Reino dos céus

O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.

O valor incomparável do Reino

O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.

छ़पोरे खज़ानेरी मसाल

44 "सुर्गेरू राज़ तैस दौलतरू ज़ेरूए, ज़ै एक्‍की ऊडारे मां दब्बोरी थी, ज़ै एक्‍की मैन्हे तोप्पी, ते तैस मैल्ही भी, ते फिरी तैने छ़ुपेइतां छ़डी ते खुशी सेइं अपनु सब किछ बेच़तां तैन ऊडार घिन्नू।

कीमती मोती

45 "सुर्गेरू राज़ तैस बुपैरेरू ज़ेरूए, ज़ै कीमती मोती तोपतो थियो। 46 ज़ैखन तैस अक कीमती मोती मैल्हो, त तैनी अपनु सब किछ बेच़तां तै मोती घिन्नो।

Mateus 13:44-46

शेरीएरे बीज़ेरी मिसाल

31 तैनी तैन अक होरि मिसाल देइतां ज़ोवं, "सुर्गेरू राज़ शेरीएरे बीज़ेरू ज़ेरू आहे, ज़ैन एक्‍के मैन्हे आनू ते अपने ऊडारे मां बेवं। 32 एन बीज़ सेब्भी बीज़न करां निक्‍कु भोते, पन ज़ैखन तैन बीज़ बेव गाते, त तैन उगतां सारे निक्‍के-निक्‍के बुट्टन केरां बड्डू भोते। ते एरो बुट बनते इड़ी तगर कि अम्बरेरां च़ुड़ोलू भी तैस पुड़ बिशतन।"

Mateus 13:31,32

खमीरेरी मिसाल

33 तैनी तैन अक होरि मिसाल देइतां ज़ोवं, "सुर्गेरू राज़ अम्लटेरू ज़ेरूए, ज़ैन केन्ची कुआन्शां आनू, ते हछे अट्टे मां मलाव ते सारू अट्टू खमीर बेनि ज़ोवं।"

Mateus 13:33

Parábolas do Reino

Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.

जंगली बीज़ेरी मिसाल

24 यीशुए तैन अक होरि मिसाल देइतां ज़ोवं, "सुर्गेरू राज़ तैस मैन्हेरू ज़ेरूए ज़ैनी अपने ऊडारे मां रोड़ू बीज़ बेवं। 25 पन ज़ैखन लोक झ़ुलोरो थिये, त तैसेरे दुश्मने एइतां तैसेरे ऊडारे मां गेहुं केरे बीज़े मांमेइं जंगली बीज़ बेवं। 26 ज़ैखन पट्लां ते शिल्‍लां लगां लग्गने त तै जंगली डाल भी साथी लग्गो। 27 मालिकेरे नौकरेईं एइतां तैस सेइं ज़ोवं, ‘हे मालिक, कुन तीं अपने ऊडारे मां रोड़ू बीज़ न थियूं बेवरू, फिरी जंगली तैस मां कोट्ठां अव?’ 28 तैनी तैन सेइं ज़ोवं, एन केन्ची दुश्मनेरू कम्मे, नौकरेईं पुछ़ू कुन तू चातस, कि अस गेइतां तैन पुट्टी छ़डम? 29 पन तैनी ज़ोवं नन्ना, एरू न भोए कि तैस सेइं साथी तुस गेहुं भी पुटथ। 30 फसल लुन्ने तगर दूईये साथी बेडोने देथ, ते लुनते बार अवं एप्पू लुन्ने बालन सेइं ज़ोइलो, कि पेइले जंगली बीज़ लुन्तां अग्गी मां फुकनेरे लेई अकोट्ठू केरा, ते फिरी तुस गेहुं मेरे कोठारे मां जम्हां केरतां रखा।"

Mateus 13:24-30

जंगली बीज़ेरो मतलब

36 तैखन यीशु लोकन करां अलग भोइतां घरजो अव, ते तैसेरे चेलेईं तैस कां एइतां ज़ोवं, "तू असन उडारेरे जंगली बीज़ेरी कहैनरो मतलब समझ़ा।" 37 तैनी तैन जुवाब दित्तो, "रोड़ू बीज़ बेनेबालो मैन्हेरू मट्ठूए। 38 ऊडार ई दुनियाए, ते रोड़ू बीज़ राज़ हासिल केरनेबाले लोक, ते जंगली बीज़ शैतानेरे लोक आन। 39 ते तै दुश्मन ज़ैनी तैन बेवरू थियूं तै शैताने, लुन्नेरो मतलब इस दुनियारो अन्त भोनोए, ते लुन्ने बाले स्वर्गदूतन। 40 ज़ेन्च़रे जंगली बीज़ेरे गलेव अकोट्ठे केरतां अग्गी मां फुकतन, तेन्च़रे इस दुनियारो अन्त भोनोए। 41 मैन्हेरू मट्ठू अपने स्वर्गदूतन भेज़ेलू, ते तैन केरे राज़्ज़े मां ठोकरारी वजा ते बुरां कम्मां केरनेबालन अकोट्ठे केरेले। 42 ते तैन अग्गरे कुण्डे मां छ़डेले, ज़ैड़ी तैना लोक लेरां देते ते दंत च़ापते राले। 43 तेइस धर्मी लोक अपने बाजी केरे राज़्ज़े मां दिहाड़ेरे ज़ेरे चमकेले। ज़ै कोई समझ़नू चाते, तै ध्याने सेइं शुने ते समझ़े।"

