Nova aliança
A Nova Aliança é o pacto de graça que Deus estabeleceu através de Jesus Cristo. Diferente da antiga, ela é escrita no coração, mediada pelo sangue de Cristo e acessível a todos.
A profecia da Nova Aliança
Jeremias profetizou uma aliança nova em que Deus escreveria sua lei no coração do povo. Essa promessa se cumpriu em Cristo.
Tin, nenak yak, mɛsa mɛ Yezu di esa ɛ, yɛ ɛ́ mɛsa mɛ di edhaa mɛsa djas ɛ. Etɛɛ náá, nyɛy ɛ́ mot nasɛ́ɛaa étɛp ɛduula pak bot nɛ Zɛɛb tɔ tɛtɛ ɛbhɛŋ ɔ. Tɛtɛ ɛbhɛŋ ɛ tak nakusaa ɛ́ nɛ tɛtɛ ekɛk di edhaŋ ɛ.
Tin, yɛ ɛpedi ɛ́ náá, ɛbhɛŋ na mwa nadi ɛ́ ààbɛ nɛ ndjɛ tɔ tak ɔɔ, pe bɛ nabɛ ɛ́ ààdis yɛ, da swoola yɛ nɛ dhiiti ɛbhɛŋ ɛ sis.
É sok nyɛ nadi elii dum nɛ ɛbhɛŋ na bes ɛ, ye nakwyɛl ɛlɛɛ ɛ́ náá, ɛbhɛŋ ɛ mɛkɛn moo ɛ́ yii na mwa. Bela náá, sa di náá, ye moo ɛ́ na mwa ɛ, nazelɔɔd ɛ́, kunaa ɛ́ nɛ ɛdiib.
Dum nɛ tɛp tak ɛ́ di náá, Yezu ɛ́ mot di esa náá, mena dika tɔ tɛtɛ ɛbhɛŋ dhaa yii na mwa ɛ.
Selada com sangue
Jesus instituiu a Nova Aliança na Última Ceia: 'Este cálice é a nova aliança no meu sangue.' Seu sacrifício é definitivo e perfeito.
Nyɛ eebaazɛdjɛ bɛ bɛɛlɛ tak wat bhii dek. Nyɛy nɛ nɔɔ náá: «Bɛɛlɛ yak ɛ́ bɛɛlɛ ɛbhɛŋ ɛ na bes nɛ Zɛɛb, ɛbhɛŋ ɛ kwyalel nɛ ghiya yam see kɔ ɛsu ɛ len ɛ.
Bhii tak, nyɛ eezɛnɔɔ bɛɛlɛ nadi nɛ vin tɔ tak ɛ, nyɛ eezɛbaazɛghaapɛɛ Zɛɛb, nyɛ eezɛke nɛ nɔɔ náá: «Nɔɔka yɛ, da bi ɛ́ dɛ biyɔ djas, etɛɛ náá, yak ɛ́ ghiya yam. Yɛ ɛ́ ghiya ɛbhɛŋ ɛ Zɛɛb nasee étɛp bot ɛbuɛpe étɛp mesyem mɛ bot neepelel ɛ.
Yɛ bɛ náá, yɛ ɛ́ deenek ɔɔ, ghiya ɛ Klisto eedhaa yenek boo dhaŋak. Nɛ ghwyil Sisim na Dɛɛ, Klisto eeka nyel’ɛ met nɛ Zɛɛb dáa tɛtɛ buwa di ààbɛ nɛ djam ɛ. Ghiya yɛ ɛ waagwyii elyem ee zepulel nɛ embee mɛsa mɛ di edul mena tɔ ɛsyee ɛ, étɛp mena neesaka mɛsa mɛ Zɛɛb, mot di nɛ tsik ɔ.
Dum nɛ tɛp tak ɛ́ di náá, Klisto ɛ́ di mot di eduula pak Zɛɛb nɛ bot tɔ ɛbhɛŋ na bes ɔ. Etɛɛ náá, bot ɛ Zɛɛb nazedjóo ɔ, neebela esa e lyak na kɔm-kɔm ee nyɛ nakɛk bɛ ɛ. Tin, bɛ aabela yɛ ɛ́, dum nɛ ɛsyee ɛ mot ngɔt nagwyɛ ɔ. Kɔ ɛsu ɛ tak ɛ́, bot ɛ bɔs moo mos pɛka tɔ mesyem mɛ bɛ nasa si ɛbhɛŋ ɛ na mwa ɛ.
