2 ಮಾರಾ ಬಾನಾ ಘರಮಾ ಘನ್ನಾ ಖೊಲಿಯೊ ಛೆ. ತೆ ನೈ ರ‍್ಹಯಲ ರ‍್ಹವತ್ತೊ, ಮಿ ಗೈನ ತ್ಯಾ ಜ಼ಗಾ ತಯ್ಯಾರ ಕರುಸ ಕೈನ ಕತೊ ನ್ಹೊತೊ. 3 ಮಿ ಗೈನ ತುಮಾರಾ ಹುತಿ ಜ಼ಗಾ ತಯ್ಯಾರ ಕರಲ್ಪರ ವರಿ ಐನ ತುಮೊನೆ ಮಾರಾ ಕ್ಹಾತೆ ಬಲೈಲಿನ ಜೌ಼ಸ. ಇಮ್ಮ ಮಿ ರ‍್ಹಯಲ ಜ಼ಗಾ ತುಮೆ ರ‍್ಹವೊಶಿ.

9 ಯೆಸು ಎ ಸಂಗತಿಯೊ ಅಪೊಸ್ತಲೊನೆ ಕದಲ್ಪರ ಅಪೊಸ್ತಲೊ ದೆಕ್ತಾ ರ‍್ಹತಾಮಾಜ಼ ಹಬಾಳ ಪರ ಯೆಸುನೆ ಉಚೈ ಲಿದ್ಯಾ. ಮ್ಹಾಡ ತಿನೆ ಜಾ಼ಕಿಪಾಡಲ ಹುತಿ ತ್ಯುನೆ ತಿನೆ ದೆಕ್ಯಾ ನೈ. 10 ಯೆಸು ಜಾ಼ತಾಮಾ ಅಪೊಸ್ತಲೊ ಹಬಾಳನೆಜ಼ ದೆಕ್ತಾ ಹುಬ್ರಯಾತಾ. ತೆಳಾಮಾ, ಧೊಳಾ ವಣ್ಣಾ ಘಾಲ್ಲಿದಲ ಬೆ ಜ಼ನಾ ದಾಣ್ಗಾ ತ್ಯುನಾಕ್ಹು ತ್ಯುನೆ ತಿನಾ ಬಾಜು಼ಮಾ ಹುಬ್ರೈನ,

11 "ಗಲಿಲಾಯವಾಲಾ ಕಾ ಹಬಾಳನೆಜ಼ ದೆಕ್ತಾ ಹುಬ್ರಯಾಸ? ಯೆಸು ತುಮಾರಾ ಡೊಳಾವೊನಾ ಕ್ಹಾಮೊ ಸ್ವರ್ಗನೆ ಕಿಮ್ಮ ಗಯೊ ತಿನಾ ನಿಂಗತಜ಼ ವಾಪಸ ಆವಸ" ಕೈನ ಕದ್ಯಾ.

20 ಎ ಕ್ಹಾರುಜ಼ ಕ್ಹರಿ ವ್ಹೈ ಕೈ ಕವಾಲೊ ಯೆಸುಜ಼ ವ್ಹೈ"

ಹೊ "ಮಿ ಭೆಗಿನಜ಼ ಔಸ" ಕೈನ ಕವಸ. ಆಮೆನ! ಪ್ರಭು ಯೆಸು, ಆ!

12 ‘ಐಕ ಮಿ ಭೆಗಿನೆಜ಼ ಔಸ! ಮಾರಾ ಕ್ಹಾತೆ ಪ್ರತಿ ಫಲ ಲೌಸ. ಹರಿ ಯಕ್ಕ ಮನಕ್ಹನೆ ತ್ಯುನೆ ಕರಲ ಕಾಮೊನಾ ತಕ್ಕ ಪ್ರತಿಫಲ ದ್ಯುಸ.

