3 हेरा, बच्‍चे यहोवारे तरफां दित्तोरो हिस्सोए,

गर्भेरो फल तैसेरे तरफां फले।

4 ज़ेन्च़रे बहादरेरे हथ्थे मां तीर,

तेन्च़रे जुवैनरां मट्ठां भोतन।

5 केत्रो धने तै मैन्हु ज़ैने अपनो तरकश तीरन सेइं भरोरो भोए!

तै नगरेरे फाटके कां अपने दुश्मन्न सेइं गल्‍लां केरतां शरमिन्दा न भोल्हो।

3 तेरे घरे मां तेरी कौन्श फलदार दाछ़रे बड़हेरी ज़ेरि भोल्ही,

तेरी रोट्टरे मेज़ेरे च़ेवरे पासन तेरे बच्‍चे ज़ैतूनेरे बुट्टां केरे ज़ेरे भोल्हे।

9 तै बेऔलाद कौन्शी घरे मां खुशी मनाने बाली अम्मा बनाते।

यहोवारी तारीफ़ केरा!

28 ते परमेशरे तैन्न बरकत दित्ती; ते तैन सेइं ज़ोवं, "फुल्‍ला-फल्‍ला, ते धेरती पुड़ भेरोई गाथ, ते तैस अपने कैबू मां केरा; ते समुन्दरेरी मेछ़लन, ते कने अम्बरेरां च़ुड़ोलन, ते धेरती पुड़ रेंगनेबाले सब जीप जन्तून पुड़ अधिकार रखा।"

6 बच्‍चे तैस्से बत्तरी शिक्षा दे ज़ैस मां तैस च़लोरू लोड़े,

ते तै बुढे बारे मां भी तैस करां दूर न भोल्हो।

18 एल्हेरेलेइ तुस मेरे इना वचन अपने-अपने मन ते प्राणन मां धारण केरथ, ते निशानेरे रूपां मां अपने हथ्थन पुड़ बेन्धथ, ते तैना तुश्शी एछ़्छ़ी केरे मझ़ाटे टिकोवेंरू कम देन। 19 ते तुस घरे मां बिश्शोरे, बत्तां च़लते, लेटते-उठते इन केरि गलबात केरतां अपने बच्‍चन शिखैलथ।

21 हे बच्‍चन बालव, अपने बच्‍चन तंग न केरा, एरू न भोए कि तैन केरि हिम्मत न ट्लुटे।

17 अपने मट्ठे झ़िड़क दे, तैखन तैस सेइं तीं चैन मैल्हेलो;

ते तेरो मन सुखी भोइ गालो।

5 "गर्भे मां रच़ने करां पेइले अवं तीं ज़ानताईं, ते पैदा भोने करां पेइले मीं तू च़ुनो; मीं तू कौमां केरो नबी ठहराव।"✝

13 किजोकि तीं मेरे एंत्रीं अंग बनेवरेन*;

तीं अवं अम्मरे पेटे मां बनाव।

14 अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,

तेरां कम्मां त हैरान केरनेबालन,

ते अवं एन रोड़ेच़ारे ज़ानताईं।

15 मेरो ढांचो तीं करां छ़पोरो न थियो,*

ज़ैखन अवं खुफिया ठैरी बनेवरो थियो,

तैखन मेरी हेड्डी तीं करां छ़ेपोरी न थी।

2 तीं अपने दुशमनां केरे वजाई सेइं बच्‍चे ते दुद्ध पीते बच्‍चां केरे ज़िरिये अपनि तारीफ़ करावरीए,

ताके तू दुश्मन्न ते बदलो नेनेबालन रोकी सकस।✝

14 यीशुए ज़ोवं, "बच्‍चे मीं कां एजने देथ, तैन न ठाका, किजोकि सुर्गेरू राज़ एरां केरूए।"