Temor dos homens

ज़ै-ज़ैकार करना लै भज़न

1 बिधाता आसा मेरअ प्रैश्शअ ज़ुंण मुंह बच़ाऊआ।

हुंह निं कोही का डरदअ।

बिधाता करा मेरी फाज़त आप्पै अर

हुंह निं कधि फिकर करदअ।

2 कदुष्ट मणछ अर मेरै दुशमण

च़ाऐ मुंह मारदै किल्है निं एछे,

पर तिन्‍नां लागणीं ठोहल़

संघा बधल़णैं तिंयां धरनीं।

3 च़ाऐ सारी सैना मुंह फेरा-फेर गोटे,

हुंह निं तैबी बी डरदअ,

तिंयां च़ाऐ मुंह संघै जुध बी छ़ेल़े,

तज़ी बी आसा मेरअ भरोस्सअ बिधाता दी अटल़।

28 "तम्हैं निं तिन्‍नां का डरी आथी ज़ुंण थारी देही च़ाहा मारनअ, तिंयां निं थारी आत्मां मारी सकदै। पर डरनअ सिधअ तेऊ परमेशरा का ज़ुंण देही अर आत्मां दुही सका जम्परी खतम करी।

कहा का डरनअ

4 "पर हुंह बोला तम्हां का ज़ुंण मेरै साथी आसा कि तम्हैं निं तिन्‍नां का डरी आथी ज़ुंण थारी देही च़ाहा मारनअ। तिंयां निं होर किछ़ करी सकदै। 5 हुंह खोज़ूं तम्हां का कहा का लागा डरनअ? तेऊ परमेशरा का डरै ज़हा तम्हां मारी करै जम्परी पाणैओ हक आसा। हाँ, सह ई आसा ज़सरी डरा हेठै लागा रहणअ।

3 पर हे परमेशर, ज़ेभै बी मुंह डअर लागा,

हुंह डाह तेभै तेरअ ई भरोस्सअ।

4 हे परमेशर, मेरअ भरोस्सअ आसा ताह ई दी कि मुंह डअर नां लागे,

ज़ुंण तंऐं ज़बान आसा दैनी दी हुंह करा तेते बड़ैई,

तेखअ निं कोहै मणछ मेरअ किछ़ बगाल़ी सकदै।

6 बिधाता आसा मुंह बाखा आप्पै, तैही निं हुंह डरदअ आथी।

संसारे मणछ निं मेरअ किछ़ै बगाल़ी सकदै।

6 तैही एछा हाम्हां इहअ बोल़णें हिम्मत,✝

"मेरी फाज़त करनै आल़अ आसा परमेशर,

तैही निं हुंह डरदअ आथी।

संसारे मणछ निं मेरअ किछ़ै बगाल़ी सकदै।"

21,22 "तधू बोलअ त मंऐं तेभी ज़ैहसू लै इहअ, ‘तंऐं भाल़अ आपणीं आछी कि बिधाता सिहोन राज़ै अर ओग राज़ै लै हाम्हां करै किहअ-किहअ किअ। तूह निं हैल़अ-फिकर करी! बिधाता रहणअ जरदण नदी पार डेऊई बी तम्हां बाखा अर तेऊ करनी तिन्‍नां मुल्खै थारै दुशमणा खतम करना लै थारी मज़त।’

6 "पर तूह मणछो शोहरू निं तिन्‍नां का डरी आथी च़ाऐ तिंयां ज़िहअ बी बोले। तिन्‍नां समझ़णअ तूह बृथा अर ताल्है सका तिंयां उपद्रभ करी, सह हणअ ताल्है कांडे झ़ाटै अर बिंच़ू जैंदरी रहणैं ज़िहअ! तज़ी बी निं तूह तिन्‍नां द्रोही का डरी आथी।