36 ತೆನೈಸೊ ತೆ ದಿನೊ ವರಿ ತೆ ಟೈಮನಾಹುತಿ, ಮಾರಾ ಬಾನೆ ಯಕ್ಕಜ಼ ಗ್ವತ್ತ ಛೆ ಬಿಜಾ಼ ಕಿನೆಜ಼ ಗ್ವತ್ತ ನತ್ತಿ. ಪರಲೊಕಮಾ ರ‍್ಹಯಲ ದುತೊನೆಬಿ ಗ್ವತ್ತ ನತ್ತಿ, ದಿಕ್ರಾನೆಬಿ ಗ್ವತ್ತ ನತ್ತಿ. 37 ನೊಹಾನಾ ದಿನೊ ಕಿಮ್ಮ ವ್ಹತಾ ತಿನಾನಿಂಗತಜ಼ ಮನಕ್ಹನೊ ದಿಕ್ರೊ ಆವಾನಾ ಟೈಮಮಾ ರ‍್ಹವಸ. 38 ಕಿಮ್ಮ ಕದ್ಯಾಮ ಜಲಪ್ರಳಯತಿ ಪೈಲಾನಾ ದಿನೊಮಾ ನೊಹಾ ಹಡಗಮಾ ಗಯಲ ದಿನ್ನ ಲಕ್ಕಾ ಮನಕ್ಹೊ ಪಿತಾ ಖಾತಾ, ಹಿವಾ ಕರಿಲೆತಾ, ಹಿವಾ ಕರ್ತಾ ವ್ಹತಾ.

39 ಪ್ರಳಯನು ಪಾನಿ ಐನ ಕ್ಹಾರಾವೊನೆ ಕಿತ್ತೈ ಲಿನ ಜಾ಼ಯೆ ಲಕ್ಕಾ ತ್ಯುನೊನೆ ಸುಜ಼ ಗ್ವತ್ತ ನೈಸೊ ವ್ಹತಾತೊ. ತಿನಾನಿಂಗತಜ಼ ಮನಕ್ಹನೊ ದಿಕ್ರೊ ಆವಾನಾ ದಿನೊಮಾ ರ‍್ಹವಸ.

32 ತೆ ದಿನೊನಾ ಹುತಿ ವರಿ ತೆ ಟೈಮನಾ ಹುತಿ ಕೆಳಾಮಾ ಆವಸ ಕೈನ ಸ್ವರ್ಗಲೊಕಮಾ ರ‍್ಹಯಲ ದುತೊನೆಬಿ ಗೊತ್ತನತ್ತಿ ದಿಕ್ರಾನೆಬಿ ಗೊತ್ತನತ್ತಿ ಮಾರಾ ಬಾನೆ ಯಕ್ಕಜ಼ ಗ್ವತ್ತ ಛೆ.

1 ಭಾಯೊ ಭೆನೊ, ಹಮ್ನಾ ಎ ಕೆಳಾಮಾ ಥಾವಸ ಕೈನ ಹಮೆ ದಿನ್ನ ವರಿ ವಕ್ಹತನಾ ಹುತಿ ಬರದಾನೆ ಜ಼ರುರತ ನತ್ತಿ. 2 ಕಾಕದ್ಯಾಮ ಪ್ರಭು ಕ್ಹಾಮೊ ಆವಾನೊ ದಿನ್ನ ರಾತೆ ಚ್ವಟ್ಟೊ ಆಯಲ ನಿಂಗತ ಯಕ್ಕಜ಼ ದುಮ ಆವಸ ಕವಾನು ತುಮೊನೆ ಚೊ಼ಕಿ ತರಾ ಗ್ವತ್ತ ಥಯುಸ. 3 "ಕ್ಹಾರುಜ಼ ಶಾಂತಿ ಸಮಾದಾನೆ ಛೆ ಕವಾನಾ ಮನಕ್ಹೊ ತಿಳ್ದಿಲಿವಾನಾ ಟೈಮ್ಮಾಜ಼ ಹಾಳ ಥಾವಾನು ಯಕಾಕಿಜ಼ ಥಾವಸ. ತೆ ಮನಕ್ಹೊ ಚುಕೈಲಿವಾನೆ ಥಾತು ನೈ.

42 ಇಮ್ಮ ರ‍್ಹತಾಮಾ ಕರ್ತಾ ಆವಾನೊ ದಿನ್ನ ನೈ ಗ್ವತ್ತ ರ‍್ಹಯಲಕ್ಹು ಹುಶಾರಮಾ ರ‍್ಹವೊ. 43 ಚ಼್ವಟ್ಟೊ ಕೆಳಾಮಾ ಆವಸ ಕವಾನು ಗ್ವತ್ತ ರ‍್ಹವತ್ತೊ ತೆ ತಿನಾ ಘರಮಾ ಚೊ಼ರಿ ಕರಾನೆ ಆವಾಲಾನೆ ಕೈತ್ತೊ ರ‍್ಹತೊತೊ ಕೈನ ತಿಳ್ದಿಲಿವೊ.

