6 तैखन यहोवाए ज़ोवं, "मेरी गल्‍लां शुना, ज़ैखन तुश्शे दरमियाने मां कोई नबी भोए, त तैस पुड़ अवं यहोवा अपने दर्शनेरे ज़िरिये अपनो आप बांदो केरेलो, या सुपने मां तैस सेइं गल्‍लां केरेलो।

28 "एन गल्‍लां केरे बाद अवं सेभी लोकन पुड़ अपनि आत्मा उतरेलो; तुश्शां मट्ठां कुइयां नबूवत केरेलां, ते तुश्शे बुज़ुर्ग सुपना लाहेले, ते तुश्शे जुवान दर्शन हेरेले।✝

14 तैखन पतरस 11 प्रेरितन सेइं साथी खड़ो भोव, ते बड़े ज़ोरे सेइं ज़ोने लगो, "हे लोकव, हे यहूदियारे रानेबालव ते हे यरूशलेम नगरेरे राने बालाव, मेरी गल ध्याने सेइं शुना, अवं तुसन ज़ोताईं इड़ी एन कुन भोने लगोरूए। 15 ज़ैन तुस बुझ़ने लगोरेथ तैन नईं, एना मैन्हु नशे मां नईं, किजोकि हुन्ना त झ़ेझ़ेरे नौ बज़ोरेन, 16 बल्के ऐह तै गल्‍ले, ज़ै परमेशरे योएल नेबेरे ज़िरिये ज़ोवरी थी,

17 परमेशर ज़ोते कि, आखरी दिहैड़न मां एरू भोल्हु,

अवं अपनि आत्मा सेब्भी लोकन देइलो,

ते तुश्शां मट्ठां कुइयां भविष्यिवाणी केरेलां,

ते तुश्शे नौजुवान दर्शन हेरेले,

ते बुढे सुपना हेरेले।

17 ते परमेशरे तैन च़ेवरे जुवानन सब शास्त्र ते हर किसमेरे विद्या मां अक्लमन्दी मां महारत दित्ती; ते दानिय्येल हर किसमेरे दर्शन ते सुपनेरो मतलबेरो ज्ञानी भोइ जेव।✝

26 राज़े दानिय्येले ज़ेसेरू नवं बेलतशस्सर भी थियूं पुछ़ू, "कुन तीं मां एत्री शक्तिए कि ज़ैन सुपनु मीं लाहेरूए, तैसेरे मतलबे समेत मीं सेइं ज़ोलो?" 27 दानिय्येले राज़े ई जुवाब दित्तो, "ज़ै भेद राज़ो पुछ़ते, तै न त पंडत न तांत्री न जोष्टी ते न होरो कोई एजने बाले वक्तेरे बारे मां ज़ोनेबाले राज़े सेइं ज़ोईं सखन, 28 पन भेतां केरो बांदो केरनेबालो परमेशर सुर्गे मांए; ते तैन्नी नबूकदनेस्सर राज़े सेइं ज़ोवरूए कि आखरी दिहाड़न मां कुन-कुन भोनेबालूए। तेरू सुपनु ते ज़ैन किछ तीं बिछ़ाने पुड़ लाहेरू थियूं तैन इन आहे:

8 तैनेईं तैस जुवाब दित्तो, "असेईं दूईयेईं सुपनु लाहेरूए, ते तैसेरो मतलब ज़ोने बालो कोई भी नईं।" यूसुफे तैन सेइं ज़ोवं, "कुन सुपनेरो मतलब ज़ोनू परमेशरेरू कम नईं? मीं सेइं अपनु-अपनु सुपनु ज़ोथ।"

15 फ़िरौने यूसुफे सेइं ज़ोवं, "मीं अक सुपनु लाहेरूए, ते तैसेरो मतलब ज़ोने बालो कोई भी नईं; ते मीं तेरे बारे मां शुनेरूए, कि तू सुपनु शुन्तां तैसेरो मतलब ज़ोई सकतस।" 16 यूसुफे फ़िरौने सेइं ज़ोवं, "अवं त किछ न ज़ैनी: परमेशर फ़िरौनेरे लेई रोड़ी खबर देलो।"

