Protecção e segurança

Magen No’onni Welti Hedheen

1 Mageni no’oke dalla’anna no’oxxe hunnan;

rakko no’o’ni geltaxxee duuchcha’n no’oke shiqike gargarsanjon.

Magen No’onni Welti Hedheen

1 Mageni no’oke dalla’anna no’oxxe hunnan;

rakko no’o’ni geltaxxee duuchcha’n no’oke shiqike gargarsanjon.

Mageniinxa Heqqaa

1 Dada Duuchchike Duuchchi Woddike Goottike qoorchcho’n hedhaak,

duuchchiinxa dande’aake

Dada duuchcha ajajaake Mageniinke gaaddis hunda galaan.

2 Duuchchi Woddika Gootta, «Ati anke gollanna anxe kollon; ati anke Mageno ate’n addata’eeneken» hiyyaan.

4 Guchche ifixxenni atee gollaan;

keela isik giddonna sho’ondatton;

xuurameessumma isixxi ati’a wontetenna dalla’ake kaddaan.

7 Kumi qarqara atike’n

tommi kuminna middi darre’n ibaan;

atibaa kinni shiqaachchi hedhabaan.

9 Ati Duuchchi Woddika Gootta ifixxe kollo,

Dada Duuchchika Duuchchi Woddika Gootta qoorchchoke assexxe’eeten.

10 Tennexxee fuggoxxi yaane ate’n daggabaan;

balatinna atike duunkaanike qarqara’n shiqqabaan.

Magenoke’n Addatatixxa Soodachcho

1 Duuchchi Woddiki Gootti anxe hedhoke ifanna anke anjirallon;

ayyeenna sodatabe’no;

Duuchchi Woddik Gootti anxe hedhoke gollan;

ayyeenna sodaatabe’no.

2 Iso callan anxi rassanna anee wodaak;

golla anke kademmaxxeenna haranga shokki hiyyabe’non.

9 Duuchchi Woddike Gootti miicemeeke mani’a dalla’aken;

rakkoti woddanna gollaken.

3 Ee, Duuchchi Woddike Goottaa ati kinni anxe wonten;

naapha anka injifatannoshsha assite’e anee ulfeessitetek ateten.

Rakko Giddo Hedheeke Manjixxa Gorsixxa Soodachcho

1 Ee, Duuchchi Woddike Goottaa diini ane’ni bira sa’een!

Heddi manninna ane’n ke’een.

2 Heddi manni, «Mageni isoo gargaarabaan» hiyya’n anxee haaso’een.

3 Ee, Duuchchi Woddike Goottaa ati kinni anxe wonten;

naapha anka injifatannoshsha assite’e anee ulfeessitetek ateten.

4 Duuchchi Woddik Gootti anee gargaarashsha hafuura gikki assee isoo ye’edhannon;

isinna ifixxe woyyitte kooba hana hedhee hissichcho ani’a uwwaan.

5 Ani irkateennen; dhiiphikinna anee adhdhe.

Duuchchi Woddiki Gootti hashsha duuchcha anee heqqammaxxee’e

nage’iki diiphokenaa’n ke’enne.

6 Gami gamii’ni ane’n gumeeka

golgola naapha sodaatabe’no.

30 Mageniink or dedha afeekebaan;

Duuchchi Woddike Goottik hiyyichchi luqqichchaken;

isoo irko assedheeke duuchchi’a is wonteten.

35 Atixxa anjiratixxa wonte ani’a uuttette;

atixxe middixxi anganna anee kiphphe abidde;

anee gargaartottaa dagge’e anee lummissette.

36 Ora ani’a ba’liseten;

anxi lekkanna xaldebaan.

Injiffachchotixxa Faaro

Daawwitixxa Faaro

1 Anga anxa bagedokee,

qubba anxanna lolakee leenjiseek

rassa anxi Duuchchi Woddik Gootti saademowaal.

2 Isi eeyyallo anke Magenonna

jabake gollan,

anee anjiraake anke gollaan;

iso’ni gollatannoxxe anxe wonte,

ardikinna ani’a hiremaashsha assaak isoten.