44 ತಿನಾಹುತಿ ತುಮೆಬಿ ತಯ್ಯಾರ ರ‍್ಹವೊ; ತುಮೆ ವಿಚಾರಬಿ ಕರಲ ರ‍್ಹತಾ ನೈ ತೆವಾ ಟೈಮಮಾ ಮನಕ್ಹೊನೊ ದಿಕ್ರೊ ಆವಸ.

1 ಮಾರಾ ಭಾಯೊ ಭೆನೊ, ಯೆಸು ಕ್ರಿಸ್ತ ಆವಾನಾ ಹುತಿ ತುಮೊನೆ ದಕ್ಹಿಯೊ ವಾತೊ ಕವಾನು ಛೆ. ಅಪೆ ಕ್ಹಾರಾ ಮಳಿನ ತಿನೆ ಮಳಾನು ದಿನ್ನಾ ಹುತಿ ತುಮಾರಾ ಕ್ಹಾತೆ ಕವಾನೆ ಆಸ ಛೆ. 2 ಪ್ರಭುನೊ ದಿನ್ನ ಯಕ್ಲಾಮಾಜ಼ ಐಜ಼ ಪಡ್ಯುಸ ಕೈನ ಕುನಬಿ ತುಮೊನೆ ಕದ್ಯಾಮ ತೆಳಾಮಾಜ಼ ಕಳವಳ ಥಾವೊನಕೊ ಕುನಬಿ ತಿನಾ ಪ್ರವಾದನೆಮಾ ರ‍್ಹೈನೆಕಾ ಉಪದೆಶಮಾ ರ‍್ಹೈನೆಕಾ ತಿಮ ಕವಾನು ಸಾದ್ಯ ಛೆ. ಕುನಬಿ ಸುಳ್ಳ ಪತ್ರ ಹಮಾರಾ ನಾಮಪರ ತೆಜ಼ ಬರ್ದಿನ ತುಮಾರಾ ಕ್ಹಾಮೊ ಒದಿನ ತಿಳಸಾನೆ ಸಾದ್ಯ ಛೆ.

3 ಕುನ ಕೈ ತರಾಮಾ ತುಮೊನೆ ಮೊಸ ಕರಾನೆ ಮೌಕೊ ದಿವೊ ನಕೊ ಲಾಸ್ಟಾಮಾ ವೈರಿ ಆಯೆಲಕ್ಕಾ ವರಿ ವಿರೊದ ಉಟೆಲಕ್ಕಾ ಪ್ರಭುನೊ ದಿನ್ನ ಆತೊ ನೈ. 4 ಕ್ಹುದಾ ಕೈನ ಕವೈಲಿವಾನು ಸುಜ಼ ರ‍್ಹೈನೆಕಾ, ಮನಕ್ಹೊ ಪುಜಾ ಕರಾನು ಸುಬಿ ರ‍್ಹೈನೆಕಾ ವಿರೊಧಿ ರ‍್ಹಯಲವಾಲೊ ವಿರೊದ ಕರಿನ, ತ್ಯುನೊತಿಬಿ ತಿನಾಕ್ಹು ತೆ ಹೆಚ್ಕಿ಼ ಕವೈಲಿನ ಕ್ಹುದಾನಿ ಸನ್ನಿದಿಮಾ ಗೈನ ಬೈಟಿನ ತೆಜ಼ ಕ್ಹುದಾ ವ್ಹೈ ಕೈನ ಕವೈಲಿವಸ.

