Morte de Jesus

Kufuwa kwa Yesu

28 Baho, Yesu akachele amalile kasi chake chonda, neke Masimbo gya Nguluvi gaveche ndakyene, akalonga, "Ndiwona ng’elu."

29 Pala pakali na bakuli yeimemile dafwayi yeihatile, suwe, vakachwike lidodoki mudafwayi, vakavika mulitete na vakamvikiye pamlomo. 30 Yesu peanyuwe yila dafwayi, akalongile, "Kasi lyangu yisilile!"

Baho, akagondamicha kituwe kyake, akafuwe.

23 Vapuga pevamalile kumvamba Yesu palipindilihicho, vakategule myenda gyake, vakagawine filundo chitai, kila mpuga kilundo kyake. Ila vakategule na lihingila lyake, lihingila ilyo likali libotilwe kuva kinu kimwi kuhuma kukyanya mbaka panyi ngajila kuhonwa. 24 Vala vapuga vakwilongela, "Tubihile kuchidemula, ila tutovile gudugudu ivecha lya ani." Lukani lula likagitilwe neke Masimbilo ga Nguluvi gavecha ndakyene,

"Vakagawine myenda gyangu,

na lihingila lyangu vakatovile gudugudu."

Ago gyonda vakagitile vala vapuga.

25 Pepi na palipindilihicho lwa Yesu vakali vaimile maye va Yesu na maye vake mdodo Yesu na Maliya mdala va Kilopa pamwi na Maliya Magadalena. 26 Yesu peamuwonile maye vake na mchulila yeamkelie ahimile pepi maye vake, akamlongela maye vake, "Maye uyo nde mwana vako."

27 Baho, akamlongie yula mchulila, "Uyo nde maye vako." Kuhuma pala mchulila yula akamtegula maye vake Yesu akahelela nave kukaye lyake.

33 Pevafikile pono pepikemelwa, "Libang’a," Baho vakamvamba Yesu mukipindilihicho. Na vala vahofu vavili vakavambwa kila yumwi mukipindilihicho kyake, yumwi lubali lwa kuliya na yungi palubali lwa kusoto. 34 Yesu akalongile, "Daada uvalekela sambi kwakuva sevichela kyevigita." Baho vakagavine myenda gyake kwa gudugudu. 35 Vanu vakali vemile bahala vakilola. Navo vakomi va Vayawudi vakali vakumbeda akilonga, "Avakombuwe vanu vangi, leke ikombowe yumwene ngita mwene ndi Kilisito, Mkombosi yeahaguliwe na Nguluvi!"

36 Vapuga navo vakamligile vakamuhelelie na kumgavila difwayi njachu. 37 Valongile, "Ngita veve ndakyene ndi Ng’achale va Vayawudi, wuyiwokole yumwene."

38 Filafila vakavikile kibawo kukyanya lya kipindilihicho kyake kyekisimbilwe njowo ichi, "Uyu ndi Ng’achale va Vayawudi."

39 Muwofu yumwi pagati lya vala vevavambilwe, akamligile Yesu, "Wuli, veve se ndi Kilisito mkombosi? Ifyo wikombole yuve na utukombole na nefwe."

40 Ila yula muwofu yungi akamlakila mweyage akilonga, "Wuli, veve seukumwogofya Nguluvi? Veve uhigilwe ngita mwene. 41 Nene na veve tuhigilwe unofu, ifyo tuwanuka mahombo galagala gye tukagagitile. Ila munu uyu seagitile kyokyonda kiwofu." 42 Baho akalongie, "Vee Yesu undiwike na nene pewikwingila pa Ung’achale vako."

43 Yesu akamuhiga, "Ndakyene ndikulongela, neng’uli wivecha na nene kumafunde."

Kufua kwa Yesu

33 Kuhuma saa sita pamunyi, inyi yonda igubukwe na kisi ngomi mbaka saa tisa. 34 Peifikile saa tisa palumie, Yesu avembile kwa lisauti likomi, akalongie, "Eloi, Eloi, lama sabakitani?" Mana lyake, "Nguluvi vangu, Nguluvi vangu, wuli unilekile?"