10 Ati moyanijuwwaakee injiffachcho uuttatton;

erganjo atika Daawwitii’i shiyaake wolaantichchanaa’ni gattissatton.

11 Ate’ni gollataaki duuchchi gammadowwaali;

duuchchi woddi’anna illillisowwaal;

atee eeyyaki duuchchi gammado’a insa’ne’a gollake kadi.

12 Duuchchi Woddike Goottaa ati qulliyye eebbissaton;

arjunte atixxenni atee eeyakanna wontete kadde’e gollittatton.

6 Ee Magenoo! Sooddachcho anxa laqqaattaxxee atee sooddataannen;

ani biri’a shiqqe’e

hiyyichcho anka laqi.

7 Naaphakee’e atee gollake assedheekaara

atixxe middixxe anganni anjirtattokee Magenoo!

Atixxa duuchchi woddixxa jaalala mambe’ik leellishi.

8 Illeti gummichchi heqqemaammashsha anee heqqi;

boba atixxe’ni anee sho’i.

9 Anee buqe’e lole shiyo’a hasa’neeke

godoba jabake anke naaphanaa’n anee heqqi.

7 Duuchchi Woddike Gootta’n addate’een;

Dada Duuchchik duuchchi woddik Gootti isoo eeyyeemmaxxee lele’mabaan.

8 Hirre atixxenni diinna atika duuchchiinga gandatton;

atee jibbaaka middixxe atixxe anganninna abiddatton.

9 Daggatoxxa yanna giira boosixxishsha insa’nee gubbaton;

Duuchchi Woddik Gootti mufe ifixxenni insanee balleessaan;

giiratinna insanee ittaan.

7 Ati anke gollan;

rakkotenaa’n anee’e heqqitatton;

Naaphakenaa’n fula anxe’n gammadaake mannixxe faaronni qoqqobemannoshsha assitatton.

Duuchchii Woddik Gootti Anke Allalsanjon

1 Duuchchi Woddik Gootti allalsanjo anke kadeemmaxxee

mitteechchonna gophannochchi hedhebaan.

10 Dargageesi neenqi itaachcho gopheexxi solo’waaxxe hexxaan;

Duuchchi Woddika Gootta halsaake mannanaa’n kinni elloxxi yaane xe’yitabaan.

3 Duuchchi Woddike Gootta’n addati; eloxxanna assi;

ookkone bogi giddo nage’ik offo’l.

25 Ani dargageessummate’ni;

ta’anna cimo giddo,

qulliyye hunnendee’naa;

Oose insa’nexxinna ittaachcho gophpheexxi kadhata’naa haranga uude ege’nebe’no.

19 Mageni anki ifixxe durummaxxe qixxe’n ha’o’a hassissaaxxa duuchcha Kiristoosi Yessuusi darre’n ha’no’a wonshaan.

13 Hunna ani’a uwwake, Kirsitoosi darre’n duuchiinxa assa dande’annon.

33 Ha’no kinn edisineexxi Mageniixxa mootummanna qullumma isixxa halse! Hassinaaxxi yaane duuchchanna ha’no’a lebendaan.

8 Ha’no kinni Anni ha’nook isoo’o soodattinebaa edi darre maachchi ha’no’a hasisaaxxa ege’neemmaxxee insa’nee fakkaatinoqqe’e.

Soodatte, Harse, Ganganne

7 «Soodatte, ha’no’a uwwendaan; halse alfitinaan; hulatanna ganganne ha’no’a banendaan. 8 Soodataakee duuchchi’a uwwendaan; halsaakiirinna alfaan; gangaanake hula banendaan.

11 Eeganni ha’no elobaake manna kaddineexxi oose ha’nooxe’e eloxxa uwwa uwwiyyo egendinoole iima hedheek ha’nook Annifa’i iso’o soodataakeeri’a hittata sa’isseexxi eloxxa yaane uwwa gophata?

7 Duuchchi Woddike Goottik iimiki erganji,

isoo sodaataka manna qoqqobaan;

rakkotenaa’n insa’nee fulchaan.