16 ಕ್ಹುದಾ ಸ್ವರಗತೊ ಉತ್ರಿನ ಆವಸ. ಖಾಸ ದೆವದುತ ಕ್ಹುದಾನಿ ತುತ್ತುರಿನಾ ಕ್ಹಾತೆ ಆಗನ್ಯಾ ಕರಸ. ತೆಳಾಮಾಜ಼ ಕ್ರಿಸ್ತಮಾ ರ‍್ಹೈನ ಮರಲವಾಲಾ ಪೈಲಾ ಉಟಿನ ಆವಸ. 17 ಪಾಚಾ಼ತಾ, ಜಿವ್ತಾ ರ‍್ಹಯಲವಾಲಾ ಅಪೆ ಮರಲ ವಾಲಾವೊನಾ ಕ್ಹಾತೆ ಯಕ್ಕ ಥೈನ ರ‍್ಹಯೆಸ. ಪ್ರಭುನೆ ಮ್ಹಾಡಮಾ ತಿನಾ ಕ್ಹಾಮಾ ರ‍್ಹವಾನೆ ಅಪೊನೆ ಮೆಘಮಾ ಉಚೈಲಿಂಜಾ಼ವಸ. ಇಮ್ಮ ಅಪೆ ಹಮೆಶಾಬಿ ಪ್ರಭುನಾ ಕ್ಹಾತೆ ರ‍್ಹಯೆಸ.

24 ಎನೈಸೊ ಸಂಕಟನಾ ದಿನೊ ಥಯಲ್ಪರ

ಸುರ್ಯೊ ಕಾಳೊ ಥೈಝಾವಸ;

ಚ಼ಂದಪ್ಪಾ ಉಜಾಲು ದಿದ್ಯಾವಾಚಿ ರ‍್ಹಸ.

25 ಚಿಕ್ಕಿಯೊ ಹಬಾಳಮಾತಿಯೊ ಪಡಸ;

ಹಬಾಳಮಾ ರ‍್ಹಯಲ ಶಕ್ತಿಯೊ ಹಲ್ಲಸ ;

26 ತೆಳಾಮಾ ಮನಕ್ಹನೊ ದಿಕ್ರೊ ಘನ್ನಿ ತಾಕತಕ್ಹು ಘನ್ನಿ ಮಹಿಮಾಕ್ಹು ಹಬಾಳಮಾತೊ ಆವಾನು ದಿಕ್ಹಸ. 27 ವರಿ ತೆ ತಿನಾ ದುತೊನೆ ಜಿಮಿನ್ಪರ ಕ್ಹಾರಿಬಗಲ ಮೊಕ್ಲಿನ ತೆ ಇನಿಲಿದಲ ವಾಲಾವೊನೆ ಮಳೈನಿ ವರಿ ಸ್ವರ್ಗಮಾ ರ‍್ಹಯಲ ವಾಲಾವೊನೆ ಮಳಾವಸ.

31 " ಎನೈಸೊ ಮನಕ್ಹನೊ ದಿಕ್ರೊ ತಿನಿ ಮಹಿಮಾನಾ ಕ್ಹಾರಾ ದುತೊನಾ ಕ್ಹಾತೆ ಆತಾಮಾ ತಿನಿ ಮಹಿಮಾನಿ ಸಿಂಹಿಸನ್ಪರ ಬೈಟಸ, 32 ತೆಳಾಮಾ ಕ್ಹಾರಾ ದೆಶನಾ ಮನಕ್ಹೊ ತಿನಾ ಕ್ಹಾಮಾ ಮಳಸ. ಬಕ್ರಾ ಬಕ್ರಿಯೊ ಜು಼ದಾ ಕರಲನಿಂಗತ ತೆ ತ್ಯುನೊನೆ ಜು಼ದಾ ಕರಸ. 33 ಬಕ್ರಾವೊನೆ ತಿನಾ ಶಿದಾ ಬಗಲ ಬಕ್ರಿಯೊನೆ ಡಾವಾ ಬಗಲ ಹುಬ್ರಾಡಸ.

