Protecção e segurança
Deus é nosso protetor e refúgio seguro. Em todas as circunstâncias, a Bíblia nos assegura que o Senhor guarda, sustenta e protege aqueles que nele confiam.
Deus, a nossa fortaleza
O Senhor é refúgio e fortaleza, socorro bem presente na angústia. Quem habita no esconderijo do Altíssimo descansa à sombra do Todo-Poderoso.
म्हारी शरण लणें ज़ैगा आसा परमेशर
म्हारअ बल अर शरण लणें ज़ैगा आसा परमेशर,
खरीए पलका करा सह ई म्हारी मज़त सदा।
म्हारी शरण लणें ज़ैगा आसा परमेशर
म्हारअ बल अर शरण लणें ज़ैगा आसा परमेशर,
खरीए पलका करा सह ई म्हारी मज़त सदा।
म्हारी फाज़त करा बिधाता
ज़ुंण परम प्रधान बिधाता सेटा शरण लआ,
ज़ुंण परम प्रधान परमेशरे आसरै निहंचै रहा,
सह बोला बिधाता लै इहअ,
"तूह आसा मेरी शरण लणें ज़ैगा अर बच़णे ज़ैगा,
तूह आसा मेरअ परमेशर ज़हा दी हुंह भरोस्सअ डाहा।"
तेऊ फुआरनै आपणैं फैंख,
संघा दैणअ तम्हां लै तेथ आसरअ।
तेऊओ सत्त आसा तम्हां लै बच़ाअ अर फाज़त।
तम्हां नेल़ हज़ार मणछ किल्है निं बधल़िए,
अर तम्हां फेर दस हज़ार किल्है निं मरे,
पर तम्हां निं सह बूराई छ़ुंहीं बी सकदी।
परम प्रधान परमेशर बिधाता आसा थारी शरण लणें ज़ैगा,
ताह सेटा ठुर्ही सका तम्हैं आपणीं ज़ान बच़ाऊई।
तैही निं तम्हां लै आफ़त पल़दी अर
दुख-सांगट बी रहा थारै घअरा का दूर।
ज़ै-ज़ैकार करना लै भज़न
बिधाता आसा मेरअ प्रैश्शअ ज़ुंण मुंह बच़ाऊआ।
हुंह निं कोही का डरदअ।
बिधाता करा मेरी फाज़त आप्पै अर
हुंह निं कधि फिकर करदअ।
मेरी फाज़त करनै आल़अ अर मुंह बच़ाऊंणै आल़अ आसा सह ई,
सह आसा मुंह बच़णा लै उछ़टअ गहल़ अर
तेखअ निं मुंह कोहै हारी सकदअ।
रैनै-गरीबा लै शरण आसा तूह बिधाता ई,
किल्हैकि आफ़तीए पलका लुक्कणा लै ज़ैगा आसा तिन्नां का तूह बिधाता ई।
O escudo do Senhor
Deus nos rodeia com sua proteção como um escudo. Ele é rocha, baluarte e libertador. Sua fidelidade nos cobre e nos guarda.
पर हे बिधाता, खातरै का हर बगत बच़ाऊंणा लै आसा
तूह ई मेरी ढाल़
तूह ई आसा मेरी इज़त ज़ुंण मुंह हर बगत ज़ीत दैआ।
दोत्ती बोल़णैंओ भज़न
हे बिधाता, मेरै हुऐ खास्सै दुशमण!
मुंह संघै लागै खास्सै झ़घल़दै!
कई आसा इहअ बोल्दै लागै दै,
"बिधाता निं एऊ बच़ाऊंदअ च़ाल्लअ एछी!"
पर हे बिधाता, खातरै का हर बगत बच़ाऊंणा लै आसा
तूह ई मेरी ढाल़
तूह ई आसा मेरी इज़त ज़ुंण मुंह हर बगत ज़ीत दैआ।
हुंह करा ताह बिधाता सेटा ज़ोरै-ज़ोरै अरज़
अर तूह दैआ मुल्है तेरी पबित्र धारा का ज़बाब।
हुंह सुत्ता राची निहंचै निंजा
किल्हैकि तूह बिधाता करा मेरी फाज़त।
फेरा-फेर मुंह हारदै-मारदै आऐ दै
हज़ारो दुशमणा का निं हुंह डरदअ।
हे परमेशर बिधाता, तेरी बात आसा शुची-पाक्की,
तेरै बैणा दी आसा सत्त।
ज़ुंण ताह सेटा शरण लआ,
तूह करा तिन्नें फाज़त।
हे बिधाता, तूह ई आसा मेरी बच़ाऊंणै आल़ी ढाल़,
तंऐं हआ हुंह आपणैं खाणैं हाथा करै थम्हीं डाहअ द
अर तेरअ बल डाहा मुंह राज्ज़ी-राम्बल़ै।
तंऐं बणाईं मुंह हांढणा लै बिरली बात,
तेथ निं मेरै खूर फिशल़दै।
ज़ीत दैणा लै बिधातो शूकर
बिधाते ज़ै-ज़ैकार, ज़ुंण मुल्है शरण लणें बडी टोल्हा ज़िहअ आसा!
