Recompensa

6 Kandää, əzü â za lɔsu ye za kə Ndjapä ne, tshə lï lï bale ndə kə pa tshə fʉ lə ala Ndjapä nə ne, mbrə ə̂në əzü ə̂në tshə na gâ tə̂ Ndjapä, tshə lï ndə kə pa tshə wusə̂ nə mâ tə̂ lɔsu ə pa Ndjapä nə sə je â tshə sə kə ko aə̂rɔ̂ aərə kə azü ə̂në əndje sə kə pra äwä ye kɔ.

Ndjapä gi gi ə̈bə̈ əzü bale gâ tə̂ əmbrʉ ərə ne

12 Ənə̂ ye tə ə̂rɔ̂nə, əzü ə̂në tshə wusə̂ kə kânga lɔsu ye lə ərə kə tra ətshə! Mbrə ə̂në tshə sɔtə̂ sorô nə̂ alɔnɔ̂ ə̂në Âgbɔ̂ Əyïngerə zâ ama də nə kɔ kə azü ə̂në əndje yində ye kɔ je, mandânə ə̂në tshə rô lə ərə kə tra lɔsu ye nə gâ ye kɔ.

5 Kədə ə̈bə̈ əzü lə takpa tə̂ e kə wusə̂ ərə wu ne, tshə yü tshuku nə kə Ndjapä, ə̂në tshə ko aərə kə azü nɔ̂ ambanə ə nga nga kə əndje ne kɔ, tshə sə kə za nə kə ətshə.

Əpʉ kə yu tshuku ərə kə Ndjapä

7 «E yü tshuku ərə, əndje sə kə za kə e; e prä ərə, e sə kə sɔtə̂ nə; e ngë manda, əndje sə kə krɔ nə kə e.

24 Âdârə ə̂në, mə pa kə e: Ərə nɔ̂ ə̂në e sə kə yu tshuku nə tə̂ äwä kə yu Ndjapä, e wüsə̂ nə mâ tə̂ lɔsu e ə pa e sɔ̂tə̂ nə gâ ye. Ndjapä sə kə za ərə səkɔ kə e.

21 Âgbɔ̂ əzü nə̂ ye nə pâ kə ətshə ə pa: "Ə̂rɔ̂nə! Bə sə tə ə̂rɔ̂ əyïkosəra ə̂në kə ma tə̂ zə sə də äwänə. Bə sə tə ə̂rɔ̂ əzü lə aaya aərə, mə sə kə za əbə gâ pâ aərə ə̂në ə ngba ə ngba kɔ. Nä gâ əmə, e də âgbɔ̂ əzü nə̂ zə du ə̂rû."

23 Kosəra nɔ̂ ə̂në e sə kə mbrə nə, e mbrə̈ də lɔsu e nɔ̂, a pa də e mbrə mbrə Âgbɔ̂ Əyïngerə, ə də̂ mbrə azü də̂ ne. 24 E wüsə̂ nə ə pa e sɔtə̂ aə̂rɔ̂ aərə, tshemandâ nə, lə kəna Âgbɔ̂ Əyïngerə nə je, aə̂rɔ̂ aərə ə̂në tshə gâmba mbrə azü nə̂ ye gâ ye kɔ. Âgbɔ̂ əzü nə ə̂në e sə kə mbrə kosəra nə kə ətshə kɔ kə də̂ Kristə nə.

58 Rəkɔ, alaye əmə ə̂në mə yində e ngbatshe kɔ, e kä gbʉ gbʉ gbʉ, ə̈bə̈ ərə mëme e mëme ne. E mbrə̈ kosəra nə̂ Âgbɔ̂ Əyïngerə alɔnɔ̂, ə nä də nə gâ ətshinə, ə wüsə̂ nə ə pa kosəra ə̂në e mbrə kə Âgbɔ̂ Əyïngerə nə kɔ sə sə kə sə kʉ tə ambanə ne.

9 A mɔ̈ mɔ̈ tə̂ äwä kə mbrə ə̂rɔ̂ ərə ne, mbrə ə̂në, kədə alɔ nə kə lï, a sə kə kɔ angwa nə, kədə tshelə kəna əzə̂ kə tɔ tɔ tə̂ äwä nə ne.