11 ಪಾಚ಼ಲ್ತೊ ಸ್ವರ್ಗ ಖುಲ್ಲಾಥಾವಾನು ಮಿ ದೆಕ್ಯೊ. ಮಾರಾ ಕ್ಹಾಮೊ ಯಕ್ಕ ಧೊಳೊ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನು ನಮ ಬರೊಕ್ಹಾವಾಲೊ ವರಿ ಕ್ಹರಿನೊ ವ್ಹೈ. ತಿನಾ ಫೈಸ್ಲಾಮಾ ವರಿ ಯುದ್ದಮಾ ಕ್ಹರಿಕ್ಹು ಫೈಸಲೊ ರ‍್ಹವಸ. 12 ತಿನಾ ಡೊಳಾ ಆಗ್ನಿ ಕಂಡಾನಿಂಗತ ವ್ಹತ್ತಾ. ತಿನಾ ಮಾತಾಪರ ಘನ್ನಾ ಕಿರಿಟೊ ವ್ಹತ್ತಾ. ತಿಪರ ಯಕ್ಕ ನಾಮ ಬರ್ದಲ ವ್ಹತ್ತು, ತೆನೈಸೊ ತೆ ನಾಮನೊ ಮತ್ಲಬ ತಿನೆ ಯಕ್ಕಜ಼ ವ್ಹರತಾಗಿ ಬಿಜಾ಼ ಕಿನೆಜ಼಼ ಗ್ವತ್ತ ನಹೊತು. 13 ತೆ ರಗತಮಾ ಭರಿಗಯಲ ಮ್ಹೊಟು ಅಂಗ್ಡು ಘಾಲ್ಲಿದ್ಯೊತೊ. ತಿನು ನಾಮ "ಕ್ಹುದಾನಿ ವಾಕ್ಯಾ ವ್ಹೈ" 14 ಸ್ವರ್ಗಮಾ ರ‍್ಹಯಲ ಸೈನಿಕೊ ಧೊಳಾ ಘೊಡಾವೊಪರ ಬೈಟಿನ ತಿನಾ ಪಾಚಾ಼ ಆವಡ್ಯಾತಾ. ತ್ಯುನೆ ಧೊಳಾ ವರಿ ನರಮ ರ‍್ಹಯಲ ವಣ್ಣಾ ಘಾಲ್ಲಿದ್ಯಾತಾ. 15 ಘೊಡಾಪರ ಬೈಟಲವಾಲಾನಾ ಮ್ಹೊಡಾಮಾ ಧಾರ ರ‍್ಹಯಲ ಯಕ್ಕ ತಲ್ವಾರ ಭಾರಿ ಆವಾಡಿತಿ. ತೆ ಲ್ಹೊಡಾನಿ ಬಾರ ಕ್ಹು ಜನಾಂಗೊನೆ ಆಳಸ. ತೆ ಕ್ಹಾರಾವೊತಿ ತಾಕತವರ ಥಯಲ ಕ್ಹುದಾನಿ ಶಿಟ್ಟ ದ್ರಾಕ್ಕಷಿಯೊನೆ ಚಿಕ್ಕಲಲ ನಿಂಗತ ಚಿಕ್ಕಲಿ ಪಾಡಸ. 16 ತಿನಾ ಮ್ಹಟಾ ಅಂಗ್ಡಾಪರ "ರಾಜಾ಼ವೊನೊ ರಾಜ಼ೊ ವರಿ ಪ್ರಭುವೊನೊ ಪ್ರಭು" ಕೈನ ಬರ್ದಲ ರ‍್ಹೈ.

26 ಕಯೊಬಿ ಮಕ್ಹು ವರಿ ಮಾರಿಯೊ ವಾತೊಕ್ಹು ಸರಮಾವಸ ಮಿ ಮಹಿಮಾನಾ ಕ್ಹಾತೆ ಬಾ ನಿ ಮಹಿಮಾನಾ ಕ್ಹಾತೆ ವರಿ ಸ್ವರಗನಾ ಪರಿಶುದ್ಧ ದುತೊನಾ ಮಹಿಮಾನಾ ಕ್ಹಾತೆ ಆತಾಮಾ ತಿನೆ ದೆಕಿನ ಮಿ ಸರಮಾವುಸ.

8 ತೆನೈಸೊ ಮಯಾನಾ ಭಾಯೊ, ಆಂ ಯಕ್ಕ ತುಮೆ ಇಕ್ಹರೊ ನಕೊ. ಪ್ರಭುನೆ ಯಕ್ಕ ದಿನ್ನಬಿ ಹಜಾ಼ರ ವರಕ್ಹ ರ‍್ಹಯಲನಿಂಗತ ವ್ಹೈ ವರಿ ಹಜಾ಼ರ ವರಕ್ಹು ಯಕ್ಕದಿನ್ನ ರ‍್ಹಯಲ ನಿಂಗತ ವ್ಹೈ. 9 ದಕ್ಹಾ ಮನಕ್ಹೊ ತಿಳ್ದಲ ತಿಮ್ಮ, ಪ್ರಭು ತೆ ವಾತ ದಿದಲ ತಿಮ್ಮ ಕರಾನು ತಡಾಕರಿನ ಪುರಾ ಕರತೊ ನೈ. ಕ್ಹುದಾ ತುಮಾರಾಹುತಿ ತಡ್ದಿಲಿನೆ ಛೆ ಕಯುಜ಼ ಮನಕ್ಹ ಜ಼ವೈಜೌನೈ ಕೈನ ಕ್ಹುದಾನು ಮನಸ ಛೆ. ಹರಿ ಯಕ್ಲೊ ತಿನು ಮನಸ ಬದ್ಲಿಕರಲಿನ, ಪಾಪ ಕರಾನು ಹುಬ್ರಾಡಿಪಾಡು ಕೈನ ಕ್ಹುದಾನಿ ಆಸ ಛೆ.