सह शखैल़ा मुखा जुध-बिद्या अर
जुध ज़ितणें कला।
सह आसा मुल्है झींण अर मेरी फाज़त करनै आल़अ,
सह आसा मुंह बच़ाऊंणै आल़अ अर मेरअ आसरअ,
राज्ज़ी-राम्बल़अ आसा हुंह तेऊए ई भरोस्सै,
सह दैआ देशा-देशे लोगा मेरै बशै करी।
राज़ै लै ज़ीत दैआ तूह ई,
आपणैं दास दाबेदा बच़ाऊआ मारनै आल़ी तलबारा का तूह ई।
पर ज़ुंण ताह बिधाता सेटा शरण लआ, तिन्नां सोभी लोल़ी नंद हुई,
तिंयां लोल़ी सदा खुशी दी गिहा लांदै रहै।
ज़ुंण ताल्है झ़ूरा, तिन्नें कर फाज़त,
ताह करै आसा तिंयां खुश।
किल्हैकि ज़ुंण ताह बिधाते शूणां, तिन्नां लै दैआ तूह बर्गत।
मालक, तेरी झ़ूरी करा तिन्नें ढाल़ा ज़ेही फाज़त।
हे परमेशर, हुंह करा ताह सेटा अरज़ किल्हैकि ताखा जाआ मुंह तेतो ज़बाब भेटी,
ऐबै फिर मुंह बाखा संघा शुण मेरी अरज़।
आपणीं महान झ़ूरी कर मुल्है प्रगट,
तेरै महान बला करै आसा हुंह मेरै दुशमणा का आझ़ तैणीं राज्ज़ी-राम्बल़अ रहअ द।
मुंह डाह आपणीं आछी ज़िहअ बच़ाऊई अर
मुंह डाह आपणैं फैंखा हेठै बुदरी।
मुल्है ज़ुल्म करनै आल़ै कदुष्ट मणछा अर
मेरै तिन्नां दुशमणा का बच़ाऊई ज़ुंणी हुंह फेरा-फेर गोटी मारी आसा लाअ द।
राज़अ करा ताह परम प्रधान परमेशर बिधाता दी भरोस्सअ,
तूह झ़ूरा सदा तेऊ लै अर
सह रहा सदा अटल़।
ताह बिधाते महान बला करै ढाकणैं तेऊ आपणैं सारै दुशमण,
ज़ुंण तेऊ संघै ज़ीद डाहा तै।
ज़ांऊं तूह आप्पै प्रगट हणअ,
तिंयां दुशमण दझ़णैं ज़िहै आगीए बडै कूंडा दी!
ताह बिधाता काढणअ तिन्नां प्रैंदै आपणअ सारअ रोश्श अर
तिंयां हणैं आगी जैंदरी दझ़ी खतम।
मेरै लुक्की रहणें ज़ैगा आसा तूह ई,
ताह डाहणअ हुंह आफ़ता का बच़ाऊई।
ज़ुंण ज़ीत तंऐं मुल्है दैनी,
मुंह बोल़णीं तेते ज़ोरै-ज़ोरै गिहा।
Segurança e provisão
O Senhor supre todas as necessidades dos seus filhos. Quem busca o Reino primeiro não precisa temer — nada faltará aos que temem ao Senhor.
असली फुआल
हे बिधाता, तूह आसा मेरअ फुआल,
तूह करा मेरी हर गरज़ पूरी।
हई सका कि खारकअ सिह भुखअ रहे,
पर ज़ुंण बिधाते आसरै रहा, तिन्नां भेटा सोभै भली गल्ला।
बिधाता दी डाहणअ भरोस्सअ, आप्पू रहणअ भलअ करदै लागी।
तै रहणैं तम्हैं तेऊ देशै बस्सी अर राज्ज़ी-राम्बल़ै।
हुंह हुअ ऐबै प्रोढअ अर मंऐं ज़िऊई खास्सी अमर,
पर मंऐं निं इहअ कधि भाल़अ कि धर्मीं मणछ डाहै बिधाता कल्ही शोटी,
नां इहअ भाल़अ कि तिन्नें लान्हैं लागै किधी टुकरी मांगी करै खांदै!
