3 አያዉ ጎፐ፥ ጾሳይ ህንተፐ ኮይያዌ አዬ ጎፐ፥ ህንተንቱ ጌሻ ግዳናዋነ ዎሹምያዋ ኡባና አጋናዋ ኮዬ። 4 ህንተንቱ ሁጲያን ሁጲያን ጌሻተንነ ቦንቹዋን ህንተንቱ ማችያና ዎት ደአነንቶ* ኤራናዉ በሴፐ አትን፥ 5 ጾሳ ኤረና አማነና አሳቱዋዳን፥ ሎይ አሞትያዋን አካናዉ በሰና።

13 ቃይ ሀራይካ፥ "ቁማይ ኡሉዋሳ፤ ኡሉካ ቁማሳ" ጌ። ሽን ጾሳይ ኡሉዋካ ቁማካ ይሳና። አሳ አሳተይ ጎዳ የሱሳሳፐ አትን፥ ዎሹማሳ ግደና። ጎዳ የሱስካ አሳ አሳተሳ።

3 ቃይ ክርስቶሳ በአና ጊደ ናሸቻን ናግያ ኦንነ ክርስቶስ ጌሻ ግዴዳዋዳን፥ ባረና ጌሼ።

1 አ ባይዙ አቶ ጌተቴዳነ

አ ናጋራይ ካመቴዳ ኡራይ አንጀቴዳዋ።✝

2 መና ጎዳይ አ ኢታተ ፓይደና አሳይነ

አ ቆፋን ባለ ባይና አሳይ አንጀቴዳዋ።

3 ታ ናጋራ ፓጸናን ደኣደ፥

ታን ጋላሳ ኩመን ኦሌዳዎ

ታ አሳተይ ዳቡሬዳ።

4 ጋላስነ ቃማ ነ ኩሺ ታ ቦላ ዴጼዳ።

ሃይ ቦንያ አዋን መሊደ ዉርያዋዳን፥

ታ ዎልቃይ ዉሬዳ።

5 ታን ታ ናጋራ ነዉ ፓጻድ፤

ታ ኢታተካ ኔፐ ገንበይከ፤

"ታ ባይዙዋ መና ጎዳዉ ፓጻና" ጋድ።

ያትና፥ ኔን ታና ዴጼዳ ናጋራ አቶ ያጋዳ።

6 ሄዋ ድራዉ፥ ጾሳ አሳ ግድያ ኦንነ፥

ኔን ቤትያ ዎደ፥ ኔና ዎሶ።

ዎልቃማ ሃይ ኩንያ ዎደ፥

ቱሙዋፐ ሄ ኡራ ጋከና።

2 ታ ኢታተፐ ታና ሙለ ሜጫ፤

ታ ናጋራፐ ታና ጌሻ።

3 አያዉ ጎፐ፥ ታ ባይዙዋ ታን ኤራይ፤

ታ ናጋራይ ኡባ ገደ ታ ስንና።

4 ታን ኔና፥ ነ ጻላላ ናቃድ፤✝

ነ አይፍያ ስንን ኢታባ ኦድ።

ሄዋ ድራዉ፥ ሃሳያደካ ኔን ልከ፤

ፕርዳደካ ኔን ጽሉዋ።

7 ሂሶጵያ ግያ ቦንጭያን ኔን ታና ጌሻ፤

ታን ጌያና።

ታና ሜጫ፤

ታን ሻቻፐ አአደ ቦጻና።

8 ኔን ታና ናሸቻነ

ሀሹ ግያዋ ስሳ፤

ኔን ታና መንሬዳባ ግዶፐካ፥

ዛራደ ናሸቻ።

9 ታ ናጋራፐ ነ ስን ዎራ ዛራ፤

ታ ኢታተ ኡባ ቁጫ።

10 አቤት ጾሳዉ፥ ጌሻ ዎዛና ታ ግዶን መ፤

ምንስያ አያና ታ ግዶን ኦራ።

11 ታና ነ ስንፐ ኦሎፓ፤

ነ ጌሻ አያና ታፐ አኮፓ።

12 ነ አቶተ ናሸቻ ታዉ ዛራደ እማ፤

ታን ነዉ ኤኖ ጋደ አዛዘታናዳን፥

ታና ዘምፕሳ።