A segunda vinda de Cristo
A segunda vinda de Cristo é a esperança suprema da Igreja. Jesus prometeu que voltará com poder e grande glória para julgar os vivos e os mortos e estabelecer seu Reino eterno.
A promessa do retorno
Jesus prometeu voltar. Os anjos declararam que Ele virá da mesma forma como ascendeu. A Igreja aguarda esse dia glorioso com expectativa.
Baraah "Jaliili da, naanhooy tooy tingadiina, teebri tishabibna han? Uun Yasuuꞌa teebri beeti yakamiyaab uukna, toon tehayꞌa haay giigee rhitaaneet haay itꞌigir indi." idiin.
Baruuh teebri reewee, baraah iishbibna. Gaalhoob malu da eera halaka akway idaraagoohna gadee rhiyaan. Baraah "Jaliili da, naanhooy tooy tingadiina, teebri tishabibna han? Uun Yasuuꞌa teebri beeti yakamiyaab uukna, toon tehayꞌa haay giigee rhitaaneet haay itꞌigir indi." idiin.
Yasuuꞌa Ubaaba Eebiib Usalalu
Yasuuꞌa bareeyooh dehaay, "Baahasiikna, Ukwaasana aamanaana, aneeb han aamanaana. Baabiyu oogaw gwidaat gurfa hooy eefeen. Ani aree bareek mhiin dehookna isuumir andi. Bak biikaayeek aree ani kasooyan hookna. Ani difiit mhiin dehookna asoomiiri harꞌii, agartiit aneeb beeti iyaay hookna andi. Shaawti ani eefiyeeb oomhiin iikti tiyadna.
Teen tinaati badehi ikatiib, "Awooh, ani willa yꞌi andi." indi.
Aamiin. Wꞌankwana Yasuuꞌa mꞌaa!
Teen tinaati badehi ikatiib, "Awooh, ani willa yꞌi andi." indi.
Aamiin. Wꞌankwana Yasuuꞌa mꞌaa!
Baruuh "Shibiba, ani willa yꞌi andi, oodehay gaalka gwababeeh aniiwi jillaay umiyaawu geebu haay yꞌi andi.
Os sinais dos tempos
Jesus descreveu os sinais que precederão sua volta: falsos profetas, guerras, fome, terremotos e tribulação. Devemos discernir os tempos sem nos alarmar.
Yasuuꞌa oorba Saytuuni kehii iisitꞌihoob, ikwiriyaatay oodꞌooh dehaay eeyaaniit, "Sooyaa hoon, tuun tuuna nhoob iikti tindi? Bariiyook wꞌaayiib naat alaama iikti iyadna? Tuduniyaati agiya aree?" idiin.
Yasuuꞌa igwibi, "Gaal han biitil hookna, gwꞌadna. Aniib oosmii gwida yꞌi iyadna, ‘Ani Umasiih akati.’ iyadna, aree gwidaab eetilna. Baraak finaabwa finaay sakanaawwa iimsaw tiyadna. Laakiin baahasiikna, taan taana ibakii ikatiin. Laakiin tuduniyaati agiya masi yꞌiini.
Malya bareek haakamamiit titoodiirni jillaay nuuni hookna iyadna. Aree anii sabii kassaah uudehay iirib hookna iyadna. Been oodoor gwida dehay wꞌiimaanii itꞌigir iyadna, baraah taktak suugi iyadna, aree taktak iirib iyadna. Aree gwida gwisri nabiya lawi iyadna, aree gwida dehay iitlis iyadna.
Tuumaag gwidaat tikatiyi sabbii, gwida dehay ooreer hooy lalꞌi iyadna. Laakiin wꞌagiya ookiik akraa ingadiibka iidhhan indi.
Uun tehadꞌaayeeti usakana udaayi kastooh tuduniyaatiib hadiidami indi, kasseeh yhasheeb aree badehaat iikti indi. Malya tuduniyaati agiya iikti indi.
