो के आंय निकाइत नाहां सेकती, ताहां थरथर कापतीज आयी आन ईसुउ हुंबर पागे पोड़ीत कोइत आखाआ सामने कोत देखाड़्यो के काहा कोत आथ लागाड़्यु आन केहें कोइत ताबुड़ हुदरीत गोयी. ईसु तियीही कोयो, "माआं सोई, तु ताआ विश्वासो वाअहीं हुदर्यीही, होकेहे जाती रो."
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
रोमी आधिकार्योअ पोर्यी आन ईसुउ आंगड़ाहा आथिलनारी एक मांदवाड़्यी बाय
जेहेलामेहें ईसु ए गोठी कोअतुतो ताहां, एक यहुदी आधिकारी तियाआ जागे आवयू, आन पागे पोड़ीत कोनु वोल्यू, "माआं पोर्यी ओंमेज मोयीही, पोने आवेए ना ताआ आथ तियी पोअ मेकेए, ताहां ते जिवती ओत जाये."
ताहां ईसु उठीत तियाआ सेलांअरी तियाआ फासाड़ी जानु वोल्यू.
जाहां ईसु तिया आधिकार्योअ कोओ पोतू, आन वाजे वाजाड़नाराहां आन माअहोंअ गर्दीही देख्यी. ताहरोअ तिये कोयो, "आखे सेटे होरका, पोऱ्यी नाहां मोयी; पोन ते हुवेहे." ताहां तें आखे तियाहा ओंहें वोल्ये. पोन जाहां गर्दीही सेटे कोअयी, ताहां तिये मांयते जात कोइत तियी पोर्यीइ आथ तोअयु, आन ते पोऱ्यी उठीत उबी रोयी.
आन याईर नावोअ आराधनालयोअ एक पुडारी आवयू, आन ईसुहू पालीत, तियाआ पागे पोड़्यु. आन तिये ओं कोत कोइत जाअखीलीही रावणी कोअयी, "माआं हानीइली बेटिह्ही मोअहूं कोअहे: तू आवित तियी पोअ आथ मिक, के ते हाजी ओवीत जिवती रोय."
ताहां ईसु तियाअरी गोयू; आन माअहुंउं वोडू गोवारु ईसुउ फाटी गोयी, एतीही गर्दी के माअहें तिया पोअ जाआं उठ्लीत पोड़तेते.
आन आराधनालयोअ पुडारी याइरोअ कोअ पोत्या, ताहां ईसु माअहुंहूं कि कोएन किन्ने एहेलेहे जाअखीलेहे रोड़त्लाहा आन आअड़ीइत्लाहा देख्ये. ताहां तिये मांयते जात कोइत तियांहां कोयो, "ए कापाली काहा कोअतेहे? काहा रोडतेहे तुमू? पोर्यी नाहां मोअयी, पोन हुवेहे."
ते तियांअहें ओंहये, पोन तिये आखाहा काडीत कोइत पोर्यीइ आयहीन आब्हाहा आन तियाआ सेलाहां लेत कोइत, मांयते पोर्यीही लोटाडीत मिकल्यी तिहीं गोयू. आन पोर्यीइ आथ तोइत तियीही कोयो, "तलीता कूमी," मोन्ज्ये "ए पोर्यी, आंय ताहूं कोहो, उठ."
आन पोर्यी ताबुड़ उठीत साली फिरी वोल्यी; काहाके ते बार वोरह्योंअ ओती. यी गोठी वाअहीं तें माअहें बोगलाइत गोये.
"ताहां आंय या जमानाआं माअहुंहूं कोडाअ होस कोवें, के तें कोडाअ होस होये? तें तियां पोर्याअ होस होये, जें बाजारोम बोठेहे, आन एकान बिहीराहा बोंबलीत कोतेहे, ‘आमू तुमाआं कोअते वेहेवालोअ वाजे वाजाड़्ये आन तुमू ने नाश्या! आमू विखा कोअयो, पोन तुमू ने रोड्या!’ काहाके बाप्तिस्मा कोअनारु योहान ने रोटू खातु आयू, आन ने दाराक्शाआ रोह पीतु आयू, आन तुमू कोताहा, ‘तिया मेहें पुत होये!’ ताहरुउ माहुंउं बेटुह्हू खातु-पितुज आयुहू, आन तुमू कोताहा, ‘पाला, ओ ओड़ख्यू आन पिदाड़ माटी, नाकेदारोओं आन पाप्योंअ दोस्ती होय.’ पोन देवोअ बुद्दी, तियीइ माननारा वाअहीं खोरी ठरवाअयीही."
ईसु शिमोन नावोअ फरिसीइ कोअ
ताहरोअ फरिसीमेर्येए एके जोएं ईसुहू रोटू खाअलोअ नेवतो आप्यो, ताहां तो तियाआ कोअ जात कोइत रोटू खानु बोठू. तिया होयरोमेएं पापी जिवन जिवनारी एक बोईं रोतीते. तियीही मुंदू पोड़्यु के ईसु एका फरिसीइहीं रोटू खानु बोठुहू, ताहरीइ ते एका संगमरमरोअ जेगोमेहें अत्तर पोइत लेत आयी,
तेताजमेहें याईर नावोअ एक माटी आयू, जो जागर्याआ यहुदी आराधनालयोअ आधिकारी ओतू, तो ईसुउ पागे पोड़ीत तियाहा रावणी कोउ वोल्यु के माआं कोअ साल, काहाके तियाआ बारा वोरह्योअ एकुज बेटिह्ही ओती, आन ते दाबतीज मांदवाड़्यी ओती.
जेहेलाम ईसु जाया कोअतुतो, तेहेलाम तियाआ सारी सोमकीर माअहें जाअखीलीही गर्दी कोअतेते.
एहें कोताजमेहें मंदिरोअ आधिकार्योअहीं कोडो तेबी एक जोओं आवित कोइत कोयो, "ताआ पोर्यी जाअखी दाब्तीज् होये: ओमे गुरुहू तारास मा देही."
ओं उनाइत कोइत ईसु कोयो, "बिही मा, फक्त विश्वास मिक, मोन्ज्ये ते हुदरीत जाय."
कोअमेहें आवित कोइत तिये पेत्र, योहान, याकोब आन पोर्यीइ आयहीन-आब्हाआ सिवाय बिहीरा कोडाहाज तियाअरी मांयते ने हाद्ये. आखे तियी पोर्यीइ कोअते रोडतेते, पोन ईसु कोयो, "रोडहा मा; ते नाहां मोयी, पोन हुवेहे."
तेबी तें मोयीहिजे कोत तियाहा ओहें वोल्ये. पोन ईसु तियीइ आथ तोअयु, आन बोंबलीत कोयो, "ए पोर्यी, ऊठ!" तेहेलाम तियीइ जिव वोलीत आयू आन ते ताबुड़ उठीत बोठी. ताहां तिये तियीही काविंहीं खायतेहें आपे तेहें कोयो. आन तियीइ आयहीन आब्हू बोगलाइत गोये, पोन ईसु तियांहां वारुहूं कोत देखाड़्यो के ओं जो ओवोहो तो कोडाहाज मा कोहा.
लाजरोअ मोयात
मरिया आन तियीइ बोअह्हीं मार्थाआ गांव बेथानीमेहें लाजर नावोअ एक माटी मांदवाड़्यू ओतू. ए तेज मरिया ओती जियी प्रभु पोअ अत्तर टाकीत कोइत तियाआ गुडाहा तियीइ सिंग्यां वाअहीं पुशाते, यीइज पाही लाजर बिमार ओतू. तियाआ बोअह्हीं तियाहा कोत मोकल्यो, "प्रभु, देख, ताआ तो मेरालू दोस्ती बिमार होये."
ओं उनाइत कोइत ईसु कोयो, "ए बिमारी मोतोअ नाहां; पोन देवोअ महिमाआं काजे होये, के तियी वाअहीं देवोअ बेटाह्हाअ महिमा ओवुहूं जोवे."