22 Duuchchi Woddiki Gootti ifike erganjuwwixxa lubbo wodaan;

isoo gollake assedheekeeri’a murte uwwendabaan.

Magen No’aa Gollake Kada

1 Koobuwwatiba’a uudennen

anee gargaaraakita ayyete?

2 Anee gargaaraaki iimmtanna butta dadeeke

Duuchchi Woddike Goottani.

3 Atee heqqa’neek mugaake kada gopheemmaxxee’e

gugguffattotaa atee waalabaan.

4 Isira’eelii’i heqqaaki haranga mugaakebaani;

iittanna diiphakebaan.

5 Duuchchi Woddik Gootti atike heqqanjon;

atike cinaachcha’ni hedhee atee heqqaan.

6 Barra arishsho hashsha agenji

atee miidhabaan.

7 Duuchchi Woddik Gootti atee miittaaxxe yaane duuchchanaa’ni heqqaan;

hedho atixxanna nage’ek heqqaan.

8 Duuchchi Woddik Gootti ifike minenaa’ni fulde me’itatto woddanna

ifike minibaanna higgatto wodda

telchonna duuchchii woddi’a atee heqqaan.

Mageno Addatatixxa Soodachcho

1 Ee Magenoo!

Ani atee addatennaxxee anee heqqi.

Mageno Addatatixxa Soodachcho

1 Ee Magenoo!

Ani atee addatennaxxee anee heqqi.

8 Duuchchi wodda, Duuchchi Woddika Gootta ifi edo uggudheennen;

Isinna ani bira hedhemmaxxee anee sodachchiisaachchi hedhebaan.

8 Duuchchi wodda, Duuchchi Woddika Gootta ifi edo uggudheennen;

Isinna ani bira hedhemmaxxee anee sodachchiisaachchi hedhebaan.

Injiffachchotee Shiqqeexxa Soodachcho

1 Duuchchi Woddiki Gootti rakkotixxa barra soodachcho atixxa laqowwaal! Ya’iqoobiki

Mageninna summa ifikenni atee heqqowwaal!

2 Galma isike Tsiyoonixxe koobanaa’n dageexxi

atee gargaarowwaal.

20 Anee heqqi; lubbo anxanna anjir;

atee gollake assedhennaxxee’e

anke naaphi edo anee’e shookkishshoxxe’e.

21 Ani addeti atee heqqedha’nexxee’e

qajelummatinna addatensha anee’e heqqitowwaal.

17 Fadhachchik lollee’e injifatanno hiyye addataa toliinxen;

ifixxe jabaxxe hunnanninna ayyi’anna anjiremabaan.

18 Kunse, Duuchchi Woddike Goottixxi ille isoo sodaatakeeriba’a,

duuchchi woddixxa isixxa jaalalanna addataake manniba’a uuddaan.

19 Isi insa’nee reyotenaa’n gatisaan;

solo’ii sanenna hedhoti insa’nee uggaan.

20 No’o Duuchchi Woddika Gootta addeti heqqe’nanno;

isi gargaarsanjo no’okenna wonte no’oxen.

6 Duuchchi Woddik Gootti aninni welti hedheen sodaatabe’no;

manji ani’a maassa?✝

8 Manjo irko assedha mannii’n

Duuchchi Woddika Gootta addata woyyan;

10 Duuchchi Woddike Goottik summi jabake golla,

qullichchikinna iso’n mare gollata.

10 Duuchchi Woddike Goottik summi jabake golla,

qullichchikinna iso’n mare gollata.

26 Duuchchi Woddika Gootta sodaataak jabake golla afee,

oose ifixxeenna irkote.

26 Duuchchi Woddiki Gootti una atixxe kadeexxi miidhaachchonaa’n atee heqqaan.

9 Dhugaatik manji ruphphi belo hedhaan,

dabaaleessi manji kinni abidema.

5 «Mageniink hiyyichchi duuchchi mitte gugurto afebaan;

Isi iso’o adde assedhaake duuchchi’a wonteten.

