Reino dos céus

Unkwejaniso wefuma ilosiswa

44 Jesu wakati, "bushe bwokudenga bunanga sefuma ilosiswa muminda, yakawanikwa nonhu kova eyisisa, mulushanto lulwe kova etengesa zwose zwaananazo, etenga unda yoyo."

Unkwejaniso wobulungu Bulokosha

45 "Akale bushe bokudenga bunanga sonshambaji ukumupyanga bulungu bulokosha. 46 Abuwana bulungu bulokosha, wakenda akatengesa zwose zwaakabeli nazwo akabutenga."

Unkwejaniso wembeyu yemasitadi

31 Wakababuja umwe unkwejaniso, eti, "Bushe bwedenga bunokwelana nembeyu inhukutuku inowhi imasitadi yakatolwa nonhu akenda nayo akanoyibyala muminda uwe. 32 Iyo inhukutuku kasa kumbeyu jose, asi ingokubuka, inobehulwana kupinda matenje ose, kova iba unti, inyuni jomumpepo kova jizha jibaka zwizhumbo penhabi jawo."

Unkwejaniso wonkukumuso

33 Jesu wakababuja umwe unkwejaniso, eti, "Bushe bwedenga bunanga sonkukumuso wakatolwa nowechinhukajana, eshanganisa nenjela inhatu jekoloni, wakafufumusa injela jose."

Unkwejaniso wedihwa

24 Jesu wakabapa umwe unkwejaniso, eti, "Bushe bwedenga bungakwejaniswa nonhu wakabyala imbeyu imbuya muminda uwe." 25 Asi banhu belilele, chita chiche chakezha chikabyala idihwa mukati mwekoloni iye, chikenda. 26 Payakamela imbeyu, yakazwala zwilyo, neebo idihwa lyakaboneka bo. 27 Bashingi babe bakezha kuna iye bakati, ‘tezi amujakabyala imbeyu imbuya muminda wenu na? Ani biya idihwa lyakavapi?’ 28 ‘Wakati kwabali, zwakatiwa nombengi.’ Bashingi bakati kwaali, ‘Unoda na kuti tinde tinobhisa tibunganise idihwa na?’ 29 Asi iye wakati, "pe, nokuti pamuchaba mubunganisa idihwa, mungoobhisikija nekoloni. 30 Lekani zwose zwikubukile pamwempela kuswikila unshaji wokuvuna. Nonshaji wokuvuna ndinooti kubavuni, ‘tangisani kubunganisa idihwa, mulisunge pamwempela kuti lipiswe, koga ikoloni muyibige mugombana lyangu.’ "

Jesu unopandulula unkwejaniso wedihwa muminda

36 Jesu wakasiya mabunga akangwina mungumba. Balayijwa babe bakondila, beti, "Tipandululile unkwejaniso wedihwa muminda."

37 Wakabashandula, eti, "Iye unobyala imbeyu imbuya Mwananhulumyana woNhu, 38 minda inyika, imbeyu imbuyanana ndibo bana bobushe, asi idihwa ndibo bana baGuluzhanje. 39 Umbengi wakaibyala ndiGuluzhanje, kuvuna ndiko kupela kwenyika, bavuni ingilozi. 40 Sokubunganiswa kunotiwa idihwa akale lipiswa nomoto, kunoba alo pakupela kwenyika. 41 Mwananhulumyana woNhu unootuma ingilozi jije, akale jinoobunganya jibhise mubushe bubwe zwose zwinobuza luchinyo naibo bose bachinyi, 42 jinoobaposela mubibi lyomoto, yokwo kunoba nokulila nokulya ntwino. 43 Kova bakalulama bepenya sezhuba mubushe bwaTate babo. Yoyo unenzebe ngewhe!"

Unkwejaniso wevubo

47 "Akale bushe bwedenga bunanga sevubo lyakaposwa mugungwa, likabhata ihobe jenduji jose, 48 palyakati lyazhala, banhu bakalikakatila kumbali, bakagala pasi beshaluja imbuyanana bebiga muzwibigilo asi imbi bejilasha. 49 Kunooba alo pakupela kwenyika. Ingilozi jinoobhuda, jinda jishaluja babi mukati mwabakalulama, 50 jibaposela mubibi lyomoto, yomo banhu banoolila nokuluma ntwino abo.

Lushanto Lwechokomende

3 "Balokombolelwa basheti mumpepo,

nokuti bushe bwedenga ngobwabo"

4 Balokombolelwa yabo banolila,

nokuti banoonyalajwa.

5 "Balokombolelwa yabo banyolo,

nokuti banootambula inyika"

6 Balokombolelwa yabo banenzhala nenyota yobululami,

nezwo banogunchwa.

7 Balokombolelwa yabo baneshe,

nokuti banoowhilwa ishe.

8 Balokombolelwa bana mwoyo unchena,

nokuti banoobona Mwali!