Malya been oodoor akra gwirha iikti iyadna. Baliin igwirha tuduniya akhligamtaneekka oontꞌa ookiik bareeh tꞌiiti gwirha daayaab kiikeen. Masi harꞌook han iikti kiidiin. Laakiin Ukwaasana suur akay baliit tiyina isnakwis; baruuh sinakwisaab biikaayeek aree, gaal han kiidhhan. Baruuh udehayooh iwaasamaayi jillaay tiyina isnikwis indi.
Beenhoob gaal han, ‘Shibibna, Umasiih tooy eefi!’ Tari ‘Baruuh beentooy eefi!’ indiyuukna, baaꞌaamanaana. Gwisri masiihiyaawwa gwisri nabiyaawwa lawi iyadna. Baraah wawint alaama iikwsi iyadna, adgireeneek, oodehay kasseeh iwaasamaab ikatiineek han iitil iyadna. Aflaay shibibna, tuun tuuna akaat baakaay whankaay sooyan hookna.
Beenhoob gaal han, ‘Shibibna, Umasiih tooy eefi!’ Tari ‘Baruuh beentooy eefi!’ indiyuukna, baaꞌaamanaana. Gwisri masiihiyaawwa gwisri nabiyaawwa lawi iyadna. Baraah wawint alaama iikwsi iyadna, adgireeneek, oodehay kasseeh iwaasamaab ikatiineek han iitil iyadna. Aflaay shibibna, tuun tuuna akaat baakaay whankaay sooyan hookna.
Shaawti gaal han sooyiiniyuukna, ‘Baruuh beentooy umingaayiib eefi.’ indiyuukna, baafirꞌana. Tari ‘Baruuh uun ikati, ugawiit tehooyteeb eefi.’ indiyuukna, baaꞌaamanaana.
Whindiiwwa ifraayuuswa
Gwisri nabiyaayee digwagwna. Baraah ganay tꞌiiteeb akay yꞌeen hookna, laakiin baraah tehooytee kwakwaraaba.
Haashka haash weer imuuthꞌa indi, whadꞌaaka whadꞌa ooraaw iithꞌa indi. Hargwiitwa, buutiit mibꞌeestwa iikti iyadna. Taan taana kastaah oofraayiit tilhanayti hankaay badooyeen ikatiin.
Digwagwna! Uudehay aabiktiit hookna, tumhakama sallameen hookna. Iyahuudi diini gawaayeeb jasaayeen hookna. Ani sabbii aree yhaakmaawwa yhadꞌaayi suuriiwwa tingadiina. Usakana Udaayiib raatamamteena. Laakiin tꞌaakhari baaꞌakaay, awwal usakana udaayi ibakii kasseeh idehayaayee dehaay soomamiini.
San oosan tiltiit isuudir indi, ubaaba yꞌareeh isuudir indi, yꞌar ifarooyeeh imgwishish iyadna aree isuudir iyadna. Anii sabbii uudehay kassuuh iirib hookna indi. Laakiin wꞌagiya ookiik wꞌiimaanooh kaleewiiniib iidhhan indi.
Beentooy akraat buutiit katatanaay iikti tindi, gwida mhiinan hargwiitwa lhanaytwa iikti iyadna. Tisrakwiinaawwa tibreetee wawint alaamaawwa daayi iyadna.
A vinda gloriosa
Cristo virá nas nuvens com poder e grande glória, enviará seus anjos e reunirá seus escolhidos dos quatro ventos.
Baliit teeyina, baliin igwirhaayi harꞌii,
tuuyin thibnami tindi,
aree tuutrig unuurooh buubsi kitdi.
Yhayikw tibreetee dhadhibi iyadna.
Tibreeteeb eefeent taana digami iyadna.
