Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
Nte Jisọs ọkọwọrọde ọkpọñ ufọk mmọ, owo nnan iba ema etiene Enye, ke efiori ke ọkpọsọñ uyo, ete, "Eyen Defid tua ñnyin mbọm."
Ndien ke Jisọs ama okosim ufọk, mme nnan iba oro ema eduk etiene Enye ndien Enye ama obup mmọ ete, "Nte mbufo emenim ke akpanikọ nte ke mmekeme ndinam ñkpọ emi?" Mmọ ema ebọrọ ete, "Ọbọñ, ñnyin imenim ke akpanikọ."
Ndien Enye otuk enyin mmọ onyuñ ọdọhọ ete "Yak osu ọnọ mbufo nte mbuọtidem mbufo edide."
Ndien enyin mmọ ema etara. Jisọs ama oduri mmọ utọñ ete, "Ekpeme, ekuyak owo ndomokiet ọfiọk abaña ñkpọ emi." Edi mmọ ewọñọ ekesuan etop Esie ke ofuri ñkanñkuk oro.
Nte Jisọs ye mbet Esie ekekpọñde obio Jeriko, akwa otu owo ema etiene mmọ ke edem.
Nnan iba eketie ke mben usuñ, ndien ke ini mmọ ekekopde ete ke Jisọs ke ededi ke usuñ oro, mmọ ema etọñọ ndifiori ete "Ọbọñ, Eyen Edidem Defid, tua ñnyin mbọm!"
Edi otu owo oro ema esua enọ mmọ enyuñ edọhọ mmọ ekibi inua, edi mmọ enenehede efiori ke ọkpọsọñ uyo, "Ọbọñ, tua ñnyin mbọm, Afo Eyen Edidem Defid."
Ndien Jisọs ama atuak ada, onyuñ okot mmọ obup ete, "Nso ke mbufo eyom Mi nnam nnọ mbufo?" Mmọ ema ebọrọ Enye ete, "Ọbọñ iyom atat ñnyin enyin."
Mbọm mmọ ama anam Jisọs, ndien Enye ama otuk mmọ enyin, ndien ndo ndo oro mmọ ema ekut usuñ, enyuñ etiene Enye.
Ke mmọ ema ekesim Betsaida, mme owo emen owo nnan esọk Enye enyuñ ekpe Enye ubọk ete otuk enye onyuñ anam udọñọ esie okure. Jisọs ama omum owo nnan oro ke ubọk onyuñ ada enye ọwọrọ ọkpọñ esit obio, ndien afiari etap eyet enye ke enyin onyuñ otuk enye ubọk ke enyin, ndien obup enye ete, "Afo emekeme ndikut ñkpọ ndomokiet idahaemi?"
Owo oro ama ese akanade onyuñ ọbọrọ ete "lh. Mokut mme owo, edi mmọ etie nte mme eto esañade ekanade."
Ntem ke Jisọs akafiak odori ubọk ke enyin esie, ndien enye etim owuk enyin esie ese ñkpọ, enyin esie ama atara ọfọn, enye onyuñ okut kpukpru ñkpọ nte ọfọnde.
Jisọs ama ọnọ enye ọnyọñ aka ufọk mmọ, onyuñ ọdọhọ enye ete, "Kufiak unyọñ uka ke obio."
Ke ọkpọñde Taya, Enye ama adaha aka Sidọn ndien afiak ọsuhọde ọnyọñ inyañ Kalili ke usuñ mme ikpọ obio duop eken. Ema eda inan emi mikekemeke nditiñ ikọ ọfọn esọk Enye, ndien kpukpru owo ema ekpe Jisọs ubọk ete yak Enye odori enye ubọk ke idem onyuñ ọkọk enye udọñọ.
Jisọs ama ada enye adaha ọkpọñ otu owo ndien esin enye nnuen ubọk Esie ke utọñ, onyuñ afiari etap, (ndien ada etap oro) otuk edeme owo oro. Ntem ke Enye ekemenerede enyin ese enyọñ ndien ye ndodobi nsiama, Enye ama ọdọhọ ete "sirerede". Idaha oro owo oro ama ekeme ndikop ñnyuñ ntiñ ikọ nte ọfọnde.
Jisọs ama oduri otu owo utọñ ete mmọ ekuyak mbuk emi asuana, edi nte Enye okosuk akpakpan mmọ, ntre ke mbuk oro eketetim asuana. Kpukpru mmọ emi ekekopde se iketibede ye Enye ema edu ke ọyọhọ ñkpaidem. Mmọ ema edọhọ ete se nte Enye akanamde kpukpru ñkpọ ọfọñ. Enye anam idem inan okop ikọ, imum onyuñ etiñ ikọ.
Mmọ ema ekesim Jeriko, ke esisit ini ama ekebe, nte mmọ ekekpọñde obio oro, akwa otu owo ema etiene Enye. Owo nnan kiet emi ekekerede Batimọs, eyen Timiọs eketie ke mben usuñ ebeñe ebeñe.
Ke ini Batimọs okokopde ete ke Jisọs emi otode Nasaret edi oro, enye ama ọtọñọ ndifiori, "Jisọs eyen Defid, tua mi mbọm."
Ndusuk mme owo ema eduat enye ete, "Kibi inua fo". Edi enye ama osuk aka iso ndifiori ọsọñ akan akpa ke ọkpọsọñ uyo, kubọk kubọk, "Afo eyen Defid tua mi mbọm!"
Ke ini Jisọs okokopde mfiori esie, Enye ama atuak ada do ke usuñ onyuñ ọdọhọ ete, "Ekot enye edi mi." Ntem ke mmọ ekekot owo nnan oro, ete, "Afo dahada di, Enye kokot fi," Batimọs ama otop ọfọñidem esie enim, obumede adahada ke ukot esie onyuñ ebine Jisọs.
Jisọs ama obup enye ete, "Afo oyom Mi nam nso nnọ fi?" Owo nnan oro ama ọbọrọ ete, "Andikpep ñyom ndikut usuñ!" Ndien Jisọs ama ọdọhọ enye ete, "ọfọn yak osu ọnọ fi, mbuọtidem fo amanyaña fi." Ndien ke ndo ndo oro, owo nnan oro ama okut usuñ, ndien enye ama etiene Jisọs.
Nte Jisọs akasañade ekpere Jeriko, owo nnan kiet eketie ke mben usuñ ke ebeñe mme aka isañ ñkpọ. Ke ini enye okopde uyom otu owo nte eyomode ebe, enye ama obup se ikekade iso. Mmọ ema edọhọ enye ete, "Jisọs eyen Nasaret ke ebe." Ntre ke enye ọkọtọñọ ndifiori, "Jisọs eyen Defid, tua mi mbọm!"
Otu owo emi ekebemde Jisọs iso ema eñwana ndiduat enye man enye okibi inua, edi enye etetim ofiori ke ọkpọsọñ uyo, "Eyen Defid, tua mi mbọm!"
Do Jisọs ama atuak ada, onyuñ ọdọhọ ete yak eda owo nnan oro esọk Imọ. Ke ini enye akasañade ekpere, Jisọs ama obup enye ete, "Afo oyom Ami nnam nso nnọ fi?" Enye ama ọbọrọ ete, "Ọbọñ, ami ñyom ndikut usuñ"
Ndien Jisọs ama ọbọrọ enye ete, "Kut usuñ; mbuọtidem fo amanam idem ọsọñ fi."
Kpa ndo ndo oro enye ama okut usuñ onyuñ etiene Jisọs, aka iso ndinọ Abasi ubọñ. Ke ini kpukpru owo ekekutde utibe ñkpọ emi, mmọ ñko ema enyuñ etoro Abasi.
Jisọs Ọkọk Owo Emi Akamanade Nnan
Nte Enye akasañade ke usuñ Enye ama okut owo emi ekedide nnan toto ke emana esie.
Mme mbet Esie ema ebup Enye, ete, "Andikpep, anie ekenam idiọkñkpọ, eyen eren emi, mme ete ye eka esie, emi esinde enye amana nnan?"
Jisọs ama ọbọrọ ete, "Idighe enye, mme ete ye eka esie ekenam idiọkñkpọ, edi emi eketibe man otodo utom Abasi ayarade owut idem ke uwem esie. Adaña nte edide uwemeyo ñnyin inyene ndinam utom Enyemi ọkọdọñde Mi. Okoneyo ke ededi emi owo baba kiet midikemeke ndinam utom. Kadaña emi Ami ndude ke ererimbot, Ami ndi uñwana ererimbot."
Ke enye ama eketiñ ntem, Enye ama ọkọk etap enim ke isọñ, ada etap emi abuak ye ntan ọwọrọ mbat, ndien ada mbat oro eyet owo nnan oro ke enyin esie mbiba. Jisọs ama ọdọhọ enye ete, "Ka keyet iso fo ke ñkpọdiọhọ mmọñ Silọm" (emi ọwọrọ "Ema edọñ"). Owo emi ama aka ekeyet iso esie ndien enye ama afiak edem edi ye enyin esie mbiba nte okutde usuñ.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
Ndien sese owo akpamfia kiet asaña edituak ibuot ọnọ Enye, onyuñ ọdọhọ Enye ete, "Ọbọñ, edieke Afo enyimede, emekeme ndinam mi nsana."
Ndien Jisọs anyanade ubọk Esie otuk enye, ete, "Ami mmenyime, Sana!" Ke ndo ndo oro, udọñọ akpamfia ama okure enye.
Ndien Jisọs ọdọhọ ete, "kutiñ unọ owo ndomokiet, edi nyọñ ka kowut oku idem fo, nyuñ wa uwa enọ emi Moses eketemede, man edi ñkpọ ntiense ọnọ mme owo."
Mme owo ema emen owo emi ọkọdọñọde akpaubeñ, emi ekebiomde ke ñkpana ebine Enye. Ndien kini Jisọs okutde mbuọtidem mmọ, Enye ama ọdọhọ ọdọñọ akpaubeñ oro ete, "Eyen Mi dara, koro emefen mme idiọkñkpọ fo."
Ke ntak emi, ndusuk mme andikpep ibet mme Ju ema etiñ ke otu mmọ ete, "Owo emi ke asabade Abasi."
Jisọs ama ọdiọñọ ekikere mmọ, ndien Enye ama ọdọhọ mmọ, ete, "Nso inam mbufo ekerede mme ndiọi ekikere ke esit mbufo? Ewe emem akan, ndidọhọ nte, ‘Emefen mme idiọkñkpọ fo,’ mme ndidọhọ nte, ‘Daha ke enyọñ saña?’ Edi man mbufo efiọk ete, ke Eyen owo enyene odudu ke isọñ ndifen mme idiọkñkpọ." Enye ama ọdọhọ owo oro ọdọñọde akpaubeñ ete, "Daha ke enyọñ nyuñ men ñkpọ nna fo nyọñ ufọk."
Ndien owo oro ama adaha ke enyọñ ọnyọñ ufọk esie.
ke ebiet emi owo emi ubọk esie kiet akakpade okodude. Mme owo ema edu do emi ekeyomde usuñ ndidori Jisọs ikọ nte ke Enye anam idiọkñkpọ, do mmọ ema ebup Enye ete, "Nte owo ndikọk owo udọñọ ke usen ederi akatuaha ye ibet?" Jisọs ama ọbọrọ ete, "Edieke owo mbufo ndomokiet enyenede erọñ kiet kpọt, ndien enye ọduọ oduk obube ke usen ederi, nte enye ikpodomoke ofuri ukeme esie ndisio enye ke obube ke usen oro?" Ndien owo ọsọñ urua akan erọñ, ke ntem, enen owo ndinam eti ñkpọ ke usen ederi. Do ke Enye ọkọdọhọ owo oro ete, "Neñerede ubọk fo." Enye ama eneñerede ubọk esie, ndien ubọk oro ama ọsọñidem ukem nte ubọk ñkañ eken.
