Superação

33 Mə pâ əpʉ kə e rə ndə kə pa e sə də blatshe tə̂ äwä əmə. Aərə əyo sə kə wutu gâ tə̂ e pâ ashɔ, bale e gbɔ̈ ə gbɔ̈! Əmə, mə rô pâ tshepashɔ də awlra gâ ye!»

33 Mə pâ əpʉ kə e rə ndə kə pa e sə də blatshe tə̂ äwä əmə. Aərə əyo sə kə wutu gâ tə̂ e pâ ashɔ, bale e gbɔ̈ ə gbɔ̈! Əmə, mə rô pâ tshepashɔ də awlra gâ ye!»

37 Bale, lə aərə səkɔ nɔ̂, a rô pâ nə də awlra gâ ye tə̂ äwä ətshə nə ə̂në tshə yîndə əzə̂ gâ ye kɔ.

57 Bale, a zä mərshe kə Ndjapä nə ə̂në tshə mbrə̂ â əzə̂ ro pâ kuzu də awlra tə̂ äwä Jezu Kristə, Âgbɔ̂ Əyïngerə nə̂ əzə̂ kɔ.

57 Bale, a zä mərshe kə Ndjapä nə ə̂në tshə mbrə̂ â əzə̂ ro pâ kuzu də awlra tə̂ äwä Jezu Kristə, Âgbɔ̂ Əyïngerə nə̂ əzə̂ kɔ.

4 mbrə ə̂në əzü nɔ̂ ə̂në Ndjapä kə zû ətshə kɔ, tshə sə kə ro pâ tshepashɔ səye də awlra, â ərə nə ə̂në a rô tshepashɔ nə də nə də awlra gâ ye kɔ kə də̂ əpʉ lɔsu əzə̂.

3 Mbrə ə̂në äwä kə yində Ndjapä nə, kə də̂ kə pa a mbrə ərə ə lï də aəpʉ ə̂në tshə zâ ama də nə gâ ye kɔ. Â aəpʉ nə ə̂në tshə zâ ama də nə gâ ye kɔ, ə gbɔ gbɔ ne, 4 mbrə ə̂në əzü nɔ̂ ə̂në Ndjapä kə zû ətshə kɔ, tshə sə kə ro pâ tshepashɔ səye də awlra, â ərə nə ə̂në a rô tshepashɔ nə də nə də awlra gâ ye kɔ kə də̂ əpʉ lɔsu əzə̂. 5 Əde kə rô tshepashɔ də awlra nə gâ ye? Əzü tshî ə̂në tshə yində nə də lɔsu ye ə pa Jezu sə tə Ɨrɨ Ndjapä kɔ.

5 Əde kə rô tshepashɔ də awlra nə gâ ye? Əzü tshî ə̂në tshə yində nə də lɔsu ye ə pa Jezu sə tə Ɨrɨ Ndjapä kɔ.

11 Bale, alaye əzə̂ nə rô pâ ye də awlra gâ ye

mbrə ə̈ndjï Aya Ndalimi nə,

ndje mbrə əpʉ ə̂në əndje pâ də əɨrɨ ye kɔ.

Əndje wû sorô əndje wû tə âgbɔ̂ ərə lə ala əndje wala ətshi kuzu ne.

21 Kätə̂ äwä kä kə əmbrʉ ərə ə ro pâ zə ne, bale ro pâ əmbrʉ ərə nə tə̂ äwä ə̂rɔ̂ ərə.

21 Kätə̂ äwä kä kə əmbrʉ ərə ə ro pâ zə ne, bale ro pâ əmbrʉ ərə nə tə̂ äwä ə̂rɔ̂ ərə.

5 Ə̂yîəwo nə sə kə tshe lə əbutshe, â əbutshe nə yîndə ye yî ne.

Tə̂ äwä Jezu Kristə də̂ a ro pâ alayïkowɔ nə̂ əzə̂

14 A zä mərshe kə Ndjapä ə̂në tshə ko əzə̂ gâ lə ana ngblɔɔ nə̂ azü ə̂në əndje na mandâ Kristə ə̂në tshə rô pâ aawlra nɔ̂ gâ ye kɔ, â tə̂ äwä əzə̂, tshə mbrə â azü sə kə wusə̂ Kristə nə tə̂ ətshe nɔ̂ na na ye, mata kə fu yombo ə̂në ə za ətshe kɔ.