मेरअ परमेशर बी आपणीं तैहा ज़ैदाते साबै ज़ुंण प्रतप्पा संघी मसीहा ईशू दी आसा, तेऊ करनी थारी हरेक काम्मी-पेशी पूरी।
मसीहा ज़ुंण मुल्है शगती दैआ तेऊ दी सका हुंह सोभ किछ़ करी।
तैही बोला हुंह तम्हां लै इहअ कि पैहलै करा बाब परमेशरे धर्म अर राज़े लोल़-तोप अर ईंयां सारी च़िज़ा जाणीं तम्हां भेटी।लूक. 12:31
"तम्हैं निं तिन्नां ज़िहै बणी। किल्हैकि थारै स्वर्गै रहणैं आल़ै बाब परमेशरा का आसा थारै मांगणै का पैहलै ई थोघ कि तम्हां किज़ू गल्ले निऊल़ आसा।
ज़ुंण बी मांगे सह भेटणअ
"मांगदै रहा लागी, तै जाणीं तम्हां सह गल्ल भेटी ज़ेता तम्हैं मांगा। दुआरा रहा टोक्कदै लागी अर सह दुआर जाणअ तम्हां लै खुल्ही। किल्हैकि ज़ुंण मांगा, तेऊ भेटा अर ज़ुंण लोल़अ लागा, तेऊ बी भेटा अर ज़ुंण दुआर टोक्का, तेऊ लै खुल्हा दुआर।
"ज़ै तम्हैं बूरै हई बी आपणैं शोहरू लै राम्बल़ी च़िज़ा दैई सका, तै थारअ स्वर्गे रहणैं आल़अ बाब परमेशर आपणैं मांगणै आल़ै लै राम्बल़ी च़िज़ा किल्है निं दैई सकदअ?लूक. 11:13
Guarda e livramento
O anjo do Senhor acampa ao redor dos que o temem e os livra. Deus promete guardar todas as nossas saídas e entradas para sempre.
ज़ुंण बिधातो अदर करा, तिन्नें फाज़त लै हआ
बिधाते स्वर्ग दूत फेरा-फेर रहै दै, तिंयां बच़ाऊआ तिन्नां आफ़ता का।
ज़ुंण बिधाते च़ाकरी करा तिंयां हेरनै तेऊ मोल दैई बच़ाऊई,
तेऊ सेटा शरण लणैं आल़ै मणछा लै निं दोश लागदअ अर नां सज़ा हई सकदी।
बिधाता करा आपणीं परज़े फाज़त
हुंह भाल़ा उझै उछ़टी धारा बाखा लै,
मुल्है मज़त किधा का एछणी?
मेरी मज़त करा सह बिधाता आप्पै
ज़ुंणी सारअ भ्रमंड आसा बणाअं द।
सह बिधाता निं ताल्है ठोहल़ लागणै दैंदअ,
ज़ुंण तेरी फाज़त करा, तेऊ निं निंजो झ़लारअ एछदअ।
ज़ुंण इज़राईलीए फाज़त करा, तेऊ निं उंघी लागदी,
नां सह सुत्तदअ आथी।
बिधाता करनी तेरी फाज़त,
सह आसा तेरी दैहणीं बाखा खल़अ कि तूह तेऊए नील़ै रही सके।
नां ताल्है धैल़ी धुप्पै अर
अर नां राची ज़ोथा करै तेरी किज़ै हान्नी हणीं।
बिधाता काढणअ तूह आफ़ता का बच़ाऊई,
तेऊ बच़ाऊंणअ तूह मरनै का।
बिधाता करनी आझ़ा पोर्ही सारी सदा,
एछदी-नांहंदी तेरी फाज़त।
विश्वास अर आशा
हे परमेशर, मेरी फाज़त कर तूह ई
मंऐं आसा ताह सेटा शरण लई दी।
विश्वास अर आशा
हे परमेशर, मेरी फाज़त कर तूह ई
मंऐं आसा ताह सेटा शरण लई दी।
मुंह रहा इहअ धैस्स लागी कि तूह बिधाता आसा हर बगत मुंह संघै,
मुंह निं कोहै डरैऊई सकदअ किल्हैकि तूह आसा मुंह सेटा आप्पै।
मुंह रहा इहअ धैस्स लागी कि तूह बिधाता आसा हर बगत मुंह संघै,
मुंह निं कोहै डरैऊई सकदअ किल्हैकि तूह आसा मुंह सेटा आप्पै।
ज़ितणा लै अरज़
खरीए पलका हेरनी बिधाता तेरी लेर-पकार शूणीं।
याकबे परमेशरा करनी तेरी सोभी आफ़ता का फाज़त।
तेऊ करनी आपणीं पबित्र ज़ैगा का तेरी मज़त अर
तेऊ दैणअ ताल्है एरुशलेम नगरी का बल।
हे बिधाता, मेरी फाज़त कर तूह, तिन्नां का बच़ाऊ मेरी ज़िन्दगी।
मुंह निं शर्मिंदै दैई हणैं किल्हैकि
मंऐं आसा ताह सेटा शरण लई दी।
हे बिधाता, हुंह करा दिला का ज़िहअ तूह बोला तिहअ ई,
मेरअ भरोस्सअ आसा ताह दी किल्हैकि मुखा आसा थोघ कि ताह हेरनअ हुंह बच़ाऊई।
घोल़ै आसरै निं जुध ज़िती सकदै,
तिन्नों खास्सअ बल बी निं मणछा बच़ाऊई सकदअ।
पर बिधाता रहा तिन्नां भाल़अ लागी ज़ुंण तेऊओ अदर करा,
अर ज़ुंण तेऊए झींण करने आशा डाहा।
सह बच़ाऊआ तिन्नां मरनै का,
घोर नकाल़ा जैंदरी बी डाहा तिन्नां ज़िऊंदै।
हे बिधाता, हाम्हैं आसा तेरै आसरै,
तूह कर म्हारी मज़त, हाम्हां डाह बच़ाऊई।
Confiança inabalável
Melhor é confiar no Senhor do que confiar no homem. Quem anda em integridade anda seguro, e a torre forte do nome do Senhor protege o justo.