É di di náá, mɛkana mɛ mɛlik naalikaa ɔ, ye goka ɛ́ náá, ye lyaalaa náá, mot nakwyal mɛkana mɛ mɛlik mɛ tak ɔ, naazegwyɛ. É di’enek, mɛkana mɛ mɛlik ààval dhiiti sonok, yɛ bɛ náá mot kwyal yɛ ɔɔ, dinaa nɛ tsik ɔ. Tin, ye val ɛ́, yɛ ɛ́ bɛ náá, mot nakwyal yɛ ɔɔ, nyɛ eezekpaa nɛ mɛsyee, gwyɛ ɔ. Dum nɛ tɛp tak ɛ́ di náá, ɛbhɛŋ mɛkɛn nabɛ ɛ́ ààval sonok, ɛsok nɛ ghiya nɛ see. Moiiz napookokan sok ɛ́ ɛlaa mɛtiŋ é mis mɛ bot djas, dáa ye nazodjɛaa nyɛ ɛ. Bhii tak, wɔ gwaa, nyɛ zɛnɔɔ ghiya yii ngom e etaa nɛ yii bɔɔ engɔmbɛ, dɔɔ nɛ mɛdii, myek yɛ kɔ mɛkana mɛ etsi dɔɔ nɛ é mɛnyel mɛ bot djas. Nyɛ naanɔɔ lɛɛ le di edjóoaa Izop ɛ, nɛ mɔɔ pes kaad na tɔɔbelaa tiŋal é tak, étɛp ɛduu tɔ ghiya, da myek yɛ. Nyɛ naake náá: «Yak ɛ́ wak ɛ́ ghiya di elyaal ɛbhɛŋ ɛ Zɛɛb djɛ bin náá, bi duwal ɛ.»
Etsi ɛ Moiiz nazobɛ ɛ́ mbaŋa-mbaŋa di elyaal mena embɛɛ esa aasael djɛmɛn ɛ. Tin, yɛ ààlyaal etsɛɛtsɛ etɛp e tak dáa ye di ɛ. Étɛp tak ɛ́ di náá, ɛkeka mbi buwa wat membu nɛ membu tok nɛ ghwyil ɛdis edhuud e bot ɛ di esaa ɛkunaa nɛ Zɛɛb ɔ. Yɛ ɛpedi ɛ́ náá, kwaambi yenek ɛdjaala ɛ Zɛɛb ɛpedis bot edhuud nɛ tsɛɛtsɛ ɔɔ, pe bɛ aanàkabaadi nɛ esiiza nɛ mesyem mɔɔ. Tin, bot ɛ́ waakat ɛbaakeka buwa. Tin, ebuwa binek ɛ́ di esa náá, mot gheetetaala mesyem mɛ nyɛ nadi esa membu nɛ membu ɛ. Etɛɛ náá, ghiya ngom ngɔmbɛ nɛ yii ngom taa tok nɛ ghwyil ɛdis mesyem mɛ bot.
Reconciliação e vida nova
Pela Nova Aliança somos reconciliados com Deus, trazidos para perto pelo sangue de Cristo e feitos embaixadores da reconciliação.
Mot ɛ di tɔ ɛgwakel nɛ Klisto ɔɔ, mot yenɔk moo ɛ́ mot na bes. Etɛp e na mwa eesi tɔ lɛ, nyɛ moo ɛ́ tɔ etɛp e na bes. Etɛp binek djas dus ɛ́ pɛ daa Zɛɛb. Yɛ ɛ́ nyɛy ɛ di mot nadhis Klisto étɛp ɛbulal ɛgwakel pak mena nɛ nɛ ɔ. Bhii tak, nyɛ naadjɛ mena mɛsa mɛ ɛkɛgoola bhaadal ɛ ɛbulal ɛgwakel nɛ nɛ. Zɛɛb nadhis Klisto ɛ́, étɛp ɛbulal ɛgwakel pak bɛ nɛ bot ɛ bɔs. Nyɛ nasa deenek ɛ, étɛp nyɛ needi ààkabaabis mesyem mɛ bot. Nyɛ eekyeed mena étɛp ɛkɛgoola bhaadal ɛ ɛbulal ɛgwakel nɛ nɛ.