10 Bale, əzü ə̂në e gba tshelə əpʉ lə kumu ye, mə gba tshelə əpʉ nə ndje lə kumu ye. Ənə̂ əmə, ə̂në mə gbâ tshelə əpʉ lə kumu ə̈bə̈ əzü kɔ, mbrə e lə ala Kristə də̂ mə gbâ tshelə əpʉ nə kɔ, 11 ndə kə pa a katə̂ äwä ka kə Sataa, tshə ro pa əzə̂ ne, mbrə ə̂në a wûsə̂ aərə ə̂në tshə yində kə mbrə nə kɔ gâ ye.

21 Əzü ə̂në tshə sɔ lagbanga, mə sə kə za äwä kə ətshə ndə kə pa ä də ətshə sə gâ tʉ gâ pâ mbata ngerə nə̂ əmə, mata ə̂në əmə, mə sɔ̂ lagbanga â ä də Abä sə gâ tʉ gâ pâ mbata ngerə nə̂ ye kɔ.

21 Əzü ə̂në tshə sɔ lagbanga, mə sə kə za äwä kə ətshə ndə kə pa ä də ətshə sə gâ tʉ gâ pâ mbata ngerə nə̂ əmə, mata ə̂në əmə, mə sɔ̂ lagbanga â ä də Abä sə gâ tʉ gâ pâ mbata ngerə nə̂ ye kɔ.

5 Rəkɔ, əzü ə̂në tshə sɔ lagbanga, tshə yi aə̂mbî aləba je. Mə sə sə kə gba tshelə əɨrɨ ye lə fraka sorô alɔ bale ne, mə sə kə yerɔ ətshə kpro də əɨrɨ ye ətshi Abä əmə də ətshi atrawaya nə̂ ye.

13 Mə lï də ərə nɔ̂ lə ətshə nə ə̂në tshə gbɔgbɔ əmə kɔ.

4 E-e, aneshe nə̂ əmə, e sə tə azü nə̂ Ndjapä, â e rô pâ aafrɔ aawopandəma Ndjapä nə də awlra gâ ye, mbrə ə̂në Yîrə̂ nə ə̂në tshə sə lə e kɔ, tshə rô ətshə nə̂ sə̂ ə̂në tshə sə pâ ashɔ nə kɔ gâ ye.

4 E-e, aneshe nə̂ əmə, e sə tə azü nə̂ Ndjapä, â e rô pâ aafrɔ aawopandəma Ndjapä nə də awlra gâ ye, mbrə ə̂në Yîrə̂ nə ə̂në tshə sə lə e kɔ, tshə rô ətshə nə̂ sə̂ ə̂në tshə sə pâ ashɔ nə kɔ gâ ye.

Aərə koshe nə̂ Ndjapä

10 Ə̂dû əpʉ nə nɔ̂, e gbɔ̈ ə gbɔ̈ lə Âgbɔ̂ Əyïngerə nə, lə awlra nə̂ ye ə̂në ə rô aərə nɔ̂ gâ ye kɔ. 11 E yï aərə koshe nɔ̂ ə̂në Ndjapä kô kə əzə̂ kɔ gâ tə̂ e, kanika ə ka kpirə̂ ətshi aafrɔ aərə nə̂ djablo. 12 Mbrə ə̂në ə də̂ azü də̂ a də aəndje ə mbrə awlra nə kɔ ne, bale a sə kə mbrə awlra nə də aərə ə̂në ə sə də awlra kɔ, də aərə ə̂në ə sə kə za ama kɔ, də aərə ə̂në ə sə kə mbrə ngerə gâ pâ ashɔ ə̂në ə sə lə əbutshe kɔ gâ ndə aəmbrʉ ayirə̂ tshelə əyi djoko lafɔ kɔ. 13 Rəkɔ, e kö aərə koshe nɔ̂ ə̂në Ndjapä nə kô kə əzə̂ kɔ, kanika ə ka tə akoshe tə̂ alɔ əmbrʉ ərə ə ka kpirə̂, mandânə ə̂në e mbrə̂ awlra nə ʉrrr ndjɔ gâ tə̂ ama nə gâ ye kɔ.