ईसु मार्था आन तियीइ बोअह्हीं आन लाजरोपोअ मेर कोअतुतो. तेबी जेहेलाम तिये होंबल्यो के लाजर बिमार होय, ताहां जियी जागे तो ओतू, तिहीं फाशुउ बेन दिही रुकाइत गोयू. याअ फासाड़ी तिये सेलाहां कोयो, "आवा, आपू फाशाआ यहुदीयामेहें जाता."
सेलां ईसुहू कोयो, "गुरु, ओमेज ते यहुदी माटी ताहूं डोणाटीइलाअ कोशित कोअयीते, आन केहें तू फाशुउ बी तिहींज वापिस जाअहूं होदेहे?"
ईसु उत्तर आप्यो, "केहें दिहोअ बारा तास नाहां रोता के? जर एखु दिहोअ उजालामेहें सालेहे तो नाहां ठोकाअतू, काहाके यी कोलीइ उजालो देखेहे. पोन जर एखु राती सालेहे, ताहां तो ठोकाअहे, काहाके तिया मेहें उजालो कायनाहां."
तिये ए गोठी कोयी, आन याअ फासाड़ी तियांहां कोनु वोल्यू, "आपाअ दोस्ती लाजर हुवीत गोयुहू, पोन आंय तियाहा जागाड़ू जाहो."
ताहां सेला तियाहा कोयो, "प्रभु, जर तो हुवीत गोयू ओय, ताहां हाजू ओत जाये."
ईसु ते तियाआ मोतोअ बाप्तिमेहें कोयोतो, पोन सेलां समज्यो के तिये निंदेए बाप्तिम कोयोहो. ताहरुउ ईसु तियांहां सिदो सिदो कोत देदो, "लाजर मोइत गोयुहू;
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
ईसु वादुहू ठावकू कोअहे
जाहां ईसु नावड़ामेहें सोढ़्यू, ताहां तियाआ सेला बी तियाअरी गोया. ताहां पाला, दोर्यामेहें एतुहू वोडु वादुउ आवयू के तो नावड़ो उपाड़ा वाअहीं टापाओ वोल्यो, पोन ईसु हुवतूतो. ताहां सेला तियाआ जागे आवित तियाहा उठाड़्यु आन कोयो, "प्रभु आमुहूं वासाड़, आमू बुडुहूं कोअताहा."
ईसु तियांहां कोयो, "तुमू काहा बिताहा? तुमाआं विश्वास केतुहू कमी होय!" ताहां तिये उठीत वादुहू आन पाअयोंहों बावराअयू आन उपाड़ा बोंद ओत गोया, आन आखो ठावकोज ओत गोयो.
ताहां तें माहें जुदे बोगलाअये आन कोने वोल्ये, "ओं कोड्ली जातीइ माहुंउं होये, के वादुउ आन दोर्या बी याआ आदेश मानतेहे."
हांजे पोअ तियाआ सेला तियाआ जागे आवित कोयो, के "ओ हुंदलू जागू होये आन वाआ बी लागेहे, यां माअहुंहूं जाअहूं दे, मोन्ज्ये तें वोहतीमेहें जात कोइत जिव जिवोअ काजे रोटू वेसातू लेत लेय."
"पोन ईसु तियांहां कोयो, ते ने जाअहूं जोवे! तुमूज याहां कि तेबी खायतेहें आपा!"
तियां तियाहा कोयो, "इंहीं आमापोअ पास रोटा आन बेन मासे या वासी बिहीरो किज कायनाहां."
ईसु कोयो, "ते माआं जागे लेतावा!" ताहां तिये माअहुंहूं डोमटा पोअ बोहे तेहें कोयो, आन ते पास रोटा आन बेन मासा आथम लेत कोइत होरगाअहें पालीत देवोअ धन्यवाद कोअयो, आन रोटा मुड़ी-मुड़ीइ सेलाहां आप्या, आन सेला माअहुंहूं आप्या. जाहां आखे खात ताराईत गोये, ताहां सेला उगरीइल्या कुटकाआ बारा टोपली पोअयी. आन खानारामेएं बोईं आन पोर्ये सोड़ीत पास हाजार माटी ओता.
आन ईसु रात्र्युउ तीन ते सोव वाजता पाअयों पोअ सालतूज तियांआं जागे आयू.
ईसु शार हाजार माअहुंहूं रोटू खावाड़त्लू
ईसु तियाआ सेलाहां हाद्या आन कोयो, "माहूं या माअहुंउं गोवारा पोअ दया आवेहे, काहाके तें तीन दिहीर्येए माअरीज होये, आन यांपोअ खाअलोअ काजे किज कायनाहां, आन यांहां फुकल्येज मोकलीइलोअ माआं इश्शा कायनाहां, काहाके एहलोहो ने ओवुहूं जोवे के तें वाटेज थाकीत जाय."
सेला तियाहा कोयो, "आमुहूं या जंगलोमेहें का रोत एतुहू रोटू जोड़े के आमू एता वोडा माअहुंउं गोवाराहा तारवीत सेको?"
ईसु तियांहां फुशो, "तुमापोअ केताहा रोटा होय?"
तियां कोयो, "हांत रोटा, आन थोड़ेक हाने मासे."
ताहां ईसु माअहुंहूं पुंयींपोअ बोहे तेहें कोयो. आन तिये हांत रोटा आन मासे लेत धन्यवाद कोइत रोटा मुड्या, आन तियाआ सेलाहा आपतू गोयू, आन सेला माअहुंहूं आपता गोया. एहें कोइत आखे खात ताराइत गोये, आन सेला उगरीइल्या रोटाआ कुटका वाअहीं पोआली हांत टोपली विश्यी. खानारे बोईंन पोर्ये सोड़ीत शार हाजार माटी ओता.
मंदिरोअ फालू
जाहां ईसु आन तियाआ सेला कफर्णहुम पोता, ताहां मंदिरोअ फालू लेनारा पेत्राआ जागे आवित फुशो के, "तुमाआं गुरु मंदिरोअ फालू ने आपत्लू के?"
पेत्रे कोयो, "होव, आपत्लू."
जाहां पेत्र कोअमेहें आवयू, ताहां ईसु तियाआ फुसीइलोअ पेलुज तियाहा कोयो, "ए शिमोन तू कि विसार कोअहे? धरतीइ राजा फालू नेत कर कोडापोअ रोत लेताहा? तियांआं पोर्यापोअ के पारकापोअ?"
पेत्रे तियांहां कोयो, "पारकापोअ."
ईसु तियाहा कोयो, "ताहां बेटुह्हू कर आपिइलाम रोत वासाइत गोयू. तेबी आपावाअहीं याहां माठो ने लागुहूं जोवे, तु दोर्याअहीं जा, आन मासे माइलोअ गोली टाक, आन जो मासु पेल लागे; तियाआ सोब उगाड़ही, ताहां ताहूं एक सांदीइ रुप्यु जोड़े, तो लेत जात माआं आन ताआ बोदले तियांहां कर आपी देजी."
ईसु अंजिरोअ साड़ोहो हाराप आपत्लू
वेगीइ वेले जाहां तो होयरोअहें वोलीत आवत्लू, तेहलाम तियाहा फुख लागी. सडकेए मेरे एक अंजिरोअ साड़ देखीत तो तियाआ जागे गोयू, आन पानोवासी तियामेहें बिहीरो किज ने जोड़्यो, तिये तिया साड़ोहो कोयो, "ओमें रोत ताहूं फाशोअ फिरीत केदिहीं फल ने लागे." आन अंजिरोअ साड़ ताब्बुड़ उगाईत गोयो.
ओं देखीत सेला पोंगलाईत गोया आन तियां कोयो, "ओं अंजिरोअ साड़ ताब्बुड़ कि कोइत उगाईत गोयोहो?"
ईसु तियांहां कोयो, "आंय तुमुहूं खोरो कोहो, जर तुमू विश्वास मिकहा आन सौंसू ने कोअहा, ताहां एतोज ने कोअहा जो या अंजिरोअ साड़ोअरी कोअयोहो, पोन जर या डोगोहो बी कोहा, ‘उपटित जा, आन दोर्यामेहें जात पोड़,’ ताहां ओं ओत जाये. आन जो किबी तुमू प्रार्थनामेहें विश्वासो वाअहीं मागहा तो आखो तुमुहूं मिले."
