Não desista!

12 Mə wûsə̂ äwä kə sə lə əyo də äwä kə sə də aərə ngbatshe gâ ye. Lə aərə nɔ̂, tə̂ ətshe nɔ̂, mə wusə̂ äwä ndə kə pa tshelə əmə su də äwä ndə kə pa əgo mi əmə, ndə kə sə də aərə ngbatshe də kə sə sə də ərə bale ne. 13 Mə lï də ərə nɔ̂ lə ətshə nə ə̂në tshə gbɔgbɔ əmə kɔ.

Kə mbe ətshe ə̂në ə sə kə na gu nə kɔ sə kə daka pə piii

16 Âdârə ə̂në ä mɔ mɔ ne kɔ kə sə̂. Bale, kədə tshekotə̂ ä nə̂ əzü sə kə ndɨ nə teashe teashe, tshekotə̂ ä djoko lə nə, sə kə do tə̂ ye tə tafa nə alɔnɔ̂. 17 Mbrə ə̂në aərə əyo ə̂në ä sə lə nə kʉ mbrə ə̈bə̈ alɔ kɔ, ə sə kʉ teashe, ə gamba ä mbrə ə̂yî ə̂në ə sə piii, ə̂në ə lʉ ə lʉ kɔ, ə̂në ə lï lï də aərə əyo səkɔ ne kɔ. 18 Ä li lishi ndje gâ tə̂ aərə ə̂në ala əzə̂ wu ə wu kɔ ne, bale ä ko ala ä kʉ gâ tə̂ aərə ə̂në ala əzü wu wu ne kɔ. Mbrə ə̂në aərə ə̂në ala əzü wu ə wu kɔ, ə sə kʉ mbrə ə̈bə̈ alɔ â aərə ə̂në ala əzü wu wu ne kɔ sə ənə̂ ye piii.

35 Rəkɔ, e tshï tshï äwä lɔsu ə̂në e zâ nɔ̂ kə Ndjapä nə kɔ tʉ ne, mbrə ə̂në e sɔtə̂ ə̈bə̈ âgbɔ̂ ərə tshemandâ nə je.

23 A däka pə tə̂ kə yerɔ ərə ə̂në a za lɔsu əzə̂ nə gâ pâ nə kɔ lə ala azü nɔ̂ tə djatra ərə, a mɔ̈ mɔ̈ tə̂ äwä nə ne, mbrə ə̂në ətshə ə̂në tshə zâ ama də əpʉ ərə nə kɔ, tshə lï ndə kə pa a za lɔsu əzə̂ gâ tə̂ əpʉ nə̂ ye nə. 24 Ala əzə̂ gbɔ̈ tə̂ angâ əzə̂ lə takpa tə̂ əzə̂ ndə kə pa a mbrə angâ əzə̂ nə gâ tə̂ äwä kə yi tə̂ əndje də azü ə mbrə âtshɔ̂ aərə. 25 A tshï tshï äwä aangbɔ nə̂ əzə̂ tʉ, mata ə̂në alabə̈ azü nə ə mbrə tə mandʉ nə kɔ ne. Bale, a gbɔ̈gbɔ lɔsu angâ əzə̂ lə takpa tə̂ əzə̂, ə mbrə̈ rə ə ro ənə̂ sə̂ ə̂në a mbrə̂ ətshinə kɔ, ə̂në e wu ə pa əlo Âgbɔ̂ Əyïngerə ndô trö gâ ye kɔ.

6 Kandää, əzü â za lɔsu ye za kə Ndjapä ne, tshə lï lï bale ndə kə pa tshə fʉ lə ala Ndjapä nə ne, mbrə ə̂në əzü ə̂në tshə na gâ tə̂ Ndjapä, tshə lï ndə kə pa tshə wusə̂ nə mâ tə̂ lɔsu ə pa Ndjapä nə sə je â tshə sə kə ko aə̂rɔ̂ aərə kə azü ə̂në əndje sə kə pra äwä ye kɔ.