Mateus 13:36-43

ज़ालेरी मसाल

47 "सुर्गेरू राज़ तैस मेछ़ली केरे ज़ालेरू ज़ेरूए, ज़ैन समुन्दरे मां छ़डू ते तैस मां हर किसमेरी मेछ़ली लेग्गी। 48 ते ज़ैखन ज़ाल भेरोई जेवं त झिरेइं ज़ाल खिचतां कनारे पुड़ आनू, ते बिशतां रोड़ी-रोड़ी मेछ़ली टोकरन मां रेखी ते बुरी-बुरी मेछ़ली शैरी छ़ेडी। 49 दुनियारे अन्ते मां भी एरू भोनूए, स्वर्गदूतेईं एइतां दुष्ट लोक, धेर्मी लोकन करां अलग केरनेन। 50 ते तैना अग्गरी भेट्ठी मां छ़डनेन तैड़ी लेरां ते दंत च़ापने भोल्हे।

Mateus 13:47-50

Quem herda o Reino

Os humildes, os pobres de espírito e as crianças são herdeiros do Reino. Mas é difícil para os ricos entrarem nele.

परमेशर कोन लोकन बरकत देते।

3 "परमेशर तैन लोकन बरकत देते, ज़ैना ज़ानतन कि तैन परमेशरेरी ज़रूरते,

किजोकि तै तैन पुड़ राज़ केरेलो।

4 परमेशर तैन लोकन बरकत देते, ज़ैना दुखी आन,

किजोकि परमेशर तैन तसल्‍ली देलो।

5 परमेशर तैन लोकन बरकत देते ज़ैना नम्र आन,

किजोकि परमेशर तैन, तैना सैरी बरकतां देलो ज़ैन केरो तैनी वाधो कियोरोए।

6 परमेशर तैन लोकन बरकत देते, ज़ैना परमेशरेरी नज़री मां रोड़ी गल्‍लां केरनेरी बड़ी इच्छा रखतन, (ज़ेन्च़रे कोई ढ्लुखोरो खाने पीनेरी इच्छा रखते)

तैन परमेशर अपनि मेर्ज़ी पुड़ च़लनेरे लेई शक्ति देते।

7 परमेशर तैन लोकन बरकत देते, ज़ैना दया केरतन,

किजोकि परमेशर भी तैन पुड़ दया केरेलो।

8 परमेशर तैन लोकन बरकत देते, ज़ैन केरे मन साफ आन,

किजोकि तैन परमेशर दर्शन देलो।

9 परमेशर तैन लोकन बरकत देते, ज़ैना शैनतरां कम्मां केरतन,

किजोकि तैन जो परमेशरेरे बच्‍चे ज़ोले।

10 परमेशर तैन लोकन बरकत देते, ज़ैना परमेशरेरी नज़री मां रोड़ि गल्‍लां केरनेरे वजाई सेइं सताए गातन,

किजोकि परमेशर तैन पुड़ राज़ केरते।"

11 "परमेशर तुसन बरकत देलो, ज़ैखन लोक तुसन मेरे चेलो भोनेरे वजाई सेइं तुश्शी तुहीन केरन ते स्तान ते झूठ ज़ोइतां हर किसमेरी बुरी गल्‍लां तुश्शे बारे मां ज़ोन। 12 तैखन तुस खुशी रेइयथ ते मघन भोइयथ, किजोकि परमेशरे ज़ैन इनाम सुर्गे मां तुश्शे लेई रखेरूए तैन बड़ू बड्डूए, किजोकि लोकेईं बड़े पेइले तैना नबी भी एन्च़रे स्तावरे थिये।"

Mateus 5:3-12

चेले यीशु पुछ़तन सुर्गेरे राज़्ज़े मां बड्डो कौन?

