15 Mbrə ə̂në a sə də ə̈bə̈ âgbɔ̂ awotokrɔ ə̂në tshə lï ndə kə pa tshə wu əyo əzə̂ lə kə mɔ əzə̂ ə̂në a mɔ ə mɔ kɔ. Lə aərə nɔ̂, ərə trâ ətshə gâ ye mata əzə̂, bale tshə mbrə̂ nyaka mbrə̂ bale ne.

2 Mâ lə ngbûndû nə mâ je, djablo trâ lɔsu ye lə aəlo zazü bishi. Lə aəlo sə̂ nɔ̂, tshə zɨ̂ ə̈bə̈ ərə zɨ̂ bale ne. Mandânə, əgo mî ətshə.

13 Kədə ə̈bə̈ ərə kə trâ lɔsu əzü, tshə pä pä: «Ndjapä kə tra lɔsu əmə kɔ» ne. Mbrə ə̂në əmbrʉ ərə lï lï ndə kə pa ə tra Ndjapä ne, â Ndjapä nə də ə̂tə̂ ye tra lɔsu əzü tra ndje ne.

3 E wusə̂ nə ə pa aərə sə̂ ə̂në ə tra lɔsu e kɔ wutu ndə kə pa e wusə̂ kə ru tshelə e.

13 Aərə kə tra lɔsu e nɔ̂ ə̂në ə te gâ tə̂ e kɔ ə sə tə aərə ə̂në ə sə kə wutu gâ tə̂ azü nɔ̂ kɔ kə sə̂. Ndjapä sə kə mbrə ndəma ye alɔnɔ̂, tshə sə sə kə katə̂ e ndə kə pa aərə nə tra lɔsu e ə ro pâ e ne. Bale, lə ərə kə tra lɔsu e nə, tshə sə kə za awlra kə e ndə kə pa e ru ə ru ə za äwä kə e ndə kə pa e wutu lə nə.

9 Rəkɔ, ə yisə̂ nə ə pa Âgbɔ̂ Əyïngerə wusə̂ äwä kə djɔ azü ə̂në əndje tɔ popo ətshə kɔ lə ərə kə tra əndje â ko aawombrə əmbrʉ ərə tʉ ndə kə pa tshə wa əndje tə̂ alɔ ngbanga.

13 Kätə̂ ä kä ä te gâ lə afrɔ ərə ne,

bale, djɔ̈ ä lə kəna ətshə ə̂në tshə sə tə əmbrʉ nə kɔ*.

[Mbrə ə̂në ngerə, də awlra gâ ndə kə mbe ətshe sə tə ənə̂ zə də ə̂ngû də ə̂ngû piii! Asərəmə.]*"

41 E lö lö ne, e yü Ndjapä kanika ə te te lə afrɔ ərə ne. Yîrə̂ əzü sə də əgo ndə kə ma ə̂rɔ̂ ərə, bale, əndu əzü nə sə sə də awlra ne.»

22 Alabə̈ azü sə mata ashɔ tshelə əshi ə̂në angwa rəgo nə yɔ̂ gâ lə nə kɔ. Əndje dji əpʉ nə, bale, kə li tshelə əndje gâ pâ aərə tshepashɔ səye, də əgo aərə ə̂në ə frɔ əndje kɔ, kânga äwä tə̂ əpʉ nə ndə kə pa ə le.

20 Tshə pâ kwatə̂ye ə pa: «Ərə ə̂në ə wutu lə əzü, tə nə kə sə̂ â mbrə ndə kə pa tshə sə tə əmbrʉ əzü. 21 Mbrə ə̂në lə əzü, tə̂ lɔsu ye, də̂ aəmbrʉ aərə sə kə wutu gashu mata kə ma ə̂trû, kə zɨ angba, kə wo əzü, 22 kə pra əwɔ əzü wala äkɔ̈ əzü, kə ma əgo aərə ro pâ nə, kə sə də əmbrʉ lɔsu, kə frɔ azü, kə mbrə aərə mbrə də äwänə ne, kə ma əgo aərə nə̂ angâ zə, kə pa əmbrʉ əpʉ gâ lə kumu ngâ zə, kə yisə̂ tə̂ əzü gâ ndə kə sə tə əndɨ. 23 Aəmbrʉ aərə səkɔ nɔ̂ wutu tə̂ lɔsu əzü â mbrə ndə kə pa tshə sə tə əmbrʉ əzü lə ala Ndjapä.»

1 Alaye əmə, kədə ə̈bə̈ əzü kə sə kə ma ə̈bə̈ əmbrʉ ərə â əndje sɔtə̂ ye də nə, e-e ə̂në e sə də Yîrə̂ Ndjapä nə kɔ, e pä əpʉ kə ətshə lə zɨtɨnə ə gü də ətshə gâ tə̂ ə̂rɔ̂ äwä. Bäta tə̂ zə, ndə kə pa, əbə ndje, bə te te lə afrɔ ərə nə ne.

12 Ənə̂ ye tə ə̂rɔ̂nə, əzü ə̂në tshə wusə̂ kə kânga lɔsu ye lə ərə kə tra ətshə! Mbrə ə̂në tshə sɔtə̂ sorô nə̂ alɔnɔ̂ ə̂në Âgbɔ̂ Əyïngerə zâ ama də nə kɔ kə azü ə̂në əndje yində ye kɔ je, mandânə ə̂në tshə rô lə ərə kə tra lɔsu ye nə gâ ye kɔ.