12 Mbrə ə̂në Əpʉ Ndjapä sə tə sorô ə sə kə mbrə ərə. Ama nə kî ə rô ama ə̈ngrʉ̈ kamba ə̂në aama nə sə bishi kɔ gâ ye; ə sə kə li əzü ʉrrr ndjɔ ə kru tshelə takpa tə̂ lɔsu ye də yîrə̂ ye, ə kru tshelə takpa tə̂ akəshe də ayerɔngɔ; ə sə kə wa tshelə aəpʉ ə̂në ə sə tə̂ lɔsu əzü kɔ də aəpʉ kə tegbɔ kumu ye.

9 A mɔ̈ mɔ̈ tə̂ äwä kə mbrə ə̂rɔ̂ ərə ne, mbrə ə̂në, kədə alɔ nə kə lï, a sə kə kɔ angwa nə, kədə tshelə kəna əzə̂ kə tɔ tɔ tə̂ äwä nə ne.

11 Mə sə kə na katshä katshä səye. Tëgbɔ ərə ə̂në bə sə də nə kɔ nge nge nge, kanika ə̈bə̈ əzü bale za za âkrâ nə̂ zə tə̂ zə ne.

12 Alɔ ndə kə pa azü nə̂ Ndjapä nə ru ə ru lə aərə nɔ̂ kɔ kə sə̂, əndje ə̂në əndje sə kə bata aəpʉ ama Ndjapä nə də äwä lɔsu əndje ə̂në əndje zâ kə Jezu kɔ.

Ndjapä gi gi ə̈bə̈ əzü bale gâ tə̂ əmbrʉ ərə ne

12 Ənə̂ ye tə ə̂rɔ̂nə, əzü ə̂në tshə wusə̂ kə kânga lɔsu ye lə ərə kə tra ətshə! Mbrə ə̂në tshə sɔtə̂ sorô nə̂ alɔnɔ̂ ə̂në Âgbɔ̂ Əyïngerə zâ ama də nə kɔ kə azü ə̂në əndje yində ye kɔ je, mandânə ə̂në tshə rô lə ərə kə tra lɔsu ye nə gâ ye kɔ.

33 Mə pâ əpʉ kə e rə ndə kə pa e sə də blatshe tə̂ äwä əmə. Aərə əyo sə kə wutu gâ tə̂ e pâ ashɔ, bale e gbɔ̈ ə gbɔ̈! Əmə, mə rô pâ tshepashɔ də awlra gâ ye!»

66 Kʉ pə kôto səkɔ, azü ngbatshe lə takpa tə̂ atrawaya nə̂ ye nə tshî äwä ye tʉ ə kâtə̂ kə na ana də aəndje gâ ye. 67 Rəkɔ, Jezu pâ kə azü-awla nə morofo amanə bishi nə ə pa: «Bale e-e, e yində kə gu na ye ndje a?» 68 Shemɔ Piarə kîrə əpʉ kə ətshə ə pa: «Âgbɔ̂ Əyïngerə, ä sə kə na mâ ndə əde? Aəpʉ ə̂në ə sə kə za sorô nə̂ alɔnɔ̂ kə azü kɔ sə lə ama zə. 69 Â ä-ä, ä yində əpʉ nə də lɔsu ä ə wusə̂ nə ə pa əbə də̂ Ətshə ə̂në bə sə kpî mbrə Ndjapä kɔ.»

18 «Mə sə sə kə katə̂ e tə ayasoro ne, mə sə kə gu gâ tə̂ e.

Əpʉ kə yu tshuku ərə kə Ndjapä

7 «E yü tshuku ərə, əndje sə kə za kə e; e prä ərə, e sə kə sɔtə̂ nə; e ngë manda, əndje sə kə krɔ nə kə e. 8 Mbrə ə̂në, əzü ə̂në tshə yu tshuku ərə, əndje sə kə za kə ətshə; əzü ə̂në tshə pra ərə, tshə sə kə sɔtə̂ nə; əzü ə̂në tshə nge manda, əndje sə kə krɔ nə kə ətshə.

E nä gâ ndə əmə ka ə wu tə̂ e

28 «E nä gâ tə̂ əmə, e-e ə̂në e mɔ̂ gâ ye â aərə sə kə lʉ e kɔ, mə sə kə za äwä kə e ndə kə pa e wu tə̂ e. 29 E djï əpʉ ama əmə! E mända ərə ə̂në mə yisə̂ nə kə e kɔ, mbrə ə̂në mə ma awlra ma tə̂ əzü ne, lɔsu əmə sə sə gerətshe ne. Rəkɔ, e sə kə sɔtə̂ äwä ndə kə wu tə̂ e. 30 Mbrə ə̂në aəpʉ nə̂ əmə gbɔ gbɔ ne â kongbɔ nə̂ əmə lʉ lʉ ne.»