तेताजमेहें वोडू वादुउ आयू, आन सेलकाआ नावड़ापोअ एताहा जाआं ठोकाआ वोल्या के, तिया नावड़ामेहें पाईं पोआओ वोल्यो. पोन ईसु नावड़ामेहें फासाड़ीइ वोलेहे उहुट्यापोअ मुंड मिकीत हुवया कोअतुतो. तेहेलाम सेला तियाहा जागाड़ीत कोइत कोयो, "गुरु, आपू मोअहूं कोअताहा तेबी ताहूं कायनाहां विसार आवतू के?"
ताहां ईसु उठीत कोइत वाराहा आदेश आप्यू "ठावको ओत जा!" आन पाअयोंहो कोयो, "रुकात जा!" आन वादुउ बोंद ओत गोयू आन एकदम होक आयू. ताहां ईसु तियांहां कोयो, "तुमू काहा बिताहा? तुमुहूं ओमे जाआं विश्वास कायनाहां के?"
पोन ते जुदाकाम बियाते आन एकान बिहीराहा कोना वोल्या, "वादुउ आन दोर्या बी याअ गोठी उनाअतेहे, ओ होय कोडु!"
जेहेलाम दिही वारुज डोलीत गोयू तेहेलाम सेला तियाआ जागे आवित कोइत तियाहा कोयो, "ओ हुंदलू जागू होये आन दिही बी जाअखुज डोलीत गोयुहू. माअहुंहूं वाटे लागाड़ मोन्ज्ये तें आसे-पासेए खेतोम आन गांवोंमेहें जात कोइत सोताआ काजे कि तेबी लेत खाय."
ईसु तियांहां कोयो, "तुमूज तियांहां खायतेहें काजे आपा." तियां तियाहा कोयो, "आमू तियांहां खायतेहें काजे बेन होव दीनारोअ वेसातू रोटू लेतावो के?"
ईसु तियांहां फुशो, "तुमापोअ केतुहू रोटू होय?" जावा आन पाला,
आन तियां होदीत कोइत कोयो, "पास रोटा आन बेन मासा होय."
ताहां ईसु तियाआ सेलाहां कोयो, के आखाहा रांगी-रांगीमेहें निला सारा पोअ बोहाड़ी द्या. तियाहा काजे तें होव-होव आन पोन्नास-पोन्नास जोओं एहेलिही रांग्यी कोइत बोठे. ताहरुउ ईसु पास रोटा आन बेन मासा लेत कोइत होरगाआ वोलेहे पाल्योन ताहरुउ देवोअ आभार मान्यू. आन माअहुंहूं वाटेतेहें काजे सेलाहां मुड़ीत-मुड़ीत आपतू गोयू आन बेन मासा बी वाटीत कोइत तियां आखाहा आप्या. आन बादे खात कोइत ताराईत गोये. ताहराअ सेला उगरीइल्या रोटाअ कुटका वाअहीं बारा टोपले पोइत लेदे आन मासाआ बी पुकरा टोलू कोअया. जियां रोटू खादू तियांमेहें निस्ता पास हाजार माटी ओता.
जेहेलाम तिये देख्यो के ते नावड़ो सालाड़ी-सालाड़ीइ काबरात गोयाहा, काहाके हावा तियांआं विरुद्दाम सालतीते, ताहां रातीइ शार वाजताआ वेलेए विसमेहें हुजीइला रोत पेल तो तालावो पोअ सालित तियांआं जागे आयू; काहाके तियाआ तियांआं रोत आगाड़ी जाअलोअ विसार ओतू. पोन ते तियाहा पाअयों पोअ सालत्लु पालित कोइत समज्या के पुत होय, आन आअड़ा वोल्या; काहाके आखा तियाहा पालीत कोइत काबराईत गोयाते.
पोन ताबुड़ ईसु तियांहां कोयो, "हिम्मत मिका: आंय होय; मा बिहा!" ताहरुउ तो तियांआं जागे नावड़ाम आयू, आन वारो बोंद ओत गोयो: ताहराअ ते जुदा बोगलाइत गोया.
ईसुउ शार हाजार माअहुंहूं खावाड़त्लू
तियां दिहोमेहें जाहां वोडी गोरदी एकठी ओवयी, आन तियांपोअ किज खाअलोअ ने ओतो, ताहां ईसु तियाआ सेलाहां आहने हादीत तियांहां कोयो, "माहूं यां माअहूं पोअ किइमाय आवेहे, काहाके एं माअहें तीन दिहर्येए माअरीज होय, आन यांपोअ किज खाअलोअ कायनाहां. जर आंय यांहां फुकल्येज कोअ मोकली देहीं, ताहां वाटेज थाकीत रोत जाय; काहाके यांमेर्येए कोडे कोडे ते सेटेरोत आवयेहे."
तियाआ सेला तियाहा उत्तर आप्यो, "इंहीं जंगलोमेहें एताहा रोटा कोडो का रोत लेतावे के एं ताराय?"
तिये तियांहां फुशो, "तुमांपोअ केताहा रोटा होय?"
तियां कोयो, "हांत."
ताहां तिये माअहुंहूं पुंयपोअ बोहे तेहें कोयो. आन ते हांत रोटा लेदा आन आभार मानित मुड्या, आन माअहुंहूं वाटेतेहें तियाआ सेलाहां आप्या, आन सेलहां एहलोहो कोअयो. आन तियां पोअ थोड़ेक हाने मासे बी ओते: ईसु आभार मानित कोइत तियांहां बी माअहुंहूं वाटेतेहें आपी देदे. ते खात कोइत ताराईत गोये, आन सेला उगरीइल्या रोटाआ कुटका हांत टोपले पोइत टोलू वाल्या. आन माअहें एक आंदास शार हाजार ओते; ताहां ईसु तियांहां वाटे लागाड़्ये,
अंजिरोअ साड़ोहो हाराप
बिहरे दिहे जेहेलाम ईसु आन तियाआ सेला बेथानी रोत आवताते, ताहां ईसुहू फुक लागी. ताहां तिये सेटेज रोत एक अंजिरोअ साड़ निलो निलोज देखीत कोइत आहने गोयू: पोन तिहीं तियाहा पालाआ सिवाय किज नाहां जोड़्यो; काहाके ते वेल फलवाआ कायने ओती. ईसु तिया साड़ोहो कोयो, "आज रोत ताआ फल कोडोज केदिहीं ने खाय!"
आन तियाआ सेला ओं उनाअताते.
उगाअला अंजिरोअ साड़ोअ हिकवोण
ताहराअ बिहरे दिहे वेगीइ ईसु आन तियाआ सेला तियीज वाटे रोत जाताते, ताहां तियां तिया अंजिरोअ साड़ोहो मुलम रोत ऊगाअलो देख्यो. पेत्राहा ते गोठ ओर आयी, तिये ईसुहू कोयो, "गुरु, पाल! ओं अंजिरोअ साड़ जियाहा तुमे हाराप आप्यू तों उगात गोयोहो."
ईसु तियांहां उत्तर आप्यो, "देवो पोअ विश्वास मिका. आंय तुमुहूं खोरीज कोहो के जो कोडो या डोगोहो कोये, ‘तू उपटित जा, आन दोर्या मेहें जात पोड़,’ आन तियाआ मोनो मेहें सौंसू ने कोए, पोन भरिवसू कोए के जो कोहो तो ओत जाय, ताहां तियाआ काजे तोज ओवे. तियाहा काजे आंय तुमुहूं कोहो, के जो किबी तुमू प्रार्थना कोइत मागहा, ताहां विश्वास कोइत लेजा के तुमुहूं जोड़ीत गोयो, आन तुमुहूं जोड़ीत जाय. आन जेहेलाम तुमू प्रार्थनाआं कोअते उबे रोहा, ताहां तुमाआं मोनो मेहें काविंहीं विरोध जर एकदाआ बाप्तिमेहें ओय, ताहां माफ कोआ: याअकाजे के तुमाआं होरगामेर्युउ देव बाह्हू बी तुमाआं पाप माफ कोए.
