Neemias 4

यहूदियाँ के दुश्मनां का बिरोध करणा

1 जिब सामरिया के शासक सम्बल्‍लत नै सुण्या के यहूदी माणस शहरपनाह नै बणावै सैं, फेर वो घणा छो म्ह होग्या, अर चिढ़कै यहूदियाँ नै मजाक म्ह उड़ाण लाग्या। 2 वो अपणे भाईयाँ के अर सामरिया की सेना कै स्याम्ही न्यू कहण लाग्या, "वे कमजोर यहूदी के करणा चावै सैं? के वे वो काम अपणे बल तै करैगें? के वे अपणी जगहां मजबूत करैगें? के वे यज्ञ करैगें? के वे आज ए सारै नै निपटा देवैंगे? के वे माट्टी के ढेरां म्ह के जळे होए पत्थरां नै फेर नये सिरे तै बणावैगें?" 3 उसकै धोरै तो अम्‍मोनी तोबियाह था, अर वो कहण लाग्या, "जो कुछ वे बणावै सैं, जै कोए लोमड़ी भी उसपै चढ़ै, तो वो उनकी बणाई होई पत्थर की शहरपनाह नै तोड़ देवैगा।"