बिधाता आसा मुंह बाखा आप्पै, तैही निं हुंह डरदअ आथी।
संसारे मणछ निं मेरअ किछ़ै बगाल़ी सकदै।
मणछे आसरै रहणैं का आसा
बिधाता सेटा शरण लणी भली।
बिधाता आसा उछ़टै कोटा ज़िहअ,
तेऊ सेटा डेऊई सका धर्मीं मणछ आफ़ता का बच़ी।
बिधाता आसा उछ़टै कोटा ज़िहअ,
तेऊ सेटा डेऊई सका धर्मीं मणछ आफ़ता का बच़ी।
बिधातो अदर करी एछा भरोस्सअ,
तेता करै हआ तेऊ मणछ अर तेऊए टबरे फाज़त अर तेथ भेटा तेऊए लान्हैं सुन्हैं बी शरण।
किल्हैकि बिधाता करनी थारी मज़त आप्पै,
सह निं तम्हां आफ़ता दी पल़णै दैंदअ।
मानदार मणछ रहा राज्ज़ी-राम्बल़ै अर निहंचै,
पर ज़ुंण उंबल़ी बाता डेओआ सह हआ बरैबाद।
परमेशरै ज़ुंण ज़बान दैनी, सह करा तैहा पूरी,
ज़ुंण तेऊए शरण लआ सह करा तेऊए ढाल़ बणी करै फाज़त।
परमेशरै ज़ुंण ज़बान दैनी, सह करा तैहा पूरी,
ज़ुंण तेऊए शरण लआ सह करा तेऊए ढाल़ बणी करै फाज़त।
धर्मीं ज़िन्दगी करा नर्दोश मणछे फाज़त,
पर कदुष्ट मणछा करा तेऊओ पाप तेऊ आप्पू ई बरैबाद।
धर्मीं मणछा का हआ खाणां लै बतेर्हअ नाज़,
पर कदुष्ट मणछा हआ बैल़ी खाई क्लारी भेटणीं कठण।
किल्हैकि अक्ल दैआ सह बिधाता ई,
अर समझ़-बुध बी दैआ सह ई।
ज़ुंण मणछ मानदार अर धर्मीं आसा,
सह करा तिन्नें मज़त अर फाज़त।
सह बिधाता फिरा तिन्नां बाखा ज़ुंण शुची पांच़ी करा,
अर आपणैं भगते करा सह हेर-सभाल़।
ज़हा सोर-समझ़ हुई सह मणछ हेरा ज़ाणीं कि आफ़त च़ाल्ली पल़ी अर सह जाआ चतैन हई,
पर ऐडअ मणछ डेओआ आजू तैहा ई आफ़ता जैंदरी।
जुधा लै बधिया का बधिया घोल़ै आल़ी सैना किल्है निं होए,
पर ज़ीत भेटा सदा बिधाता करै।
सोभी का खास्सी करनी आपणैं मन्नें फाज़त कि तम्हैं किज़ै सोठा,
किल्हैकि मणछे ज़िन्दगी ढल़ा तेऊ साबै ज़ेही सह सोठा।
A presença protetora
O Senhor prometeu estar conosco e nunca nos desampara. Ele é como sombra à nossa direita e fortaleza em todo o tempo.