Beet tooyin Wꞌaadami Ooriit alaama tibreeteeb lawi tindi. Kastaah tubuutiit gabiila gadabi iyadna. Baraah Wꞌaadami Oor tibreetee bꞌaluukiib akrirwa matuunwa barii yꞌee rhi iyadna. Uudꞌa uuwin fuufami indi, aree baruuh tubuutiit teejha tifadhig ookiik imalakeeh iifdig indi. Baraah bariiyooh oodehay iwaasama tuduniyaati agiya gaalnaay ooraaw ookiik iidbil iyadna.
Oon udaris aree utiini hindii kanna: utiini hindi lꞌiid nꞌakw ikati, aree taarat itfarꞌaneek, tehibi dawilt tikatiyeet toona kanna. Baraakna han taan taana akee rhiteenihoob, uudoor dawilu, udheefa katim ikatiyeet toona kanna!
Wꞌaadami Oor Baabiyooh umatuuniib, imalakeeyooh geeb yꞌi indi. Malya nafarka toona tidꞌiyaab ikatiyeet ijir dehaay iyaaw indi.
Tuyintiibwa, tutrigtiibwa, yhayikweebwa alaamaat lawi iyadna. Tubuutiib idehaya diinanooyi iyadna, aree oobhar wꞌitragiiswa umoojiiwwa iraakw iyadna. Tuduniyaati kehii iikti tindiit toonaati sabbii, uudehay bꞌiintii darwiiwi iyadna. Tibreeteeb eefeen yꞌakrir digami iyadna. Been oodoor baraah Wꞌaadami Oor ibꞌaluukiib akrirwa matuuntiiwwa yꞌee rhi iyadna. Laakiin taan taana badooyeeneeb oodoor, umidhhanuukna idwilayt asti gadna aree igirmaayeekna asti abiknaa!" idi.
Been oodoor baraah Wꞌaadami Oor ibꞌaluukiib akrirwa matuuntiiwwa yꞌee rhi iyadna.
Been oodoor uudehay Wꞌaadami Oor bꞌaluukiib winneet akrireewwa matuuniiwwa yꞌee rhi iyadna. Aree baruuh imalakeeh fadhigtee teejha hadiit iifdig indi, udehayooh iwaasamaab tubuuti agiyaay tibreeteeti agiya hadiit iidbil iyadna." idi.
Akra sootiiwwa, umalaktaayi oowinnaayt waliiktiiwwa, Ukwaasanaay oodꞌaay thiwtiiwwa, Wꞌankwana tibreetee itꞌigir indi. Malya uudehay suur Umasiih aamanee iiyaan baliin iidhhan iyadna. Malya, Wꞌankwana tibreeteeb nimeeri jillaay, hinin idhhani kassaan hiddaab bꞌaluukiib reewi niyad. Been udoori harꞌii, hinin kassaan diimaab Wꞌankwanaay geeb daamni niyad. Shaawti een ibhaliyee taktak sꞌakirna.
Vigilância e preparo
Ninguém sabe o dia nem a hora. Jesus nos ordena a vigiar, orar e estar prontos, pois Ele virá quando menos esperamos.
Aflaay Wꞌankwanaayuukna naadoor yꞌiiniyeeb kitkannayt, baraak gwꞌadna.
Aflaay Wꞌankwanaayuukna naadoor yꞌiiniyeeb kitkannayt, baraak gwꞌadna.
Aflaay Wꞌaadami Oor baraak bitsꞌayaamayni door han yꞌiini akay, ibakii marna.
Digwagwna!
Yasuuꞌa masi, "Digwagwna, iginꞌaayeekna nafirnayteebwa sakariibwa tuduniyaati hasakaaywa baadꞌiina. Een tidꞌaneek, been uumbꞌi gaalhoob usharakiit yꞌibik hookna indi. Baruuh baliib kastooh tubuutiib ikweerni kehii yꞌi indi. Aflaay diima gwꞌadna, taan taana kastaah ikatiineet midda adgiriit teedhhaniini jillaay siileelaana. Aree adgiriit Wꞌaadami Oori suurii han tingadiina." idi.
Kasteeh tinaati agiya idwil. Shaawti bꞌara girmaayeeb akeena aree igarooyeekna kaleewaana aflaay diimaab siileeleen tikatiina.
