A volta de Jesus
A volta de Jesus é uma das maiores promessas da Bíblia. Cristo prometeu que retornará em glória, e os cristãos vivem na expectativa desse dia triunfante.
A promessa do retorno
Jesus prometeu aos discípulos que voltaria. Os anjos confirmaram essa promessa na ascensão, e os apóstolos ensinaram que Ele virá com poder.
Mu njivo ya Tate muakala milili yaingi, nga keti mukemo, nga njamileke nguange njiya nakumivuahesela cihela ndi? Honi nga njiya nakumivuahesela cihela, njikeja naua nakumiambata yange vavenia, linga kuje kunjakala neni mukakaleko.
Omo uamanusuile kuhandeka eci, vamujunduile naku mutuala muilu tele oku vamutalelela, lishelua liamuambatele kaha kuvamumuene naua.
Tele vali nakutalelela muilu oku alinakuya, taleni hajevene vamala vavali vaje vazalele via kutoka vemanene kuli vakevo. Vehuile nguavo, "Vamala vaku Ngalileya, nkuma vika munemanena oku muatala muilu? Ou Yesu, uje ivanambata kuli yeni nakumutuala muilu, akeja naua mucifua cimo ngue muje muamumuene aya muilu."
Uje ahana vukaleho viuma evi nguendi, "Muavusunga vene njilinakuija vuavuno."
Ameni. Ija, Muene Yesu!
"Taleni! Njili nakuija vuavuno, mukuneha vuana vuange mukufueta muntu na muntu ngue kuya kuvipangi viendi vianalingi.
Os sinais e o momento
Ninguém sabe o dia nem a hora. Jesus alertou sobre falsos sinais e nos chamou à vigilância constante, pois Ele virá como ladrão na noite.
"Vuno honi litangua lije cipue ntsimbu, naumo uahi avizivuka, cipue vene tungelo va muilu, cipue Muana, vuno honi kuvanga lika Tate. Ngue mucafuile ku matangua a Noua, mukemo vene mucikafua hakuija ca Muna Muntu. Muomu ngue mu matangua aje tele livazi kanda lije vantu vakele nakulia na kunua, vambatele na kushombuesa, kutuala na ha litangua lije Noua uakovelele mu vuato, kaha kuvazivukile kuvanga noho livazi liezile nakuvanongesa voshe, omu mukemo mu cikafua nahakuija ca Muna Mutu.
"Vuno honi naumo uahi azivuka litangua cipue ntsimbu, cipue vene tungelo va muilu, cipue Muana, vuno honi Tate lika.
Vamuanetu, kutuapandele kumisonekela ha vintsimbu na miaka omo viuma evi vikalingiua. Muomu yeni vavenia muazivuka ngueni Litangua lia Muene likeja ngue muje muizi akeji vutsiki. Omo vantu vahandeka nguavo, "Viuma vioshe vili muacili nakuholoka kuluu," ambahoni hajevene kunonga kukavauana! Hajevene cikeja ngue mushongo ua mpuevo atonda kusema, kaha vantu kuvakasa kuteua.
Zangameni muomu kumukazivuka litangua lije Muene yeni akeja. Vuno honi zivukeni eci, nga liavenia njivo akazivuka ntsimbu muka ya vutsiki muizi akeja, kaha nga akavandamena, nakumona nguendi njivo yendi keti vaituve. Nankuma neni naua munapande kulivuahesela, muomu Muna Muntu akeja ha ntsimbu ije kumuzivuka."
Honi kuya ha kuija ca Muene uetu Yesu Kilistu na ha kukunguluka cetu linga tukale hamolika nendi, njimilomba vamuanetu nguange, keti mukale na citanga mu vuasi mu visinganieka vieni cipue cishoti ku mutima ngueni Litangua lia Muene linahete. Hamo vasinganieka ngeci tuahandekele eci omo tuambuluile vunanguizi cipue omo tuambuluile lizi, omo tuasonekele evi mu mukanda. Keti mutave umo amikuise mu ngila yeka naua houe. Muomu litangua lije kulikeja ngoco kuvanga noho kulitengulukila kua mamanusuilo kuneja na uje yala uakuhonoua kuononoka lishiko nasholoka, uje ivahanguilile kuya ku ngehena. Kaha ikeye akaluisa viuma vioshe vije vivahandeka nguavo vanjambi na cuma nkala civalemesa, akalihaka helu lia vioshe. Kaha naua akakovela nakutumama mu Njivo ya Njambi nakulitumbula ikeye vavenia nguendi Njambi.
A glória da segunda vinda
Cristo voltará nas nuvens, com poder e grande glória. Os mortos em Cristo ressuscitarão, e os vivos serão arrebatados para encontrá-lo nos ares.
