Milagres
Os milagres manifestam o poder soberano de Deus. Desde a criação até os sinais de Jesus e dos apóstolos, Deus intervém sobrenaturalmente na história para revelar sua glória e amor.
O Deus dos milagres
Para Deus nada é impossível. Ele abriu o mar, fez cair fogo do céu e ressuscitou mortos. Seu poder não tem limites.
Dede Jisu penui de piegai eh penui dage rangdi, "Mina ne aide tei gailak, dede Tinggwang au maleune teilu bui."
Dede Jisu penui de piegai eh penui dage rangdi, "Mina ne aide tei gailak, dede Tinggwang au maleune teilu bui."
Kedanemene Tinggwang teigaikelak magede gahlu."
"Pielo! Ih RAMPAUBE da, heleuh leune Tinggwang. Magede a ziemne teipa kecu bam ni?
Moses pe ba hwapwa jaadi reu gage kaigai. RAMPAUBE naimiak kepetle tingkai keci ge tingmuiziu pelane guipwa jaadi gui caili di nah jaadi cide teipwa hangdeu kecangh ge teilu. Ainzwa delwe duidung mzi kena teidi. Israelmedung hangdeu kecangh ga jaaidi sum ga lüt di. Dui cide penui ziemne penui zetle nah hile tu de hangbie ge teidi.
Dede n tadung de Ih nsung luzie, RAMPAUBO;
N tei kegai miswakegah kehegwadung de Ih cet luzie.
Ih n tadung pelane cet sünne zie
nah cidung de cetncok daizie.
Nang au miswakega tadung ketei Tinggwang;
nang n kengkieng minadung kakga ge liagai da.
Milagres pela fé
Se tiverdes fé como um grão de mostarda, movereis montanhas. A fé é a chave que acessa o poder miraculoso de Deus.
Ge Jisu penui dage rangdi, "Nnui kenlum keceune. Ih nnui dage rangsiakte gaila, nnui kenlum ziegitsi hia nage bamcai, nnui lamlwa aide de, ‘Aika de lule mpet dilo,’ degai de cide mpet dizie, nah magede nnui teigai kelak bamlak."
Jisu penui sam keligai, "Ih nnui dage rangsiakte gaila, nnui kenlum bam eh nnui suihau mecai, nnui tangzüttsi bang aide dage tei kegai rünne tei lak, dede nnui lamlwatu aide de, ‘Cuhlu delwe jaaidi ga cak lüt dilo,’ degai cai cide ciciu luzie.
Jisu pe dade rangdi, "‘Nang tei lubui cai lieni’? Nlum kelame ziemne maleune tei lubui."
Jisu penui de piegai eh rangdi, "Mina ne cide teigailak dede Tinggwang teilu bui, kedanemene Tinggwang au ma pelane teilu builu."
Cine pa sam keli gai, "Mina tei gai kelakpe Tinggwang dade teilu bui."
Pa cika miswakegah bata tei kiee ma penui nlumlu kemakne.
Sinais e prodígios
Os apóstolos realizaram sinais e maravilhas em nome de Jesus. Os dons do Espírito incluem a operação de milagres e a fé sobrenatural.
Israelmedung, sam aidungde kingnei lulo: Tinggwang pe bata kedi, miswakegah nah marehidung gade Nazarethme Jisu de nnui dage keulia ndu gaida, cide Tinggwang nnui kakga de teigai, nnui cibam nzwa.
Penui kekie teicang dige, penui ngngwa ngkwa kebam ni de nlaidi, nah penui pelane Kemci Rabe le kepui teilwe penui kuusüt eh Tinggwang sam rangdi.
Tinggwang peu Paul ba gade miswakegah bata kedi teigai, iciu eh baneu paidung nah hegwapaidung pecu tung kedibe pwa keteeime de peu kegaidau penui dade mateei gahdi nah herakesiabe penui dade mpetdi.
Langkegaime ge kesang rehidung de helung tie eh nnui kakga teilia gaida, marehidung nah miswakegahdung nah mimakecang batadung tei eh.
Nah Tinggwang ngqwaki ga kangge de kedet pwa bam kesang, keraibe langkegaime, kenabe caihakecime, kecumbe keledeume, pecai miswakegah bata keteime, pecai mateei teikengkei mapeu, kenghame, piekerengeime, nah helet ketsamtsam kerangme.
Rabe ne migede kemteusam kerang pwapeu, nah cipau Rabe dene kedage de macisam kerangde cilu kera pwapeu, cipau Rabe dene kedage de kenlum peu, nah cipau Rabe dene kedage de teikengkei mapeu peu, nah kedage de kengkieng bata teilu kera, kedage de caihakecisam kerang, kedage de rabedung ci ntsamlu kera, kedage de helet ketsamtsam ranglu kera, nah kedage de helet ketsamtsam ranglia mcilu kera peu.
Dede Jisu rangdi, "Pecu kaam diso, kedanemene migede a zi gade makedi tei kelame zette acu rangmsia gai laklu. Kedanemene anui de renia kemakpe au anui lam delu.