"तम्हैं निं आपणअ हैअ चोल़ी! नां तम्हैं जरदण पार बस्सै दै तेऊ देशे लोगा का डरी आथी। किल्हैकि बिधाता हणअ सदा तम्हां बाखा आप्पै अर सह निं तम्हां कल्ही छ़ाडदअ"
सह आसा अमर परमेशर
ज़ुंण तम्हां लै शरण दैआ,
ज़ुंण तम्हां सदा आपणीं महान बाहा करै डाहा सभाल़ी।
सह हेरा तम्हां का आजी थारै दुशमणा दरल़ाऊई,
तेखअ छ़ाडा तम्हां सह तिन्नां खतम करदै।
बिन्यामीन गोत्रा लै बर्गत
बिन्यामीन गोत्रा लै झ़ूरा परम प्रधान परमेशर खास्सअ,
बिधाता हणअ तम्हां फेर धारा ज़िहअ
अर तम्हैं बस्सणै तेथ मांझ़ै अर
तेऊ करनी थारी फाज़त।
पर तेरी निं किछ़ू अस्त्र-शस्त्रा करै हान्नी हणीं,
ज़ुंण ताल्है दोश लाआ, ताखा हणअ तिन्नें हर गल्लो ज़बाब।
आपणैं दासो पक्ष लणअ मुंह आप्पै
अर तेऊ निं हुंह हारनै दैंदअ।"
अह गल्ल डाही बिधाता बोली।
बिधाता दैआ तिन्नां लै शांती
ज़ुंण तेऊ लै शुचै-पाक्कै रहा अर
ज़ुंण सिधै बिधाते आसरै रहा।
तम्हैं खास्सै प्रोढै बी होए अर थारै मूंड पल़ू करै शेतै हणैं तैणीं
रहणअ मुंह इहै ई रगाऊंदै लागी।
किल्हैकि थारअ परमेशर आसा हुंह,
तम्हैं आसा मंऐं बणाऐं दै अर धाचणै बी तम्हैं मुंह ई।
तम्हैं डाहणैं मुंह इहै ई ढाकी अर बच़ाऊई।
ज़िहै च़ेल्लू-पखीरू फैंख फुआरी आपणैं होछ़ै-होछ़ै बच्च़े फाज़त करा, तेही फाज़त करनीं मुंह एरुशलेम नगरीए संघा डाहणीं सह बच़ाऊई। हुंह आसा स्वर्गे सारी सैनो मालक बिधाता।"
संघा शिखल़ा भलअ करनअ। नसाफ करनअ शिखल़ा, ज़ुंण हंतै, तिन्नें करा मज़त, छ़ुटै-मुक्कै दै मणछा लै दैआ हक अर बिधबा बेटल़ी लै दैआ नसाफ।’
"‘ज़ै तम्हैं मेरअ हुकम मने, तै सका तम्हैं एऊ देशे बधिया का बधिया च़िज़ा खाई ज़ुंण तेऊ देशै पज़णी। पर ज़ै तम्हैं नांईं मने, तम्हैं द्रोह करे, तै पाणै हेरे तम्हैं थारै दुशमणा तलबारा करै मारी। अह बैण आसा मुंह बिधातो।’
"तम्हां निं किछ़ करने ज़रुरत आथी, बिधाता करनअ थारै बदल़ै आप्पै इना संघै जुध।"
बिधाता आसा भलअ,
सह करा आफ़ते पलका आपणीं परज़े फाज़त।
सह दैआ तिन्नां लै शरण ज़ुंण तेऊ बाखा फिरा।
Promessas de cuidado
Deus garante que nem um fio de cabelo cairá sem sua permissão. Ele deseja que vivamos em paz, confiança e segurança total nele.
"मणछ बेच़ा दूई च़ेल्ली सिधै एकी चाम्बे ढब्बै करै! पर थारअ बाब परमेशरा हआ तिन्नां होछ़ी च़ेल्लीओ तोही धैन-खैल। तिन्नां च़ेल्ली मांझ़ै निं तेभै तैणीं एक बी धरनीं पल़दी ज़ेभै तैणीं कि परमेशर आप्पै इहअ हणैं निं दैए। इधी तैणीं कि परमेशरै आसा थारै मुंडे शराल़ बी सोभ गणै दै।लूक. 12:7 तैही बोला हुंह डरी निं आथी, तम्हैं आसा तिन्नां च़ेल्ली का खास्सै किम्मती।
ज़ेभै तम्हैं परमेशरा का प्राथणां करी किज़ै मांगे, ज़ै तम्हैं विश्वास करे कि परमेशरा हेरनी ईंयां गल्ला मुल्है दैई, तै जाणीं तिंयां गल्ला तम्हां तेऊ का भेटी।"
मेरै नाओंआं पिछ़ू हणैं खास्सै मणछ थारै दुशमण। पर थारै मुंडो निं बाल़ बी बरैबाद हणअ। खिरी तैणीं मुंह दी विश्वास डाही करै सबर करी सका तम्हैं आपणैं प्राण बच़ाऊई डाही।
ढबैओ थैल्लू, झ़ोल़ी अर तलबार
तेखअ पुछ़अ ईशू तिन्नां का, "ज़धू मंऐं तम्हां लै ढबैओ थैल्लू, झ़ोल़ी अर पोलल़ै बाझ़ी छ़ाडै तै, तधू कै तम्हां किछ़ू गल्ले कामीं हुई ती?"
तिन्नैं दैनअ ज़बाब, "हाम्हां निं किछ़ू गल्ले कामीं पल़ी।"
परमेशरे झ़ूरी का निं हाम्हां कोहै ज़ुदै करी सकदअ
इना सोभी गल्लो नचोल़ निखल़ा इहअ कि, ज़ै परमेशर हाम्हां बाखा होए, तै निं हाम्हां का कोहै ज़िती सकदअ।
तैही एछा हाम्हां इहअ बोल़णें हिम्मत,
"मेरी फाज़त करनै आल़अ आसा परमेशर,
तैही निं हुंह डरदअ आथी।
संसारे मणछ निं मेरअ किछ़ै बगाल़ी सकदै।"
तैही रहा परमेशरे डरा हेठै। राख्सो करा बरोध, तै ठुहर्नअ सह तम्हां सेटा का दूर।
तैही निं होरी ज़िहै सुत्ती रहा, पर बिहुदै अर चतैन रहा।
Fidelidade e aliança
Deus é fiel à sua aliança. Ele protege cada promessa que faz e guarda os seus como a menina dos seus olhos.