14 E kä kpirə̂: e ï djatra əpʉ gâ lə e mata ə̂wû tshepa ləba ə yï kə mbrə ərə də äwänə gâ tə̂ e mata kandalinga kowɔ; 15 e yï əgo kə mʉ Ə̂rɔ̂ Əpʉ blatshe gâ tə̂ aə̈nü e tə tama; 16 lə aərə nɔ̂, e tëgbɔ əpʉ lɔsu e mata blângbâ, ə̂në e lï ndə kə pa e rɨ əwo aakora nə̂ djablo də nə kɔ; 17 e zä ndje əpʉ kə she e lə kuzu gâ tə̂ akrɔ e tə kpɔtɔ kowɔ ə zä Əpʉ Ndjapä tə ə̈ngrʉ̈ kamba Yîrə̂ gâ lə kəna e.

22 Rəkɔ, e lï ndə kə pa e wəra tə̂ e tə̂ kə mbrə tə̂ e leme-e ətshinə kɔ ə verə angbrɔ kə sə e mata agba ləba gâ tʉ, ə̂në aəgo nə sə kə frɔ əzü ndə kə na də ətshə gâ tə̂ kuzu kɔ. 23 E kätə̂ äwä kə Âgbɔ̂ Yîrə̂ tshə do kə wusə̂ ərə nə̂ e tə tafa nə. 24 E yï tafa kə sə əzü gâ tə̂ e mata tafa ləba, ə̂në Ndjapä nə mbrə̂ gâ ye ə ko ətshə kɔ â ə̂në ə sə tə̂ äwä kə mbrə ərə də äwänə də kə sə kpî mbrə Ndjapä nə kɔ, Lïndə̂ djatra əpʉ.

26 Kədə e mbrə əkɔ, e mbrə̈ nyaka mbrə̈ ne; alɔ dɨ̈ dɨ̈ tə̂ e də əkɔ nə ne. 27 E kätə̂ äwä kä kə djablo ne.

7 Rəkɔ, e mbrə̈ tə̂ e teashe gâ tshekudu Ndjapä; e wə̈ra tə̂ e tə̂ djablo, ka tshə kpe ngrʉ̂ gashe tə̂ e. 8 E gï tə̂ e trö gâ tə̂ Ndjapä, ka tshə na trö gâ tə̂ e. Alayïnyaka, e yütu əmbrʉ ərə tə̂ kəna e! Alayïlɔsu bishi, e yütu əmbrʉ ərə tə̂ lɔsu e!

10 E mbrə̈ tə̂ e teashe gâ tshekudu Âgbɔ̂ Əyïngerə, tshə sə kə ko e tɔ gâ lafɔ tə əgbro azü.

Ndjapä gi gi ə̈bə̈ əzü bale gâ tə̂ əmbrʉ ərə ne

12 Ənə̂ ye tə ə̂rɔ̂nə, əzü ə̂në tshə wusə̂ kə kânga lɔsu ye lə ərə kə tra ətshə! Mbrə ə̂në tshə sɔtə̂ sorô nə̂ alɔnɔ̂ ə̂në Âgbɔ̂ Əyïngerə zâ ama də nə kɔ kə azü ə̂në əndje yində ye kɔ je, mandânə ə̂në tshə rô lə ərə kə tra lɔsu ye nə gâ ye kɔ. 13 Kədə ə̈bə̈ ərə kə trâ lɔsu əzü, tshə pä pä: «Ndjapä kə tra lɔsu əmə kɔ» ne. Mbrə ə̂në əmbrʉ ərə lï lï ndə kə pa ə tra Ndjapä ne, â Ndjapä nə də ə̂tə̂ ye tra lɔsu əzü tra ndje ne. 14 Kandää, kʉtə̂ əgo lɔsu əzü bale bale də ə̂tə̂ ye kə sə̂ â tra lɔsu ye â gbətɔ ətshə â frɔ ətshə kɔ. 15 Mandânə, kədə əgo lɔsu nə kə zâ əndu gâ ye ə zu nyaka; â kədə nyaka nə kə nê gâ ye ə na də kuzu.