5 «Mageniink hiyyichchi duuchchi mitte gugurto afebaan;

Isi iso’o adde assedhaake duuchchi’a wonteten.

6 Qullumma qajeela manjo heqqita,

fuggaalleessumma kinni cubbaalleessa balleesita.

25 Qullichchi itee godda;

fugaalleeyye kinni solo’witeeshshanni hexxaan.

6 Muxxumma uwwaaki Duuchchi Woddike Gootta callan;

ege’natinna qalbeeffachcho afendaak isike hiyyichchonaa’niten.

7 Isi qajeeli manni’a injifachcho tuulaan;

ci’mensha belo me’aakeri’aanna isi wonteten.

8 Isi dhugaa assaakeerika ora heqqaan;

ifixxe xuurameeyyeka me’injonna gollaan.

12 Qaro dagga’neexxa rakko affee gollata,

ege’na afebaak manji kinni rakkonde’n mare miidhema.

31 Fadhachchi lolake’e qophpheesema;

injifachcho kinni Duuchchi Woddike Goottinaa’nite.

23 Duuchchiinxe yaane iimi darre qalbe atixxa heqqedhi,

qalbe hedhotixxe muummen.

6 Jabaatte, worbe shenumma ha’no’ni hexxowwaali: insa’ne’e soodaattinoqqe, godoba gurtinoqqe: Duuchchi Woddik Gootti atik Mageni atinni welti hedheen: ha’no’o dedhabaan: waalabaan» hiyye.

27 Dhuuchi woddi’a hedhaak Magen golla atiken

duuchchi woddixxi hirre isixxi kipha no’oken: naapha ati edii’n shorraan: booso insa’neexxa ‹balleessitattoshsha assitan›

12 Biiniyaamixxe gosake mini hadixxe’e:

«Duuchchi woddik Gootti iso’o jaallateek soda’a belo nage’ik hedhowwaal:

hunnaameessi Mageni barra duuchcha isoo heqqaan.

Duuchchi woddike Goottixxe anga hunda gollifatee hedhaan» hiyye.

17 Ate’n otaashsha giissemeek loliink miyi hujabaan;

atee ku’laaka arbonna injifattatto;

Ta’anni edi’a Duuchchi Woddike Goottike garbuwwik qoobbi konnete;

insa’ne anenaa’n alfinaaxxi insa’neexxi qullumma tenneten;»

Hiyya’neen Duuchchi Woddik Gootti.

3 Duuchchi Woddike Gootta amandeemmaxxee

Atee irko assexxaaxxe lubbo’a

wo’ma nage’a uute isee heqqexxatton.

4 Cindine’e arree fulchitinaa qico’n,

ha’noo heqqannoki anten;

ha’no dadennen; ha’noo ba’edhannon; gargaarannon anjirannon.

5 Ciichcho mine ifiki hana keela bande doota’n beltanna ifixxa heqqexxammashsha,

Dada Duuchcha Ajajaaki Duuchchi Woddiki Gootti Iyyerusaalemi gollanoni,

Ise buqaan; anjiraan,

ise hananna sa’aan ise wodaan.

17 Eloxxa assa baratte;

dhuugaa dabbabaashsha asse;

Miicemeeka anjirre;

annanna ama affebaaxxe oose’a gamote kadde;

aro’ir eyeexxa melaalluwwi’a baasse.

19 Ani’a ajajendinoole

butta fulchitechcho misee’naa ittinaan.

20 Ani’a ajajema gophphine jallatinoole kinni

wolaantichchik muddinaan»

Tennee hiyya’neeke ante Duuchchi Woddike Goottan.

14 Duuchchi Woddiki Gootti ha’no’a lolaan; ha’nonna sammi hiyye» insa’nee hiyye.

7 Duuchchi Woddiki Gootti eloken;

rakkotixxa barranna gollaken;

Isoo’o amanaakeeri’a xexxe’ataan.