30 Bale, azü tshitshinə ngbatshe sə kə sə tə azü tshe mandânə, â azü tshe mandânə ngbatshe sə kə sə tə azü tshitshinə.»

6 â tshə sə kə mbrə ərə kə əzü bale bale ə lï də ərə ə̂në tshə mbrə̂ gâ ye kɔ.*

38 E tö ərə kə azü ka Ndjapä to ndje ərə kə e. Əndje sə kə to ərə kə e ə sə kə su ngbede nə̂ e trɔ̂, əndje meme ə tu gâ tʉ. Mbrə ə̂në ərə ə̂në e sə kə za ndə kə to də ərə kə angâ e kɔ də̂ Ndjapä sə kə za ndə kə to də ərə kə e.»

33 Kədə e ma ə̂rɔ̂ nə kʉ kə azü ə̂në əndje ma ə̂rɔ̂ nə kə e kɔ, ərə ə̂në azü ə tra e tə̂ nə kɔ sə kotâ a? Alayïnyaka mbrə ndje rə!

8 E grɔ̈ rəka tə̂ azü, e shë akuzu, e mä ndə kə pa akwa alayïbroma sə mvo, e grɔ̈ aafrɔ ayirə̂ tə̂ azü. E sɔ̂tə̂ nə yera ambanə, e kö kə azü yera ambanə.

8 Bale, Ndjapä lï ndə kə pa tshə ko adongo aərə nɔ̂ kə e, ndə kə pa e sə də aərə alɔnɔ̂ ə lï də e ə sə də aərə kwatəndje ngbatshe ndə kə mbrə də ə̂rɔ̂ kosəra nɔ̂.

9 Bale, ə sə mata ə̂në Fraka nə̂ Ndjapä pâ əpʉ ə pa:

«Ərə ə̂në ala əzü wû wû ne,

ərə ə̂në ətu əzü djî djî əpʉ nə ne,

də ərə ə̂në lɔsu əzü tê tê gâ pâ nə ne kɔ,

Ndjapä gâmba mbrə azü

ə̂në əndje yində ye kɔ.»*

18 Mə yu Ndjapä nə ndə kə pa tshə vru ala e tə̂ äwä ə̂yîəwo nə̂ ye kanika e wusə̂ ərə ə̂në e za lɔsu e gâ pâ nə, ə̂në tshə ê e ndə nə gâ ye kɔ, ka e wusə̂ aâtshɔ̂ aərə ə̂në ə rô pâ nə gâ ye ə̂në tshə kô gâ-e mbrə azü nə̂ ye kɔ.

E mbrə̈ tə̂ e tə azü ə̂në Kristə ê əndje gâ ye kɔ

3 Də awlra nə̂ ye, Ndjapä nə kô aərə nɔ̂ ə̂në ə lï kɔ kə əzə̂ gâ ye ndə kə pa a sə də sorô ə tɔ popo Ndjapä nə, mbrə ə̂në tshə mbrə̂ â a wusə̂ ətshə ə̂në tshə ê əzə̂ də ə̂tə̂ ye də ə̂yî ye də awlra nə̂ ye gâ ye kɔ.

5 Əpʉ kə za lɔsu nə gâ pâ ndəma Ndjapä səkɔ sə sə kə mbrə gana gâ lə ala əzə̂ ne, mbrə ə̂në Ndjapä nə zâ əpʉ kə yi tə̂ nə̂ ye sɨ gâ tə̂ lɔsu əzə̂ gâ ye tə̂ äwä Âgbɔ̂ Yîrə̂ ə̂në tshə zâ ətshə kə əzə̂ gâ ye kɔ.

32 Ndjapä nə gbɔ̂ tə̂ Ɨri nə də ə̂tə̂ ye gbɔ̂ ne, bale tshə kâ ətshə ndje mbrə əzə̂ nɔ̂ gâ ye: tshə ko aərə nɔ̂ ko kə əzə̂, lə ə̂rɔ̂tə̂ ye, də Ɨrɨ nə je ne atâ a?

14 Bale, əzü ə̂në tshə sə kə ndju ə̂ngû ə̂në mə sə kə za kə ətshə kɔ, əgo ə̂ngû sə sə kə mi ətshə bale ne, bale, ə̂ngû nə ə̂në mə sə kə za kə ətshə kɔ, ə sə kə do tə̂ ye mâ lə ye tə kumu ə̂ngû ə̂në ə sə kə vɔ gola gola ʉrrr ndjɔ gâ tə̂ alɔ sorô nə̂ alɔnɔ̂.»