ईसुउ पेहला सेलाअ हादीइलो
एक दिही ईसु गन्नेसरेत तालावोअ जागे उबू ओतू, तेहेलाम देवोअ वसन उनाइलोअ काजे माअहोंओं गर्दी तियापोअ आवित पोडतीते, ताहां एहेलोह ओवो, के तालावोअ मेरे बेन नावड़े लागीत रोल्ये देख्ये, आन मासारा तियांपोअ रोत उतरीत जाल तुवताते. ईसु तियां नावड़ा मेहें रोत एका पोअ सोड़ीत लागू, जो नावड़ो शिमोनोअ ओतो. तियाहा मेरे रोत जारिक मांय लेत साले तेहें कोअते रावणी कोअयी. ताहां तो बोहीत माअहुंहूं नावड़ा पोअ रोत संदेश देनू वोल्यु.
जाहां तिये गोठी कोत आपिइलोअ पुरो कोअयो, ताहां शिमोनोहो कोयो, "नावड़ो उंडे लेत साल आन तु आन ताआ हाती नेहें मासे तोइलाअ काजे जाल टाका."
शिमोने तियाहा उत्तर आप्यो, "मालिख, आमू पुरी रात पोइत कठीण मेहेंनत कोअयी आन किज ने तोअयो; तेबी तु कोतुय ताहां आंय जाल टाकी देहो." जाहां तियां एहलोहो कोअयो, ताहां जाअखीलेहें मासे केंडवारीत लेत आवया आन तियांआं जाल फाटी वोल्यी. तिहींइरी ते तियांआं हात्योहों जे बिहीरा नावड़ा मेहें ओता, तियांहां आवित कोइत मदत कोए तेहें काजे हानकारी देदा, आन तियां आवित कोइत बेनू नावडे एतेहे जाआं पोइत लेदे के ते बुडे वोल्ये. ओं पालित शिमोन पेत्र ईसुहू मांड्या पोड़ीत वोंदु वोल्यु आन कोयो, "ए प्रभु, माआं आहने रोत सेटे जातु रो, काहाके आंय पापी माहुंउं होय!"
काहाके एतेहे मासे आये के, तो आन तियाअरीइ हाती बोगलात गोया; आन तेहेंज कोइत जब्दीइ बेटाह्हा याकोब आन योहान जे शिमोनोअ हाती ओता, ते बी बोगलात गोया. ताहां ईसु शिमोनोहो कोयो, "मा बिही, ओमे रोत तू माअहोंहों जिवतेज तोअया कोअही."
आन ते नावड़ाहां मेरे पोअ लेतावया आन आखो सोड़ीत कोइत ईसुउ फासाड़ी साला वोल्या.
ईसुउ वादुहू ठावको कोइलाअ
ताहरुउ एक दिही ईसु तियाआ सेलांअरी नावड़ामेहें गोयू आन तिये तियांहां कोयो, "साला, आपू तालावोअ तियी मेरे जात्ला." ताहां ते तो नावड़ो लेत गोया. पोन जाहां ते नावड़ो सालाड़ताते, ताहां ईसु हुवित गोयू: आन तालावोम वारो आन वादुउ आयू, आन नावड़ो पाअयों वाअहीं पोआओ वोल्यो, आन ते आखा वोडी आफोतोम पोड़्या. ताहां ते ईसुउ जागे जात कोइत तियाहा जागाड़ताज कोना वोल्या, "मालिख, मालिख! आपू मोइत जाअहूं कोअताहा."
ताहां ईसु उठीत कोइत वादुहू आन पाअयोंअ सेलकाहां आदेश आप्यू आन तें शांत ओत गोये, आन तिहीं होक आवित लागू. ताहां तिये सेलाहां कोयो, "तुमाआं विश्वास खोतू?"
पोन ते बित गोया आन पोंगलात गोयाते आन ताहराआ एकान-एकाहा कोना वोल्या, "पोन ओ होय तेबी कोडू? जो वादुहू आन पाअयोंहों बी आदेश देहे, आन ते तियाआ मानतेहे?"
ईसुउ वादुहू ठावको कोइलाअ
ताहरुउ एक दिही ईसु तियाआ सेलांअरी नावड़ामेहें गोयू आन तिये तियांहां कोयो, "साला, आपू तालावोअ तियी मेरे जात्ला." ताहां ते तो नावड़ो लेत गोया. पोन जाहां ते नावड़ो सालाड़ताते, ताहां ईसु हुवित गोयू: आन तालावोम वारो आन वादुउ आयू, आन नावड़ो पाअयों वाअहीं पोआओ वोल्यो, आन ते आखा वोडी आफोतोम पोड़्या. ताहां ते ईसुउ जागे जात कोइत तियाहा जागाड़ताज कोना वोल्या, "मालिख, मालिख! आपू मोइत जाअहूं कोअताहा."
ताहां ईसु उठीत कोइत वादुहू आन पाअयोंअ सेलकाहां आदेश आप्यू आन तें शांत ओत गोये, आन तिहीं होक आवित लागू. ताहां तिये सेलाहां कोयो, "तुमाआं विश्वास खोतू?"
पोन ते बित गोया आन पोंगलात गोयाते आन ताहराआ एकान-एकाहा कोना वोल्या, "पोन ओ होय तेबी कोडू? जो वादुहू आन पाअयोंहों बी आदेश देहे, आन ते तियाआ मानतेहे?"
ईसुउ पुत लागला माहुंहूं हुदारीइलो
ताहराआ ईसु आन तियाआ सेला गालीलोअ दोऱ्याआ सामने गेरासेनेए देसोम पोता.
जेहेलाम दिही डोलु वोल्यु, तेहेलाम बारा सेला तियाआ जागे आवित तियाहा कोयो, "गर्दीही जाअहूं दे, ताहां तें आसे-पासेए गावोंम आन वोहतीमेहें जात कोइत रुकाय आन रोटाअ सोय कोए, काहाके आपू इंहीं हुंदली जागेहे होय."
पोन ईसु तियांहां कोयो, "तुमूज यांहां खाय तेहें आपा."
तियां कोयो, "आमापोअ पास रोटा आन बेन मासाआ सिवाय किज कायनाहां; जर ताआ इश्शा ओय ताहां आमू रोटू वेसातु लेत आवो के?" तें एक आंदास पास हाजार एतेहे माअहें ओते.
ताहां ईसु तियाआ सेलाहां कोयो, "यांहां पोन्नास-पोन्नास एतेहे रांगीमेहें बोहाड़ी द्या."
ताहां तियां तेहेंज कोअयो, आन आखाहा बोहाड़ी देदे. ताहां ईसु ते पास रोटा आन बेन मासा आथोम लेदा, होरगाअहें पालित कोइत आभार मानित कोइत मुड़ीत-मुड़ीत माहुंहूं वाटेतेहें काजे सेलाहां आपतू गोयू. ताहां आखे माअहें खात कोइत ताराअये, आन सेला उगरीइल्या कुटका विसीत बारा टोपले पोअये.
काना होयरोम वेहवाल
तिसरा दिहोमेहें गालीलोअ काना होयरोमेहें कोडाआ तेबी वेहवाल ओतो, आन ईसुउ आयही बी तिहीं ओती. ईसु आन तियाआ सेलां बी तिया वेहेवालोम आयाते. जेहेलाम दाराक्शाआ रोह सेलाइत गोयू, ताहां ईसुउ आयही तियाहा कोयो, "तियां पोअ दाराक्शाआ रोह सेलाइत गोयू."
ईसु तियीही कोयो, "ए बाय, ओं तु माहूं काहा कोतापेहे? माआं वेल ओमे नाहांजी आयी."
तियाआ आयही, सेवकोहों कोयो, "ओ जों कोय, तोज तुमू कोअजा."