29 Lame diillise mitte sanite’n gurgurenda’neexxebaata? Kaddo malee’e iimike ha’nooke annike fedhi belo diillise mitte midde butta ibbe gattabaan. 30 Ha’nooke umik ordichchi midde laako’eemedheeken. 31 Yoona mee sodaatte! Heddo diillisuwwanaa’n ha’note saxxinaan.

22 Amandineexxi sooddachchoti laqqinaaxxa duuchcha alfitinaan.»

17 Duuchchiing manni anke summi’a ha’noo jibbaan. 18 Yaane kinn mitti ha’nooke umik ordichchi midde ba’abaan. 19 Ossusntetinna lubboo ifixxa gatlisitinaan.»

35 Ookkonneechchi uduma Yessuussi insa’nee’e, «Maalaqiinka subbaa, qalqalloo, kophee abixxitinebaang ha’noo ergenne wodda meya ha’no’aa xe’yeechchi hedhemaa?» hiyye qore.

Insa’nenna, «Xe’emangeelchi hedhemabaan» hineexxi hiisine haasonne.

31 Yoona tenne yaane’a maa hinanno? Mageni no’onni welti hedhoole ayyete no’o gareera?

6 Tennexxee wo’ma qalbenna

«Mageni anke gargaarsanjonni sodaatabe’no;

ani’a manji maa asso’a dande’a?» hinanoon.

7 Yoona ifi Magenoke hirissiise! Durrissa kinni gareere; isinna ha’noona’ninna baajani.

6 Yoona dammanqo; no’oo umo ifika hirro malee’e mugaammake wele mannishsha kandonnoqqe’e.

3 Gootti kinni addatemeedheeke kadeemmaxxee, isi ha’noo jabeesaan, elobaaxxenaa’ninna ha’noo heqqaan.

22 No’onna ookkone Mageniinka ajaja heqqe’naannaxxenna isi edo gammachchiisaaxxa assinaannaxxee’e kadhantaannoxxa duuchcha isonaa’n alfinannon.

14 No’o Mageni edo shinqonnaa anfeenxi shenumma tenneten; heene yaanenna fedhii isixxishsha kadhantoonnole isi laqaan. 15 Kadhantaannexxa duuchcha isi laqa’neexxa egennoonole, kadhantinexxa yaane adhdhinenneshsha egennanonni.

18 Magenokenaa’n ilemeek duuchchi cubbo hujabaaxxa egeneenen; yaane kinni Mageniink Belti isoo heqqaaxxa iikki fuggichchi isoo tuqabaaxxa egeneennen.

11 Yoona Ani kaba butta duuchcha’n turaabo’non: insa’ne kinn kaba buttanni he’neen: Ani atiba dagaanen. Ee, Woyyichcha Annayyoo, konni ani’a uteteekiir no’oshshanni insa’ne mitteke kandaashsha summa atikenni insa’nee heqqi. 12 Ani insa’nenni welti hedhenna wodda, Ani’a uuteetteke summinni insa’ee golleennen; heqqeennen: Maxaafiinki hiyyichchi muuxemaashsha ookkonee ba’aka belto malee insa’nenaa’ni mittikinna ba’ebaan.»

15 Ani atee soodataannechchi fuggoxxenaa’n insa’nee heqqitotta’ate mallee: butta duuchchanaa’n insa’ne fulchitottatebaan.

32 Duuchchi Woddika Gootta malee’e ayyete Mageni?

No’oka Mageno malee rassa ayyete?

29 Ati edo duuchchi woddi’a tii’ni hiyye hedha ta’anna erganjo atikinna mini hado eebba atixxinni maganneten eebbisi. Dada duuchchik Duuchchi Woddike Goottaa tennee ati umi atinginninni haasotetten; eebba atixxenni erganji atikiki anki mini duuchchi woddi’a eebbisemaan.»

6 Ookkoneechchi uduma Demaasiqoxxe galcha kadeeke Sooriyitotike boga’ni loliinxa kaambe uurise. Soriyitotinna Daawwiti’a hirendee hirbo uute. Duuchchi Woddik Goottinna Daawiti maree booncho duuchcha’ni injifataashsha asse.

