Pais e filhos

12 "Wategeleze tati yako na mami yako, muladi ukale siku nyingi muna iisi ija inikwing’ha niye Mndewa Mulungu, Mulungu wako.

Wana na tati zawo na mami zawo

1 Mweye wana, wahulikeni tati zenu na mami zenu kwaichimu moilumba na Mndewa, kwaviya kutenda ivo vinoga. 2 Maandiko Yelile yolonga, "Muwategeleze tati zenu na mami zenu." Amuli ino niiyo ya mwanduso yili na chilagano. 3 Chilagano chino ni kuwa umwede na ukale siku nyingi mwiisi.

20 Mweye wana wategelezeni tati zenu na mami zenu kwa chila chinhu, kwaviya ivo vomnogeza Mndewa.

Simwe 17

22 Mtegeleze tati yako yakweleke,

na sekeumwehule mami yako yahalala.

26 Mwana yoyose yombawila tati yake na kumuwinga mami yake,

koguma chinyala na kogala ubananzi.

20 One munhu yahamduwila tati yake hebu mami yake,

kezadanganika fana chitasa vochizimigwa muna diziza totolo.

4 Mbali one mgane yahawa na wana hebu wazukulu, wawo wolondeka waifunze kutenda yoyomnogeza Mulungu kwa ichimu cha wanhu wawo wenyewo na kuwaliha tati zawo na mami zawo na wasaho zawo yaja yanogile yowawatendele mwanduso, kwaviya mbuli iyo yomnogeza Mulungu.

6 Wafunze wana kutenda voilondeka,

nawo hawezaleka kutenda ivo hata wahalala.

6 Mbuli zino zonimulagilizileni diyelo zolondeka zikale muna imizoyo yenu, 7 na muwafunze wanenu, mwizawasimulila vomuwa muna zikaye zenu hebu vomuwa muna umwanza hebu vomugona hebu vomulamka.

Munhu sekeyailumbe na wahasanyi

8 Mwanangu, tegeleza tati yako viyokuzuma,

na sekeuleme mafundizo ya mami yako.

9 Yayo yezakuwa kombelo dinogile muna iditwi jako,

na mkufu wa kuihamba muna isingo yako.

4 Na mweye china tata sekemuwatende wanenu wehilwe, muwalele kwa nzila ya Mndewa muna inzuma na mafundizo.

21 Mweye china tata na china mama sekemuwasovule wanenu, kwaviya wezabeneka moyo.

15 Balati na kuzumigwa vogala ubala,

mbali wana hawalamuligwa wowaguma chinyala mami zawo.

24 Wanhu hawawalanha wanawo wowehila,

mbali wanhu wowazuma wanawo wowalonda.

7 Funyeni umoyo vimuzumigwa, kwaviya Mulungu komtendelani mweye fana viya wanage. Vino kuna mwana yelihi hazumigwa na tati yake?

3 Wana ni nhunza kulawa kwa Mndewa Mulungu,

wana ni gweko kulawa kumwake.

4 Fana viya misale muna imikono ya galu,

niivo wana viwokwelekigwa na munhu yang’hali mbwanga.

5 Kamweda munhu ija podo jake dimemezigwa ng’hani misale,

wanage vondawamgombele, hezagumigwa chinyala na wehi wake.

6 Walala woigodela wazukulu zawo,

na wana woigodela tata na mama.

24 Wanhu wotenda mbuli zinogile, tati zawo wodeng’helela ng’hani,

na wanhu wowadeng’helela wanawo wabala.

Masimwe ya Sulemani

1 Masimwe ya Sulemani,

mwana mbala komtenda tati yake yadeng’helele,

mbali mwana mbozi komtenda mami yake yawone usungu.

11 Vino tata yelihi vimwili yondayapuligwe somba na mwanage kezamwing’ha zoka? 12 Hebu yelihi yoyodaha kumwing’ha mwanage inge yahapula finga? 13 Fana mweye muli wehi muvimanya kuweng’ha wanenu vinhu vinogile, vino Tati yenu yeli kuulanga hezaweng’ha Muhe Yelile wanhu waja wowonpula?"

8 Mbali munhu one haweka goya bule ndugu zake, chilonge wanhu wa mkaye yake mwenyewo, munhu iyo kaulema uhuwilo wake na ni mwihi ng’hani kufosa munhu ija hamuhuwila Mulungu bule.

15 One hamulonda kumsang’hanila Mndewa Mulungu, saguleni diyelo kuwa yelihi yondamumsang’hanile, milungu ija iwaisang’hanile wasaho zenu kuumwambu wa lwanda lwa Efulate hebu milungu ya Waamoli yomukala muna iisi yawo. Mbali niye na wanhu wa muna ikaye yangu chizamsang’hanila Mndewa Mulungu."

24 Lekamana mulume kowaleka tati yake na mami yake na koilumba na muke wake, nawo wokuwa lukuli lumwe.

16 "Tata na mama sekewakomigwe kwa uhasanyi wa wana wawo, hebu wana sekewakomigwe kwa uhasanyi wa tati zawo, chila munhu kolondeka yakomigwe kwa uhasanyi wake mwenyewo.