Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Tinggwang mina de Pe rehi nzwa damgai. Pa pe rehi nzwa pecu damgai. Pa penaide mipei nah mipui damgai. Pecai Tinggwang penaide samlam beu nah penai dage ranggai, "Hena kekiee lungh lu, nah lungh hinglu. Kideube ga puilu, nah cide gumlu. Jaaidi ga hekadung reu, ting ga nruinedung reu, nah kideu reu ga mlai kela kauring pelane reu kengkieng bamlu."
Ciziemne mipei ge pepui pepei de gidi eh pa pe nau de ngngwa ket tei dizie, nah penai ngngwa pumteih ket dizie.
Jisu keligai, "Raitu gade penaide Damkegaibe mipei penai mipui de damkegai nnui kesanglaisiu gade pei meni? Pa rang si eh, ‘Aipau kie de ziemne mige pe pui nah pe pei de gidi eh pe nau de ngngwa ket tei dizie, nah penai ngngwa teih ge dizie.’ Cine penai hangna tadi zie, dede teih ge dizie. Ciziemne Tinggwang ne teincüt kebeude, peu mina de teu ntsamdi helo."
Peu ngu duilet de samlam beulu
nah n nau kelube puide de nsui lu,
kedanemene pa au heti nzwa hezuyi nah pe zaiyi.
Peu pe keku ncu kemnung peu muilu;
peu pe keku le ncu twagwa bammui lu.
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Mileune depeu laktak de herüt peulo, nah laktak zeu de peu mcilu, kedanemene Tinggwang mmha eh mci kemakme nah kemmhame tutiak zielu.
Peu penah de penau dage pe nsam tei gailu, nah cinzwa penau de penah dage pe nsam tei gailu. Penau ge pekatei pe pum reu kengkieng gah, dede pe nahpei da bam. Nah cinzwa eh pe nahpei de pekatei pe pum reu kengkieng gah, dede penau da bam.
Dede penui penuikatei de kezeu gailak dicai, penui kelak teilu maisia. Kedanemene kehengin le pui kebam swa au kelak tei kelube yiki.
Pa penuide ket teigai meni, pe rabe kesa gade? Iciucai pa daitei nnuide ket teigai no? Kedanemene pa Tinggwang dade pe leuhme peei kelane. Cine nnuikatei nnui rabe ne gumlu, nah nnui nau de kenlum de gah diso nnui henadau de.
Nnui pumdung Khrista dade kepet nnui ci meni? Ciciu cai Ih Khrista pum teugwang cidungde helipui pum teidi zieni? Ciciu daulak! Mede mige helipui gede ncüt kedibe de au pumteih gade pecu ngngwa ket kedi nnui ci meni? Kedanemene aiciu rangla, "Hangna de teih ge tei dizie." Dede Rampaube de ncüt kelube pecu ngngwa rabe gade ket dida.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Kemmha gade mbailu! Mina kemau keda tei kela leune au mipum gwale ge teila, dede mmha kelabe au pekatei pe pum gage kemau tei gaila. Nnui pum au nnui lung ga kebam, Tinggwang ne kepeu Kemci Rabe kerecaki lie kecu nnui ci meni? Nnui au nnuikatei nnui gu ma, kedanemene Tinggwang nnuide pemi tei eh lui luda. Ciziemne nnui pum gade Tinggwang de tei ndu lulo.
Kedanemene Tinggwang lungning au peu nnuide mcilu kera nah kemmha gade peu nnuide kezeulu kera; nnui hangge ge kecu mci nah hetwa pung eh nnui penau teilu kera ci kera, Tinggwang de ci kemakme Gentileme nzwa kemmha ta kehengin gade mene;
Dede kemcime ziemne petau kemak nzwa, nnui kakga kemmha nah mcikemak pelane mede ma kehengin rang kerabe ma,
Dede Ih nnui dage ranggai la, keheibede mipui gede hengin eh pecu piecai pa pelung gade pecu ngngwa mmha dida.