1 तैखन चेले यीशु कां आए ते पुछ़ने लग्गे, "सुर्गेरे राज़्ज़े मां सेब्भन करां बड्डो कौने?" 2 तैनी अक निकड़ो बच्‍चो एप्पू कां कुजव, ते मझ़ाटे खड़ो कियो। 3 ते ज़ोने लगो, "अवं तुसन सेइं सच़ ज़ोताईं, कि तुस अपनो आप बेदलतां निकड़े बच्‍चेरो ज़ेरे न बनथ, त तुस सुर्गेरे राज़्ज़े मां कधी दाखल न भोल्हे। 4 ज़ै कोई अपनो आप इस बच्‍चेरो ज़ेरो निकड़ो बनालो, त तै सुर्गेरे राज़्ज़े मां बड्डो भोल्हो।

Mateus 18:1-4

14 यीशुए ज़ोवं, "बच्‍चे मीं कां एजने देथ, तैन न ठाका, किजोकि सुर्गेरू राज़ एरां केरूए।"

Mateus 19:14

23 तैखन यीशुए अपने चेलन सेइं ज़ोवं, "अवं तुसन सेइं सच़ ज़ोताईं कि अमीर मैन्हेरू सुर्गेरे राज़्ज़े मां दाखल भोनू मुश्किले। 24 फिरी अवं तुसन सेइं ज़ोताईं, परमेशरेरे राज़्ज़े मां अमीर मैन्हेरू दाखल भोने करां ऊँटेरू सांधनेरे पाऐ मरां निसनू सुख्तू आए!" 25 एन शुन्तां चेलेईं हैरान भोइतां ज़ोवं, "फिरी केसेरी मुक्ति भोइ बटतीए।" 26 यीशुए तैन केरे पासे तेकतां ज़ोवं, "मैन्हन करां त एन न भोइ सके पन परमेशरे करां सब किछ भोइ बटते।"

Mateus 19:23-26

5 हे मेरे ट्लारे ढ्लाव ते बेइनव शुना, कुन परमेशरे दुनियारे गरीब न च़ुने, कि विश्वासे मां धनी भोन, ते तैस राज़्ज़ेरे बारस भोन, ज़ेसेरो वाधो तैने तैन सेइं कियोरोए ज़ैना तैस सेइं प्यार केरतन।

Tiago 2:5

18 पन परमप्रधान परमेशरेरे लोक राज़ केरेले ते जुगे-जुगे तैसेरे अधिकारी बनोरे राले।’

Daniel 7:18

Buscar o Reino acima de tudo

Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.

21 "मींजो, ‘हे प्रभु, हे प्रभु,’ ज़ोनेबाले सारे मैन्हु सुर्गेरे राज़्ज़े मां दाखल न भोल्हे, पन ज़ै, मेरे सुर्गेरे बाजी केरे मेर्ज़ी पुड़ च़लने बालोए तै ज़रूर दाखल भोल्हे।

Mateus 7:21

19 एल्हेरेलेइ ज़ै कोई इन निकड़े करां निकड़े हुक्मन मरां केन्ची एक्‍की ज़ेरे ट्लोड़ते ते होरन भी एन्ने केरनू शिखालते, तै सुर्गेरे राज़्ज़े मां सेब्भन करां निकड़ो भोल्हो, पन ज़ै तैन हुक्मन पुड़ अमल केरते ते होरन भी एन हुक्मन पुड़ च़लनेरे बारे मां शिखालते त तै सुर्गेरे राज़्ज़े मां बड्डो भोल्हो। 20 किजोकि अवं तुसन सेइं ज़ोताईं कि ज़ांतगर तुस शास्त्री ते फरीसी लोकन करां रोड़े च़ारे कानूने न मन्नेले, तांतगर तुस सुर्गेरे राज़्ज़े मां दाखल न भोइ सकतथ।"

Mateus 5:19,20

9 "एल्हेरेलेइ तुस एन्च़रे प्राथना केरा,

हे इश्शे बाजी, तू ज़ै सुर्गे मां आस, लोक तेरी आदर केरन किजोकि तू पवित्र परमेशर आस।

10 तू सेब्भी लोकन पुड़ ते चीज़न पुड़ राज़ केरस। तेरी मर्ज़ी ज़ेन्च़रे सुर्गे मां पूरी भोचे, इस धेरती पुड़ भी भोए।

Mateus 6:9,10

यूहन्ना बपतिस्मो देनेबालो यीशुएरे लेई लोकन तियार केरते।

1 तैन दिहाड़न मां यूहन्ना नंव्वेरो मैन्हु, ज़ै लोकन बपतिस्मो देतो थियो, यहूदिया इलाकेरे सुनसान ठैरी मां अव। तै लोकन ज़ैना तैस कां एइते थिये, तैन ई प्रचार केरतो थियो, 2 "अपने पापन करां मन फिराथ, किजोकि सुर्गेरू राज़ नेड़े एवरूए!"