9 "Balokombolelwa yabo banobuza lunyalalo,

nokuti banoowhi bana baMwali"

10 "Balokombolelwa banoshungulujwa pezhulu pobululami,

nokuti bushe bwedenga ngobwabo"

11 "Mulokombolelwa imwi, kana mutukwa, mushungulujwa, nokulebelwa zwose zwibi zwokuniepa pezhulu pangu" 12 Shantani akale munakilwe, nokuti indipilo yenu ihulwana kudenga, nokuti bapolofeti bakabelipo mbeli kwenu bakashungulujwa bo.

Unkulwana Kasa Ndiani?

1 Nooyo unshaji balayijwa babe bakenda kuna Jesu, bakati, "Ndiyani unkulwana kasa mubushe bwedenga?"

2 Iye wakashoba mwanantukutuku, akomisa pakati pabo, 3 akati, "Ndinolebesa nditi kunamwi, kuzhe kokuti mushanduke mube sabana batukutuku, amutoobungwina bushe bwedenga. 4 Yoyo unozwininipisa somwana yoyu, ndiye unkulwana kasa mubushe bwedenga.

14 asi Jesu wakati, "Ilekejani bana bezhe kwandili, musibajibise, nokuti bushe bwedenga ngobwabakadai."

23 Jesu wakati kubalayijwa babe, "Chokomende ndinoti kwamuli, zwikukutu kuti unhu wakafuma engwine mubushe bokudenga. 24 Akale ndinomubuja, kuti zwilelu kuti ikamela ingwine mukabanga keneleti, kupinda kuti umfumi engwine mubushe bwaMwali."

25 Balayijwa pabakawha yezwi bakachenama kasa beti, "Ani biya angachijwa ndiani?"

26 Koga Jesu wakabalinga akati, "Kubanhu azwitotubulika, asi naMwali, zwose zwinhu zwinotubulika."

5 Banakwaina banodikana whililani. Mwali ajakashaluja na, yabo banosheta munyika kuti bebebafumi mukudimbwa akale bebe balyifumi bobushe bwaalobimbisa kunabo banooda?

Andijakamuziba

21 "Abatoba bose banoti kunami, ‘Tezi, Tezi’ bachoongwina mubushe bwokudenga, koga yoyo unota kuda kwaTate bangu baiko kudenga.

19 Aani naani usinotobeleja umwe wemilawo yeyi kojoba ulintukutuku, elayija banhu kuti bete alo, unooba untukutuku mubushe bwedenga, asi iye unolondota akale elayija banhu kuti bete alo, ndiye uchoowhi unkulwana mubushe bwedenga. 20 Nokudalo ndinomubuja kuti, kuzhe kokuti bululami bwenu bupinde bululami bwabakwali nobwabaFalisi, chokomende amutoomungwina mubushe bwedenga.

9 Nokudalo namatani ali,

Tate bedu bokudenga,

izina lyenu ngalikujwe,

10 bushe bwenu ngabuswike,

chido chenu ngechitiwe penyika sokudenga.

Kubhaunula kwaJoni UMbhabhatizi

1 Munaayo mazhuba Joni uMbhabhatizi wakezha ebhaunula mugwegulu lyeJudiya, 2 Eti, "Shandukani, nokuti bushe bwedenga bwaba pelyo!"

17 Kuvila nonshaji yoyo, Jesu wakatanga kupupula eti, "Shandukani, nokuti bushe bwedenga bwabapelyo!"

7 Pamunokwenda, bhaunulani muti, "Bushe bwedenga bwaba pelyo."

11 Ndinomubuja banji banoova kubuvezhuba nokubumililo banoogala petebuli naAbhulahamu, Isaki naJakobe mubushe bokudenga,

11 Chokomende ndinoti kwamuli, mukati mwaabo bakazwalwa nonhukaji apana unkulwana kupinda Joni umBhabhatizi, koga yoyo untukutuku mubushe bwedenga ndiye unkulwana kuna iye. 12 Kuva mumazhuba aJoni umBhabhatizi kuswikila ngweno, bushe bwedenga bwayangata nolunya, akale banhu banalunya bamubutola nesimba.

28 Nezwo ngatibokeni nokuti takapiwa bushe businozungujika, ngatinshingileni iye nokunamata Mwali tili nolulemekejo pamwe nolutyo, 29 nokuti Mwali wedu moto unopalaja.

10 Nokudalo, banakwaina, sungwalani kasa kusimitija kushobwa nokushalwa kwenu, nokuti mungota yezwi amutofa mwawa, 11 nezwo motambulwa nokungwina kukulwana, mubushe businopela bwaTezi noNchiji wedu Jesu Kristo.

18 Tezi unoondinuna mububi bose akale unondiswincha zwibuyanana kubushe bubwe bokudenga. Lukujo lube kwaali kwemisi isinopela. Ameni.

Bufumi kuDenga

32 "Musibe nokutya imwi gapo idukutuku, nokuti Tate benu banoshantila kumupa bushe.

5 Ibani nechokomende kuti apana usangu kana unhu usiloshambijika, kana unotangala ndiko kuti unokuja zwibezhwa, angaba undyifuma mubushe bwaKristo nobwaMwali.