Anui kebaa ga kelanzwa tet sünne lugo, sak kenlwang ta mede sak kemie ta teidi mene; nah anui mipumteih hengin mede kemmha ta ketei gade mbai lugo, nah kesamlim mede miriak ketei gade.
Nnui kemmha ta teiso.
N kibaume de ngngwa nauhepei zai teiso, Ih RAMPAUBE. N puide ngngwa nauhepei zai tei so; pa npuilu, nang pecu ngngwa nauhepei zai teiso. N pei nau kedadungde ngngwa nauhepei zai teiso; cide n pei gu lu. N tipui de ngngwa nauhepei zai teiso, n pei napui mede n pui napui liede, pecu kilungge gade mede n dade ndei eh ngkütlwe ntipui teikelu liede. N napei napui mede n naapei napuide ngngwa nauhepei zai teiso, kedanemene cidungde dage keteide nkatei n dage teigai bam lu. N pei nau napui, n pei kigade ngküt kelu de de ngngwa nauhepei zai teiso, kedanemene pa de n tipui lu. N pei tipui de ngngwa nauhepei zai teiso; pa n pei kibaume lu. N pui sinapuide ngngwa nauhepei zai teiso, pa n pui kibaume lu. N pei sinabe, cide, penau de ngngwa nauhepei zai teiso; pa nnai lu. N na nau de ngngwa nauhepei zai teiso; pa n napei naulu, nang pecu ngngwa nauhepei zai teiso. N sinabe nau de ngngwa nauhepei zai teiso; cide n sinabe gu lu. Mipui gede nah pena puide ngngwa nauhepei zai teiso; nah pena pei napui mede pena puina puide ngngwa nauhepei zai teiso; penui nnui kibaume lu; cide kenlien tage dida. N nau sinabepuide teu n nau pekenabe tei eh pecu ngngwa nauhepei zai teiso n nau keraide ring kebamtane.
Mipui ge pekeidau mci kemak tingde pecu ngngwa nauhepei zai teiso. N kidabe nau de ngngwa nauhepei zai teiso nah ainzwa eh pecu ngngwa ncu tei hera diso. Nang n name hangge de de rudi kera peuso, Molech dage ratak teigai kerane, kedanemene nang Tinggwang zi tei hengam dikerabe melu. Ih RAMPAUBE. Mipui gede nzwa mipei ge mipei keda gede ngngwa nauhepei zai teiso; cide au ngkau kela ge. Makaune de ngngwa nauhepei zai tei eh cide le ncu teihera diso. Mede mipui gede makaune de ngngwa nauhepei zai teiso; cide au petau kemak tage lu.
Penui maci lie rangla, dede penui mie dida. Penui rim dila kemak Tinggwang kendu de keu, rimdi kela mina mie kenzwadung, nah nruinedung, nah makaune pe pi mdaidung, nah bwakela kaunedung de rehiak di.
Ciziemne Tinggwang penui lung herakedi ziemne penuide peu penui mlung hengin dungde teu penui zaira tei kera gage kai dida, penui katei penui kakgade penui pum de kengkau ta tei kerane. Penui ne kemretpe le teu Tinggwang sam kesangbe rehiak di, nah Damkegaibe de, mene damkegai batadung de reca nah cide gwatei la dida. Damkegaibe depeu kelungta hetwa pung kelube tei lulo. Amen.
Aide ziemne, Tinggwang penuide peu penui kengkau lungning dungde teu penui zaira tei kera gage kaidi, penui mipuidung hezai petaube gidi eh petau kemakbe teila dida. Cinzwa eh, mipeidung de mipuidung de kengngwa petaube gidi nah penui katei hangge gede ngngwa pumteih henginbe teila dida. Mipeidung aidungde mipei kerai ngngwa ngngam kemak ta teila nah penui mau ziemne penui keherei ziehi ngau lula.