Mateus 3:1,2

17 तेइसेरू देंतू यीशुए परमेशरेरी खबर लोकन प्रचार केरनेरी सेवा शुरू की। तैनी लोकन ज़ोवं, "अपने पापन करां मन फिराथ, किजोकि सुर्गेरू राज़ नेड़े एवरूए।"

Mateus 4:17

7 ते च़लते-च़लते, एन शुनाते गेइयथ कि सुर्गेरू राज़ नेड़े एवरूए।

Mateus 10:7

11 अवं तुसन सेइं ज़ोताईं कि बड़े गैर कौमां केरे लोक पूर्बेरां ते पछमेरां एइतां अब्राहमे, इसहाक ते याकूबे सेइं साथी परमेशरेरे राज़्ज़ेरी धामी मां शामल भोल्हे।

Mateus 8:11

11 अवं तुसन सेइं सच़ ज़ोताईं, कि ज़ै कुआन्शन करां ज़र्मोरोए तैन मां यूहन्ना बपतिस्मो देनेबाले करां कोई बड्डो नईं भोवरो, पन ज़ै सुर्गेरे राज़्ज़े मां निकड़े करां निकड़ोए तै तैस करां भी बड्डोए। 12 यूहन्ना बपतिस्मो देनेबालेरे दिहाड़न करां अज़ तगर प्रचार भोइ राहोरोए, ते सुर्गेरू राज़ जल्दी बधने लगोरूए, पन बड़े निग्गर लोक तैस पुड़ हमलो केरतन।

Mateus 11:11,12

A herança eterna

O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.

28 ज़ैड़ी असन तैन राज़ मैल्हने लगोरूए ज़ैन हिलनेरू नईं त एज्जा अस तैसेरू शुक्र केरम ते हिम्मत केरम कि, अस परमेशरेरी आराधना परमेशरेरे डरे सेइं केरि बटम ज़ैस सेइं तै खुश भोए। 29 किजोकि इश्शो परमेशर भस्म केरनेबैली अग्गरो ज़ेरोए।

Hebreus 12:28,29

11 तैना तेरे राज़्ज़ेरी महिमारे बारे मां चर्चा केरेले,

ते तेरी महा शेक्तरे बारे मां बियान केरेले

12 कि तै मैन्हन पुड़ तेरां महान कम्मां

ते तेरी राज़्ज़ेरी शान-ओ-शोकत ते तैसेरी महिमा बांदी केरन।

13 तेरी राज़्ज़ेरी कोई हद नईं,

ते तेरी हुकूमत पीढ़ी-पीढ़ी तगर च़लती राहेली।

Salmos 145:11-13

10 एल्हेरेलेइ हे ढ्लाव ते बेइनव, एन्च़रे कम केरनेरे लेई होरि जादे मेहनत केरा, ज़ैस सेइं तुस अपनो आप साबत केरा कि परमेशरे तुस हकीकति मां तैस पत्ती च़लनेरे लेई च़ुनोरेथ ते तैसेरे लोक भोनेरे लेई च़ुनोरेथ। अगर तुस इना गुणा केरे मुताबिक केरेले त तुस कधी मसीह पुड़ भरोसो केरनो न शारेले। 11 ते परमेशर भी तुसन तैस राज़्ज़े मां बड़े जोशे सेइं कबूल केरेलो ज़ैड़ी यीशु मसीहे, ज़ै इश्शो प्रभु ते इश्शो मुक्ति देनेबालोए, तै राज़ेरो ज़ेरो हमेशा राज़ केरेलो।

2 Pedro 1:10,11

18 ते प्रभु मीं हर एक्‍की बुरे हमले करां बच़ालो ते अपने सुर्गेरे राज़्ज़े मां हिफाज़ती सेइं पुज़ालो, सारे महिमा हमेशा-हमेशा परमेशरेरी भोती राए। आमीन।

2 Timóteo 4:18

आसमानी दौलत

32 "तुस भैड्डां केरे निकड़े केन्नरे ज़ेरेथ, तुस कोन्ची गल्‍लरे लेई न डरा, किजोकि तुश्शे बाजेरी खुशी एस्से मां आहे, कि तै तुसन राज़ दे।

Lucas 12:32

5 किजोकि तुस इन ज़ानतथ, कि कोन्ची बदमाश, या अशुद्ध मैन्हु, या लालच़ी मैन्हेरो ज़ै मूरती पूज़ा केरनेबालोए, मसीह ते परमेशरेरे राज़्ज़े मां तैसेरो कोई हिस्सो नईं।