10 versículos sobre esperança em tempos difíceis

Nguluwi ka hamwe na hetwe

1 Nguluwi ndo honhu ha hetwe ha kubilimila na mong’ho wa hetwe,

heye ndo utanzi wa hetwe mazuwa gose mhela wa magazo.

13 Lelo, Nguluwi nayali chaluko cha kitumbila, yakumemezeni usangalalo weng’ha na kikala goya kwa makundo ga hemwe, kitumbila kwa hemwe konjezeche kwa mong’ho wa Muhe Yelile.

10 Lelo, mleche kudumba, kwa vila nda hamwe na hemwe.

Mleche kukabuswa, kwa vila heni nda Nguluwi wa hemwe.

Ndowadita muwe nzinzili na kuwatanza,

ndowamila na moko wa heni utanganiche.

28 Muye kwa heni hemwe mweng’ha muwele kugaya na kupapa itunyo, na ndowapa honhu ha kwesela.

17 Magazo galingutufika ndo mado kahi ndo kwa mhela uchefu hela, ila gotugalila ukulu wa mazuwa gose, ukulu ulihela kuduma. 18 Ahyo twanguulolela goya, haviwele vinhu vilingoneka, ila havilingoneka. Kwa vila vilingoneka ndo vya mhela uchefu hela, ila havilingoneka ndo vya mazuwa gose.

17 Watanganiche howomlilila Mkulu Nguluwi, heye kanguwahulika,

na kuwalohola kulawa kuli magazo ga hewo geng’ha.

18 Mkulu Nguluwi ka habehi na hewo watweguche nhumbula,

kanguwalohola weng’ha wagozole ng’hatu.

23 Tibatilile ng’hatu ne kutigasika kitumbila kwa hetwe kotulonjile kwa mlomo, mina Nguluwi yaditile ilagano lya heye ndo wakitumbila.

7 Mumuwichile nongwa za hemwe zeng’ha, mina heye kanguwamila.

6 Mleche kuwa na lunhwinhwi kwa chinhu choneche chila, ila kwa chila mbuli mumlande Nguluwi kwa chiwalo cha vinhu vyomlingugana, mumlande kwa kulonga malumbo Nguluwi. 7 Na ako kikala goya kulingulawa kwa Nguluwi kuwele kukulu kusinda nyhala za wanhu, kokwamila goya nhumbula za hemwe na nyhala za hemwe kuli kilumba na Yesu Kilistu.