Milagres de cura e provisão
A oração da fé salvará o enfermo. Deus provê, cura e intervém quando clamamos a Ele com fé genuína.
Nah kenlumme kekie gade keteeibe de teingkei luzie, nah Rampaube pecu teucuh beuzie. Nah pa kemau tei pwabam cai, Tinggwang pe mau gibeu zie. Cine hangge ge dage nnui mau petlu, nah hangge ge ziemne kielu, iciu de nnui yi ngkei luzie. Kesamsangme kekie au pe kengkieng bamsüt.
Elijah de mina anui kenzwame geda. Pa peu tingrui helo ntingsüt eh kiegai, nah mmi kecum eh keiherok ge ziemne hangdeu reu ga tingrui tadi. Pecai pa kiegai dai, nah tinggim gade tingrui kaibeu, nah kideube petsi builu.
Pecai pa tangku kwak mengei nah heka pumna de keulwe tinggim ngang pie eh cidungde samlam gai eh cidungde tei panglu, delwe ledeukelumedung de hemaabe dwa gage kaibeu lo eh pwabeu. Cine penui peciakne tyei eh nggeilu, nah penui tyei kebangbe, ge pesuina raptui kereiekena palu.
Pi kesia pui ge de Sabbath benai tei kengkei
Pa Sabbath benai synagogue ge ga mide ledeu bam, nah cika mipui ge bam pecu mmi kereieheset ge kemnei peukela rabe ge ne pecu tei mnei eh bam, pa pekiabwak eh nzang nzuilu tadi. Cu Jisu pecu ngau keludau, pa pecu qu nna gai, nah pedage rangdi, "Mipoe, n kemneidung teihemi beu dida." Nah pa pereu gage pe ba hwagai, ge pa nzang zette lu eh pa Tinggwang de twadi. Dede synagogue reu kedibe pelung tsamdi kedanemene Jisu Sabbath benai mide teingkei kebeune, samkeli nah hemaabe dage rangdi, "Heta tei kera tingba lang herokne bam. Cine cidau gwang mide teingkeilu, dede Sabbath benai so." Dede Rampaube pe sam keligai nah rangdi, "Hezai teikelamedung! Nnui ket ket kecu Sabbath benai pe tumseu mede pe gada peki gade hiaklwe ngngwa mie peu dui sakla meni? Dede aipau mipui de Abraham leuh napui ge, Satan ne pecu mmi kereieheset ge kangteu kela Sabbath benai hebaang aide gade pecu lungmpet peu kerabe meni?" Nah pa aidungde rang kegai dau, pecu reniakelamedung ngngam di, dede hemaabe peciakne pa ma kendu tadung tei kegaidung ziemne penui suiyi sütdi.
Aipau miswakegah ta raitube de Jisu Galilee Cana namceu gade teigai, nah pa pe kendu pwa liagai, nah pe caisuime pecu nlumlu.
Cidau, minadung marehi aide pa tei kegai ngau luge, penui rangdi, "Aide caihakecibe kesangbe da, kideu ga gwang lai eh kebambe de."
Jisu pe dage rangdi, "Nang acu ngau kelu ziemne, nang nlum luda. Acu ngau mene, nlum kelume au samlam pungtu lie."
Cu Jisu marengei kekiee kedade teigai pe caisuimedung kebam gade, marengei aipau laisiukwak gage rau gai kemakpe, dede aidungde rau pwala iciu eh nnuide peu Jisu au Khrista, Tinggwang Nabe lie kecu nlumlu kerane, nah iciu eh nlumlu eh, pe zi gade nnuide peu kering ngaulu kerane.
Cine pecai caisuibe kedabe, herau ga gwang rai kelube, de lüt lu, nah pa ngaulu nah nlumlu. Kedanemene penui au cilu mereu kesanglaisiu de pa ketsai gade ring cudai zie de kecu.
Discernimento nos sinais
A Bíblia alerta contra falsos milagres e sinais enganosos. Devemos provar os espíritos e não seguir sinais que desviam de Deus.
Hera Kedadung Kereca
Magade nnui kakgade caihakecime mede hemang kemmi medung cuhdi, nah pa marehi ge mede miswakegah ge nnuide peu cai, nah magade ma rehi mede miswakegah pa ncu kerang de gwang eh rang cai, ‘Anui rabe kedadung cai tet go, nnui ci kemakbe, nah anui penuide reca go,’ cipau caihakecibe sam de kingnei so, mede cipau hemang kemmibe dungde de; kedanemene RAMPAUBE nnui Tinggwang nnuide kedakpie bam nnui RAMPAUBE nnui Tinggwang de nnui mlung pelane teu nah nnui keringria pelane teu pecu ku bam mi kecu ci kerane. Nnui RAMPAUBE nnui Tinggwang cai tet zie, pecu herüt peulu, pe aja kai kebeudung de tei mzailu, nah pesam mzailu, nah nnui pecu reca zie nah pecu nggei lalu.