13 Aərə kə tra lɔsu e nɔ̂ ə̂në ə te gâ tə̂ e kɔ ə sə tə aərə ə̂në ə sə kə wutu gâ tə̂ azü nɔ̂ kɔ kə sə̂. Ndjapä sə kə mbrə ndəma ye alɔnɔ̂, tshə sə sə kə katə̂ e ndə kə pa aərə nə tra lɔsu e ə ro pâ e ne. Bale, lə ərə kə tra lɔsu e nə, tshə sə kə za awlra kə e ndə kə pa e ru ə ru ə za äwä kə e ndə kə pa e wutu lə nə.

12 Mbrə̈ ə̂rɔ̂ awlra əpʉ lɔsu, ə tëgbɔ sorô nə̂ alɔnɔ̂, ə̂në Ndjapä ê əbə ndə nə kɔ, ə̂në bə pâ ndə əpʉ lɔsu zə tə ə̂rɔ̂nə lə ala azü ngbatshe ə̂në əndje sə̂ je kɔ.

9 Bale, azü ə̂në əndje yində kə sɔtə̂ aərə tshepashɔ ngbatshe kɔ, əndje sə kə te gâ lə ərə ə̂në ə frɔ əndje kɔ, ə te gâ lə ə̂kû, ə te gâ lə adongo aəmbrʉ aəgo əndɨ nɔ̂ ə̂në ə sə kə ndɨ əzü, ə̂në ə sə kə na də əzü gâ tə̂ äwä kuzu kɔ.

Əpʉ kə ru ə ru lə aərə əyo

1 Əgerə ə̂kpû aawopandə əpʉ səkɔ sə̂ dji əzə̂ nɔ̂ gâ ye. Rəkɔ, əzə̂ ndje, a wə̈ra tə̂ əzə̂ tə̂ ərə nɔ̂ ə̂në ə sə kə lʉ əzə̂ â a na ana na gâ ətshinə ne kɔ, a wə̈ra tə̂ əzə̂ dîrî dîrî tə̂ nyaka ə̂në ə di əzə̂ diawû diawû kɔ. A kpë ärɔ̈ nə ə̂në əndje pa ndə nə kə əzə̂ kɔ ndjɔ gâ tə̂ ama nə.

3 E lï tshelə e tə̂ ye, tə̂ äwä ə̂në tshə rû ə rû lə ərə ə̂në alayïnyaka mbrə̂ ə wə̂ra tə̂ əndje tə̂ ye kɔ. Â rə də̂ e sə sə kə mɔ tə̂ lɔsu e ka ə tshi äwä nə tʉ ne.

18 Ngâ, tshə lï ndə kə pa tshə tɨ azü ə̂në aərə sə kə tra əndje kɔ gâ lafɔ, mbrə ə̂në, ətshə də ə̂tə̂ ye, ərə trâ ətshə gâ ye, lə aərə ə̂në tshə wû əyo lə nə gâ ye kɔ.

8 E sə̈ də ə̈kü ala e, ala e gbɔ̈! Əyïkowɔ nə̂ e, djablo, sə kə na djitshe djitshe mata bamara ə̂në tshə sə kə lea nə ə sə kə pra əzü ndə kə zɨ ətshə kɔ. 9 E kä tə akoshe ətshi ye ə kä kpirə̂ gâ pâ əpʉ lɔsu, ə wüsə̂ nə ə pa alaye e pâ ashɔ sə kə wu ndje kʉtə̂ marä tə̂ aərə əyo səkɔ. 10 Alɔ ə̂në e wu əyo lə ə̈bə̈ ə̈ndö əlo gâ ye, Ndjapä, ə̂në tshə mbrə ə̂rɔ̂tə̂ ye kə azü kɔ, ə̂në tshə ê e, tə̂ äwä Kristə, ndə kə pa e sə lə ə̂yî ye ə̂në ə sə piii kɔ, tshə gamba əndʉ e də ə̂tə̂ ye je, ə gbɔgbɔ lɔsu e je, ə gbɔgbɔ e je â ə̈bə̈ ərə sə sə kə meme e bale ne.