तिहीं पाईं पोइलाआ डोणोअ सोव कुंडे मिकीत रोयेते, एं या उद्देशोवाअहीं मेक्येते के, यहुदी कायदाअ पुरमाणे सोकायीइ काजे कामोमेहें लागाड़ीत सेके. हारेक कुंडामेहें एहेलोहो 80 ते 120 लिटर जाआं पाईं होमाअतोतो. ईसु सेवकोहों कोयो, "कुंडामेहें पाईं पोई द्या." आन तियां सेवकहों कुंडाहां सिकार पोई देदे. फाशोअ तिये तियांहां कोयो, "ओमे जारिक पाईं काडा आन रांदीणक्याआ मुख्याआ जागे लेत जावा." आन ते तियाहा लेत गोया. जेहेलाम रांदीणक्याआ मुख्ये तों पाईं साकीत पाल्यो, जों दाराक्शाआ रोह बोणीत गोयोतो आन ने मुंदू ओतू के तो का रोत आयुहू, पोन जियां सेवकों पाईं काड्योतो, तियांहां मुंदू ओतू, ताहरुउ रांदीणक्याआ मुख्ये वोरोहो हाद्यू, आन तियाहा कोयो, "हारेक माहुंउं पेल हाजू दाराक्शाआ रोह वाटेहे, आन जेहेलामेहें माहें पित कोइते साकीत जातेहे, तेहेलामेहें मध्याममेर्युउ दाराक्शाआ रोह आपतेहे; पोन तुमे तोम हाजू दाराक्शाआ रोह ओमे जाआं वासाड़ीत मिक्युहू."
ईसु गालीलोअ काना होयरोमेहें तियाआ ओ पेल्लूउ समत्कार देखाड़ीत कोइत तियाआ महिमा देखाड़्यी, आन तियाआ सेलहां तियापोअ विश्वास कोअयू.
तिये ए गोठ फिलीप्पोहो फारकीइलाअ काजे कोयी, काहाके तो सोताहा जांअतुतो के तो कि कोअनारु होये.
फिलीप्पे तियाहा उत्तर आप्यो, "बेन होव सांदीइ रुप्याआ रोटा वेसाता लेय आन हारेक जोओंहों थोड़ थोड़ा बी आपे, तेबी पुगी ने आवे."
तियाआ सेलामेर्युउ शिमोन पेत्राआ पाही आंद्रिये तियाहा कोयो, "इंहीं एक पोर्यू होये जिया पोअ जवोअ पास रोटा आन बेन मासा होये; पोन एता माअहोंअ काजे ते काहा पुरेमे?"
ईसु कोयो, "माअहोंहों बोहाड़ी द्या." तियी जागेहे जाअखीलोह खोड़ ओतो: ताहां आखे माअहें बोहीत गोये; जियांमेहें एका आंदासोवाअहीं माट्योंअ गणती पास हाजार ओती. ताहरुउ ईसु आथोमेहें रोटू लेदू, आन देवोहो धन्यवाद आपीत कोइत तिहीं बोहनारा माअहोंहों वाटी देदू; आन तेहेंज कोइत मासे बी वाटी देदे, आन तियांहां जेते जोवे तेतेहे जोड़्ये. जेहेलाम ते खात कोइत ताराइत गोये, ताहां तिये तियाआ सेलाहां कोयो, "उगरीइल्या कुटका हाटवीत ल्या के किज वाया ने जाअहूं जोवे." ताहराअ तियां हाटव्या, आन पास जवोअ रोटाअ कुटका वाअहीं जे खानारापोअ रोत उगर्याते, बारा टोपले पोआये.
जेहेलाम ते पास सोव किलो मिटर जाता रोया, ताहां तियां ईसुहू दोर्याआ पाअयों पोअ सालित कोइत नावड़ाअहें आवत्लू देख्यू, आन ते बित गोया. ईसु तियांहां कोयो, "आंय होंव, मा बिहा." ताहराअ ते तियाहा नावड़ामेहें बोहाड़ीलोअ काजे तियार ओवा, आन ताबुड़ तों नावड़ो तियी मेरे जात पोत्यो जिहीं तियांआं जाअलो ओत्लो.
ईसुउ हांत सेलाहा दर्शन
यीं गोठीइ फासाड़ी ईसु सोताहा तिबिरियास दोर्याअ मेरे सेलाहां दर्शन आप्यो, आन तो एहें कोइत आप्यो: शिमोन पेत्र, आन थोमू जो जेड़ख्यू कोवाअहे, आन गालीलोअ कानावालू नथनेल, आन जब्दीइ पोऱ्या, आन ईसुउ सेलामेर्याआ बेन जोओं मिलीत आखा टोलू वोलीत रोयाते. शिमोन पेत्रे तियांहां कोयो, "आंय मासे तोऊ जाहो."
तियां तियाहा कोयो, "आमू बी ताअरी आवताहा." ताहराअ ते निहीत कोइत नावड़ाम बोठा, पोन तियी राती किज ने तोअयो. हुजता हुजता ईसु पाअयोंअ मेरे आवित उबू रोयू; तेबी सेलहां ने ओलख्यु के ओ ईसु होय. ताहां ईसु तियांहां कोयो, "पोर्यां, केहें तुमापोअ वाजीहीं मासे होय के?"
तियां उत्तर आप्यो, "कायने."
तिये तियांहां कोयो, "नावड़ाअ हाजाड़्यीइ वोल जाल टाकहा ताहां तुमुहूं कि तेबी मिले." ताहराअ तियां जाल टाक्यी, आन ओमे मासे जाअखीलेहे तिहीं वाअहीं जालेहे खेसीत ने सेका.
ताहां तिये सेले जियापोअ ईसु मेर कोअतुतो, पेत्राहा कोयो, "ओ ते प्रभु होय!" शिमोन पेत्रे ओं उनाइत कोइत के तो प्रभु होय, कंबरेएरी साअको बांदीत लेदो, काहाके तो उगड़ाअलुज ओतू, तालावोमेहें उडीत पोड़्यु. पोन बिहीरा सेला नावड़ापोअ मासावाअहीं पोआली जाल खेसता खेसता आया, काहाके ते मेरेपोअ रोत वादार सेटे ने ओता, पोन एहेलाहा एक होव मिटर सेटे ओय. जेहेलाम ते मेरेपोअ उतर्या, ताहां तियां आराआ आग आन तियीपोअ मासे मिकल्ये, आन रोटू देख्यू. ईसु तियांहां कोयो, "जे मासे तुमू ओमे तोअयेहे, तियांमेर्येए थोड़ेक लेतावा."
ताहां शिमोन पेत्र नावड़ापोअ सोढ़ीत कोइत 153 वोडे मासावाअहीं पोआली जाल मेरेपोअ आपक्यी, आन एवडे मासे ओते तेबी जाल नाहां फाट्यी.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
एका मुख्य सिपायड़ाआ विश्वास
जेहेलाम ईसु कफर्णहुमोमेहें आयू, ताहां एक रोमी सिपायड़ाआ आधिकार्ये तियाआ जागे आवित कोइत तियाहा रावणी कोअयी, "प्रभु, माआं पावर कोअमेहें लखवाअ बिमारी वाअहीं जाअखीलुहू मांदवाड़्यु होये."
ईसु तियाहा कोयो, "आंय आवित कोइत तियाहा हुदारीहीं."
सिपायड़ाआ आधिकार्ये कोयो, "प्रभु, तू माआं कोअ आवे एहेलिही मामेहें लायकी कायनाहां, पोन फक्त सोबीवाअहीं एतुज कोत देही, तेबी माआं पावर हुदरीत जाय. काहाके आंय बी वोडा आधिकार्योंअ निसे रोहो, आन माआं आथोअ निसे बी सिपायडां होये. जेहेलाम तियाहा आंय कोत्लू, ‘जा!’ ताहां तो जात्लू; आन बिहीराहा कोत्लू, ‘आव!’ ताहां तो आवत्लू; आन जेहेलाम माआं पावरोहो कोत्लू, ‘ओं कोअ’ ताहां तो कोअत्लू."