पर तम्हैं सका प्रभू दी पूरअ भरोस्सअ डाही, तेऊ करनै तम्हैं भितरा का पाक्कै अर बच़ाऊई ताकि सह राख्स तम्हां लै कष्ट नां दैए।
तेखअ ज़ुंण बी हाम्हैं परमेशरा का मांगा, सह जाआ हाम्हां तेऊ का भेटी। किल्हैकि हाम्हैं मना तेऊए हुकम अर हाम्हैं करा तिहअ ई ज़ेता करै सह खुश हआ।
होर, हाम्हां आसा परमेशरा सम्हनै इहअ निहंचअ कि, ज़ै हाम्हैं प्रभूए मरज़ी दी मांगे तै शूणां सह म्हारी। ज़ै हाम्हां का इहअ थोघ आसा कि ज़ुंण हाम्हैं मांगा, तेता हेरा परमेशर शूणीं तै आसा हाम्हां का इहअ बी थोघ कि ज़ुंण हाम्हैं मांगअ सह हेरअ हाम्हां लै तेऊ दैई बी।
नचोल़
हाम्हां का आसा ऐहा गल्लो थोघ कि ज़ुंण मणछ परमेशरा का आसा पैईदा हुअ द सह निं पाप करदअ अर तेऊ डाहा परमेशर बच़ाऊई अर तेऊ निं सकदअ सह कदुष्ट राख्स छ़ुंहीं बी।
आजू निं हुंह एऊ संसारै रहणअ पर ईंयां रहणैं एऊ ई संसारै। हुंह च़ाल्लअ ऐबै ताह सेटा एछी, ए मेरै बाब पबित्र परमेशर, आपणैं तेऊ नाओंआं करै ज़ुंण तंऐं मुल्है आसा दैनअ द, बच़ाऊ इना कि ईंयां बी हाम्हां ज़िहै एक हई सके। ज़ेभै हुंह तिन्नां संघै त, तेभै बच़ाऊऐ तिंयां मंऐं तेरै नाओंआं करै ज़ुंण तंऐं मुल्है आसा दैनअ द, मंऐं किई तिन्नें हेर-सभाल़, अर एकी बनाशे शोहरू छ़ाडी निं होर कोहै बरैबाद हुअ, सह हुअ तै कि पबित्र शास्त्रा दी लिखअ द बैण पूरअ होए।जोह. 18:9
ऐबै निं हुंह ताह सेटा एही अरज़ करदअ कि तूह च़क तिन्नां एऊ संसारा का। पर हुंह करा एही अरज़ कि तिन्नां डाहे तेऊ कदुष्ट राख्सा का बच़ाऊई।
बिधाता छ़ाडी निं होर कोहै परमेशर आथी!
म्हारी शरण लणें बडी टोल्ह आसा सह ई।
ऐबै आसा ताखा मेरी अरज़ कि ऐबै दै खुशी-खुशी मेरै खिंबा लै बर्गत ताकि तूह सदा मुंह बाखा रहे। हे मेरै मालक बिधाता, तंऐं हेरअ इहअ ई करी अर तेरी बर्गत रहणीं मेरी आद-लुआदा लै सदा।"
तेखअ बशैल़ी दाबेदै अरामी मुल्खै आपणीं सैने च़ौकी, तिन्नां प्रैंदै बी हुअ दाबेदो राज़ संघा लागै तिंयां बी दाबेदा लै कारै दैंदै। ज़िधी बी दाबेद डेऊअ, बिधाता दैनी तेऊ लै ज़ीत।
ज़िधी बी तूह एछदअ डेऊंदअ रहअ, हुंह रहअ कबल्लअ ताह संघै। मंऐं किऐ ताखा आजी तेरै दुशमण खतम। मंऐं किअ तूह संसारै बडै-बडै महान लोगा ज़िहअ मशूर।
सातुई साला लै बर्गत
"ज़ै तम्हैं मेरअ बधान अर तेते बिधी मने, तै निं तम्हां तेऊ देशै रहंदी किछ़ै डअर रहणीं अर थारी हणीं खास्सी साल-फसल।
"अह करार आसा तम्हां सोभी लै ऐबै एही कि ज़ेतरै बी ज़िऊंदै ज़ीब पृथूई दी ज़िऊंदै आसा लागै दै, तिंयां निं मुंह ऐबै ज़ल-प्रल़या करै खतम करनै।"
मालक बिधाता निं कधि आपणैं दास गूरा का भेद खोज़ै बाझ़ी किछ़ै करदअ।
Provisão diária
Deus satisfaz os desejos do coração dos seus filhos. Ele abençoa, renova as forças e sustenta dia após dia quem nele confia.
