Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Razmislinen maškara tumende isto sar hem o Hrist Isus:
Ov, kova palo plo obličje inele isto sar o Devel,
na zahtevinđa plo pravo te ovel jednako e Devleja,
nego odrekninđa pe oto sa. Lelja o obličje e slugasoro
hem bijandilo ano manušikano obličje.
I kad mothovđa pe sar manuš,
ponizinđa korkoro pes hem inele poslušno sa đi ko meriba,
čak đi ko meriba ko krsto.
A kad alo o pravo vreme, o Devel bičhalđa ple Čhave kole i đuvli bijanđa. Ov živinđa talo Zakoni, sar te šaj otkupini okolen kolai talo Zakoni, te šaj ova čhave e Devlesere.
A adalese soi o čhave manuša oto rat hem oto mas, hem ov valjanđa te ovel manuš sar olende, te šaj ple meribnaja uništini e benge kole isi vlast upro meriba, hem te oslobodini okolen kola, ađahar so darana ine oto meriba, celo pumaro dživdipe inele ano ropstvo.
Adalese valjanđa ano sa te ovel slično ple phraljenđe, sar te šaj ovel milosrdno hem verno Prvosvešteniko kova služini anglo Devel, hem te ćerel pomirenje zako grehija e manušengere.
Adalese so, o Devel edobor volinđa e manušen taro sveto da dinđa ple jekhore Čhave, da svako kova verujini ano leste te na merel, nego te ovel le večno dživdipe.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
O Josif prihvatini e Isuse sar ple čhave
Ače sar inele kad bijandilo o Isus o Hrist: Lesiri daj i Marija inele mangli e Josifese. Ali angleder so te len pe, dodžanđa da ačhili khamni oto Sveto Duho.
I sar razmislini ine adalestar, zasuća. Ano suno alo lese o anđeo e Gospodesoro hem phenđa lese: "Josife, čhaveja e Davidesereja, ma dara te le e Marija romnjaće! Adalese so o Sveto Duho ćerđa la te akhari adale čhavore ano vođi. Oj ka bijani čhave hem tu ka de le anav Isus adalese so ka spasini ple narodo lengere grehendar."
Sa adava ulo sar te pherđol okova so o Gospod vaćerđa palo proroko:
"Šunen! I čhaj ka ačhol khamni!
Ka bijani murše hem ka vičinen le Emanuel"
(so značini: "O Devel amencar").
Kad o Josif uštino oto sojba, ćerđa sar so phenđa lese o anđeo e Gospodesoro – lelja e Marija romnjaće. Na suća olaja sar romnjaja đikote na bijanđa e čhave. A tegani ov dinđa le anav Isus.
A o anđeo phenđa laće: "Ma dara, Marije! O Devel mothovđa će pli milost! Ače, ka ačhove khamni hem ka bijane čhave, i ka de le anav Isus. Ov ka ovel baro hem ka vičini pe Čhavo e Najbare Devlesoro. O Devel o Gospod ka del le o presto lesere pradadesoro e Davidesoro. Ka carujini upro pleme e Jakovesoro zauvek; zako lesoro carstvo naka ovel kraj."
Ađahar da o Josif, adalese so inele potomko e carosoro e Davidesoro, dželo tari diz Nazaret oti regija Galileja ko gav Vitlejem oti regija Judeja, kote o David bijandilo. Dželo adari sar te prijavini pe zako popis pe verenicaja e Marijaja koja inele khamni. I sar on inele ano Vitlejem, alo e Marijakoro vreme te bijani. I bijanđa ple prvone čhave. Paćarđa le hem pašljarđa le ano jasle adalese so ki gostionica na inele than olenđe.
A o anđeo phenđa lenđe: "Ma daran! Ače, anava tumenđe šukar lafi oto baro bahtalipe savo ka ovel sa e manušenđe! Avdive, ani e Davidesiri diz bijandilo tumenđe o Spasitelj kovai o Hrist o Gospod. A palo akava znako ka pendžaren le: ka arakhen e čhavore paćarde hem sar pašljola ano jasle."
I kad o anđelja irinde pe ko nebo, o pastirija phende jekh averese: "Hajde te dža đi o Vitlejem hem te dikha adava so phenđa amenđe o Gospod."
I džele sigate, hem arakhle e Marija, e Josife hem e čhavore sar pašljola ano jasle. A kad dikhle e čhavore, vaćerde averenđe sa so ine lenđe phendo e čhavorestar. I inele zadivime sare kola šunde adava so o pastirija vaćerde.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Tegani o Pilat phenđa: "Znači, tu injan caro!"
A o Isus phenđa: "Ađahari sar so pheneja: Injum caro. Me akalese bijandiljum hem akalese aljum ko sveto: te svedočinav zako čačipe. Svako kovai oto čačipe, šunela mlo glaso."
O mudraci šunde e caro hem džele. I otojekhvar, i čereni, sava dikhle sar ikljola ko istok, džala ine anglo lende sa đikote na terdini upreder o than kote inele o čhavoro. Kad dikhle i čereni, zorale radujinde pe. Đerdinde ko čher hem dikhle e čhavore lesere dajaja e Marijaja i pele ko kočija anglo leste. Tegani ikalde pumare darija hem dinde le zlato, tamjan hem smirna. Palo adava, ko suno o Devel upozorinđa len te na irinen pe palal koro Irod, i adalese avere dromeja irinde pe ki pumari phuv.