Recompensa

6 हुँकारमे विश्वास करके किल हम्रे परमेश्वरहे खुशी बनाई सेक्थी। काकरेकी जे परमेश्वरमे आइत, ऊ परमेश्वरहे विश्वास करे परत कि परमेश्वर बताँ। और सच्चाइसे हुँकार खोजी करुइयनहे ऊ ईनाम दिहीँ।

परमेश्वर केक्रो परीक्षा नै करथाँ

12 उ मनैया धन्यके हो, जे परीक्षक समयमे ईमानदार साबित हुइत। काकरेकी उहिहे सदाकालके जीवनके मुकुट मिल्हिस। जोन मुकुटके वाचा परमेश्वर उ सक्कु मनैनके लग कर्ले बताँ, जेने परमेश्वरहे प्रेम करथाँ।

5 पर यदि तुहुरिन्मेसे किहुहे बुद्धिक कमि बा कलेसे परमेश्वरसे माँगो, और ऊ तुहुरिन्हे बिना झर्कले दिहीँ। काकरेकी परमेश्वर प्रशस्त रुपमे उ सक्कुहुनहे देथिन, जेने बुद्धि मंग्था।

प्राथनक लग प्रोत्साहन

7 येशू कलाँ, "तुहुरिन्हे ज्या चाही उ तुहुरे परमेश्वरसे माँगो और ऊ तुहुरिन्हे दैदिहीँ। खोजो ते तुहुरे भेटैबो, ढकढकाऊ ते तुहुरिन्के लग खोलजाजाई।

24 तबेकमारे मै कहतुँ, जब तुहुरे प्राथना करथो और कुछु मंग्थो, ते यी विश्वास करहो कि ऊ तुहुरिन्हे पक्कै मिली, और ज्या फेन तुहुरे मंग्बो, परमेश्वर तुहुरिन्हे दिहीँ।

21 मलिक्वा उहिहे कहल, ‘स्याबास, मजा और विश्वासी नोकर! तैँ थोरचे बातमे विश्वासयोग्य हुइले, आब मै तुहिहे बहुत्ते बातके जिम्मा देहम। तैँ अपन मलिक्वक खुशीमे शामिल होजा।’

23 ज्या चिज तुहुरे करथो उहिहे तुहुरे पूरा मनसे करो। यी सोँचके कि मनैनके लग नै हो पर प्रभुक लग करतो। 24 काकरेकी तुहुरे जन्थो कि प्रभु तुहुरिन्हे ईनाम दिहीँ। जोन यी हो कि ऊ तुहुरिन्हे उ आशीषमेसे तुहुरिन्के बख्रा दिहीँ, जोन आशिष ऊ अपन सक्कु मनैनके लग तयार कर्ले बताँ। तुहुरे प्रभु येशू ख्रीष्टके सेवा कर्ती रहो।

58 तबेकमारे हे मोरिक प्रिय विश्वासी भैयो, अपन विश्वासमे पक्का रहो, और गलत शिक्षासे ना भट्कोहो। प्रभुक लग तुहुरे ज्या काम करथो, उ काम आकुर मजासे करो। काकरेकी तुहुरे यी जन्थो, कि प्रभुक लग तुहुरिन्के कर्लक मेहनत बेकारमे नै जाई।

9 भलाइक काम करेबेर निराश ना हुइहो। काकरेकी यदि हम्रे हिम्मत नै हर्ली कलेसे हम्रे परमेश्वरके समयमे ईनाम भेटैबी।

30 पर बहुत्ते मनै जेने अब्बे भारी बताँ, ओइने छुटी कराजैहीँ। और जेने अब्बे विनम्र बताँ, ओइने भारी बनाजिहीँ।"

6 काकरेकी परमेश्वर हरेक मनैनहे ओइन्के काम अनुसार ओइन्हे ईनाम दिहिन।

38 देऊ और तुहुरिन्हे फेन देजाई। मनै प्रशस्त मात्रामे दाब-दाबके जोरसे हिलाके, अँरैना मेरके तुहुरिन्के कोनामे धारदिहीँ। काकरेकी जोन नापसे तुहुरे नप्थो, वहे नापसे तुहुरिन्के लग फेन नाप जाई।"

33 तुहुरिन्के भलाई करुइयनहे भलाई करबो ते तुहुरिन्हे का फाइदा हुइल? काकरेकी पापीन फेन ओस्तेहेँके करथाँ।

8 बेमार मनैनहे चोख्वाऊ, मुअल मनैनहे जित्ती बनाऊ, कोढ़ रोग लागल मनैनहे चोख्वाऊ, भूत्वनहे निकारो। तुहुरे फोकत्यामे भेटैलो, फोकत्यामे देऊ।

8 परमेश्वर तुहुरिन्हे तुहुरिन्के जरुरीसे फेन धेउर देहे सेक्थाँ। ताकि तुहुरिन्हे जरुरी परना हरेक चिज हरदम तुहुरिन्के थेन पलिरहे, और तुहुरे सक्कु मजा कामके लग प्रशस्त मात्रामे देहे सेको।

9 पर पवित्र शास्त्रमे जसिके लिखल बा, कि

"ना कबु केऊ देख्ले हो,

और ना कबु केऊ सुन्ले हो,

और ना ते केऊ कबु फेन उ अद्भुत चिजके बारेमे सोँचल बा,

जोन चिज परमेश्वर हुँकिन्हे प्रेम करुइया मनैनके लग तयार कर्ले बताँ।"

18 मै यी फेन प्राथना करथुँ, कि सच्चाईहे बुझक लग परमेश्वर तोहाँर सहायता करिँत। और तुहुरे उ आशक बारेमे फेन जाने सेको, जोन आशा देहक लग ऊ तुहुरिन्हे बलैले बताँ। और तुहुरे जाने सेको कि परमेश्वरके अपन पवित्र मनैनहे वाचा कर्लक आशिष कतरा महान और महिमित बतिन।

