1 इजी ते बाद यहोवे माखे बोलेया, "जा! आपणी लाड़िया ते फेर प्यार कर। से केसी दूजे माणूंए ते प्यार करोई। ओर तेसे व्याभिचार करी राखेया ए। पर आऊँ चाऊँआ कि तूँ तेसा ते तेड़ा ई प्यार करे जेड़ा आऊँ इस्राएलो रे लोका ते करूँआ। सेयो पराये देवतेया रिया तरफा खे फिरोए। ओर तिना खे बाल देवते खे किशमिशो रिया टिक्किया चढ़ाणा ओर खाणा पसन्द ए। इजी ते बाद बी आऊँ आपणे लोका ते प्यार करूँआ।" 2 यहोवे रे एड़ा बोलणे ते बाद आऊँ गया ओर तेबे मैं 171 ग्राम चाँदिए रे सिक्के और 150 किलो जौ देई की से फेर खरीदी ली। 3 तेबे मैं तेसा खे बोलेया, "तूँ कईया दिना तक मेरिया तँईं बैठी दी रया ओर ना तो व्याभिचार करना ओर ना केसी ओरी मर्दो साथे गल़त काम करना ओर मां बी तेरिया तँईं एड़ा ई करना।" 4 कऊँकि इस्राएल लाम्बे बखतो ते बिना राजा, बिना परदान, बिना बलिदान, पवित्र खम्बेया, पुरोईता या एथो तक कि बिना मूर्तिया रे बी रणा, 5 पर बादो ते, इस्राएलो रे लोक आपणी मूर्तिया री पूजा करने ते पछताणे ओर आपणे परमेशर यहोवे गे वापस आई की तेसरी आराधना करने लगणे। ओर तिना आपणे राजा दाऊदो रे वंशो री सेवा बी करनी अन्तो रे दिना दे सेयो यहोवे गे आऊणे, तेसरा आदर करना ओर तेसरे सामणे थरथराणे, ओर तेस तिना खे आशीर्वाद देणा।