Não desista!

28 Сен мынаны естіп, білмеуші ме едің:

Мәңгілік Құдай — сенің Жаратқан Иең,

Шексіз зор даналығы Өзінің,

Ол жаратты жердің түкпір-түкпірін!

Ешқашан Құдай шаршап-шалдықпайды,

29 Қалжырағанға Ол қуат сыйлайды,

Қажып, шаршағанға күш табыстайды.

30 Жасөспірімдер әлсіреп шаршайды,

Тіпті жігіттер де сүрініп құлайды,

31 Ал сенім артқандар Жаратқан Иеге*

Жаңа күш-қуатты иемденеді де,*

Қырандай қанаттарын жайып кеңістікке*

Самғай жөнеледі, алайда талмайды,

Жүре береді, бірақ еш болдырмайды.

19 Уа, Иерусалимде тұратын Сион халқы, бұдан былай сендер жыламайсыңдар. Азапталып, Жаратқан Иенің құтқаруын сұрап шақырсаңдар, Ол сендерге рақым көрсетеді. Дауыстарың құлағына шалынысымен-ақ Ол сендерге жауап береді.

Құдайдың Исраил халқын құтқаруға берген уәдесі

1 Ал енді, Жақыптың үрім-бұтағы, Исраил халқы, сені жаратып қалыптастырған Тәңір Ие мынаны айтады: «Қорықпа, Мен сені құныңды төлеп құтқарып алдым. Сені өз атыңмен шақырдым: Сен Мендіксің!*2 Судан өткен кезіңде саған жар боламын, өзендерден өткенде батып кетпейсің. Отты жарып өтсең, күйіп қалмайсың, тіпті жалыны да шарпымайды. 3 Себебі Мен сенің Құдайың Жаратқан Иемін, Мен, Исраил сиынған Киелі Құдай, Құтқарушыңмын! Сенің құның үшін Мысырды беріп, Құш* пен Себаны* да төлемің еттім.

12 Жоқшылықта да, молшылықта да өмір сүре аламын. Мен не тоя тамақ жейін, не аш жүрейін, молшылықта немесе мұқтаждықта болайын, қай жағдайда да қанағат етудің құпиясымен жақсы танысып алдым. 13 Себебі маған күш-қуат беретін Мәсіхпен бірге болсам, бәріне де төзе аламын.*

Уақытша азаптар және мәңгілік ұлылық

16 Сондықтан да еш мойымаймыз. Тәніміз тозып әлсірегенмен, жан дүниеміз* күн сайын жаңара түсуде. 17 Уақытша көретін жеңіл азаптарымыз бізді өздерінен әлдеқайда зор, тіпті шексіз де мәңгілік ұлылыққа жеткізеді! 18 Сонымен көзге көрінетін емес, көрінбейтін нәрселерге назар тігеміз. Себебі қазір көрініп тұрғандар өткінші, ал көрінбейтіндер мәңгі.

35 Ендеше жігер берген нық сенімдеріңнен* күдер үзбеңдер! Сол үшін берілетін зор сый алдарыңда күтіп тұр.

23 Мойындаған үмітімізді үзбей, берік ұстанайық, себебі уәде берген Құдай сөзіне адал.

24 Өзара сүйіспеншілік көрсетіп, игілік істеуге қозғау салудың қамын ойлайық. 25 Кейбіреулер сенушілердің жиналыстарына бармай қалуды дағдыға айналдырып алған сияқты. Ал біздер солай істемей, бір-бірімізді одан бетер жігерлендірейік. Иеміздің қайтып келетін күнінің таяп қалғанын білесіңдер ғой.

6 Ал сенім артпай Құдайға ұнау мүмкін емес. Құдайға келген әркім Оның бар екеніне сенуге және Өзін іздеп, жақыннан танығысы келгендерді* Құдайдың жарылқайтынына илануға тиіс.*

12 Себебі Құдайдың сөзі тірі, әсері де күшті. Ол екі жүзді семсердің қайсысынан да өткір!* Құдайдың сөзі бойымызға терең еніп, жан мен рухты айырып, буын мен жұлынға жеткен іспетті, жүрегіміздің түкпіріндегі ой-ниетімізді де әшкерелеп, бағалайды.*

9 Жақсылық жасаудан талмайық! Себебі бұдан шаршап, бас тартпасақ, тиісті уақытта оның игілікті өнімін Құдайдан қабылдайтын боламыз.