ए गोठ उनाइत कोइत ईसु पोंगलात गोयू, आन जें माहें तियाआ फासाड़ी आवतेते तियांहां कोयो, "आंय तुमुहूं खोरीज कोहो, इस्राएलोमेहें बी एहेलुहू विश्वास माहूं नाहां देखुहूं जोड़्यू. फाशुउ आंय तुमुहूं कोहो के, दिही उगताआ वोगेहे आन दिही बुड्ताआ वोगेहे रोत जाअखीलेहे जोएं आवे, आन होरगाआ राजोमेहें अब्राहाम, इसाहाक, आन याकोबोअ पांगातीम बोहे. पोन राज्याआ पोर्ये बाअथे आंदारामेहें टाकी देवाय, जिहीं रोड़ीइलो आन दात कोकरावीइलोअ रोय." ताहां ईसु तिया सिपायड़ाआं आधिकाऱ्योहो कोयो, "कोअ जा, जेहलुहू ताआ विश्वास होय, तेहलोज ताआ काजे ओत जाये." आन तियाआ पावर तेतीज वेले हुदरीत गोयू.
ईसु पुते लागला बेन माअहोंहों हुदारत्लू
जाहां ईसु तियी तोड़े गदरेकर देसोमेहें पोतू, ताहां बेन माअहें जियांमेहें पुते ओते, तें माहणोमेहें रोत निहींत आवत्लेज तियाहा मिल्ये. तें जुदे जोराखे उठतेते, तिहीं वाअहीं कोडोज तियी वाटे जाआं ने सरकीत सेकतोतो. तियां आअड़ीत कोयो के, "ए देवोअ बेटाह्हा, आमाआं ताअरी कि काम? केहें तू वेलेए पेल आमुहूं दुख देनू इंहीं आयुहू?"
तियांआं जागे रोत थोड़ीक सेटे एक वोडू भुंडड़ाआ गोवारु सोरतुतो. ताहां तियां पुतों ईसुहू रावणी कोइत कोयो, "जर तू आमुहूं काडतुये, ताहां फोला भुंडड़ाआ टोलामेहें आमुहूं मोकली दे."
ईसु तियांहां कोयो, "जावा!" ताहां तें निहींये आन भुंडड़ाआ टोलामेहें जात फोहीत गोये. आन आखा भुंडड़ाआ गोवारु तुदडू मिकीत टेकोपोअ रोत दोर्यामेहें जात पोड़्यू आन बुडीत मोयु.
भुंडड़ाआ सारवाली होयरोमेहें गुगदा वोल्या आन तियां तिया पुते लागला माहुंउंरी जो किबी ओवो तो आखो जात कोइत परसार कोइ देदो. ताहां होयरोमेर्येए आखे माअहें ईसुहू मिले आये; आन जाहां तियां तियाहा देख्यू, ताहां तियां ईसुहू रावणी कोइत तियांआं मुलखो मेहें रोत निहींत जाय तेहें कोयो.
ईसु एका मुकाहा हुदारत्लू
जाहां ते बाअथे जाताते, तेहेलाम थोड़ेक माअहें एका पुत लागला मुकाहा ईसुउ जागे लेतावये. आन जाहां तिया पुतोहो काडी देदू, ताहां मुको गोगो वोल्यो, आन आखे माहें बोगलाइत गोये, आन कोने वोल्ये के, "आमू एहलोहो इस्राएलोमेहें कोयोंज नाहां देख्यो."
ईसु आन बालजाबुल
ताहां माअहें एक आंद्ला-मुकाहा ईसुउ जागे लेतावये, जियामेहें पुत ओतू; ईसु तियाहा हुदार्यु, आन तो पालु वोल्यू आन गोगु वोल्यू.
एकी बायीइ विश्वास
ईसु तिहीं रोत निहीत, सुर आन सिदोन मुलखोअ वोगेहे जातु रोयू. तिया मुलखोमेहें रोत एक कनानी बाय निठी, आन आअड़ीत कोनी वोल्यी, "ए प्रभु! दाविदोअ पोर्या, मापोअ दया कोअ! माआं बेटिह्हीही पुत जाअखीलुहू तारास देहे."
पोन ईसु तियीही किज उत्तर ने आप्यो, ताहां तियाआ सेला आवित तियाहा रावणी कोअयी, "यिही वाटे लागाड़, काहाके ए आपाआ फाटी आअड़ीतीज आवेहे."
ईसु उत्तर आप्यो, "आंय इस्राएलोअ घराणाआ टाकाअला मेडाआ काजे एतुज आयुहू."
पोन ते बाय आवयी, आन ईसुहू पागे पोड़ीत कोनी वोल्यी, "प्रभु माहूं मदत कोअ."
ईसु उत्तर आप्यो, "पोर्याआ रोटू तोइत हुंणाआं आगाड़ी टाकीइलोअ नाहां हाजो."
तियी कोयो, "खोरो होय प्रभु, पोन हुंणे बी तोम तियांआं मालख्योअ टेबलोपोअ रोत वेराअला रोटाआ सुउवूउ विसीत खातेहे."
ताहां ईसु तियीही उत्तर आप्यो, "ए बाय ताआ विश्वास वोडू होय. जेहलीही ताआ इश्शा तेहलोज ताआ काजे ओत जाअहूं जोवे." आन तियीइ बेटिह्ही तेताजमेहें हुदरीत गोयी.
ईसु पुत लागला पोर्याहा हुदारत्लू
जाहां ते गर्दीइ जागे पोत्या, ताहां एक माअहुंउं तियाआ जागे आयो, आन पागे पोड़ीत कोनो वोल्यो, "प्रभु, माआं पोर्यापोअ दया कोअ! काहाके याहा फेपरो आवेहे, आन तो खुब तारास कोअहे, आन ताल-ताल आगीमेहें आन ताल-ताल पाअयोंमेहें टुटीत पोडेहे. आंय ताआ सेलाआ जागे लेत गोयूतो, पोन ते तियाहा हाजो ने कोइत सेक्या."
ईसु उत्तर आप्यो, "ए विण विश्वासोवालां आन कोंबड़्या माअहों, आंय तुमाअरी कोयों जाआं रोंव? कोयों जाआं तुमाआं वेठो? या पोर्याहा माआं जागे लेतावा." ताहां ईसु पुतोहो आदेश आप्यू, आन तो पुत तियामेहें रोत निहीत गोयू; आन तो पोर्यू तियीज घेड़ी हुदरीत गोयू.
तेहेलाजमेहें, तियांआं आराधनालयोमेहें एक माहुंउं ओतो, जिया मेहें एक खाराब आत्मा ओती. तिये आअड़ीत कोइत कोयो, "ए ईसु नासरेथवाला, तू आमाआं विसमेहें काहा पोडेहे? तू आमुहूं आरवीत टाकू आवयुहू के? तू कोडू होय तो माहूं मुंदू होय, तूज तोम देवोअ पवित्र संदेश लेतावनारु होय!"
पोन ईसु तियाहा बावरात कोयो, "ठावको रो, आन या माट्योमेहें रोत निहीं!"
ताहरीइ ते खाराब आत्मा तियाहा पिल्लित कोइत आन जोरेज आअड़ीत कोइत तिया मेहें रोत निहींत गोयी.
ईसु पुते लागला माहुंहूं हुदारत्लु
ईसु आन तियाआ सेला तालावोअ तियी वोगेहे गेरासेनेवालाआं मुलखो मेहें पोत्या. आन जेहलामेहें ईसु नावड़ा मेहें रोत उतर्यू ताहां लगेज एक माहुंउं जियामेहें खाराब आत्मा ओती, तो माहणोमेहें रोत निहीत तियाहा मिल्यो. तो माहणोअहीं रोतोतो आन कोडो तियाहा हाकले वाअहीं बी ने बांदीत सेकतोतो, काहाके वारुज वाआ तियाआ आथेन गुडा हाकले वाअहीं बांद्याते, पोन तिये हाकलेहे बी तोड़ी देदीते, आन बेड़ीइ बोटकान- बोटका कोइ देदाते, आन तियाहा गाठाड़ीलोअ सेक्ती कोडाजमेहें ने ओती. तो तालताल रातेन दिही माहणोमेहें आन डोगो मेहें आअड़ीतो फिरतोतो, आन तिया तियाआज डोणो वाअहीं वाडीत लेतोतो.