20 हेजू तै एन सोचने लेवरो थियो, त प्रभुएरे एक्‍की स्वर्गदूते तैस सेइं सुपने मां एइतां ज़ोवं, "हे यूसुफ! तू ज़ै दाऊदेरे खानदाने मरां आस, तू मरियम अपनि कुआन्श बनाने करां न डर, किजोकि ज़ैन तैसारे पेटे मां आए तैन पवित्र आत्मारे तरफां आए। 21 तैस मट्ठू भोनूए, ते तू तैसेरू नवं ‘यीशु’ रेखां, किजोकि तैए अपने लोकन तैन केरे पापन करां मुक्ति देलो।"

19 ज़ैखन तै आदालतरे तखते पुड़ बिशोरो थियो, त तैसेरी कुआन्शां तैस जो समाद भेज़ोरो थियो, "कि तू एस रोड़े मैन्हेरे बारे मां किछ न करां, किजोकि मीं अज़ राती एसेरी वजाई सेइं सुपने मां बड़ो दुख भोवरोए।"

1 ज़ैखन यहोवा सिय्योने* मां वापस एजनेबालन वापस आने,

तैखन अस सुपना हेरने बाले ज़ेरे भोए।

3 अपने कम्मन यहोवा पुड़ छ़ड,

इस सेइं तेरे खियाल सिद्ध भोल्हे।

21 मैन्हेरे मने मां बड़े खियाल भोतन,

पन ज़ै योजना यहोवारी भोतीए, तैए कायम रहतीए।

1 "अगर तेरे दरमियाने मां कोई नबी या सुपनु हेरने बालो बांदो भोइतां तीं कोई निशान या चमत्कार हिराए, 2 ते ज़ै निशान या चमत्कारे सबूत ठहरेइतां तै तीं सेइं ज़ोए, ‘एज्जा अस बखले देबतन पत्ती गेइतां तैन केरि पूज़ा केरम, ज़ैन करां तुस हुन्ना तगर अनज़ान राए,’ 3 तैखन तुस तैस नेबी या सुपनु हेरने बालेरे वचन पुड़ कधी ध्यान न देइयथ; किजोकि तुश्शो परमेशर यहोवा तुश्शी अज़मैइश केरनेरे लेई तैस इस्तेमाल केरेलो, ज़ैस सेइं ई पतो लग्गे, कि इनां मीं सेइं अपने सारे मन ते सारे प्राणे सेइं प्यार केरतन या नईं? 4 तुस अपने परमेशर यहोवाए पत्ती च़ेलथ, ते तैसेरो डर मेन्नथ, ते तैसेरे हुक्मन पुड़ च़ेलथ, ते तैसेरू वचन मेन्नथ, ते तैसेरी सेवा केरथ, ते तैस सेइं लिपटोरे रेइयथ।

25 मीं एन नेबी केरि गल्‍लां भी शुनोरिन ज़ैना मेरे नंव्वे सेइं एन ज़ोइतां झूठी नबूवत केरतन, ‘मीं सुपनु हेरू, सुपनु!’ 26 ज़ैना नबी झूठी नबूवत केरतन ते अपने मनेरे धोखे सेइं नबी आन, ऐह गल केइस तगर तैन केरे मने मां बस्सोरी राली?

32 यहोवा एन भी ज़ोते कि ज़ै मेरे भेज़ने बगैर या बगैर मेरे हुक्मे सुपनु हेरनेरो झूठो दावो केरतां नबूवत केरते, ते तैसेरो ज़िक्र केरतां मेरे लोकन झूठे घमण्डे मां एइतां टपलातन, तैन केरे भी अवं खलाफ आईं; ते तैन सेइं मेरे लोकां केरो कोई फैइदो न भोल्हो।"

3 किजोकि ज़ेन्च़रे जादे कम्मेरे वजाई सेइं मैन्हु सुपनु हेरते, तेन्च़रे हेछी गल्‍लां केरनेबालो बेवकूफ मन्नो गाते।

7 किजोकि हछे सुपना केरि वजाई सेइं हेछी गल्‍लां भोइचन; पन तू परमेशरेरो डर मेन्नां।