1 Yꞌankwana: yꞌankwana ikishiyaayeekna amaag baaweerna, adil geeb dꞌiinaa. Baraakna han tibreeteeb Ankwanaab tibariineet toona shꞌaana.

2 Toosileel diimaab soorarimni siileelaana, siileelteenihoob digwagwna aree Ukwaasana hamidna. 3 Aree hinee dehaay han siileelaana, aflaay Umasiihiit tikwabasnayteeb tudiigwattooh haay bhaliinayeet daayiit fursa nimeeri jillaaywa, Ukwaasana salal dehoon fandiigi jillaaywa siileelaana. Oon usabbii aree ani oontꞌa usijniib eefi. 4 Ani tudiigwat ibakii daayiib gwꞌagwaat akwasiyi jillaay siileelaana. 5 Baliib yꞌaamanaab baakayni geeb daateenihoob fagaramaana. Tufursa timeernihoob, daayiib haay anfꞌamaana. 6 Ibhaliyaakna diimaab ibakii afirhiseenwa dꞌam ibariinwa ikatiineet toonaati. Aflaay oodehay iraateen kasseeh kak dehaay tigweebneeb tikteenna.

7 Wꞌaraawuun Tiikiikoos whayis nhas ginꞌii Wꞌankwana geeboon shagaamiiniib, aniib usakana kassooh iyaaw hookna indi. 8 Oon usabbii, barooh bareekna beeti afandiig. Baruuh hinin kassaan kak neefiyeeb sooyi hookna indi. Bareekna han isꞌakiiri jillaay dehookna afandiig. 9 Bariiyooh geeb Oonsiimus giigiini. Been baruuh hayiswa amiin sanoonu, baruuh bareesookna gaal ikati. Baraah tooy tikatiina kastooh sooyi hookna iyadna.

10 Ariistaarkoos usijniib geebu eefi aree tishboonay salaamiini hookna. Maarkoos been Barnaabaasi duuraay oor ikati han tishboonay salaamiini hookna. Maarkoos rheesamiiniyuukna aree barooh titehadiirneet toona suur akay soomamtaana. 11 Yasuuꞌa masi Yuustuus ittiyoodi tishboonay salaamiini hookna. Aan aamhay Iyahuudi aamanana eebhat ikatiin. Baraah anii geeb Ukwaasanaayt tehadꞌaayeeti jillaay shagaameen, aree aneeb winneet iishtamnaheeb. 12 Abaafraas, bareesookna gaal ikati aree baruuh Umasiih Yasuuꞌi shagaamana ikati. Baruuh diimaab winneet dehookna siileeliini. Ukwaasana harriiweet toona timmiima tidꞌani jillaay, baruuh dehookna siileeliini. 13 Baruuh bareeyookna jillaaywa Laawdiikiyaaywa Hiiraabliisiibwa eefeen yꞌaamananaayi jillaaywa idꞌiyeeb ushaga wꞌakraab ani uknaayu dehaay badehiib akati. 14 Luuga whakiimiyuun whayiswa Deemaaswa tishboonay salaameen hookna. 15 Laawdiikiyaay eefeen isanaayeenwa tikwaateenwa tishboonay salaamaana. Niimfaab tishboonay salaamaana, tukaniisi batiiyooh ugawiib teefeet han tishboonay salaamaana.

16 Oon ujawaab agriiteeni harꞌii, masi aree tukaniisi Laawdiikiyaay teefeet han ibakii uun ujawaab hooy agriimiiniyeet toonaati. Been oodoor ookna aree Laawdiikiyaay eefeen isanaayaanwa tikwaataanwa diigwateeneeb ujawaab han agriiteeneet toonaati.

17 Arkhibboosii dehaay, "Wꞌankwanaay ushaga wꞌattiyeewiyaab tikatiyeeb ibakii faaysaa." diina.

18 Ani uknaayu wꞌayii toon toona akantiib: Baawloos.

Ani usijniib ahayeet toona baabaadhiinna.

Ukwaasanaayt tinꞌima geebookna badaayiin.