13 मेरे मनो रा स्वामी तो तूँई ए,

मेरिया माया रे गर्भो रे तैंई आँऊ बणाई राखेया।

14 मां तेरा तन्यवाद करना, कऊँकि आऊँ खतरनाक ओर अद्भुत तरीके रे रची राखेया।

तेरे काम कितणे अचम्बे रे ए ओर आऊँ इजी खे ठीक-टंगो रे जाणूंआ।*

15 जेबे मेरी आड्डिया बणने लगी रिया थिया, तो त्यानो साथे आपणियां माया रे पेटो दे राखणे लगी रे थे,

जेबे आऊँ तेती गुप्त रूपो दे बढ़ने लगी रा था, तो तुसे जाणो थे कि आऊँ तेती था,

16 तेरिये आखी मेरा बांगा-टेडा शरीर बणदा देखेया

ओर मेरे सारे अंग जो हर दिन बणदे जाओ थे,

सेयो रचे जाणे ते पईले, तेरिया कताबा रे लिखी राखे थे।

5 "आपणी माया रे गर्भो दे बणने ते पईले ई आऊँ ताखे जाणूंआ ओर पैदा ऊणे ते पईले ई मैं तेरा अभिषेक कित्तेया, मैं तूँ जातिया रा भविष्यबक्ता ठराया।"*

9 से तूँई था जिने आऊँ गर्भो ते निकयाल़ेया;

जेबे आऊँ दूद पींदा बच्चा था,

तदुए तेई तैं माखे परोसा राखणा सिखाया।

5 जिंयाँ तूँ अवा रे चलणे री बाट नि जाणदा ओर गर्भवतिया रे पेटो रे बच्चे रिया आड्डिया किंयाँ बढ़ोईया नई जाणदा, तिंयाँ ई तूँ परमेशरो रा काम पनि जाणदा, जिने सब कुछ बणाई राखेया।*

9 यहोवा पूछोआ, "क्या मां से जमाणे रे बखतो तक लई जाई की नि जमाणा?" तेरा परमेशर पूछोआ, "आऊँ जो गर्भ देऊँआ, तो क्या आऊँ कोख बन्द करुँ?"

3 देखो, बच्चे प्रभुए रा दित्तेया दा पाअग ए,

गर्भो रा फल प्रभुए रिया तरफा ते दित्तेया रा प्रतिफल ए।

17 कऊँकि हर एक अच्छा बरदान और हर एक खरा दान स्वर्गो तेईए और जोतिया रे पिते री तरफा ते मिलोआ। परमेशर सदा एक जेड़ा रओआ और ना ई टवांवे जेड़ा बदलोआ।

27 ये से ई पाऊ ए जेसखे पाणे रिया तँईं मैं प्रार्थना कित्ती थी ओर यहोवे माखे मूँ मांगेया वरदान देईता।

21 जेबे जवाणस बच्चा पैदा करने लगोई, तो तेसा खे पीड़ ओई, कऊँकि तेसा रे दु:खो री कअड़ी आयी पऊँछोई, पर जेबे से बाल़क जम्मी चुकोई, तो तेबे एसा खुशिया साथे कि दुनिया रे एक माणूं पैदा ऊआ, तेस दु:खो खे फेर याद नि करदी।

14 यीशुए तिना खे बोलेया, "बच्चेया खे मांगे आऊणे देयो और तिना खे ना नि करो, कऊँकि स्वर्गो रा राज्य एड़ेया रा ईए।"

16 तेबे यीशुए बच्चे गोदा रे लए और तिना रे सिरो पाँदे आथ राखी की तिना खे आशीष दित्ती।