26 Jezu shêkɔ əndje ʉrrr ə pâ kə əndje ə pa: «Ərə ə̂në azü lï lï ndə kə ma nə ne, Ndjapä lï ndə kə ma nə.»

37 Mbrə ə̂në ə̈bə̈ ərə bale kə kra Ndjapä guta gu ne.»

6 Mə wusə̂ nə tə djatra əpʉ ə pa: Ndjapä ə̂në tshə vɔ̂tə̂ ə̈bə̈ ə̂rɔ̂ kosəra lə e kɔ, tshə sə kə na də nə ʉrrr ndjɔ gâ tə̂ ama nə, tə̂ əlo kə gu Jezu Kristə nə.

17 Kədə ə̈bə̈ əzü kə tɔ̂ popo Kristə nə gâ ye, tshə sə tə tafa əzü. Aangbrɔ aərə rô gâ ye, aərə nɔ̂ dô tə̂ əndje tə tafa nə gâ ye.

Tafa tshelafɔ də tafa ashɔ

1 Bale, mə wû ə̈bə̈ tafa tshelafɔ də ə̈bə̈ tafa ashɔ, mbrə ə̂në angbʉlî tshelafɔ nə də angbʉlî ashɔ nə rô gâ ye â ə̂ngû əngbrʉ sə sə kwatə̂ye je ne. 2 Â mə wû gala nə ə̂në ə sə kpî mbrə Ndjapä kɔ, tafa Jeruzalamə nə, ə̂në ə tô mâ lafɔ, mâ ngotə̂ Ndjapä nə â ə sə̂ kə jerə nə kɔ, ə gâmba tə̂ ye gâ ye mata yashe ə̂në koshe tô ətshə â tshə mbrə̂ gao ndə kə ka mbrə äkɔ̈ nə kɔ. 3 Mə djî ə̈bə̈ âgbɔ̂ tshema ə̂në ə tô djoko tə̂ mbata ngerə nə ə pâ əpʉ ə pa: «Ə̂sə̂ kə sə Ndjapä sə lə takpa tə̂ azü gâ ye! Ə̂sə̂ kə sə ətshə sə kə sə lə takpa tə̂ əndje â əndje sə kə sə tə azü nə̂ ye. Ətshə də ə̂tə̂ ye sə kə sə lə takpa tə̂ əndje, â tshə sə kə sə tə Ndjapä nə̂ əndje. 4 Tshə sə kə tru ngɔla nɔ̂ lə ala əndje. Kuzu ə sə sə je kwatə̂ye ne, â əpʉ mbadja wala əkɨ wala kə wu əyo ə sə sə je kwatəndje ne, mbrə ə̂në aangbʉlî aərə rô gâ ye.»

11 E sə̈ də əgo ndə kə pa e mbrə kosəra, e mbrə̈ adɔ mbrə̈ ne. E sə̈ woradja woradja ə mbrə̈ kosəra kə Âgbɔ̂ Əyïngerə. 12 Tshelə e sə̈ də ə̂rû mbrə ərə ə̂në e za lɔsu e gâ pâ nə kɔ. E wüsə̂ kə ru tshelə e lə ərə əyo. E däka pə kʉ tə̂ äwä kə yu Ndjapä.

12 Tshelə e sə̈ də ə̂rû mbrə ərə ə̂në e za lɔsu e gâ pâ nə kɔ. E wüsə̂ kə ru tshelə e lə ərə əyo. E däka pə kʉ tə̂ äwä kə yu Ndjapä.