तो ईसुहू देखीत सेटेज रोत गुगद्यू, आन तियाआ पागे पोड़्यु. आन जोरेबी आअड़ीत कोयो, "ईसु, आखाम रोत वोडा देवोअ बेटाह्हा, माअरी ताआ कि काम? आंय ताहूं देवोअ शप्पत आपीत कोहो, के माहूं डोंड मा आपीही." काहाके ईसु तियाहा कोयोतो, "ए खाराब आत्मा, या माअहूंमेहें रोत निहीत आव."
ईसु तियाहा फुशो, "ताआ कि नाव होय?"
तिये माअहें कोयो, "माआं नाव सैन्य होय; काहाके आमू जाअखा होय." आन तिये ईसुहू खुब रावणी कोअयी, "आमुहूं या मुलखोमेहें रोत बाअथे मा मोकलिही."
तिहीं डोगो पोअ भुंडड़ाआ एक वोडू गोवारु सोरतू तो. आन तियां खाराब आत्मा ईसुहू रावणी कोइत कोयो, "आमुहूं फोलां भुंडड़ामेहें मोकली दे, के आमू तियांआं मांयते जांव." ताहां ईसु तियांहां हुकूम आप्यू आन खाराब आत्में निहीत भुंडड़ामेहें फोहीत गोये आन तो गोवारु एक आंदास बेन हाजारोअ ओतू, टेकोपोअ रोत तालावोम पोड़्ये आन बुडीत मोये.
आन भुंडड़ाआ सारवाली गुगदिइताज सेरोमेहें आन गांवोंम खबर कोयी, आन जो ओवल्यो तो, माअहें तियाहा पाले आवये.
पोन तुमू सिकाड़ताहा के जर कोडो तियाआ आब्हाहा नेत आयहीही कोये, जो किबी ताहूं मावाअहीं लाभ ओत सेकतुतो, तो आंय देवोहो भेट कोइलोअ ठरव्योहो. ताहां तुमू तियाहा तियाआ आयहीइ नेत आब्हाआ किज मदत नाहां कोअहूं देता. एहें कोइत तुमू तुमाआं रितीरिवाजो वाअहीं, जियांहां तुमू ठरव्याहा, देवोअ वसन टाली देताहा आन एहलेहे वारुज कामे होय जे तुमू कोअताहा."
माअहुंहूं एठी बोणावनारी गोठ
ताहां ईसु माअहुंहूं तियाआ जागे हादीत तियांहां कोयो, "तुमू आखा माआं उनाआ, आन समजा. एहलीही कोड्लीज वस्तु कायनाहां जे माअहूंमेहें बारथे रोत मांयते जात कोइत तियाहा एठो बोणावे; पोन जे गोठी माअहुंउं मांयते रोत निहींतिही, तेज गोठी तियाहा एठो बोणावेहे.
एकी बायीइ विश्वास
ताहरुउ ईसु तिहीं रोत ऊठीत कोइत सुर आन सैदाआ देसोमेहें आयू; आन एका कोअमेहें गोयू आन तियाआ विसार ओतू के कोडाहाज ने मुंदू जाअहूं जोवे; पोन तो निकाइत ने सेकू. आन तेताज मेहें एक बोंईं जियीइ हानीइली पोर्यीमेहें खाराब आत्मा ओती, ईसुउ सर्सा उनाइत कोइत आयी, आन तियाआ गुडाआ जागे बोहीत पोड़्यी. एक बिगर यहुदी जातीइ बाय आन तियीइ जल्म सुरुफिनीकी मेहें ओवोतो. तियी ईसुहू रावणी कोअयी के, "माआं पोर्यीमेहें रोत पुतोअ आत्मा काडी दे." तिहीं पोअ ईसु कोयो, "पेल पोर्याहा ताराअहूं दे, काहाके पोर्याआ रोटू हुंणाआं आगाड़ी टाकीइलू ओं कांय बोराबर कायनाहां."
पोन तियी तियाहा उत्तर आप्यो, "मालिख, हुंणे बी तोम पोर्याआ आथोम रोत वेराअलू सुअवूउ खात्ले."
ईसु तियी बायीही कोयो, "ताआ या उत्तरो वाअहीं जा, ताआ पोर्यीमेहें रोत पुतोअ आत्मा निहींत गोयीही."
ताहरीइ ते कोअ आयी तेहेलाम तियीइ पोर्यी खाट्लापोअ लोटीत रोल्यी आन तियी मेहें रोत पुतोअ आत्मा निहींत गोयीही, एहेलिही तियी देख्यो.
गर्दी मेर्येए एके जोएं उत्तर आप्यो, "गुरु, आंय माआं पोर्याहा ताआ जागे लेतायुहू, काहाके यामेहें मुकी आत्मा होय. जिहीं काबी ते तियाहा तोअहे, तिहींज आसाटी देहे: आन तो सोबीमेहें फेबद्रुउ वाली देहे आन दात कोकरावेहे, आन आखड़ात जाहे. आंय तियाहा काडे तेहें कोत ताआ सेलाहां बी कोयो, पोन ते तियाहा काडीत ने सेक्या."
ईसु तियांहां कोयो, "ए बिगर विश्वासी माअहूं, आंय तुमाआं आरी कोयों जाआं रोंव? आन कोयों जाआं तुमाआं वेठ्या कोओ? पोर्याहा माआं जागे लेतावा." ताहां ते तियाहा ईसुउ जागे लेतावया:
आन जाहां तो आत्मा ईसुहू देख्यू, ताहां तिये तिया पोर्याहा ताबुड़ पिल्ली देदो; आन तो पुंयींपोअ पोड़्यो, आन सोबी मेहें फेबद्रुउ वालतोज ओंअडो वोल्यो. तिये तियाआ आब्हाहा फुशो, "याआ ए दशा कोयों रोत होय?"
तिये कोयो, "हानू रोत. तिये याहा आरवीइलाअ काजे केदिहीं आगी मेहें आन केदिहीं पाअयों मेहें टाक्यु; पोन जर ताहूं बी ओत सेकतोय, ताहां आमा पोअ किइमाय कोइत आमा पोअ उपकार कोअ."
ईसु तियाहा कोयो, "जर ताहूं बी ओत सेकेहे? ए कि गोठ होय! भरिवसू कोअनाराअ काजे आक्खोज ओत सेकेहे."
पोर्याआ बाह्हू ताबुड़ रोड़ी रोडीइ कोयो, "प्रभु, आंय भरिवसू कोअहो, माआं अविश्वासोहो काडी दे!"
जेहेलाम ईसु पाल्यो के माअहें गुगदा गुगद कोअते गर्दी कोअतेहे, ताहां तिये खाराब आत्माहां एहें कोत कोइत धमकी आप्यी, "ए मुकी आन बोयरी आत्मा, आंय ताहूं आदेश आपोहो, तियाम रोत निहीत जा, आन फाश्यी तियामेहें केदिहींज मा फोहीही."
ताहरीइ ते आअड़ीत कोइत आन तियाहा मुउडीत कोइत, निहीत गोयी; आन पोर्यू मोल्याआ हारकु ओत गोयू, आन वारुज माअहें कोने वोल्ये के तो मोइत गोयू. पोन ईसु तियाआ आथ तोइत कोइत तियाहा उठाड़्यु, आन तो उठीत उबू रोयू.
ईसु वारुज माहुंहूं हुदारत्लु
ईसु यहुदी आराधनालयोम रोत निहीत शिमोनोअ कोअ गोयू. शिमोनोअ हावेह्हे जाअखी जोराअरी ओती, आन तियां तियाहा विनंती कोअयी. ईसु तियीइ आहने उबू रोत जोराहा बावराअयू, आन जोरु उतरीत गोयू, आन ते ताबुड़तुड़ उठीत कोइत तियांआं सेवा-साकरी कोइ वोल्यी.