हे बिधाता, तूह निं मुल्है झींण करनी छ़ाडी,
तेरी अटल़ झ़ूरी अर सत्ता करै लोल़ी हुंह राज्ज़ी-राम्बल़अ रहअ।
हे बिधाता, हाम्हैं आसा तेरै,
हाम्हैं खोज़ा आपणीं खरी ताखा
अर तूह निं धर्मीं मणछा हारनै दैंदअ।
पर मुंह करनी तेरै ज़ोरे ज़ै-ज़ैकार,
तेरी अटल़ झ़ूरीए बोल़णीं मुंह दोत्ती धैल़ गिह।
किल्हैकि तूह आसा मुल्है उछ़टै गहल़ा ज़िहअ
ज़ेथ हुंह आफ़ते पलका शरण लआ।
किल्हैकि ताह म्हारै परमेशरा दैणीं राज़ै लै ज़ीत,
ताह करै मनाऊंणी तेऊ खुशी।
ज़ुंण बिधाते नाओंऐं ज़बान दैए,
तिन्नां करनी तेऊए बड़ैई,
पर शल़ैघा घल़णै आल़ेए खाखा हणीं बंद।
ए म्हारै परमेशर, तूह आसा सह ई ज़ुंण बादल़ा प्रैंदै शुंआर हआ,
ताह नाअं आसा बिधाता,
हाम्हैं मनाऊंआं तेरी खुशी, संघा करा तेरी ज़ै-ज़ैकार।
परमेशर, तूह रहा आपणैं पबित्र घअरै,
तूह करा छ़ुटै-मुक्कै दै अर बिधबा बेटल़ीओ नसाफ।
ए म्हारै मालक, हाम्हां करनी तेरी ज़ै-ज़ैकार!
तूह रहा हाम्हां लै हर धैल़ै झणैल़ू,
परमेशर, तंऐं आसा हाम्हैं बच़ाऊई डाहै दै।
हुंह बिधाता ई आसा थारअ परमेशर
ज़ुंणी तम्हैं मिसर देशे गलामी का आसा छ़ड़ैऊई आणै दै।
तम्हां आसा सिधी बोल़णें बेर, हुंह दैंऊं थारी ज़रुरतीए सोभै गल्ला।
हे बिधाता, म्हारी फाज़त करनै आल़अ महान राज़अ आसा तूह ई,
तूह दैआ हाम्हां लै इज़त अर जशे बर्गत।
ज़ुंण मणछ धर्मीं ज़िन्दगी ज़िऊआ,
तिन्नां लै निं तूह भली च़िज़ा दैणैं का पिछ़ू हटदअ।
बिधाता झ़ूरा तिन्नां लै ज़ुंण बूराई का नफरत करा।
सह करा आपणीं परज़े ज़िन्दगीए फाज़त,
सह डाहा तिन्नां कदुष्टा का बच़ाऊई।
तूह करा भोल़ै मणछे फाज़त,
ज़ेभै मुंह आफ़त पल़ी ती, तेभै बच़ाऊअ हुंह तंऐं ई।
हुंह बोला आपणैं दिलै हैअ डाह,
किल्हैकि बिधाता आसा मुल्है भलअ।
हे बिधाता, तंऐं बच़ाऊअ हुंह मरनै का,
तंऐं टुशै मेरी आछी का आशू अर
तंऐं निं मुल्है ठोहल़ दैनी लागणै।
मुंह रहणअ आपणीं ज़िऊंदी ज़िता,
ताह बाखा हांढदै लागी।
मेरी शरण लणें ज़ैगा अर मुंह बच़ाऊंणै आल़अ आसा तूह ई।
मेरअ आसरअ आसा सिधअ तेरअ बैण ई।
घअरै बर्गत दैआ सिधअ बिधाता ई
ज़ै घअरा बणाणां लै बिधाते ज़ाज़त निं होए,
तै आसा घअर च़िणनअ बृथा।
नगरीए फाज़त ज़ै बिधाता नां करै,
तै आसा पहरीओ पहरअ करनअ बी बृथा!
