Trabalhar para Deus
Trabalhar para Deus vai além do ofício secular. É dedicar a vida inteira — palavras, ações e atitudes — ao serviço do Reino, reconhecendo que cada tarefa pode glorificar o Senhor.
Servindo ao Senhor em tudo
Quando trabalhamos como para Deus, cada ação se torna um ato de adoração. Não importa a tarefa — o que importa é o coração dedicado.
Ye nakoozodi mɛsa men djas bi di esa ɛ, saka yɛ nɛ lyem wat dáa bot ɛ di esa mɛsa ɛ Ghɛŋ ɛ, ààbɛ nɛ mɛnwyaad dáa bot ɛ di esa mɛsa mɛ bot ɛ. Guka náá, Ghɛŋ ɛ́ waadjɛ bin efute, bi ɛ́ waabela ekum ee nyɛ nakwom étɛp bot bɛ ɛ. Etɛɛ náá, tɛtɛ kukuma bi di esa mɛsa mɛ ɔ, yɛ ɛ́ Ghɛŋ Klisto.
Saŋa náá, wɔ di piki é mis ɛ Zɛɛb, dáa mot-mɛsa di ààbɛ nɛ sen é ɛgoola Mbɛɛ Bhaadal etsɛɛtsɛ ɛnyɔɛpe ɛ.
Nàkɔɔka mɛnyel men, ye goka ɛ́ náá, é sok bi di egwak Mɛkpa ɛ Zɛɛb ɛ, bi goka ɛ́ nɛ ɛkɛ tyee mɛkpa mɛ tak di elɛɛ ɛ.
Tin, saaka náá, bi di tɔ egwyem, waka lyem tɔ etɛp bin met, saka mɛsa nɛ mɛmbɔ men met, dáa bis naloolyo bin ɛ. É di’enek, mɛfulu men é mis mɛ bot ɛ di ààdum koŋ nɛ Zɛɛb ɔ aasa náá, bɛ djɛ bin duu. Tin, bi aanàdi ɛbɛp, étɛp dhiiti mot.
Chamados para as boas obras
Fomos criados em Cristo Jesus para boas obras, que Deus preparou de antemão para que andássemos nelas. Não somos salvos por obras, mas para obras.
Menaka ɛ́ bot ɛ Zɛɛb nakus ɔ. Dáa ye di náá, nyɛ nakus mena ɛ́, étɛp mena neesa embɛɛ mɛsa mɛ bot ɛ di tɔ ɛgwakel nɛ Yezu Klisto di egoka nɛ ɛsa ɛ. Yɛ ɛ́ embɛɛ mɛsa mɛ Zɛɛb nalookoobal náá, mena aasa ɛ.
Tin, mena nɛ guka náá, mot ààdi mot epiki kɔ ɛsu ɛ ɛlooba etsi ɛ Moiiz, yɛ ɛ́ kɔ ɛsu ɛ ɛdum ɛ koŋ nɛ Yezu Klisto. Bisɔ pe, bis naadum koŋ nɛ Yezu Klisto, etɛɛ náá, bis needi bot ɛ epiki kɔ ɛsu ɛ ɛdum ɛ koŋ nɛ Yezu Klisto, ààkabɛ kɔ ɛsu ɛ etsi ɛ Moiiz. Deenek, mot aanàdi piki, etɛɛ náá, nyɛ eelooba nɛ etsi ɛ Moiiz.
Tin, Zɛɛb ɛ́ nɛ ghwyil ɛdjɛ bin membi mɛ mɛvu djas. Etɛɛ náá, mɛlu djas bi needi ààdi tɔ pwom sa wat, bi needi nɛ bɛtɛ esa djas bi di egoka nɛ ɛsa membi mɛ enɛm esa djas nɛ yɛ ɛ.
Bɔn-nyɛɛg bam mɛ di ekwyɛl ɔ, bi nadi elooba nɛ nam é sok mɛ nadi pak’en ɛ. Deenek, dáa mɛ kadi mos ààbɛ pak’en ɛ, gheeleloobaka nɛ nam dhaa dáa bi di boozezyɛ nɛ ɛsa, mam pak’en ɛ. Deenek, waka zii tɔ mɛsa, étɛp ɛlyaal náá, bi ɛ́ nɛ tsik, da bi ɛ́ lyaal náá, bi nɛ kaab Zɛɛb ɛbuɛpe. Etɛɛ náá, Zɛɛb nyɛy ɛmet ɛ di edjɛ bin ghwyil, étɛp bi neekwyɛl ɛkwosak ɛ lɛ nɛ ɛsa yɛ dáa nyɛ ɛmet di ekwyɛl ɛ.
Saka mɛsa djas, ààlɛka, ààwaya, étɛp bi needi ààliiaa nɛ yɛ ɛbiyoɛpe, bi needi bot ɛ epiki. Bi needi bɔn ɛ Zɛɛb, ààbɛ nɛ ndjɛ tɔ sama bɛmbee ɛ bot, bot ɛ ɛbiyo kɔ ɛko ɛ bɔs’ak. Deenek, bi goka ɛ́ nɛ ɛkas tɔ lɔɔ ɛ́, dáa ekwyikwyen tɔ gwoo, bi goka ɛ́ nɛ ɛgoola bɛ mɛkpa mɛ tsik. É di’enek, mɛ ɛ́ nɛ ghwyil ɛmyaala nɛ nen dwoo Klisto aabula ɛ, etɛɛ náá, mɛsa mam nɛ mezuk mam nabɛ ɛ́ ààbɛ yii toto.
A missão do cristão
O chamado a trabalhar para Deus inclui a Grande Comissão: fazer discípulos de todas as nações, cooperando com Ele na expansão do Reino.
Deenek, tɔ́ka pɛ daa bot ɛ membyak djas di kɔ ɛko ɛ bɔs ɔ, da bi ɛ́ kɛsa náá, bɔɔ djas liigel, da bɛ ɛ́ di bɛdjekel bam. Duuka bɛ Zɛɛb nɛ din ɛ Sɛɛg, nɛ Mɔn, nɛ Sisim na Dɛɛ.
Mot ɛ dum koŋ nɛ Zɛɛb, da nyɛ ɛ́ duwa Zɛɛb ɔɔ, mot tak ɛ́ waabela tsik. Mot ɛ pɛɛ ɛmyaal ɔɔ, nyɛ waabela ndjɛ tɔ epɛ́ɛ.
Deenek, bis ɛ́ bot ɛ mɛsa ɛ Zɛɛb, tin, biyɔ kadi ɛ́, pyeeb ɛ Zɛɛb.
Biyɔ pe ɛ́ baadi ndjaa-Zɛɛb.
Etɛɛ náá, menabɛlka djas ɛ́ waadika sok bhwoob ɛ Klisto, étɛp nyɛ neepɛ́ɛ mena. Tin, mot nɛ mot aabela yɛ efute dum nɛ embɛɛ mɛsa nɛghu embee mɛsa mɛ nyɛ nasa kɔ ɛko ɛ bɔs ɛ.