8 E sə̈ də ə̈kü ala e, ala e gbɔ̈! Əyïkowɔ nə̂ e, djablo, sə kə na djitshe djitshe mata bamara ə̂në tshə sə kə lea nə ə sə kə pra əzü ndə kə zɨ ətshə kɔ.

35 Əde kə lï ndə kə pa tshə sɔ əzə̂ gashe tə̂ kə yində əzə̂ ə̂në Kristə nə yîndə əzə̂ kɔ? Ərə əyo wala âgbɔ̂ awa wala ərə kanga ə̂në azü ə mbrə tə̂ əzə̂ kɔ wala əgo wala aərə ə̂në a sə sə də nə ne kɔ wala ə̈bə̈ əmbrʉ ərə wala kuzu a?

28 A wusə̂ nə ə pa aərə nɔ̂ sə kə ma kosəra mvrɔ mbrə ə̂rɔ̂ ərə nə̂ azü ə̂në əndje yində Ndjapä kɔ, nə̂ azü ə̂në Ndjapä nə ê əndje gâ ye Lïndə̂ ərə ə̂në tshə gâmba gâ ye kɔ.

18 Âgbɔ̂ Əyïngerə sə kə djɔ əmə lə əmbrʉ ərə nɔ̂ ə̂në azü sə kə mbrə nə kɔ â tshɔ əmə lə kuzu mbrə Əgɔngerə tshelafɔ nə̂ ye je. A mbë ətshə də ə̂ngû də ə̂ngû piii! Asərəmə!

3 Bale, Âgbɔ̂ Əyïngerə sə tə awombrə tshelə ndəma ye, tshə sə kə gbɔgbɔ lɔsu e ə sə kə bata e â djablo sə sə kə ma ə̈bə̈ ərə tə̂ e bale ne.*

E nä gâ ndə əmə ka ə wu tə̂ e

28 «E nä gâ tə̂ əmə, e-e ə̂në e mɔ̂ gâ ye â aərə sə kə lʉ e kɔ, mə sə kə za äwä kə e ndə kə pa e wu tə̂ e.

5 Kə mbrə tə̂ e sə̈ sə̈ tə̂ äwä əgo ngendja ne. E zä tshelə e kʉ gâ tə̂ ərə ə̂në e sə də nə kɔ, mbrə ə̂në Ndjapä də ə̂tə̂ ye pâ: «Mə sə sə kə katə̂ zə bale ne, mə sə sə kə tshi əbə tʉ bale ne.»*

37 Mbrə ə̂në ə̈bə̈ ərə bale kə kra Ndjapä guta gu ne.»

46 Tshə pâ kə əndje ə pa: «E lo əlo mbrə yekɔ? E äfɔ ə yü Ndjapä kanika ə te te lə afrɔ ərə ne.»

40 Alɔ ə̂në tshə yî kumu ye mâ je gâ ye kɔ, tshə pâ kə əndje ə pa: «E yü Ndjapä ndə kə pa e te te lə afrɔ ərə ne.»

19 E djï əmə kane! Mə za awlra kə e ndə kə na pâ aəkrɔ də akplakongo, ndje ndə kə na pâ awlra nə̂ əyïkowɔ nə̂ Ndjapä. Ə̈bə̈ ərə bale sə sə kə mbrə tə̂ e ne.

38 E lö lö ne, e yü Ndjapä kanika ə te te lə afrɔ ərə ne. Yîrə̂ əzü sə də əgo ndə kə ma ə̂rɔ̂ ərə, bale, əndu əzü nə sə sə də awlra ne.»

8 Əzü ə̂në tshə sə kə mbrə nyaka alɔnɔ̂, tshə sə tə əzü nə̂ djablo, mbrə ə̂në djablo nə sə kə mbrə nyaka kerə pə tə̂ ama nə. Kandää, Ɨrɨ Ndjapä nə nâ kɔ, tshə nâ ndə kə pa tshə ndɨ tshelə aərə ə̂në djablo nə sə kə mbrə nə kɔ.

