10 Nambho mtumiki wa kumwamba wa Mnungu wadaakambila, "Msadaopa! Nakupelekelani uthenga wabwino uwo siwakondweleche kupunda wandhu wonjhe.

11 Pakuti lelo mmujhi wa Daudi wabadwa olamicha ndande yanu, iye nde Kilisito Ambuye.

4 Yusufu wadachoka kumujhi wa ku Nazaleti uwo uli mujhiko la ku galilaya, wadapita kumujhi wa Beselehemu uwo uli kujhiko la Yudea, uko wadabadwila mfumu Daudi. Yusufu wadapita kumeneko ndande iye wadali wa mbadwa wa mfumu Daudi. 5 Iye wadapita kuwelengedwa pamojhi ni Maliya, uyo wadampacha chilipa, nayo wadali ni pathupi.

6 Yapo adali kumeneko ku Beselehemu, ndhawi yojhipenyelela Maliya idakwanila, 7 ni wadajhimasula mwana wake wachisamba, wammuna. Iye wadamvinikila matewela ni kumgoneka mchidiku chasependwa ndande yodyechela ng’ombe, chifuko anyiiwo siadapate malo mnyumba ya alendo.

20 Yusufu yapo wamaganizila chindhu ichi, Mtumiki wa kumwamba wa Ambuye wadamjhela kumaloto kumkambila Yusufu mwana wa Daudi, Usadaopa kumtenga Maliya kukhala mkazako pakuti pathupi pake pajha kwa mbhavu za Mzimu Woyela.

21 Nayo siwabale mwana wa mmuna. Nawe siumtane jhina lake Yesu pakuti uyu nde uyo siwaombole wandhu wake kuchoka ku machimo yao.

22 Vonjhevi vachitika kukwanilicha ivo adakamba Ambuye kupitila mlosi wake kuti 23 mbeta siwakhale ni pathupi ni siwabale mwana wammuna uyo wandhu samutane Emanuweli ni mate yake, Mnungu pamojhi ni ife.

14 "Ulemelelo ukhale kwa Mnungu wali kumwamba kupunda

ni pano pajhiko lapanjhi pakhale ni mtendele

kwa wandhu yawo waakonda!"

20 Ndiipo owesa zinyama wajha adabwelela kuphululu uku namtamanda ni kumkweza Mnungu ndande ya yayo adayavela ni kuyaona ngati umo adakambidwila.