Eka añwan Saimọn ọkọdọdọñọ ana ke ñkpana ye ufiop idem, ndien mmọ ema esian Jisọs ebaña enye. Enye ama asaña ekpere ñkpana esie, omum enye ke ubọk, onyuñ emenerede enye ke enyọñ. Ufiop idem ama okure enye ndien enye ama adaha ada onyuñ anam ñkpọ ọnọ mmọ.
Owo akpa mfia kiet ama editọñọ edọñ ke iso Jisọs, onyuñ ekpe Enye ubọk ete, "Edieke Afo edinyimede, Afo emekeme ndinam mi nsana."
Jisọs ama ọyọhọ ye mbọm ndien otuk enye ubọk onyuñ ọdọhọ ete, "Ami menyime, sana!" Ndo ndo oro akpamfia ama okure owo oro, enye onyuñ okop nsọñidem.
Owo inañ emi ekebiomde ọdọñọ akpaubeñ ke ñkpana ema edisim. Mmọ ikekemeke ndisim Jisọs oto ke ntak otu owo, ke ntak oro mmọ ema ekubọde itie ke enyọñ ọkọm ufọk oro ke ukem ukem itie emi ibuot Jisọs akadade, ndien ema esuhọrede owo udọñọ oro ye ñkpana esie enim ke iso Jisọs.
Ke ini Jisọs okokutde nte mmọ ekenimde ke akpanikọ nte ke Imọ imekeme ndinyaña, Enye ama ọdọhọ ọdọñọ akpaubeñ ete, "Eyen, emefen mme idiọkñkpọ fo!"
Edi ndusuk mme andikpep ibet mme Ju, ema etie do enyuñ ebup idem mmọ ete; "Nso idi emi? Emi edi ndisabade Abasi! Mme enye ekere ete ke imọ idi Abasi? Koro edi Abasi ikpọñ ikpọñ ekeme ndifen mme idiọkñkpọ."
Jisọs ama ọdiọñọ ekikere esit mmọ ndien ama obup mmọ inikiet ete, "Nso idi ntak emi ñkpọ emi afinade mbufo?" Efe emem akan ndidọhọ akpaubeñ, "Emefen mme idiọkñkpọ fo" mme ndidọhọ nte, "Dahada ke enyọñ, men ñkpana fo ñnyuñ saña? Edi man mbufo efiọk ete ke Eyen owo enyene odudu ke isọñ ndifen mme idiọkñkpọ," Enye ama ọdọhọ owo akpaubeñ emi ete, "Ami mmowuk fi, daha ke enyọñ, men ñkpana fo, nyuñ nyọñ ufọk fo, koro emenam udọñọ fo okure."
Owo emi ama adaha ke enyọñ inikiet, emen ñkpana esie onyuñ asaña ọwọrọ ke iso kpukpru owo. Idem ama akpa kpukpru owo ndien mmọ ema etoro Abasi enyuñ edọhọ ete, "Akananam ñnyin ikwe utọ ñkpọ emi."
Jisọs ama afiak aka ufọk mbono mme Ju, ndien owo kiet emi ubọk esie akakpade ama odu do.
Sia ekedide ke usen Sabat mme asua Jisọs ema ekpeme Enye eti eti ndise mme Enye eyekọk ubọk owo oro. Edieke Enye anamde ntre mmọ ekpenyene isọñ ntak ndida ñkpe ikpe ye Enye.
Jisọs ama ọdọhọ owo oro ubọk esie akakpade ete, "Wọrọ da mi ke iso kpukpru owo." Ntem ke Enye ọkọwọñọde enyin ese mme asua Esie, onyuñ obup mmọ ete, "Efe enen ke usen Sabat ndinam: ndinam eti mme ndinam idiọk, ndinyaña uwem mme ndibabiat uwem?" Edi mmọ ikọnọhọ Enye ibọrọ. Enye ama ọwọñọde ese mmọ ke enyin iyaresit, koro ama abiak Enye eti eti ndikut nte mmọ enanade esit mbọm, do ke Enye ọkọdọhọ owo oro ete, "Neñede ubọk fo". Enye ama anam ntre, ndien ndo ndo oro ubọk esie ama enyene uwem, onyuñ eneñede
Ekọk Ediwak Owo Udọñọ
Usen kiet ke obio emi Jisọs okodukde, owo emi ọkọdọñọde akpamfia ama odu do. Ke ini enye okokutde Jisọs, enye ama ọduọ ọtọñọ edọñ ke iso Esie, onyuñ otuk iso ke isọñ ndien ebeñe Enye ete, "Ọbọñ, edieke Afo enyimede, emekeme ndinam mi nsana."
Jisọs ama anyanade ubọk Esie otuk owo oro, onyuñ ọdọhọ Enye ete, "Ami menyime, sana!" Kpa ke ndo ndo oro akpamfia esie ama okure.
Ndusuk owo emen owo akpaubeñ ke mbri enyuñ eñwana ndida enye nduk esit ufọk man eyak enye enim Jisọs ke iso. Ke ini mmọ mikekemeke ndikut ufañ ndimen enye nduk nte mmọ ekekerede ke ntak uwak otu owo, mmọ ema edọk ọkọm ufọk ekubọrede enyuñ esuk enye ke mbri ke ufọt otu owo, enim ke iso Jisọs.
Ke ini Jisọs okokutde mbuọtidem mmọ, Enye ama ọdọhọ ete, "Ufan emefen mme idiọkñkpọ fo."
Mme Farisi ye mme ekpep ibet ema etọñọ ndikere ke idem mmọ ete, "Anie ededi owo emi osuk etiñde ikọ edisabade ubọñ Abasi? Anie ekeme ndifen mme idiọkñkpọ?"
Jisọs ama ọfiọk inikiet se mmọ ekekerede ke esit; ndien obup mmọ ete, "Ntak emi mbufo ekerede mme ñkpọ emi ke esit mbufo-o? Ewe edi mmem mmem? Ndidọhọ, ‘Emefen mme idiọkñkpọ fo,’ mme, ndidọhọ ete, ‘Daha ke enyọñ nyuñ saña?’ Edi man mbufo ediọñọ ete, ke Eyen owo enyene odudu ke isọñ ndifen mme idiọkñkpọ." Enye ama ọdọhọ owo akpaubeñ oro, ete, "Ami ndọhọ fi nte, daha da ke enyọñ, men mbri fo ñnyuñ nyọñ ufọk fo."
Kpa ndo ndo oro, enye ama adaha ada ke enyọñ ke iso mmọ, onyuñ emen se enye akadade ana, ndien enye ama ọnyọñ ufọk esie ke ọnọ Abasi itoro.
Ke usen ikọ Abasi mme Ju (Sabat) efen Enye ama okoduk ekpri ufọk akam mme Ju onyuñ aka iso ndikpep ñkpọ, ndien owo ama odu do, emi ubọk nnasia esie akakpade. Mme Farisi ye mme ekpep mbet ke ekeyom se edade edori Jisọs ikọ, do mmọ ema ekpeme Enye eti eti ndise mme Enye eyekọk udọñọ ke usen Sabat.
Edi Jisọs ama ọdiọñọ ekikere mmọ, ndien Enye ama ọdọhọ owo emi ubọk esie akpade, ete, "Daha da ke enyọñ ñnyuñ di ke iso kpukpru owo." Owo oro ama adaha akada do.
Do ndien Jisọs ama ọdọhọ mme Farisi ye mme ekpep ibet ete, "Ami mmenyene mbume ndibup mbufo, Ewe edi se inende ndinam ke usen Sabat, edinam eti mme edinam idiọk, edinyaña uwem mme edibiat uwem?"
Enye ama ọwọñọde enyin ese kpukpru mmọ kiet kiet akanade, ndien Enye ọdọhọ owo oro, ete, "Neñede ubọk fo." Enye ama anam ntre, ndien ubọk esie ama afiak enyene uwem onyuñ etie nte ekedide.
Mme Utibe Ñkpọ Iba
Ke ini Jisọs ama ọkọkwọrọ ikọ Esie ama, Enye ama afiak oduk ke obio Kapanọm.
Eyen ufọk etubom udim mbon ekọñ (Senturiọn) kiet emi eteufọk akamade eti eti ama ọdọñọ eti eti ekpere ñkpa. Edi ke ini akamba etubom mbon ekọñ oro okokopde abaña Jisọs, enye ama ọdọñ ndusuk mme enyene ukpono ikpọ owo mme Ju ete ekekpe Enye ubọk man Enye edi edinam owo esie okop nsọñidem. Ntre ke mmọ eketọñọ ndikpe Jisọs ubọk ọkpọsọñ ete yak Enye etiene mmimọ onyuñ ediñwam owo oro. Mmọ ema etiñ enọ Enye oruk utibe owo emi etubom ekọñ oro ekedide. Mmọ ema edọhọ Enye ete, "Edieke owo ndomokiet odotde uñwam Fo, edi enye," "koro enye amade idut ñnyin onyuñ ọbọpde ufọk akam ọnọ ñnyin."
Jisọs ama adaha etiene mmọ Edi mbemiso mmọ ekesim ufọk, etubom ekọñ ama ọdọñ mme ufan esie ekedọhọ Enye ete, "Ọbọñ, kufina idem Fo, koro ami ndotke Afo ndiduk ke idak ufọk mi." Ntak edi oro ami ñkekerede nte ke ami ñkedotke ndidi mbine Fi ke idem mi. Edi, kam tiñ ikọ, ndien eyenọwọñ mi eyekop nsọñidem. Koro ami ke idem mi ndu ke idak ukara ñkpọsọñ owo emi ekarade, mmọnyuñ ñnyene mbon ekọñ efen ke idak mi. Edi ami ndidọhọ nte, "Eka!" Ndien mmọ eka, mme "edi," ndien mmọ edi, ñnyuñ ndọhọ ofin mi "Nam emi, mme oko," ndien enye anam.
Idem ama akpa Jisọs ke ini emi Enye okopde mme ikọ emi, ndien Enye, onyuñ ọwọñọde ese otu owo emi eketienede Enye, ọdọhọ ete, "Ami ntiñ emi nnọ mbufo, akananam Ami ñkwe uto akwa mbuọtidem emi okponde ntem ukpọk ke Isrel."
Ndien ke ini mme ufan etubom mbon ekọñ ema ekefiak enyọñọ ufọk mmọ, ema ekut eyen ufọk oro ye ọyọhọ nsọñidem.
enye ama okut eyen añwan kiet, emi ọkọnuhọde nuhọ asaña isua efuteta oto ke odudu ndiọi spirit emi ekenukde enye.
Ke ini Jisọs okokutde enye, Enye ama okot enye onyuñ ọdọhọ enye ete, "Eyenañwan, ekpọk fi eyak ke udọñọ fo." Ndien Enye odori enye ubọk, ndien ndo ndo oro eyenañwan oro eneñede ada onyuñ otoro Abasi.
Ke usen ikọ Abasi mme Ju kiet, Jisọs ama aka ndidia udia ke ufọk ọwọrọ iso owo Farisi kiet; mme owo ema ekpeme Enye eti eti. Do ke iso Esie, owo kiet emi ọkọdọñọde, emi ukot ye ubọk esie ekefutde, ama odu do.