Bis moo ɛ́ engoola-ngoola ɛ Klisto. Zɛɛb nyɛy nyɛ ɛmet ɛ di edjóo bin tɔ mɛkpa mɛ bis di egoola bin ɛ. Bis ɛpedjaala nɛ nen nɛ din ɛ Klisto náá: «Myaalka ɛbulal ɛgwakel nɛ Zɛɛb.» Klisto nabɛ ɛ́ ààbɛ nɛ mesyem. Tin, Zɛɛb naanɔɔ mesyem mena, djɛ nyɛ. Zɛɛb nasa deenek ɛ, etɛɛ náá, mena needika bot ɛ epiki é mis mɛ.
Bis lii deenek ɛ́ kɔ ɛsu ɛ ɛbwaalel ɛ bis di nɛ yɛ nɛ Zɛɛb dum nɛ Klisto ɛ. Bis tok nɛ egeka náá, bis ɛ́ nɛ ghwyil ɛsa mɛsa menek bisɔ bɛmet. Tin, Zɛɛb ɛ́ di edjɛ bis ghwyil ɛsa sa bis di egoka nɛ ɛsa ɛ. Yɛ ɛ́ nyɛy ɛ nasa náá, mena dika bot ɛ mɛsa tɔ ɛbhɛŋ ɛ lɛ na bes. Ɛbhɛŋ ɛ tak ààbela ɛsuk tɔ mɛkana mɛ etsi, ye bela ɛsuk ɛ́ tɔ Sisim. Etɛɛ náá, etsi dul bot ɛ́ tɔ ɛsyee, yɛ kabɛ Sisim ɔɔ, ye djɛ bot ɛ́ tsik.
Taalaka sa mɛ nalɛɛ nɛ nen é ghɛŋ sok ɛ. Bi nabɛ ɛ́ ààbyel tɔ bot ɛ mbyak eYuda. Bot ɛ mbyak eYuda nadi edjóo bin ɛ «bot ɛ nadi ààni beka ɔ». Bɔɔ kadjóoaa ɛ́ «bot ɛ zeni beka ɔ». Yɛ bɛ náá, bɛ nadjóoaa ɛ́ «bot ɛ zeni beka» ɔɔ, yɛ ɛ́ dum nɛ geka bot wa bɛ é mɛnyel ɛ. É ghɛŋ tak, bi nabɛ ɛ́ ɛtsetaɛpe nɛ Klisto, bi nabɛ ɛ́ bɛdjoŋ, bi nabɛ ɛ́ ààdi tɔ mbyak Yisalaɛl. Tin, bi nabɛ ɛ́ ààlaŋaa tɔ ɛbhɛŋ ɛ nasael kɔ ekɛk e Zɛɛb ɛ. É di’enek, bi nabɛ ɛ́ ààbɛ nɛ ɛbwaalel, ààbɛ nɛ Zɛɛb kɔ ɛko ɛ bɔs. Biyɔ bot ɛ nadi é ghɛŋ sok ɛtsetaɛpe nɛ Yezu Klisto ɔ, nenak yak, bi moo ɛ́ ɛkunaaɛpe nɛ nɛ. Nyɛ naaso ghiya yɛ kɔ ɛsu ɛ len étɛp bi neekunaa nɛ nɛ.
Beeka sa di edjóoaa kwyɛl ɛ: Ye tok náá, menabɛlka ɛ́ nakwyɛl Zɛɛb, tin, yɛ ɛ́ nyɛ ɛ nakwyɛl mena. Nyɛ bookadhis Mɔn’ɛ, mot naka nyel’ɛ é buwa étɛp ɛpelak ɛ mesyem mena ɔ.