19 Alaye ə̂në mə yində e wââ kɔ, e mbrə̈ əmbrʉ ərə mbrə̈ də ə̂tə̂ e mandâ əmbrʉ ərə ə̂në azü mbrə̂ kə e kɔ bale ne. Bale, e kätə̂ äwä kə əkɔ nə̂ Ndjapä ə mbrə ərə. Mbrə ə̂në lə Fraka nə̂ Ndjapä Əyïlingû pâ əpʉ ə pa: «Əmə kə piyi ködä əmbrʉ ərə kə azü! Əmə kə piyi tshe mandâ əmbrʉ ərə kə əndje je.»*

17 Rəkɔ, əpʉ lɔsu nə to tə̂ əpʉ ə̂në əzü ə dji kɔ â əpʉ nə ə̂në əzü nə ə dji kɔ sə tə əpʉ nə̂ Kristə nə.

28 A wusə̂ nə ə pa aərə nɔ̂ sə kə ma kosəra mvrɔ mbrə ə̂rɔ̂ ərə nə̂ azü ə̂në əndje yində Ndjapä kɔ, nə̂ azü ə̂në Ndjapä nə ê əndje gâ ye Lïndə̂ ərə ə̂në tshə gâmba gâ ye kɔ.

16 Əpʉ nɔ̂ lə Fraka nə̂ Ndjapä tô lə ama Ndjapä də ə̂tə̂ ye, â ə lï ndə kə yisə̂ ərə kə əzü, ə yisə̂ əmbrʉ ərə ə̂në əzü mbrə kɔ kə ətshə, ə kirə də əzü gâ tə̂ ə̂rɔ̂ äwä, ə yisə̂ äwä kə mbrə ərə də äwänə kə əzü, 17 ndə kə pa əzü nə̂ Ndjapä gamba tə̂ ye ə sə də aərə nɔ̂ ndə kə mbrə də ə̂rɔ̂ kosəra nɔ̂.

13 Bäta aə̂rɔ̂ aəpʉ ə̂në bə djî lə ama əmə kɔ tə ə̈bə̈ ərə ə̂në bə sə kə mbrə ərə kʉ Lïndə̂ nə, lə əpʉ lɔsu də əpʉ kə yi tə̂ ə̂në ə sə tə̂ äwä Jezu Kristə nə kɔ. 14 Bäta aâtshɔ̂ aərə nɔ̂ ə̂në Ndjapä kô gâ lə kəna zə kɔ, tə̂ äwä Âgbɔ̂ Yîrə̂ ə̂në ə sə lə əzə̂ kɔ.

16 Abä əzə̂ də Ndjapä yində əzə̂. Tshə zâ, tə̂ äwä ə̂rɔ̂tə̂ ye, ərə kə zɨtɨ lɔsu əzə̂ ə̂në ə sə piii kɔ də ə̂rɔ̂ ərə ə̂në lɔsu əzə̂ ka mbrə nə kɔ kə əzə̂ gâ ye. Abä əzə̂ də Ndjapä gâ ndə Âgbɔ̂ Əyïngerə nə̂ əzə̂ Jezu Kristə də ə̂tə̂ ye, 17 zɨ̈tɨ lɔsu e ə gbɔ̈gbɔ e lə ə̂rɔ̂ kosəra nɔ̂ ə̂në e mbrə kɔ də ə̂rɔ̂ əpʉ nɔ̂ ə̂në e pa kɔ!

9 Kədə a pa ndə anyaka nə̂ əzə̂ gashu kə Ndjapä nə, ətshə ə̂në tshə sə tə awombrə tshelə ndəma ye kɔ â sə tə awombrə ərə də äwänə kɔ, tshə sə kə gba tshelə anyaka lə kumu əzə̂ ə sə kə yutu aəmbrʉ aərə nɔ̂ tə̂ əzə̂.

14 Ərə ə̂në a wusə̂ nə ngâ lə ala Ndjapä nə kɔ kə də̂, alɔ ə̂në a yu tshuku ə̈bə̈ ərə ə̂në ə lï də ərə ə̂në tshelə ye yində nə kɔ, tshə sə kə dji əzə̂. 15 Â kədə a wusə̂ nə ə pa tshə sə kə dji əzə̂, ərə nɔ̂ ə̂në a yu tshuku nə, a wusə̂ nə ə pa a sɔ̂tə̂ nə gâ ye.

7 Tshə sə kə gba tshelə aəpʉ nɔ̂ lə akrɔ bəngâ nə, tshə sə kə yində aəpʉ nɔ̂ də lɔsu ye, tshə sə kə za lɔsu ye gâ pâ aəpʉ nɔ̂, tshə sə kə ru ə ru lə aərə nɔ̂.