8 Marteteba duuchcha atenaa’n gargar higebe’non; naapha atika duuchcha ati edi’n balleessennen: ta’anna summa atika buttate’n hedheke lumolli mannike summishshanni saandaashsha assannon.

Torbeessoxxe Wogga’ni Geltaaxxa Rakko

18 « ‹Bogake’ni nage’iki hexxinaashsha Mageniika seeranna aada duuchcha ulfeesse;

11 Ta’anni udmi’a lubbo affeexxe dada duuchcha balleessatike wodi’inni baxxabaaxxa; langaxxa butta balleesaaka wodi’i hedhabaaxxa ha’no’aa kako aagaannen.»

7 Dhugaaten Lumoki Duuchchi Woddik Gootti buqo yaane

ifike erganjuwwi’a ifisebaak,

mitte yaanenna assabaan.

11 Ee, Duuchchi Woddike Goottaa! Mararte atixxa anenaa’n uurrisoxxe’e;

jaalala atixxinna dhugaa atixxi duuchchi wodda anee heqqittowwaal.

22 Ate’n a’urteexxa yaane Duuchchi Woddike Gootta’n wocci assi;

isi atee kiphe abidaan;

qullichcha manjonna haranga guggufato’a waalabaan.

16 Ati anke golla,

rakkotixxa barranna anxe kollo kaddettaxxxee

atike uduudixxee’e faarsannon;

gorsanna atixxe jaalalaxxee’e faarsannon;

11 Moyanji kinni Magenoke’n gammadaan; Mageniinke summinni kakataak duuchchinna Mageno saadaan; dhariyye kinni afo’o duuddaan.✝

4 Magno faarse, summa isikanna faaroti saadde;

duumanchii hana me’aaka ora giise

summi isikinna Duuchchi Woddike Goottann;

Isi edonna gammadde.* 5 Woyyitte ifixxe bakka’n hedhaak Mageni, annakanna ama affebbaaxxe oose’a annaken;

aro’i reyeexxe mellaalle’aanna dhugaati muraken.

19 Barra barra’ninni ba’o no’oxxa ba’edhaak Dada Duuchchik Gootti, Mageni anjiralli no’ok saadeemmowwaal.

10 Gibtseeke boganaa’n atee fulchennek,

ani Duuchchi Woddike Gootta atike Magenon;

anee laqedhi, haasisaachcho duuchcha ati’a uwwannon.✝

11 Duuchchi Woddik Gootti Mageni arshotenna wontete kademaxxee

Duuchchi Woddik Gootti gaachchannakanna ulfaachcho uwwaan;

Isi balleessa bello me’aaka manna eloxxa yaane hanqisabaan.

10 Duuchchi Woddik Gootti fuggoxxa yaane gibaake manna eeyyaan;

qulliyyetixxa lubbonna heqqa’n insa’nee fuggaleeyyetixxe anganaa’ninna gatisaan.

6 Duuchchi Woddik Gootti shaqqaka manna heqqaan;

lumo qico rakkate’naa’a ane’e anjireen.

7 Tee anxe lubbo enqexxe hafuura adhdhi;

Duuchchi Woddik Gootti eloxxa ati’a asse’eeken.

8 Ee, Duuchchi Woddik Gootti lubbo anxa reyotenaa’n

ille anxa indiddotenaa’ni,

lekka anxanna gugguffachchotenaa’ni gatise’een

9 Tennexxe hedhoke mannike boga’n

Duuchchi Woddike Gootti edo mammarema’eennen.

114 Ati anke gollanna anxe wonten;

haaso’a atikanna addatee heqqedhannon.

Tsiyoonxe Koobaaba’aa Alalle Me’ati Woddixxa Faaro

1 Duuchchi Woddik Gootti mine ijaara gophoole,

mine ijarammak manni tolange elo’aan;

Duuchchi Wooddik Gootti qachcha heqqa gophoole,

qachcha heqqaak manni tolange elo’aan.