11 Мен жуырда келемін. «Жеңісіңнің тәжін»* сенен ешкім тартып алмау үшін, өзіңде бар рухани игіліктерді берік ұста!

12 Мұнда Құдайдың халқы* төзімділік көрсетсін! Олар Оның өсиеттерін орындап, Исаға деген сенімдерін берік ұстанулары керек.

12 Қиын сынақты төзімділікпен басынан өткізіп жатқан әркім бақытты! Содан өтіп, сенімді екендігі дәлелденгеннен кейін, ол бәйге жүлдесіндей «шынайы өмірдің тәжін» иемденбек.* Мұны Жаратқан Ие Өзін сүйгендерге сыйлауға уәде етті.

Құдайдың бар халықтарға жүргізетін билігі

1 (Ән-күйдің жетекшісіне арналған Қорах ұрпақтарының жыры.)

9 Иеміз адамзатқа әділ үкім айтады,

Халықтарға ақиқат шешім шығарады.

10 Қаналғандарға Жаратқан пана болады,

Қиын жағдайда зәулім қорған боп тұрады,

5 «Қорамсақтарын» солармен толтырған

Кісілер қандай бақытты болған,

Қарсыластарымен биге барғанда*

Қалмайтын болады олар масқараға.

33 Мен бұларды сендер Менімен тығыз байланыста тұрып, тыныштыққа кенелсін деп айттым. Күнәкар дүниеде қысымшылық көресіңдер; алайда батыл болыңдар: Мен осы дүниені жеңіп шықтым!*

66 Сол күннен бастап, шәкірттерінің көбі Исадан бас тартып, бұдан былай Оған ермейтін болды. 67 Сонда Иса он екі елшісінен:

— Сендердің де кеткілерің келе ме? — деп сұрады. 68 Бұған Шимон Петір:

— Жоқ, Ием, Сізден кетсек, кімге бармақпыз? Мәңгілік өмірге жеткізетін сөздер Сізде. 69 Біз Сіздің Құдайдың Киелісі екеніңізге* сеніп, соған көзіміз жетті. —

18 Мен сендерді жетімсіретпей, өздеріңе қайтып келемін.*

Сеніммен сұрай беріп, тар қақпадан кіру

7 Құдайдан сұраңдар, сонда Ол сендерге (мұқтаждарыңды) береді; іздеңдер, сонда табасыңдар; есікті қағыңдар,* сонда ол сендерге ашылады. 8 Себебі сұрай берген әркім алады, іздей берген табады, қағып тұрғанға есік ашылады.

28 Қиналып қатты шаршап-шалдыққандар,

Еңселерін тым ауыр жүк басқандар,

Менің қасыма келіңдер, бәрің,

Жандарыңды Мен рақатқа бөлеймін!

29 Қамытымды бірге киісіп,* үйреніңдер Өзімнен,

Өйткені жуас, кішіпейілмін шын жүректен,

Тыныштық табады сонда көңілдерің.

30 Себебі ыңғайлы — қамытым Менің,

Әрі жеңіл — жүктейтін міндеттерім».*

26 Иса оларға қарап:

— Бұл, адамның қолынан келмейді, бірақ Құдайдың қолынан бәрі де келеді, — деп жауап берді.

37 Себебі Құдайдың ешбір сөзі де жүзеге аспай қалмас! —

6 Өмірлеріңде игі ісін бастаған Құдайдың оны жалғастыра беріп, Мәсіх Иса қайта оралар күнге дейін толықтай аяқтайтынына кәміл сенемін.

