Trabalhar para Deus
Trabalhar para Deus vai além do ofício secular. É dedicar a vida inteira — palavras, ações e atitudes — ao serviço do Reino, reconhecendo que cada tarefa pode glorificar o Senhor.
Servindo ao Senhor em tudo
Quando trabalhamos como para Deus, cada ação se torna um ato de adoração. Não importa a tarefa — o que importa é o coração dedicado.
Ãndɔɔ mbueel m’esa byɛ, esa mɔ̃ ɔ̃kwal ngɔmɔ̃, nzal-a-ŋɛn byɛ esa mɔ̃ me ndɔɔ a Mfam, ke me ndɔɔ a baal wɛ. Eyɛɛ wɛn, byɛ ekieel ebɔɔ ɔ̃swal onge furu li ewa Mfam. Esa ɔ̃sal a Mfam wu Mãsia.
Sa mpɛn yi apal ke nkwel a Nziã onge mbuul wu ekiool ndɛ, onge ɔ̃sal wɛn k’akoo k’ayoo opfuru m’ɔ̃sal wu esi ndɛ wɛ. Kal ɔ̃sal wu atee Endɔɔ li otaa-taa m’emfa ki dzu.
Esa b’etam Endɔɔ e Nziã, ebee osɛn kɛn a m’oyoo o lɔ. Okɛɛn k’obobɔ wɛ, byɛ ãnzuru ã byam ebepfuru.
Onge b’elieel bee byɛ, esa mpɛn yi ekal onse opi, etal ãndɔɔ ã byam, esal me mviɔɔl ɛ̃ byam. M’emfa okyɛ, bɛn k’ayɛɛ Nziã wɛ awa byɛ dzuun, bvool byɛ k’ekal mpɛn me mbuul wɛ.
Chamados para as boas obras
Fomos criados em Cristo Jesus para boas obras, que Deus preparou de antemão para que andássemos nelas. Não somos salvos por obras, mas para obras.
Ke ngwel wɛ, wu ási bia-byɛ, eli Nziã. Ndɛ ábuo bia-byɛ onse Yeso-Mãsia kwɛn bia-byɛ esa ɛ̃sal mi ngesɛ, ɛ̃sal mi éfaal ndɛ wu Nziã ŋ’ɛ̃kwel-ɛ̃kwel, kwɛn bia-byɛ esa myɛ̃.
Kɛn a bia-byɛ eyɛɛ wɛn mbuul k’akoo k’akal dzu m’okiaal o Ngel a Moyize wɛ, eli kɛn a m’okiool me Yeso Mãsia. Obobɔ, bia-byɛ hɛ̃ elɔ okiool onse Yeso Mãsia me ndɔɔ yɛn Nziã asuul bia-byɛ dzu me nkuul a okiool me Mãsia, ke me ndɔɔ olweel o Ngel wɛ. Ke ngwel wɛ, mbuul si ngɔmɔ̃ k’akoo k’akal dzu m’okiaal o Ngel wɛ.
Nziã oli ye waan li aluul byɛ m’ondɔɔl o kuɔɔl b’emfa bwɛn emfa. Obobɔ, byɛ èbɔɔ kɛn obɔɔ bvieel bvi eli a byɛ y’ekɔɔ, byɛ bvool èbɔɔ bvi esa byɛ ndɔɔ yueel yi ngesɛ.
Ongal onge ambunda onse ɔ̃kiri
Obobɔ, andoo a dzii, onge b’ebelweel byɛ mɛ̃ tal lam lueel, ke kɛn a me lio li ndi mɛ̃ ye byɛ wɛ, ekal meba me lio lɛn mɛ̃ ke ndi ye byɛ wɛ, esuo lweel li enduru, esal me ndɔɔ obvuul o byɛ, ye bvɛ y’etiɔɔl. Ke ngwel wɛ, Nziã wu asal onse byɛ kwɛn byɛ ekal y’efwa bvool ekoo k’esa ãndɔɔ mã ngesɛ m’edzii ndɛ. Esa ãndɔɔ mbueel ɛ̃nduɔɔl pyɛ, ɛ̃tsuun hɛ̃ pyɛ. Obobɔ, byɛ eywɛn elyal bvool ekal ankinkyam, baan a Nziã b’aywɛn a ndɔɔ yi awa mbyel onse baal b’ámaadziɔɔn bvool b’abi-abi. Onse baal obɔ, byɛ ebekaan onge ambunda onse ɔ̃kiri, me ndɔɔ yɛn byɛ ebiri Endɔɔ li elaã. Oyɔ èkal ndɔɔ yi ekieel ebɔɔ mɛ̃ dzuun me tsoo li èya Mãsia, lɛn mɛ̃ k’étsuu ntiin yi ngwel wɛ, k’ési ɔ̃sal hɛ̃ wa ngwel wɛ.
A missão do cristão
O chamado a trabalhar para Deus inclui a Grande Comissão: fazer discípulos de todas as nações, cooperando com Ele na expansão do Reino.
Obobɔ, eyi, esa kwɛn onse ɛ̃kiri mvieel baal akal ayio a mɛ̃, ewa bɔ opongo me nkuũ a Taal, ye yi Muaan, ye yi Ɔ̃fel wu Ɔ̃nsensal.
Mbuul wu àkiool bvool àwal opongo, àkieel abvuul. Kɛn a wɛn k’àkiool wɛ akieel abɔɔ etumbu.
Ke ngwel wɛ, bee eli b’ebesal ye Nziã. Byɛ eli nguun a Nziã, byɛ hɛ̃ eli nzɔ a Nziã.
Ke ngwel wɛ, ebvaan bia-byɛ bueel eyetsuun ke mbal a Mãsia. M’emfa okyɛ, mbuul bwɛn a mbuul àbɔɔ ki ebvaan me ndɛ, m’emfa ki ési ndɛ ãndɔɔ m’omwiĩ o ndɛ me nsie: Ekal ãndɔɔ m’ãbvɛ, ekal m’ãbi.