17 «Daawwitixxe sannenaa’ni moyanji moyaashsha assannon;

galchaashshanna ora isi’a qophpheessannon.✝

18 Ani naapha iseke’n shooko odeessanno;

kallachchi isik kinni cala cala hiyyaan.»

8 Duuchchi Woddik Gootti ifika yaada ani’a muuxaan;

Ee, Duuchchi Woddike Goottaa! Atixxi jaalala duuchchi woddixxen;

atixxe angaxxa huje waaldoxxe’e.

16 Ati anga atixxa farri assittatton;

dada duuchchixxa halchanna goddissatton.

7 Duuchchi Woddik Gootti miiceemeekee’e muraake;

solo’weekeenna ita uwwaan;

isi usuremeeka manna tikeexxi fulchaan.

8 Duuchchi Woddik Gootti balla’uwwa baqqi assaan;

heeshshi hiyyeeka manna qokki assaan;

qulliyyetanna eeyyaan.

9 Duuchchi Woddiki Gootti annafee boga’n hedheeka manna heqqaan;

anna ama affebaaxxa oosenna aro’i reyeexxa melaalle qarqaaraan;

fuggaaleeyyetika ora kinni balleessa.

8 Ee Duuchchi Woddike Goottaa! Nage’ik hedhona’a assiteteki aten calla kaddetexxee’e

irkatanno woddanna nage’iinke diipho diiphannon.

11 Diyaabiloosixxa shokkotixxa huje xaa’na dandeettinaashsha Mageniinka loliinka miya duuchcha oddo’we!

11 Diyaabiloosixxa shokkotixxa huje xaa’na dandeettinaashsha Mageniinka loliinka miya duuchcha oddo’we! 12 Loli no’oki manniki weltite kaddebaak, konne dukkanatike baro’ni huja’neeke galchalluwwinni, baalloomuwwikiirininna hunnuwwanni iittanni iimike booncho’n hedheeke fuggichchi hafuuruwwike sannnachchinni weltiteni.

8 «Manji isi Mageno mooraachcho? Ha’noo anee moortine’een.

«Ha’noonna ‹Hittaa atee moorranno?› hitinaan.

«Tommittetinna uwwatiten. 9 Ha’noo, kunni ha’nook ardi duuchchi anee moortinaammaxxee’e badindineeken. 10 Mine anke’n ita hexxo’aa, tommitte duuchcha gootarake’n aasse; tenneninna anee hega uudde» hiyya’neen Dada Duuchcha Ajajaak Duuchchi Woddik Gootti. «Iimuwwatixxa masikootuwwanna banabe’noxxa, uggudhitinaaxxa bakka gophinaa qici’a bira saxxeexxa eebbanna ha’no’a duna gophannoxxa udde.✝

26 Insa’neenna anxe koobake qariqara’ni hedheka boonchuwwa eebisannon. Xeenakanna mayete’ni ganissiisannon; kunni xeeninna goddiinke kadaan.

12 Maallaqi manjokee buyyote kademmashshanni

beekkumikinna manjokee buyyoten;

tennenaa’n ege’na caaldaa qici kinni

beekkumi isoo afemmake annixxa hedho heqqaten.

14 Iittanni wengeele lallabaakiir galduma ifikee hasisaachchuwwa wengeeletenaa’n alfinaashsha Gootti ajaje’een.

10 Tinni kaddaachchi Maallaqa eeyya fuggaalleessumma duuchchike hidda kaddemmaxxeeten; mitti mitti manni dureesake kadatee affeexxe halchanaa’ni kexxeexxa amanatike orinaa’n goreexxi me’eedheen; lomoxxe wixxixxinninna umo ifika ote’een.

25 Ani shaqqeeka manna hunna haroonsannon; gaggabeekaranna jabeessannon.»

12 Rakkotanna abara adhdhenneechchi tennenaa’n kexxeexxeniten. Addatenneki ayyete kadeexxa ege’neennaxxee sodaatabo’non. Ani isonaa’ni adhdheennexxa maganne eettenee barra qico’ni heqqa dande’aaxxa ege’neennen.