Reino dos céus

44 "ፆሳ ካዎተይ ጎሻን ሞገትዳ ሚሸ ዳኔስ። እስ አስ ሄ ሚሽያ ደምድ ዛር ሞግስ። ዳሮ ኡፋይትድ ብድ ባዉ ደእያባ ኡባ ባይዝድ ሄ ጎሻ ጋድያ ሻምስ።

45 "ሄሳዳካ፥ ቃስ ሳሎ ካዎተይ እንቁ ጌተትያ አልኦ ሹቻታ ኮይያ ዛልአንቾ ዳኔስ። 46 ዳሮ አልኦ እንቁዋ ደምድ ብድ ባዉ ደእያባ ኡባ ባይዝድ እያ ሻምስ።

አይፈ ጉ ም ሌምሶ

31 ቃስ ሀራ ሌምሶ ያግድ ኦድስ፤ "ሳሎ ካዎተይ እስ አስ ባ ጎሻን ባክዳ ጉ ም አይፈ ዳኔስ። 32 ሄ ም አይፈይ ሀራ ም አይፈታፐ ጉ፥ ሽን እያ ዶላ ድጭዳ ሀራ ምታ ኡባፈ አዳ ግታታዉሱ። እ ታሽያን ካፎት ኬፅድ ኡታና ጋካናዉ ዎልቃማ ም ግዳዉሱ" ያግስ።

እርሾ ሌምሶ

33 ካልድካ፥ የሱሲ ሀራ ሌምሶ ኦድስ፤ "ሳሎ ካዎተይ እስ ማጫስ ሄ ጋባተ ለ ኤካ ሙኑቃዳ፥ ሙኑቃይ ደንዳና መላ እያን ጉጅዳ እርሾ ዳኔስ" ያግስ።

ሌሾ ሌምሶ

24 የሱሲ ኤንታዉ ሀራ ሌምሶ ኦድስ፥ "ፆሳ ካዎተይ ባ ጎሻን ሎኦ ዘረ ዘርዳ ኡራ ዳኔስ። 25 ሽን አስ ኡባይ ስክን እያ ሞርከይ ይድ ግስትያ ግዶን ሌሾ ዘርድ ብስ። 26 ግስተይ ድጭድ አይፍያ ዎደ ሌሾይ እያ ግዶን በንትስ።

27 "ጋድያ ጎዳ አይለት ጎዳኮ ብድ፥ ‘ጎዳዉ፥ ነ ጎሻን ነ ሎኦ ዘረ ዘራብክሾ? ያትን፥ ሌሾይ አዉፐ ይዴ?’ ያግዶሶና።

28 "እ ኤንታኮ፥ ‘ሄሳ ሞርከይ ኦስ’ ያግስ።

"አይለት ጎዳኮ፥ ‘ኑ ብድ ሌሹዋ ሾዳና መላ ኮያይ?’ ያግዶሶና።

29 "ሽን እ፥ ‘አቶ ቦቾፍተ፤ ህንተ ሌሹዋ ሾዳይስ ግሽን ግስተይ ሾደታና። 30 ቦቾፍተ፤ ጫካ ዎደይ ጋካናዉ እስፈ ድጮ። ሄ ዎደ ጫክያ አሳታ ሌሹዋ ስንትድ ማፅድ ታማን ፁጋናዉ ምርቀን ምርቀን ቃችተ። ሽን ግስትያ ሺሽድ ታ ሻልያን ቆልተ’ ያጋና" ያግስ።

ሌሾ ሌምሶ ብርሸ

36 የሱሲ ደርያ ሞይዝድ ሶ ገልስ። እያ ታማረት እያኮ ሺቅድ፥ "ጎሻን ደእያ ሌሹዋ ብርሸ ኑስ ኦዳ" ያግዶሶና።

37 እ ዛሪድ፥ "ሎኦ ዘረ ዘርዳይ አሳ ናአ። 38 ጎሻይ ሀ አላምያ። ሎኦ ዘረይ ሳሎ ካዎተ ናይታ። ሌሾይ ፃላሄ ናይታ። 39 ሌሹዋ ዘርዳይ ሞርክያ ፃላሄ። ጫካ ዎደይ፥ ዎደ ዉርሰ፤ ጫከይሳት ኪታንቾታ።

40 "ሌሾይ ማፀትድ ታማን ፁገተይሳ መላ ዎድያ ዉርሰን ሄሳዳ ሀናና። 41 አሳ ናአይ ባ ኪታንቾታ ኪታና። ኤንቲ ናጋራስ ጋሶ ግደይሳታነ ኢታ ኦያ ኡባ ማፅድ እያ ካዎተፈ ከሳና። 42 ማፅ ሺሽድ ዬሆይነ አቻ ጋርጨ ደእያ ቶኦና ታማን የጋና። 43 ሄ ዎደ ፅሎት ባንታ አዋ ካዎተን አዋዳ ፖአና። ስእያ ሀይ ደኤይ ስኦ!