इधी बणाणअं मुंह राज़ै दाबेदे आद-लुआदा मांझ़ै ई एक महान राज़अ,
इधी ज़ुंण राज़अ मंऐं आसा छ़ांटअ द, सह हणअ सोभी लोगा लै प्रैश्शै ज़िहअ।
तेऊए दुशमण करनै मुंह शर्मिंदै,
पर तेऊए मुंडै मुगट रहणअ सदा च़मकदअ लागी।"
हे बिधाता, ज़ुंण तंऐं ज़बान दैनी, सह करनी ताह पूरी,
तेरी झ़ूरी आसा अटल़।
ज़ुंण काम तंऐं शुरू किअ, तेऊ लअ तूह ऐबै छ़ेक्की।
तूह दैआ तिन्नां लै खुल्है हाथै कि
सोभै ज़ीब ज़ेतरअ लोल़ी तेतरअ रज्ज़ी खाए।
सह करा हारै-मारै दै मणछो नसाफ अर
भुखै रज़ैऊआ सह रोटी दैई।
ज़ुंण कैद आसा किऐ दै, बिधाता करा तिन्नां आज़ाद,
सह दैआ कांणै लै आछी कि तिन्नां का शुझिए।
ज़ुंण ठोहल़ लागी धरनीं पल़ै तिन्नां करा सह हाथा ढाकी आज़रै खल़ै,
सह झ़ूरा धर्मीं मणछा लै।
सह करा थारै देशै रहणैं आल़ै पाखलै मणछे बी फाज़त,
बिधबा अर छ़ुटै-मुक्कै दै लान्हें करा सह आप्पै मज़त,
पर कदुष्ट मणछा करा सह पठी बरैबाद।
हुंह सका निहंचै राची निंजा सुत्ती
किल्हैकि तूह बिधाता करा आप्पै मेरी फाज़त।
ज़िहअ एक जोधअ आपणैं जुधा करने अस्त्र-शस्त्र कशा, तम्हैं बी कशा परमेशरै दैनै दै सोभी अस्त्र-शस्त्रा ताकि ज़ेभै तम्हां लै राख्स च़लाकी करने कोशिश करे तेभै तम्हैं तेऊओ मकाबलअ करी सके।
ज़िहअ एक जोधअ आपणैं जुधा करने अस्त्र-शस्त्र कशा, तम्हैं बी कशा परमेशरै दैनै दै सोभी अस्त्र-शस्त्रा ताकि ज़ेभै तम्हां लै राख्स च़लाकी करने कोशिश करे तेभै तम्हैं तेऊओ मकाबलअ करी सके।
किल्हैकि म्हारअ अह जुध निं लोहू अर मणछा संघै आथी, पर म्हारअ मल्ल जुध आसा एऊ संसारे कदुष्ट आत्में राज़ै संघै ज़ुंण न्हैरै संसारै राज़ करा अर तिन्नां बूरी आत्में सैना संघै ज़ुंण सरगै आसा।
"हुंह पुछ़ा तम्हां का, ‘मणछो परमेशरा लै धोखअ दैणअ कै खरअ आसा? पर तज़ी बी दैआ तम्हैं मुल्है धोखअ!’
"तम्हैं बोला, ‘हाम्हैं किहअ करै दैनअ धोखअ?’
"पर हुंह बोला तम्हां लै, ‘तम्हैं निं मुल्है भैंट अर कमाई का दसुअ निसब दैंदै ज़ुंण तम्हैं दैनअ लोल़ी त! इहअ करै करा तम्हैं मुंह संघै धोखअ।’ तम्हैं सोभै आसा मुंह लुटदै लागै दै! सारअ इज़राईल देश आसा दोशी। एऊ फिटके सज़ा भेटणीं तम्हां ज़रूर।
"आपणीं साल-फसल अर कमाई मांझ़ै आणा दसुअ निसब मेरै भबना लै, ताकि मेरै भबनै खाण-पींण पुगतअ रहे। ज़िहअ हुंह बोला तिहअ करा, तेखअ भाल़ै तम्हैं कि मुंह किज़ै करनअ। इहअ बोला हुंह बिधाता ज़ुंण स्वर्गे सारी सैनो मालक आसा। तम्हां का जाणअ शुझुई कि मुंह तम्हां लै केही खास्सी बर्गत दैणीं! ज़ेतरी च़िज़ा मुंह तम्हां लै दैणीं तेता करै हणैं थारै घअर भरी, मुंह दैणीं तम्हां लै बर्गत सरगा का पाणीं ज़ेही तरैल़ी।
"‘मुंह दैणीं तिन्नां लै बर्गत अर तिन्नां दैणअ मुंह आपणीं पबित्र धारा फेर बस्सणै। तिधी करनअ मुंह तिन्नां लै ठीक बगती सरगा का पाणीं दैई अर तिन्नां लै हणीं सह बर्गत।
अक्ली अर ढब्बै करै जाआ सोभै गल्ला भेटी, पर ज़िन्दगी भेटा सिधी अक्ली करै।
इहअ ई आसा प्रभू बी बोलअ द कि ज़ुंण लोग खुशीओ समाद खोज़णैं आल़ै आसा तिन्नें ज़िऊंणें गरज़ा लोल़ी तिन्नां का पूरी हुई ज़ुंण खुशीओ समाद शूणां।
किल्हैकि ढब्बै-धेल्लै लै मांण आसा सोभी बूराईओ मूल़, कई लोगै छ़ाडअ सुलै-सुलै मसीहे बारै शिक्षा दी विश्वास करनअ किल्हैकि तिंयां च़ाहा ढब्बै, होर बी खास्सै ढब्बै अर तिंयां पल़ै कई साबै इहै दुखा दी ज़िहअ कुंण मणछ आप्पू तलबारा करै छ़िन्ह-बिन्ह करा।
मुंह दैणअ तिन्नां लै बशैघ ज़ुंण थकै दै होए। ज़हा भुखै तराण निं रहे, तिंयां दैणैं मुंह रज़ैऊई।
ईशू मसीहे बारै अह समाद लोगा का खोज़णैं पिछ़ू आसा हुंबी इधी कैद किअ द। मुंह निं एते शरम लागदी, किल्हैकि मुखा आसा थोघ कि मसीहा ज़हा दी हुंह आशा डाहा, सह सका मेरै विश्वासे तेऊए फिरी एछणें धैल़ी तैणीं हेर-सभाल़ करी।