मत्ती 20

एकी माया री बिनती

20 तेबे जब्दिए रे पाऊआ री आम्मा आपणे पाऊआ साथे आयी और यीशुए गे माथा टेकेया और तिना ते कुछ मांगणे लगी। 21 यीशुए तेसा खे बोलेया, "तूँ क्या चाए ई?" तेसे बोलेया, "आऊँ चाऊँई कि तूँ वादा कर कि मेरे ये दोनो पाऊ, तेरे राज्य रे, एक दाँणे और एक खूँजे कनारे बैठो।" 22 यीशुए ज्वाब दित्तेया, "तुसे नि जाणदे कि क्या लगी रे मांगणे? जो दुःख आँऊ सईन करने वाल़ा ए, क्या से दुःख तुसे सईन करी सकोए?" तिने बोलेया, "आसे सईन करी सकूँए।" 23 यीशुए तिना खे बोलेया, "तुसे मेरा दुःख तो सईन करी सकोए, पर आपणे दाँणे और खूँजे बठयाल़ना मेरा काम निए, पर जो मेरे पिते री तरफा ते त्यार ए कित्ते रे, तिना राए।"