Pecai Ih neidi mui gade, nah teikuu mui gade, nah kenret caihakecibe mui gade, mci kemak rabe kecum hegau nzwa eh mpetkela ngau. Penui au miswakegah batadung ketei herakesiabe rabedung da. Penui kideu pelane ga hegwangmedung da mie, iciu eh penuide Ngkiengtube Tinggwang tingba kedibe nai ziemne keregi kera teu hekwalu kerane.
Jonah rehi
Laisiukecimedung ge nah Phariseeme Jisu sam keli eh, ranggai, "Keledeubo, anui n dade marehi ge ngauneu lalie." Dede Jisu sam keli eh penui dage rangdi, "Kesia nah kemmha ceheu marehi ge peeila. Dede caihakecibe Jonah dage marehi tei kegai de gwale marehi keda gede pwapeu lakta. Kedanemene Jonah tingbazie nah tingmuizie lang cumne heka kedi pok ga kebam nzwa, Mina Nabe de tingbazie nah tingmuizie lang cumne kideube lung ga bam zie.
Helung nreukemak namdidung keherei kera
Pecai Jisu pa miswakegah batadung kekiee tei kegai namdidung de kesiu cuhdi, kedanemene penui lung nreulu kemakne. "Ainie, Chorazin! Ainie, Bethsaida! Magade nnui dage miswakegah bata tei kegai de Tyre penai Sidon nam gage teigai liecai, penui ndaa ge rosopai nah mimangbüt teu eh penui lung nreu zie de nage. Dede Ih nnui dage rangsiakte liazie, hetuketiak benai Tyre penai Sidon au nnui swade lialu yiki zie. Nang Capernaum ncu teu cehu nghang tinggim tunglu buini? Ncu teu henah mie Hades gage kai dizie. Nnui dage miswakegah bata keteidung Sodom gade teigai cai, henai kecangde cide bam zie reu nage. Dede Ih nnui dage ranglia zie, hetuketiak benai nnui ziemne swade Sodom deu ga kelungme be lialu yiki zie."
A criação como milagre
O próprio corpo humano é milagre de Deus. Toda a criação testifica do poder e da sabedoria do Criador.
Nangne a lungnet pelane damgai;
nang ne a pui za gade acu tamtok ncütlu.
Ih ncu twa zie,
kedanemene Ih au n bata miswakegah ge kecune.
A rabe ma aide ci hemisüt bam.
Ih n bata miswakegahdung peei zie
Ih RAMPAUBE de a nlung pelane le hetwa pwa peu zie;
Ih miswakegah n tadung ha rang zie.
Ciziemne Rampaube ne marehi ge nnuide peu zie: Pielu, releipui ge telak luzie, mipeina ge nna luzie, nah pezi Immanuel lie qu zie.
Ma aidung pelane Rampaube ne caihakecibe dage kerang de teicanglu kerane teigai, ainzwa ranggai,
"Ainie, relei kemci pui ge tetlak luzie nah mipeina ge de mna luzie, nah penui pe zi Immanuel quzie" cide pekie, "Tinggwang anuide ngngwabam."
dede penui pa jaaidi reuga tetkela ngau keludau, penui pecu le pwane kengkei gelie eh sahbak gai, Kedanemene penui pelane de pecu ngau eh penuide keheu süt kedine. Dede pa penuide mpau kelwa eh penui dage rangdi, "Kuu lulo, Ih lie, ngngi di helo!"
Dede Jisu aide siulu ge, pa sam keli eh peda cu, "Ngngi so; nlumkelu gwale, nah pa yilu zie."
Olive deutu gade tet kenghung lampui de pa mna gwang kezeu dau pe caisuime maadi penui suiyi eh nah miswakegah bata penui kengaudung de ziemne sahbak eh Tinggwang de twa eh cu, rang, "Rampaube zi teu kegwang hegwangbe de peu samlam pungkelube tei lulo! Tinggim ga keyibe teilu nah ting hutu gade ndulu!"
Pa aidungde rang kedicai, penui ngangcuh pie kebamdau, pecu ngngwa cuhdi, nah hemwa gene penui miakngau gade pecu sung teudi.
Ge Ih hangdeu ga kaumie nah makwa ge a da rang eh siu, ‘Saul, Saul, nang daitei acu teikeherei lano?’
Tangrim teukengkap
RAMPAUBE Moses dage rangdi, "Pharaoh da gwang culo, kedanemene Ih pe mlung nah pe kilamedung mlung teitak dida. Ih aide tei kegai au a kengking gade miswakegah marehidung penui kakga keulia lu kerane. Ih de aide tei gai ciude Ih tei kegaidung, Ih dainzwa delwe Egyptme de teikeherei süt gaibi, nah Ih dai kenzwa a kengking teu marehidung ketsamtsam penui kakgage tei gaibi nnuide peu nnui namedung nah tsamedung dage ranglia lu kerane. Ainzwa eh nnui Ih RAMPAUBE lie kecu ci luzie."