ሞሎ ኦይክያ ግተ ሌምሶ

47 "ቃስ ፆሳ ካዎተይ አባን የገትዳ ዱማ ዱማ ቆሞ ሞሎ ኦይክያ ግትያ ዳኔስ። 48 ሞሎ ኦይክያ አሳት ሞሎይ ግትያን ኩምን አባፈ ጋፃ ከስዶሶና። ያን ኡትድ ሎኡዋ ቆር ቆር ዳቾን የግዶሶና፥ ሽን ኢታ ሞሎታ ዎራ ሆልዶሶና። 49 ዎድያ ዉርሰን ሄሳ ሀናና። ኪታንቾት ይድ ናጋራንቾታ ፅሎታፐ ሻክድ፥ 50 ዬሆይነ አቻ ጋርጨ ደእያ ቶኦና ታማን የጋና።

ቱማ ኡፋይስ

3 "ባንታ አያናን ማንቆት አንጀትዳይሳታ፥

ሳሎ ካዎተይ ኤንታሳ።

4 ዬከይሳት አንጀትዳይሳታ፥

ኤንቲ ምን ደማና።✝

5 ባንታ ዎዛናን አሽከት አንጀትዳይሳታ፥

ኤንቲ ሳኣ ላታና።✝

6 ፅሎባ ኦናዉ ኮሻተይሳትነ ሳሞተይሳት አንጀትዳይሳታ፥

ኤንቲ ካላና።✝

7 ማረይሳት አንጀትዳይሳታ፥

ኤንቲ ማሮተ ደማና።

8 ዎዛና ጌሻት አንጀትዳይሳታ፥

ኤንቲ ፆሳ በአና።✝

9 ስገይሳት አንጀትዳይሳታ፥

ኤንቲ ፆሳ ናይታ ጌተትድ ፄገታና።

10 ፅሎባ ኦያ ግሾ ግድ፥

ጎደተይሳት አንጀትዳይሳታ፥

ሳሎ ካዎተይ ኤንታሳ።✝

11 "አሳይ ህንተና ታ ግሾ ግድ ጫይያ ዎደ፥ ጎድያ ዎደነ ህንተ ቦላ ኢታባ ኡባ ዎርዶን ኦድስያ ዎደ ህንተ አንጀትዳይሳታ።✝ 12 ህንተ ዎይቶይ ሳሎን ግታ ግድያ ግሾ ኡፋይትተ፥ ሀሹ ጊተ። ህንተፈ ካሰ ደእያ ናበታ ሄሳዳ ጎድዶሶና።✝

ኡባፈ አይ ኦኔ?

1 ሄ ዎደ የሱሳ ታማረት ይድ፥ "ሳሎ ካዎተን ኡባፈ አይ ኦኔ?" ያግድ ኦይችዶሶና።✝ 2 የሱሲ እስ ጉ ናአ ፄግድ ኤንታ ግዶን ኤስድ ሀይሳዳ ያግስ። 3 "ታኒ ህንተዉ ቱማ ኦዳይስ፤ ህንተ ላመቶናነ ጉ ናይታዳ ሀኖና እፅኮ ሳሎ ካዎተ ኡባራካ ገላናዉ ዳንዳኤከታ።✝ 4 ህዛ፥ ሀ ጉ ናአዳ ባና ካዉሽያ ኦንካ ሳሎ ካዎተን ኡባፈ አይሳ ግዳና።

14 ሽን የሱሲ፥ "ፆሳ ካዎተይ ሀይሳታ መላሳ ግድያ ግሾ፥ ጉ ናይት ታኮ የይሳ ድጎፍተ፤ ዮ ጊተ" ያግስ።

23 ሄሳፈ ጉየ፥ የሱሲ ባ ታማረታ፥ "ታኒ ህንተዉ ቱማ ኦዳይስ፤ ዱረይ ሳሎ ካዎተ ገላናይስ ዳሮ መቶ። 24 ዱረ አስ ፆሳ ካዎተ ገላናይሳፈ ግማለይ ናርፐ ሉሆራ አይስ ካዉዬስ" ያግስ።

25 የሱሳ ታማረት ሄሳ ስእድ ማላለትድ፥ "ያትን፥ ኦን አታናዉ ዳንዳኢ?" ያግድ ኦይችዶሶና።

26 የሱሲ ኤንታ ጫድ ፄልድ፥ "ሀይስ አሳስ ዳንዳኤተና፥ ሽን ፆሳስ ኡባይ ዳንዳኤቴስ" ያግስ።

5 ታ ሲቆ እሻቶ፥ ስእተ። አማኖን ዱረ ግዳና መላነ ባና ሲቀይሳታስ እማና ግዳ ሳሎ ካዎተ ላታና መላ ሀ ሳአን ደእያ ማንቆታ ፆሳይ ዶርበነዬ?