51 Baho lipasiya lya kaye lya Nguluvi ikademwike fipande fivili, kuhuma kukyanya mbaka panyi, inyi yonda ikahogosike, maganga gakabachwike, 52 makabuli gakadinduka na vanu volofu va Nguluvi vevafue vakachulubuliwa, 53 Navo pevakahuma mukabuli, peachulubuke Yesu, vakaingila mumwani va Nguluvi, vakaonekine na vanu volofu. 54 Suwe, mkomi va vapuga na vala vevali vakumdima Yesu pe valolile luhogoseko lya mganga na lula lukani ukahumie, vakaogwipe hilo vaka longa, "Ndakyene munu uyu akali Mwana va Nguluvi."

13 Ng’asi ngomi lya kuvawonesa kuva ukuvakela vaganja vako, ndi kula kufuwa neke vene vikale uwumi.

16 Kwakuva Nguluvi akuvakela hilo vanu va muinyi ata akamuhechile Mwana vake va weka hela, neke kila munu yeakumdikila abihile kuyaga, ila aveche na uwumi va mbepali.

10 Kwakuva petuwave vachundama va Nguluvi, tukanjengilwe kaya kuchumbila kufuwa kwa Mwana vake. Na ngita tunjengilwe kaya na Nguluvi, suwe, tuchela datulowoliwa kwa uwumi va Kilisito.

16 Nefwe tuchelile lukelo ndi liki, kwakuva Kilisito akahechile wumi vake kwa nefwe. Kangi na nefwe ndeni ndeni twing’ang’wa kuhecha wumi vetu kwakuva lya vanu vangi.

2 Mwene Kilisito ndi usembe yeikutuhechela sambi chetu, kangi sesambi cha nefwe hela, ila sambi cha vanu vonda.

8 Akayikwisile na kudikila mbaka kufuwa,

ata kufuwa pakipindilihicho.

9 Kwakuva, twichela kuva Kilisito achulubuchwe suwe na seifuwa kangi, kwihela ludali chechikumgita afuwe kangi. 10 Suwe, kwakuva akafuwe mala yimwi hela, sambi ihela ludali kangi kwa mwene na akwikala pamwi na Nguluvi.

3 Wuli, semuchela kuva petubatiswe tukawungile na Kilisito Yesu? Nefwe tukawunganile mukufuwa chake. 4 Petubatiswe tukasilwe pamwi na mwene na kwiwungana mukufuwa kwa mwene, neke ngita fila Kilisito peachulubuchwe kwa ukomi va Daada, ndeni ndeni nefwe tuwese kwikala muwumi umiya.

27 Ngita munu ufuwa mala yimwi hela, pambele ihigwa na Nguluvi, 28 ndeni ndeni Kilisito ihechile litambiko mala yimwi hela neke kuvahechela sambi vanu volofu peikwacha kangi seikwacha kwajili lya sambi ila ikwacha kuvakombola vala vevakumhuvulila.

22 Peteli akaendelie kulonga, nyenye vanu va Isilaeli, mpulikiche njowo ichi unofu! Nguluvi akavawonise nyenye kuva igita kasi kuchumbila Yesu va Nasaleti nyenye mwichela kuva kuchumbila uyo Yesu akaonise fimanyilo fyolofu kwa nyenye. 23 Kuhumila na mpango vake Nguluvi yumwene akali asakile kuva Yesu ibatwe na nyenye, nyenye mukamdochile kwa kuvaleka vanu vahofu vamuvambe mulipindilihicho. 24 Ila Nguluvi akamchulubuche, akamuhecha mukiwopo kya kufua, ili abihile kukolelwa na kufuwa.

11 "Nene ndi mkwamila msanzi. Mkwamila msanzi ihumicha uwumi vake kwakuva lya ng’ondolo chake.

26 Kwakuva kila pemuliya libumunda ugu na kunywela kikombe ikyo, mwilanducha kufuwa kwa Mtwa, mbaka daiwuya.