Jisọs ama obup owo Farisi oro ye mme nta ọfiọkibet ete, "Mme edi unen ndikọk owo udọñọ ke usen Sabat, mme idighe?"
Mmọ ema edu ke ndobo uyo. Do ke Jisọs okomum owo oro, ndien ọkọk enye onyuñ anam enye ọnyọñ.
Nte Jisọs asañade ndika ke Jerusalem, Enye ama asaña ebe ke adaña Sameria ye Kalili. Ndien nte Enye okodukde ekpri obio iñwañ kiet, mme ọdọñọ akpamfia duop ema esobo ye Enye. Mmọ ekeda nsan nsan. Mmọ ema efiori ke ọkpọsọñ uyo ete, "Jisọs, Eteufọk, tua ñnyin mbọm."
Enye ama ọwọñọde enyin ese mmọ, onyuñ ọdọhọ ete, "Ebine oku mme Ju, enyuñ ekedọhọ enye ete ke imokop nsọñidem." Ndien nte mmọ esuk esañade ke usuñ eka, akpamfia mmọ ama okure fap.
Owo mmọ kiet ama afiak ebine Jisọs ke ini enye okokutde ete ke ekọk imọ, onyuñ otoro Abasi ke ọkpọsọñ uyo. Enye ama ọduọ okibi iso esie ke isọñ ke ukot Jisọs, onyuñ ọkọm Enye ke se Enye akanamde ọnọ enye, ndien enye ekedi owo Sameria.
Jisọs ama obup ete, "Nte idighe owo duop ke ñkanam ekop nsọñidem? Usukkiet eken edu mmọñ? Ndi esen owo emi ikpọñ afiak edinọ Abasi ekọm?"
Ndien Jisọs ama ọdọhọ owo oro ete, "Daha da, ñnyuñ nyọñ, mbuọtidem fo amanam fi okop nsọñidem."
Mme Ada Ibuot Ema Efaña Edikọk
Ke ini esisit ama ekebe, Jisọs ama aka Jerusalem man akabuana ke usọrọ mme Ju. Ke esit Jerusalem, ke nsaña-nduk emi ekotde lnua Otop mme erọñ, ñkpọdiọhọ mmọñ emi ekenyenede mme itie ndọknda ition ama odu, emi ekekotde ke usem mme Hibru Betesda. Ata ediwak udim mbio udọñọ ema ena ke mme itie ndọknda emi, mme nnan, mme mbuñọ ye mme mbio akpaubeñ. Mmọ ekebet mmọñ oro etimede. Koro kini, kini, enjel Abasi esisuhọde oduk onyuñ etimede mmọñ oro ndien ata akpa owo udọñọ emi ọsuhọrede oduk ñkpọdiọhọ mmọñ emi ke ini ema eketimede mmọñ emi, esinyene ndibọ edikọk nto oruk udọñọ kiet ekededi emi enye ọkọdọñọde.
Owo kiet ama odu ke otu mmọ emi ọkọdọñọde ke ñkpọ nte isua edip ye efuteta. Ke ini Jisọs okokutde enye anade do, Enye ama ọfiọk inikiet nte ke enye ama ana do ye udọñọ esie ke ediwak isua. Do ke Jisọs okobup enye ete, "Nte afo omoyom ndikop nsọñidem?"
Owo udọñọ ama ọbọrọ ete, "Ete ami ñnyeneke owo emi emende mi esin ke ñkpọdiọhọ mmọñ ke ini asañautom Abasi (enjel) etimerede mmọñ. Kadaña ini emi ññwanade ndiduk, owo efen esibem mi iso oduk."
Jisọs ama ọdọhọ enye ete, "Daha ke enyọñ, fut mbri fo, nyuñ saña." Ndo ndo oro, owo oro ama okop nsọñidem. Enye ama ofut mbri esie onyuñ ọtọñọ ndisaña isañ. Utibe ñkpọ emi eketibe ke usen Sabat.
Ema Ekọk Eyen Akwa Owo Utom Udọñọ
Jisọs ama ọtọñọ ntak aka Kenan ke Kalili, ebiet emi Enye akanamde mmọñ akabade wain. Ndien owo anam utom ukara kiet ama odu do emi eyen eren owo esie ọkọdọñọde ke Kapanọm. Ke ini owo emi okokopde ete ke Jisọs ama oto Judia edisim Kalili, enye ama ebine Enye onyuñ ekebeñe Enye ete, yak Enye edika Kapanọm ọkọkọk eyen imọ emi ọkọdọñọde ekpere ndikpa.
Jisọs ama ọdọhọ enye ete, "Mbufo ndomokiet ikemeke ndinim ke akpanikọ tutu mbufo ekut mme ikpọ utom odudu ye mme ñkpọ ñkpaidem."
Owo emi ama ọbọrọ ete, "Ete tiene mi mbak eyen mi edikpa."
Jisọs ama ọbọrọ enye ete, "Afo emekeme ndinyọñ, eyen fo eyedu uwem." Owo emi ama onim ikọ Jisọs ke akpanikọ onyuñ ọnyọñ. Kadaña ini emi Enye okosuk odude ke usuñ unyọñ, mme nditọ ufọk esie ema ekesobo enye ke usuñ ye eti etop emi, ete, "Eyen fo odu uwem." Enye ama obup mmọ ini emi eyen esie ọkọtọñọde ndikop nsọñidem, ndien mmọ ema ebọrọ ete, ekedi ke ñkpọ nte ñkanika kiet uwemeyo ñkpọñ ke ufiopidem ọkọkpọñ enye. Ete eyen emi ama eti ke ndo ndo oro nte ke ekedi kpa ke ukem ini oro ke Jisọs ọkọdọhọ imọ ete, "Eyen fo eyedu uwem." Ke ntak emi, enye ye ofuri ufọk esie ema enim ke akpanikọ.
Emi ekedi udiana utom odudu emi Jisọs akanamde ke Enye ama okoto Judia ọnyọñ edi Kalili.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
Ndien sese ñwan emi ọkọdọñọde uwọrọ iyip ke ñkpọ nte isua duopeba etiene Enye ke edem ndien otuk mben isọñ ọfọñ idem Esie, koro enye ekekerede ke esit esie ete, mma ñkam ntotuk mben ọfọñidem Esie, ami ñyekop nsọñidem.
Ndien Jisọs ama ọwọñọrede okut enye onyuñ ọdọhọ enye ete, "Eyen Mi añwan kpukpru ñkpọ ọfọn ama, mbuọtidem fo ọkọk fi." Ndien idem ama ọsọñ ñwan oro ọtọñọde ke ini oro.
Ke otu mme owo oro, ñwan kiet ama odu emi ọkọdọñọde udọñọ uwọrọ iyip, ke ñkpọ nte isua duopeba. Enye ama ọbọ ndutuhọ ke ediwak isua ke ubọk mme mbiaibọk, onyuñ akabade edi ubuene ke ntak edibiat ediwak okuk nnọ mmọ, edi ikọfọnke ye enye, utu ke oro eketetim ọdiọk. Enye ama okop abaña kpukpru mme utibe idiọñọ emi Jisọs akanamde, ntre enye ama afaha oduk ebine Jisọs edem edem ke otu owo, onyuñ okotuk ọfọñidem Esie.
Koro enye ekekerede ke esit esie ete, "Mma ñkam ntotuk ọfọñidem Esie, ami ñyekop nsọñidem." Ndien kpa ke idaha oro, akpaifet emi enye okotukde Enye ọfọñidem, uwọrọ iyip esie ama etre, ndien enye ama ọdiọñọ ete ke idem imọ ọsọñ.
Ndien ñwan kiet ama odu ke otu oro emi iyip ọkọwọrọde ke isua duopeba, ndien owo ndomokiet ikekemeke ndikọk enye. Enye ama asaña ọdọk edi ke edem Jisọs ndien ama otuk mben ewura Esie ndien ndo ndo oro uwọrọ iyip esie ama etre.
Jisọs ama obup ete, "Anie otuk Mi?" Kpukpru owo ema ekañ, edi Pita ama ọbọrọ ete, "Andikpep, mme owo ke edediọñ ewak, enyuñ ekeme ndituk fi."
Edi Jisọs ọdọhọ enye ete, "Enyene owo emi okotukde Mi. Koro Ami mọdiọñọ nte ke odudu ọwọrọ Mi ke idem."
Edi ke ini ñwan oro okutde ete imọ ikemeke ndidibe, enye ama ọwọrọ edi, ke ñnyekidem, ediduọ Jisọs ke ukot, onyuñ etiñ ke iso kpukpru owo ntak emi akanamde enye otuk Jisọs ye nte udọñọ esie okurede ke ndo ndo oro.
Ndien Jisọs ama ọdọhọ enye ete, "Eyen mi añwan, mbuọtidem fo ọkọk fi, nyọñ ke emem."
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
Nte Enye osuk etiñde mme ikọ emi, sese andikara kiet emi odude ke esop mme Ju, edi, onyuñ ọtọñọ edọñ okpono Enye, onyuñ ọdọhọ ete, "Ekpri Eyen mi añwan osuk akpa idahaemi, edi edieke Afo edide edidori enye ubọk Fo, enye eyetọñọ ntak odu uwem."
Ndien Jisọs ama adaha ke enyọñ etiene enye ye mme mbet Esie.
Ndien ke ini Jisọs ama ekesim ufọk adaukara emi, Enye ama okut otu owo nte eyomode uyom ye mme efri ban itie ikpo. Enye ama ọdọhọ mmọ ete, "Ewọñọ, koro ekpri eyen añwan emi ikpahakpa, edi edede." Edi mmọ ema esak Enye eti eti.
Ke ema ekenam mme otu owo ewọñọ, Enye ama oduk esit ufọk emi eyen añwan oro akanade okonyuñ emenerede enye ke ubọk esie; ndien eyen añwan oro ama adaha ke enyọñ onyuñ okop nsọñidem.
Kiet ke otu mme ada usuñ ke ufọk mbono mme Ju emi okodude do; emi ekekerede Jairọs ama edi, ediduọ Jisọs ke ukot. Ekpe Enye ubọk ete anam eyen imọ añwan okop nsọñidem, koro enye ekpere ndikpa. Enye etiñ ye ọkpọsọñ esit mfuhọ ete, "Mbọk di, didori enye ubọk ke idem nyuñ nam enye odu uwem."
Jisọs ama asaña ye enye aka ndien otu owo ema etiene enye ke edem.
Ke ini mmọ ema ekesim ufọk Jairọs Jisọs ama okut ete ke kpukpru ñkpọ okodu ke ndutime ye ọkpọsọñ editua eyet ye ufiori ñkpo. Enye ama oduk esit ufọk onyuñ obup mmọ ete, "Nsidi ntak kpukpru ntuaña ye uyom emi? Eyen añwan emi ikpahakpa, edi enye edede."
Mmọ ema esak Enye eti eti, edi Enye ọdọhọ kpukpru mmọ ewọñọ ke ufọk oro, ndien Enye ama ada ete ye eka ekpri eyen añwan oro ye mbet Esie ita, onyuñ oduk esit ubet emi eyenañwan oro akanade.
Enye ama omum enye ke ubọk onyuñ ọdọhọ ete. "Talita, Kumi," (emi ọwọrọde ete, "Ekpri eyen añwan ndọhọ fi nte dahada ke enyọñ"). Enye ama adahada ini kiet onyuñ asaña akanade (enye ekedi enyen isua duopeba), idem ama akpa mme owo eti eti ke se iketibede emi.