Ukwaasana uukna, umꞌasgi Ukwaasana, timmiimaabwa mugaddasaabwa baꞌiikwasi hookna. Wꞌankwanaayuun Yasuuꞌa Umasiih itꞌagiireeb ookiik, kassaah ishuukaaknaawwa, infisaaknaawwa, igarooyaaknaawwa yaay anuub akaab baꞌiikwasi hookna.
Shaawti Wꞌankwanaayuun Yasuuꞌa Umasiih lawti winneet tehagitneet midda, baraakna shuuki miyaaw naat han aniw kitteena. Baruuh wꞌagiya ookiik isꞌikir hookna indi. Aflaay Wꞌankwanaayoon Yasuuꞌaab Umasiihiit tuyintiib baraakna yaay baabariib iikti tiyadna.
A esperança bendita
A aguardamos a bendita esperança e a manifestação da glória do nosso grande Deus e Salvador Jesus Cristo.
Ukwaasanaayt tudaayiinaaywa umidhhan ugayiibwa
Ukwaasanaayt tinꞌima umidhhan haay yꞌeent kasseeh oodehayii dehaay lawiyaan. Hinin tumaagti salalaayeen ishti dꞌiit, aree tuduniyaatiit niyaateen ishti dꞌiit, toon tuduniyaatiib sidki kwiraaywa daayi midhhanwa nimeereet toona baruuh allamiya hoon. Ukwaasanaayoon Oowin Wꞌishidhhiin Yasuuꞌaab Umasiih agarti yꞌiiniyihoob, hinin sꞌayaab atab akay nhagit. Baruuh hinin toomaag kastiisooh ishidhhiini jillaaywa, iginꞌaayeen isinhiisi jillaaywa ugarooyooh nuuniya. Hinin barooh ooknaay dehay nikatiyeet toona harriiw, tudaayiinaay nidꞌeet toona winneet harriiw.
Ani toon toonaatiib akiidaat abari, Ukwaasana oon ushaga udaayiib hookna badooyaab, Umasiih Yasuuꞌa itꞌagiireeb ookiik ushagaayuuh faayamiiniyeeb ookiik isuuririm indi.
Ukwaasanaay Eeshuuk Imugaddasa baasehasna, bꞌeeb gaal tumaagtiisookna itfidig tiyadneet toona Aashuuk akkadeen.
Umasiih han gwida dehayiit maagnaay gaalhoob giigsiiniyi jillaay karaamaat iki. Baruuh malya door lawi indi, maagnaayt haay giigsiiniyee dehaay kiiki. Laakiin baliib barooh yhagit midhhan dehaay haay yꞌiiniyi jillaay lawi indi.
Aree taktak nimshabiibeet toonaatu, taktak shamtiit ooreerwa tudaayiinaayti dꞌuuywa rhisnayeet toonaati. Hiddaab nimmarriyeet toona ishna baadꞌiina, gwadi bak sakeena, laakiin taktak nisꞌakiireet toonaatu, aree Wꞌankwanaayt tuuyin han tidiwileet toona rhiteena.
Wꞌankwana Ukwaasana, "Ani eesuurwa wꞌagiyaawwa akati, baruuh wꞌeefi, suur iifiib, harꞌook yꞌiiniib, Wꞌalyaab akati." indi.
Ani willa yꞌi andi. Toona tutibariyeet kaleewa, aflaay gaal han utaajook iyaay kiidi.
Yꞌarawaan, Wꞌankwanaay geeb gaat yin alif hawlaab tꞌiiteet tikatiyeet toona baabaadhiinna. Alif hawla aree gaat yin tꞌiiteeba.
Ukwaasanaay ar
Yꞌaraanay, oontꞌa soorarimni bariiyooh daayaana. Aflaay baruuh lawiiniyihoob, bariiyooh wꞌaayiib akraab akay sikwꞌiib anu suurii ningadi.