ख्रीष्टके बोलावत और चुनाव

3 हम्रे परमेश्वरहे चिहिन्लक कारण ऊ हम्रिहिन्हे अपन संग रलक उ शक्ति देले बताँ। तबेकमारे हमार थेन हुँकिन्हे खुशी बनैना जीवन जिअक लग चहना सक्कु चिज बताँ। यी सम्भव बा काकरेकी हम्रे परमेश्वरहे चिहिन्थी। और ऊ वहे हुइँत, जे हम्रिहिन्हे अपन महानता और नैतिक भलाईक माध्यमसे अपन मनै हुइक लग बलैले बताँ।

5 आशा हम्रिहिन्हे निराश नै कराइत। काकरेकी जोन पवित्र आत्मा परमेश्वर हम्रिहिन्हे देले बताँ, वहे पवित्र आत्मक माध्यमसे ऊ हमार मनहे अपन प्रेमसे भरदेले बताँ।

32 परमेश्वर अपन सग्गे छावाहे फेन नै बँचैलाँ, पर ऊ हमार लग हुँकिन्हे अपन दुश्मननके हाँथेम दैदेलाँ। और ऊ हम्रिहिन्हे वाचा कर्लक सक्कु चिज अपन अनुग्रहसे दिहीँ।

14 पर जे मोरिक देहल पानी पिई, उहिहे कबु प्यास नै लग्हिस। और जोन पानी मै उहिहे देहम, ऊ असिन पानी देती रना मूल बनजाई, जोन सदाकालके जीवन दि।"

24 अभिनसम तुहुरे मोरिक चेला हुइलक कारण कुछु नै माँगल हुइतो। माँगो, तब् तुहुरे भेटैबो। ताकि तुहुरिन्के आनन्द पूरा होजाए।"

7 तभुन फेन मै तुहुरिन्हे सच्चा बात बत्वाइतुँ, मोरिक जैना तुहुरिन्के लग मजा हुई। काकरेकी मै नै गैनु कलेसे, उ सहायक तुहुरिन्के थेन नै आई। पर यदि मै गैनु कलेसे उहिहे तुहुरिन्के थेन पठादेहम।

14 और लक्ष्यक लग मै कर्रा मेहनत कर्ती बतुँ ताकि मै उ ईनाम भेटाई सेकुँ, और उ ईनाम यी हो कि परमेश्वर महिन्हे स्वर्गमे बलाइतताँ। काकरेकी येशू ख्रीष्ट मोरिक लग मुलाँ।

6 धन्य हुइँत उ मनै, जेने धार्मिक जीवन जिए चहथाँ।

काकरेकी परमेश्वर ओइन्के इच्छा पूरा करहीँ।

2 "तबेकमारे जब तुहुरे दान देबो, तब् औरे जहनहे देखाइक लग ना करो, जसिके कपटीन यहूदी बैठक भवनमे और डगरमे करथाँ, ताकि मनै ओइन्के प्रशंसा करिँत। जात्तिके, मै तुहुरिन्हे कहतुँ, मनैनके प्रशंसक रुपमे ओइने अपन ईनाम भेटासेकल बताँ।

6 पर जब तुँ प्राथना करबो, अपन भितरका कोन्तीमे जाऊ, और दवार लगाके अपन स्वर्गमे रहुइया बाबाहे प्राथना करो, जोन बाबाहे केऊ फेन देखे नै सेकत। तब तोहाँर बाबा जे गुप्तमे कर्लक काम देखत, ऊ तुहिन्हे ईनाम दि।

16 तबेकमारे हम्रे हरेस नै खैथी। हमार बाहेरके शरीर नाश हुइती गैलेसे फेन हमार आत्मा भर दिनदिने लावा हुइती जाइत।

6 तबेकमारे परमेश्वरके आघे अपनहे नम्र बनाऊ, जे सुरक्षा देहक लग बल्गर बताँ। ताकि ऊ ठिक समयमे तुहुरिन्हे सम्मान दिँत।

10 प्रभुक आघे नम्र बनो, तब ऊ तुहुरिन्के आदर करहीँ।

23 काकरेकी पाप कर्लक ईनाम मृत्यु हो। पर जोन वरदान परमेश्वर हम्रिहिन्हे देथाँ, उ वरदान सदाकालके जीवन हो, जोन जीवन हमार प्रभु येशू ख्रीष्टमे मिलत।

27 तुहुरिन्के लग, उ पवित्र आत्मा, जिहिहे तुहुरे ख्रीष्टके ओहोँरसे भेटाइल बतो, वहे तुहुरिन्के भित्तर रहत। तबेकमारे किहुहे फेन तुहुरिन्हे सच्चाइक बारेमे सिखैना जरुरी नै हो। यकर सटाहा, पवित्र आत्मा (जोन ख्रीष्ट तुहुरिन्हे देले बताँ), ऊ तुहुरिन्हे उ सक्कु बातके बारेमे सक्कु सच्चाइहे जानक लग सहयोग करी। और ज्या चिज पवित्र आत्मा तुहुरिन्हे सिखाइत, ऊ बिना कौनो झूँटसे पूरा रुपमे सच्चा बा। तबेकमारे ख्रीष्टके संग एकतामे पलिरहो, जसिके पवित्र आत्मा तुहुरिन्हे करे कहल बा।

32 हम्रे यी बातके साँखी बती। और पवित्र आत्मा फेन साँखी बा, जोन पवित्र आत्माहे परमेश्वर ओइन्हे देले बतिन, जेने हुँकार आज्ञा पालन करथाँ।"