"Nso ke Ami ñkeme ndida emana emi ndomo?" Nso ke mmọ ebiet? Mmọ ebiet ñkpri nditọ ọwọñ emi etiede ke añwa urua enyuñ ekot kiet eken ete, "Ñnyin imefri ifiom inọ mbufo, ndien mbufo ikenekke unek, ifri ikwọ ñkpa, ndien mbufo iketuaha eyet. Koro Jọn Baptist akasaña ntre idiaha ñkpọ, inyuñ iñwọñke wain ndomokiet, ke ofuri uwem esie edi mbufo edọhọ ete enye enyene ndedehe spirit. Edi Eyen owo edi ke adia onyuñ ọñwọñ, ndien mbufo ete ke Enye edi owo idiọk itọñ ye akpa mmin, ufan mme ọbọ ataksi ye eke mme anam idiọkñkpọ. Kpukpru mme mmọ emi enyenede eti ibuot eyarade ewut ete ke eti ibuot emi otode Abasi edi akpanikọ."
Ukpuhọde Usọrọ
Owo kiet ke otu mme Farisi ama okot Jisọs udia ke ufọk esie, do Enye ama aka ufọk Farisi emi onyuñ eketie ke okpokoro udia ye enye. Ke ini emi ñwan kiet ke obio oro emi ekedude uwem idiọkñkpọ ọkọdiọñọde ete ke Jisọs ke adia ñkpọ ke ufọk owo Farisi oro, enye ama ada otu alabasta emi enem ufuọñ aran esinede.
Kpa ke ndo ndo oro, owo emi ekekotde Jeriọs, andikara ufọk ukpepñkpọ mme Ju ama edi ediduọ Jisọs ke ukot, onyuñ ebeñe Enye ete yak Enye edi ufọk imọ. Koro ñkpasip eyenañwan esie kiet, emi ekedide eyen isua duopeba akada ke idaha ñkpa. Nte Jisọs okosuk odude ke usuñ, otu owo ema ekpere ndifik Enye ñwot.
Kadaña emi Jisọs okosuk akade iso nditiñ ikọ, owo ama oto ke ufọk Jeriọs, enyemi edide ada ibuot ke ufọk akam, edi, edidọhọ enye ete, "Kufina Andikpep aba, eyen fo akpa."
Edi ke ini Jisọs okokopde, Enye ama ọdọhọ Jeriọs ete, "Kufehe ndik, kam nim ke akpanikọ, ndien eyen fo eyekop nsọñidem."
Ke ini Enye ama ekesim ufọk Jeriọs, Enye ikenyimeke owo ndomokiet asaña ye Enye oduk ufọk, ke mibọhọke Pita ye Jọn ye Jems ye ete ye eka eyen añwan oro. Ndien kpukpru owo ke etuaña ke enyuñ eseme eyen añwan oro. Jisọs ama ọdọhọ ete, "Etre eyet, enye emi ikpahakpa edi edede." Kpukpru mmọ ema esak Enye, koro mmọ ema efiọk ete ke eyen añwan oro ama akpa.
Edi Jisọs omum enye ke ubọk, onyuñ ọdọhọ ete, "Eyen mi añwan dahada ke enyọñ" Spirit esie ama afiak edi, ediduk enye ke idem, ndien enye ama adahada inikiet ndien Jisọs ama ọdọhọ mmọ ete yak enọ enye udia adia. Idem ama akpa ete ye eka eyen añwan emi, edi Jisọs ama owuk mmọ ete ekutiñ se itibede enọ owo ndomokiet.
Ñkpa Lasarọs
Owo kiet emi ekekerede Lasarọs ama ọdọñọ. Enye okoto Betani, obio iñwañ emi Meri ye eyen eka esie Mata eketode. Meri emi eyen eka esie ọkọdọñọde, ekedi enye emi ọkọduọkde Ọbọñ enem ufuọñ aran okonyuñ adade idet esie ọkwọhọrede ikpat Jisọs. Nditọ eka Lasarọs iba ema enọ etop esọk Jisọs ete, "Ọbọñ, ufan emi Afo amade kọdọñọ."
Ke ini Jisọs okokopde etop emi, Enye ama ọdọhọ ete, "Udọñọ emi idisuñọke ke ñkpa. Edi ndida ubọñ nnọ Abasi man otodo Enye Abasi ọbọ ubọñ oto ke esit."
Jisọs ama ama Mata ye eyen eka esie añwan ye Lasarọs eti eti. Ke ini Enye okokopde ete ke Lasarọs kọdọñọ, Enye ama osuk etie ke ebiet emi Enye okoduñde ke ñkpọ nte usen iba efen. Do ke Enye ọkọdọhọ mme mbet Esie ete, "Eyak ñnyin ifiak ika Judia."
Mme mbet ema edọhọ Enye ete, "Andikpep, ibighike bighi mme Ju ekeyom nditọñọ Fi ke itiat, ndien Afo onyuñ oyom ndifiak ñka Judia?"
Jisọs ama obup ete, "Nte idighe awa ñkanika duopeba odu ke uwemeyo? Owo emi asañade ke uwemeyo isituakke ukot, koro enye okutde usuñ oto uñwana ererimbot emi. Edi ke enye ama asaña isañ ke okoneyo ke enye edituak ukot koro enye minyeneke uñwana." Ke Enye ama eketiñ mme ikọ emi ama, Enye ama aka iso etiñ ọnọ mmọ ete, "Ufan ñnyin Lasarọs ede idap, edi Ami ke ñka do ndidemede enye."
Mme mbet Esie ema ebọrọ ete, "Ọbọñ edieke enye edede, idem eyesọñ enye." Jisọs eketiñ abaña ñkpa esie, edi mme mbet Esie ekekere ete mme Enye etiñ abaña ikpuikpu idap.
Do ndien ke Enye akasian mmọ añwa añwa ete, "Lasarọs akpa,
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
Jisọs ama oduk ubom ye mme mbet Esie. Ndien sese, akwa oyobio otibe, mbufit akpa onyuñ ofuk ubom, edi Jisọs ke ede idap.
Do mme mbet esie ema ekedemere Enye, enyuñ edọhọ Enye, ete, "Ọbọñ, nyaña ñnyin koro ñnyin imọñọ isip!"
Enye ama ọdọhọ mmọ ete, "Nsinam mbufo efehede ndik, mbufo mbon ñkpri mbuọtidem?" Ndien Enye ama adahada, onyuñ asua ọnọ ofum ye mbufit akpa; ndien inyañ odop ana suñ-ñ. Idem ama akpa mme mbet emi, ndien mmọ ema edọhọ ete, "Nso utọ owo idi emi? Kpa idem ofum ye mbufit inyañ esuk ibuot enọ uyo Esie!"
Ke ama ekesim mbubreyo, mbet Esie edidọhọ Enye ete, "Ini udia mbubreyo ekem ndien baba udia ndomokiet idughe ke isọñ utatan emi, dọhọ kpukpru owo enyọñọ man ekpekedep udia mmọ ke mme ñkpri obio iñwañ emi mmọ edisañade ke esit ibe."
Edi Jisọs ama ọbọrọ ete, "Ntak iduhọ mmọ ndiñyọñọ, enọ mmọ udia edia ke idem mbufo."
Mmọ ema edọhọ Enye ete, "Ñnyin inyene ebok uyo ition ye iyak iba kpọt."
Jisọs ama ọdọhọ mmọ ete, "Eda mmọ esọk Mi."
Enye ama ọdọhọ otu owo ete esuhọde etetie ke mbiet; ndien Enye ama emen ebok uyo ition ye iyak iba oro emenede enyin Esie ese ikpaenyọñ onyuñ ọdiọñ mmọ ndien ama obuñ mme uyo oro, onyuñ ayak ọnọ mme mbet Esie, emi ekemende enọ mme otu owo eta. Kpukpru mmọ ema eta nte ọkọyuhọde mmọ; ndien mme mbet ema etañ mme mbeñe uyo oro ye iyak esin eyọhọ akpasa duopeba. Ibat mmọ emi eketade uyo oro ekedi ñkpọ nte tọsin irenowo ition ke esiode iban ye nditọ ọwọñ efep.
Edi ke ñkpọ nte ñkanika inañ usenubọk, Jisọs ama adaha asaña ke enyọñ ikpa mmọñ ebine mmọ,
Ndien Jisọs okot mme mbet Esie ete edi, onyuñ ọdọhọ mmọ ete, "Ami mmokop otu owo emi mbọm, kemi mmọ ema ekedu ye Ami usen ita idaha emi ndien mmọ inyeneke se ediade. Ami ñkpamaha ndinam mmọ enyọñọ idibi ukpọk man mmọ edikikpaña mba ọbiọñ ke usuñ."
Mbet Esie ema ebọrọ Enye ete, "Mmọñ ke ñnyin idinyene udia emi edikemde kpukpru ibat owo emi ndidia ke ebiet emi asatde ntem?"
Jisọs ama obup mmọ ete, "Eboho uyo ifañ ke mbufo enyene?" Ndien mmọ ema ebọrọ Enye ete, "Eboho uyo itiaba ye ibad ibad ñkpri iyak ifañ."
Ndien Jisọs ama ọdọhọ ofuri otu owo etetie ke isọñ. Ndien Enye emen eboho uyo itiaba ye iyak onyuñ ọnọ Abasi ekọm kabaña mmọ; ndien obuñ onyuñ ọnọ mbet Esie, ndien mmọ emen edeme enọ otu owo. Kpukpru owo ema eta tutu mmọ eyuhọ, mme mbet enyuñ etañ ñkeñe emi ọkọsuhọde, eyọhọ akpasa itiaba. Mmọ emi eketade uyo emi ekedi tọsin owo inañ, ke esiode iban ye nditọ ọwọñ efep.
Ke mmọ ema ekesim Kapanọm, mme ọbọ ataksi itie ukpono ema ebine Pita enyuñ ebup enye ete, "Nte Andikpep mbufo ekpe taksi itie ukpono?"
Pita ama ọbọrọ ete, "Enye ekpe." Ke enye ama okoduk ufọk, Jisọs ebem iso obup Enye ete, Saimọn, "Afo ekere nso? Ndidem ererimbot ebọ mme anie taksi ye utomo, ebọ eto nditọ mmọ, mme ebọ eto mme isenowo?"
Pita ama ọbọrọ ete, "Ebọ eto isenowo." Jisọs ama ọbọrọ enye ete, "Ke ntre nditọ isọñ ebọhọ. Edi mbak ñnyin idiyat mmọ esit, ka ke inyañ kesin uwam, ñnyuñ men akpa iyak emi udumumde, nyuñ tat enye inua, ndien afo eyekut okuk kiet. Men nọ mmọ ke okuk ataksi Mi ye okwo."
Ke usenubọk, nte Jisọs afiakde aka Jerusalem, biọñ ama ọdọñ Enye ke usuñ.
Ndien ke ini Enye okokutde eto fik kiet ke mben usuñ, Enye ama asaña ekpere eto emi edi Enye ikekwe mfri ke esit ke mibọhọke ikọñ ikpọñ, ndien Enye ama ọdọhọ eto oro ete, "Uduñwumke mfri aba!" Ndien ke ndo ndo oro eto fik oro ama eyemede akpa.
Ndien ke ini mme mbet ekekutde ñkpọ emi, idem ama akpa mmọ eti eti, mmọ enyuñ ebup ete, "Didie ke eto fik emi akpa iwiwa ntem?"