24 Ʉrrr ndjɔ kpəsəye, e yu tshuku ə̈bə̈ ərə yu bale də əɨrɨ əmə ne. E yü tshuku ərə, e sə kə sɔtə̂ nə, kanika ə̂rû tshelə e lï nɔ̂.»

7 Kandää, əmə, mə sə kə pa djatra əpʉ kə e: ə sə tə ə̂rɔ̂nə mbrə e ndə kə pa, əmə, mə ro. Mbrə ə̂në kədə mə ro ro gu na ye ne, Awotɨ azü nə sə sə kə na gâ tə̂ e ne. Bale, kədə mə ro gu na ye, mə sə kə wla ətshə kə e.

14 mə sə kə kpe ärɔ̈ gu ndə âdâ ərə nə ndə kə pa mə sɔtə̂ ərə mandâ kə e əzə̂ ə̂në Ndjapä ê əzə̂ mâ lafɔ tə̂ äwä Jezu Kristə nə kɔ.

6 Ənə̂ əndje tə ə̂rɔ̂nə,

azü ə̂në əgo kə ma ərə də äwänə mi əndje ə mi kɔ,

mbrə ə̂në tshelə əndje ə su je!

2 «Alɔ ə̂në bə yində kə kra tə̂ ə̈bə̈ əyïəyo, tä râwâ tä də əpʉ nə, mata ə̂në alayïama bishi ə ma lə aanda aangbɔ, lə äwä, ndə kə pa azü mbe əndje kɔ ne. Djatra əpʉ, mə pa kə e, əndje sɔ̂tə̂ âkrâ nə̂ əndje gâ ye.

6 Bale, əbə, alɔ ə̂në bə yində kə yu Ndjapä, lï gâ lə bəlindəyea nə̂ zə ə tshü manda nə gâ tə̂ nə ə yü Abä zə ə̂në tshə sə je lə kəwû nə kɔ. Bale, Abä zə ə̂në tshə sə kə wu ərə lə kəwû nə kɔ, tshə sə kə kirə də nə kə əbə.

Kə mbe ətshe ə̂në ə sə kə na gu nə kɔ sə kə daka pə piii

16 Âdârə ə̂në ä mɔ mɔ ne kɔ kə sə̂. Bale, kədə tshekotə̂ ä nə̂ əzü sə kə ndɨ nə teashe teashe, tshekotə̂ ä djoko lə nə, sə kə do tə̂ ye tə tafa nə alɔnɔ̂.

6 Rəkɔ, e mbrə̈ tə̂ e teashe tshekudu awlra nə̂ Ndjapä, kanika tshə mbrə e tə əgbro azü tə̂ alɔ ə̂në tshelə ye yində nə.

10 E mbrə̈ tə̂ e teashe gâ tshekudu Âgbɔ̂ Əyïngerə, tshə sə kə ko e tɔ gâ lafɔ tə əgbro azü.

23 Mbrə ə̂në ərə tshemandâ nyaka nə kə də̂ kuzu; bale âkrâ nə̂ Ndjapä nə lə ə̂rɔ̂tə̂ ye kə də̂ sorô nə̂ alɔnɔ̂ lə Jezu Kristə, Âgbɔ̂ Əyïngerə nə̂ əzə̂ nə.

27 Ənə̂ e, Âgbɔ̂ Yîrə̂ ə̂në Kristə nə zâ ətshə kə e gâ ye kɔ, sə tə̂ lɔsu e, â e ma ma əgo ndə kə pa ə̈bə̈ əzü yisə̂ ərə ə yi kə e ne, mbrə ə̂në Âgbɔ̂ Yîrə̂ nə sə kə yisə̂ aərə nɔ̂ kə e. Aərə ə̂në tshə yisə̂ nə kə e kɔ sə tə djatra əpʉ â ə sə sə tə əterə ne. Rəkɔ, e tɔ̈ popo Kristə nə mata ə̂në Âgbɔ̂ Yîrə̂ nə yîsə̂ äwä nə kə e gâ ye kɔ.

32 Ä sə tə azü ə̂në ä wû aərə səkɔ də ala ä, ä-ä də Âgbɔ̂ Yîrə̂ ə̂në Ndjapä zâ ətshə kə azü ə̂në əndje sə kə dji əpʉ ama ye kɔ.»