10 ತೆನೈಸೊ ಕ್ಹುದಾ ದಿಕ್ಹಾನೊ ಟೈಮ ಚ್ವಟ್ಟೊ ಕಿಮ್ಮ ಆವಸ ತಿಮ್ಮ ಆವಸ. ಹಬಾಳಮಾ ಮ್ಹೊಟಿ ಅವಾಜ಼ಕ್ಹು ಮಾಯಾ ಥಯಲನಿಂಗತ ಹಬಾಳಮಾ ರ‍್ಹಯಲ ಕ್ಹಾರಿ ಸೃಶ್ಟಿಯೊ ಆಗಕ್ಹು ಹಾಳ ಥೈ ಜಾ಼ವಸ. ಆಂ ಜಗತ ವರಿ ತಿಮಾ ರ‍್ಹಯಲ ಕ್ಹಾರುಜ಼ ಆಗಕ್ಹು ಹಾಳ ಥೈಜಾ಼ವಸ.

11 ಮಿ ತುಮೊನೆ ಕದಲ ತಿಮ್ಮ ತರಿಕಾಕ್ಹು ಕ್ಹಾರು ಹಾಳ ಥೈಜಾ಼ವಸ. ತಿನಾಹುತಿ ತುಮೆ ಕೆವಾ ಮನಕ್ಹೊ ಥೌ? ತುಮೆ ಪರಿಶುದ್ಧ ಥೈನ ರ‍್ಹೌ ವರಿ ಭಕ್ತಿವಾಲಾ ರ‍್ಹೌ. 12 ತುಮೆ ಕ್ಹುದಾ ಆವಾನೊ ದಿನ್ನ ದೆಕ್ತಾ ರ‍್ಹೌ. ತೆ ದಿನ್ನ ಆತಾಮಾ, ಹಬಾಳ ಆಗಕ್ಹು ಹಾಳ ಥೈ ಜಾ಼ವಸ. ವರಿ ಹಬಾಳಮಾ ರ‍್ಹಯಲ ಕ್ಹಾರುಜ಼ ಆಗಕ್ಹು ಬಳಿನ ಕರಗೈ ಜಾ಼ವಸ. 13 ಅಪೆತೊ ಕ್ಹುದಾ ವಾತದಿದಲ ಹಬಾಳ ವರಿ ಜಿಮಿನ ದೆಕಾಡಾಸ. ಕ್ಹರಿಬಿ ನಿತಿ ತಿಮಾ ಛೆ.

27 ಯಕ್ಕ ಸಲಾ ಮರಾನು ವ್ಹೈ ಪಾಚಾ಼ತು ನ್ಯಾಯ ತಿರ್ಪ ಮನಕ್ಹೊನೆ ಕಿಮ್ಮ ನೆಮಕ ಥಯಸ, 28 ತಿಮ್ಮಜ ಕ್ರಿಸ್ತಬಿ ಘನ್ನಾ ಮನಕ್ಹನಾ ಪಾಪೊನೆ ಉಚೈಲಿವಾನಾಹುತಿ ಯಕ್ಕ ಸಲಾ ಸಮರ್ಪಿತ ಥಯೊ. ತೆ ಬೆವಾ ಸಲಾ ಪ್ರತ್ಯಕ್ಷ ಥಾವಾನು ಪಾಪ ಪರಿಹಾರ ಕರಾನಾಹುತಿ ನವ್ಹೈ ತಿನೆ ನಿರಿಕ್ಷೆ ಕರಾಲಾವೊನೆ ರಕ್ಷಣೆ ದಿವಾನಾ ಹುತಿ ವ್ಹೈ.