Jisọs ama ọdọhọ mmọ ete, "Akpanikọ ke Ami ntiñ, edieke mbufo enyenede mbuọtidem, mminyuñ iyikke, idighe se ami nnamde ye eto fik emi ikpọñ ke mbufo edinam. Edi edieke mbufo edọhọde obot emi ete, ‘Wuhọde, ka koduk akwa akpainyañ,’ eyewọrọ osu ntre. Edieke enimde ke akpanikọ, eyebọ ñkpọ kiet ekededi emi edibeñede ke akam."
Edi ikebighike ọkpọsọñ oyobio ama otibe. Ọkpọsọñ mbufut mmọñ ama ọtọñọ ndidaha ñnyuñ nduk esit ubom tutu mmọñ ekpere ndiyọhọ esit ubom ñnyuñ nnam enye osip ke inyañ ibom. Jisọs akana ke etak ubom ede idap, odori ibuot ke udori ibuot. Ke ata esit ndik, mmọ ema eketuak enyuñ edemere Enye ke idap ete, "Eteufọk, nte Afo ukereke ete ke ñnyin imọñ itak ke inyañ?"
Ntem ke Enye akadahada asua ọnọ ofim onyuñ ọdọhọ inyañ ete, "Na suñ-ñ-ñ!" Ndien ofim ye inyañ edobo, oyobio ye mbufut mmọñ ñko edop ena.
Enye obup mbet Esie ete, "Nso idi ntak emi mbufo efehede ndik? Nte mbufo isuk inyeneke mbuọtidem ke idem Mi?"
Ndien kpukpru mmọ ema eyọhọ ye ọkpọsọñ ndik enyuñ etiñ ke otu mmọ ete, "Anie edi owo emi; emi kpa ofim ye mbufut inyañ ibom, ekopde uyo Esie?"
Edi ke ini akade ko, mme mbet Esie ema eka ebine Enye enyuñ ekedọhọ Enye ete, "Ebiet emi edi isọñ utatan, ndien ini ababiara. Dọñ mme owo emi eka ke mme ñkpri obio emi ekperede ye mme obio iñwañ, ekedep se mmọ edidiade."
Edi Jisọs ama ọdọhọ mmọ ete, "Mbufo ke idem mbufo enọ mmọ ñkpọ edia." Mmọ ema ebup Enye ete, "Nte ñnyin inyene ndika ñkedep udia ke bọn ikie iba nda ndinọ mmọ emi edia?"
Jisọs ama obup mmọ ete, "Udia emi ñnyin inyenede awak didie? Eka ekeduñọde efiọk. Mmọ ema efiak edidọhọ Enye ete ke edi uyo ition ye iyak iba." Ndien Jisọs ama ọdọhọ mbet Esie ete yak enam mme owo ebahade idem mmọ esin ke otu, ke otu, enyuñ esuhọde etetie ke awawa mbiet. Ndien mme owo ema etetie ke udim, owo ikie ikie, ye aba ye duop aba, ke otu ke otu. Enye ama emen ebok uyo ition emi ye iyak iba, ndien Enye ama emenerede enyin Esie ese enyọñ, ọnọ ekọm onyuñ obuñ mme uyo odo. Enye ama emen ọnọ mbet Esie edeme enọ otu owo. Enye ama onyuñ edeme iyak ọnọ kpukpru mmọ ñko. Ndien kpukpru owo oro ema edia udia eyuhọ.
Ndien mme mbet ema etañ mme mbeñe uyo ye eke iyak ọyọhọ akpasa duopeba. Ekedi tọsin irenowo ition ekedia udia oro.
Ndien Enye ama okut ete ke mmọ ekedu ke ata akamba afanikọñ, ke emi ofum ọkọwọrọde ọbọi iso mmọ ke enyuñ eñwana ye ofum ye mbufit mmọñ inyañ ibom. Edi ke ñkpọ nte ñkanika ita usenubọk, Enye ama asaña ke enyọñ mmọñ oyom ndibe. Edi ke ini mmọ ekekutde Enye asañade ke enyọñ ñkpọdiọhọ mmọñ mmọ ema efiori ke ọkpọsọñ ndik koro mmọ ekekerede ete ke Enye ekedi ekpo. Koro kpukpru mmọ ema ekut Enye, ndien ndik ama anam mmọ eti eti. Ke ndo ndo oro Jisọs ama ọdọhọ mmọ ete, "Esọñ esit, edi Ami. Ekufehe ndik." Ndien Enye ama asaña ọkọdọk oduk esit ubom ndien mbufit inyañ odobo ana suñ-ñ. Mme mbet Esie ekedu ke ata ñkpa idem,
Usen kiet, nte otu owo efen ekebohode, mmọ ikenyeneke se ediade, Jisọs ama okot mbet Esie, onyuñ ọdọhọ mmọ ete, "Mmokop mbọm eti eti mbaña otu owo emi, koro mmọ edu ye ami usen ita, ndien idiaha baba ñkpọ ndomokiet. Ndien edieke ndọhọde nte yak mmọ enyọñọ, ke mmennọhọ mmọ ñkpọ edia; isiọñ ọbiọñ eyenam mmọ esuhọ ke usuñ. Koro, ndusuk mmọ eto ata anyan ebiet."
Mbet Esie ema ebup Enye ete, "Mmọñ mi ke isọñ utatan ke idikut udia emi edikemde ndinọ ofuri otu emi?"
Enye ama obup mmọ ete, "Mbufo enyene ebok uyo ifañ?" Mmọ ema ebọrọ ete, "Itiaba". Ntre Enye ama ọdọhọ otu owo ete esuhọde etetie ke isọñ. Ntem ke Enye ekemen ebok uyo itiaba emi, ọkọm Abasi abaña mmọ. Obuñ mmọ ñkeñe ñkeñe onyuñ ayak mmọ ọnọ mbet Esie. Ndien mbet esie emen mmọ edeme enọ mme otu owo. Ema enyene ñkpri iyak ifañ, ntre ñko Jisọs ama ọnọ Abasi ekọm abaña mmọ emi, onyuñ ọdọhọ mbet Esie ete yak emen edeme enọ mmọ.
Kpukpru owo ema edia enyuñ eyuhọ. Ndien ke oro ebede ema etañ mbeñe uyo emi ọkọyọhọde ọsuhọ ọyọhọ akpasa duopeba. Ñkpọ nte tọsin owo inañ ekedu ke itie udia oro, ndien Jisọs ama anam mmọ enyọñọ.
Ke ndañ nsiere, nte mmọ ekpọñde Betani, biọñ ama ọdọñ Jisọs. Ke ñkpọ nte ikpat ifañ ke iso, Enye ama ada okut udari (eto fik) ye ediwak ikọñ ke idem esie, ntre Enye ama asaña ekpere man ese mme eyekut mfri esie. Edi ikeduhọ ibọhọke ikọñ ikpọñ koro ikedighe ini emi enye esinwumde mfri.
Ntem ke Jisọs ọkọdọhọ eto oro ete, "Afo udunwumke aba mfri ke nsinsi." Ndien mbet esie ema ekop se Enye eketiñde.
Ndien ke ndañ nsiere oro, nte mmọ ekesañade ebe udari emi Enye okosuñide, mmọ ema ekut ete ke enye ama eyemede akpa tutu ye ke oruñ esie. Ntem ke Pita eketi se Jisọs eketiñde ye eto oro ke usen emi ekebede ndien enye ofiori ete, "Sese, Andikpep! Eto udari emi Afo okosuñide eyemede onyuñ akpa."
Jisọs ama ọbọrọ mmọ ete, "Enyene mbuọtidem ke Abasi." "Ke akpanikọ ke ndọhọ mbufo nte, edieke owo ekededi ọdọhọde obot emi ete, ‘Wuhọde nyuñ koduk inyañ,’ minyuñ iyikke ke esit esie, edi enimde ke akpanikọ ete se imọ itiñde eyetibe, se enye editiñde eyetibe. Ke ntre, Ami ntiñ nnọ mbufo nte, se ededi emi mbufo ebupde ke akam, enim ke akpanikọ nte ke mmimọ imọbọ, ndien mbufo eyebọ. Edi ke ini mbufo ebọñde akam, ebemiso edahado enọ owo emi mbufo ekenyenede ikọ man Ete mbufo emi odude ke enyọñ ekeme ndifen mme idiọkñkpọ mbufo ñko.
Jisọs Emek Mme Nsaña Esie
Usen kiet, nte Jisọs okosuk adade ke mben inyañ Kanesaret, akwa otu owo ema esaña ekpere Enye man ekop ikọ Abasi. Enye ama okut ubom iba eyirede ke mben inyañ, emi mme ọkọ iyak ekekpọñde ke ini eyetde iyire mmọ. Enye ama oduk kiet ke otu ubom oro, enyemi ekenyenede Saimọn ndien ọdọhọ enye ete adiañade ubom ọkpọñ isọñ esit. Do ke esit ubom ke Enye eketie ekpep mme owo ñkpọ.
Kini Enye ama eketiñ ikọ okure, Enye ọdọhọ Saimọn, ete, "Idahaemi, fiak wat esisit wọrọ ke akwa udem ndien duọk iyire fo do, ndien afo eyemum ata ediwak iyak."
Saimọn ama ọbọrọ Enye ete, "Eteufọk ñnyin ima inam utom eti eti ofuri okoneyo ñkpọñ edi ñnyin ikemumke baba iyak ndomokiet. Edi sia edide Afo ọdọhọ ntre, ami ñyeyak iyire mfiak nsin."
Ke mmọ ema ekenam ntre, mmọ ema emum ata ediwak iyak tutu iyire ọtọñọ ndiwaha. Ntem ke mmọ ekefuñ ubọk ekot mme nsaña mmọ ke ubom enyeken edi ediñwam mmimọ, ndien ema edi edikot iyak eyọhọ ubom mbiba tutu mme ubom etọñọ ndisip.
Ke ini Saimọn Pita okokutde se iketibede enye ama ọduọ ke edọñ esie mbiba ke iso Jisọs onyuñ ọdọhọ ete, "O, Ete, mbọk daha kpọñ mi; ami ndi ata owo anam idiọk emi mendotke ndisaña ñkpere Fi." Koro idem ama akpa enye ye mme nsaña esie ke uwak iyak emi mmọ ekemumde. Ntre ke ekedi ye Jems ye Jọn nditọ Sebidi; mme nsaña Saimọn. Ndien Jisọs ọdọhọ Saimọn ete, "Kufehe ndik, ọtọñọde ke emi afo eyekọ mme owo."
Ntem ke mmọ eketut mme ubom mmọ edori ke obot; enyuñ ekpọñ kpukpru ñkpọ edaha etiene Enye.
Jisọs Anam Oyobio Odobo
Usen kiet, Jisọs ama ọdọhọ mme mbet Esie ete, "Eyak ñnyin iduk ke ubom ibe ika edem inyañ ñkpọdiọhọ mmọñ emi." Ke ntre mmọ ema eduk ubom enyuñ ewat ewọrọ. Ke usuñ, nte mmọ ewatde ebe inyañ, Enye ọsuhọde ana ede idap, ọduọk odudu. Ndien ke ini emi Enye osuk edede idap ofum ama ọtọñọ ndifume. Ata ọkpọsọñ oyobio otibe emi ekekperede ndifuk ubom ye mmọ, ndien mmọ ema edu ke ñyomonsia.