Kukakala mutambi ua lizi liakama liakushika, lizi lia kangelo uakama, nakuohia ca tolombita ya Njambi, kaha Muene ikeye vavenia akashuluka kuhuma muilu. Kaha vaje vatsile mukutsiliela kuli Kilistu vaka sangukila ku muono ha kulivanga, ambahoni yetu vaje tucilinakuyoya ha ntsimbu ije vakatukunguluila hamo navo mu mashelua nakuliuana na Muene havukambuila. Kaha tukakala hamo na Muene ntsimbu yoshe ya yaye.
"Vuno honi ha matangua aje hanima ya tuyando, litangua likazivala, kaha ngonde kuikatu ceke, na vintanga ntanga vikaua kuhuma muilu, na lilu likaninganga. Kaha vakamona Muna Muntu eja mu mashelua, na nzili yakama na vumpau. Ambahoni akatuma tungelo vendi nakukungulula vantu vendi vaje vahanguile mu vimbango viuana, kuhuma ku mamanusuilo a mavu nakumamanusuilo a melu.
"Omo Muna Muntu akeja mu vumpau vuendi, hamo na tungelo vendi voshe, kaha akatumama halitanda liendi lia vumpau. Kuli ikeye miyati yoshe ya vantu ikalikungulula, kaha akavatepesa umo ku mukuavo ngue kaniungi muakatepesa vampanga ku vampembe, Kaha akahaka vampanga ku livoko liendi lia cilio, vuno honi vampembe ku livoko liendi lia cimoshue.
Ambahoni njamuene lilu lia shokoloka, kaha taleni hajevene halutue luange kuakele kavalu uakutoka, kaha uje ualondeleho vamutumbuile nguavo Uakulongua na Vusunga, kusompa cendi na kulua cendi ca ciyulo. Mesho endi apua ngue mulengi uatuhia, kaha ha mutue uendi nazala vilongo viavingi, kaha ali lizina lia kusoneka lije kuvazivuka voshe kuvanga lika ikeye vavenia. Nazala vuzalo via kumbuitika mu maninga, kaha na lizina livamusana nalio linapu Lizi lia Njambi. Masualale va muilu vaje valondele ha tuvalu vakutoka, vazalele mu liniu lia kutoka too vamukavele. Mukanua kendi kuahumine mukuale ua kuvambuka ukeuo uakanongesa nauo mafuti. Kaha aka vayula na mbueti ya cikuvo, akakamuna viniu mu cikamuino ca viniu ca kuniengua ca vutenu vua Njambi muka Nzili yoshe. Ha cizalo cendi na ha ntumba yendi hakala lizina ngualio, "Shukulu ua vashukulu na Muene ua vimiene."
Nga muntu anjuvuila shuamua na vilongesa viange, kaha Muna Muntu naua nendi akamuvuila shuamua omo akeja mu vumpau vuendi na mu vumpau vua Ishe na mu vumpau vua tungelo vakulela.
Vivendo na expectativa
A certeza do retorno de Cristo nos chama a viver em santidade, aguardando novos céus e nova terra onde habita a justiça.
Vuno honi vamuanetu keti muecele vusunga vumo, ngeci kuli Muene litangua limo liapua miaka likulukazi, kaha miaka likulukazi yapua ngue litangua limo kuli Muene. Muene kekusimbula ha cikulaheso cendi ngue vamo mu vaka singaniekelamo, vuno honi uapua ua kusimpa hali yeni kekutonda cipue umo linga akanonge, vuno honi akatondo voshe vatenguluke.
Vuno honi litangua lia Muene likeja ngue muizi, ambahoni melu a kahita na cililimo cakama, kaha na viuma via muilu vioshe vika sangunuka na tuhia, kaha mavu na vipangi viliho vaka viuemeka.
Muomu viuma vioshe evi vika sangunuka, nkuma mukapua vantu va cifua muka? Munapande kuyoya vuyoye vua kulela na vunjambi, kuvandamena na kuzambuisa kuija ca litangua lia Njambi, muomu melu a kanonga na kusangunuka, na viuma vioshe vika sangunuka na tuhia! Vuno honi kuya ha cikulaheso cendi tuli nakuvandamena melu a maha na mavu a maha muje vusunga mukemo muvuakala.
Kaha ngue muje muvanacihanguila ha vantu kutsa lumo, kaha kuhuma haje kuija cisompelo, mungila imo vene Kilistu ha kumuhana kupua nkombelo lumo mukuambata vipi via vavengi, akasholoka naua lua mucivali, keti kuija nakuhumisa vipi houe, vuno honi mukuovola vaje vanamuvandamena.