18 ሽን ኡባፈ ቃ ፆሳ ጌሻት እያ ካዎተ ኤክድ፥ መርናዉ ባንታባ ኦና፤ መርናዉ ካዎተ ኤንቲ ላታና’ ያግስ።

21 "ሳሎን ደእያ ታ አዋ ሸንያ ኦያ ኡራይ ሳሎ ካዎተ ገላናፐ አትሽን፥ ጮ ታና ‘ጎዳዉ፥ ጎዳዉ’ ግያ ኡባይ ሳሎ ካዎተ ገለና።

19 ሄሳ ግሾ፥ ሀ ኪታታፐ ጉፅያ እስ ኪታ መንያ ኦንካ ቃስ ሀራታ ሄሳ ኦና መላ ታማርሰይ ኦንካ ሳሎ ካዎተን ኡባፈ ጉ ግዳና። ሽን ሀ ኪታ ፖለይስነ ሀራታካ ፖላና መላ ታማርሰይ ሳሎ ካዎተን ግታ ግዳና። 20 ታ ህንተዉ ኦዳይስ፤ ህንተ ፅሎተይ ፋርሳወታ ፅሎተፈነ ህገ አስታማረታ ፅሎተፈ አና እፅኮ፥ ሳሎ ካዎተ ገለከታ።

9 "ህዛ፥ ህንተ ያግድ ዎስተ፦

" ‘ሳሎን ደእያ ኑ አዋዉ፥

ነ ጌሻ ሱንይ አንጀቶ።

10 ነ ካዎተይ ዮ፥

ነ ሸነይ ሳሎን ሀንዳይሳዳ

ሳአንካ ሀኖ።

ፃማቅያ ዮሃንስ ኦገ ጊግሷ

1,2 ሄ ዎደ ፃማቅያ ዮሃንስ፥ "ፆሳ ካዎተይ ማታትዳ ግሾ ህንተ ናጋራፐ ስምተ" ያግድ ሳባክሸ ይሁዳ መላ ቢታ ብስ።✝

17 ሄ ዎደፐ ዶምድ የሱሲ፥ "ፆሳ ካዎተይ ማታትዳ ግሾ ህንተ ናጋራፐ ስምተ" ያግድ ቃላ ሳባኬስ።✝

7 ያ ብድ፥ ‘ሳሎ ካዎተይ ማታትስ’ ግድ ኦድተ።✝

11 ታ ህንተዉ ኦዳይስ፤ ዳሮት ዶሎሀፐነ ዉሎሀፐ ይድ፥ ሳሎ ካዎተን አብራሃመራ፥ ይሳቃራነ ያይቆባራ እስፈ እማቶ ቦላ ኡታና።✝

11 ታ ህንተዉ ቱማ ኦዳይስ፤ ማጫሳፐ የለትዳይሳታ ግዶፈ ዮሃንሳፐ አይ ኦንካ ባዋ፤ ሳሎ ካዎተን ኡባፈ ጉፀይ እ፥ እያፐ አና። 12 ፃማቅያ ዮሃንሳ ዎድያፐ ዶምድ ሀች ጋካናዉ ሳሎ ካዎተይ ዳሮ ናቀቴስ፥ ምንዳ አሳት ዎልቃን ያ ገላና።✝

28 ኑኒ ቃፃናዉ ዳንዳኦና ካዎተ ኤክያ ግሾ ፆሳ ጋላቶስ፤ ፆሳ ኡፋይስያ ኦገን ቦንቾንነ ያሻተን እያ ጎይኖስ። 29 ህዛ፥ ኑ ፆሳይ ቱማ ፁግያ ታማ።✝

11 ኤንቲ ነ ካዎተ ቦንቹዋባ ኦዳና፤

ነ ዎልቃባ ኦዳና።

12 ሄሳን ኤንቲ ነ ዎልቃማ ኦሱዋባነ

ነ ካዎተ ቦንቾ ቴማባ ኤርሳና።

13 ነ ካዎተይ መርና ካዎተ፤

ነ ማታይ የለታ ኡባ ሃሬስ።

ጎዳይ ባ ግዳ ቃላ ኡባን አማነቴስ፤

ባ ኦሶ ኡባን ኬሀ።

10 ሄሳ ግሾ፥ ታ እሻቶ፥ ህንተ ፄሳነ ህንተ ዶሩዋ ምንናዉ ካሰይሳፈ አድ ምንተ። ህንተ ሄሳታ ኦያባ ግድኮ፥ በተከታ። 11 ሄሳን ኑ ጎዳነ ኑና አሽያ የሱስ ክርስቶሳ መርና ካዎተ ገልያ ኩመ ማታይ ህንተዉ እመታና።

18 ጎዳይ ታና ኢታ ኡባፈ አሽድ ባ ሳሎ ካዎተ ሳሮን ኤፋና። እያዉ መርናፐ መርና ጋካናዉ ቦንቾይ ግዶ። አምንእ።

32 "ህንተኖ፥ ጉ ደረቶ፥ ያዮፍተ፤ ህንተ አዋ ፆሳይ ካዎተ ህንተዉ እማናዉ ኡፋይቴስ።

5 ሀይሳ ኤርተ፤ ኦንካ ላይማተይ ዎይኮ ቱናባ ኦይ ዎይኮ ኡዘተይ ክርስቶሳ ካዎተነ ፆሳ ካዎተ ላታናዉ ዳንዳኤና። ኡዘተ ኤቃ ጎይኖ መላ።