Kpukpru mmọ ema ebumede enyuñ edemere Enye ke idap, enyuñ edọhọ ete, "Andikpep, ñnyin imọñ isip!" Enye ama adahada onyuñ asua ọnọ oyobio ye mbufit mmọñ; oyobio ama odobo ndien kpukpru ñkpọ ema edu ke ifure. Enye ama obup mme mbet Esie ete, "Enye mbuọtidem mbufo-o?" Ke ndik ye ñkpaidem mmọ ebup kiet eken ete, "Anie edi owo emi? Enye owuk mme ofum ye mmọñ, ndien mmọ esuk ibuot enọ Enye, enyuñ ekop uyo Esie."
Jisọs Anam Oyobio Odobo
Usen kiet, Jisọs ama ọdọhọ mme mbet Esie ete, "Eyak ñnyin iduk ke ubom ibe ika edem inyañ ñkpọdiọhọ mmọñ emi." Ke ntre mmọ ema eduk ubom enyuñ ewat ewọrọ. Ke usuñ, nte mmọ ewatde ebe inyañ, Enye ọsuhọde ana ede idap, ọduọk odudu. Ndien ke ini emi Enye osuk edede idap ofum ama ọtọñọ ndifume. Ata ọkpọsọñ oyobio otibe emi ekekperede ndifuk ubom ye mmọ, ndien mmọ ema edu ke ñyomonsia.
Kpukpru mmọ ema ebumede enyuñ edemere Enye ke idap, enyuñ edọhọ ete, "Andikpep, ñnyin imọñ isip!" Enye ama adahada onyuñ asua ọnọ oyobio ye mbufit mmọñ; oyobio ama odobo ndien kpukpru ñkpọ ema edu ke ifure. Enye ama obup mme mbet Esie ete, "Enye mbuọtidem mbufo-o?" Ke ndik ye ñkpaidem mmọ ebup kiet eken ete, "Anie edi owo emi? Enye owuk mme ofum ye mmọñ, ndien mmọ esuk ibuot enọ Enye, enyuñ ekop uyo Esie."
Ntre ke mmọ ekewat ekebehe ke edem inyañ eken ke idut mme Kerasenesi emi odude ke edem ñkpọdiọhọ mmọñ Kalili.
Ke ama ekebe ufọt uwemeyo, kpukpru mbet Esie duopeba ema ebine Enye enyuñ ekedọhọ Enye ete, "Nam otu owo emi esuana man mmọ ekpekeme ndika ke obio iñwañ ñkoyom udia ye itie nna, koro ebiet emi ñnyin idude emi asanarede ọkpọñ obio."
Jisọs ama ọbọrọ mmọ ete, "Mbufo enọ mmọ ñkpọ edia." Mmọ ema ebọrọ Enye ete, "Ñnyin inyene ñkpasip eboho uyo ition ye iyak iba, ibọhọke ñnyin inyene ndika ñkedep udia nnọ otu owo emi." Ñkpọ nte ibat irenowo tọsin ition ekedu do. Ndien Jisọs ama ọdọhọ mme mbet Esie ete, "Enam mmọ esuhọde etetie ke otu ke otu, emi edide owo aba ye duop ke otu kiet." Mme mbet ema enam nte Enye eketemede, ndien kpukpru owo ema etetie.
Jisọs ama emen ebok uyo ition ye iyak iba ndien emenede enyin ese ikpa enyọñ, ọnọ ekọm. Ndien Enye obuñ mmọ ke mbio ke mbio ọnọ mme mbet Esie enọ mme otu owo. Ndien kpukpru owo ema eta, enyuñ eyuhọ, ndien mme mbet ema etañ mme mbai uyo emi ọkọsuhọde ọyọhọ akpasa duopeba.
Usọrọ Ndọ Ke Kenan
Ke ọyọhọ usen ita, usọrọ ndọ ama odu ke Kenan ke Kalili. Eka Jisọs ama odu do, ndien ema ekot Jisọs ye mme mbet Esie ñko ete edibuana ke usọrọ emi. Ke ini wain ama okokure ke ufọt usọrọ, eka Jisọs ama ọdọhọ Enye ete, "Wain isuhọke aba inọ mmọ."
Jisọs ama ọbọrọ enye ete, "Eka, ñkemeke ndinam baba ñkpọ kiet kaña ke emi, ini Ami ndinam utibe ñkpọ ikemke kaña."
Ndien eka Jisọs ọdọhọ mme asañautom ete, "Enam se ededi emi Enye ọdọhọde mbufo ete enam."
Ndien mme abañ mmọñ itiokiet emi edade itiat ebot ema ediọhọ ekpere do, nte asañade ekekem ye ido edinam idem asana mme Ju. Ndien abañ mmọñ kiet okoduk ñkpọ nte ekpeme mmọñ ikie ye ata, mme ikie ye anañ. Jisọs ama ọdọhọ mme asañautom ete, "Esin mmọñ eyọhọ ke mme abañ emi." Mmọ ema esin mmọñ ọyọhọ ke mme abañ emi tutu osim inua mmọ. Ke ini mmọ ema ekekure, Enye ama ọdọhọ ete, "Ekoi ubak enyuñ emen esọk Etubom usọrọ." Mmọ ema enam nte Enye ọkọdọhọde.
Ndien ke ini Etubom usọrọ akatabide mmọñ emi ama akabade edi wain, enye ikọfiọkke ebiet emi wain emi otode, (edi mme asañautom emi ekekoide mmọñ ema efiọk). Do ke enye okokot ebendọ ada ñkañ kiet, onyuñ ọdọhọ enye ete, "Emi edi eti wain, afo amanam ọkpuhọde ye mbon efen. Etubom usọrọ esibem iso ọnọ isenowo ata eti wain, ndien ke ukperedem ke adañaemi kpukpru owo eyuhọde wain minyuñ iyomke aba efen, ndien enyene ndida wain emi minemke ndi. Edi afo ama onim inem wain tutu ke utit usọrọ emi."
Akpa utibe ñkpọ emi Jisọs akanamde ekedi ke Kena, obio emi odude ke Kalili. Enye ama ayarade Ubọñ Esie, ndien mbet Esie ebuọt idem ye Enye.
Jisọs okobup mbume emi man Enye odomo Filip ese, koro Enye ama ọdọdiọñọ ke esit Esie se Enye enyenede ndinam.
Filip ama ọbọrọ Enye ete, "Okuk utom owo kiet ke ọfiọñ itiaita idikemeke ndidep uyo emi ekemde mme mmọ emi ndita owo kiet kiet."
Mbet Esie kiet emi ekerede Andru, emi edide eyen eka Saimọn Pita ama ọdọdiọñọ ete, "ekpri eyen eren kiet odu ke otu emi, emi enyenede ebok uyo ibokpot ition ye iyak iba. Edi nso ke ekeme ndida emi nnam?"
Jisọs ama ọdọhọ ete, "Enam kpukpru owo etetie." Ediwak mbiet ama odu ke ebiet emi, do ke kpukpru owo eketetie, ama esim ñkpọ nte tọsin owo ition. Jisọs ama emen mme ebok uyo oro, ọnọ Abasi ekọm, onyuñ edeme ọnọ mme mmọ emi eketiedetie ke mbiet eta nte mmọ ekeyeyom. Enye akanam kpa ntre ye iyak, ndien kpukpru owo ema eta nte ekeyuhọde.
Ke ini mmọ ema eketa nte ekekemde mmọ, Jisọs ama ọdọhọ mme mbet Esie, ete, "Etañ kpukpru mme mbeñe oro ekeduọñọde, ekuyak ndomokiet atak." Do mmọ ema etañ kpukpru enyuñ edọñ ọyọhọ ke akpasa duopeba se ikeduọñọde ito uyo ition ye iyak iba emi otu owo oro eketade.
Ke mmọ ema ekewat ubom ñkpọ nte itiat ita mme inañ, mmọ ema ekut nte Jisọs asañade ke enyọñ mmọñ ebine ubom, ndien ndik ama anam mmọ eti eti. Edi Jisọs ama ọdọhọ mmọ ete, "Ekufehe ndik, ke edi Ami!" Mmọ ke ekeyoyom ndimum Enye nsin ke ubom; edi kpa ke ndo ndo oro ubom ama esesim isọñ ke ebiet emi mmọ ekekade.
Udia Usenubọk Ke Usiahautin
Ke emi ama ekebe, Jisọs ama amana owut mme mbet Esie idem ke mben akpa emi ekotde Tiberias. Eketibe ntem.
Saimọn Pita, Tọmọs (emi ekotde Amanamba), Nataniel emi otode Kenan ke Kalili, nditọ Sebidi, ye mbet iba efen ekebono ebiet kiet.
Saimọn Pita ama ọdọhọ mmọ ete, "Ami mmọñ ñka ñkọkọ iyak." Ndien mmọ eken ema edọhọ enye ete, "Ñnyin ñko iyeka ye afo." Do mmọ ema ewọñọ ekeduk ubom. Edi ke okoneyo oro mmọ ikemumke ndomo iyak kiet. Ke tughi tughi usenubọk Jisọs ama ada do ke mben inyañ, edi mme mbet Esie ikọdiọñọke Enye.
Enye ama esin uyo okot mmọ ete, "Mme ufan, nte mbufo imumke iyak ndomokiet?" Mmọ ema ebọrọ ete, "Ñnyin imumke baba ñkpọ kiet."
Enye ama ọdọhọ mmọ ete, "Etop iyire mbufo ke ñkañ ubọk nnasia ubom ndien mbufo eyenyene ñkpọ." Mmọ ema enam ntre, ndien ikekemeke ndiduri iyire nsio ke mmọñ nsin ke ubom koro mme iyak emi ekeduọñọde ke iyire ema ewak eti eti.
Mbet emi Jisọs akamade ama ọdọhọ Pita ete, "Edi Ọbọñ edi oro," Saimọn Pita okokokop nte mbet oro etiñde ete, "Edi Ọbọñ edi oro," enye ama emen ọfọñ enyọñ idem esie esine (koro enye ama osio ọfọñ oro enim), ndien enye ama ọfrọ oduk mmọñ, Mme mbet mmọ eken ema etiene enye ye ubom ke eduri iyire emi iyak ọkọyọhọde, koro mmọ ekeyomde usuñ ekpọñ isọñ ke ñkpọ nte ikpat ikie. Ke ini mmọ ema ekesim isọñ mmọ ema ekut ikañ emi ekedade ukañ ebara ye iyak ke esit odoro, ye mme ebok uyo.
Jisọs ama ọdọhọ mmọ ete, "Eda ndusuk iyak emi mbufo esuk emumde edi." Saimọn Pita ama oduk ubom onyuñ oduri iyire odori ke obot. Ikpọ iyak ema eyọhọ ke esit, ñkpọ nte iyak ikie ye aba ye duopeta, kpa ye utọ uwak iyak oro, iyire ikawahake.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
Edi kadaña emi Enye okodukde Kapanọm, Etubom udim ekọñ kiet ama ebine Enye, onyuñ ekekpe ye Enye ete, "Ọbọñ, eyen ufọk mi ke ufọk ana ye udọñọ akpaubeñ, onyuñ odu ke ata ndutuhọ."
Jisọs ama ọdọhọ enye ete, "Ami ndi ndinam enye okop nsọñidem?"
