Lucas 1

जकरयाह रा स्तुति-गान

67 तेबे तेसरा पिता जकरयाह पवित्र आत्मा ते परी गा और भविष्यबाणी करने लगेया,

68 "प्रभु इस्राएलो रा परमेशर धन्य ए,

जो तिने आपणे लोका कनारो खे देखेया और तिना खे छुटकारा दित्तेया

69 और आपणे सेवक दाऊदो रे कराने रे

आसा खे उद्धारकर्ता पेजी राखेया।

70 जेड़ा तिने आपणे पवित्र भविष्यबक्तेया ते बुलवाया था,

जो दुनिया रे शुरूओ ते ऊँदे ऊए आयी रे

71 मतलब-आसा रे दुश्मणा ते

और बैरिया रे आथो ते म्हारा उद्धार करी राखेया।

72 ताकि आसा रे बाप-दादेया पाँदे कृपा करी की आपणी

पवित्र वाचा याद राखो

73 और से कसम जो तिने आसा रे पिते

अब्राहमो साथे खाई थी

74 कि तेस आसा खे ये देणा, ताकि आसे आपणे

दुश्मणा रे आथो ते बची की

75 परमेशरो सामणे पवित्रता, और धार्मिकता साथे

सारी जिन्दगी नच्चके रई की तेसरी सेवा करदे रईए।

76 ओ बाल़क! ताखे परमप्रदान परमेशरो रा भविष्यबक्ता बोलेया जाणा,

कऊँकि तूँ प्रभुए री बाट त्यार करने खे तिना रे आगे-आगे चलणा।

77 ताकि तिना रे लोका खे उद्धारो रा ज्ञान देई सके,

जो तिना रे पापो री माफिया ते मिलोआ।

78 ये आसा रे परमेशरो री तेसा बड़िया दया ते ऊणा;

जेसरी बजअ ते, स्वर्गो ते आसा पाँदे प्यागा रा प्रयासा ऊणा।

79 ताकि न्हेरे रे और मरने वाल़ेया खे जिन्दगी देई सको,

और आसा रे पैरा खे शान्तिया री बाटा रे सीदे चलाई सको।"