10 Vuza na wi n ucigi ikebe dem, i ci yawa yi ba.
Vuza na u cigai uciyi n a̱bunda̱i u tsu ciya̱ tsu na u cigai ba.
Nava feu gbani ɗa.
11 Tsu na uciyi u yimkpai,
ta feu aza a kulyaꞋa i nannai.
Yiɗa̱i uciyi wa u kudoku vuza vu ɗa,
ɗaɗa u zuwaka u ɗa a̱shi ba?
12 Alavu a zamalinga o ci yokpo ta̱,
ko u lyaꞋa kenu ko n a̱bunda̱i,
ama ka̱bunda̱i ki ili i vuza vu uciyi
ka̱ tsu sa̱nka̱ yi ta̱ alavu.
13 Me ene ta̱ ili i gbani-gbani yoku aduniyan.
Uciyi u na vuza vu u ɗa u foɓoi u zuwa yi ta̱ una̱mgbuka̱tsuma̱,
14 ko ma̱da̱ka̱ ma̱ ka̱na̱ yi uciyi wa u na̱mgba̱,
ali wo okpo ayin na baci u ciya̱i maku
ka̱ta̱ u namba ili i na u ku ka̱sukpa̱ka̱ yi.
15 Koshomboɗi ka vuma wu uta̱i a̱ ka̱tsuma̱ ka̱ a̱na̱ku a̱ ni,
ta feu wi o kubono nannai tsu na u ta̱wa̱i.
Ko ili wi a kuɗika ekiye a̱ ni
a̱ ka̱tsuma̱ ka kataci ka̱ ni,
a na u kuɓa̱na̱ ekiye a̱ ni.