Ndien Etubom ekọñ oro ama ọbọrọ Enye, ete, "Ọbọñ, ami ndotke nte Afo okpodukde ke idak ọkọm mi; edi kam tiñ ikọ, ndien idem eyesọñ eyen ufọk mi. Koro ami ñko ññyuñ ndude ke ukara, mmonyuñ ñnyene mme mbon ekọñ efen ke idak mi, ndien ndọhọ owo enye emi nte, ‘Ka ko,’ ndien enye aka, ñnyuñ ndọhọ efen, nte, ‘Di,’ ndien enye edi, ñnyuñ ndọhọ ofin mi, nte, ‘Nam emi,’ ndien enye anam."
Ndien ke ini Jisọs okokopde ikọ emi idem ama akpa Enye, ndien Enye ọdọhọ mme mmọ emi eketienede Enye ete, "Ke akpanikọ ke ndọhọ mbufo, nte, akananam Ami ñkwe mbuọtidem emi okponde ntre, kpa ye ke idem Isrel. Ndien Ami ndọhọ mbufo nte ke ediwak owo eyeto ke edem usiahautin, ye ke edem usoputin, editie ye Ebraham ye Aisik ye Jekọb ke Obio Ubọñ Abasi. Edi ediwak ke otu nditọ Isrel emi ekenimde Obio Ubọñ emi enọ ididukke. Eyeduọk mmọ ke añwa ke ekim, ke ebiet eyet ye ntaedet edidude."
Ndien Jisọs ama ọdọhọ Etubom ekọñ oro ete, "Nyọñ ufọk fo, koro nte afo onimde ke akpanikọ ke esit fo, oyosu ntre ọnọ fi." Ndien eyen ufọk esie onyuñ okop nsọñidem kpa ke ini oro.
Edi ke ini Jisọs osimde edem inyañ eken ke idut ke Kadarin, owo iba emi ekeyọhọde ye ndiọi spirit (dimọn) ema esaña eto efak mme udi ekesobo ye Enye. Mmọ emi ema enyene ndik eti eti, nte baba owo ndomokiet mikekemeke ndisaña ke usuñ oro mbe.
Mmọ ema etuak eda enyuñ efiori ete, "Nso ke ñnyin inyene ndinam ye Afo, Afo Eyen Abasi? Nte Afo edi ndituhọde ñnyin mbemiso ini ñnyin edikem?"
Ke nsañade nda esisit, otu edi ema edu, ke edia udia. Ndien mme ndiọi spirit oro ema ekpe Jisọs ubọk ete, "Edieke Afo edibinde ñnyin isioño, nam ñnyin ika ikoduk ke otu mme edi."
Jisọs ama ọdọhọ mmọ ete, "Eka ndien!" Ndien mmọ ema ewọñọ ekeduk mme edi ke idem, ndien ofuri otu edi ema efeñe esuhọde ke ebedeñ ekeduọñọ edọñọ ke ñkpọdiọhọ mmọñ enyuñ ekpaña. Edi mme ọbọk edi ema efeñe eka obio eketiñ ofuri se iketibede ye mmọ ye se iketibede ye mme mmọ oro ndiọi spirit ekeduñọde mmọ ke idem. Ke ntak emi ofuri obio ema ewọñọ edi edisobo ye Jisọs, enyuñ ekpe ye Enye ete yak Enye ọkpọñ ñkanñkuk obio mmimọ.
Nte mmọ ekewọñọde, sese ema eda owo imum emi mme ndiọi ekpo eketuhọrede ebine Jisọs. Ndien ke Jisọs ama ekebin mme ndiọi ekpo emi osioño enye ke idem, owo imum emi ama etiñ ikọ, ndien idem ama akpa kpukpru owo. Ndien mmọ ema edọhọ ete, "Akananam ñnyin ikwe oruk utibe ñkpọ ntem ke Isrel."
Ekem, ema eda owo emi ndedehe spirit okomumde, emi ekedide nnan ye imum, esọk Jisọs. Ndien Enye ama anam udọñọ esie okure. Ntre enye ama ekeme nditiñ ikọ ñnyuñ ñkut usuñ.
Ekem Jisọs ama adahado aka ke ñkañ Taya ye Sidọn.
Mme Utibe ñkpọ Efen
Eyen añwan emi okotode Kenan, emi okoduñde ekpere do ama asaña etiene Enye, onyuñ ofiori ete, "Tua mi mbọm, Ọbọñ, Eyen Edidem Defid! Idiọk spirit kọtuhọde eyen mi añwan ke ata idiọk usuñ."
Edi Jisọs ikosioroke uyo. Ndien mme mbet Esie ema ekpe Enye ubọk ete, "Sio enye unyọñ, koro enye kosio ñkpo etiene ñnyin."
Do ke Jisọs ọkọbọrọ mmọ ete, "Ekedọñ Mi enọ mme erọñ ufọk Isrel emi esopde ikpọñ ikpọñ."
Edi eyen añwan emi ama asaña edi, editọñọ erọñ ke iso Jisọs, onyuñ ebeñe ete, "Ọbọñ, ñwam mi."
Jisọs ama ọbọrọ ete, "lnenke ndimen uyo nditọ ntop nnọ mme ebua."
Ñwan oro ama ọbọrọ ete, "Edi ntre Ọbọñ mi, edi mme ebua ekeme nditañ mme mbeñe udia emi eduọñọde eto enyọñ okpokoro udia ete mmọ."
Ndien Jisọs ama ọbọrọ enye ete, "O, eyen añwan, mbuọtidem fo omokpon, yak osu ọnọ fi nte afo oyomde." Ndien eyen esie añwan ama okop nsọñidem kpasuk ke ndo ndo oro.
Jisọs Ọsuhọde Edi Isọñ
Ke mmọ ema ekedisim otu owo, owo kiet ama edi editọñọ edọñ ke iso Jisọs. "Ete, tua eyen mi mbọm, koro enye edi owo ndisi, enye onyuñ odu ke akamba ndutuhọ; kpukpru ini enye ọdọduọ oduk ikañ mme mmọñ. Ami mma nda enye nsọk mme mbet Fo edi mmọ ikekemeke ndikọk udọñọ esie."
Jisọs ama ọbọrọ ete, "O mbufo mbio emana emi enanade mbuọtidem, enyuñ ekwañade ido, adaña didie ke Ami ndidu ye mbufo? Adaña didie ke Ami ndiyọ mbufo? Da enye sọk Mi." Jisọs ama asua ọnọ ndedehe spirit emi ekesinede eyen oro ke idem; ndien enye ọkpọñ enye, ndien ke ndo ndo oro eyen oro ama okop nsọñidem.
Ekọk Mme Ekese Owo Udọñọ
Owo kiet emi ndedehe spirit okomumde ama odu do, ke ufọk mbono oro, ndien enye ama ofiori ñkpo. "Ntak emi Afo afinade ñnyin e? Jisọs eyen Nasaret, nte Afo edi ndisobo ñnyin mme ndedehe spirit? Ami mọdiọñọ owo emi afo edide, edi Edisana Eyen Abasi."
Jisọs ama owuk ndedehe spirit emi, ete, "Kibi inua fo, ñnyuñ wọrọ kpọñ owo oro." Ke edikop uyo oro, ndedehe spirit oro ama ofiori onyuñ atuak owo oro ata ọkpọsọñ ndien ọwọrọ ọkpọñ enye.
Mmọ ema ewat ebe inyañ ekebehe ke ñkanñkuk Kerasenesi ke edem ñkpọdiọhọ mmọñ eken. Jisọs okonyuñ ọsọsuhọ ke ubom, owo emi ọkọyọhọde ye ndedehe spirit ama ọwọrọ ke ikọt udi edi ndisobo ye Enye.
Owo emi okoduñ ke ikọt udi, ndien baba owo ndomokiet ikekemeke aba ndibọp enye, ukpọk ke ñkpọkọbi. Esibọbọp enye ubọk ye ukot ediwak ini, edi enye esinyene ndibuñ ñkpọkọbi mme ebuka oro mbai mbai. Owo ikọduhọ emi ekekemede ndikan enye. Ke kpukpru uwemeyo ye okoneyo enye okodu ndiyo nsaña ke ikọt udi ye ke mme enyọñ obot, kofiori ñkpo, onyuñ ada itiat emi ọsọpde ekpeñe idem esie ọnọ unan.
Ke ini enye akadade okut Jisọs ko nsan nsan, enye ama efehe ọkọduọ ke edọñ ke iso Esie.
Enye ama ofiori ke ọkpọsọñ uyo ete, "Nso ke afo enyene ndinam ye ami, Jisọs Eyen Abasi Ibom? Mmekpe fi ubọk ke enyiñ Abasi nte yak okutuhọde mi." Enye eketiñ emi koro Jisọs ọkọdọhọde enye ete, "wọrọ enye ke idem afo idiọk spirit."
Jisọs ama obup enye ete, "Afo ekere didie?" Ndien owo oro ama ọbọrọ ete, "Udim" koro ediwak ñnyin isinede owo emi ke idem.
Ntem ke enye akakaiso ekpe Jisọs ubọk ete yak Enye okubin mmimọ osioño ke ñkanñkuk oro.
Idaha oro nte ñkpọ okosuk akade iso, ama odu ata akamba udim edi emi ekesuk ediade ñkpọ ke ñkañ obot obot. Mme ndedehe spirit oro ema ebeñe Jisọs ete, "Dọñ ñnyin ikoduk ke idem mme edi."
Ndien Jisọs ama ọnọ mmọ edinyime. Ntem ke mme ndedehe spirit oro ekewọñọ ekpọñ owo oro enyuñ ekeduk mme edi oro ke idem, ndien ofuri udim edi oro ema efeñe esuhọde ebedeñ eduọñọ ke inyañ enyuñ ekpaña ke mmọñ.
Mme andibọk edi ema efeñe eka mme ñkpet ñkpet obio ye ñkanñkuk esie, enyuñ esuan mbuk nte mmọ ekefeñede, ndien kpukpru owo ema efeñe ewọñọ edi man edikut ikpọñ ke idem mmọ.
Edi mbufo edọhọ ete ke otim ọfọn owo nditre ndise ñkpọ mbaña ete ye eka esie emi minyeneke ñkpọ, ñnyuñ ndọhọ enye nte, "Mbọm, ñkemeke ndiñwam fi, koro mmemen se ñkpọnọde fi nnọ Abasi. Ntem ke mbufo ebiat ibet Abasi oto ke mme ido eset emi mbufo enamde ọsọñọ ada. Emenyuñ enam mme ediwak ñkpọ efen emi etiede ntem."
Ntem ke Jisọs ọkọtọñọ ntak okot otu owo ete edi onyuñ ọdọhọ mmọ ete, "kpukpru mbufo ekpañ utọñ, enyuñ etim efiọk se ñyomde nditiñ emi. Baba ñkpọ kiet emi otodeto oduk owo idem ikemeke ndisabade owo, edi akam edi se itode owo ke idem iwọrọ asabade owo.
Ntem ke Enye ọkọkpọñ Kalili onyuñ adaha aka ke ñkanñkuk Taya ye Sidọn, ndien Enye ama oduk ke esit ufọk onyuñ añwana ndinam edidu Esie do edi ndibe, edi ikekemeke.
Kpa idaha oro ñwan emi ekpri eyen añwan esie emi ndedehe spirit okomumde ama ebine Jisọs. Koro enye ama okop abaña Jisọs ndien ke ntem, enye ama ediduọ Enye ke ukot. Ñwan oro okoto Gris ke Sirofonisia, ndien enye ama ekpe Jisọs ubọk ete yak Enye edibin ndedehe spirit oro osio eyen imọ añwan ke idem.