जाहां ईसु तालावोअ मेरे उतर्यू, ताहां तिया होयरो मेर्योअ पुतें लागलो एक माहुंउं तियाहा मिल्यो, जाअखीलाहा दिही ओत गोयाते तिये आंगड़े ने पेवयेते आन कोअमेहें बी ने पोन माहणोमेहें रोया कोअतोतो. तो ईसुहू देखीत किगल्यो आन तियाआ गुडाअहीं निसे पोड़ीत, जोरमेहें आअड़ीत कोयो, "ए ईसु, वोडाम वोडा देवोअ बेटाह्हा, ताआन माआं की लेणो-देणो? आंय ताहूं रावणी कोअहो के, माहूं तारास मा देही." काहाके ईसु तिया एठा आत्माहां तिया माहूंम रोत निहीत जाय तेहें आदेश आपतुतो, माहें तियाहा ताल-ताल हाकले वाअहीं आन बेड़ी वाअहीं बांदतेते, तेबी तिया बांद्ल्याहा तों तोड़ीत टाकतोतो आन पुत तियाहा जंगलो मेहें लेत फिरतुतो.
ईसु तियाहा फुशो, "ताआ नाव कि होये?"
तिये कोयो, "सैन्य" काहाके जाअखीलेहें पुतोअ आत्में तियामेहें फोहीत रोयेते. आमुहूं उंडा खायाराम जाअलोअ आदेश मा आपिही कोत तियां पुतों ईसुहू रावणी कोअयी.
तिहीं भुंडड़ाआ एक वोडु टोलू सोर्या कोअतुतो, तियाहा कोत ते पुतें तियां भुंडड़ामेहें फोहीइलो काजे रावणी कोअयी. आन तिये तियांहां जाअहूं देदे. ताहां तें पुतें तिया माहूंमेहें रोत निहींत कोइत भुंडड़ामेहें गोये, आन तो भुंडड़ाआ टोलुज डोगोअ तोड़ी पोअ रोत उडीत वोडा तालावोमेहें पोड़्यू आन बुडीत मोयू.
ते सारवाली ओं देखीत कोइत नाठा आन होयरोम आन गाँवोम जात कोइत ए बातमी कोत देदी. ताहां माअहें कि ओवलो तो पाले निहींये. आन जिया माहूंमेहें रोत पुते निठेते, तियाहा ईसुउ गुडाअहीं सुद्दीपोअ बोहीत रोल्यो देखीत कोइत बिये.
आंय तुमुहूं खोरीज कोहो के, जें इंहीं उबे रोयेहे, यांमेएं थोड़ेक जोएं एहेलेहे के जें देवोअ राज ने देखीत लेय, ताअहूं जाआं मोत ने देखे."
ईसुउ ओवतार बोदलीइलो
ए गोठी ओवी तिहीं रोत एक आठीवड़ाआ फासाड़ी ईसु पेत्र, योहान आन याकोबोहो आरी लेत कोइत प्रार्थना कोइलो काजे एका डोगोपोअ गोयू. जेहेलाम तो प्रार्थना कोअयाज कोअतुतो, तेहेलाम तियाआ मुखोअ रुप बोदलात गोयू. तियाआ आंगड़ो आसो-आसोज ओत कोइत सोमको वोल्यो. तेताज मेहें बेन माटी मोशे आन एलिया, तियाअरी गोठी कोअताते. ते होरगाआ महिमा मेहें देखाअया, आन ईसुउरी तियाआ मोइलाअ बाप्तिमेर्यीइ गोठी कोअताते, जे येरुसालेमो मेहें ओवनारी ओती.
आन जाहां पेत्र आन तियाआ हात्योओं नींद जागी, ताहां तियां ईसुउ महिमा देख्यी आन तियाअरी बेन माटी उबा रोयाते, तियांहां बी देख्या. जाहां ते तियाआ जागे रोत जाना वोल्या, ताहां पेत्रे ईसुहू कोयो, "प्रभु ओं केतोह हाजो होये के आपू इंहीं रोंव: ताहराआ आमू तीन तंबा बोणावहूं, एक ताआ काजे, एक मोशेए काजे आन एक एलियाअ काजे." तो कि कोहे तो तियाहाज ने मुंदू ओतू.
ताहां पाला, गर्दीमेहें रोत एक माहुंउं आअड़ीत कोइत कोयो, "गुरु! आंय ताहूं रावण्या कोअहो के माआं पोर्याअहें बी पालेए, काहाके ओ माआं एकुज पोर्यू होय! आन पाल, उसकाहीज एक आत्मा आवित याहा तोअत्ली, आन ओ उसकाहीज आअड़ीत उठत्लू आन ते आत्मा तियाहा एहेलिही मुअड़ीइत्ली के ओ सोबी मेहें रोत फेबद्रुउ काडु वोलत्लू, आन याहा ते एहेलिही फोपड़ावत्ली के याहा हांहतीही सोड़ीत जात्ली. आंय ताआ सेलाहां रावणी कोअयी, पोन ते काडीत ने सेक्या."
ईसु उत्तर आप्यो, "ए बिगर विश्वासी आन भटकीइल्या माअहूं, आंय कोयों जाआं तुमाअरी रोत वेठतू रोंव? ताआ पोर्याहा इंहीं माआं जागे लेताव."
तो पोर्यू आवयाज कोअतुतो तेताजमेहें पुते तियाहा आसाटीत कोइत मुअड़्यू, पोने ईसु तिया पुतोअ आत्माहां बावराअयू आन पोर्याहा हुदारीत कोइत तियाआ आब्हाआ आथम होपी देदू. ताहां आखे माअहें देवोअ वोडी सेक्ती देखीत कोइत बोगलाइत गोये.
ईसु तियाआ मोइलाअ बाप्तिम फाशोअ कोअलोअ.
पोन जेहेलाम ते आखे माअहें ईसु कोअत्लू तें वोडे कामें पालित कोइत बोगलाइत गोयेते, ताहरुउ ईसु तियाआ सेलाहां कोयो,
ईसु आन बालजाबुल
जाहां ईसु एका मुका पुतोहो काडतुतो, आन तो पुत निहींत गोयू, तेहेलाम तों माहुंउं गोगो वोल्यो; आन तें माहें बोगलात गोये.
आन तियांमेर्येए एके जोएं मुख्य पुंजाराआ पावरो पोअ तारवाआ वापरीत हाजाड़्यू कान साटकीत उडाड़्यू.
पोन ईसु कोयो, "ओमे बास कोआमें!" आन तियाआ कानोह आथ लागाड़ीत हुदारी देदू.
जाहां योहानोअ मोकल्यीइल्या माटी जाता रोया, ताहां ईसु योहानोअ बाप्तिमेहें गर्दीही कोनु वोल्यू, "तुमू रानम कि पाला गोयाते? वाराअरी आलनारा बुआंहां के? ताहां कि पाला गोयाते? मोवे आन हाजे साअके पेवीत रोनारा माहुंहूं के? जें माअहें बाहरीमेर्येए साअके पेवीत रोतेहे, आन मोज्यादान वालित रोतेहे, तें तोम राजमहालोम रोतेहे." ताहराआ कोवा, कि पाला गोयाते? के एखा भविश्यवक्ताहा? होव! आंय तुमुहूं कोहो के, तुमू जियाहा देख्युहू तो एखा भविश्यवक्ता रोत वादार होय. ओ तोज होय जियाआ बाप्तिमेहें लेखाअयोहो: देवे कोयो, आंय ताआ आगाड़ी माआं खबर्याहा मोकलोहो,
तो ताआ रोत आगाड़ी वाट बोणावे.
आंय तुमुहूं कोहो के, "बोईंप रोत उब्ज्येहें तिहीं मेहें योहानो रोत वोडो कोडो कायनाहां: पोन तेबी देवोअ राजोमेएं हानाम रोत हानो बी तिया रोत वोडो होय."
ताहां हारेक जोएं तेतोज नाहां, पोन नाकेदारों बी मानित लेदो के देवोअ वसन खोरो होय, आन योहानोअ बाप्तिस्मा लेत लेदो. पोन फरिसी आन कायदाअ मास्तरहों योहानोअ आथे बाप्तिस्मा ने लेत कोइत, तियांआं वोतीइ देवोअ योजनाहा टाली देदी.