17 Сонымен, біреу Мәсіхпен тығыз байланыста болса, сол — жаңадан жаратылған адам. Ескі өмірі өтіп кетіп, міне, жаңасы пайда болды!*

Құдайдың өз халқымен бірге жаңа көк пен жерді мекендеуі

1 Содан соң жаңа көк пен жаңа жерді көрдім. Себебі бұрынғы көк пен жер құрып кетіп, бұдан былай теңіз де болмады. 2 Сонда мен көктен, Құдайдың қасынан түскен қасиетті қаланы: жаңа Иерусалимді байқадым. Ол күйеуінің алдынан шығуға безеніп киінген қалыңдықтай дайындалған еді.*3 Көктегі тақтан былай деген зор дауысты естідім: «Қараңдар, Құдайдың адамдар арасындағы тұрағы!* Ол солармен бірге тұрып, олар Оның халқы болмақ. Осылай Құдайдың Өзі солармен бірге мекендеп, олардың Құдайы болады! 4 Ол барлық көз жастарын сүртіп тастап жұбатады.* Енді қайтып өлім, жоқтау, зар еңіреу мен ауру болмайды. Себебі бұрынғы әлем құрып, жоқ болды».

7 Жаратқан Ие ізгі, басыңа қиындық түскен кезде Ол паналайтын қорғаның болады. Өзіне сенім артқандарды Ол жақыннан танып біледі.

11 Өйткені сендерге деген ниетім Өзіме аян: сендерге қасірет емес, амандық пен тыныштық бұйырып, болашақ пен үміт сыйлайтын ниетім бар, — деп нық айтады Жаратқан Ие. —

7 Ал сендер қайратты болып, мойымаңдар! Еңбектеріңнің жемісін әлі де көресіңдер».

11 Лайым жақсылыққа деген талпыныстарың бәсеңдемесін; Иеміздің қызметінде жүріп, рухтарың жалындай берсін! 12 Әрдайым үміттеніп қуаныңдар, қиыншылыққа шыдап, Құдайға ұдайы сиыныңдар.

12 Әрдайым үміттеніп қуаныңдар, қиыншылыққа шыдап, Құдайға ұдайы сиыныңдар.

19 Сүйікті бауырластарым, кек алмаңдар, соны Құдайдың қаһарына қалдырыңдар! Тауратта мынадай сөздер жазылған ғой: Жазалау — Менің ісім, тиісті жазаларын тартқызамын Өзім! — дейді Иеміз.*

17 Сонымен, сенім хабарды естуден келеді, ал естудің өзі Мәсіхтің сөзін* жариялаудан болады.

Құдайдың сүйіспеншілігінен бізді еш нәрсе ажырата алмайды

28 Тағы да мынаны білеміз: барлық жағдайларда Құдай Өзін сүйетіндердің игілігі үшін әрекет етеді,* себебі Ол бізді өз мақсатына сай таңдап алды.

16 Киелі жазбалардың бәрі Құдай Рухының жетелеуімен* жазылған. Олар тәлім беру, әшкерелеу, түзету әрі әділдікке тәрбиелеу үшін тиімді. 17 Осылай Құдайдың адамы* барша игі іске дайындалып, толықтай даяр болмақ.

13 Менен естігендеріңді дұрыс ілімнің үлгісі ретінде Иса Мәсіхке деген сеніммен және сүйіспеншілікпен берік ұстан! 14 Өзіңе аманатталған Ізгі хабарды* өмірімізден орын алған Киелі Рухтың көмегімен аман-есен сақта!

16 Лайым бізді сүйетін, әрі рақымын төгіп, мәңгілік жұбаныш пен үзілмес үміт берген Иеміз Иса Мәсіх пен Құдай Әкеміз 17 жүректеріңді жігерлендіріп, сендерге іс жүзінде де, сөз жүзінде де ізгілік жасауға күш бергей.

9 Егер де күнәларымызды мойындасақ, Құдай сенімді де әділетті болғандықтан оларды кешіріп, бізді барлық әділетсіздігімізден тазартады.

14 Біз Оның еркіне сай бір нәрсе сұрасақ, Құдай тілегімізге құлақ салады деп нық сенеміз. 15 Не сұрасақ та, Құдай бізге құлақ салады деп білсек, Оның тілегенімізді беретінін де білеміз.

7 Дәйім қорған болып, ұдайы сенеді,

Үмітін еш үзбей, бәріне шыдайды.