Jisọs ama ọdọhọ enye ete, "Ke akpa ifet Ami ñnyene ndiñwam mbon ubon mme Ju. Ifọnke ndimen udia nditọ ntop nnọ mme ebua."
Enye ama ọbọrọ ete, "Oro edi ata akpanikọ ete, edi kpa idem nditọ ebua emi edude ke idak okpokoro ekeme ndinọ mmọ ndusuk mbeñe udia emi otode usan nditọ."
Jisọs ama ọbọrọ enye ete, "Afo omotim ọbọrọ ọfọn eti, ntem amanam mi nnam idem eyen fo ọsọñ; nyọñ ufọk, koro ndedehe spirit oro ọmọkpọñ enye."
Ndien ke ini enye ekesimde ufọk, ekpri eyen añwan esie do ana suñ-ñ ke ñkpana esie ndien ndedehe spirit ama ọwọrọ ọkpọñ enye.
Owo kiet ke otu oro ama ọbọrọ ete, "Andikpep, ñkada eyen mi eren ndi emi ndedehe spirit omumde, anam enye ikemeke nditiñ ikọ. Mma mbeñe mme mbet Fo nte ebin enye ndedehe spirit oro esio, edi mmọ ikekemeke."
Jisọs ama ọdọhọ mbet Esie ete, "O! Emana unana mbuọtidem, adaña didie ke ndifiak ndu ye mbufo, ndien mbufo enim Mi ke akpanikọ! Adaña didie ke ndinyene ime ye mbufo! Emen ekpri eyen eren oro esọk Mi."
Ntre mmọ ema eda eyen oro esọk Jisọs, ndien ke adañaemi enye okokutde Jisọs, ndedehe spirit oro ama atuak eyen oro ke idem ata ọkpọsọñ ọkpọsọñ, ndien enye ama ọduọ ke isọñ amiañare onyuñ ọkọk efot ke inua.
Jisọs ama obup ete eyen oro ete, "Ebighi adaña didie tọñọ ñkpọ emi ọkọtọñọ ndinam enye ntem?" Ndien enye ama ọbọrọ ete, "tọñọ ke ini emi enye ekedide ata ekpri eyen. Kpukpru ini ndedehe spirit emi esinam enye ọduọ oduk ikañ mme mmọñ man owot enye. Tua ñnyin mbọm nyuñ nam ñkpọ ndiñwam ñnyin edieke Afo ekemede."
Jisọs ama ọdọhọ ete, "Edieke ekemede? Ñkpọ kiet ekededi ekeme nditibe nnọ owo ekededi emi enyenede mbuọtidem."
Ete esie idaha oro ama ọbọrọ ete, "Ami mmenyene mbuọtidem, O ñwam mi man ñnyene mbuọtidem emi okponde akan emi."
Ke ini Jisọs okokutde nte otu owo ekade iso nditọt, Enye ama asua ọnọ ndedehe spirit oro, onyuñ ọdọhọ ete, "Afo spirit imum ye inan, mmowuk fi nte wọrọ kpọñ eyen emi, ndien kuduk enye idem aba."
Ntem ke idiọk spirit oro akaduari ata ọkpọsọñ onyuñ osio enye ọduọk ndien ọwọrọ ọkpọñ enye, ndien eyen oro ana do suñ-ñ inyuñ isioroke uyo, ke enyin kpukpru owo eketie nte enye akpa, kpa nte mmọ eketiñde. Edi Jisọs ama omum enye ke ubọk onyuñ añwam enye ndineñede nda ke ikpat esie mbiba, enye ama eneñede ada.
Jisọs ama ọkpọñ ufọk akam ndien aka ke ufọk Saimọn. Ke ukem ini oro ñko eka añwan Saimọn ke ọkọdọñọ ufiopidem, ndien ema ebeñe Jisọs ete yak añwam enye.
Ke ntak oro, Enye ama ọnuhọ onyuñ asua ọnọ ufiopidem, ndien ufiopidem ama ọkpọñ enye. Enye ama adaha ada iwiwa onyuñ oyom ñkpọ ọnọ mmọ.
Nte Jisọs ọkọdọkde obot, owo kiet emi okotode obio oro emi mme ndiọi spirit ekeyọhọde enye ke idem edisobo ye Enye. Ke ata anyan ini owo emi ikesineke ọfọñ ke idem mme ndiduñ ke ufọk, edi enye okoduñ ke udi. Ke ini enye okokutde Jisọs, enye ama ofiori onyuñ ọduọ Enye ke ukot ke ofofiori ke ọkpọsọñ uyo, "Nso itibe Fi ye Ami Jisọs, Eyen Ñkoññkan Abasi Ibom? Mekpe Fi ubọk kutuhọde mi!"
Koro Jisọs ama owuk mme ndedehe spirit emi ete ewọñọ owo emi ke idem. Ediwak ini ndedehe spirit emi esimumde enye, esinam enye ekibi ñkpọkọbi ubọk ye ukot emi esidade ekọbi enye ke idak ukpeme. Ndien mme ndedehe spirit emi ema esida enye eyo eka ke mme ndobo ebiet. Jisọs ama obup enye ete, "Afo ekere didie?" Enye ọbọrọ ete, enyiñ mi edi "Udim", koro ata ediwak ndedehe spirit ema eduk enye ke idem. Ndien, mmọ esuk eka iso ndikpe Jisọs ubọk ñyire ete, yak Enye okubin mmimọ ọdọñ ke obube.
Otu edi ema edu ke mben obot ekpere ke edia udia. Mme ndedehe spirit emi ema ekpe Jisọs ubọk ete, yak Enye ayak mmimọ ikoduk mme edi emi ke idem ndien Jisọs ama enyime ọnọ mmọ. Ke ini emi mme ndedehe spirit emi ekewọñọde owo emi ke idem, mmọ ema ekeduk ke idem mme edi oro, ndien ofuri udim edi emi ema efeñe esuhọde ekedọñọ ke ñkpọdiọhọ mmọñ enyuñ ekpaña. Ke ini mme andibọk mme edi emi ekekutde ñkpọ ntibe emi, mmọ ema efeñe eduk obio ekesuan etop emi, ye ke mme obio iñwañ.
Ndien mme enyene obio ema ewọñọ eka ndikut se iketibede. Ke ini mmọ ekesimde Jisọs, mmọ ema ekut owo emi mme ndedehe spirit ekewọñọde enye ke idem nte etiede ke mben ukot Jisọs, ema esine enye ọfọñ, enye onyuñ ọdiọñọ idem esie, ndien ndik ama anam mmọ.
Ami ntiñ akpanikọ nnọ mbufo nte, ke ekese mme mmọ emi edade mi iditabike ñkpa tutu mmọ ekut Obio Ubọñ Abasi."
Jisọs Ke Ubọñ Esie
Ke ñkpọ nte usen itiaita ema ekebe, ke Enye ama eketiñ mme ikọ emi, Jisọs ama ada Pita, Jọn ye Jems aka ke enyọñ obot ndibọñ akam. Nte Enye akakade iso ndibọñ akam, iso Esie ama ọkpuhọde, ndien ọfọñidem Esie akabade ayama nte emereñ mereñ. Owo iba Moses ye Elaiya, ema ewọrọ ewut idem enyuñ eneme nneme ye Jisọs. Mmọ ekeneme ebaña ñkpa Esie, emi ekekperede ndisu ke Jerusalem.
Pita ye mme nsaña esie eken ema edu ke mba idap eti eti, edi ke ini emi mmọ ema ekedemere, mmọ ema ekut uyama Esie ye owo iba emi ekadade ye Enye.
Ke ini emi owo iba emi ema ekekpọñ Jisọs, Pita ama ọdọhọ Jisọs ete, "Andikpep, ọfọn ñnyin ika iso ndidu mi. Yak ñnyin ibọp atayat ita; ibọp kiet inọ Fi, kiet enyene Moses ndien kiet enyene Elaiya." Enye iketimke ifiọk se enye eketiñde.
Owo kiet ke otu owo oro ama ofiori okot Enye ete, "Andikpep, mmekpe Fi ubọk nte yak Afo osuk enyin ese eyen mi, koro enye edi ñkpasip eyen kiet emi ami ñnyenede. Ndien idiọk spirit oro ama omum enye ndien enye ke ndo ndo oro okuni, anam enye ọduọ unam, efot onyuñ ọwọrọ enye ke inua, inyimeke ndiyak enye, ndien oyom ndiwot enye. Mma ñkpe mme mbet Fo ubọk nte yak ebin spirit emi esio enye ke idem edi mmọ ikekemeke."
Jisọs ama ọbọrọ ete, "O! mbufo emana unana mbuọtidem ye ukwañ emana, Ami ndibighi ye mbufo adaña didie? Ndinyuñ nduñ ye mbufo mbighi didie? Da eyen fo di mi."
Kpa ke idem ini oro eyen emi asañade edi, ndiọi spirit oro ema emen enye etọ ke isọñ nte owo emi ọduọde unam. Edi Jisọs ama asua ọnọ ndedehe spirit oro, onyuñ anam idem ọsọñ eyen oro, ndien Enye omum enye ọnọ ete esie.
Idem ama akpa kpukpru mmọ kabaña odudu Abasi emi mmọ ekekutde. Kadaña emi kpukpru owo ekesuk edude ke ñkpaidem ebaña kpukpru se Jisọs akanamde, Jisọs ama ọdọhọ mme mbet Esie ete,
Jisọs ekebin idiọk spirit emi ekedide spirit imum, kadaña emi spirit oro ọkọwọrọde owo oro ke idem enye ama ọtọñọ nditiñ ikọ, idem ama akpa otu owo eti eti.
Ndien owo kiet ke otu mmọ ama ekpi eyen ufọk akwa oku utọñ ubọk nnasia esie osibe.
Edi Jisọs ama ọdọhọ enye ete, "Ekem!" Ndien Enye ama otuk owo oro utọñ onyuñ ọkọk enye.
Ke ini mme isuñutom Jọn ema ekenyọñọ, Jisọs ama ọtọñọ nditiñ ikọ nnọ otu owo mbaña Jọn. "Nso ke mbufo ekeka ke isọñ utatan ndikut? Ndi ñnyanyaña emi ofum eberede? Edieke midighe ntre, nso ndien ke mbufo ekewọrọ eka ndise? Owo emi ọkọdiọñde idem ke ediye ọfọñ? Baba, mme mmọ emi esinede mme nsọñurua ọfọñ ye mme mmọ emi edude ke uñwọk, edu ke mme ufọk mbọñ, Edi nso ke mbufo ekewọrọ eka ndikut? Asiak Uduak Abasi? Ih, yak ntiñ nnọ mbufo, enyemi akande Asiak Uduak Abasi." Enye edi enyemi ekewetde ebaña, ete, "Ami ñyedọñ asañautom Mi ebem Fi iso, emi edidiọñde usuñ Fo ndien afo edisim. Yak ntiñ nnọ mbufo, ke otu kpukpru mme mmọ emi iban emande inyeneke ndomokiet emi okponde akan Jọn. Edi, enyemi edide nsuhọde ñkan ke Obio Ubọñ Abasi okpon akan enye."
Kpukpru owo kpa ye idem mme ọbọ ataksi ke ini ekekopde mme ikọ Jisọs ema enyime ete ke usuñ Abasi ọfọn ama. Koro Jọn ama onim mmọ babtisim. Edi mme Farisi ye mme nta ke ibet mme Ju ema esin Uduak Abasi emi abañade mmọ koro idighe Jọn ekenim mmọ babtisim.