E mbrə̈ ərə ə̂në tshelə Ndjapä yində nə

12 Aneshe nə̂ əmə, mə ta ngrowô səye kə e, mbrə ə̂në Ndjapä gbâ tshelə anyaka lə kumu e mbrə əɨrɨ Jezu Kristə nə gâ ye. 13 Alabä, mə ta ngrowô səye kə e mbrə ə̂në e wûsə̂ ətshə ə̂në tshə sə je pə tə̂ ama nə kɔ gâ ye. Amɔdɔ, mə ta ngrowô səye kə e mbrə ə̂në e rô pâ djablo nə də awlra gâ ye.

14 Aneshe nə̂ əmə, mə ta ngrowô səye kə e, mbrə ə̂në e wûsə̂ Abä gâ ye. Alabä, mə ta ngrowô səye kə e, mbrə ə̂në e wûsə̂ ətshə ə̂në tshə sə je pə tə̂ ama nə kɔ gâ ye. Amɔdɔ, mə ta ngrowô səye kə e mbrə ə̂në e gbɔ ə gbɔ â Əpʉ Ndjapä sə tə̂ lɔsu e â e rô pâ djablo nə də awlra gâ ye.

15 E yï yïndə əmbrʉ tshepashɔ wala aərə tshepashɔ nə ne. Kədə ə̈bə̈ əzü kə yində tshepashɔ nə, tshə yində Abä yi ne.

15 E wusə̂ nə wu ə pa tshekotə̂ e sə tə aərə tshekotə̂ Kristə nə ne a? Rəkɔ, mə sə kə ko aərə tshekotə̂ Kristə nə ndə kə pa mə do tə aərə tshekotə̂ əmbrʉ yashe a? Bale ne. 16 E wusə̂ nə wu ə pa koshe ə̂në tshə sho də əmbrʉ yashe, əndje də ətshə sə tə tshekotə̂ kʉ bale ne a? Mbrə ə̂në Fraka nə̂ Ndjapä pâ əpʉ ə pa: «Əndje bishi sə kə do tə̂ əndje kʉ tə əzü kpiabale.»* 17 Bale, əzü ə̂në tshə tɔ popo Âgbɔ̂ Əyïngerə nə, əndje də ətshə sə kʉ bale lə yîrə̂.

18 E kpë ngrʉ̂ tə̂ əpʉ ə̂trû. Ə̂dû nyaka ə̂në əzü ə mbrə kɔ, ə sə gashu tə̂ akwa ye. Bale, əzü ə̂në tshə za tə̂ ye gâ tə̂ əpʉ ə̂trû nə, tshə mbrə nyaka gâ tə̂ akwa ye də ə̂tə̂ ye. 19 Wala e wusə̂ nə wu ə pa tshekotə̂ e sə tə anda Âgbɔ̂ Yîrə̂ ə̂në tshə sə lə e kɔ, ə̂në Ndjapä zâ ətshə kə e kɔ ne a? E sə sə tə ərə nə̂ e də ə̂tə̂ e ne. 20 Mbrə ə̂në Ndjapä yɔ̂ e də əgerə ndogɔ gâ ye. Rəkɔ, e mbë Ndjapä də əndu e nɔ̂.

16 Mə pa ənə̂ əmə kə e ə pa: e kätə̂ Âgbɔ̂ Yîrə̂ tshə yisə̂ äwä kə e, kanika e mbrə ərə ə̂në tshelə əzü yində̂ nə kɔ mbrə ne. 17 Mbrə ə̂në əndu əzü sə də əgo aərə ə̂në ə sə kpî tə̂ aənə̂ Âgbɔ̂ Yîrə̂ nə, â Âgbɔ̂ Yîrə̂ nə sə də əgo aərə ə̂në ə sə kpî tə̂ aənə̂ əndu əzü nə kɔ. Aərə ə̂në ə̈bə̈ nə ma əgo nə kɔ sə kpî tə̂ aənə̂ bale nə, â e lï lï ndə kə pa e mbrə ərə ə̂në tshelə e yində nə kɔ ne.