8 ግዶሽን፥ አቤት ጎዳዉ፥ ኔኒ ኑ አዋ፤

ኑኒ ኡርቃ፤ ነ ኡርቃ መዳሳ፤

ኑኒ ኡባይ ነ ኩሸን መትዳ።

1 ጎዳፐ ኤርምያሳኮ ይዳ ቃላይ ሀይሳ፦ 2 "ደንዳዳ ኡርቃ መያ አድያ ሶ ባ። ያን ታ ነና ታ ቃላ ስሳና" ያግስ። 3 ታኒ ዱገ ኡርቃ መያ አድያ ሶ ባዳ፥ እ ባ ገርቱዋ ቦላ ኡርቃ መሽን በአስ። 4 እ መሽን፥ ሄ ሚሸይ እያ ኩሸን ኢትስ። እ ሄ ኡርቃ ዛሪድ ሙኑቅድ፥ ባና ሎእያ ሀራ ሚሸ ከስድ መስ።

5 ሄ ዎደ ጎዳ ቃላይ፥ ሀይሳዳ ያግሸ ታኮ ይስ፦ 6 "እስራኤለ አሳዉ፥ ኡርቃ መያ አደይ ኦይሳዳ ታ ህንተና ኦናዉ ዳንዳእክና? እስራኤለ አሳዉ፥ ኡርቃይ ባና መይሳ ኩሸን ደኤይሳዳ፥ ህንተካ ታ ኩሸን ደኤታ።

20 ሽን ታ እሻዉ፥ ፆሳራ ፓላማናዉ ኔኒ ኦኔ? ኡርቃፈ መትዳ ሚሸይ ባና መዳይሳ፥ "ታና ሀይሳዳ ኦዳ አይስ መዲ?"✝ ግድ ኦይቻናዉ ዳንዳኢ? 21 ዎይኮ ኡርቃ መይስ እስ ኡርቃፈ እሱዋ ቦንቾ ሚሸ፥ ሀንኩዋ ቃስ ቶሸ ሚሸ ኦድ መናዉ ማት ባዌ?

9 ባና መዳይሳራ ፓላምያ ኡራ አየ!

እ ሳአን መቅድ ዎዳ

ኦቶፐ እሱዋ መላ።

ኦቶይ ባና መይሳኮ፥

ኔኒ፥ "አይ ኦይ?"

"ነዉ ኩሸይ ባዋ" ያግዬ?✝

16 ህንተ ኡባባ ሽር የጌታ። ኦቶ መይስ ኡርቃ መላ ግድ ቆፔታ! መትዳይስ መዳይሳ፥ "እ ታና መቤና" ግዬ? ኦቶይ ባና መዳይሳ፥ "እ አይኮካ ኤረና" ጋናዉ ዳንዳኢ?✝

20 እስ ግታ ኬን ዎርቃፈ ዎይኮ ብራፐ ኦሰትዳ ሚሸታ ፃላላ ግዶናሽን፥ ምፈ ዎይኮ ኡርቃፈ ኦሰትዳ ሚሸትካ ደኦሶና። ሄሳታፐ ባጋት ቦንቾ ኦሶስ፥ ቃስ ባጋት ቶሸትያ ኦሶስ ፔኦሶና። 21 ሄሳ ግሾ፥ ኦንካ ኢታ ኡባ አግኮነ ባና ጌሽኮ፥ ቦንቾ ኦሶ ኦያ ሚሸ ግዳና። ኤንታ ደኦይ ጌሽነ ጎዳ ኡፋይስያባ፥ ቃስ ኤንቲ ሎኦ ኦሶ ኡባ ኦናዉ ዳንዳኤይሳታ ግዳና።

7 ሽን ኡባፈ አያ ዎልቃይ ኑባ ግዶናሽን፥ ፆሳባ ግደይሳ በሳናዉ ሀ ቦንቾ ሻሎይ መቃ ሚሸ* ግድዳ ኑ አሳተን ደኤስ።

2 ካሰ አልኦ ዎርቃ መላ ቦንቸትዳ ፅዮነ ናይት

ሀእ ቢታፈ መትዳ ኦቶ ግድዶሶና።

8 ታና ነ ኩሸይ ጊግስድ መስ፤

ሽን ሀእ ሄ ኩሸይ ስሚድ ታና መንስ።

9 ኔኒ ታና ቢታፈ መዳይሳ ሀሳያ

ያትን፥ ሀእ ታና ዛራዳ ባና ኦናዉ ኮያይ?

23 ዎዛናን ኢታባይ ደእሽን፥

ባ እንፃርሳን ጭሞ ቃላ ሃሳያ አስ

ብራን ላንፀትዳ ኡርቃ ሚሸ መላ።

34 ህንተኖ፥ ሄንንቾቶ፥ ዬክተነ ዋስተ። ህንተኖ፥ ዉድያ ካለይሳቶ፥ ብዶን ጎንዶረትተ። ህንተ ሹከትያ ዎደይ ጋክስ፤ ህንተ ኩንዳናነ ሎኦ ኡርቃ ሚሻዳ መቀረታና።